مدني يا .. استنبول

[محمد حسين (المميز)]

اولا شي .. ازيكم🙋

الله يبارك فيك الله يسلمك الله يبارك فيك الله يسلمك

نجي لاستنبول .. ما حقت ودعلقم
عشان الظن السيء وكده😉

صراحة البوست ده مغزاهو حاجه وحده بس

اغيظ بيهو حبايبي المغتربين الموجودين الان بره مدني

والله مدني صباح اليوم ما سائله في استنبول زااااتها

سقط زي السقط ومطر زي المطر

اما السحاب .. سكن الواطه😆
درجة الحرارة صباح اليوم الساعة 7 كان عشرة كان حداشر

وفي جده صباح اليوم 7 صباحاً كان 45 كان 50

صح يا h😉

الله عليك يا حنينه😊


-_-_-_-_-_-_-_-

[الملكة اسماء ( ام محمد )]

مميز

منور والله

وللضمان ياخي ... اها والبعوضة كيف ياااااتركش مان ؟

[mahagoub]

المميز
حباب ناس مدنى الحنان
قلت جو فول
يعنى كشك شغال رش
اها بعد ده دايرين التفاصيل الخاصه

[ياسر عمر الامين]

مميز حمدا لله على السلامة وبركة الشفتنا طيبين...بس ما وريتنا اخبار القعونج شنو؟؟؟

[ahmed algam]

http://i57.tinypic.com/160zwnn.jpg
الصورة صباح اليوم 7:30ص


والله ماسائلين في إسطنبول
تخريمة هوي يامميز اسطنبول مدني مالا

[محمد حسين (المميز)]

حبابكم والله ..
ملكتنا .. عمنا محجوب.. ود عمر.. ابن علقم

[روبش]

علقم مالك علينا بالصورة ده
المميز انت بتاع مشاكل والله

[محمد عبد الله عبدالقادر]

ايامك يا مميز لكن........العرجه لي مراحها الخروج والعوده قربت تنتهي والمدارس جات يلا انسل تعال مارق

[naz_imam]

والله ايام حلوة قضينها بي هناك وعلي قول محمد عبد القادر جينا منسلين لينا كم يوم لكن والله مابتنفات بي باعوضتها سمحه والله ياياسر عمر الامين جيت جم بيتكم والخور القدامكم صوت القعونج اوركسترا انا قلت اولاد عمنا عمر امين بعملوا في بروفه ولا شنو وبرضوا احلي اوركسترا وانسجام انت انوي بس والباقي ساهل وحاتغير رايك

عمنا محجوب انت من زمن كشك الشغله جابت ليها حتات تانية وماتخليني افصل كتير علشان ماتجيب لي ردم انا ماقدرو

ملكتنا : شكلك طولتي هو في احلي من الباعوض اليومين دي والماعيد في مدني ماعيد خالص والله كل ما اغسل العربية تصب مطرة بعدها مباشرة اها حردت قلت تاني اصلوا مابغسلها لمن يمرو يومين الاولاد في البيت بقولوا لي يابا با عليك الله امشي غسل العربية علشان نلعب في المطرة

[خالد أحمد الصول]

مرحبا بك الحبيب المميز في مدينتك الوادعة المتدثرة علي الازرق الرقراق ... نحمد الله علي سلامة الوصول وأكيد الجو الجميل دة جبتو معاك يا بهجة ... ياخ أتصل نصل 0912641176

[ياسر عمر الامين]

والله ايام حلوة قضينها بي هناك وعلي قول محمد عبد القادر جينا منسلين لينا كم يوم لكن والله مابتنفات بي باعوضتها سمحه والله ياياسر عمر الامين جيت جم بيتكم والخور القدامكم صوت القعونج اوركسترا انا قلت اولاد عمنا عمر امين بعملوا في بروفه ولا شنو وبرضوا احلي اوركسترا وانسجام انت انوي بس والباقي ساهل وحاتغير رايك
ههههههههههههههه...القعونج ده مربنو يا نيزو...كنا عارفين بجى يوم القعونج بتكتشف خصائصه وقيمتو الغذائية...واهو منها برضو ننطرب ونطرب الجيران...:):):)

[ود الجعلي]

الاخ المميز حمدا على سلامة وصولكم. ولك ان تمتع حواسك بمدني فمدينة مثلها لا يمكن ان تشبع منها لان حكاويها غزيرة ومتنوعة وارجو مزيدا من التواصل والتعارف فيما بيننا. ناصر ودالجعلي موبايل ٠٥٦٢٣٣٨٠٣٣ الخبر

[تغريد]

البوست دا جااااااااااااااااااااااااااااااااارح جدا لي مشاعرنا يا مميز




حمد لله ع السلامة ياخ