حنكوش [الأرشيف] - منتديات ودمدني

عزيز عيسى

31-03-2005, 08:27 AM

كعادة أهلنا السودانيين، ذهبت مع عائلتي لزيارة منزل احد الاصدقاء للسلام والتعرف على عائلته التي حضرت لتوها من السودان، وطبعا سلمنا على زوجته وأولاده والونسة جرت وسألناها عن الاهل بالسودان وكيف حالهم وكنا سعيدين جدا اننا نتعرف عليهم ونعرف شيء عن حال الاهل.

بعد دقائق دخل علينا ابن الاخ الصديق وهو طفل صغير عمره حوالي 9 سنوات، سلم علينا وجلس يستمع الى الونسة والنقاش الدائر حول السودان والتغيرات الحاصلة وحرصنا الشديد لمعرفة كل شيء عن البلد بكل شوق خاصة عن التطورات الاخيرة التي حصلت ولم نسمع أو نعرف عنها أي شيء.

سألت الطفل عن اسمه وبدأت اداعب فيه بالسؤال عن وجه الاختلاف بين السودان وبين مدينتنا. قال لي الطفل والله بلدكم دي جميلة جدا وكمان عجبتني شديد. أنا بشوف ناس كثيره راكبه عربات وشوارعكم نظيفة وكهربتكم ما بتنقطع.

كلام يطلع من طفل زي ده، أنا قلت أكيد الطفل ده يكون ذكي وبيفهم كويس. جلس الطفل يشاهد التلفاز ويظهر انه كان متابع برنامج للاطفال جذب كل انتباهه. بعد لحظات ادار وجهه ناحيتي مبتسما.. وفي سخرية قال لي "عمو .. الاولاد الشايفهم في التلفزيون ديل الظاهر عليهم – حناكيش – ".

قمت ضحكت معاهو – مكابره ساكت – لكن ما كنت فاهم كلمة – حناكيش دي معناها شنو. والشيء اللى خلاني اغتاظ اكثر انه أبوه كان بيضحك في كلامه وأنا ما فاهم حاجه.. زي الاطرش تبع الزفة.

سألت أبو الطفل بصوت خافت حتى لايسمعني الطفل ويقوم يضحك على ويعمل لي فضيحة.. وقلت ليه يا أخوي أنحنا ما فاهمين ولدك ده بيقول في شنو، انتو الاثنين فقط اللى فاهمين الموضوع وبتضحكوا.. ما تشرح لينا كلمة حناكيش دي شنو؟.

أبو الطفل بدل ما يفهمني المعني، قام هو ذاته يضحك على وقال لي غريبه؟؟.. بالله من جد ما بتعرف معنى كلمة حناكيش شنو؟؟.. قلت ليه خلينا من حركاتك دي كدى اشرح لينا معنى الكلمة.. شرحها لي وقال حناكيش جمع حنكوش والحنكوش هو الشخص العامل فيها – مرتاح ومروق خالص -.

قلت ليه يا خي انحنا غايبين عن البلد فترة طويلة وبالله اتكلموا لينا بلغة نقدر نفهما. قال لي انتو غايتو فايتاكم حاجات كثيره ومافيش حل غير انكم تسافروا السودان تتعلموا كلمات جديدة وتجوا راجعين ثاني.

والله فعلا فايته علينا حاجات زي دي كثيره وما تقولوا لي بالغت لو قلت ليكم أنا أثناء دخولي في البورد لاحظت في كلمات تستعمل ما قادر أفهمها مثل الكلمات التالية:

لووووووووووووووووووول
خخخخخخخخخخخخ

وغيرها؟؟؟؟؟؟

واللى يصلى على النبي.. عايزين لينا واحد -حنيكيش - كده يفهمنا اللغة الفاتت علينا دي ويزودنا بكلمات اخرى حنكوشيه علشان نقدر نتساير مع الزمن.

ولكم ودي،

عزيز
هيوستن - تكساس

نيازى كشك

31-03-2005, 10:39 AM

هههههههههههههههههههههههههههههههههههها
هههههههههههههههههههههههههههههههههههههههههههههها
مافى طريقة ارجع اتعلمها
او خلينا نرسلها ليك فى كتاب
ههههههههههههههههههههههههههه

ابو المهتــدي

31-03-2005, 12:27 PM

بسم الله الرحمن الرحيم
الحبيب عزيز اقدر ان اقول لك حنكوش يعني علي وزن شعر حلمنتيش
وما اظن ان كلمة حلمنتيش بغريبة لك 0 واذا لابد من الامر ما عليك الا ان
تطل علي البلد شوية 0 وتاخذ العيال هناك وتتركهم ويقضون فترة في للعب بالتراب
وشراك الطير 0 ولا اذا 00 سوف تصوصفون بها 0
يعني كلام عرب شباب او اطفال غير مخشوشنين 0 لم تضربهم شمس البلد
وهكذا وجد ابنا المغتربين 0 تلك الصفة والله اعلم

عزيز عيسى

31-03-2005, 05:04 PM

الاخ نيازي،

شكرا على مرورك..

أنا ما راجع.. لكن سيك سيك .. ايه رأيك ترسل لي في كتاب.

اخخخخ ... لووووول.. ويييييو..

عليكم الله ده كلام شنو.. الواحد فيهم زي السايق ليه عربية سلوك.

مع ودي.

عزيز

عزيز عيسى

31-03-2005, 05:26 PM

أخوي أبو المهتدي الحبيب،

يا راجل يا كلك ابداع.. والله بتفسيرك الحلمنتيشي ده ذكرتني بود الريح، الله يطراه بالخير.

والطلة على البلد والله مشتاقين ليها بالحيل.. لكن الاولاد مخشوشنين شويه وخايفين من حاجه اسمها الناموس. قلت ليهم بشيل ليكم ناموسية معاي .. قالوا لي وطيب الضبان حتعمل ليه شنو؟؟؟؟.

وبيني وبينك أنا المشتاق للعب بالتراب والتشرك للطير بالقلابات والنبلة والشباك. وكمان عايز ألعب سورو - بلي - سكج بكج - الفات الفات -شليل وينو - غمدت لبدت الرمة والحراسة وشدت.. والاهم من ذلك عايز ألعب كرة قدم.

وتسلم أخوي.

عزيز

ابراهيم

31-03-2005, 06:29 PM

لووووووووووووووووووول = ضحكة أو في رواية أخرى قرقرة بالرموز الالكترونية ... عبر الحواسيب الآلية

بس (خخخخخخخخخخخخ) دي لسا ما ادونا ليها ..

أما الحناكيش ديل يا عزيز الا تمشى السودان وتشوفهم براك زي ما قال عمنا ابو المهتدى لأنو الشرح ما بنفع .. ياما حتشوف حنكشة

لك التحية أخوى عزيز

عزيز عيسى

01-04-2005, 05:12 AM

تسلم أخوي أبو خليل يا راجل يا طيب،

أشكرك على الشرح،

أها لكن لوووووول دي كلمة عربية ولا جابوها من وين.. ثم ثانيا أنا أول مره اعرف في ضحك بالرموز الالكترونية، مش أخير ليهم يكتبوا هاهاها علشان الناس تفهمها .. ولا دي حنكشه منهم؟؟؟

يعني هسع يا أبو خليل عايزني أمشي من هنا علشان أشوف الحناكيش.. خليهم في حنكشتهم احسن!!!

لوووول ، ويييو، ميييو ، سيييييييييييو، كع كرع طاخ.

ده أنا كنت بضحك بالكي بورد.

مع ودي

عزيز

بابكر

01-04-2005, 07:59 AM

[QUOTE]كاتب الرسالة الأصلية ابراهيم
لووووووووووووووووووول = ضحكة أو في رواية أخرى قرقرة بالرموز الالكترونية ... عبر الحواسيب الآلية

بس (خخخخخخخخخخخخ) دي لسا ما ادونا ليها ..

