السنسنه الحمراء...

[ياسر عمر الامين]

الفنانان العظيمان النور الجيلانى "شفاه الله" ومصطفى سيد احمد "رحمه الله" جاء ذكر للسنسنة الحمراء فى بعض مقاطع اغنياتهم...ورغم ولعى بالغوص فى معانى الكلمات وفكفكة رموزها الا انه اعيانى التعب فى معرفة معنى السنسنة الحمراء وهل هى مفردة تراثية ام كلمة عربية لها جزرها فى اللغة العربية...


"يااااااا قمراء اقلبى السنسنة الحمراء"

[ياسر عمر الامين]

الاحباب الاعزاء
حاتم مرزوق
ود الضو
عاطف عولى
الملكة اسماء
تغريد
ابوالنور
احمد علقم
روبش
سارية
والجميع
دعوة للمشاركة...

[الملكة اسماء ( ام محمد )]

صباحك خير ورضا اخي ياسر
حقيقة سؤال مهم ..
كثيرة هي الكلمات التي تاتينا ضمن اطار القافية و لا تستوقف الا عين فاحصة لمفردات اللغة

اكذب عليك اذا قلت عارفة معنى جملة السنسنة الحمراء ..

ويمكن السبب الاول ان حقيبتي من مفردتنا الدارجة شبه فارغة لبعدي عن الوطن منذ طفولتي لكن اكيد البقية عندهم فكرة عنها ..

[الملكة اسماء ( ام محمد )]

قال ليك ... السنسنه الحمراء هي طرقت الكسره المره وهي عادة حمراء من الماحية العلي الصاج
والقمره مع المغرب بتكون ما يلة للحمار بتشبه بطرقت الكسره
ده طبعا اذا كان الذره احمر .



همسة ... بامانة انا غششوني الاجابة ههههههه

[تغريد]

السنسنة الحمراء حسب كلام الاخ العزيز قوقل هي طرقة الكسرا وطالما حمراء معناتا من العجين الأحمر أو الفترتيتة



أما علاقة الكسرة .. بالقمرة .. بالحبيب الما جا


فهنا انا حيرت الحيرة زاااااتا في حيرتي






غايتو عاطف عولي دا بيكون بيعرف



دا بنبري غايتو

[ياسر عمر الامين]

صباحك خير ورضا اخي ياسر
حقيقة سؤال مهم ..
كثيرة هي الكلمات التي تاتينا ضمن اطار القافية و لا تستوقف الا عين فاحصة لمفردات اللغة

اكذب عليك اذا قلت عارفة معنى جملة السنسنة الحمراء ..

ويمكن السبب الاول ان حقيبتي من مفردتنا الدارجة شبه فارغة لبعدي عن الوطن منذ طفولتي لكن اكيد البقية عندهم فكرة عنها ..
رد الله غربتك وغربتنا اختى الملكة اسماء ولك خالص التحايا...هنالك الكثير من المفردات التى نستخدمها فى حياتنا اليومية واصبحت جزءً اصيلا من مكون ثقافتنا الشعبية ودرجنا على استخدامها فى "مكانها الصحيح" دون الدراية باصلها وفصلها ومعناها الحقيقى...كمثال لذلك تعبير "الدنيا فرندقس"...حتى هذه اللحظه لا اعلم ماهو هذا الفرندقس ومن اين اتى... :)

[ياسر عمر الامين]

قال ليك ... السنسنه الحمراء هي طرقت الكسره المره وهي عادة حمراء من الماحية العلي الصاج
والقمره مع المغرب بتكون ما يلة للحمار بتشبه بطرقت الكسره
ده طبعا اذا كان الذره احمر .



همسة ... بامانة انا غششوني الاجابة ههههههه



تحياتى يا ملكه ومشكورة كتير على "الغشه" ههههه...وحقيقة تعريف اول مره اسمع بيهو...

[ياسر عمر الامين]

السنسنة الحمراء حسب كلام الاخ العزيز قوقل هي طرقة الكسرا وطالما حمراء معناتا من العجين الأحمر أو الفترتيتة



أما علاقة الكسرة .. بالقمرة .. بالحبيب الما جا


فهنا انا حيرت الحيرة زاااااتا في حيرتي






غايتو عاطف عولي دا بيكون بيعرف



دا بنبري غايتو
يا هلااااا بالدكتورة تغريد وكل عام وانتى بالف خير...
لمن رديت على مشاركة الملكة اسماء وتعريفها للسنسنة الحمراء بانها "طرقة الكسرة" لم يدر فى بالى علاقة "الطرقة" بالقمرة والحبيب الغائب...ولكنك على ما اظن استخدمتى ادوات البحث العلمى فى التنقيب والتدقيق وذهبتى الى ما وراء المعنى الحرفى للكلمة...وهذا لعمرى يقودنا لافاق ارحب من المعرفة...
شكرا جميلا لك يا دكتورة على لفتنا لهذا المعنى...وده بنبرى معاك فى انتظار عاطف عولى والبقية...

