elfatih
14-09-2015, 07:28 AM
من أرض المحنّة
المجانين يسرحون ويمرحون في شوارع ودمدني أخي المعتمد
================================
قبل يومين واحد من المجانين ضرب امراة في شارع اتجاه واحد بالقرب من بنك الخرطوم بي طوبة في راسها .
مع الظروف الاقتصادية الضاغطة وقسوة الحياة وخيبة الامال وعدم تحقيق الاحلام والتطلعات ازداد عددهم في الشوارع بي صورة مزعجة فيهم من يحمل حديدة في يده مشكلا خطورة بالغة علي المواطنين وخاصة في منطقة السوق .
بعضهم يهيم علي وجهه وهو شبه عاري وعورته بائنة للعيان يشاهده الصغير والكبير من النساء والرجال ويكثر تواجدهم عند موعد انصراف الطالبات والطلاب من المدراس مشكلا منظرا غير اخلاقي يشاهده اطفالنا من البنات والاولاد .
فلان وين والله قالوا عيان اهله حابسينه في البيت وامه خلت المرقة والدخلة حارسا ولدها بقي يمرق الشارع ويجدع بالحجار والله ماقدروا عليه ودوه مستشفي العصبية قالوا ادوه كهرباء في راسه والموضوع زاد شديد جارتهم قالت ليهم انا عندي ود اخوي ودوه الشكينيبة الجنب المناقل عند ناس المكاشفي اتعالج والله يا اختي دا مامرض دكاترة .
هو مالو سببه شنو قالوا شرب ليه سيجارة بنقو ومن ديك مخه ضرب قالوا يا اختي الجن بتاع البنقو دا ما بتعالج لو ودوه للشيخ وعرف انه دا مجنون بنقوا مابقدر يعالجه وبربطوا بالجنازير في المسيد حتي يستلم الله امانته النوعية دي كمان معاها المجانين الجنوا وهم ماسكين أسم يعني شنو ماسكين أسم يا اختي ديل البسبحوا باسماء الله الحسني بأعداد كبيرة بدون رعاية من شيخ يتابعهم ويحميهم من ظهور الشواطين لهم بأشكال مرعبة ومفزعة ديل برضو جنهم دا مابتعالج واهلهم بلفوا بيهم كل الشيوخ ومافي فايدة ودوه ود الابيض عند الشيخ عبدالله ودوه عند ناس الشيخ عبدالباقي في طيبة ودوه عند اليعقوباب في قرية طباخة مافي فايدة ماخلوا دكتور طه بعشر ولا دكتور حسبو ولامستشفي التجاني الماحي برضوا الحال زي ماهو .
طيب يودوه المصحة حقت السجن لكن الناس تقول شنو ناس فلان ودو ولدهم السجن في النهاية قالوا احسن يربطوه في البيت وعملوا ليه قيد وربطوه علي السرير.
خيار المصحة النفسية والتابعة للسجون كان خيار متاح وخاصة للمرضي النفسيين مجهولي الهوية او كما نطلق عليهم نحن المجانيين وسعادة اللواء معاش احمد ابوزيد احمد بحكم عمله السابق في السجون يعلم حال المصحات حاليا والمرتبطة بالميزانيات والمخصصة للاعاشة وبحكم المخصصات البسيطة تفضل السلطات ان يظل المجانين مطلوقين في الشوارع يعني ماعندهم حق الاكل لهولاء المجانين يمكن في الشهور الجاية يزداد عددهم وتزداد كوارثهم يجب تدارك الامر والتنسيق مع السلطات المركزية وان تعود هذه المصحات للعمل بعد توفير الميزانيات الخاصة بها كل يوم في واحد عيان جديد ناس البلد شداد علي اولادهم العيانين لكن المصيبة في الوافدين والذين يجوبون الاسواق مهددين حياة الناس نظرة سعادة اللواء الي هذه الظاهرة والكل يوم ماشة في زيادة .
