elfatih
30-09-2014, 10:33 PM
كل عام وانت بخير عيدكم مبارك كل سنة وانتم طيبين
اخواتي واخواني ابنائي وبناتي العيد مبارك عليكم وكل سنة وانتم طيبين كلامكم الحلو كان هو الدافع في استرجاع كل هذه الزكريات الحلوة عن ست المدائن مدينتكم ومدينتي ودمدني – زحمة العيد والتجهيز سوف يشرفنا الكثير من الاهل لقضاء العيد بالمدينة المنورة – جيب البهارات وتركيب الستائر وتغيير نظام الغرف وطلع المنقد من المخزن وماتنسى معاه الصاج والشواية طبعا طريقة للشربوت مافي ولو واحد درجة ظاهرية نسبة الكحول ياراجل انت في المدينة المنورة .
الخبيز جاهز الناعم والبسكويت والاشكال وزوجتي بتعمل فيه - تذكرت جيرانا في القسم الاول اخوات المرحوم السر عوض الكنزي له الرحمة والمغفرة في هذه الايام المباركة والتحية الي اخونا وحبينا صاحب الطعمية اللذيذة في كافتريا سمراء خلف مبنى البلدية زمان صديق المسرحيين والرجل الساخر محمد عوض الكنزي متعهد اقامة الحفلات الشهير – بمناسبة الخبيز تذكرت ناس الكنزي اول من ابتكروا بيع الخبيز بالجرادل وكانت لهم اشكال جميلة نالوا بموجبها سمعة كبيرة في ودمدني .
طبعا هنا مافي ضباح نمشي نشتري الخروف وعلى المسالخ عدد كبير من المسالخ والحاجة الكويسة انو عندنا ابن خالي دكتور محمد عمر احمد شغال في واحد من هذه المسالخ يعني الكرشة والمصارين موجدين وكمان زيادة كرشة بس ياجماعة المرارة مافي زول بياكلها معي شفتوا في مرارة بترجع بي صمتها حتة من الكبدة وخلاص مافي رواد ليها .
تم تقطيع الخروف بالمنشار الكهربائي توصية قطع صغار شوية - يتم المطلوب مع وضعه في ذلك الكيس البلاستيك الكبير ايا كان لونه اسود او احمر او اخضر ومعه ايضا في كيس مختلف راس الخروف بعد سلخه وكمية من الاتي زيادة والكرشة وابو دمام للشوي علي الجمر .
تم تجهيز الفحم بكمية معقولة والمنقد صناعة محلية صفيحة زيت ولكن الراس والذي يتم وضعه في المنقد من فوق مستورد من السودان من فريق الحلبة .
الشطة الخضراء مع خليط من الحمراء مع الدكوة والخل وقليل من الطماطم اتخلطت ووضعت في برطمان كبير في الثلاجة والبصل الابيض جاهز والخيار والطماطم والجزر والجرير والخص – طبعا بعدين الشطة نوعين نوع شطة بالاتي والثانية بدون – مواعين التلج مليانة وجاهزة في التلاجة ياولد بعدين عليك الموية الباردة –
عيدو مبارك عليكم كل سنة طيبين طيبين سوف نفتقد هذه النغمة كما افتقدناها في الاعياد السابقة بس العزاء الجماعة من الاهل البجوا يعيدوا معانا وهم زينا في الشتات وبرضوا نقول الحمد لله شتات بالقرب من الرسول شتات السرور .
ياولد اعمل السفن اب داك مع البيرة من نوع امستل والروب الرائب مش مع الزبادي زي مابعملوا اهلنا في السودان الماعندهم شربوت .
صلاة العيد في المسجد النبوي ولكن يمكن ان يمتد الصف وتري انك تصلي بالقرب من منزلك على بعد كيلومترات من الحرم المدني .
برضوا الاولاد عايزين العيدية عشان يشتروا شنو - ايسكريم واكياس البطاطس والشوكولاتة شوف الزمن نحنا العيدية عاوزين نلعب البريمو والملوص وشختك بختك ونركب الطوطحانية في نجايل القسم الاول اولادنا عاوزين ودينا يابابا ماكدونالدز وبيرجر كينج والطازج والبيك .
فرق بين التبش بالشطة والدليب من التاية مزاجات والبالوظة من نظلة .
قلنا نعيد عليكم ونحتجب عن الصدور بمناسبة العيد السعيد العيدية بقت موضوع .