[حاتم مرزوق]

الفنانان العظيمان النور الجيلانى "شفاه الله" ومصطفى سيد احمد "رحمه الله" جاء ذكر للسنسنة الحمراء فى بعض مقاطع اغنياتهم...ورغم ولعى بالغوص فى معانى الكلمات وفكفكة رموزها الا انه اعيانى التعب فى معرفة معنى السنسنة الحمراء وهل هى مفردة تراثية ام كلمة عربية لها جزرها فى اللغة العربية...


"يااااااا قمراء اقلبى السنسنة الحمراء"

تعرف يا ياسر زمني دا كله قايلها السلسلة الحمراء

لكن بعد مراجعة المراجع إتضح أن كلمة السنسنة طلع عندها أصل في لغة العرب لكن ربطه ببيت الشعر صعب شوية خلونا نشوف :




سِنسِن (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%90%D9%86%D8%B3%D9%90%D9%86)
سِنسِنة (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%90%D9%86%D8%B3%D9%90%D9%86%D8%A9)
سَنَاسِنُ (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%8E%D9%86%D9%8E%D8%A7%D8%B3%D9%90%D9 %86%D9%8F)


قام وزع ليكم الشغل وأعطاكم أمثلة لكل واحدة :

سَنسَنَ: ( فعل )
سَنْسَنَتِ الريحُ : هَبَّت هُبُوبًا باردًا
سَنْسَنَتِ : جاءَت الريحُ سناسِنَ : أَي على وجهٍ واحدٍ وطريقةٍ واحدة

---------------
السِّنْسِنةُ : رأْسُ المَحَالة
السِّنْسِنةُ : حرفُ فَقَار الظهر
السِّنْسِنةُ : طرفُ الضِّلَع الذي في الصَّدر
--------------

والأخيرة سيم سيم التانية


لكن الحمار دا جهجهنا

[حاتم مرزوق]

غايتو عاطف عولي دا بيكون بيعرف



دا بنبري غايتو
أكيد
ناس عمك عاطف ديل ما خريجين غردون والتعليم كان سمح

وأسأليه برضو من
رأْسُ المَحَالة دي شنو

[روبش]

( السنسنة الحمراء )
شكلها لينا لو سمحت عشان نجاوبك
اقول ::: الحمراء يعني حمراء اللون او شديدة الاحمرار
اقول تاني ::: ممكن استعين بصديق

[ahmed algam]

الحبيب ياسر عمر
دوما تاتينا بماهو غير مألوف ومفيد
كلمة السنسنة الحمراء الغريبة سمت اهلنا بقولوعا للشفع بالليل لما تكون القمرة قمر 14
يقوليك يالقمرع يالقمره اقلبي السنسنة الحمراء وشوفي فلان جاء ولا ماجاء ... ويغشوهوا ويقولوا ليهوا هداك جاء

خلاف كدة مابعرف ليها اصل

[ahmed algam]

اها ودي قعدة عشان نشوف
معني السنسنه الحمراء دي شنو

[تغريد]

أكيد
ناس عمك عاطف ديل ما خريجين غردون والتعليم كان سمح

وأسأليه برضو من
رأْسُ المَحَالة دي شنو


ههههههههههههه

غايتو يا حاتم انا قصدي كان قريب من دا لكن ما حصلت كلية غردون

بس أنت قصدك انو عاطف عولي دا قديييييييييم ومن زمن حفروا البحر مش كدا




وش عامل فيها ما فاهم اي شئ

هههههههه

[ساريه]

السنسنه الحمراء وشليل وين راح وهوو لبلب موروث سودانى ( حاجات بلدى ) قمنا ولقيناها قدامنا وحبيناها حتى بدون ما نعرف معناها ..... اها يا ياسر اخت بنبرى معاكم ولا نكتفى بالقالو الشباب .....

[ود الأصيل]

