تعلم كيف تنادي امك=====>هههههههههه

[غربية الــــدار]

تعلم كيف تنادى امك............!!!!!!!

نادوها كل يوم باسم..........

الطفل العربي قديما كان ينادي أمه... ((يا أمي)) ‏الله على أيام زمان



الطفل المصري ينادي أمه... ((ماما))



الطفل اليمني ينادي أمه... ((وا أماه))



الطفل الروسي ينادي أمه.... ((ماتي))



الطفل اليوناني ينادي أمه... ((ماتا))



الطفل الهولندي ينادي أمه... ((ماتكا))‏



الطفل الانجليزي ينادي أمه....((ماذر))



الطفل النمساوي ينادي أمه...((مونزك))



الطفل الفرنسي ينادي امه... ((مامان)) <------- لا أحسن قولو بات مان هههههه احاول انكت



الطفل الايراني ينادي أمه...((موت)) <----- والله لو أنادي أمي كذا بتذبحني



الطفل البلجيكي ينادي أمه... ((مام)) <----- أحب أناديها((مام))دلع وخفيفه ولها رنه



الطفل التركي ينادي أمه.... ((نينا)) الله يستر لو تدري الوالدة



الطفل الألماني ينادي أمه....((موتر)) <-------- خخخخخ موتر بغماره ولا غمارتين



الطفل الهندي ينادي أمه....((مّمي))



‏الطفل الياباني ينادي امه.... ((ها ها)) ‏ <----- هههههههههااااااااااااي حلوه هذي



الطفل السعودي ينادي امه.. (((يمّه))) <---- تقول شايف جني






بس بصراحه اشلون ينادي الطفل السوداني امه=======>بخلي الرد لكم......

تحياتي

غـــــريبة الـــــــــدار:D

[الكونديلا]

بس بصراحه اشلون ينادي الطفل السوداني امه=======>بخلي الرد لكم......

والله يا غريبه الدار نحنا في السودان بنقول(امي ابوي)(وماما وبابا)(ومامي بابي)
انا حا اوريك في القاعه بعدين خلاص

[madaniboy]

الطفل الفرنسي ينادي امه... ((مامان)) <------- لا أحسن قولو بات مان هههههه احاول انكت

هههههههههههههههههههههه
لا احسن ماما واحده هم يمكن عندهم 2 ام خخخخخخخخخخخخخخخخخ
ما ادري كيف اجيبها

الطفل الايراني ينادي أمه...((موت)) <----- والله لو أنادي أمي كذا بتذبحني

اما هذا لا الحسن يقول لها (حيا) اما انها قلت حيا من جد
هههههههههههههههههههه
عاوز الفكه مكن امه بس ماهو عارف كيف
خخخخ

الطفل التركي ينادي أمه.... ((نينا)) الله يستر لو تدري الوالدة

اما نينا هذه عجبتني والله تستاهل والله اصلا الاتراك هما كذا كذا حلوين اما ما شاء الله بناتهم روووعه على حسب ما شفت جيراناا الي كانوو سلاكنسن جنبنا
خخخخخخخخخخخ < -----------< خخخ لقافه في احد سالك الحين

الطفل الألماني ينادي أمه....((موتر)) <-------- خخخخخ موتر بغماره ولا غمارتين
اما الطفل الالماني والله ما قصر من امه يمكن هوو يقصد مرسيدس يا شباب بس لا تفهموو غلط
خخخخخخخخخخخخخخ

لطفل الياباني ينادي امه.... ((ها ها)) ‏ <----- هههههههههااااااااااااي حلوه هذي

اما الياباني هذا يحق ليه يضحك على امه هههههههههههههههههههههههههههه

ويسلموو اختي غريبة الدار على المووووضع

لكن نسيت اقوول لك انا اش انادي امي اقووول ولا لا
يالله بقووووول
انا اقول لامي
(نانسي)<---------- انا حر

ويسلموو مره اخرى
فاقد حنان

[هناد]

