ناكل.. لوبة !!!

[ود الأصيل]

ناكل .. لوبة ؛؛؛ و مالو؟!
بروتين نباتي ، اخير لينا
من حاجة قرففف اسمها:( جلافيط القعونج)
اللهو ظاطو لمن سمع التصريحات النارية إياها
و قام يتعزز الليمون، و صابو هلع جري لبد اندس
عمل نظام بيات ريفي شتوي قبال أوانو. أها ملاحظ
إنو و رغم عنف الخريف دا و كترت الطمل في حلتنا
و لا قعونجة واحدة ما سمعناها تاني قالت غاغ،
ما قلتو نوبة؟! دحين ماخير ناكل لوبة؟ !!!
!

[ود الضو]

[QUOTE=aabersabeel;732168]ورغم عنف الخريف دا وكترت الطمل في حلتنا ولا قعونجة واحدة ما سمعناها تاني قالت غاغ، ما قلتو نةلة؟!

.....

ههههههه
القعونج يكون سمع بكلام وزير الصحة ياعابر بانه مفيد وبه بروتينات بالكوم , عشان كدا لبَد
مشاققة :
ياخ هو قاليك فوائد اللوبة شوية ؟
خاصة في الخريف ..

[ياسر عمر الامين]

ده ما بيات يا استاذنا عابر...انا سمعت انو الصينيين يممو وجوهم شطر السودان لتوطيد العلاقات القعونجيه...:cool:

[ود الأصيل]

[
quote=ود الضو;732196]

ورغم عنف الخريف دا وكترت
الطمل في حلتنا ولا قعونجة
واحدة ما سمعناها تاني قالت
غاغ، ما قلتو نوبة؟!
.....



[FONT=pt bold heading]ههههههه
القعونج يكون سمع
بكلام وزير الصحة ياعابر
بانه مفيد وبه بروتينات بالكوم ,
عشان كدا لبَد مشاققة :ياخ هو قاليك
فوائد اللوبة شوية ؟خاصة في الخريف .
**************************
.
************************
شكرا يا أمير الناس ،
و برضو معليش الكي بورد
حق موبايلي مخستك معانا.بس
مش الضفادع براها الفهمت الرسالة ،
إحنا ذاتنا مفروض الكلام يكون ليك أنت
يا المشتح اضنيك أيوة و مال قايل شنو؟!
دي مش تعليمات طبيب ، دا وزير صحة.
و يا وزير الصحة هوووي اصحي!
*********************
![/]

[ود الأصيل]

ده ما بيات
يا استاذنا عابر...ا
نا سمعت انو الصينيين
يممو وجوهم شطر السودان
لتوطيد العلاقات القعونجيه...:cool:
أولاُ1000مبروك،
وتعذرني يا اغلي من غالي ،
لومي معاك البل ما يشيلنو .
تعبان مع الكيبورد . والمتابعة مشكلة
*************************
.

[أبا إيثار]

ناكل .. لوبة؛؛؛ و مالو؟! بروتين نباتي ، اخير لينا من قرففف القعونج .اللهو ظاطو لمن سمع التصريحات الناريةاياها قام يتعزز الليمون ، وصابو هلع جري لبد اندس عمل بيات شتوي قبال اوانو ، ورغم عنف الخريف دا وكترت الطمل في حلتنا ولا قعونجة واحدة ما سمعناها تاني قالت غاغ، ما قلتو نةلة؟! دحين ماخير ناكل لوبة؟!



تمنياتي لك دوماً بالصحة والعافية أستاذي الرائع ..

باللول بدور أسعلك إنت القعونج ده حرام ولا حلال ؟؟
زمان عندي أخوي دخل القوات الخاصة وتخرج برتبة ضابط
وكان بجينا البيت وبحكي لينا إنو أكل كم قعونجة كدة وكان
بشرح طريقة سلخها وقتلها وللأسف بتم كل ده في ثواني
عن طريق جوانب البوت اللابسو ؟؟ تخيل كم مسكينة هي القونجة

ياا أستاذ اللوبة سمحة ومشهية ومفيدة بس والله أنا مابحبها لأنو بتتعبني ؟؟:confused:
مش لأني حنكوش والله أكلتها لمن بقيت برويتيناريا بس عشان جواي في ماكنتوش ؟؟؟؟

لك المودة وكل التقدير ياوريف ..