السنسنة الحمراء و ما أدراك ما السنسنة الحمراء،بعيداً عن المصطلح الطبي( التشريحي) المشار إليه عاليه،
قيل:هي الوجه الآخر غير المشرق للقمر، بحمرة لون الشفق عند المغايب. و قد جرت العادة في لغة العرب على إطلاق
مثل هذه التشبيهات التمثيلية على بعض صور الحياة الحياة اليومية قياساً على صورٍ مأخوذةٍ من الطبيعة. كما
قال أحد البلغاء و هو يبدى ذهولاً من خبازٍ مر به من حيث شدة اتقانة مع السرعة الفلكية في صنع الرقائق. حين قال:
إن أنسَى ما أنسَى خبازاً مررتُ به
يدحو الرُّقاقة َ وشكَ اللمحِ بالبصرِ
فما بين رؤيتها في كفه كرةً
و بين رؤيتها قـوراءَ كالقمرِ
إلا بمقدارِ ما تنــداحُ دائـرةٌ
في لجة الماء يُرمَى فيه بالحجرِ .
و لإن ذهب البعض إلى تشبيه السنسنة بطرقة الكسرة المرة (الأنجيرة) الحمرا
من دقيق ود عَكَرْ أو الدَبَرْ أو المُقُدْ ، و ليس زادنا على حد زعم الحناكيش، فلا غضاضة..
و على رأي نور الجيلاني- و هو من صميم تراثياتنا التي لدينا منها الكثير- كنا في أيام الصبا
قبل الصبابة كثيراً ما ينجدع أحدنا (علي حُمَّير قفاه)فوق عنقريب موسر بالقد و مشنط بحبل عاشميق،
و يقعد يناجي في القمرا و يسألها عن أبيه الذي راح و طول الغياب أو عن نديمه الذي أضناه بوعثاء السهاد.

[ياسر عمر الامين]

تعرف يا ياسر زمني دا كله قايلها السلسلة الحمراء

لكن بعد مراجعة المراجع إتضح أن كلمة السنسنة طلع عندها أصل في لغة العرب لكن ربطه ببيت الشعر صعب شوية خلونا نشوف :




سِنسِن (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%90%D9%86%D8%B3%D9%90%D9%86)
سِنسِنة (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%90%D9%86%D8%B3%D9%90%D9%86%D8%A9)
سَنَاسِنُ (http://www.almaany.com/home.php?language=arabic&lang_name=%D8%B9%D8%B1%D8%A8%D9%8A&word=%D8%B3%D9%8E%D9%86%D9%8E%D8%A7%D8%B3%D9%90%D9 %86%D9%8F)


قام وزع ليكم الشغل وأعطاكم أمثلة لكل واحدة :

سَنسَنَ: ( فعل )
سَنْسَنَتِ الريحُ : هَبَّت هُبُوبًا باردًا
سَنْسَنَتِ : جاءَت الريحُ سناسِنَ : أَي على وجهٍ واحدٍ وطريقةٍ واحدة

---------------
السِّنْسِنةُ : رأْسُ المَحَالة
السِّنْسِنةُ : حرفُ فَقَار الظهر
السِّنْسِنةُ : طرفُ الضِّلَع الذي في الصَّدر
--------------

والأخيرة سيم سيم التانية


لكن الحمار دا جهجهنا






مشكور اخى الحبيب حاتم على المجهود فى البحث عن المعنى...بس السلسه الحمرا دى موتتنى بالضحك...هههه...التعريف الاول بتاع الريح ده غايتو بيجاى بيجاى ممكن يتفهم لكن بتاع سيم سيم ده الله اعلم تكون جبتو من مرجع عربى...ههههههه...

[ياسر عمر الامين]

الحبيب ياسر عمر
دوما تاتينا بماهو غير مألوف ومفيد
كلمة السنسنة الحمراء الغريبة سمت اهلنا بقولوعا للشفع بالليل لما تكون القمرة قمر 14
يقوليك يالقمرع يالقمره اقلبي السنسنة الحمراء وشوفي فلان جاء ولا ماجاء ... ويغشوهوا ويقولوا ليهوا هداك جاء

خلاف كدة مابعرف ليها اصل

مشكور ابوحميد على مرورك الكريم والغشونا بيهو زمن شفع كتير خلاص...كبرنا وكبرت احزانا ولا كملت حكاوينا ولا لقينا البورينا المعانى دى...اهو بمبرنا معاك منتظرين...

[ياسر عمر الامين]

( السنسنة الحمراء )
شكلها لينا لو سمحت عشان نجاوبك
اقول ::: الحمراء يعني حمراء اللون او شديدة الاحمرار
اقول تاني ::: ممكن استعين بصديق

الحبيب روبش عامك سعيد وعمرك مديد...كدى شكلها انت بالطريقة البتعجبك وورينا المعنى...اها قصرت معاك...هههه...

[ياسر عمر الامين]