كل سنة وانتم طيبين والعفو والعافية وعيدكم مبارك اينما كنتم .
اخواتي واخواني ابنائي وبناتي العيد مبارك عليكم وكل سنة وانتم طيبين كلامكم الحلو كان هو الدافع في استرجاع كل هذه الزكريات الحلوة عن ست المدائن مدينتكم ومدينتي ودمدني – زحمة العيد والتجهيز سوف يشرفنا الكثير من الاهل لقضاء العيد بالمدينة المنورة – جيب البهارات وتركيب الستائر وتغيير نظام الغرف وطلع المنقد من المخزن وماتنسى معاه الصاج والشواية طبعا طريقة للشربوت مافي ولو واحد درجة ظاهرية نسبة الكحول ياراجل انت في المدينة المنورة .
الخبيز جاهز الناعم والبسكويت والاشكال وزوجتي بتعمل فيه - تذكرت جيرانا في القسم الاول اخوات المرحوم السر عوض الكنزي له الرحمة والمغفرة في هذه الايام المباركة والتحية الي اخونا وحبينا صاحب الطعمية اللذيذة في كافتريا سمراء خلف مبنى البلدية زمان صديق المسرحيين والرجل الساخر محمد عوض الكنزي متعهد اقامة الحفلات الشهير – بمناسبة الخبيز تذكرت ناس الكنزي اول من ابتكروا بيع الخبيز بالجرادل وكانت لهم اشكال جميلة نالوا بموجبها سمعة كبيرة في ودمدني .
طبعا هنا مافي ضباح نمشي نشتري الخروف وعلى المسالخ عدد كبير من المسالخ والحاجة الكويسة انو عندنا ابن خالي دكتور محمد عمر احمد شغال في واحد من هذه المسالخ يعني الكرشة والمصارين موجدين وكمان زيادة كرشة بس ياجماعة المرارة مافي زول بياكلها معي شفتوا في مرارة بترجع بي صمتها حتة من الكبدة وخلاص مافي رواد ليها .
تم تقطيع الخروف بالمنشار الكهربائي توصية قطع صغار شوية - يتم المطلوب مع وضعه في ذلك الكيس البلاستيك الكبير ايا كان لونه اسود او احمر او اخضر ومعه ايضا في كيس مختلف راس الخروف بعد سلخه وكمية من الاتي زيادة والكرشة وابو دمام للشوي علي الجمر .
تم تجهيز الفحم بكمية معقولة والمنقد صناعة محلية صفيحة زيت ولكن الراس والذي يتم وضعه في المنقد من فوق مستورد من السودان من فريق الحلبة .
الشطة الخضراء مع خليط من الحمراء مع الدكوة والخل وقليل من الطماطم اتخلطت ووضعت في برطمان كبير في الثلاجة والبصل الابيض جاهز والخيار والطماطم والجزر والجرير والخص – طبعا بعدين الشطة نوعين نوع شطة بالاتي والثانية بدون – مواعين التلج مليانة وجاهزة في التلاجة ياولد بعدين عليك الموية الباردة –
عيدو مبارك عليكم كل سنة طيبين طيبين سوف نفتقد هذه النغمة كما افتقدناها في الاعياد السابقة بس العزاء الجماعة من الاهل البجوا يعيدوا معانا وهم زينا في الشتات وبرضوا نقول الحمد لله شتات بالقرب من الرسول شتات السرور .
ياولد اعمل السفن اب داك مع البيرة من نوع امستل والروب الرائب مش مع الزبادي زي مابعملوا اهلنا في السودان الماعندهم شربوت .
صلاة العيد في المسجد النبوي ولكن يمكن ان يمتد الصف وتري انك تصلي بالقرب من منزلك على بعد كيلومترات من الحرم المدني .
برضوا الاولاد عايزين العيدية عشان يشتروا شنو - ايسكريم واكياس البطاطس والشوكولاتة شوف الزمن نحنا العيدية عاوزين نلعب البريمو والملوص وشختك بختك ونركب الطوطحانية في نجايل القسم الاول اولادنا عاوزين ودينا يابابا ماكدونالدز وبيرجر كينج والطازج والبيك .
فرق بين التبش بالشطة والدليب من التاية مزاجات والبالوظة من نظلة .
قلنا نعيد عليكم ونحتجب عن الصدور بمناسبة العيد السعيد العيدية بقت موضوع .
كل سنة وانتم طيبين والعفو والعافية وعيدكم مبارك اينما كنتم .