أما الحناكيش ديل يا عزيز الا تمشى السودان وتشوفهم براك زي ما قال عمنا ابو المهتدى لأنو الشرح ما بنفع .. ياما حتشوف حنكشة

لكأخوى التحية عزيز [/QUOTE

بابكر

بابكر

01-04-2005, 09:25 AM

الاخ الوفى عزيز

لك التحيه
اولا شكلك انت من جيلنا يعنى ( معاصر) لانى فى الاول ماكنت بعرف كلمة حنكوش دى ابدا وفاكرها شتيمه ,, وبعدين لمن اولادى مشوا السودان للدراسه اطلق عليهم لقب حناكيش 000 ضد اولاد المغتربين لانهم ما عاشوا فى البلد,, وما اندرشوا,, بالمناسبه( اندرشوا) دى برضو كلمه جديده فى قاموس الكلمات الجديده,, وانى كانت لى اهتمامات لمعرفة منشأ تلك الكلمات الدخيله على المجتمع السودانى المتحفظ
والتىاعتقد ان منشأها هو الفقر, والعوز, والظروف المعيشيه الصعبه التى لامثيل لها التى عاشها الشعب كله بلا استثناء ,,فأبثقت تلك الكلمات للتعبير الخفى عن المعاناة
وهاك بعض الكلمات

يافرده == وتعنى الصديق

جازفها == سرفها بحرفنه

حنكوش == ناعم مدلع

مرطب == مرتاح

وهنالك شى اسمه قدر ظروفك == تعمل البنت مكياج فى الكشك بى قرشين

وهكذا 000

والان اعتقد ان المعاناة قد زالت بعض الشىء فما عدنا نسمع تلك الكلمات
مثل زمان
واظن ان الشعب السودانى سوف يتحول كله الى حناكيش بقدرة قادر لو السلام عم,,, قول آمين
ورجعت بى لى زكريات قديمه ايام السورو وشليل وقمدت لبدت والبلى والضراب

لك الحب والشكر اخى الرائع عزيز
ولنا لقاء ان شاء الله

عزيز عيسى

01-04-2005, 12:13 PM

الغالي أبو بكر،

تسلم،

أولا بتقول أنا من جيلكم و (معاصر).. لا أنا ما معاصر.. أنا (شركة زيوت بحالها)..

أنا كنت زيك كده لما سمعت الطفل بينطق بكلمة (حنكوش) افتكرته بيشتم لينا أولاد امريكا..

والله كثر خيرك بتزويدك لي بالكلمات الجديدة.. سأقوم بتدوينها في القاموس بتاعي الخاص.

أها من الليلة دي كلامي حيتغير مع الـ (فرده) المعانا هنا..

وسأبدأ من البيت وأصحابي الما بعرفوا نوع الكلام ده، وانشاء الله أقوم ( اندرش) في الواطه وأناديهم ليك واحد واحد –( يا فرده) ..

وأقوم (اتحكنش) ليك عليهم وأشوف لي كلمات (أجازفها) من القواميس علشان يفهموا انه أنا (مرطب) خالص ومتابع..

لكن بيني وبينك كده أنا خايف (انجرف) معاهم شويه في الكلام وبعدين يطلع لي واحد عارف الكلمات ويقوم يفضحني..

طيب.. لو مشيت السعودية مثلا و التقيت بواحد باكستاني وقلت ليه يا (فرده) بدل (رفيق أو صديق) تفتكر حيفهمني؟؟؟

أنا سمعت بكلمة قدر ظروفك دي لما زرت السودان آخر مره وعجبتني كثير لما شفت الشباب بيمشوا على الكشك ويتريحوا ويدفعوا الفيها النصيب.

ولما رجعت لي اصحابي حكيت ليهم انه لما ريحتي كملت مشيت قدر ظروفك.. ماتوا بالضحك..
بس هم ما عارفين انو الريحة (مدنكلة) وجميلة بشكل!!

لكن يا أبو بكر.. قدر ظروفك دي اعتقد ما بتتماشى مع حنكوش..

و لو أنا حنكوش مثلا.. البخليني امشي اتريح قدر ظروفك في الكشك شنو؟؟

ويا ريت السلام يعم البلاد.. علشان نفرح ونرقص.. وزي ما قلت نبقى كلنا حناكيش!!

لك كل الحب والود..

عزيز

عشوشه

01-04-2005, 09:26 PM

شكرا اخى لقد اضحكتنى
والله المصطلحات بقت كتيره
بس يمكن الجماعه يكونوا نسوا شويه
معنى فرده صاحبى شديد بس انت ما حددت نوع الفرد لانهم كتار
فرده منقرضه
فرده لحام
وعشان ما تدقس وانت عارف الدقسه فيها الحسه
لازم تحدد نوع الفرده
فهمت يافرده
وتانى فى ياقلب
وفى كمان حركات وهمه يعنى تقليعه
ومن المصلحات شتت انكشح واتخارج ومعناها اقطع وشك
يعنى بتكون تتكلم مع زول فى التلفون بدل مع السلامه تقول ليه اقطع وشك
وتانى تفتيحه
وتعنى زول مفتح وناقش والتفتحيه زاتها انواع
فى تفتيحه شارب الريحه
وفى تفتيحه لمن فضيحه
وفى تفتيحه وما سك مفاتيحها
وده بكون مقرضه
ولما تحب زول تقول ليه يا انا
فهمت يا فرده ارجوا انوا البعدى يكملوا باقى المصطلحات حتى لو براندوق
بتعرفوا الراندوق؟

خالد هاشم علي

01-04-2005, 11:19 PM

عزيزنا الغالي....
والله ماقادر أمسك نفسي من الضحك لأنو الشافع بهدلك، وشفت مشاركة أختنا عشوشة ( وعشوشة دي تفتيحة وشايلة مفاتيحها) ياعشوشة الحاجات دي جبتيها من وين؟؟؟؟ والله أنا كل سنة بمشي السودان وماسعت بي معظم كلامك ده.
أما عن الراندوق فهو الحبحبة.
تعرف ياعزيز عندي واحدة قريبتي زي حلاتك كده ( عايشة في فرنسا) وجات الإجازة وطبعا لقت نفسها مافاهمه أي حاجة ، ولسوء حظها كل أخواتها من النوع ( التفتيحة) زي عشوشة ، المهم كل يوم يحاولوا مع أختهم عشان تتعلم بعض المصطلحات وماتتدقس وتكون ( فارة) ، في تلك الأيام كان مصطلح شرط للأرض ظاهر يادوووب، والمصطلح ده ياعزيز معناهو ( إنو الحاجة دي حلوة شديد) يعني لمن يقولوا ليك فلانة دي شرط للأرض ( تعرف إنها سمحة) والمصطلح متبوع بحركة علي الوجه يعني الواحد يمرر أصبعه في خده من أعلي لأسفل ويقول ليك البت دي ( شرط ).
المهم قريبتي دي سألت أخواتها عن واحد من أهلنا فقالوا ليها فلان ده إتزوج ليهو ( واحدة شرط) وطبعا عملوا معاها حركة الخد ، فقامت بت عمتي قالت ليهم ( وووب علي عرس ليهو واحدة مشلخة؟؟؟).
طبعا أخواتها قنعوا منها وخلوها للزمن يعلمها....
وأنت برضو ( مصيرك بكره تتعلم من الأيام) وتبقي تفتيحة وشايل مفاتيحها ( ياقلب).

ودمت...

بابكر

02-04-2005, 09:38 AM

والله العظيم يا عشوشه انا اول مره اسمع بالمصتلحات الجديده دى يعنى اخونا عزيز حيعمل قاموس وينشره فى امريكا .. وامكن العم بوش ذاتو يتعلم تلك المصتلحات.. وممكن تستعمل فى الامم المتحده,, او مجاس الامن 00 لوعجبت العم كوفى ,,او الخاله كونداليزا
المهم نحن نص حباتنا ضايعه فى الغربه,,, وانتو شرطو الارض وسويتو العجب
وكمان خالد هاشم الرائع تم الناقصه يعنى انا واخوى( الكاشف)عزيز طلعنا اى كلام
وانت يا عزيز كدى قول لى الوداك امريكا شنو ؟؟؟ وكان نويت تعمل عمره او حج انا عازمك عندى بجد والله مش عزومة مراكبيه بس قول لى انت جاى متين وخلى الباقى على

خالد هاشم علي

02-04-2005, 09:55 AM

الغالي بابكر...
معليش ياباشا عزومة عزيز علي أنا ويمين تكتر أحلف طلاق وأرجع المره أهلها ( براي متحيل) لكن ممكن أتفق معاك ونعمل الحكاية مناصفة ، بس عزيز ينوي الجية والباقي هييييين.

عزيز عيسى

02-04-2005, 02:19 PM

عشوشه اختي الغالية،

والله بقرأ في ردودكم و زي كأني في مدني شايفكم انتي وخالد وبابكر قدامي وبتونس معاكم ..يا سلام عليكم اخواني.

