الماضى يتصل بك ...

[ساريه]

اتخيل يوم وانت قاعد فجأة رن هاتفك ...
ورفعتو عشان تشوف من المتصل .. وتلقى على الشاشه ..... الماضى يتصل بك ........
وبكل دهشة موجوده فيك ترد ..
الو ..
وياتيك الرد
الو ..
منو معاى ؟؟
انا الماضى ..
الزمن الفات ... سنين عمرك العشتها ..
وتستجمع اطرافك وتسال ..
وعايز شنو يا الماضى ..
وتسمع ضحكه مدويه ويرد ..
ما انا العاوز انا عايز اسالك انت عايز شنو لو الزمن رجع بيك ..
وترد بكل استغراب
انا ؟
ايوا
اتخيل نفسك عمرك سنه واحده وابدا الرحله من الاول وورينى عايز تغير شنو فى حياتك ..
وعندما تهم بالاجابه تسمع ..
تيت تيت تيت
خطأ فى الشبكة ..

... ضربة حره مباشرة ..
انت عايز تغير شنو لو الزمن رجع بيك لوراء ؟؟؟؟؟

[حاتم مرزوق]

مرحباً سارية

دي ضربة حرة غير مباشرة ، أنا عايز أعمل "ديليت" لمعظم الحقب التاريخية التي مر بها السودان ، و أعمل "اب لود" لفهم جديد يضع السودان في الطريق الصحيح .

[عباس الدسيس]

سلام ساريه
كانت امنيتي اشتغل في بنك دائما بشوف ناس البنوك نضيفين وفي كومة من القروش.
اشتغلت في بنك....
كنت بشوف المغتربين جايين بالعربات والعطور ريحتها تشق السما والبنك ما حقق طموحاتي اتمنيت اغترب وقد كان
لقيت الاغتراب شقي وعذاب
قبل فترة كان معاي صديق طيبيب بشكو لي أسوء قرار في حياتو اتخذو انو قراء طب وقعد اشكي لي.
الانسان بطبعو بفتش عن الراحة واصلو ما حا القاها.
كان عندي امنيه قديمة رجعت افاكارها تراودني ((اكون سواق قندراني)) ليه ؟؟
كنا صغار في موردة الحطب بمدني بشوف القندراني وقف انزل الحطب بنزل منو السواق وتحت ضل القندراني بنزلو ليهو عنقريب برقد وبخلف كراعو فيهو والكمساري بنزل المنقد والحلة اشد الغذاء وسواق القندراني ادردم في السفة واتف الساعوط بي العراقي والسروال الطويل ملامح وشو تديك عدم الهموم ومشاكل الدنيا ماكل وشارب تحت ضل القندراني وبعد الغذاء اتناول كباية الشاي ولما العتالة افرغو القندراني انفض عراقيهو من الغبار حتي العنقريب ما برفعو الكمساري بتم الباقي وانا جني وجن تطبق البطانية وتفرش الملايات

[ساريه]

مرحباً سارية

دي ضربة حرة غير مباشرة ، أنا عايز أعمل "ديليت" لمعظم الحقب التاريخية التي مر بها السودان ، و أعمل "اب لود" لفهم جديد يضع السودان في الطريق الصحيح .

مرحبتين ود مرزوق ..
كلمنا عن نفسك ..... عارف السودان هو الوطن المكلوم بنا ...
وطن مثقل بنا ويمشى العرجا ..
عشان يتصحح مسارو لازم وحتماً ولابد نصحح مسارنا ..

ضربة حره مباشره تانى ..
على الصعيد الخاص يا ود مرزوق عايز تغير شنو ؟
وما تشوت برا .. هههههههههههه

[ساريه]