هههههههههههههههههههههههههههههههههههههههههههههههههه هههههههههههههههههههههههههههههههههه
والله موضوع لزيز
لكن انتي عارفاني بنادي امي بشنو (مامي ) ومرات باسمها هههههههههههههه


لا لا ما تصدقي دايره الجد بقول ليها اميييييييييييييييييييييييي
مشكوره يا ................................... انا عرفتك
اتمني ليك التوفيق

[aborawan]

هووووووووي في السودان بنقول يمة ويابا

[عزيز عيسى]

الواحد فينا لما كان طفل صغير وعايز يلفت انتباه امه
يظل يردد باستمرار ويناديها يمه يمه يمه يمه يمه..
لغاية ما يقفلها معاها.. في النهاية تقوم تقوليه النجما - (بتعطيش الجيم)
ولما يزهجها ويردد ليها كلمة أبوي قال أبوي قال أبوي قال..
تقوم تقول ليه ياود البوبو اليشقك..
والله أنا من صغير ولحدي ما كبرت ما عارف لحدي الان ماهو معنى النجما؟؟؟..
وماهو معنى البوبو..
الزمان اتغير.. لكن ما عارف بينادوها الان في السودان شنو؟؟
لكن الام تظل هي الام وتغمرنا بحبها وعطفها وحنانها..
والشخص الوحيد اللي بيظل يسهر معانا اذا مرضنا..
وحبنا لها ليس له حدود..
وربنا يخلي ليكم امهاتكم كلكم ويطول في عمرهن.

آمين يارب العالمين.

عزيز

[الزمن المريح]

ابوى يا فارس الحوبة ابوى دخرى السنين لينا
امى الله يسلمك يا يمة الله يسلمك

لك التحية غريبة الدار لكن ليه غريبة الدار وانت بين اهلك ،، يا ريت تخليها بنت الدار ،،
و بصرحة موضوعك جميل جدا ،، و اعجبتنى تعليقات الاخ نبع الحنان ، و الاخ عزيز ،،
و بالمناسبة انت يا ابو روان ، بتنادى الوالد ، بابا ولى سقط سهواً ،،،

و الله بناديهم امى ، و ابوى

و مرات كده مماه ،، و بابى

[shashi]

كاتب الرسالة الأصلية aborawan
هووووووووي في السودان بنقول يمة ويابا

[عشوشه]

مشكوره غريبه الدار بس ما اظنك غريبه


والله الموضوع جميل خالص لكن صديقنى احله من امى مافى انا بحس لما اقول امى انا امى انا وبس ما انانيه لكن بتسد الحته بتاعت الانا فى اى زول ومعاه ابوى

ما اظن ماما بابا بابى ومامى عنده جرس الحنان الفى امى وابوى



يمكن الناس فى الزمن ده اتغيرت شويه لكن امى هى السائده بلا منازع


ولك تحياتى

[سنين]

مشكورة علي الموضع غريبة الدار..او كما عقب اخي الزمن المريح بنت الدار

الصراحة مطلوبة ..

انا من قمتا بنادي الوالدة والوالد بي اساميهم ..طبعا نظام مفردهم ..وعامل الحالة واحدة ....لكن لمن كبرتة شوية ...حسب الحالة ..عايز قروش ..والله اشبكة مامات كده العندها كلها اقلعة واتخارج ..وهي بتكون عارفة انا من اقول يا امي ..انا داير لي حاجة .

اما حاليا ربنا يحفظة ويديها طولة العمر .. بقول ليها يا امي..يا الحاجة..لكن كان ناديتة بي اسمها او بي يمة ..او يا امي ..في النهاية جوة ليها مكانة طبعا ما بتتوصف


وربنا يحفظ جميع الامهات ويطول اعمارهم يا رب..امين

[مزوني]

والله الموضوع حلو شديد يا غريبة الدار
وطبعا انا البكر في البيت عشان كدا بناديها
"أم مازن"
وما عندها مانع بطابع الحنية اللي فيها
وسلامكتم

[بابكر]

[
في السودان بنقول يمة ويابا[/SIZE] [/B][/QUOTE]

[aborawan]

