كش ملك

[عبدالرحمن مدثر]

اتاريهو الشطرنج دا لعبه مفيدة جدا
وانا اشيل واتعنت
وعذري للود قدورة ابن عمي الماهر جدا
ومستعد يلعب يومين متواصله لما تكون في منافسه محتدمه ،
وانا بررركز بعيد عن الشطرنج
في حته تانيه خالص
الغريبه انو البطقطقو قدورة كلهم سماااان
عينه العيشه في قرمتين داااك
هو في علاقه بين الذكاء والتخمه ?
ماظنيت انا غايتو
لكن احتمال دي حاله شاذة وكدا
،
وانا عندي فلسفه غريبه جدا
اي نعم بعاين لاحتدام المعركه بعيوني
وبركز في السندوتشات المقرومه اثناء القيم
وبقول

انو انا اي حاجه تمسك بي زمن ... مازولها

كشتينه
شطرنج
....
اي حاجه

لحدي مالقيت ليك الليله الصباح في الجرايد

يفيد بانو

في 3 افراد من بعثه السودان للشطرنج تخلفوا عن البعثه ... الكلام دا في دوله اجنبيه شحمااانه حدا
اها
الجماعه طقطقو قيمهم
بجاااي
وكبو الزوغه بجاااي

ويااااا

لجوء جاااك نفر

جااايين علي نفقه الحكومه وايقاع ونشيد
واييييك
في لحظه بس
وجدوا ماكانو يحلمو به

بلا سنبك بلاكمونيه

لجوء فايف استارز

وكان مااخاف الكضب سفن استارز

###

الحادثه بتاكد حاجه واحدة

انو خلاس ضاااقت تب بشبابنا

ومستقبلنا

لما يركبو الصعب ، صحراء .. وبحار ، وعصابات ، وضياع

بس عشان يطلعوا من بلد لامستقبل فيها

خربشه

الشطرنج دا اتضح لي انو مابمسك بيك زمن
بل بمسكك في السمينه

[الملكة اسماء ( ام محمد )]

ههههههههه... النصيحة لله بمسك بيك زمن من باب اولى

خرباش يا اخي لاتطل الغياب

فحرفك يبعث الفرح


هل قلت انك .. مدهش في السرد

[ياسر عمر الامين]

الجماعه ديل صبرو يا خرباش وظفرو...اتارى قعادهم الكتير فى الشئ الاسمو الشطرنج ده ما كان ساى...ظنيتهم عارفين موت الملك ممكن يكون بداية حياة جديدة فى مكان غير رقعة الشطرنج...
نورت يا غالى وما تحرمنا خربشتك...

[ahmed algam]

هههههه هههههه

الحبيب الازرقاني

ااخرباش ابو مزن ومنيب
دائما تدهشنا بسردك
وحلاوة تطويعك للكلمات

سعيدين بوجودك بيننا

[أبوعمرو]

أنت يا عبد الرحمن مالك ومال الشطرنج ووجع الرأس ... شيل ليك سيخه وأدرع أوكرانيا ... يا قالو كوز يا أدوك اللجوء

[ود الجعلي]

الخرباش عبد الرحمن مدثر
لا انسى تلكم اللحيظات
التي اتيتكم فيها زائرا"
كانت جميلة
وكانت
راقية
و
واضحة
محفزة
و
نابضة
ولكنها كانت سريعة
و لكني ايضا اتذكرها
واتذكر الجبنة الحبشية
اما
بالنسبة لهروب شباب الشطرنج
انه البؤس الذي نعايشه
و نعلم جيدا ان التفاءل بان يتغير الوضع امرا صعبا ولكن دوما نتذكر العظماء من الناس وكيف غيروا حياتهم واوطانهم
فانا أومن بان هذه ليست النهاية
ونحن بنا عيوب كثيرة ولكنها مكتسبة وليست خلقية
انها ظروف تسحقنا قليلا" وسنصحو
الكومة ليست هي كل السبب وكذلك المعارضة
وليس للجو دخل في هذا
ولكن الجهل هو المصيبة العظيمة
عبودي ...
دمت بعافية وخير
اخوك ود الجعلي

[mahagoub]

قال كش ملك قال
ديل كشوا حكومه بحالها
هى دى ما ياها البختوا الخرم جنب الخرم

[عبدالله محمد العقاد]

المبدع ابومزن ياخي ما بين جمال الحكي و التفاصيل الرائعة في كيف ان الشباب صبروا على هذا الشطرنج و على هذا الملل من اجل ان يتخارجوا من هذه البلاد البائسة التي يدعوهم فيها القائمين على امرها باكل الضفادع معللين ليهم ذلك ان الاكل ياهو الاكل لا بل قيل ليهم ان الضفادع مليئة بالبروتين وانها رخيصة ...
و يبدو لي الشباب ديل ابومزن خافوا ان اشتكوا من ارتفاع تكاليف الزواج ان يطلع عليهم آخر ويدعوهم للتناسل مع كائنات اخرى هههههههههههه