السنسنة الحمراء و ما أدراك ما السنسنة الحمراء،بعيداً عن المصطلح الطبي( التشريحي) المشار إليه عاليه،
قيل:هي الوجه الآخر غير المشرق للقمر، بحمرة لون الشفق عند المغايب. و قد جرت العادة في لغة العرب على إطلاق
مثل هذه التشبيهات التمثيلية على بعض صور الحياة الحياة اليومية قياساً على صور مأخوذة من الطبيعة. كما
قال أحد البلغاء و هو يبدى ذهولاً من خباز مر به من حيث شدة اتقانة مع السرعة الفلكية في صنع الرقائق. حين قال:
إن أنسَى ما أنسَى خبازاً مررتُ به
يدحو الرُّقاقة َ وشكَ اللمحِ بالبصرِ
فما بين رؤيتها في كفه كرةً
و بين رؤيتها قــوراءَ كالقمر
إلا بمقدارِ ما تنــداح دائـرةٌ
في لجة الماء يُرمَى فيه بالحجر .
و لإن ذهب البعض إلى تشبيه السنسنة بطرقة الكسرة المرة (الأنجيرة) الحمرا
من دقيق ود عَكَرْ أو الدَبَرْ أو المُقُدْ ، و ليس زادنا على حد زعم الحناكيش، فلا غضاضة..
و على رأي نور الجيلاني- و هو من صميم تراثياتنا التي لدينا منها الكثير- كنا في أيام الصبا
قبل الصبابة كثيراً ما ينجدع أحدنا (علي حُمَّير قفاه)فوق عنقريب موسر بالقد و مشنط بحبل عاشميق،
و يقعد يناجي في القمرا و يسألها عن أبيه الذي راح و طول الغياب أو عن نديمه الذي أضناه بوعثاء السهاد.

استاذنا الحبيب عابر سبيل لم يخب لي فيك رجاء فكنت كعهدى بك غائرا غائصا غائطا فى الدرر تجلى المعانى وتسبك الحقائق...اضأت لنا جانبا كنا نجهله فلك منى كل الود والتقدير...

[ود الأصيل]

استاذنا الحبيب عابر سبيل لم يخب لي فيك رجاء فكنت كعهدى بك غائرا غائصا غائطا فى الدرر تجلى المعانى وتسبك الحقائق...اضأت لنا جانبا كنا نجهله فلك منى كل الود والتقدير...

كعادتك ، تجبرني على الوقوف طويلاً لأوفيك العرفان و التبجيل. و ما أخشاه أن يبدو الأمر وكأني متثاقل على إلحاحك في طلبي،
و واقع الأمر أنني أخف من وزن ريشة على متن حمام زاجل بين ثنايا الغمام الراحل. لله درك أستاذي/ ياسر.أثقلتني بكلفة باهظة دونها العرق
بوضعي بين شاخصين لأتنشق عبقاً من عطر التثاء نثرتموه كما الطل على وجنات الورود؛ حتى كدت أصدق أنني أنطوي على قيمة لم أدركها بعد؛
فلعلي أعرف منك ما إذا كنت جديراً حقاً بأن تنكس البيارق لغيبتي حتى يقرع النحاس لمقدمي! كم تشجعني بدفء أريحيتك لرسم ملامح العطاء.. و
زرع البذور لتبزغ أزاهير الأقحوان!! لكنك تنسى تعليمي كيف أتعاهدها بالرعاية و الحفاظ..كما تقول لي دقات قلبي إن الحياة دقائق وثوان.. وأغلى كنوزها
صحبة وتفان.. و إن علينا أن نعيشها دونما فقدان اتزان! حين تزل بي قدمي على عثرات الككرام فتسوقني الخطى إلى غيهب النسيان؛ أنتم من يسعفني فيه بطوق أمان!
تعلمت كيف أرسم التبسم بوجه طلق على ملامح البشر. لكن عجزي تامٌ عن مسح دموعي كي أبتسم! تعلمت جيداً نكأ جراحي وجهلت مداواتها لتلتئم! ولا كيف أرش الملح عليها
كي تقاوم العفن! تماماً مثلما أرضعتني أمي محجة بيضاء كرفض الكوابل والقيود..ولم ترشدني لتحطيمها على صخرة الصمود! ولدتني أمي حراً ثم أباحت لي تعاطي كل شيء،
و قول كل شيء ممكن ثم نسيت إفهامي أنه ليس كل ما يفهم جائز البوح على رؤوس الملاً! كماعلمتني كيف أتنفس الحروف جميعاً! ولم تلفت نظري لأن ثقب يراعي أضيق
من التهام ثمانية وعشرين حرفاً كلها حبلى بعنفوانٍ صاخب و مرهق لجنوني العنيد! علموني أنني طالما أفكر،إذاً فأنا كائن موجود وحي أرزق..ولكن لم يثنيني أحد من مغبة
أن "أكون" لكون لكل شيء حدود و للكون حدود! تحسست قلبي فوجدته زهرة قطن بيضاء من غير سوء؛ لكنه غلبني أن أهوده أو أمجسه بالكتابة عليه بالسواد..فأصبح
على سجيته كفؤاد أم موسى فارغاً من كل حقد! نبهتني أمي لأن فرساً جامحاً يسكنني! لكنها ضنت علي بكيف يكون الترويض على أيدي الأيام!! ثم ربتني مدرسة الدنيا
على أن ثمة بغلة تطل برأسها من رقراق الأبريق..لكنها خوفتني من مجرد الإشارة لوجودها هناك، لكونها حقيقة عصية على التصديق؛ و كون البغلة أكبر من
عنق الإبريق.. تتأهب حواسي الست لمتى يستأذن الفجر للرحيل..لكنها لم تهيأني لمفاجآت يومي الطويل و لا حين يحل مسائي المحزون ، ولا متى يئين
لليلي أن ينجلي، بصبح ؛ و إن كان إصباحي ليس منه بأمثل! ثم بعد فوات الأوان دربتني سقطاتي على معانقة الأحزان..لكنني ظللت أرفض
دوماً التهاون في بيع الأوطان في أسواق النخاسة بزهيد الأثمان.