مشلعيب :

والله الواحد بقي يتوقع أي شي من جماعتك ديل بس ربك المستعان .

[ود الأصيل]

تمنياتي لك دوماً بالصحة والعافية أستاذي الرائع ..

باللول بدور أسعلك إنت القعونج ده حرام ولا حلال ؟؟
زمان عندي أخوي دخل القوات الخاصة وتخرج برتبة ضابط
وكان بجينا البيت وبحكي لينا إنو أكل كم قعونجة كدة وكان
بشرح طريقة سلخها وقتلها وللأسف بتم كل ده في ثواني
عن طريق جوانب البوت اللابسو ؟؟ تخيل كم مسكينة هي القونجة

ياا أستاذ اللوبة سمحة ومشهية ومفيدة بس والله أنا مابحبها لأنو بتتعبني ؟؟:confused:
مش لأني حنكوش والله أكلتها لمن بقيت برويتيناريا بس عشان جواي في ماكنتوش ؟؟؟؟

لك المودة وكل التقدير ياوريف ..

مشلعيب :

والله الواحد بقي يتوقع أي شي من جماعتك ديل بس ربك المستعان .




كدي اول تبادي
تفسر لي مشلعيب دي
اسم حركي ، كان كدي حاشاك
الحنكشة. اما اكل القعونج تستفتي واحد
بتاع قوات تدخل سريع متل عمك هناي داك/
محمد حسن الطيب (غايتو شكلو بيوحي بكدا)،
لكن كتلو حرام دي علي حسابي. بس لسة
ما شفتو حاجة ، الغريق جاي!!
*********************

[أبا إيثار]

كدي اول تبادي تفسر لي مشلعيب دي اسم حركي ، كان كدي حاشاك الحنكشة. اما اكل القعونج تستفتي عمك / محمد حسن، لكن كتلو حرام دي علي حسابي. بس لسة ما شفتو حاجة ، الغريق جاي


ههههههه

مشلعيب دي حركية إبتدعوها حبوباتنا للملمة ماتبقي من ذاد

التلاجة هسة يعني بالعربي ؟؟

المقصود ماعارفين بكرة البعلّقو شنو في مشلعيبهم ..

مساك عافية ..

[أبا إيثار]

وهادي وهيطة والغريق منك إنتشال درر تشتهيها الأنفس

ماتطول علينا بس ؟؟

في الإنتظار يازول يا رائع ..

[ود الأصيل]

ههههههه

مشلعيب دي حركية إبتدعوها حبوباتنا للملمة ماتبقي من ذاد

التلاجة هسة يعني بالعربي ؟؟

المقصود ماعارفين بكرة البعلّقو شنو في مشلعيبهم ..

مساك عافية ..





مالشلعيب دا بعرفو بلحيل ،
وكمان ازيدك في الشعر بيت مسمنو
دوا كلب ودوا كديس. بس الداير اعرفو ،
إذا كان اسم حركي لشحصكم الكريم .
و لو ما الكيبورد معصلج كنا هريناك
تراثيات. يعني علي الأقل اللوبة
القاعد تنفخك دي براها
ليها مية اسم!!!!
************

[ود الأصيل]

