elfatih
08-10-2014, 05:55 AM
ودمدني كانت ايام جميلة
الشربة – السنه – الطشمه – القعدة – العدل – السكرة- الطشة
وانت في ودمدني قبل سنة 1983 وانت ماشي بي شارع البحر بعد الساعة تسعة مساء تسأل الليلة جنينة كعكاتي فيها حفلة بي منو وخاصة اذا كان الوقت اخر الشهر مع صرف المواهي تسمع الاغاني مختلطة مع بعض حقيبة مع اغاني حديثة وصوت الة العود ياتيك وتلك زغرودة تنطلق من الداخل يخيل اليك ان ودمدني كلها داخل هذه الجنينة البعض اعتلى الترابيز وتراهم شلل شلل تقريبا ناس مصلحة كذا حاجزين ليهم كم تربيزة والمصلحة الفلانية يحبون الجلوس في الترابيز الفي المسطبة المقابلة البحر وناس فلان ديلك جابوا ليهم زجاجة عرقي بالدس من النقادي مايشوفها وكمية من الزجاج بيرة ابوجمل مكتوب عليها فابريقة النيل الازرق والشري بمختلف الاسماء ابوتركتر – على شمالك – البلابل – قمرنا – خمسة نجوم – ثلاثة نجوم – فلاش - منه من تستخرج منه الفلة بذلك المفتاح بتاع الصلصة والحاجة الباردة مع الاضافة له ذلك الحلزون والذي يغرس في الفلة ويلف حتى يتمكن في الفلة وتنزع الفلة محدثة ذلك الصوت المميز .
اشهر جرسون في جنينة كعكاتي هو رحيمة تسمع الكل يصيح يارحيمة تعال يارحيمة كبدة ابل يارحيمة زقني اذا طلبت بيرة او شري لابد لك ان تدفع حق الزجاجة وبعدين تحضر لك خوفا من ان تطش وبعدين ماتدفع .
التكاسي واقفة بره منتظرة الزبائن لحمله الي الحلة الجديدة لقضاء النصف الاخر من السهرة هنالك مع الحبشيات واول كلام للحبشية معك هو ( تسقني بيرة ) .
جنينة كعكاتي مكانها الان منتزه مسك الختام .
بار الضلمة وبار الزيزفون وبار ابوشمس وبار ريمون صقال وبار عزيز - من الزبائن من يجلس في البار في الداخل ومنهم من يجلس في البرندة خالفا رجل فوق رجل لايهمه حركة الناس والناس اصلا ماشغالة بيه ومنهم من ياخذ طلبه ملفوفا في كيس الورق وقبل ذلك ملفوف بنلك الجرائد الاجنبية زي النوع دا بكون عنده قعدة في مكان ما .
نادي الجزيرة للاعضاء فقط وبه بار زي بار الكاوبويات فيه تلك الكراسي التي تلف وتجلس في البار ويخدمك عامل البار لو عاوز بالكاس يعني تخيل نفسك بتشاهد فيلم لرعاة البقر في السينما وتزداد حركة نادي الجزيرة في المواسم خاصة في حفلة راس السنة حيث يكثر الرواد .
الجماعة الخمرة لعبت بي راسهم وقالوا العرقي دا ماقوي كدي جيب كبريته ونجرب نشوفه شالوا القزازة الفاضية وحركو ماتبقى منها ورموا عود الكبريت في الزجاجة اشتعل عود الكبريت بلون ازرق محدثا صوتا الجماعة قالوا العركي قوي .
في الاعراس كان العريس في كثير من تلك الاعراس يوفر الشربة الي الفنان والعازفين بالاضافة الي عشاء الفنانيين كنا نشاهد بعض العازفين عندهم شرفة وهم يخبئون زجاج الشري في بيت الكمانة او بيت أي الة موسيقية تابعة لهم .
نادي المصارف مكان السينما القديمة اشتهر بذلك البار الكبير وكان تجمع لكثير من القعدات والحفلات التي تقام فيه .
كذلك كان سكن العزاب والذين يعملون في بعض الدوائر الحكومية وتوفر لهم هذه الدائرة سكنا اصطلح علي تسميته بالميز كان ايضا تجمع للكثير من القعدات .
سكرة عرقي العيش تسري تدريجيا الواحد يشرب ويشرب وفجأة يقيف لمبة عكس عرقي البلح والذي تسري سكرته سريعا عرقي العيش له رائحة كريهة يمكن ان تشمها في اللذين يشربون هذا النوع .