سلام ساريه
كانت امنيتي اشتغل في بنك دائما بشوف ناس البنوك نضيفين وفي كومة من القروش.
اشتغلت في بنك....
كنت بشوف المغتربين جايين بالعربات والعطور ريحتها تشق السما والبنك ما حقق طموحاتي اتمنيت اغترب وقد كان
لقيت الاغتراب شقي وعذاب
قبل فترة كان معاي صديق طيبيب بشكو لي أسوء قرار في حياتو اتخذو انو قراء طب وقعد اشكي لي.
الانسان بطبعو بفتش عن الراحة واصلو ما حا القاها.
كان عندي امنيه قديمة رجعت افاكارها تراودني ((اكون سواق قندراني)) ليه ؟؟
كنا صغار في موردة الحطب بمدني بشوف القندراني وقف انزل الحطب بنزل منو السواق وتحت ضل القندراني بنزلو ليهو عنقريب برقد وبخلف كراعو فيهو والكمساري بنزل المنقد والحلة اشد الغذاء وسواق القندراني ادردم في السفة واتف الساعوط بي العراقي والسروال الطويل ملامح وشو تديك عدم الهموم ومشاكل الدنيا ماكل وشارب تحت ضل القندراني وبعد الغذاء اتناول كباية الشاي ولما العتالة افرغو القندراني انفض عراقيهو من الغبار حتي العنقريب ما برفعو الكمساري بتم الباقي وانا جني وجن تطبق البطانية وتفرش الملايات

وعليكم السلام يا الدسيس ..
انت شكلك لو رجع بيك الزمن لوراء حتعيش حياة تانيه مختلفه تماما عن دى هههههههههه زى شيل الفاضى وجيب الملان ..
بس امنتيك بتاعة سواق القندرانى دى لو استبعدنا انك كنت صغير .. بالغتا فيها ..
ياخ سواق القندرانى دا هم الطريق براهو كفايه عليهو ..
بنديك فرصه تانيه
عايز تغير شنو كمان ؟

[ياسر عمر الامين]

لو استقبلت من ايامى ما استدبرت لوقفت فى محطة ايام مرحلة الطفولة وما تجاوزتها شبرا...مرحلة الطفولة بكل صخبها وضجيجها وهدؤها وتناقضاتها وبرائتها وتلقائيتها...
ما بفهم فى الكوره كتير عشان كده جبت الكورة اوت صاح؟؟؟:):):)

[حاتم مرزوق]

مرحبتين ود مرزوق ..
كلمنا عن نفسك ..... عارف السودان هو الوطن المكلوم بنا ...
وطن مثقل بنا ويمشى العرجا ..
عشان يتصحح مسارو لازم وحتماً ولابد نصحح مسارنا ..

ضربة حره مباشره تانى ..
على الصعيد الخاص يا ود مرزوق عايز تغير شنو ؟
وما تشوت برا .. هههههههههههه


يعني مصممة يا سارية

طيب ، أنا كنت أنتظر إتصال الماضي منذ زمن بعيد ، وكنت أتخير أفضل الأمكنة لتحسين شبكة الموبايل ، لأنني أطلب أشياء كثيرة، لكني أكتفي بأخيرها ، وهو أن يعود بي الزمن للوراء ، لأُجَود الطاعات لرب البريات ، وأتجنب السيئات التي وقعت فيها عمداً أو سهوا ، لكن العودة للماضي من المستحيلات ، ولا يبقى إلا أملي في مُبدل السيئات إلى حسنات ، فهو غياثنا الذي به نغوث ، و هو ملاذنا الذي به نلوذ ، وهو عياذنا الذي به نعوذ ، ما عبدناه حق عبادته ، ولا شكرناه حق شكره ، ولا حمدناه حق حمده ، لكنه الغفور الرحيم الذي يفرح بعودة عباده.

شكراً سارية لأنك إنتزعت منا هذا الكلام الذي ظل سراً بدواخلنا.

[ود الجعلي]

الفكرة هي فكرة فلسفية عميقة هي علاقة الانسان بوجوده وعلاقته بمن حوله ولكن ساكون مباشرا حتى لا اتوه. في بحور قد تجرفنا بعيدا عن شواطئك سارية انها لحظة الصدق مع النفس في العودة الى حضن امي اتدثر بحنانهاوافيق على همساتها لا ارى نفسي اي شيئا غير ذلك لسبب واحدهو ان الحياة حدفت بنا بعيدا عن امهاتنا ولن يعوض ذلك الدف الا بالزهد بكل ما في الحياة

[مدنيّة]

سارية صباحاتك ندية
-----
البوست الاجابة عليه بصدق .. صعبة شديد
واكيد في النفس الكثيييير اللي بتمني اني كنت اغيره
الان متعايشين مع الحاضر العايشنه ودا المهم

----
تحاياي

[مدنيّة]

أنا عايز أعمل "ديليت" لمعظم الحقب التاريخية التي مر بها السودان ، و أعمل "اب لود" لفهم جديد يضع السودان في الطريق الصحيح .