ناكل .... لوبة!!!!
[/COLOR][color="#663399"]
أهلنا ناس تنوب في قلب الجزيرة
( ودي فرصة برضو الواحد بحييهم من هنا)
مقسومين على خشم بيتين: كناباب و منللَّاب يعني:
(عيال كنان) و (أولاد من الله). و عايشين فيما بيناتم حرباً
باردةً شعواء. فيها مداقرات و مناقرات و سجالات تقيلة تقول بالله
و لا في (سوق عطاظ) و معاهم شوية بويتات مجدعات متل الأباريق،
نازحين من قرى مجاورة زي ناس شادلي ومريود و ود حسين ود أب لقمة،
عاملين (جبهة بوليساريو) وجنبهم كمبو شُركيلة معصور هنوووك دقار سفة بين
الحلة و الترعة متل الزايدة الدودية.الشاهد بقى حبيبنا/ الحاج كنان عربي ممسوخ
لسانو فلقة و قاعد يقرق على الفريق المنافس يقول: ديل يوم تجي مطرة دا هو اليوم
الوحيد الممكن يضوقو فيه دعكة لحم. فيقومو يجيبو ليهم عتيد(ابن العنزة) بجغور كدا
و يمرقو بيه يصنقرو فوق ضهر الترعة الجاية من المناقل، و يلا يبدو ينخسو ليك في
الواطة و هم يتفاوضون حول قضية تقسيم اللحم و العفشة قبال الضبيحة ظاطا ما تتم.
و السخيل المسكين تلقاه واقف منتظر حيران و متملل يحدر جاي و جاي، ليس خوفاً من
شفرة ذابحه بقدرما هو قرفان من كترة النقة و اللت و العجن و مفاوضات شرق أوسطية
لا تودي و لا تجيب ، لعلمه علم اليقين أنها ستنتهي بفشل محتوم و لامحالة. ثم ينفض
السامر، بعدما يدوه قشطتين على صلبه و ينكشح ؛ ليعلنها كبير القوم صرخة مدوية
إنو: مافي لحمة، إذاً ، يلا ناكل لوبة ، فسرعان ما تنطلق بها حناجر الغاشي
و الماشي بهتافات كورالية تشق عنان الافق و تطوف بها المظارات هادرة
أزقة ونفافيج تنوب: ناكل لوبة!! ناكل لولة!! و للنفاخات بعدين:
نلعب عيتنوبة و نقلب هوبة كمان!!
!!!

[سواااح]

عابر سبيل ..
التصريحات الغريبة والتي هي اغرب من الغريب حاجة غريبة ..

تعريجة ..
قالوا السودان انعدم فيهو نفاخ النار .. معليش قصدي صوت القعوي

[mahagoub]

جرب اللوبا بالويكاب
حتحرد كل القعوى

[ود الأصيل]

[

سواااح

]

يا عابر سبيل ..

التصريحات الغريبة و
التي هي اغرب من الغريب
حاجة غريبة ..تعريجة ..
قالوا السودان
انعدم فيهو نفاخ النار ..
معليش قصدي
صوت القعوي





زي ما قلنا
الغريق لسة جاي!
غايتو ربك يجيبو قوي ويستر
علينامن القمل بعد الضفادع! اقلو هذه
الاخيرة مدبرة حالها أخير مننا،لديها مخابي
شتوية سرية ، بس قول لي احنا نقبل وين؟!!!
سوااح ياخ بالجد مشتاقين ، و متمني لمة
كدا تجمعنا ليك تلاتة : عابر سبيل
وسوااااح وعاشق ترحال.
)

[ود الأصيل]

جرب اللوبا بالويكاب
حتحرد كل القعوى ا



أها [COLOR="#6633cc"]
وكت جيتني في حتتي
و مصداقاً لكلامك يا عمنا ،
حبوباتنا بسجعنها ارجوزة رنانة
مع مدق جبنة عشرة بقولن فيها:
ود العمدة جابلو ختاب وقال
حلاة ام تكشو بالويكاب.[
/COLOR]

[ود الجعلي]

عابر سبيل مليون مرة قلت ليك كبر لينا الخط زي ده

لانو ما بنشوووووف كويس................... والملكة اسماء برضو عندها نفس الحالة صعوبة القراءة لهذه الاحرف الصغيرة .......

[ود الأصيل]

[
quote=ود الجعلي;732510]عابر سبيل
مليون مرة قلت ليك
كبر لينا الخط زي ده

[size=7]لانو ما بنشوووووف كويس
................... والملكة اسماء برضو عندها
نفس الحالة صعوبة القراءة
لهذه الاحرف الصغيرة [سا/size].......[/

[SIZE=5]
سامحني غلطان بعتذر يا أرباب،
وانا ذاتي نظري ما تقول زرقاء اليمامة
ياخ الحال من بعضو ، لكن غصب عني ،
بالليل مضطر لكتابة الجوال والتنسيق تعبان ،
ليك علي باكر دغش نظبط ليك الخط. بس
لو تسمح لي بتخريمة: انتو يا الجعليين
الفي الصلاة بينين ! حتى في مدني
برضو مصرين علي شندي؟!
و كمان برضو فوق كمان؟!!
!