بالله ياابومزن دي بلد الواحد يلقى منها مخارجه ... و ما يكب الجاز هههههههههه

[حسام التنين]

طيب ياخرباش مانعمل تيم و كده

انا شطرنج اللابتوب ده بقطعوا ليك معاه

و البطوله في السويد تكون

[ابو لوزة]

الخرباش والله المصيبة اللي اسمها شطرنج دي بتجيب لي اخلاقي هنا ده
وقدر ما قلت اقعد شويه فيها اطفش منو
خلاص طولت الباااااااااااااااااااااااااااااااال راحت

[مدنيّة]

ياابومزن
مع الشغلة الحاصلة ما قريت البوست
لكن وجود اسمك يفرح والله
حبيت احيك وضيوفك الكرام

------
تحاياي

[مرتضى يوسف العركي]

الرائع الخرباش
اطنان مودة ومحبة
السرد ممعن في الرمزية ويقبل الكثير من الحكاوي والقيم المتغيرة والمتناقضة والممكنة
فما نراه من وقائع ليس بالضرورة ان تقود الى نتائجها النهائية الحتمية
وما نتمسك به من قيم وولاء يمكن في ظل جوع الانسان ان يتبدل بين لحظة واخرى
حيث ماتت قيمة الحرص على الجدية واهدار الوقت لاجل غاية مفيدة ومقنعة فالانسان ابن ظروفه
فما عادت الجغرافية قضاء منقض لا مرد له ولا عنه محيد
بل اضحت ظروفنا تقبل وتتشكل على وقائعنا الضرورية الحياتية
لا تحرمنا من كتاباتك المسكونة فكم نسعد دوما بمتابعة حرفك البهي

[عبدالرحمن مدثر]

ملكه
جميل انو باستطاعتنا ان نبدا الان
ونصنع عالم جديد
عالم براحات وود مقيم
عالم يتسع لاحلامنا
لانها فيها نفس الجميع
وجميل جدا
هذا النص الشعري الذي اعشقه جدا جدا جدا


فلاهطلت علي ولابارضي سحايب ليس تنتظم البلادا


خربشه

وجميل انو نحندكك تاني بالمطر

[عبدالرحمن مدثر]

ياسر حبيب البي
افتخر بان هذا المكان الرحيب جمعنا
فاهدانا المحبه
ولك ان تفتخر بان بحسك الراقي
تامر
فتتطاع
وجينا عشانك
وعشان ناس حلوين
اجتمعنا هنا
علي المحبه
وسنفترق عليها
والحياة ياصديقي
مثل رقعه الشطرنج
خطوات
ابيض
اسود

نسال الله ان يبيض وجوهنا

يوم تبيض وجوه

[عبدالرحمن مدثر]

احمد علقم
دوما ياملك تذكرني ببراءة الاطفال التي اعشقها
سعيد انا كذلك
وان شاء الله تدوم


خربشه
المقصات والرقيب والحاجات البتنفر ديك
نعلللها قاعدة لحدي هسه

[ود الضو]

خربشه

الشطرنج دا اتضح لي انو مابمسك بيك زمن
بل بمسكك في السمينه

.....

حتي الان قاعد اسأل :
يعني المنافسات الدولية في ( الكتشينة ) ليه مافي
الشطرنج دا ما اخوها ود عمها عديل ..
انحنا يا ودمدثر ناس حلاّل كشتينة وسيجة وضُمنه
غايتو لو عملوا منافسة في ( الحريق + الـ 14 + الويست )
باقي الشباب والجلاكين الفي البلد ح يكبّوا الزوغة ..

[عبدالمنعم الصديق(خدرا)]

خرباش
تقبل مروري ياحبيبنا
انا شخصيا الشيطرنج دا ماوقع لي اصلا
لكن كان كشتينه جيبا وتعال مستعد ليك
من خم الولد وحكم الشايب للوست والهارت
مرورا بالكنكان والحريق وكان داير نقلبا ونجر البوكر ماعندي مانع

[عبدالرحمن مدثر]

ابوعمرو تحياتي
ونتمناك حضور عبر حكايه من حلتنا متعه لاتضاهيها متعه
عارف ياحبيب
انو الجزيرة تهودت وتسرولت (من اسرائيل)
اذا عرفت انو خيرة شبابها دقشو اسرائيل
بتصل لحقيقه كارثيه

[عبدالرحمن مدثر]

ود الجعلي
حضورك كان بطعم القهوة البكر
جميل انو في زحمه حضورك. . تنمحنا مساحه للفرح
دي جزئيه لايعرفها الا
اصحاب الحميميه الدايمه
وانت منهم
لدرجه اننا عملنا لينا تنظيم احساسي
بحضور قرجه
تذكرنا كل الاحباب وارتباطهم بقهوة حنونه
ههههه
عملنا قروب حنونابي
وشعارنا قريب من الشعار الحواتي

[عبدالرحمن مدثر]

جميله جدا مقوله

ان بنا عيوب كثيرة مكتسبه وليست خلقيه



لسه في امل في ان نعدل الصورة شان بكره وشان اطفالنا