سارية بعد اذنك
ياحاتم انت سالوك من السودان؟
هههههههههههههههههههه
-----
ياسارية مش قلت ليك الاجابة صعبة شوووية!

[ساريه]

لو استقبلت من ايامى ما استدبرت لوقفت فى محطة ايام مرحلة الطفولة وما تجاوزتها شبرا...مرحلة الطفولة بكل صخبها وضجيجها وهدؤها وتناقضاتها وبرائتها وتلقائيتها...
ما بفهم فى الكوره كتير عشان كده جبت الكورة اوت صاح؟؟؟:):):)


اوت بس انت مسكت الكوره وحلفت ستين يمين ما تلعب ....
بعد الطفوله مافى شى جميل فى حياتك ؟

[ساريه]

الفكرة هي فكرة فلسفية عميقة هي علاقة الانسان بوجوده وعلاقته بمن حوله ولكن ساكون مباشرا حتى لا اتوه. في بحور قد تجرفنا بعيدا عن شواطئك سارية انها لحظة الصدق مع النفس في العودة الى حضن امي اتدثر بحنانهاوافيق على همساتها لا ارى نفسي اي شيئا غير ذلك لسبب واحدهو ان الحياة حدفت بنا بعيدا عن امهاتنا ولن يعوض ذلك الدف الا بالزهد بكل ما في الحياة


ود الجعلى ارجع لحضن امك فهو اصدق مرحلة فى حياتنا ... فالام ومشاعرها اصدق مشاعر ممكن تصادف الانسان ..
تخريمه ...
حزنت لانك فارقت ذلك الحضن الدافئ بس هذه هى سنة الحياة واكيد واصلت حياتك وبمعيتك كل ما رضعته من ثديها من قيم وتجارب ..
ولا اشك ان ما اكتسبته منها اعانك على صعوبة ما واجهت فى حياتك ...

[ساريه]

سارية صباحاتك ندية
-----
البوست الاجابة عليه بصدق .. صعبة شديد
واكيد في النفس الكثيييير اللي بتمني اني كنت اغيره
الان متعايشين مع الحاضر العايشنه ودا المهم

----
تحاياي


مدون حمد الله على السلامه ..
ونورتى البوست وزاد نورو وبقو نورين ..
ما قلتى الا الحق فى النفس الكثير اللى بنتمنى نغيرو لكن ممكن نعالج بعضو ونتعايش معاهو بقليل من الصبر ..
وكثير من الرضا ..
تخريمه ..
ما تستسلمى يا بت خلى متعايشين مع الحاضر ... شكلى الحاضر زى ما عايزه ..

[ساريه]

سارية بعد اذنك
ياحاتم انت سالوك من السودان؟
هههههههههههههههههههه
-----
ياسارية مش قلت ليك الاجابة صعبة شوووية!



يعنى جنس حاله حاله هى ..
ما تنتظرى الاذن طيب .. :)
الاجابه ما صعبه يا مدون دايره مصداقيه مع النفس
وما تكبرى اللفه زى حاتم .. ههههههههههه

[عاطف عولي]

خيال واسع من العنوان ودخول زول تووووووووووووووووش صعب

كدي النسرح شوية وأرتب خيالي وأجيك راجع

عنوان خطييييييييييييييييييييييييييييييييير

من زول خطيييييييييييييييييييييييييير

[ساريه]

خيال واسع من العنوان ودخول زول تووووووووووووووووش صعب

كدي النسرح شوية وأرتب خيالي وأجيك راجع

عنوان خطييييييييييييييييييييييييييييييييير

من زول خطيييييييييييييييييييييييييير


ههههههههههههههههههههههههههههههه بس ما تسرح بوشك ..

رتب دواخلك وشوف لينا كنت بتحب تغير شنو ..
وابعد من الخيال ياخ دا فرس داير خيًال ماهر .. عشان ما يجمح بيك ..

[عاطف عولي]

ههههههههههههههههههههههههههههههه بس ما تسرح بوشك ..