انت عارفه يا عشوشه الفرده بابكر وخالد ديل طلعوا حناكيش زي كده..
لكن يا عشوشه بالغتي عدييييل.. وزي ما قال أخوي خالد صحي الكلام ده جبتيه من وين؟؟
بس ما تقولي لي انت (تفتيحة وشايله مفاتيحها وكمان بسلاسلها)!!
الناس الحناكيش اللى في امريكا ديل ياما تعبوا معاي..
حأطبق ليك الكلمات اللى رسلتيها كلها عليهم وبالحرف كمان..
بس أنا خايف من كلمة أقطع وشك دي يمكن لو قلتها ليهم يجوا يبهدلوني بهدله.
وبعدين لخبطيني لخطبه شديده بكلمة يا فرده دي
انت عارفه مافيش طريقة غير اني أشيل معاي القاموس
وأدور على الحالة المناسبة وبعد داك اقولها.. مش كده احسن؟؟
أما كلمة شتت وانكشح واتخارج ديل كلمات قديمه.. لكن الجيل الجديد الظاهر عجبته وواصل في استخدامها.
وزي ما قلت ليك كلمة اقطع وشك دي قاسية شوية ويمكن تجيب لي مشاكل مع الناس الما فاهمنها!!
يعني لازم اقولها لواحد تفتيحة..
أها كلمة الراندوق دي يا ساتر جبتيها من وين؟؟.. ما قدرت أفهمها!
وأخوي خالد حاول يشرحها لي.. لكن لخبطني وزاد الطين بله بكلمة الحبحبة..
وأنا انشاء الله حأفضل واراكم لحدي ما تفهموني معنى الكلمتين!!

وتسلمي،

عزيز

عزيز عيسى

04-04-2005, 07:10 AM

يا خالد يا فرده يا عجيب،

قريبتك الحنكوشة بتاعة فرنسا دي الله يكون في عونها.. بس انشاء الله تكون اتعلمت ليها كلمتين ثلاثه وبقت (تفتيحة) علشان لما ترجع المرة الجاية تقدر تتفاهم مع اخواتها..
مصطلح شرط للارض ونكتة عرس ليه واحده مشلخة حلوه شديد وبت عمتك ضحكتني.. أنقر اخوك ما سجلها.. وبعدين تمريرة الاصبع على الوجه دي اتخيل لي اهلنا السودانيين اخذوها من السعوديين.. لانه السعوديين بيقولوا (مليحة) للسمحة وبنفس الطريقة بيمرروا أصبعهم على خدهم.. شايف في الحته دي أنا (تفتيحة) كيف؟!!

عزيز

عزيز عيسى

04-04-2005, 07:34 AM

بابكر يا مش تفتيحة،

تقول أنت وأخوك (الكاشف) عزيز طلعتوا أي كلام.. يا أبوي أنا بعد ده خلاص بقيت تفتيحة.. ما شايف كلامي اتغير كيف؟؟؟

تقول لي اعلم عمك بوش المصطلحات الجديدة.. يا فرده انت ناسي انه ده راجل كابوي حنكوش.. ولو قلت ليه مصطلحات زي دي ما حيفهمها مني يقوم يرشني ليك على طول بنيه واحده يكسر لي سناناتي.. ده راجل خطري شديد..

وشكرا كثير على العزومة.. والله نفسي اشوفكم اسلم عليكم واحضنكم واتونس معاكم وجها لوجه.. والله النية في اني ازور السعودية مع الاولاد وبعد داك اوديهم السودان يشوفوا اهلهم ..القدم ليه رافع..وانشاء الله لما أقرر سأخبركم.. وعلى فكرة أنا عشت في السعودية فترة من الزمن ومقدقد ليك جده حته حته.. وبعرف محلات كثيره في المدينة المنورة ومكة والطائف لغاية الباحة وبلجرشي.. اخوك زي الرحالة لافي الدنيا كلها..

ولنا لقاء.. مع كل الود،

عزيز

عزيز عيسى

04-04-2005, 07:52 AM

الغالي خالد،

يا فرده .. قول بسم الله.. مالك مع المره.. كل حاجه ولا حليفة الطلاق دي.. هسع خليت مرتك تقول
(سجم خشمي ذنبي شنو يرجعوني لى اهلى.. عشان عزومة عزيز؟؟)..

والله انت واخوي الغالي بكرى عارف فيكم الشهامة والنخوة وما بتقصروا.. وبشكركم كثير على شعوركم الطيب..
وزي ما قلت للاخ بكري انه عندي نية ازور السودان مع الاولاد وفي طريقي اعتب على السعودية وأشوفكم واتعرف بيكم عن قرب.. وانشاء الله لما انوي بديكم خبر وبقول ليكم انا جاي.. وعلى فكرة انا برضو بقدم ليكم دعوة وعازمكم انتو الاثنين انكم تجوا تشوفوا امريكا .. كمان انتو بس انوا الجية والباقي علي.. ايه رأيكم؟؟؟

ولنا لقاء.

عزيز

ابو المهتــدي

04-04-2005, 09:55 AM

بسم الله الرحمن الرحيم
والله ماقادر اقول معكم حاجة بس الشي الناقص ونستكم دي ست ودع
وبياضة عند اخوكم 00 ود الصول 0بالنسبة لي اهو دة طرفي مشتت مع شكري 0

عزيز عيسى

04-04-2005, 11:09 AM

أبو المهتدي يا رائع،

ليه كده يا فرده قطعت لينا وشنا وقلت لينا مشتت..
انت عارف موضوع ست الودع ده بخليه عليك انت تجيبها علشان القعدة يادون تكون احلوت..
وحرم أنا أدفع معاك البياض.. أها تاني عندك كلام ..

وبعدين.. وين ابراهيم وعشوشة يا جماعة مالكم شتتوا وخليتونا بدون مصطلحات جديدة .. ما تظهروا يا تفتيحة..

ودي لكم جميعا،

عزيز

عزيز عيسى

04-04-2005, 11:20 AM

أخوي نيازي كشك،

لابد وين يا فرده انت قايلني نسيتك ولا عندي قنبور.. ايه رايك في كلمة (قنبور) دي ما بتتساير مع الزمن؟؟.. وين كتاب المصطلحات القلت حترسله لي؟؟

عزيز

ابراهيم

04-04-2005, 07:06 PM

عزيز انا جيتك .... انا جيتك يا اخوى سلامات

اخوك طبعاً ما مواكب العولمة والجديد لكن اديك حبة رندوك كدا على الطاير

الحسس = الجكس
عباس = (الزول الما بتعرف اسمو)
شرحبيل أحمد ( لمن يشروك) عملو ليهو شرحبيل أحمد أي ادوهو شرة
وفلانة ديك عملو ليها (أحمد الخطيب) يعني خطبوها
ويقولو ليك الزول دا (باكتريا) خلاص يعني بكاي وجنو جكس
ولمن يقولو ليك الحاجة دي (نار منقد) معناه شرط
وعندك (الشاكوش) حماكم الله منه طبعاً معروف ومألوف واتمنى من الناس الاخدت شواكيش يجو يشرحو لينا استناداً لـ(أسأل مجرب ولا تسأل طبيب)
وما تعملو لينا فيها تقلية (يعني ما تعمل فيها تقيل)

ودقيقة بس حسي بجي

بابكر

05-04-2005, 12:38 AM

الحبيب الغالى ابراهيم لك الحب والشوق والله حيرتنا عديل كده يعنى نحن كنا فاهمين كلام عشوشه تقوم تجيب لينا واحد اكبر منو والله انا كنت فاكرك زينا انا وعزيز طلعت تفتيحه وشايل مفاتيحها وكمان شارب ريحه المهم مامعنى كلمه راندوك ؟؟؟ عشان نبقى تفتيحه زيكم انت والغاليه عشوشه حبى لكم جميعا يا من ادخلتم البهجه فى نفوسنا

بابكر

05-04-2005, 12:39 AM

الغالى ابو المهتدى عوض الرائع لك الحب والشوق من على البعد وتحياتى لك وللاسره الكريمه وكيف اخباركم بالله رسل لى رقم التلفون ضرورى [/COLOR

بابكر

05-04-2005, 12:40 AM

[COLOR=red]الاخ الغالى عزيز لك الحب والشوق يافرده بالمناسبه ولدى فى المدرسه قال لى ولد سعودى يافرده قام الولد اشتكاه للمدير وطبعا افتكروا انو الحكايه شتيمه يعتى ياجزمه وتعال شوف الحكايه كبرت لمن جبنا ليهم كم سودانى فهموهم القصه حتى انتهت المشكله المهم قلت للولد تحرم استعمال اللغه دى هنا ونحن ما ناقصين مشاكل
وبعدين حبابكم عشره انت والاولاد فى اى وقت تشرفو ا ونحن مستعدين لكل شىء وانت بس انوى وخلى البافى علينا

]

أبوبكرحامد

05-04-2005, 12:41 AM

ياعزيز الشفع دقسوك ............ عموماً سنزودك ببعض المصطلحات التى ستعينك على مجاراة الوضع
أولاً هذه اللغة تسمى لغة الرندوك وهى اختراع للشماشة وبعض الشباب ، ومن المصطلحات الشائعة : كلمة الضحاكات وتعنى القروش ، كلمة لفيف وتعنى شخص داهية ، أحمد مظهر وتعنى الشخص الذى يحب الظهور ، خميس مشيط وتعنى تخميس السيجارة ، الجمرة الخبيثة وتعنى عدادات الكهرباء مدفوعة الأجر وهى من مصائب الحكومة الحالية ، الشجر وتعنى ناس الأمن .
هذه محاولة بسيطة وعينة مجانية المرة الجاية لازم تجيب معاك الضحاكات وما تطلع زول لفيف.