العزيز الزمن المريح يبدو انك انتا سقطت سهواً باستعجالك في القراية وانا ما كتبت بابا انا كتبتا يابا ( ياء ، الف ، باء ، الف ) :D:D

لكن كان قلتا ليه بابا فيها شنو يعني الواحد اصلو ما يتحنكش انشاء الله بالكذب سااااااااي :):)

[rasheed]

أبوي يابا يا حاج ، أمي يمه يا حاجة ده كان زمان ومن الزمن داك ما قلتها يا حيليلم لأني ما لاقيهم من الزمن داك رحمهم الله رحمة واسعة وأسكنهم فسيح جناته مع الصديقين والشهداء وألحقنا بهم يا الله في جناتك العلى ،
أما الصحيح لغة : الأب والأم 00 قال تعالى في سورة يوسف (إذ قال يوسف لأبيه يا أبت إني رأيت أحد عشر كوكباً والشمس والقمر رأيتهم لي ساجدين (4) ) ، (إذا قالوا ليوسف وأخيه أحب إلى إبينا منا ونحن عصبة إن أبانا لفي ضلال مبين (8) أقتلوا يوسف أو أطرحوه أرضاً يخل لكم وجه أبيكم وتكونوا من بعده قوماً صالحين (9) ، ( قالوا يا أبانا مالك لا تأمنا على يوسف وإنا له لناصحون (11) صدق الله العظيم ، فالصحيح أب وبإضافة يا المتكلم تصبح أبي وحسب موقعها من الإعراب تنطق مجرورة أو منصوبة او مرفوعة ونحن نقول أبوي -- رافعنها طوالي ما نحن ناس حارة -- وهي الأقرب ، ويابا وهي يا أبي تغير حرف العلة وذهب بقدرة قادر إلى الآخر لحدي هنا كل إناء بما فيه ينضح ونخلي الباقي للعلماء 0
أما أمي فالأصل أم وقال تعالى ( إذا أوحينا إلى أمك ما يوحى(38) طه ) ، (وأوحينا إلى أم موسى أن أرضعيه فإذا خفت عليه فألقيه في اليم ولا تخافي ولا تحزني إنا رادوه إليك وجاعلوه من المرسلين (7) القصص ، (وأصبح فؤاد أم موسى فارغاً إن كانت لتبدي به لولا أن ربطنا على قلبها لتكون من المؤمنين (10) القصص صدق الله العظيم ، فالأصل لغة : هي الأم ونحن نقول أمي بإضافة يا المتكلم والله أعلم 0
لقيتوني كيف 000
لكن يا سنين حناك حنك شديد يأخي محنتك دي مادية كده ليه ،،
وبعدين يا عزيز عيسى النجما هي أصلها النجمتي بتعرف النجمتي يعني المرقوت بعدين أهلنا الشايقية بياكلوا أخر الكلمة دائمة فبدلاً من النجميتي يقول ليك النجما 0 هاهاهاهاهاهاه ده إجتهاد
والبوبو هي البو وليس البوبو بس أظن الحاجة الله يديها العافية تكون حنكوشة زمنها ، والبو ده بعملوه لأي بقرة ولدها مات -- سبحان الله طبعاً البقرة كان ما شافت جناها ما بتدر اللبن -- عشان كده لما ولدها يموت والجماعة عاوزين يقرحوها ( تضم هذه الكلمة لقاموسك بتاع الراندوك) يعني عشوشة كان عاوزه تعلمك راندوك لازم تتقرح ليها فهمت وبالدولار 00 جنيه ودينار وريال لا يا عشوشة ،، نرجع عاوزين يحلبوها بقوموا بعملوا جلد العجل المات ويحشوه قش أو أي حاجة كده ويسندوه يوقفوه يعني ويختوه قدام البقرة الأم عشان تدر اللبن كمان قول لي تدر دي ما عارفها ( هي جاية من دره يا نبع الحنان ياغالية يا ست الحسان ، فلما الحاجة تقول ليك البو اللي ينفخك ما تزعل يعني يا هو ده 0
ولا كيف يا أبو المهتدى // وسلام

[عزيز عيسى]

رشيد حبيبنا الغالي،

والله ما شاء الله شرحك مبدع.. الظاهر عليك استاذ متمكن في اللغة.. وتشكر كثير على الاستدلال بالايات القرآنية في شرح مناداة الاب والام..
كما اعجبني تعليقك على معنى كلمة النجما.. أنا اعرف النجمتي لكن ما كنت متوقع ابدا انه كلمة النجما ليها علاقة بالنجمتي.. على العموم كثر خيرك عرفت معلومة جيدة..