[ود الأصيل]

نعم ناكل لوبة،و في اللوبة
(عفن) كمان كان مو عاجبك!!!
الكونتيسة ماري أنطوانيت من ذا الذي
لا يعرف قصتها و هي حنكوشة زمانها في
بلاط الملك لويس السادس عشر:عقيلته و والدة
لولي عهده الأمير الصغير لويس السابع عشر.
و صاحبة البطولة المطلقة لكرتون مدبلج شهير"
ليدي أوسكار"اشتُهرتْ بأنها كانت ألمعية ملولة ،
خراجة ولاجة (دواحة) لا تطيق البقاء في مكان واحد
ليوم واحد. و في أثناء خرجة لها في موكب عظيم-
ليس بالطبع لأجل تفقد أحوال رعيتها- بقدرما كان ذلك
لإمتاع ناظريها بآثار ثالوث الفقر و الجوع و الجهل يضرب أطنابه
بكل ريع. لتقع عينها يومذاك(أريت أخوها عود)،على حشود الجوعى
لا يتظاهرون، بل يجوبون الطرقات و هم يتضورون و يتلوَّون جوعاً .
فلمَّا سألت بكل براءة: ما بال هؤلاء يزاحمون موكبي؟! قيل لها: إنها
اليست ثورة، بل تظاهرة سلمية من أجل رغيف الخبز! ثم أردفت بكل
سذاجة و امتعاض: و ما شأن الخبز و موكب نزهتي؟! قيل لها : إن
الخبز معدوم أيتها السيدة الأولى! ثم جاء دورها لتسأل مستنكرة
و بشدة: و لعل الدنيا جدب و قحط و كأني بقائل يقول إن
شعب بلادي مصاب بالأنيميا، أليس كذلك؟! قيل بلى:
قالت: إذاً، فلماذا لا يأكل الناس القاتوه؟!

[ود الأصيل]

[center]


تخيل معاي بس
بالله لمن تصدر ليك فتوى
قصدي ( دعوة ) زي دي تبيح
ليك تكتل عزومة على عضة كاربة و غنية
جداً بالبروتين ال(برمائي) و تكون التحلية بعدها
عبارة عن تورطة محشية مكسرات من كرعين القرمبع
و الصراصير و كل الذي منو و الذي ليس منو ؟! و ليس
أمامك خيار سوى حملها محمل الجد لكونها ليست
من مجرب ، بل من طبيب ممارس فعلاً، لا بل هي
فرمان رسمي و ملزم للعمل بموجبه اعتباراً
من تاريخه، من وزير صحة اتحادي
طبعاً راجل متنفذ للغاية و
(اللاقي هبوبو بضري)!!
**************
***مشاققة***
بقى دي متل المريض
داك اللي قلد ا لدكتور و قعد
يجعرلمن كتب ليه روشتة بتلاتة
كبسولات (مش عند اللزوم)
و إنما بعد كل وجبة دثمة!!
بس من وين ياحسرة!!؟
******&&&*****

[ود الأصيل]