أبوبكرحامد

05-04-2005, 12:48 AM

بمناسبة الحناكيش أهديكم هذه النكتة : قالوا فى بنات حناكيش من بنات الأحفاد " معذرة ياعشوشة " المهم الحنكوشة واقفة فى شارع العرضة منتظرة توقف تاكسى ، فجاها عمك سايق تاكسى قديم الحنكوشة أشرت ليهو " تاكسى " ، قام عمك وقف بعد خمسة امتار تقريباً لأنو عربيتو قديمة والفرملة خربانة ، قامت الحنكوشة قالت ليهو : " يخصى عليك ياعمو ماياهو ده المشوار اللى عاوزين نمشيهو " هههههههه

اللمسة الساحرة

05-04-2005, 01:33 AM

الاخ العزيز:
عزيـــــــــــــــــــــز
بعد التحية والسلام،،،
ماحاسي انك صعبتها شوية، معقول ماعارف كلمة حنكوش معناها شنو ,
دي فعلا مشكلة كل المغتربين لا معا ناس هنا ولا معا ناس هناك ...
اسفة جدا لو اثقلت عليك في الكلام....
لكن بالمناسبة ابو الولد شرح ليك كلمة حناكيش غلط.
هههههههههههههههههههههههههههههههه
وتقبل تحياتي,,,,,
اللمــــــــــــــــــــــــــــــــــــــــــــــ ـــــــــــــــــــــــــــــــــسة الساحرة

عزيز عيسى

05-04-2005, 04:12 AM

ابراهيم الحبيب،

ده جيتنا وبس.. لكن جيتك ما جيه.. جيتنا وفيك ملامحنا..

يا أبوخليل بتقول انت ما مواكب العولمة.. ده انت طلعت العولمة بذاتها.. وخليت لينا عشوشه بدون مفاتيح..
عجبتني المصطلحات..
انت عارف عباس دي زمان لما كنت في السعودية اخوانا السودانيين كانوا بيطلقوها على الشرطي لما يشوفوه جاي من بعيد.. طبعا بيعملوا ليه ألف حساب.. وعربية الشرطة كانوا بسموها (صندوق الروسمان)..
لكن الشباب في السودان والله ما ليهم حق انهم يطلقوا على الشخص البشروه (شرحبيل احمد).. شرحبيل احمد ده فنان رائع جدا وأنا بعزه كثير وعندي ليه ثلاثة اشرطة بسمعهم باستمرار.. وبرضو عندي واحد صديقي معانا هنا اسمه شرحبيل.. ما ممكن واحد يشروه أقوم أقول ليه شرحبيل احمد.. وبدل يقولوا شرحبيل مش احسن يقولوا (تركوه في حبل الغسيل)؟؟

في انتظار المزيد من تفتيحاتك..وتسلم اخوي،

عزيز

عزيز عيسى

05-04-2005, 04:43 AM

بابكر الغالي،

انت برضك طلعت ما بتعرف كلمة الراندوك أو (الراندوق) أو كما ذكرت عشوشه مسبقا.. أنا ذاتي طلبت منها تورينا معناها شنو؟؟.. لكن خلتنا في (حبل الغسيل).. شتت وما رجعت ثاني.. أنا اتخيل لي الراندوك ده زي صورة ( العوقة) اللى نزلتها في ردك لابراهيم..
هاهاهاها.

وبمناسبة: ولدك فى المدرسه قال لى ولد سعودى يافرده قام الولد اشتكاه للمدير)

الحمدلله طلعت سليمة..

أنا قلت اجرب استعمل كلمة (يا فرده) في البيت اولا.. لكن تعال شوف الحصل شنو؟؟

انا كنت بنادي في بتي.. يا بت تعالي.. ما سمعتني.. قلت لزوجتي امشي جيبي لي (الفرده) دي.. مشت جابت لي التوب بتاعها..!!

هاهاهاهاهاها.

وتسلم،

عزيز

عزيز عيسى

05-04-2005, 04:50 AM

ابراهيم الحبيب،

ده جيتنا وبس.. لكن جيتك ما جيه.. جيتنا وفيك ملامحكنا..

يا أبوخليل بتقول انت ما مواكب العولمة.. ده انت طلعت العولمة بذاتها.. وخليت لينا عشوشه بدون مفاتيح..
عجبتني المصطلحات..
انت عارف عباس دي زمان لما كنت في السعودية اخوانا السودانيين كانوا بيطلقوها على الشرطي لما يشوفوه جاي من بعيد.. طبعا بيعملوا ليه ألف حساب.. وعربية الشرطة كانوا بسموها (صندوق الروسمان)..
لكن الشباب في السودان والله ما ليهم حق انهم يطلقوا على الشخص البشروه (شرحبيل احمد).. شرحبيل احمد ده فنان رائع جدا وأنا بعزه كثير وعندي ليه ثلاثة اشرطة بسمعهم باستمرار.. وبرضو عندي واحد صديقي معانا هنا اسمه شرحبيل.. ما ممكن واحد يشروه أقوم أقول ليه شرحبيل احمد.. وبدل يقولوا شرحبيل مش احسن يقولوا (تركوه في حبل الغسيل)؟؟

في انتظارك..وتسلم اخوي،

عزيز

عزيز عيسى

05-04-2005, 11:47 AM

الاخت العزيزة اللمسة الساحرة،

مرحبتين حبابك.. وشكرا على المرور..

وبعدين اللمسة الساحرة دي معناها (الحاوي) ولا ايه..

والله صدقيني كلمة حنكوش دي كنت اول مره اسمعها من الولد
انا افتكرت ابوه عارف معنى الكلمة احسن منى.. لكن هو ذاته طلع حنكوش زي كده
وكثر خير التفتيحة عشوشه وابراهيم وخالد وابوبكر وبابكر وابوالمهتدي على الشرح..

وليه تتأسفي وتقولي اتثاقلتي علي في الكلام..والله كلامك صاح.. انحنا المغتربين ديل لا لامين جاي ولا جاي.. علشان كده أنا قصدت انو الجميع يشارك بأكبر قدر ممكن من المصطلحات الجديدة حتى يستطيع المغتربين على المسايرة.. أو في حالة سفرهم الى السودان يقدروا يفهموا كلام الشباب..

وبعدين وين شرحك انت لكلمة حنكوش المصطلح المبهدلنا دا..

وتسلمي،

عزيز

عشوشه

05-04-2005, 09:07 PM

والله قربت اموت من الضحك خلتونى زى الفاكه منى اضحك براى اصلا انا قالوا حالتى ميؤس منها لانوا كل ما يجى زول يقلى الابتسامه عريضه مافى زول جنبى بقوم يقول البنت دى جنت ولا شنوا ديل الناس الفى الشغل طبعا

المهم انكل طلعتوا تفتيحه اكتر منى

اما الراندوق للسال عن الرادوق فى لغه ابتكرها الشماسه وطورها اولاد الراحات عشان مافى زول يفهم هم بقولوا فى الشنوا يعنى مثلا انا اخوى نقد نتونس بالساعات ونقطع لى اى زول جمبوا بكون ما عارف احنا بنقول فى شنوا
ولما جينا الجامعه انا وصاحبتى بقينا نتريق على الحناكيش بالرادوق وهم بقلوا لينا ياااى انتوا تتكلموا اى لاقويتش بنقول ده سواحلى

المهم الراندوق كده
اربتموا بانارباس ود مدربنى اربانا بعربزكم
الترجمه انتوا ياناس مدنى انا بعزكم

وتانى نوع من الراندوق بس صعب شويه

وبتقال كده سلسيا نوار جمسكى
يعنى صباح النور ده انا ما بعرف غير شويه كلمات

مع خاربالص وردبدى

عزيز عيسى

06-04-2005, 04:54 AM

حبيبنا الغالي أبوبكر،

أنا ما كنت قايلك تفتيحة للدرجة دي.. لكن ما تقول لي رهييييب.. وشكرا للمصطلحات والشرح والله عجبتني كثير.. وحأنزلها في القاموس..

خميس مشيط لتخميسة السجاره دي أكيد جابوها السودانيين في السعودية.. بس انشاء الله ما يكونوا وصلوا لدرجة تخميسة السجارة ..

تقول لي المره الجاية لازم تجيب معاك الضحكات وما تطلع زول لفيف اصلو أنا عايز أخت ليك بياض للودع ولا شنو .. احسن لي ابقى لفيف..