[ملك]

تحياتي اخي ياسر عمر والتحيه لاعضاء المنتدي جميعا...قيل السنسنه هو قمح السنسنه يصنع به الكسره وتعاس الكسره قديما في ضؤ القمر حيث يطلب من القمر (ياقمرا ياقمرا اقلبي السنسنه الحمراء وشوفي لي ياسر ماجاء ) ضرب مثل ياياسر

[telecom]

الغالى ياسر
مسست شئ فى القلب وعلاقة ريد وحب تربطنى بهذه السنسنة كنت احبها دوما وانظر الى القمر واحادثه بان يأتى ابى وحين ارى وجه ابى اشكر السنسنة على عودته سالما. الى هذه اللحظة كلما نظرة الى القمر خاطبته بصوت ابى يا القمرا يا القمرا اكسرى السنسنة الحمرا وشوفى حبيبنا لى ما جا


كسرة
عارف يا ياسر ماحصل يوم سالتا نفسى السنسنة الحمرا دى شنو
حقيقة انك مبدع ودواخلك جميلة تبحث دوما عن الجميل
لك الود

[محجوب]

يا خالو ياسر
انحنا الزمن داك ما حضرناهو
كدى ارجع لعولى وعلونى وهاترك

[عنكوليب]

تتضاحك الحروف وهي حبلى بالجميل من المعاني .. والمسكوت عليه ايضا ..
سنسن ..
سنسنه ..
سناسن ..
وكثير ..
ارتبطت الحمرة بالسنسه .. بل والعكس ايضا ...للونها ياترى .. أم لشأن عظيم تعنيه الكلمه . والاحمر دوما علامة للخطر أو العظمة والاهتمام ..
والكسرة با نواعها دائريه حين تخبز على الصاج ..
فوجهها للقمر متشابه ..
ووجودها الليلي ايضا ﻷهل الشمال فيما يسمى بالدقوقيه ( خبزة من عيش الريف ) .. لها طعم الحنيه والجمال القمري بشعاعه المخملي .. ذات قرص دائري .. لكنها غير حمراء ..

سنسن .. مسكوت عنها .. يقول الشباب .. لبعضهم .. فلان مسنسن .. أي سكران .. فهل هنا معناها للون العيش االاحمر .. أم لحمرة العينين .. أم ماذا ؟؟؟؟

سناسن .. صغار ..

تراني أسأل .. وأنت تريد إجابه ..؟؟

تحياتي .. يامدني يا حبي ..

[ياسر عمر الامين]

تحياتي اخي ياسر عمر والتحيه لاعضاء المنتدي جميعا...قيل السنسنه هو قمح السنسنه يصنع به الكسره وتعاس الكسره قديما في ضؤ القمر حيث يطلب من القمر (ياقمرا ياقمرا اقلبي السنسنه الحمراء وشوفي لي ياسر ماجاء ) ضرب مثل ياياسر

تحياتى الحارة لك اختى ملك...وها انتى تاتينا بتعريف جديد للسنسنة الحمراء...لك كل التقدير لمرورك الكريم...

[ياسر عمر الامين]

الغالى ياسر
مسست شئ فى القلب وعلاقة ريد وحب تربطنى بهذه السنسنة كنت احبها دوما وانظر الى القمر واحادثه بان يأتى ابى وحين ارى وجه ابى اشكر السنسنة على عودته سالما. الى هذه اللحظة كلما نظرة الى القمر خاطبته بصوت ابى يا القمرا يا القمرا اكسرى السنسنة الحمرا وشوفى حبيبنا لى ما جا


كسرة
عارف يا ياسر ماحصل يوم سالتا نفسى السنسنة الحمرا دى شنو
حقيقة انك مبدع ودواخلك جميلة تبحث دوما عن الجميل
لك الود
تليكوم منورة يا اميرة...لكل منا فى طفولته تناجيا خاصا مع الوالدين يرتبط بشئ معين يعلق بالذاكرة ولا يبرحها أبدا وكل ما غابو عنا تذكرناهم كل ما راينا تلك الاشياء...رحمهم الله امواتا واحياء...وتقبل الله والدك فى الفردوس الاعلى...