ناكل .... لوبة
و المو عارف بقول (عدس).
بعدما الوزير موش (دقس) تاني، لا دا نعس
عديل كدا،و بدل يلحس كلامو قام رفع سعر
(المحروقات) ( على المفروكات) لأرقام فلكية .أفتكرالموضوع
بقى أكبر من حكاية ناكل لوبة.. فوالله نستاهل و نحن شعبٌ
نعيش التناقض بحذافيره!! و إلا قل لي بربك كيف يتراوح تعدادنا
من 30- 40 مليون من النسمات. و نحتكم على ما يقارب مليون ميل
مربع من الأراضي الصالحة للانتاج بحيث نسرح و نمرح في مناكبها مع قرابة
300 مليون رأس ثروة حيوانية و رغم إنو كلنا لا مؤاخذة قاعدين (نطلع زي الناس)
يوماتي ظازة. لكن مش عارف سر إننا لسة بنستورد سماد (ماروق) اندونيسي مجفف
لكي نأكل مما نزرع و نلبس مما نصنع .فكيف بالله تجتمع لدينا شبكة من الأنيال (المنيلة)
و نفشل في محاربة العطش!؟ و بهايمنا مجدعة رمم نافقة على ضفاف الأنهار بدلاً أن نحيلها
جنة على الأرض من نخيل و أعناب و نفجر بينها أنهاراً!؟ كيف قاعدين نسمع بنفرات كلامية
تهز الأرض من سادتنا و كبرائنا:عن ثروات زراعية و رغيفنا الأصغر حجماً و أخف وزناً و أغلى
ثمناً عالمياً وعشنا خلال أقل من مية عام مجاعتين طاحنتين واحدة ماحضرناها ( سنة أم دقنوس)
على أيام التعايشي ود ت ورشين 1306هـ و التانية سنة 1984، لمن أضطرنا أكلنا الضريساء و بحتنا
بيوت النمل!؟ كيف يكون لدينا 29 مدبغة منتشرة في الولايات و لابسين (شقيانة وتموت تخليه)
كيف لدينا ثروة نفطية هائلة و لكننا نوشك نرجع تاني نوقد للعواسة بالبعر. و طفرات تعليمية!؟
مع وجود فاقد تربوي فظيع (كل واحد عندو كرنك بهيمات فاضي يعملو ثانوية بنات خاصة)؛
ناهيك عن أمية مقنعة بنسب فلكية!؟ ثم كيف لنا أن نشتهر بسمتنا الراقي و خلقنا السمح
الأصيل والاحتراب بهناك ضارب أطنابه في كل أركاننا؟. ثم كيف و كيف لشعب ملهم
للثوار مثلنا و لا يظفر في تاريخه برجل واحد يقسم بالسوية
و يعدل في القضية و يخرج في السرية
************************
.

[ود الأصيل]

أذكر شركة صيينية
كان جلبها الرئيس ألاسبق جعفر نميري
لبناء طريق مدني القضارف- كسلا -هيا ،
ماراً بشريط من قرانا هذه من تالا ترعة أبزيد وملكية
عبد الله مصري من جنب العريباب و لا عن مشارف الخياري.
فكان الهمباتة من أهل القرى النشامى يهربون المواد لبيوتهم
أو للبيع في سوق الله أكبر.؛ فلما رآهم الحارس الصيني(نجيخة)
لم يرغ و لم يزبد ، بل تعجبو هو يضرب كفاً بكف و يسخر
من أمة بلغ بها ال(لا وطني) أن تسرق نفسها وتختلس
من جزلان خزانتها العامة وكأنيبقطيع كلاب ترجع
في قيئها أو قطط تأكل لحم صغارها
***********************

[ود الأصيل]

سمعت برضو بإنو صمغنا العربي
لم يعد ماركة مسجلة باسم جمهورية السودان,
بل لعله ينهب و يعاد تصديره من ميناءممبسة الكيني
أومصوع و موانئ أخرى يسأل عنها من يعرفها.الشاهد
معاي في (الواجهة أمبارح) وشاف وزير الاستثمار
الاتحادي يتوسط ولاة شمالو جنوب و غرب
كردفان يقلولهم:أسمع كلامك أصدقك
وأشوف فعايلكم أستعجب
ثم ماذا يفيد العجب.
**************

[ود الأصيل]

وأما الذي رأته أم عيني
فسلعة تسمى(بلح سكوتي مصري) قاعدة
تنباع في أسواق الخليج بأسعار خرافية بعد تعبئتها
بورق سوليفان ناعم خمس نجوم. فلما قومت الدنيا ولم أقعدها
وسألت:ألا يستحي هولاء الفراعنة! دي السكوت قبيلة نوبية سودانية
معروفة(يعني حرامية على عينك و كمان بجاحة؟). اتلفت ليواحد زبون
خليجي بكل برود: صج و الله تستاهلون ،تدري إشلون؟! لأنكم كسالى)
.و أردف بائع مصري: أنت زعلان ليه ياابن النيل ,داحنا أقرب لكو .
وبرضك يعني ما راحتش بعيد.شايفين كيف يا جماعة الخير!؟
عشان تعرف بس، قوة العين وصلت لحدت وين
والمال السايب برضو بعلم السرقة!!
************************

[ود الأصيل]

