بقلمي / حاجات تحير

[عاشق الترحال]

جد في حاجات كده بتحير الزول وتخليك تقعد مع نفسك تحسب مليون حساب وتقرر أنك تقاطع علاقاتك خارج الاسفير وتكتفي بالحروف فقط داخل الاسفير في حدود معينة لا تتعدي الرد علي مشاركة لاقت وقع في نفسك او احدثت فيك شيئا لجمالها وتكون دون مجاملة . في ناس بتكون خاتيهم في مكانة اخوانك واخواتك وخالاتك وعماتك واعمامك جميعهم عرفتهم من خلال الاسفير وشائت الاقدار ان تصل معاهم مرحلة من التواصل حد تبادل ارقام الجوال وبكون سائد بيناتكم الاحترام والود وتبادل الاتصال بينكم متقطع من فترة لفترة بغرض الإطمئنان علي الصحه او تهنئة بمناسبة او تعزية او شئ من هذا القبيل . عندما يأتي العيد بنسارع نهنئ كل قريب وبعيد متمنين له الخير وكل الاماني الجميلة . لما تتصل علي أحد في العيد وما يرد ليك وتعيد الاتصال من تاني في فترة لاحقة وبرضو ما يرد ليك بتعزرو وتقول بكون مشغول بالضيوف او مناسبة او غيره وبتخت ليه ألف عزر وبتقول عل وعسي ان يتصل عليك بعد يخلص وبعد مرور يومان تقوم ترسل ليه رساله تهنئة بالعيد ويجيك تقرير بالإستلام وأبسط حاجة تتوقعها انه يرد ليك رسالتك بتهنئة إن لم تكن أجمل لا تكون سيئة ولكن للأسف لم يأتي الرد فساعتها بتقرر انه لحد هنا وكفي إتصالات ورسائل مع ذاك الشخص او غيره وتكتفي فقط بالاسفير وبمجرد قفل البيانات تنتهي العلاقة ، ناس السلك العسكري بقولو : ( خوة الكاب حدها الباب ) وانا بقول : ( خوة الاسفير حدها قفل البيانات ) وبمجرد إغلاق البيانات تنتهي العلاقة وكفي المؤمنين شر الإتصال و الارسال . وفي واحد يحيرك وما تعرف تعاتبو او تلومو ويقلبك البتقولو ليه مثلا ترسل ليه مهنئا بالعيد وبعد ايام يرد ليك يقول ليك ما رديت ليك سريع قلت احتمال ازعجك فتحتار تعمل شنو وتقول في نفسك هل هذا لرهافة الحس أم لشئ ما في نفس يعقوب وما بين هذا وذاك بتترك الباب موارب ولكن من جانبك لا تبدأ بالطرق.. وكثير بتلاحظ تغيير علي وجوه فلا تدري ما هو السبب هل لسوء معاملة او فهم ام لخطأ منك لم تراه في نفسك وهو استطاع ان يراه فيك ولكن لم يملك الجرأة الكافية ليبين لك خطئك وهذا لإثنان أجملها في واحدة(المؤمن مرأة أخيه) وإن خلت هذه منه فأنت سائر في ما أنت عليه ويظل التغيير قائما والحيرة عليك بادية ولكي لا تشغل نفسك كثيرا يكون التجاهل والتناسي هو الحل الانسب مع قطع الاتصال والتواصل بإغلاق البيانات .

[أبا إيثار]

