يا الملكة سؤال؟ [الأرشيف]

الملكة اسماء ( ام محمد )

26-07-2014, 07:55 AM

1- اللون دا بيعني ليك شنو؟

نجي لسؤالك

اللون بريحني نفسيا .. لون هادئ

ومن التلفون ماقادرة الون عشان كدا نفسياتي تعبت ..

الملكة اسماء ( ام محمد )

26-07-2014, 07:56 AM

وأي زول عندو سعال يتفضل
عمو .. كفايا عليك سعالاتك بلاش تسلط علي ناس بلبل و الراجين التور يقع خخخخخ

wad alballal

26-07-2014, 08:26 AM

اي اي اي داير اسعل سعال يا ملكة شايلة ياتو نوع من التلفونات وليه

الملكة اسماء ( ام محمد )

26-07-2014, 08:51 AM

اي اي اي داير اسعل سعال يا ملكة شايلة ياتو نوع من التلفونات وليه

اهااااااااا ....شايف يااونكل عاطف
.اهو عندك الحاقد بلبل وصل ...

نجي للجابة سؤالك يا مزعج ... note3

أما ليه دي ... فده عشان شاشته اكبر وبتخليني اتصفح المنتدى احسن

wad alballal

26-07-2014, 03:32 PM

اهااااااااا ....شايف يااونكل عاطف
.اهو عندك الحاقد بلبل وصل ...

نجي للجابة سؤالك يا مزعج ... note3

أما ليه دي ... فده عشان شاشته اكبر وبتخليني اتصفح المنتدى احسن

ما عندك واحد مستعمل استعمال كوريا ترسليهو لينا
اها السعال التاني
لو قالو ليك عندك مسدس فيهو 3 طلقات تديهم لي ﻣﻨﻮﻭﻭﻭﻭﻭ

الملكة اسماء ( ام محمد )

26-07-2014, 04:07 PM

ما عندك واحد مستعمل استعمال كوريا ترسليهو لينا
اها السعال التاني
لو قالو ليك عندك مسدس فيهو 3 طلقات تديهم لي ﻣﻨﻮﻭﻭﻭﻭﻭ

هيهيهيهيهي ..ده سؤال مشاكل عديييل كدا ...

طيب

الأولى .. لقائد إسرائيل .
الثانية .. للفقر الذي يعانيه الضعفاء.
الثالثة .. لكل رجل لايحترم النساء . ... ولا نامت اعين الجبناء هيهيههي

ود الضو

26-07-2014, 06:35 PM

سؤال : في كأس العالم كنتي بتشجعي ياتو منتخب ؟؟
دا لو كنتي مهتمة بالكورة طبعا , ولو مامهتمة ح ابدّل السؤال ؟

الملكة اسماء ( ام محمد )

27-07-2014, 02:40 AM

سؤال : في كأس العالم كنتي بتشجعي ياتو منتخب ؟؟
دا لو كنتي مهتمة بالكورة طبعا , ولو مامهتمة ح ابدّل السؤال ؟

مابكره شي قدر كرة القدم

فشنو ... بدل السؤال ساااي

ود الضو

27-07-2014, 03:22 AM

مابكره شي قدر كرة القدم
فشنو ... بدل السؤال ساااي

.....مارأيك في هذا القول :

النساء الجميلات أقل سعادة من غيرهن وأقل حظاً ...

الملكة اسماء ( ام محمد )

27-07-2014, 06:15 AM

.....مارأيك في هذا القول :

النساء الجميلات أقل سعادة من غيرهن وأقل حظاً ...

أوافقك الرآي تماما
فبعض نعم الله علينا تتحول لنغمة بين البشر .. خاصة ممن يرون المرأءة من زاوية واحدة

عاطف عولي

28-07-2014, 03:05 AM

الملكة هناك مخاض الأنثي لفرح آتي

ومخاض الكاتب لولادة الحرف

اوجه الشبه بين الأتنين وأيهما اصعب؟؟؟؟؟؟؟؟؟؟؟؟؟؟؟؟

الملكة اسماء ( ام محمد )

28-07-2014, 05:14 AM

الملكة هناك مخاض الأنثي لفرح آتي

ومخاض الكاتب لولادة الحرف

اوجه الشبه بين الأتنين وأيهما اصعب؟؟؟؟؟؟؟؟؟؟؟؟؟؟؟؟

مرحبا عمو عاطف
عيدك مبارك

بالنسبة لسؤالك
الشبه بينهما ان كلاهما مخاض يسبقه آلم وترقب و ترتيب لأمور تأتي أولا .. حتى يثمر المخاض بالشكل المطلوب .. فمخاض الفرح يسبقه حزن و محاولات لاعادة توازن الامور و مخاض الحرف تسبقه معاناة او فكرة وليدة معاناة ..