ناكل... لوبة
[/COLOR]
[COLOR="#3333cc"]هنا يقع بيت القصيد،
حينما نفسح فُرَجاً في صفوفنا
و نوسع بين محاذي مناكبنا و أقدامنا.
فعلاً ، نحن شعب طيب و على نياتنا شديد.
والطيبة بهذه المعني المصريين بعتبروها نوع من
(سوق العبط على المسكنة و(الغشامة على الدروشة)
و دا كلو ما بأكلنا ولا حتى لوبة ؛ بل بضيع حقها بين الناس.
و زي ما قالوا:(الأمر الهين بودر الحق البيبن). بالله كدي شوف
(في الجزيرة نزرع قطنَّا و نزرع نتيرب و بدلما نحقق أملنا) نقوم نصدرو
بي غلغلو؛لنعود نستورده من سويسرا ثياب موضة مطرزة بأشكال و ألوان
مثيرة للغزائز. و في البترول باقية علينا مرجيحة يا مستجيراً من أمريكا بالصين.
و لسة المغتغت غريق وكتير. و لو بحتنا لجوة شوية لثغرة نيفاشا دي ما ياها متل
(المشير دقس بي ظاطا و صفاتا). سلفاكير الماعندو سنون دا منتزع مننا دولة كاملة
السيادة عنوة و اقتداراً، و قبال أنتكتمل مراسم تنصيبه رئيساً لم يتورع أو يستح
إذ قام برحلة تاريخية مهمة و عاجلة إلىتل أبيب قيل في ظاهرها: ليتعالج من نوبة
إسهال حاد ألمت به ولم تمهله حتى يكمل استقبال اللواري حاملة إليه أفواج مواطنيه
عائدين من الشتات ليتنسموا أجواء الحرية و الاستقلال؛ و في باطنها لياتينا من أرض
المعاد بترسانة لضربنا عبر الكرمك و كادقلي. ثم اليرموك.بالله في محقرة أكتر
من كدا تكون كيف؟! ولكن يمكرون و يمكر الله و الله خير الماكرين"
"ولو لا دفع الله الناس بعضهم ببعض لفسدت السموات و الأر"
و إلا فبأي سلاح يفتك أبناء الجنوب ببعضهم البعض!
**********************************

[ود الأصيل]

ناكل( بليلة )لوبة!!
ولا نشرب موص(عكارة)!!
بالجد ما نستاهل ناكل من أساسه!
صورٌ لمأساة بلدطول بعرض على الفاضي
متل إبل الرحيل.. شايلة السقا و عطشانة. لكننا
أكثر من تنطبق علينا مقولة :"كما تكونوا يُولَّى عليكم؟"
إذن دعونا من هنا ننطلق:-و كثيراً ما نبث شكوانا و نُنْحي
بلائمة المسؤولة عن كل بلاوينا على الدولة. و نفضل نلوك عبارات
شجب مكررة لا تأتي بجديد لتضيفه لصورة حالكة(السواد) و التي ربما
اشتق لها اسم من اسم بلادي. وليتنا نضع مباضعنا على كثير من مواضع
أذانا و ننثر الملح على جراحاتنا الدامية التي سبق و نوهت إليها هنا بأن أخوتنا
و فلذات أكبادنا في مهاجر الأرض أكثر من يعانون الأمرين من نكء هذه الجراح.
تعلمون جيداً أن القدرة التنافسية للناس في محاضن الغربة، خاصة في بلاد العرب
أوطاني إنما تقاس ليس من واقع الخبرة المهنية للوافد إلى هناك، بقدرما يتم تقيمه
من واقع سعر صرف الجاري لعملة بلاده؛ و أيضاً من واقع الصورة النمطية التراكمية
المشاعة لسلوكه الجمعي(كأن يقال عنه شعب كسول مثلاً). كتير بتسمع صاحب
العمل يقول ليك:ياخ أدي رأس مالي لواحد هندي و لا مصري حرامي عدييل كدا،
خليه إن شاء الله يأكل نصفه و يأكلني معاه و أنا راضي ولا أهمله
لواحد زول يضرب الفول من الصباح و يقعد (مروري) يتثاءب,
يتَّنتتح في الموية و يدبل في الجبنة لنهاية الدوام ؛
و لا يعرف ينفع و لا يستنفع
*******************
...