جد في حاجات كده بتحير الزول وتخليك تقعد مع نفسك تحسب مليون حساب وتقرر أنك تقاطع علاقاتك خارج الاسفير وتكتفي بالحروف فقط داخل الاسفير في حدود معينة لا تتعدي الرد علي مشاركة لاقت وقع في نفسك او احدثت فيك شيئا لجمالها وتكون دون مجاملة . في ناس بتكون خاتيهم في مكانة اخوانك واخواتك وخالاتك وعماتك واعمامك جميعهم عرفتهم من خلال الاسفير وشائت الاقدار ان تصل معاهم مرحلة من التواصل حد تبادل ارقام الجوال وبكون سائد بيناتكم الاحترام والود وتبادل الاتصال بينكم متقطع من فترة لفترة بغرض الإطمئنان علي الصحه او تهنئة بمناسبة او تعزية او شئ من هذا القبيل . عندما يأتي العيد بنسارع نهنئ كل قريب وبعيد متمنين له الخير وكل الاماني الجميلة . لما تتصل علي أحد في العيد وما يرد ليك وتعيد الاتصال من تاني في فترة لاحقة وبرضو ما يرد ليك بتعزرو وتقول بكون مشغول بالضيوف او مناسبة او غيره وبتخت ليه ألف عزر وبتقول عل وعسي ان يتصل عليك بعد يخلص وبعد مرور يومان تقوم ترسل ليه رساله تهنئة بالعيد ويجيك تقرير بالإستلام وأبسط حاجة تتوقعها انه يرد ليك رسالتك بتهنئة إن لم تكن أجمل لا تكون سيئة ولكن للأسف لم يأتي الرد فساعتها بتقرر انه لحد هنا وكفي إتصالات ورسائل مع ذاك الشخص او غيره وتكتفي فقط بالاسفير وبمجرد قفل البيانات تنتهي العلاقة ، ناس السلك العسكري بقولو : ( خوة الكاب حدها الباب ) وانا بقول : ( خوة الاسفير حدها قفل البيانات ) وبمجرد إغلاق البيانات تنتهي العلاقة وكفي المؤمنين شر الإتصال و الارسال . وفي واحد يحيرك وما تعرف تعاتبو او تلومو ويقلبك البتقولو ليه مثلا ترسل ليه مهنئا بالعيد وبعد ايام يرد ليك يقول ليك ما رديت ليك سريع قلت احتمال ازعجك فتحتار تعمل شنو وتقول في نفسك هل هذا لرهافة الحس أم لشئ ما في نفس يعقوب وما بين هذا وذاك بتترك الباب موارب ولكن من جانبك لا تبدأ بالطرق.. وكثير بتلاحظ تغيير علي وجوه فلا تدري ما هو السبب هل لسوء معاملة او فهم ام لخطأ منك لم تراه في نفسك وهو استطاع ان يراه فيك ولكن لم يملك الجرأة الكافية ليبين لك خطئك وهذا لإثنان أجملها في واحدة(المؤمن مرأة أخيه) وإن خلت هذه منه فأنت سائر في ما أنت عليه ويظل التغيير قائما والحيرة عليك بادية ولكي لا تشغل نفسك كثيرا يكون التجاهل والتناسي هو الحل الانسب مع قطع الاتصال والتواصل بإغلاق البيانات .


الحبيب مرهف الإحساس عميق الحضور / عاشق الترحال

كل سنة وإنت طيب صديقي الجميل وربي يحقق أمنياتك ويمتعك بالصحة والعافية
والله ياحبوب كلام جميل جداً وواقعي جداً وحاصل طالما كان الإمتداد ذلكم الإسفير
لنا أن نتوقع كل شئ طالما كان إختراقنا عنوة وصادف هوي في نفسنا وباركنا تواصل
الآخر بنفس الأريحية علينا أن نتحمل تبعات الآتي وكفي ...؟
ولكن قبل هذا وذاااك وحتي لاتحوم الفرضيات وتسبب لنا أزمة تواصل لنصبغها علي الكل
عليك صديقي وكما عهدتك دوماً بشفافيتك المرهفة أن تجعل التواصل مع الآخر نعمة لانغمة
وأن تعطي دون أن تنتظر هي مساحات أحيانا يصادف طيبها عمق مانحس وعلينا أن نفرد
لها براحات نحاول أن لاتمس دواخلنا حين فقدانها ..

جميل أن تخرج بكل هذا الكم بنفر قليل وأكيد إنت الكسبان .