اصعبهما مخاض الحرف .. فنحن نشعر بشي ونكتب غير مانشعر به عادة والا فان اسباب البوح اجمل من مجرد التزييف فلو فكرنا بالبوح بما يختلجنا لكان المخاض اسهل وتمت ولادة حروف سهلة و متزنة .. ولكن ما ان نحاول الالتفاف حول الفكرة سبب المعاناة تنجب حروفنا نصا مشوها .. يبدو جليا للعين الفاحصة تهرب كاتبه من سبب الكتابة اصلا ..

عاطف عولي

28-07-2014, 05:18 AM

الفرق بين أمومة او أبوة طفل

وأمومة وأبوة الحرف والكلمة والجملة؟

عاطف عولي

28-07-2014, 05:19 AM

العلاقة بين دراسة العلوم الطبية والإبداع؟

الملكة اسماء ( ام محمد )

28-07-2014, 05:29 AM

عمو عاطف

الليلة شنو؟

التوقيع .. وش فتر من قولة سلام وحباب ؟

عاطف عولي

28-07-2014, 05:32 AM

عمو عاطف

الليلة شنو؟

التوقيع .. وش فتر من قولة سلام وحباب ؟

الليلة في الأيام يوم الأتنين يوم ميلاد خير البشر

والليلة العيد

عيدآ عليك سعيد

الملكة اسماء ( ام محمد )

28-07-2014, 05:35 AM

الليلة في الأيام يوم الأتنين يوم ميلاد خير البشر

والليلة العيد

عيدآ عليك سعيد

عليه افضل الصلاة واتم التسليم

وانت اسعد يارب

ود الضو

28-07-2014, 06:03 AM

ياملكة طقوس العيد مابين السودان وحيث انتي الان ؟؟
ومن قبل كل عام انتي والمعاك بخير ..

عاطف عولي

28-07-2014, 06:11 AM

ياملكة طقوس العيد مابين السودان وحيث انتي الان ؟؟
ومن قبل كل عام انتي والمعاك بخير ..

عفيت منك يا ودالضو خش في الغريق وحك اللحم الحي

وخلي ود البلال يجيب الدم

الليلة أماني ما وقعت ملكة!!!!!!!!!!!!!!!

ههههههههههههههههههههه

wad alballal

28-07-2014, 06:15 AM

شايفك زغتي من الاسئلة يا ملكة الفوق ديك ..

عاطف عولي

28-07-2014, 06:20 AM

شايفك زغتي من الاسئلة يا ملكة الفوق ديك ..

حدد موقع الزوغان وأعمل ليه قسيمة مخالفة وزوغان.....................

أقل عقوبة كتابة 10 بوستات منبيت الكلاوي في ظرف أسبوع

عاطف عولي

28-07-2014, 06:25 AM

شايفك زغتي من الاسئلة يا ملكة الفوق ديك ..

ود البلال يقبض علي الملكة متلبسة بالجرم المشهود

والعقوبة مع الرأفة تسجيل دخول بدون خروج في المنتدي لمدة أسبوع

هي الزوغة شوية والله شوية!!!!!!!!!!!!!!!

الملكة اسماء ( ام محمد )

28-07-2014, 06:25 AM

ههههههه

شايفة لي مؤامرة تحاااك ضد حضرتنا في سراياكم خديوي بلبل..

عموما كدا .. انا شفت الاسئلة يا عمو عولي جاااية والله باذن الله بجي

بس ياخي حنو علي انا غلبااااانة وامس مساهرة في تجهيز فطور العيد هيههيهيهي

عاطف عولي

28-07-2014, 06:26 AM

ود الضو

28-07-2014, 06:35 AM

بلبل والتهمة التانية رميك بالتآمر

ودي عقوبتها يفتي فيها ود الضو

.....
العقوبة :
الملكة تورينا الفطور الكانت مساهرة في تجهيزو كان شنو ؟؟

عاطف عولي

28-07-2014, 06:42 AM

.....
العقوبة :
الملكة تورينا الفطور الكانت مساهرة في تجهيزو كان شنو ؟؟

ما كنتا عارفك حنين قدر دا يا ودالضو

ولو قبلنا مع التخفيف كلامكدا تجيب لينا معاه الصور يكون فطور موثق وعليه توقيع الذي تناولوه

كج كج كج كجكجكجكججججججججججججججكجكجكجكجكججكجكجككجكججكجكجكجك

الملكة اسماء ( ام محمد )

28-07-2014, 07:28 AM

الفرق بين أمومة او أبوة طفل

وأمومة وأبوة الحرف والكلمة والجملة؟
كلاهما يحتاج لرعاية خاصة ... ولكن رعاية الطفل اسهل فقد تمتد لسن بلوغه فقط وبعدها يعتمد على نفسه