أما كلمة البو.. الحاجة والدتي الله يرحمها ما كانت حنكوشه لكن الظاهر أنا اتحنكشت شويه واخطأت في كتابتها.. لكن كان قصدي كلمة الببو.. اعتقد انها ايضا ترمز لكلمة البو..

طبعا كلمتي النجما والببو تستخدمها الامهات كثيرا وتعتبر شائعة في منطقة الجزيرة..

وعلشان ما تقول أنا حنكوش.. قول لى عشوشه بتعرفي (الشحموطه).. بس يا رشيد ما تقولي كمان دي كلمة شايقية.. أبو المهتدي أكيد بيعرف الكلمة دي..

ودمتم،

عزيز

[عشوشه]

هااااى
انت قايلنى من الحناكيش اياهم الى ما بعرف الشحموطه شحموطه التعضيك

انا بعرفها وبعرف الرتيلا وكل انواع الشحاميط


انت بتعرف الكلج كلج

[ابراهيم]

والله لكن يا عشوشة لقيتك حبوبة :D

الكلج كلج دي شنو دي

دي قوية دي:p

[عشوشه]

طيب وكت ماك عارف الكلج كلج الفصاحه ليك شنو الكلج كلج طيره رماديه تحب السكر والفواكه وهى مزعجه خالص بس صوتها كبير هى صغيره قدر ناس عشوشه ود ابرق عرفتها

[الزمن المريح]

كاتب الرسالة الأصلية aborawan
العزيز الزمن المريح يبدو انك انتا سقطت سهواً باستعجالك في القراية وانا ما كتبت بابا انا كتبتا يابا ( ياء ، الف ، باء ، الف ) :D:D

لكن كان قلتا ليه بابا فيها شنو يعني الواحد اصلو ما يتحنكش انشاء الله بالكذب سااااااااي :):)



الف تحية ليك من الفؤادِ عزيزى ابو روان ،،

و الله ضحكت بشدة عندما قرأت تعليقك ده اديك الف عافية و الله انا بعد ما كتبت التعليق لا حظت انك كاتب يابا لكن قلت خليها ،، و الحنكشة او السحسحة كما يحلو للبعض مطلوبة فى بعض الاحيان

[الزمن المريح]

كاتب الرسالة الأصلية عشوشه
طيب وكت ماك عارف الكلج كلج الفصاحه ليك شنو الكلج كلج طيره رماديه تحب السكر والفواكه وهى مزعجه خالص بس صوتها كبير هى صغيره قدر ناس عشوشه ود ابرق عرفتها


عشوشة دا الكلج كلج اللهم زدنا علما ...

و بالمناسبة فى طيرة الجنة شفتيها ،، و فى قدوم احمر ،، و قدوم اصفر ،، و ابو طاقية ،، و اسالى امير عبد الباقى من الباقيات

[عزيز عيسى]

لاححححولا يا عشوشه يا بت كسلا.. الكلج كلج ده جبتيه من وين؟؟
والله أنا طلعت زي ابراهيم.. أول مره اسمع بيهم..
وما أظن في واحد في الجزيرة بيعرف الاسم دا..

والشحموطة قرصتني قرصه حاره خلاص لحدى ما قنبت اكورك ..
والرتيلا بعرفه ..

وبعدين يا الزمن المريح .. يا أبوي ..تقوم تقول لى عشوشه بتعرفي طيرة الجنة ،،
و قدوم احمر ،، و قدوم اصفر ،، و ابو طاقية؟.. ديل أي حنكوش بيعرفهم..