قالوا بيت النخلة يعني البيت الفيه شجرة النخل في الحلة الجديدة العرقي حقهم تمام - ولا تمشي بيت ناس الزاندي بيت مارتن في منتزه من منتزهات المزاد كان مشهور ببيع العرقي النظيف .
قال ليك الجماعة اتلموا في بيت قردة عدلهم هنالك والعدل هو التجمع يوميا في مكان محدد لتناول المسكر والاكل في هذا المكان نظير شيرنق يومي يتفقون عليه كان الاشهر في هذا العدل اسمه مثل اسم صاحب المسامر والذي تركه في المنزل والذي باعه ويحضر كل يوم ليرى المسمار طبعا ماعاوز اقول الاسم .
برضوا عدل بتاع واحد سيد قهوة شهير صار هذا العدل ينسب اليه وطبعا ديل كلهم في الحلة .
الناس دي زمان كمية كبيرة منها كانت بتشرب المدرس والموظف والعامل والبوليس والجياشي والدكتور والمهندس بس كانت ناس منضبطة وظيفيا الحضور الي مكان العمل في المواعيد الرسمية ولايمكن ان تعين في وظيفة ولو كنت ابن السلطان لامجاملة في ذلك الكفائة هي المعيار عكس المتدينون الجدد والذين يسرقون مال النبي في هذا الزمان الكئيب .
ام صوفة مكانها الان شندي فوق كانت مكان السكر الشعبي المريسة والكوجومورو والعسلية لكي تعرف وين الشربة اليوم كانت ترفع اعلام فوق البيت الفيه الشربة عشان ماتتعب وتفتش شوفوا بالله الخدمات دي كيف .
صاحبنا اتملا تب وجاء يقطع خور شندي فوق يمشي خطوة الي الامام وثلاثة خطوات نحو الخلف وانت تسمع ذلك الصوت والذي يخرج منه هق هق هق ومع كل هق تخرج قطعة فشفاش من فمه مامعروف اكل فشفاش عتوت ولا شنو .
الشلة خلصت عملها التجاري او الحكومي واول حاجة مشوا الزنكي اشتروا اللحمة والسلطة والشطة الخضراء وشالوا دا كله في اكياس ورق اسمنتية والذهاب للمقيل في الحلة نزلوا صفيحة صفيحتين من المريسة وفي اخر القيم كحلوها بي زجاجة عرقي حتي وقت متاخر من الليل .
ظهر مشروب يعتبر راقي شوية اسمه الجنزبيل اغلا سعرا من المريسة والعسلية كان يطلق عليه شراب الطلبة .
الجماعة كل يوم بقعدوا في بيت ناس فلان الطشه والغناء والحلة تجقجق في النار وفي النهاية تحصل الشكلة ويقلبوا الحلة في الارض يمكن ان يتكرر هذا المنظر يوميا .
يا جماعة الليلة نقطع نمشي الرملة بي هنالك ود ابورونجة قال عامل لينا اليوم حلة كاربة ياجماعة ابعدوا من مراكب الناس الصعبين ديل هناك في مركب السماكي ود فواد اقطعوا بيها كدي اتاكدوا فيها كوره او حلة عشان تغرفوا بيها الموية من بطن المركب لانها بتسرب موية كثيرة .
يمكن ان يتكرر منظر الشربة في جنينة كعكاتي وغيره من الاماكن مرة في الشسهر او كل يوم خميس وفي مناسبات الافراح نادرا مايكون يوميا والا تحول الي ادمان والقليل كان كذلك في ذلك الزمان .
ياخي الحلة الجديدة بعيدة جيب لينا من حسن تاتاي او دلدوم او خرطومية ديل اولاد فريق البحر واولاد ودازرق دايرين الطشمة القريبة منهم مكسلين من المشوار .
المساطب بالقرب من بلدية ودمدني او قدر ظروفك كانت في بداياتها مكان لتجمع السمار والندام .
هذا تاريخ مدينة هل يمكن القفز من فوقه دا كله كان حاصل وحتي قيام نميري بتكسير زجاجات الخمر ومنعها وقيام محاكم العدالة الناجزة للتاريخ اسهم نميري بتلك الخطوة في بداية الثمانينات في تحجيم هذه الظاهرة ويمكن ان تكون قد تلاشت الان واصبحت في نطاق ضيق للغاية في زمان انتشرت فيه حتى يخيل لك ان المدينة كلها بتشرب في ذلك الزمان .