لكن رعاية الحرف تستمر العمر كله فاما ان تصقله بالدراسة والبحث وتطوره واما ان يبقى خدج صغير لا يزداد ولا يتطور ولا يراهن عليه كبار الادباء

الملكة اسماء ( ام محمد )

28-07-2014, 07:30 AM

العلاقة بين دراسة العلوم الطبية والإبداع؟

العلوم الطبية خير معين على رؤيتنا للحياة بعين المتأمل في خلق الله والتأمل سبب الابداع الاول ..
ولعلك لن تستغرب ان اخبرتك ان معظم زملاءي وقت دراستي كانوا شعراء وكتاب قصة

الملكة اسماء ( ام محمد )

28-07-2014, 07:36 AM

ياملكة طقوس العيد مابين السودان وحيث انتي الان ؟؟
ومن قبل كل عام انتي والمعاك بخير ..

شكلك عايزني افتح لي بوست جديد .. معقولة لكن ..

عارف
نحن هنا .. نصنع العيد ونحتفل به من مافي
اما هناك .. فهو جاينا جاهز بلمة الناس البتصنع الدهشة والفرح
من لحظة تجهيزاتنا للخبايز والكعك و شﻻاء ملابس العيد لحد ملاح الروب والعصيدة والفطير و السكسكانبة والشعيرية .
ثم دخول رجال الجيران افواجا .. بين مبروك وربنا يحقق الاماني الى لحظة اتفضلوا معانا قطور

ثم قيلولة قبل الغداء .. وبعد الغداء عينك ماتشوف الا الالوان الزاهية بين تياب و ملابس اطفال روحك ترجع ليك ...

وتستمر فرحته ايام ..

ولكن في الغربة .. عادة نبداه بدمعة الحزن المعهودة اثر بعدنا عن اناس هم بهجة العيد

الملكة اسماء ( ام محمد )

28-07-2014, 07:37 AM

عفيت منك يا ودالضو خش في الغريق وحك اللحم الحي

وخلي ود البلال يجيب الدم

الليلة أماني ما وقعت ملكة!!!!!!!!!!!!!!!

ههههههههههههههههههههه
عمو عولي .. تعرف الكجر ؟

الملكة اسماء ( ام محمد )

28-07-2014, 07:39 AM

شايفك زغتي من الاسئلة يا ملكة الفوق ديك ..

عاين

اختاني
قبل اخليهو يقبل عليك وامليهو الاسئلة خخخخخخ

الملكة اسماء ( ام محمد )

28-07-2014, 07:40 AM

حدد موقع الزوغان وأعمل ليه قسيمة مخالفة وزوغان.....................

أقل عقوبة كتابة 10 بوستات منبيت الكلاوي في ظرف أسبوع

بس 10 ؟

طيب .. خليكم جاهزيين

الملكة اسماء ( ام محمد )

28-07-2014, 07:41 AM

ود البلال يقبض علي الملكة متلبسة بالجرم المشهود

والعقوبة مع الرأفة تسجيل دخول بدون خروج في المنتدي لمدة أسبوع

هي الزوغة شوية والله شوية!!!!!!!!!!!!!!!

انا قعد ابيت هنا

شوف الناس البتنام من الساعة 8 وين

الملكة اسماء ( ام محمد )

28-07-2014, 07:43 AM

.....
العقوبة :
الملكة تورينا الفطور الكانت مساهرة في تجهيزو كان شنو ؟؟

والله فعلا حنين
طيب
عصيدة
ملاح تقلية
ملاح روب
فطير العيد
والصباح جهزت الشعيرية و السجك و اللحمة المحمرة

كله عشان مانخلف العادة بغياب امي في السودان .. وش بت فاهمة ومتعلمة شغل امها خخخخخخ

الملكة اسماء ( ام محمد )

28-07-2014, 07:45 AM

ما كنتا عارفك حنين قدر دا يا ودالضو

ولو قبلنا مع التخفيف كلامكدا تجيب لينا معاه الصور يكون فطور موثق وعليه توقيع الذي تناولوه

كج كج كج كجكجكجكججججججججججججججكجكجكجكجكججكجكجككجكججكجكجكجك

خلاص بكرة امشي الف على الناس الفطروا عندنا واقول ليهن معليش محتاجين التوقيع اسفل الصور التي امامكم هههههههههه

يجازي محنك يا عمو عاطف

عاطف عولي

28-07-2014, 09:18 AM

خلاص بكرة امشي الف على الناس الفطروا عندنا واقول ليهن معليش محتاجين التوقيع اسفل الصور التي امامكم هههههههههه

يجازي محنك يا عمو عاطف

ومع التوقيع الرقم الوطني اوالجنسية والباسبورت ورقم الإقامة وجهة العمل وتكون معتمدة من الدوائر الرسمية