[عاشق الترحال]

الحبيب مرهف الإحساس عميق الحضور / عاشق الترحال

كل سنة وإنت طيب صديقي الجميل وربي يحقق أمنياتك ويمتعك بالصحة والعافية
والله ياحبوب كلام جميل جداً وواقعي جداً وحاصل طالما كان الإمتداد ذلكم الإسفير
لنا أن نتوقع كل شئ طالما كان إختراقنا عنوة وصادف هوي في نفسنا وباركنا تواصل
الآخر بنفس الأريحية علينا أن نتحمل تبعات الآتي وكفي ...؟
ولكن قبل هذا وذاااك وحتي لاتحوم الفرضيات وتسبب لنا أزمة تواصل لنصبغها علي الكل
عليك صديقي وكما عهدتك دوماً بشفافيتك المرهفة أن تجعل التواصل مع الآخر نعمة لانغمة
وأن تعطي دون أن تنتظر هي مساحات أحيانا يصادف طيبها عمق مانحس وعلينا أن نفرد
لها براحات نحاول أن لاتمس دواخلنا حين فقدانها ..

جميل أن تخرج بكل هذا الكم بنفر قليل وأكيد إنت الكسبان .

وانت طيب يا صديقي وربنا يحقق كل الاماني ويديك العافية ويسعدك في الدارين .. كما ذكرت فعلا حاصل وكثير من الناس ذكرو بعد حديثي هذا انو بيحصل معهم نفس الشئ ..
والله يا حبيب انت بتبارك التواصل والتواصل ما بكون يوميا متقطع بترسل للزول تسلم عليه وتطمن علي صحتو وفي النهاية انت الزول ده ما داير منو حاجه ولا مترجي منو حاجه بس جمعكم واسفير لا اكثر والفضول قادتك اديتو رقم جوالك او شلت منو رقم جوالو ولمن ترسل ليه او تتصل عليه ويطنشك اول حاجه بتضع ليه ألف عزر يمكن مشغول ويمكن ويمكن لكن في نفس الوقت تجدو بشارك وبكتب بتقعد مع نفسك وبتضع حد وبتقرر انو تكتفي بمن يواصلونك وتواصلهم مع عدم بناء علاقات جديدة خارج الاسفير وبمجرد قفل البيانات تنتهي العلاقة ..اذا هذه هي تبعات الاتي فالنتحمل بقدر المستطاع ما نقدر ان تحمله. .
التواصل نعمة ولكن في بعض الاحيان بتحس انو نغمة وبتحس انك انسان مزعج لا أكثر بالنسبة للطرف الآخر ..
كما عهدتني اني اعطي ولا انتظر شيئا ولا أقبل بما هو اكثر من ما استحق..
تسلم كتير يا حبيب وانتظر عودتك هنا مجددا واسف لعدم التنسيق الناتج عن استعمال الجوال واسف للتأخير فالمنتديات تحتاج لشبكة أوي فهي ليست كالواتساب وغير فتلك تطبيقات خفيفة لا تتأثر كثير بسوء الشبكة.

[ياسر عمر الامين]

حبيبنا الغالى عاشق الطرح...لانك رقيق وطيب ما بترجو الا الطيب...بس دى الدنيا كده يا حبوب...كتيرين بتتوسم فيهم الخير وبتتعامل معاهم بتلقائية وصفاء نية لكن فى العندو ظروف وفى الماحابى يتواصل اصلا عشان كده أجد للبعض العذر والبعض الاخر شيلو من القائمة طوالى...باى زا واى ما جاتنى منك رسالة :cool: ...

[عاشق الترحال]

حبيبنا الغالى عاشق الطرح...لانك رقيق وطيب ما بترجو الا الطيب...بس دى الدنيا كده يا حبوب...كتيرين بتتوسم فيهم الخير وبتتعامل معاهم بتلقائية وصفاء نية لكن فى العندو ظروف وفى الماحابى يتواصل اصلا عشان كده أجد للبعض العذر والبعض الاخر شيلو من القائمة طوالى...باى زا واى ما جاتنى منك رسالة :cool: ...

الحبيب سلامات وحجا مبرورا وسعيا مشكورا ...
شفتة ياحبيب البنوجد ليهم العزر ديل ما دايرين
منهم اي حاجه ولا قليل ولا كثير فقط تفقد احوال
لا اكثر لكن مرات كده ...خليها بالنية بس واكيد فاهمني. .
هههههههههههه طممو بطنا بقينا ماقعدين نرسل لكن بتجيك ان شاء الله. .