رتب دواخلك وشوف لينا كنت بتحب تغير شنو ..
وابعد من الخيال ياخ دا فرس داير خيًال ماهر .. عشان ما يجمح بيك ..


والله قدر ما سرحتا لقيتك ورطتي البيدخل هنا

[محمد الجزولى]

... ضربة حره مباشرة ..
انت عايز تغير شنو لو الزمن رجع بيك لوراء ؟؟؟؟؟

صراحة يا سارية عاوز ابقي
زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للأطفال حكاية حلوة ضمن الأحاجي
بيها يتهنو وينمو واحرسهم طول ليلي ساجي
والقي في راحة نفوسهم بسمتي وطول ابتهاجي
لو أعيش طول عمري نسمة لو مع الأيام سحابه
أهطل أدي الدنيا بسمة اروي وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها وارفة تحتي نايمين ناس تعابة
اشقي والقي وابقي بهجة في النفوس لكل مناضل
ابقي لمعتل علاج وابقي للفلاح سنابل
ابقي للثوار سلاح اعتي من قذف القنابل
وابقي للكادح الملوح كل حد موفور وعادل

[ساريه]

صراحة يا سارية عاوز ابقي
زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للأطفال حكاية حلوة ضمن الأحاجي
بيها يتهنو وينمو واحرسهم طول ليلي ساجي
والقي في راحة نفوسهم بسمتي وطول ابتهاجي
لو أعيش طول عمري نسمة لو مع الأيام سحابه
أهطل أدي الدنيا بسمة اروي وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها وارفة تحتي نايمين ناس تعابة
اشقي والقي وابقي بهجة في النفوس لكل مناضل
ابقي لمعتل علاج وابقي للفلاح سنابل
ابقي للثوار سلاح اعتي من قذف القنابل
وابقي للكادح الملوح كل حد موفور وعادل


عارف يا ود الجزولى اختصرت الكثير بهذه الابيات ...
ابقى زول ليهو قيمة ..
بس برضو كبرت اللفة ..
عايزه حاجة حصلت فى حياتنا واتمنيننا نغيرها ,,
شكراً للمرور الدبلوماسى دا ..

[naz_imam]

والله سؤالك صعب ومجرد التفكير في الاجابة اصعب منو وحااكبر اللفه شديد بس بوستيك دا جاب لينا ناس عزاز علي قلوبنا ربنا يلم شمل الجميع ودي برضوا اعتبريها زواقة

[ساريه]

والله سؤالك صعب ومجرد التفكير في الاجابة اصعب منو وحااكبر اللفه شديد بس بوستيك دا جاب لينا ناس عزاز علي قلوبنا ربنا يلم شمل الجميع ودي برضوا اعتبريها زواقة


دى زوقه من امها ...

ربنا يجمعك بكل عزيز يارب .. بالمناسبه البوست دا فيهو جوايز للاجابات الصحيحه ..
نورتا يا ابو ريم ...

مش ابو ريم برضو ؟ :) :)

[النور محمد يوسف]

سارية اليك التحية العطرة

انا كنت عاوز اكون فكي

لانو الفكي كان بيدق ود الجيران المبغبغ الكل يوم جالدنا

ويا ريت لو بقيت فكي منها ادخل البرلمان ويكون عندي الان عمارة واولادي في احسن معاهد بلا غربة بلا اكتئاب

هل يمكنني ان ابقى فكي الان والحق الشغلانة قبل ما تفرتق؟؟؟

[الملكة اسماء ( ام محمد )]

ضربة حره مباشرة ..
انت عايز تغير شنو لو الزمن رجع بيك لوراء ؟؟؟؟؟


ياااااه ...سؤال الواحد بتمنى لو يصبح حقيقة يا سارية

عن نفسي ... لو الزمن رجع بي لوراء حااقول ليهو ..يازمن وقف شوية


ده لاني لحد هسي ماقادرة استوعب الاحداث المرت بي من شدة ماكانت قاسية .