صدقني الفرده دى طالما جابت لينا اسم الكلج كلج
اكيد بتعرف كل انواع الطيور ..
والظاهر عليك يا عشوشه انت كنتى بتشركي للطيور !!
أنا كنت زمان بشرك لعشوشه و ود ابرق بالقلابة وسبيبة الحصان..
لكن يوم شاهدت لى واحد بيستعمل قطعة قماش طويلة..
بربط طرف القماش في رسغ يده ويترك الطرف الاخر مدلدل..
بيضع حجر في نصف القماش ويبدأ يلف القماش في اتجاه رأسى الى اسفل
وبعد داك يعاين لمحل الطيره وين ويفك الطرف المدلدل..
والله كنت بستغرب.. الحجز بطير بسرعة وبمشي لى مسافة بعيدة جدا..
والغريب في الامر الدقة في اصابة الهدف..
أنا ما بعرف اسم الطريقة دي شنو..
يا عشوشه جربيها امكن تعجبك علشان تصطادى لينا
طيور من نوع جديد وتورينا اسماءها.. بس من النوع الزرزور ..
مع ودى،

عزيز

[عشوشه]

عايز تفهمنى انك ما اصطيدت الطيور بانبله او النباله هى ما قطعه قماش هو لستك .
اما انواع الطير انا خبيره بها وما اظن عشوشه ود ابرق جو من فراغ ولا رايك شنوا ده انا ياما طبخت طيور وعينك ما تشوف الا النور
الوصف الانت وصفتوا ده على ما اعتقد النبله


صاح ولا انا غلطانه

[قمر الزمان]

السلام عليكم جميعا" ..
والله ونستكم وتعليقاتكم كلها حلوة زيكم
بالمناسبة انا عندي مشكلة في كلمة ماما يعني من ما قمت
بقول ماما ... لكن في الجامعة لمااقول ماما الجماعة كلهم
يضحكو .. حاولت اتعود علي كلمة امي وابوي برضو مرات تجي
ماما او بابا عفوا" ...
المهم في النهاية هي امي ومنبع الحنان وربنا يدي كل
الامهات الصحة والعافية يارب ...

[rasheed]

العزيز عزيز عيسى لك التحية مع فارق الزمن (+9 ) ولا ( - 9 ساعات) ما عارف المهم لك التحية كان صباحية وكان مسائية ،،
بعدين والله دي شلاقة مني ساآآآآآي أستاذ شنو !!! والله الواو من الواو الضكر ما بعرفوا تقولي أستاذ لغة عربية كمان ، ياخي عبد الله الطيب قال أجيد الإنجليزية وأتحدث الفرنسية وأتقن قليل من العربية ، يا خوي ده كلام عجيب كلو كلو ،
بعدين تعرف القرآن ده ممتع بشكل عجيب والله كان قدرت تعرف حاجات فيه كده ما تفوتوا أصلوا كلو يوم تبحبت عشان تعرف حاجة وخاصة كان سمعت لعبد الله الطيب ( دروس في القرأن الكريم) بقراءة الشيخ صديق أحمد حمدون رحمهم الله جميعاً (إذعة أم درمان ) من الساعة 6:45 وحتى 7:00 مساءاً بتوقيت السودان ( بتصلكم هناك ولا بتكون نخت ) ولا مجموعة قصص الأنبياء لطارق السويدان ، ياخي نحنا ما عارفين حاجة والله قاعدين كنب كنب بس ،، والله يهدينا ،،
بعدين يا خي عشوشة دي والدنها في عش ولا في غابة كل يوم تطلع لينا بحاجة جديدة ( ماشاء الله عليك وعيني باردة أصلي عمرابي) موسوعة والله يا عشوشة ورائعة روعة جبال توتيل وإنحناءة نيل ودمدني ننتظر المزيد ،، وبالله وريهم الكلّنق ده شنو برضو يا عشوشة عشان يأمنوا وبالله أقروها بلهجة الفلاته يأمنوا دي ،،، وسلام