[ياسر عمر الامين]

يا خالو ياسر
انحنا الزمن داك ما حضرناهو
كدى ارجع لعولى وعلونى وهاترك

يا هلاااااا بيك كتير محجوب ومنور المنتدى...الجماعة ديل شردو من البوست خايفين الفضيحة...هههههه...شكرا جميلا لمرورك الجميل...

[ياسر عمر الامين]

تتضاحك الحروف وهي حبلى بالجميل من المعاني .. والمسكوت عليه ايضا ..
سنسن ..
سنسنه ..
سناسن ..
وكثير ..
ارتبطت الحمرة بالسنسه .. بل والعكس ايضا ...للونها ياترى .. أم لشأن عظيم تعنيه الكلمه . والاحمر دوما علامة للخطر أو العظمة والاهتمام ..
والكسرة با نواعها دائريه حين تخبز على الصاج ..
فوجهها للقمر متشابه ..
ووجودها الليلي ايضا ﻷهل الشمال فيما يسمى بالدقوقيه ( خبزة من عيش الريف ) .. لها طعم الحنيه والجمال القمري بشعاعه المخملي .. ذات قرص دائري .. لكنها غير حمراء ..

سنسن .. مسكوت عنها .. يقول الشباب .. لبعضهم .. فلان مسنسن .. أي سكران .. فهل هنا معناها للون العيش االاحمر .. أم لحمرة العينين .. أم ماذا ؟؟؟؟

سناسن .. صغار ..

تراني أسأل .. وأنت تريد إجابه ..؟؟

تحياتي .. يامدني يا حبي ..
تحياتى الحارة عنكوليب يا امراءة من الزمن الجميل...غايتو يمكن المعنى الجيتى بيهو ده مافى زول سبقك عليهو لحدى الان...وقد يكون الاقرب دلالة للمعنى المراد...
بخصوص سنسن وارتباطها "بالمسنسنين" يبدو لى ان لها ارتباطا بالمعنى الذى ذهب اليه حاتم مرزوق فى ان معنى سنسن اى الهواء البارد الذى يحفز "المسنسنين" ويهئ المزاج ويضبط الاجواء "لممارسة" السنسنة... :):):) ....

[خالد أحمد الصول]

لي زمان طويل أتردد بين الحضور والبيات الشتوي الذي أنا فيه ... كنت أخشي ما أخشاه أن أحضر وأجد ريمة علي عادجتها القديمة وأن أجد البيت قد سكنته العناكب وإنفض سامر القوم ... وصلني تلفون صباحي من أخي ياسر عمر الامين يحمل أريج مدينة الرسول صلي الله عليه وسلم ويحمل حب إذا وزعته علي البلاد لكفاها وأوقف الحروب فورا ... فرحت فرحة الطفل بلعبته صباح يوم العيد وحزمت أمتعتي وعزمت وتوكلت علي الحي الذي لا يموت فولجت الباب متحفزا خائفا مترددا حتي طالعني هذا البوست فأعادني الي فورة الشباب وجعلني متألقا نضرا حتي غازلني الناس في الشوارع ... فرحان بكم جدا ... ومبسوط منكم لحد الكيف .. فهكذا الشباب وهكذا حب الشباب لمدينتهم ولكم الانحناءه إحتراما

[mahagoub]

لي زمان طويل أتردد بين الحضور والبيات الشتوي الذي أنا فيه ... كنت أخشي ما أخشاه أن أحضر وأجد ريمة علي عادجتها القديمة وأن أجد البيت قد سكنته العناكب وإنفض سامر القوم ... وصلني تلفون صباحي من أخي ياسر عمر الامين يحمل أريج مدينة الرسول صلي الله عليه وسلم ويحمل حب إذا وزعته علي البلاد لكفاها وأوقف الحروب فورا ... فرحت فرحة الطفل بلعبته صباح يوم العيد وحزمت أمتعتي وعزمت وتوكلت علي الحي الذي لا يموت فولجت الباب متحفزا خائفا مترددا حتي طالعني هذا البوست فأعادني الي فورة الشباب وجعلني متألقا نضرا حتي غازلني الناس في الشوارع ... فرحان بكم جدا ... ومبسوط منكم لحد الكيف .. فهكذا الشباب وهكذا حب الشباب لمدينتهم ولكم الانحناءه إحتراما

حباب ودالصول
وجودك نور فى حد زاتو
بس ده ما بعفيك م الاجابه ما ود دفعه

[ياسر عمر الامين]

لي زمان طويل أتردد بين الحضور والبيات الشتوي الذي أنا فيه ... كنت أخشي ما أخشاه أن أحضر وأجد ريمة علي عادجتها القديمة وأن أجد البيت قد سكنته العناكب وإنفض سامر القوم ... وصلني تلفون صباحي من أخي ياسر عمر الامين يحمل أريج مدينة الرسول صلي الله عليه وسلم ويحمل حب إذا وزعته علي البلاد لكفاها وأوقف الحروب فورا ... فرحت فرحة الطفل بلعبته صباح يوم العيد وحزمت أمتعتي وعزمت وتوكلت علي الحي الذي لا يموت فولجت الباب متحفزا خائفا مترددا حتي طالعني هذا البوست فأعادني الي فورة الشباب وجعلني متألقا نضرا حتي غازلني الناس في الشوارع ... فرحان بكم جدا ... ومبسوط منكم لحد الكيف .. فهكذا الشباب وهكذا حب الشباب لمدينتهم ولكم الانحناءه إحتراما