وبعدين مثلا لو كنت طالب لي واحد قروش أقوم أقول ليه وين الضحكات بتاعتي؟؟ أو رجع لي الضحكات بتاعتي؟؟
أها لو قام رجعها لي ضحك.. أسوى شنو.. أمشي اشتكيه؟؟..

والله نكة الحنكوشة مع سايق التكسي حلوه شديد وخلتني اضحك لغاية ما الولية جات قالت لي انت لازم تقفل الويب سيت ده اللى بيخليك تضحك زي المجنون وتشوف ليك ويب سيت ثاني.. قلت ليها يا ستي ده أنا بتونس مع اخواني.. عليك الله فكينا.. انقر ما فكيتها ليك على الهوا!!

وتسلم،

عزيز

عزيز عيسى

06-04-2005, 05:09 AM

يا عشوشة بت ود ابرق الغالية،

ده شنو يا اختي.. الجماعة زنقوك في الكرسى الساخن جيتنا راجعه بتطرطني راندوق؟؟

انت عارفة انه عندي هنا برضو واحد صاحبي أدروب.. حأمشي اعرض عليه كلامك القلتيه بالراندوق ده.. ولو طلع بالهدندوي تكوني وقعتى معاي وقه شينه.. حأقوم اشرك ليك بالقلابة.. وشيلي شيلتك..

ودي،

عزيز

أبوبكرحامد

06-04-2005, 05:40 AM

كلمة مِجَبِّص معناها مفلس وماعندو قرش ، مرة قلت لى محامى زميانا فى المكتب وهو عامل زيك كده مابعرف لغة الرندوك ، قلت ليهو الراجل داك باين عليهو مجبص ، قام رد قال لى " مالو انكسر ولاشنو " ، طبعاً انا اللحظة ديك مت من الضحك .

ابراهيم

07-04-2005, 04:18 PM

ههههههه

حلوة يا ود الماذون

وفي رواية أخرى "فلسطين" على وزن مفلسين

rasheed

12-04-2005, 01:08 AM

وفي رواية أخرى منوفليس وبعدين يا عزيز أنت الظاهر عليك داقس شديد ياخي تقول عشوشة بت ود أبرق يعني كيف دي والله دقست فيها للدين إنت بطريقتك دي بتكتل ليك واحد كان أتكلمت الراندوق ده ،، ويعني يشرحوا ليك الراندوق معناه شنو وبرضوا داقس ، تقول ليها بترطني راندوق يا خي بقولوا تدقي راندوق أصحى يا بريش وخليك مع الزمن ولا وقف رقشة ، تعرف في شماشة جو يعزو جلكين واحد فردتم قالوا ليه ،، تعرف يا جلك ولدك كان فردة كدة وبإشارتها ، لكن دقس وإتلحس ، لأنو نحن قولنا ليه كندوره وكبينا ميج وشتتنا وهو دقس ،، لكن أنسى يا جلك وهاك ده الشرتيت نظام الشيرنق بتاعنا ونحن شتتنا ،، بعدين يا جماعة الراندوق ده بدون ملحقاتوا ما بنفع يعني الـ00000 والـ0000 والكرتون ، ما بنفع نتعلموا ميطي بعدين يا عشوشه مفروض الجماعة ديل يدفعوا ليك الضاحكات والشرتيت عشان ما يدقسوك ساي وخاصة ناس بوش ديل أقلاها خليهم يشوف ليك فردة لوتري عشان تقطعي وشك من الجلكينة وتريحها شايلة همك وبعداك نلقاك عملتي معهد لغات وما تدقسي يا تفتيحه بس يكون شرط للأرض ويا عزيز ما تعمل تقليه وغيتوني فاهم ،،، وكان بودي أن أكون في جدة عشان أكب ليك طلاق تحلف تقول ويكاب ما زي طلاق الجماعة ديل لكن معليش تعال الرياض وتلقانا نحن يا نا نحن 000

عزيز عيسى

12-04-2005, 07:25 AM

يا رشيد يا خطييير،

انت عارف بالراندوق الدقيته لى ده خليتني ادقس شويه.. قدرت افهم كلمات كثيره زي جلك.. لكن دقستني شويه بكلمة كندوره وكبينا ميج.. وقدر ما حولت احللها و افهم معناها شنو ماقدرت.. وبعدين اتلحست زياده لما قلت الشرتيت نظام الشيرنق.. يا خوي الراندوق ده صعب شديد.. انتو كيف قدرتوا تتعلمو..
أنا لما أنزل السودان لازم انطلق في الشارع وافتش لي عن شماسة أو شرامه اتعلم منهم..
ولو عشوشه عايزه ليها واحد ود ابرق من بتاعين بوش ديل راقدين كتار.. لكن احسن تختار ليها واحد تفتيحة وضحكاته كثيييره.. مش من الحناكيش القدام محتحت أومجبص زي ما قال اخوي ابوبكر في نكته.

أها أنا قاطع وشي ومشتت..

عزيز

rasheed

19-04-2005, 03:10 AM

تحياتنا يا عزيزو ،، وطبعاً الأيام دي متجرس لأنو الأولاد مشوا السودان إجازة وكده ،، وللعلم أخي ولدي الصغير أسمو عبد العزيز ( عزيزو) عمر سنة وكم شهر ،، والله واحشني شديد ، حالتي ما تميت أسبوعين 0 بس عشان كده لاقي فيه ريحتك من الأسم ،، وما عندك مشكلة هسع الولد شتتناه عشان يتعلم الراندوق ويقلب 0 بس كان أنت شتت السودان تفتش ليك شماشة ما بتلاقهم ،، قالوا سجلوهم في الاحزاب لزوم الإنتخابات الجاية بعد كم سنة كدة يعني أحزاب سنية زي مدارس الكورة السنية فاهم كيف ،، ولنا لقاء ،، بس عشوشة ما ورتنا رأيها في كلامنا شنو ولا منتظره هاهاهاهاها وسلام ،، الرشيد

عزيز عيسى

05-05-2005, 11:47 AM

الغالي رشيد،

ليك سلام حار بالاحضان،

أنا أسف جدا اني مارجعت للبوست مره ثانيه لانه المواضيع الاخرى شغلتنا وخلتنا ننسى الونسه الحلوة معاكم..

انت عارف رجعت للبوست ده بالصدفة ولما لقيته قرأته من اوله لا آخره.. وأشيل واضحك زي الكأني قرأته لاول مره.. لانه ردودكم كلكم والله كانت شيقه جدا والونسه عجباني شديد ومستعد اقرأه مرات ومرات..
أها يا فرده طبعا الاولاد شتتوا على السودان وخلوك فترة عزابي انشاء الله جو قالبين بالسلامة والوحشه والجرسه انتهت.. وولدك عبدالعزيز - ربنا يحفظه - اتعلم راندوق ولا رجع متحنكش؟.. طبعا انبسطوا مع اهلهم في السودان وآخر لعب بالطين.. لانه اولاد المغتربين ما لاقين الطين في السعودية علشان يلعبوا بيه..
بالمناسبة أخوى الصغير.. آخر العنقود اسمه راشد كان بيلعب في نادي النيل.. طبعا رشيد راشد كله واحد..
المهم.. زمان أخذت اولادي وسافرنا السودان.. والله حصل منظر عجيب لولدي..
ولدي اسمه سامي.. عمره في الوكت داك حوالى سنه ونص.. كنا ملبسنه ليك بدله آخر قيافة تليق بالمغترب.. ولما وصلنا البيت في الخرطوم حي الصحافة.. وبمجرد ما وصلنا يا دوبك وابتدينا نسلم على الاهل سمعنا اولاد اختي بكوركوا لينا ويضحكوا ويقولوا الحقوا شوفوا ولدكم عمل شنو؟!
طبعا قطعنا السلام لاننا اتفجعنا كلنا وجرينا نشوف الحاصل شنو.. والله ما تصدقوا.. لقينا الولد جالس - مفرجخ - بي بدلته القيافة ديك تحت شجرة منقه يا دوب سقوها مويه وتعال شوف ليك آخر انبساط وضحك ولعب بالطين.. لأنه ما لاقيه في جده.. يعني لو ما اولاد اختي قالوا لينا تعالوا شوفوا ولدكم ما كنا حنعرفه.. طبعا من تحت الشجرة وطوااالى على الدش.. أنا الخلاني اغتاظ انه البدلة صوف يعني تاني ما حتنفع بي تعريفة!.. وقلت لى امه أنا لو عارف ولدك ده بيعمل كده كنت اشتريت ليه عراقي وسروال ابو تكه وخليته يفنجط مع اهله..
أها طيب زي ولدي سامي ده في اي ترتيب من المصطلحات حيكون.. تقولوا عليه حنكوش ولا ماسكاه دقسه؟! ولا في كلمه احسن من كده؟!
وفي انتظار مصطلحات جديدة يا شباب..
مع كل حبي وودي لكم،
عزيز