قايلانا كمان داقسين

ههههههههههههههه

سيك سيك معلقين فيك

ويحلك الحلا بله

عاطف عولي

28-07-2014, 09:20 AM

والله فعلا حنين
طيب
عصيدة
ملاح تقلية
ملاح روب
فطير العيد
والصباح جهزت الشعيرية و السجك و اللحمة المحمرة

كله عشان مانخلف العادة بغياب امي في السودان .. وش بت فاهمة ومتعلمة شغل امها خخخخخخ

دايرين المكونات والمقادير وطريقة الإعدد حتي نتأكد انك ما شفيتي ولا بصصوك ولا إستعتني بصديقه

وقعتك بيضاء يا ملكة

خخخخخخخخخخخخخخخخخخخخخخخخخخ

عاطف عولي

28-07-2014, 09:22 AM

انا قعد ابيت هنا

شوف الناس البتنام من الساعة 8 وين

أنا غايتوا ما منهم

أنتي قاصدة منو بالظبط

أيوااااااااااااااااا تكوني قاصدة أم هبابة مايسة؟؟؟؟؟؟

شيلي شيلتك وأرجي الراجيك

دي ما بتجيك براها

بجيك معاها ميادة ومودي ومطره

عاطف عولي

28-07-2014, 09:23 AM

بس 10 ؟

طيب .. خليكم جاهزيين
ما شايفين حاجة!!!!!!!!!!!!!!!

عاطف عولي

28-07-2014, 09:26 AM

عاين

اختاني
قبل اخليهو يقبل عليك وامليهو الاسئلة خخخخخخ

يعني سيد الزنقة الجاية جاااااااااااااااااااااااااااهز

عاطف عولي

28-07-2014, 09:27 AM

كلاهما يحتاج لرعاية خاصة ... ولكن رعاية الطفل اسهل فقد تمتد لسن بلوغه فقط وبعدها يعتمد على نفسه

لكن رعاية الحرف تستمر العمر كله فاما ان تصقله بالدراسة والبحث وتطوره واما ان يبقى خدج صغير لا يزداد ولا يتطور ولا يراهن عليه كبار الادباء

وهل خريج المختبرات(الفحيص) يكون اكثر دقة في إختيار الحروف ومعاني الكلمات ومدلولات الجمل؟؟؟؟؟؟؟؟؟؟؟؟؟؟؟

عاطف عولي

28-07-2014, 09:29 AM

كلاهما يحتاج لرعاية خاصة ... ولكن رعاية الطفل اسهل فقد تمتد لسن بلوغه فقط وبعدها يعتمد على نفسه

لكن رعاية الحرف تستمر العمر كله فاما ان تصقله بالدراسة والبحث وتطوره واما ان يبقى خدج صغير لا يزداد ولا يتطور ولا يراهن عليه كبار الادباء

وهل نستطيع أن نقول ان الحرف وتراكيبه كائن حي؟؟؟؟؟؟؟؟؟؟؟؟؟؟؟؟؟؟؟؟

عاطف عولي

28-07-2014, 09:30 AM

عمو عولي .. تعرف الكجر ؟

يا أبو إدريس من البوليس

ود الضو

28-07-2014, 10:21 AM

[quote=الملكة اسماء ( ام محمد );725677]والله فعلا حنين

......
من وأنا صغيّر حنين ياملكة وياعمو عولي
.....
السؤال :
ياملكة آخر هدية أهديتيها لمنو ؟ وكانت شنو ؟
ومازلت في كامل حنيّتي ..

الملكة اسماء ( ام محمد )

28-07-2014, 01:20 PM

دايرين المكونات والمقادير وطريقة الإعدد حتي نتأكد انك ما شفيتي ولا بصصوك ولا إستعتني بصديقه

وقعتك بيضاء يا ملكة

خخخخخخخخخخخخخخخخخخخخخخخخخخ[/font][/color][/size][/center]

عمو عاطف

انا حاسة انك عميل لدى قوات عدائية الملكات

الملكة اسماء ( ام محمد )

28-07-2014, 01:22 PM

وهل خريج المختبرات(الفحيص) يكون اكثر دقة في إختيار الحروف ومعاني الكلمات ومدلولات الجمل؟؟؟؟؟؟؟؟؟؟؟؟؟؟؟

ابدا
المسألة مامرتبطة بتخصص الدراسة بل بالملكة الكتابية والموهبة

الملكة اسماء ( ام محمد )

28-07-2014, 01:22 PM

وهل نستطيع أن نقول ان الحرف وتراكيبه كائن حي؟؟؟؟؟؟؟؟؟؟؟؟؟؟؟؟؟؟؟؟

نعم .. بلا تردد

الملكة اسماء ( ام محمد )

28-07-2014, 01:23 PM