استاذنا الغالى ود الصول انت علم على راسه نار...ووجودك هنا شرف عظيم...ولا اخفيك عندما سجلت فى المنتدى قبل 5 سنوات كنت اطالع ولا اشارك واكثر البوستات التى تستهوينى هو ودمدنى هذا الصباح لما يحمله من اخبار تغيب عنا نحن خارج الوطن...ولانك تكتب مادته بروح خفيفة تريح النفس وتربط الناس باحوال مدينتنا الجميلة...

[مرتضى يوسف العركي]

الفنانان العظيمان النور الجيلانى "شفاه الله" ومصطفى سيد احمد "رحمه الله" جاء ذكر للسنسنة الحمراء فى بعض مقاطع اغنياتهم...ورغم ولعى بالغوص فى معانى الكلمات وفكفكة رموزها الا انه اعيانى التعب فى معرفة معنى السنسنة الحمراء وهل هى مفردة تراثية ام كلمة عربية لها جزرها فى اللغة العربية...


"يااااااا قمراء اقلبى السنسنة الحمراء"

الرائع ود عمر الامين ( ابو الياء )
اهو ده الكلام البخوفنا منكم كمشرف للمثقفاتية والحمد لله جبتها بنفسك ولعك وغوصك في معاني الكلمات وفكفكة رموزها لدرجة اعياك التعب
دايرنا نجيك في الثقافي عشان تغوص فيما هردبيسنا البنكتبو ده انت ما مؤمن ياخي النور الجيلاني ومصطفى سيد احمد وشعرائهم ما سلموا من غوصك ده داير تلحقنا ليهم كمان 0
يا خوي تلقاها عند الغافل
البعرفوا انا على ما اذكر انو في تكملة ( يا قمراء اقلبي السنسنة الحمراء )
وعالقة فيني بالشكل ده ( يا القمراء يالقمراء اقلبي السنسة الحمراء وشوفي حبيبي ليه ما جاء )
والله يا ياسر إما يكون ما ذكرته اعلاه تكملة للغنية بتاعت النور الجيلاني او تكون جزء علق بما
تردده حبوبتي شلبية بت سليمان ود ابو رز رحمها الله
فقد كانت غالبا هي الوحيدة التي تدندن لنا باشياء من هذا القبيل اثناء احاجيها لنا قبل النوم
وحقيقي لم ابحث في الامر فهناك اشياء اتلذذ بغموضها ولا اود ان اجد لها اجابة
فكثير من التساؤلات في حياتي تتطلب اجابات احجم عنها برغبة عارمة
لكي اتلذذ بغموضها .
السنسنة الحمراء حسب كلام الاخ العزيز قوقل هي طرقة الكسرا وطالما حمراء معناتا من العجين الأحمر أو الفترتيتة حسب ما تفضل به الاخت الملكة اسماء و د. تغريد
ما في داعي اجاري حاتم فتحي في معنى السنسنه حيث ذهب في تفسيرها بما يلي
سَنسَنَ: فعل
سَنْسَنَتِ الريحُ : هَبَّت هُبُوبًا باردًا
سَنْسَنَتِ : جاءَت الريحُ سناسِنَ : أَي على وجهٍ واحدٍ وطريقةٍ واحدة
السِّنْسِنةُ : رأْسُ المَحَالة
السِّنْسِنةُ : حرفُ فَقَار الظهر
السِّنْسِنةُ : طرفُ الضِّلَع الذي في الصَّدر
فذهبت لاتجاه اخر ارجو ان تتقبله من باب المزاح واضفاء جو فكاهي لا اكثر والله
لكوني ود ناس وما شرامي وطبعا عشان اجيب ليك تفسير بتاع شرامة على كده لجأت لاحد الاخوان الزمان وقال لي السنسنة دي معروفة
ياخي دي بدفعوا التشادير والشرتيات وكان ما دفعت ما بتضوقوا
قلت ليهو انت فهمت غلط بقصد السنسنة الحمراء
قال لي ما يها ذاتها وفي سنسنة ما حمراء قوم لف ياخ
دي يا حبيب جاية من القعدات الحمراء قلت ليهو تقصد قعدات شراب الخمر
فرد علي ياخي قعدات شراب العرقي البخليك تولع وعلى كده التولع ده مش نار؟ قلت ليهو نعم. وقال النار دي ما حمراء؟ قلت نعم . قال وطيب ياخ ما تفهمها وشوف ليك موضوع تاني .
وطالما الامر مسالة تعلم وجدت من المهم ابراز هذا الراي المخالف لاثراء الامر وفسح المجال لنقضه ان وجد
مع كامل التحية والتقدير لشخصكم ومتداخليكم الكرام
على فكرة بحتاج لمساعدة صديق ممكن ؟
الو شيخي عباس الدسيس ارجو المساعدة .