فادي الماحي

05-05-2005, 12:10 PM

كيف حالك يا خونا : والله معناها انت مشكلتك مشكله
لكن ما عندك مشكله لم تقرب تنزل السودان أديني خبر عشان أرسل ليك قموس فيه كل المصطلحات الشعبيه
ولك تحياتي :p

عزيز عيسى

05-05-2005, 03:14 PM

يا فادي يا ود الجنيد يا رائع،

اهلا حبابك عشرة.. وحباب اهل الجنيد اللى كلكم طيبه وسكر وعسل..
والله فكرة اننا نزل على السودان دى موجوده لكن اخوك شويه مجبص (على قول ودالمأذون).. انا هسع عايز احوش في الضحكات علشان اقدر اخد الاولاد يشوفوا اهلهم.. يعني الحكاية امكن تطول شويه..
علشان كده عايزك ترسل لي قاموس المصطلحات ده ابهدل بيه قريبك جمال الماحي وباقي الحناكيش اللى معانا.. بس ما تبقى لى زي واحد اخونا فرده اول حرف من اسمه نيازي كشك وعدني بالمصطلحات وعيييك تاني ما سمعت منه!!.. شراني في حبل الغسيل وعمل اضان الحامل طرشا!!

مع كل الحب والود وتسلم،

عزيز

ابراهيم

11-03-2006, 12:33 PM

كتير الواحد بعاودوا الحنين للبوستات دي

والله مشتاقين ليكم يا شباب.

dream

12-03-2006, 12:31 AM

أوًاه ٌ كم دان الفؤاد ُ لفرعك ِ

والفرع فيك ِ فارع ٌ مثل النخيل

أوًاه ُ كم في فرعك ِ وفي جذعك ِ

نمت زهور ٌ .. ولقطفها بان الدليل ..

الحنكشة ....دي بقت كتيرة
ولسه ياماحنشوف

sambaaa

12-03-2006, 01:06 AM

ست الودع

13-03-2006, 11:37 PM

مودة

15-03-2006, 09:05 AM

قصة حلوة وظريفة في نفس الوقت

Jamal Elmahi

15-03-2006, 04:15 PM

مهيرة

15-03-2006, 08:30 PM

ابراهيم

16-03-2006, 01:10 AM

تعرف في شماشة جو يعزو جلكين واحد فردتم قالوا ليه ،، تعرف يا جلك ولدك كان فردة كدة وبإشارتها ، لكن دقس وإتلحس ، لأنو نحن قولنا ليه كندوره وكبينا ميج وشتتنا وهو دقس ،، لكن أنسى يا جلك وهاك ده الشرتيت نظام الشيرنق بتاعنا ونحن شتتنا ،،000

والله يا رشيد مبالغة
هههههههههههههههه

ابراهيم

16-03-2006, 01:13 AM

عزيز عيسى

16-03-2006, 08:05 AM

كتير الواحد بعاودوا الحنين للبوستات دي

والله مشتاقين ليكم يا شباب.

أخي الحبيب الغالي برهوته،

تحيات من القلب،

والله الشوق ليكم بدون حدود لكن المشغوليات في العمل هي التي حجبتنا عنكم في الأيام الأخيرة..
وبشكرك كثير على إعادة البوست واخراجه الى حيز الوجود مرة أخرى..
طبعا أخوك كان حنكوش لكن بقيت تفتيحة وبعد دا اللي حيتحنكش معاي بديهو بالراندوك..
عايزين نسمع قصص كثيرة عن الحناكيش والحنكشة.

وين الحنكوشة عشوشة وباقي الحناكيش..
تعالوا جاي أنا راجيكم خلونا نسعد بقفشاتكم الظريفة.

لكم مني كل الود والتقدير،

عزيز

عزيز عيسى

16-03-2006, 08:11 AM

الحنكشة ....دي بقت كتيرة
ولسه ياماحنشوف

مرحبتين بالحلم الجميل..
طيب وقت الحنكشة دي بقت كثيرة ما تحكي لينا واحدة كدا من بيت الكلاوي علشانا أنحنا الحناكيش ديل..

ودي،

عزيز

عزيز عيسى

16-03-2006, 08:18 AM

http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)
كلالالالالالالالالالام يا عوض دكام .. ( ربنا يرحمه ) ..

http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)

أخوي سامبا الظريف،

كيفك يا راجل.. أشكرك على المرور.. ويا ريت تتحفنا بطرفة عن الحناكيش المتحنكشة.

الله يرحم عوض دكام.

وتسلم يا غالي،

عزيز

عزيز عيسى

16-03-2006, 08:41 AM

هههههههههههههههههههههههههههههه سلااااااااام يا شباب كيفكم انشاءالله تمام طبعا انا اشتركت في المنتدى ده عشان الموضوع اللذيذ ده
لكن يا عزيز لقيتك بالجد كده فاره عديييييييييييييييييييييل
ونحاول ندعمك بي حببببببببه كده بي رندوق اسامي الفنانين
عقد الجلاد مقصود بيها العقد
زيدان ابراهيم مقصود بيها الزياده في الأكل ( يعني الاكل قرب يخلص تقوم تصرح بي حبك للفنان زيدان وانك تموت فيهو عشان يلحقوك بي الزيادات)
عثمان خوجلي مقصود بيها الخجل
عثمان الشفيع ومقصود بيها الشفع ( شافع او طفل )
قيامه ورابطه وتقدر تقول انها قريبه لكلمة شرط يعني حاجه حلوه شديد
علايق وعضه وكلاهما مقصود بيهم الاكل (علايق والزمن ضايق)
ده القدرت اتزكرو لكن بوعدك بقدر ما بتزكر حاوريك
اتفقنا

ست الودع أرمي الودع لي كشكشي..
مش في أغنية بالشكل ده.. وأعتقد كان بغنيها البعيو.. ولا أنا غلطان؟

أولا: أهلا ومرحب بيك بين أخوانك وأخواتك.. وحبابك عشرة يا ست الودع..
وأنا سعيد جدا أنو بوست الحناكيش دا جابك لينا..
وبوجودك معنا في هذا المنتدى إن شاء الله حتقضي أمتع الأوقات..

=لكن يا عزيز لقيتك بالجد كده فاره عديييييييييييييييييييييل
اتفقنا
أمسك دي كلمة جديدة علي وعجبتني كثير.. إتفقنا أنا فعلا طلعت حنكوش منقوش.. وكمان فاره وبجداره.
بس يا بت أمي كدي أشرحي لي معنى (فاره) والله عايز أعرفها علشان أقدر أضيفها للقاموس تبعي وأستخدمها علي الحناكيش.

إنت الظاهر عليك تفتيحة.. لكن أختنا عشوشة بي مفاتيحها.

عليك الله ما تنقطعي تعالي صادة.

وشكرا كثير علي الكلمات الجديدة.

ودي،

عزيز

عزيز عيسى

16-03-2006, 10:08 AM

قصة حلوة وظريفة في نفس الوقت

أنا سعيد جدا بأن تكون أولى مشاركاتك في هذا البوست..
بتمنى ليك قضاء أطيب الأوقات بين أخوانك وأخواتك في المنتدى.

http://www.wadmadani.com/up/pic/hjkfsa.gif

عزيز

عزيز عيسى

16-03-2006, 10:18 AM

أصلو اليومين ديل
أيدي ماكلاني انشاء الله تكون طيّه ماكاروشه....أصلو الفلس بهيّج علي الدبس....

ود الماحي

كلمة الدبس دي لو قراها واحد حنكوش ما حيفهمها.. خلي الحناكيش أنا ذاتي ما فهمتها؟..

انت يا جيمي بتتكلم راندوك؟

عزيز

عزيز عيسى

16-03-2006, 10:28 AM

الأخ / عزيز عيسي
مداخلتي في هذا البوست الشيق تذكرت نكتة قديمة شديد وما زلت معحبه بها تلخص لي
ما اريد قوله :
في اجازة من الاجازات حسب صياغ النكتة تشاجر حنكوش مغتربين مع ود البلد الأغبش
والأخير شال ليهو ( كوريك ) وداير يضرب بيهوا الحنكوش
الحنكوش جري لي أمه وقال ليها :
ما ما شفتي الولد داك داير يضربني بي ملعقة extra large
طبعا قالها بالعربية ( اكسترا لارش )

مجرد خاطرة !

هههههه والله حلوه شديد يا مهيرة

الجنى الحنيكيش دا الوداهو يلعب مع أهلنا الغبش ديل شنو؟
وأنا لو ما عندي اثنين (كوريك) في البيت كان قلت ليك زي
النكتة دي كان حتنطبق علي أولادنا الحناكيش..