الشربة – السنه – الطشمه – القعدة – العدل – السكرة- الطشة
وانت في ودمدني قبل سنة 1983 وانت ماشي بي شارع البحر بعد الساعة تسعة مساء تسأل الليلة جنينة كعكاتي فيها حفلة بي منو وخاصة اذا كان الوقت اخر الشهر مع صرف المواهي تسمع الاغاني مختلطة مع بعض حقيبة مع اغاني حديثة وصوت الة العود ياتيك وتلك زغرودة تنطلق من الداخل يخيل اليك ان ودمدني كلها داخل هذه الجنينة البعض اعتلى الترابيز وتراهم شلل شلل تقريبا ناس مصلحة كذا حاجزين ليهم كم تربيزة والمصلحة الفلانية يحبون الجلوس في الترابيز الفي المسطبة المقابلة البحر وناس فلان ديلك جابوا ليهم زجاجة عرقي بالدس من النقادي مايشوفها وكمية من الزجاج بيرة ابوجمل مكتوب عليها فابريقة النيل الازرق والشري بمختلف الاسماء ابوتركتر – على شمالك – البلابل – قمرنا – خمسة نجوم – ثلاثة نجوم – فلاش - منه من تستخرج منه الفلة بذلك المفتاح بتاع الصلصة والحاجة الباردة مع الاضافة له ذلك الحلزون والذي يغرس في الفلة ويلف حتى يتمكن في الفلة وتنزع الفلة محدثة ذلك الصوت المميز .
اشهر جرسون في جنينة كعكاتي هو رحيمة تسمع الكل يصيح يارحيمة تعال يارحيمة كبدة ابل يارحيمة زقني اذا طلبت بيرة او شري لابد لك ان تدفع حق الزجاجة وبعدين تحضر لك خوفا من ان تطش وبعدين ماتدفع .
التكاسي واقفة بره منتظرة الزبائن لحمله الي الحلة الجديدة لقضاء النصف الاخر من السهرة هنالك مع الحبشيات واول كلام للحبشية معك هو ( تسقني بيرة ) .
جنينة كعكاتي مكانها الان منتزه مسك الختام .
بار الضلمة وبار الزيزفون وبار ابوشمس وبار ريمون صقال وبار عزيز - من الزبائن من يجلس في البار في الداخل ومنهم من يجلس في البرندة خالفا رجل فوق رجل لايهمه حركة الناس والناس اصلا ماشغالة بيه ومنهم من ياخذ طلبه ملفوفا في كيس الورق وقبل ذلك ملفوف بنلك الجرائد الاجنبية زي النوع دا بكون عنده قعدة في مكان ما .
نادي الجزيرة للاعضاء فقط وبه بار زي بار الكاوبويات فيه تلك الكراسي التي تلف وتجلس في البار ويخدمك عامل البار لو عاوز بالكاس يعني تخيل نفسك بتشاهد فيلم لرعاة البقر في السينما وتزداد حركة نادي الجزيرة في المواسم خاصة في حفلة راس السنة حيث يكثر الرواد .
الجماعة الخمرة لعبت بي راسهم وقالوا العرقي دا ماقوي كدي جيب كبريته ونجرب نشوفه شالوا القزازة الفاضية وحركو ماتبقى منها ورموا عود الكبريت في الزجاجة اشتعل عود الكبريت بلون ازرق محدثا صوتا الجماعة قالوا العركي قوي .
في الاعراس كان العريس في كثير من تلك الاعراس يوفر الشربة الي الفنان والعازفين بالاضافة الي عشاء الفنانيين كنا نشاهد بعض العازفين عندهم شرفة وهم يخبئون زجاج الشري في بيت الكمانة او بيت أي الة موسيقية تابعة لهم .
نادي المصارف مكان السينما القديمة اشتهر بذلك البار الكبير وكان تجمع لكثير من القعدات والحفلات التي تقام فيه .
كذلك كان سكن العزاب والذين يعملون في بعض الدوائر الحكومية وتوفر لهم هذه الدائرة سكنا اصطلح علي تسميته بالميز كان ايضا تجمع للكثير من القعدات .
سكرة عرقي العيش تسري تدريجيا الواحد يشرب ويشرب وفجأة يقيف لمبة عكس عرقي البلح والذي تسري سكرته سريعا عرقي العيش له رائحة كريهة يمكن ان تشمها في اللذين يشربون هذا النوع .