[ود الأصيل]

ناكل .... لوبة!!!!
COLOR][color="#663399"]
أهلنا ناس تنوب في قلب الجزيرة
( ودي فرصة برضو الواحد بحييهم من هنا)
مقسومين على خشم بيتين: كناباب و منللَّاب يعني:
(عيال كنان) و (أولاد من الله). و عايشين فيما بيناتم
حرباً باردةً شعواء. فيها مداقرات و مناقرات و سجالات تقيلة ،
تقول بالله و لا في (سوق عطاظ) و معاهم شوية بويتات مجدعات
متل الأباريق، نازحين من قرى مجاورة زي ناس شادلي ومريود و
ود حسين ود أب لقمة، عاملين كدا زي (جبهة بوليساريو)
وجنبهم كمبو شُركيلة معصور هنوووك دقار سفة بين
الحلة و الترعة متل الزايدة الدودية.الشاهد بقى
اخونا و حبيبنا/ الحاج كنان
عربي ممسوخ لسانو فلقة !!!

و على ذكر سيرة آل كنان،عمنا الفكي/
على ود كنان عليه رحمة الله كان راجل مبروك
من حفظة كتاب الله. و لكن له طرائف ترمي في الشوك
بعضها مرويٌّ على لسان ابنه و صديقنا المستهبل مأمون علي.
يقول: أبوي دا وكت عجز خلاس فقد الإحساس في قدميه و فقد معه
البصر. فبقى يعتمد كلياً على نظره بالبصيرة. فمرات يلبس النعال و تنملص
منو حيثما كان ، مما اضطرنا لتفصيل كرتونة مربوطة بدلقون نلبسوا ياها تفادياً
للخسارة. و كان حريصاً على أداء صلواته كيفما اتفق. فذات مرة أختنا من حرصها
عليه كانت تراقبه و هو يصلي في سدر البيت . ففي الأثناء جات جدادة خرت جنبو
فأختنا مستنياه يسلم عشان تنبهو ما يهبش على يمينه، يوسخ يديه، على الرغم
من خشيتها من شدة حساسيته المفرطة ضد المراقبة اللصيقة؛! فأول ما خلص
و نبهوه طوالي قعد يسوط في نفس حتة خرا الجدادة و يلا قعد يقول:
بس كدي كيتن عليكن. ياخي كرهتونا العيشة زاتو
ما تهبش يمينك، و لا ما تطير السماء.
********^^^^^********

[ود الأصيل]

يحكي أخونا مأمون كذلك قال:
مرة أبوي جاتو وردة و و جع صفقات و سخانة
في راحات الكرعين ، يعني أمراض كبر ما ليها علاج ،
لكن قمنا تحصيل حاصل شلناه جرينا بيه مستشفى الحصاحيصا
التعليمي و الله كان عنقريبو في تنوب أرحم و أريح ليه من التلتلة على الفاضي.
المهم قاعدين ممارضنو أنا و ود عمي كماك كنان.. أسبوعين راقدين جنبو و اطة و الزوار
رايحين جايين عاملين الدرب ساساقة متأبطين عمدان الكسرة والملحات و السلطات و الشواهي
و الفهاوي. دا كلو لزوم الغديات و الصنقيرة لي حر الشمارات.المهم أبوي بهناك جوة راقد بس بدون
فايدة و اليوم داك قام جارو في العنبر كتبو ليه خروج نهاشؤ، فمشى اشترى ليه شوية حاجات و جا راجع
خلاهن فوق السرير و دخل الحمام يجهز للمرقة. فأبوي شاف ليك فيهن صباع معجون، فقام طوالي ختفو
و راح مجلط ليك بيه جلدو فوق و تحت، ظناً منه إنو نوع دواء جديد. فنحن لامن جينا داخلين نفقدو
شامين ليك ريحة المعجون دي طاقة و فايحة ظايطة ليك في كل العنابر والممرات و لقينا ليك أبوي دا
عاد قاعد ممولص مولاي كما خلقتني و ممشق ليك من ساسو لي راسو أحمر و أبيض بس تقول
عبارة عن صباح معجون عملاق. فقمت اتلفت لكما و د عمي قلت ليه اسمع يا زول ،
أقول ليك قولة؟! نحن من دربنا دا أرحكاكا نتصل على ناس الإذاعة ديل نقول
ليهم دعايتكم المسوينها للمعجون دي زاتا ناقصة و عندنا ليها تمامة
مبتكرة احسن من الليلة دي تقول فيها:سجنال تو(2)
بالفلارايت يودر وجع الضهر و يكافح الفلايت.
*********&&&&&*********