اول قراراتي ..استبدال كلمة ..نعم ..بكلمة ..لاااااا

للكثير من المواقف التي اتخذت فيها قرارات خاطئة

[ساريه]

سارية اليك التحية العطرة

انا كنت عاوز اكون فكي

لانو الفكي كان بيدق ود الجيران المبغبغ الكل يوم جالدنا

ويا ريت لو بقيت فكي منها ادخل البرلمان ويكون عندي الان عمارة واولادي في احسن معاهد بلا غربة بلا اكتئاب

هل يمكنني ان ابقى فكي الان والحق الشغلانة قبل ما تفرتق؟؟؟


ولك من التحية مثلها استاذى النور ..
فكى دى يعنى شيخ ولا حاجه تانيه ؟ :) :) :confused:
ياخ خلى الشغلانه تفرتق واحتسب امنيتك دى عند الله .. :)

[ساريه]

ياااااه ...سؤال الواحد بتمنى لو يصبح حقيقة يا سارية

عن نفسي ... لو الزمن رجع بي لوراء حااقول ليهو ..يازمن وقف شوية


ده لاني لحد هسي ماقادرة استوعب الاحداث المرت بي من شدة ماكانت قاسية .

اول قراراتي ..استبدال كلمة ..نعم ..بكلمة ..لاااااا

للكثير من المواقف التي اتخذت فيها قرارات خاطئة



نورتى ام محمد ..
بس ..
جبتى المفيد استبدال كلمة نعم بكلمة لا ...
لتغير الكثير من القرارات الخاطئة ..
كلنا عايزين مثال لهذه القرارات ..

[روبش]

حليل امي
ما بنسى يايمه قعدت شراب الشاي عند الصباحيه
كان شعرك الابيض ياسمينة ايامي مليانه حنيه
انا كنت وصيتك ما تمشي مني بعيد اتاخري شويه
الا القدر حتم بعدك نشيل الهم ما قدم الجيه
حليل امي ... حليل امي
الليلة جيت يمه كان املي نتلمه ما لقيت اثر ليك
عاينت شفت مكان بتصلي فيهو زمان والنور حوليكي
هاجت علي ذكراك يا الغالية وين القاك واحضن لياليك
حليل امي ... حليل امي

لحظات كانت قاسيه علي جدا وهي على فراش المرض لحظتها تمنيت ان تأخذ روحي بدلا عنها فقد فارقتنا فهي مبتسمه (حليل امي)

اقول ::: ساريه في داعي

[الملكة اسماء ( ام محمد )]

نورتى ام محمد ..
بس .. ..
كلنا عايزين مثال لهذه القرارات ..
نورك ياراقية

يعني مثلا .. تمنيت لو قلت .. لا
عندما اصرت أمي ان تلحقني بكلية علمية وانا أعلم أني سانجح في مجال أدبي ...

[معتز الريح]

يا سارية .. الماضي ده خلي الأول يتصل ..
بعدين بنتفاهم .. :cool:

[ساريه]

يا سارية .. الماضي ده خلي الأول يتصل ..
بعدين بنتفاهم .. :cool:


ود الريح سلامات ونورت البوست والله ..
كلامك دليل على انك حابى الماضى يرجع تانى .. والتفاهم دليل على انو كان فى سوء تفاهم .. :( :(

اى عارفه انى من ناس الفهم الكعب هههههههههه

[أبا إيثار]

أستاذتي الحاضرة حرفاً وروح :

كم يستفذني حضورك وأنت بكلك بنكهة تلكم المدينة الجميلة الساحرة
بكل وداعها الباهر ينام في دروبها الصنوبر ويظل حرفك يستنطق الأشياء فينا
تأتينا دوماً مثل طائر يسابق الأوان ,, هنا أحسب أن الماضي بأضلعي من روضة
لمدرسة ؟؟ لمتحف .. لمسرح ألتقيه بكل أوقات الميقات ..أحياناً أجمل دوحة
أفئ عندها وحيناً تلفظه إعتبارات الزمان ومرات حنين وعد يرتاد الصفاء الأروعا
لعلّنا في إجتراره نلتقي ونحتمي ؟؟ ولكن إذا إلتقينا هاهنا نكرر الدعاء والرجاء
أن يشرق الضحي ويغرد الضياء حولنا ويكتسي المساء بحرفك البهيج ..

شكراً أستاذتي لإتصالك بدوائر الماضي فيني المغلقة .