احتمال تكوني قريتي نكتة جمال الماحي عن ولدو الماحي لما
قال لي أمو ( أديني ركعتين).. بقصد طرقتين كسرة علشان يأكل بيهن ملاح الويكة.
أها دا تقولي عليهو شنو... زي الحناكيش ديل ما حينفعوا أبدا في الجزيرة.
الله غالب.

وشكرا علي مرورك والنكتة الظريفة.

ودي،

عزيز

Jamal Elmahi

17-03-2006, 04:18 AM

الحنكوشه طالعه من المستوصف والعربيه خرتمية متر بي سواقا راجياها برّه...
لاقتا الحنكوشه صاحبتا ....

هلو سونيا...مالك يا انتي في المستوصف؟؟؟
هلو يا ديدي ...والله يا انتي جيت أزور حماده...حماده العسولي يا انتي راقد ليهو يومين....
حماده العسولي الجكس بتاعك....سجمي جداَ.....ومالو يا انتي؟؟؟؟
والله قامت ليهو بواسير....
بواسير ....سجمي خالص ...والبواسير دي قامت ليهو وين؟؟؟
قامت ليهو في عينو يا انتي ...وكلّك نظر.....

جمال

عشوشه

17-03-2006, 07:13 AM

عزيز عيسى

20-03-2006, 09:28 AM

الاخ ابراهيم فيك الخير انك طلعت الموضوع من جديد صدقنى قربت اموت من الضحك ياااااه اتارنى شماسية قدر ده؟
اول مره اعرف المهم الفكره بتاعت البوست كانت جميله مشكور يا عزيز على الموضوع بس تخيل باين على اصابتنى نوبات من الحنكشه لانى بقيت ما زى زمان وبكل طيب خاطر اسلم المفاتيح الى اى زول يرى انو اهل لمسكها يعنى يكون تفتيحه اكتر منى لانو باين انو فى ناس تفاتيح اكتر منى

واشارك معاك
معاك فى القاموس ولا عندك ما نع مشكور الاخ جمال الماحى لاضافة النكته
مشكورين الاعضاء الجدد والاخت مهيره :)

عشوشة البشوشة،

إنت وابراهيم ليكم طعم ونكه خاصة.. وأي بوست تدخلوا عليه بضيفوا عليه لمسات من روح الفكاهة..
قطعتوا مصارينا من الضحك.. والله يكفك شر الحنكشة..
وبخصوص مشاركتك لي في القاموس..
أنا ما عندي مانع لكن..
في حد يبيع المية في حارة السقايين..
قبل يومين كنت بتكلم مع جمال الماحي عن الحناكيش والحنكشة..
واتذكرنا قفشاتك الظريفة والكلمات (الشماسية) اللي ما قدرت أفهمها.. وضحكنا كثير..
جمال أحسن مني كثير في المسائل زي دي.. لأنه زار السودان قبل حوالي 3 سنين..
يعني بالراندوق الفصيح.. جاء راجع تفتيحة.
رجاء ما تنقطعي.. وزودينا بالجديد.

خاربالص وردبدي

:D :D :D

Jamal Elmahi

20-03-2006, 05:02 PM

الاخ ابراهيم فيك الخير انك طلعت الموضوع من جديد صدقنى قربت اموت من الضحك ياااااه اتارنى شماسية قدر ده؟
اول مره اعرف المهم الفكره بتاعت البوست كانت جميله مشكور يا عزيز على الموضوع بس تخيل باين على اصابتنى نوبات من الحنكشه لانى بقيت ما زى زمان وبكل طيب خاطر اسلم المفاتيح الى اى زول يرى انو اهل لمسكها يعنى يكون تفتيحه اكتر منى لانو باين انو فى ناس تفاتيح اكتر منى

واشارك معاك
معاك فى القاموس ولا عندك ما نع مشكور الاخ جمال الماحى لاضافة النكته
مشكورين الاعضاء الجدد والاخت مهيره :)

عشوشه الماحنكوشه...والله ليك وحشه...يا بت أمّي مالك اختفيتي كدا...سمعتي ولاّ جابو ليك....غايتو كان جابو ليك شكيتم علي الله والشيخ عبدالله...ولاّ انتو ياختي ناس كسلا شيخكم ود حسونه ...يلحقنا يايمّه ويفزعنا....هوي يا أنصار السنّه أختونا بس...عشوشه فرده وما تدخلوا بين الفردا وفردتا...الله يكفينا شرّكم عاملين خلاليبكم القصار ديل...

جمال الماحي

علىنجمالدين

12-08-2006, 07:47 AM

مالك على المره ياخالد لا تكون حكار وعيونك كبار وخليك فكر ى وبتنام بدرى وانتى من الخرطوم محل الطياره بتقوم ولا أكيد حاوى وقرد قهاوى ىاعجوووووووز

ابراهيم

12-08-2006, 08:25 AM

كلام يا حسن الامام
ابو علوة منور الدار والله
لكن خسمتك بالنبي واللي نبى النبي نبي
كان تفك لينا طلاسم البتاعة الفوق دي
عشان الواحد بقى حايم وسط النص يفتش يفتش الماضى والحاضر
وفي الحالتين انا ضايع
وانا ضايع

عزيز عيسى

26-11-2007, 11:04 AM

يا جماعة قالوا صاحب الدكان لما يفلس بيراجع دافترو القديمة..
أها اليوم راجعت بوستاتي ولقيت البوست دا وعجبني شديد.. قرأته
من أوله لآخره وقعدت أضحك ذي الكأني أقرأه أول مرة..
وبعدين ما تنسوا عندي نية أزور السودان وأكيد بحتاج
لكلمات راندوك علشان ما أدقس أقدر أتساير مع الناس هناك
تجوا تساعدوني ولا يفتح الله؟
غايتو لو ما جيتوا تساعدوني..
تبقى مسعولتي عليكم لو رجعت وما فاهم حاجة.
مع خاربارص وردبدي

ابراهيم

26-11-2007, 11:23 AM

اها يا عزيز والله انا جيتك جاري جري
والله جنس فرفشة وضحك
خسوساً نكتة ود الماحي
قال سجمي جداً قال

عزيز عيسى

26-11-2007, 12:02 PM

اها يا عزيز والله انا جيتك جاري جري
والله جنس فرفشة وضحك
خسوساً نكتة ود الماحي
قال سجمي جداً قال

يا برهوته شكرا على تلبية الدعوة
وعارفك ما بتقصر..
أمبارك بنتي الكبيرة إتصلت بي من سكن الجامعة وقالت لي
أفتح التلفزيون في برنامج خاص بالسودان عن منطقة (فرفور)..
أنا في البداية إفتكرت في حلقة خاصة في التلفزيون الأمريكي
عن الفنان جمال فرفور.. المهم جريت وفتحت القناة التي
ذكرتها بنتي.. وكان عندي نية أسجل الحلقة الفريدة دي..
تصدق لقيتها حلقة خاصة عن (دارفور)..
قلت برضو أحسن نشاهدها ونعرف الحاصل في البلد شنو.
أها شفت الحنكشة محمدانا كيف؟

إنتظر جمال الماحي يجي يحكي ليك عن أولاده..
ديل حالتهم زاروا السودان.
غايتو حتموت من الضحك.

ابراهيم

26-11-2007, 07:40 PM

ابراهيم

26-11-2007, 07:41 PM

ومنتظرين جمال وشوقنا ليه كتيير

عشوشه

26-11-2007, 10:35 PM

Jamal Elmahi

27-11-2007, 06:36 AM

Jamal Elmahi

27-11-2007, 06:47 AM

هههههههههههههههه:d:d
والله العظيم ضحكت لما مصاريننى وجعتنى كانت لنا ايام
المهم الاخ عزيز الف اهلا ومرحب بيك فى بلدك :)
اسمع النصيحه تلم خشمك عليك وما تنضم كلامك الدراب دراب ده تشوف موية الناس وبعدين تتطلع القاموس بتاعك
باقى انتو الناس المرطبين ديل فى جاحات كتيره اتغيرت من زمن البوست ده بما انو الحياه فى تتطور اللغه كمان اتغيرت كمان بس ادينى صنه امشى اقعد مع الراستات واجيب ليك اخر المصطلحات الجدت فى اللغات الحيه والميته .
ولى عوده

هيييييي ياعشوشه وين الحي بيك يا بت أمي ...بالله بوستك ساي يرد الروح...ياحليلك ياعشوشه وياحليل أيامك...أها يا خيتي مسعوله من الخير مالك أبيتينا ...ياربي يكون غنيتي وتغيتي وتحنكشتي كمان ...يازوله وحاة ود حسونه ما دام إنتي مبسوطه نحنا البينا كلو هيّن ...
مشاققه...
أبقي عشره علي أخوي الخواجه ...وبيني وبينك داقس داقس ....