[ياسر عمر الامين]

الرائع ود عمر الامين ( ابو الياء )
اهو ده الكلام البخوفنا منكم كمشرف للمثقفاتية والحمد لله جبتها بنفسك ولعك وغوصك في معاني الكلمات وفكفكة رموزها لدرجة اعياك التعب
دايرنا نجيك في الثقافي عشان تغوص فيما هردبيسنا البنكتبو ده انت ما مؤمن ياخي النور الجيلاني ومصطفى سيد احمد وشعرائهم ما سلموا من غوصك ده داير تلحقنا ليهم كمان 0
يا خوي تلقاها عند الغافل
البعرفوا انا على ما اذكر انو في تكملة ( يا قمراء اقلبي السنسنة الحمراء )
وعالقة فيني بالشكل ده ( يا القمراء يالقمراء اقلبي السنسة الحمراء وشوفي حبيبي ليه ما جاء )
والله يا ياسر إما يكون ما ذكرته اعلاه تكملة للغنية بتاعت النور الجيلاني او تكون جزء علق بما
تردده حبوبتي شلبية بت سليمان ود ابو رز رحمها الله
فقد كانت غالبا هي الوحيدة التي تدندن لنا باشياء من هذا القبيل اثناء احاجيها لنا قبل النوم
وحقيقي لم ابحث في الامر فهناك اشياء اتلذذ بغموضها ولا اود ان اجد لها اجابة
فكثير من التساؤلات في حياتي تتطلب اجابات احجم عنها برغبة عارمة
لكي اتلذذ بغموضها .
السنسنة الحمراء حسب كلام الاخ العزيز قوقل هي طرقة الكسرا وطالما حمراء معناتا من العجين الأحمر أو الفترتيتة حسب ما تفضل به الاخت الملكة اسماء و د. تغريد
ما في داعي اجاري حاتم فتحي في معنى السنسنه حيث ذهب في تفسيرها بما يلي
سَنسَنَ: فعل
سَنْسَنَتِ الريحُ : هَبَّت هُبُوبًا باردًا
سَنْسَنَتِ : جاءَت الريحُ سناسِنَ : أَي على وجهٍ واحدٍ وطريقةٍ واحدة
السِّنْسِنةُ : رأْسُ المَحَالة
السِّنْسِنةُ : حرفُ فَقَار الظهر
السِّنْسِنةُ : طرفُ الضِّلَع الذي في الصَّدر
فذهبت لاتجاه اخر ارجو ان تتقبله من باب المزاح واضفاء جو فكاهي لا اكثر والله
لكوني ود ناس وما شرامي وطبعا عشان اجيب ليك تفسير بتاع شرامة على كده لجأت لاحد الاخوان الزمان وقال لي السنسنة دي معروفة
ياخي دي بدفعوا التشادير والشرتيات وكان ما دفعت ما بتضوقوا
قلت ليهو انت فهمت غلط بقصد السنسنة الحمراء
قال لي ما يها ذاتها وفي سنسنة ما حمراء قوم لف ياخ
دي يا حبيب جاية من القعدات الحمراء قلت ليهو تقصد قعدات شراب الخمر
فرد علي ياخي قعدات شراب العرقي البخليك تولع وعلى كده التولع ده مش نار؟ قلت ليهو نعم. وقال النار دي ما حمراء؟ قلت نعم . قال وطيب ياخ ما تفهمها وشوف ليك موضوع تاني .
وطالما الامر مسالة تعلم وجدت من المهم ابراز هذا الراي المخالف لاثراء الامر وفسح المجال لنقضه ان وجد
مع كامل التحية والتقدير لشخصكم ومتداخليكم الكرام
على فكرة بحتاج لمساعدة صديق ممكن ؟
الو شيخي عباس الدسيس ارجو المساعدة .
ههههههههههههه...ياخى صاحبك ده جاك من الاخر واداك النجيضة...بعدين يا سعادتك انت قلمك ده نحن البنخاف منو وغايتو لو ما عارف بس انو القسم الثقافى فيهو الناس الكبار بكتاباتهم وابداعاتهم ما كان هوبت ناحيتك...انت اديب بتكتب بحس عالى واهم مافيهو صدق كلماتك...ما قابلت انسان بيعرفك الا وتحدث عنك بكثير من الزهو...فحرى بمدنى أن تفخر بامثالك...لك منى كل الود والاحترام...