المجانين يسرحون ويمرحون في شوارع ودمدني أخي المعتمد
================================
قبل يومين واحد من المجانين ضرب امراة في شارع اتجاه واحد بالقرب من بنك الخرطوم بي طوبة في راسها .
مع الظروف الاقتصادية الضاغطة وقسوة الحياة وخيبة الامال وعدم تحقيق الاحلام والتطلعات ازداد عددهم في الشوارع بي صورة مزعجة فيهم من يحمل حديدة في يده مشكلا خطورة بالغة علي المواطنين وخاصة في منطقة السوق .
بعضهم يهيم علي وجهه وهو شبه عاري وعورته بائنة للعيان يشاهده الصغير والكبير من النساء والرجال ويكثر تواجدهم عند موعد انصراف الطالبات والطلاب من المدراس مشكلا منظرا غير اخلاقي يشاهده اطفالنا من البنات والاولاد .
فلان وين والله قالوا عيان اهله حابسينه في البيت وامه خلت المرقة والدخلة حارسا ولدها بقي يمرق الشارع ويجدع بالحجار والله ماقدروا عليه ودوه مستشفي العصبية قالوا ادوه كهرباء في راسه والموضوع زاد شديد جارتهم قالت ليهم انا عندي ود اخوي ودوه الشكينيبة الجنب المناقل عند ناس المكاشفي اتعالج والله يا اختي دا مامرض دكاترة .
هو مالو سببه شنو قالوا شرب ليه سيجارة بنقو ومن ديك مخه ضرب قالوا يا اختي الجن بتاع البنقو دا ما بتعالج لو ودوه للشيخ وعرف انه دا مجنون بنقوا مابقدر يعالجه وبربطوا بالجنازير في المسيد حتي يستلم الله امانته النوعية دي كمان معاها المجانين الجنوا وهم ماسكين أسم يعني شنو ماسكين أسم يا اختي ديل البسبحوا باسماء الله الحسني بأعداد كبيرة بدون رعاية من شيخ يتابعهم ويحميهم من ظهور الشواطين لهم بأشكال مرعبة ومفزعة ديل برضو جنهم دا مابتعالج واهلهم بلفوا بيهم كل الشيوخ ومافي فايدة ودوه ود الابيض عند الشيخ عبدالله ودوه عند ناس الشيخ عبدالباقي في طيبة ودوه عند اليعقوباب في قرية طباخة مافي فايدة ماخلوا دكتور طه بعشر ولا دكتور حسبو ولامستشفي التجاني الماحي برضوا الحال زي ماهو .
طيب يودوه المصحة حقت السجن لكن الناس تقول شنو ناس فلان ودو ولدهم السجن في النهاية قالوا احسن يربطوه في البيت وعملوا ليه قيد وربطوه علي السرير.
خيار المصحة النفسية والتابعة للسجون كان خيار متاح وخاصة للمرضي النفسيين مجهولي الهوية او كما نطلق عليهم نحن المجانيين وسعادة اللواء معاش احمد ابوزيد احمد بحكم عمله السابق في السجون يعلم حال المصحات حاليا والمرتبطة بالميزانيات والمخصصة للاعاشة وبحكم المخصصات البسيطة تفضل السلطات ان يظل المجانين مطلوقين في الشوارع يعني ماعندهم حق الاكل لهولاء المجانين يمكن في الشهور الجاية يزداد عددهم وتزداد كوارثهم يجب تدارك الامر والتنسيق مع السلطات المركزية وان تعود هذه المصحات للعمل بعد توفير الميزانيات الخاصة بها كل يوم في واحد عيان جديد ناس البلد شداد علي اولادهم العيانين لكن المصيبة في الوافدين والذين يجوبون الاسواق مهددين حياة الناس نظرة سعادة اللواء الي هذه الظاهرة والكل يوم ماشة في زيادة .