[ساريه]

أستاذتي الحاضرة حرفاً وروح :

كم يستفذني حضورك وأنت بكلك بنكهة تلكم المدينة الجميلة الساحرة
بكل وداعها الباهر ينام في دروبها الصنوبر ويظل حرفك يستنطق الأشياء فينا
تأتينا دوماً مثل طائر يسابق الأوان ,, هنا أحسب أن الماضي بأضلعي من روضة
لمدرسة ؟؟ لمتحف .. لمسرح ألتقيه بكل أوقات الميقات ..أحياناً أجمل دوحة
أفئ عندها وحيناً تلفظه إعتبارات الزمان ومرات حنين وعد يرتاد الصفاء الأروعا
لعلّنا في إجتراره نلتقي ونحتمي ؟؟ ولكن إذا إلتقينا هاهنا نكرر الدعاء والرجاء
أن يشرق الضحي ويغرد الضياء حولنا ويكتسي المساء بحرفك البهيج ..

شكراً أستاذتي لإتصالك بدوائر الماضي فيني المغلقة .


المتميز ابا ايثار تحيه نديه نداوة حرفك ...
كنا نتمنى ان تجتر الماضى هنا وتتصل بدوائر الماضى المغلقه فيك ونحن معك ...
صحبه صادقه صدق عباراتك وحنينه حنان اولاد بلدى ..
ما عارفه وانا برد ليك اظننى اسمع صوت (بورى) بصات الشمالية (البلد) وهى تعزف احلى الالحان واحنها واحبها الى قلبى ..
وتعلن عن وصول ناس طيبين مليانين جمال ...
كن كما اتمنى لك اخى ...

[سواااح]

سارية ..
لا تنبشي الماضي
ولا تضعي الملح على جراح نزفت بما يكفي
يكفينا الماضي بما مضي من نواح وجراح ....

لكن ان اتيحت فرصة عودة
حتما هي للتصحيح الشامل
هناك الكثير من الافكار والاهم الكثير من الاشخاص
الذين كانوا سيذهبون بلا اسف او ندم

سارية ..
املنا في الله وفي بكره ... كبيييييييير

[أمير عبداللطيف]

افتكر .................

بكره أحلي ،،،

[ساريه]

سارية ..
لا تنبشي الماضي
ولا تضعي الملح على جراح نزفت بما يكفي
يكفينا الماضي بما مضي من نواح وجراح ....

لكن ان اتيحت فرصة عودة
حتما هي للتصحيح الشامل
هناك الكثير من الافكار والاهم الكثير من الاشخاص
الذين كانوا سيذهبون بلا اسف او ندم

سارية ..
املنا في الله وفي بكره ... كبيييييييير


حباب سوااح ومليون سلام ليك ..
التصحيح ممكن يكون الان ومن هسه .. ونلغى من قايمة الافكار والاشخاص كل من اثر علينا سلبا وعلى مسيرتنا ...
واملنا فى بكره كبيييير

[ساريه]

افتكر .................

بكره أحلي ،،،


اكيد بكره احلى بما حملنا من حصيلة تجاربنا فى الحياة ...
تحياتى وتقديرى استاذ أمير ...

[أبا إيثار]

المتميز ابا ايثار تحيه نديه نداوة حرفك ...
كنا نتمنى ان تجتر الماضى هنا وتتصل بدوائر الماضى المغلقه فيك ونحن معك ...
صحبه صادقه صدق عباراتك وحنينه حنان اولاد بلدى ..
ما عارفه وانا برد ليك اظننى اسمع صوت (بورى) بصات الشمالية (البلد) وهى تعزف احلى الالحان واحنها واحبها الى قلبى ..
وتعلن عن وصول ناس طيبين مليانين جمال ...
كن كما اتمنى لك اخى ...


أستاذتي المرهفة :

لإجترار الماضي نستصحب علة كل الأشياء

هنا أجدك تمنحين قدرة العطاء سندساً وندخل في
صومعة الماضي المختزل ؟؟؟
أتمني أن أكون كما أنا والآن ؟؟
الغريب أني أخاف أن أفقد ما كان عندي ؟؟
نعم حياتي حلوها مر ومرّها حلو
ولكن كيف تتبدل الأمنيات
وتبقي ذاكرتي بعض طيف
وبكم تستمر الحياة .