قالوا بيت النخلة يعني البيت الفيه شجرة النخل في الحلة الجديدة العرقي حقهم تمام - ولا تمشي بيت ناس الزاندي بيت مارتن في منتزه من منتزهات المزاد كان مشهور ببيع العرقي النظيف .
قال ليك الجماعة اتلموا في بيت قردة عدلهم هنالك والعدل هو التجمع يوميا في مكان محدد لتناول المسكر والاكل في هذا المكان نظير شيرنق يومي يتفقون عليه كان الاشهر في هذا العدل اسمه مثل اسم صاحب المسامر والذي تركه في المنزل والذي باعه ويحضر كل يوم ليرى المسمار طبعا ماعاوز اقول الاسم .
برضوا عدل بتاع واحد سيد قهوة شهير صار هذا العدل ينسب اليه وطبعا ديل كلهم في الحلة .
الناس دي زمان كمية كبيرة منها كانت بتشرب المدرس والموظف والعامل والبوليس والجياشي والدكتور والمهندس بس كانت ناس منضبطة وظيفيا الحضور الي مكان العمل في المواعيد الرسمية ولايمكن ان تعين في وظيفة ولو كنت ابن السلطان لامجاملة في ذلك الكفائة هي المعيار عكس المتدينون الجدد والذين يسرقون مال النبي في هذا الزمان الكئيب .
ام صوفة مكانها الان شندي فوق كانت مكان السكر الشعبي المريسة والكوجومورو والعسلية لكي تعرف وين الشربة اليوم كانت ترفع اعلام فوق البيت الفيه الشربة عشان ماتتعب وتفتش شوفوا بالله الخدمات دي كيف .
صاحبنا اتملا تب وجاء يقطع خور شندي فوق يمشي خطوة الي الامام وثلاثة خطوات نحو الخلف وانت تسمع ذلك الصوت والذي يخرج منه هق هق هق ومع كل هق تخرج قطعة فشفاش من فمه مامعروف اكل فشفاش عتوت ولا شنو .
الشلة خلصت عملها التجاري او الحكومي واول حاجة مشوا الزنكي اشتروا اللحمة والسلطة والشطة الخضراء وشالوا دا كله في اكياس ورق اسمنتية والذهاب للمقيل في الحلة نزلوا صفيحة صفيحتين من المريسة وفي اخر القيم كحلوها بي زجاجة عرقي حتي وقت متاخر من الليل .
ظهر مشروب يعتبر راقي شوية اسمه الجنزبيل اغلا سعرا من المريسة والعسلية كان يطلق عليه شراب الطلبة .
الجماعة كل يوم بقعدوا في بيت ناس فلان الطشه والغناء والحلة تجقجق في النار وفي النهاية تحصل الشكلة ويقلبوا الحلة في الارض يمكن ان يتكرر هذا المنظر يوميا .
يا جماعة الليلة نقطع نمشي الرملة بي هنالك ود ابورونجة قال عامل لينا اليوم حلة كاربة ياجماعة ابعدوا من مراكب الناس الصعبين ديل هناك في مركب السماكي ود فواد اقطعوا بيها كدي اتاكدوا فيها كوره او حلة عشان تغرفوا بيها الموية من بطن المركب لانها بتسرب موية كثيرة .
يمكن ان يتكرر منظر الشربة في جنينة كعكاتي وغيره من الاماكن مرة في الشسهر او كل يوم خميس وفي مناسبات الافراح نادرا مايكون يوميا والا تحول الي ادمان والقليل كان كذلك في ذلك الزمان .
ياخي الحلة الجديدة بعيدة جيب لينا من حسن تاتاي او دلدوم او خرطومية ديل اولاد فريق البحر واولاد ودازرق دايرين الطشمة القريبة منهم مكسلين من المشوار .
المساطب بالقرب من بلدية ودمدني او قدر ظروفك كانت في بداياتها مكان لتجمع السمار والندام .
هذا تاريخ مدينة هل يمكن القفز من فوقه دا كله كان حاصل وحتي قيام نميري بتكسير زجاجات الخمر ومنعها وقيام محاكم العدالة الناجزة للتاريخ اسهم نميري بتلك الخطوة في بداية الثمانينات في تحجيم هذه الظاهرة ويمكن ان تكون قد تلاشت الان واصبحت في نطاق ضيق للغاية في زمان انتشرت فيه حتى يخيل لك ان المدينة كلها بتشرب في ذلك الزمان .