ود الماحي

عزيز عيسى

27-11-2007, 08:12 AM

عزيز انت عايز تشيل حال بتك عشان قالت فرفور لي دارفور ... انت ما تستعجل لأنو عندك رحلة للسودان ولسانك حصانك لو صنته صانك دة انت حتشوف بلاوي زرئة على قول المصريين ..
غايتو نصيحتي ليك كان اجازتك طويلة شهر كامل ما تتكلم سلم بس واسكت بعد تعرف موية الناس شنو بعدين خش في الحنك.

عزيز انت عايز تشيل حال بتك عشان قالت فرفور لي دارفور ... انت ما تستعجل لأنو عندك رحلة للسودان ولسانك حصانك لو صنته صانك دة انت حتشوف بلاوي زرئة على قول المصريين ..
غايتو نصيحتي ليك كان اجازتك طويلة شهر كامل ما تتكلم سلم بس واسكت بعد تعرف موية الناس شنو بعدين خش في الحنك.

شوف يا فردة يا قلب.. مالك عايز تخوفني..
يعني هسع مصطلحات الراندوق اللي قالوها الجماعة هنا وسجلتها
ما حتنفعني وتبقى لي عبدالدافع عثمان؟..
أنا غايتو وصلتي كدا بمشي أبحث عن الشماسة
وأجازف لي منهم بعض المصطلحات الراندوقية
الراقية والبتكلم معاي أديه من النوع التقيل.
ما تخاف علي.. أخوك تفتحية لامن فضيحة
شارب الريحة وماسك مفاتيحها.
فتك بعافية وقاطع وشي ومشتت.
أها لقيتني كيف؟

عزيز عيسى

27-11-2007, 08:27 AM

هههههههههههههههه:d:d
والله العظيم ضحكت لما مصاريننى وجعتنى كانت لنا ايام
المهم الاخ عزيز الف اهلا ومرحب بيك فى بلدك :)
اسمع النصيحه تلم خشمك عليك وما تنضم كلامك الدراب دراب ده تشوف موية الناس وبعدين تتطلع القاموس بتاعك
باقى انتو الناس المرطبين ديل فى جاحات كتيره اتغيرت من زمن البوست ده بما انو الحياه فى تتطور اللغه كمان اتغيرت كمان بس ادينى صنه امشى اقعد مع الراستات واجيب ليك اخر المصطلحات الجدت فى اللغات الحيه والميته .
ولى عوده

ما قلت ليكم البوست دا بيجيب الناس الجميلين والغالين..
ولسع حيجيب ناس كثار عزاز علينا بس أعملوا صلاح عبدالصبور.

يا عشوشة ليك وحشة.. وجيدا جيتي.

إنت لسه فاكراني حنكوش ومرطب..
يا قلب قلت ليكم بقيت تفتيحة
لكن البقنع الديك شنو؟
عرفنا الشماسة.. الراستات ديل شنو كمان؟
إنت الظاهر عليك عايزه تدقسيني..
لكن صدقيني حأكون أحسن من ود الماحي
الفردة المنقرضة دا.
منتظرك بفارق الصبر تجيبي لينا مصطلحات جديدة
علشان نتفلهم بيها.

سعدت جدا بحضورك الراقي وتعليقاتك المضحكة.
أدام الله التواصل بيننا.

عزيز عيسى

27-11-2007, 08:33 AM

ووب علي وووب علي ...النكته دي قلتها أنا...أكان كدي أنا خرّفته وما جايب خبر والله يكضّب الشينه...

ود الماحي الممسوخ،

غايتو إنت بنكاتك المخرفة دي بطفش لينا الجكس. :D
ذي ما بقول إبراهيم.

عزيز عيسى

27-11-2007, 08:41 AM

أبقي عشره علي أخوي الخواجه ...وبيني وبينك داقس داقس ....
ود الماحي

شوف يا جلك..
إنت عارف الدقسة فيها الحسة..
وأخوك تفتيحة ومكشكش مفاتيحها
بس أصبر لي لغاية ما أمشي وأجيك
راجع لو ما عقدتك بالمصلطحات الجديدة
لمان تآمن.

ابراهيم

27-11-2007, 10:25 AM

ود الماحي الممسوخ،

غايتو إنت بنكاتك المخرفة دي بطفش لينا الجكس. :D
ذي ما بقول إبراهيم.

يا عزيز انا متين قلت كدة؟
شفت زي كلامك دة ياهو البطفش الجكس:D

ابراهيم

27-11-2007, 10:29 AM

شوف يا فردة يا قلب.. مالك عايز تخوفني..
يعني هسع مصطلحات الراندوق اللي قالوها الجماعة هنا وسجلتها
ما حتنفعني وتبقى لي عبدالدافع عثمان؟..
أنا غايتو وصلتي كدا بمشي أبحث عن الشماسة
وأجازف لي منهم بعض المصطلحات الراندوقية
الراقية والبتكلم معاي أديه من النوع التقيل.
ما تخاف علي.. أخوك تفتحية لامن فضيحة
شارب الريحة وماسك مفاتيحها.
فتك بعافية وقاطع وشي ومشتت.
أها لقيتني كيف؟

والله لقيتك خترى
عزيز انت شكلك اخدت كورسات من ورانا
عبد الدافع عثمان دي قوية وممكن تنافس بيها
لكن برضو استعين بي عشوشة مسئول المكتب في الخرطوم
عشان تسد الثغرات وما تمشي تشوت بوز
وتكون عملت حسام حسن للموضوع من الآخر

عشوشه

27-11-2007, 08:46 PM

هيييييي ياعشوشه وين الحي بيك يا بت أمي ...بالله بوستك ساي يرد الروح...ياحليلك ياعشوشه وياحليل أيامك...أها يا خيتي مسعوله من الخير مالك أبيتينا ...ياربي يكون غنيتي وتغيتي وتحنكشتي كمان ...يازوله وحاة ود حسونه ما دام إنتي مبسوطه نحنا البينا كلو هيّن ...
مشاققه...
أبقي عشره علي أخوي الخواجه ...وبيني وبينك داقس داقس ....

ود الماحي

هااا ياااا ود الماحى والله ليك وحشه ياود امى صحى البوست ده ليو ذكريات عزيزه علينا لانو كل مره تقراه وترجع ليه تندهش من تلقائية الطرح والردود عندما كنا خضر الاعواد ((ووب علي وووب علي ...النكته دي قلتها أنا...أكان كدي أنا خرّفته وما جايب خبر والله يكضّب الشينه)))وزيك كده انا اندهشت من الفيه.
والله يا اخوى ما ابيتكم علا كنت مشغوله بالدراسه وكده اريتنى يا اخوى كان غنيت اكان سويت لى منتدى براى واكتب عليه يمنع دخول الحناكيش والمرطبين :D
عاد ليك على الخواجه اخوك اكان ما بعيتو فى سوق سته بالين اليابانى ما ابقى انا عشوشه .........

عشوشه

27-11-2007, 08:59 PM

ما قلت ليكم البوست دا بيجيب الناس الجميلين والغالين..
ولسع حيجيب ناس كثار عزاز علينا بس أعملوا صلاح عبدالصبور.

يا عشوشة ليك وحشة.. وجيدا جيتي.

إنت لسه فاكراني حنكوش ومرطب..
يا قلب قلت ليكم بقيت تفتيحة
لكن البقنع الديك شنو؟
عرفنا الشماسة.. الراستات ديل شنو كمان؟
إنت الظاهر عليك عايزه تدقسيني..
لكن صدقيني حأكون أحسن من ود الماحي
الفردة المنقرضة دا.
منتظرك بفارق الصبر تجيبي لينا مصطلحات جديدة
علشان نتفلهم بيها.

سعدت جدا بحضورك الراقي وتعليقاتك المضحكة.
أدام الله التواصل بيننا.

ها يا الخواجه بركة الشفناك طيب عقبال ما نشوفك كده تقدل فى الخرطوم
باين عليك بقيت تفتيحه ومسكت المفاتيح كمان من صلاح عبد الصبور دى !!!!!!
جبتها من وين؟؟؟:confused:
اها نجى للراستات دى اشرحها كيف بس ادينى صنه اظبط الراس ده بى قهوه وليك على احكى عن الراساتات كلهم بدون فرز طبعا الراستا اصطلاحا تعنى الزول المفتح لمن غلط فى مجالو كمان هم من بيننا يظهرون ويختفون يبرمون شعرهم او ينكشون يمشون بمشية فيها نطة يشبهون بعضهم فى شى واحد انهم متمردين على الاشياء
الراستا لهم حرية شخصية فهم يصنعون الحياة بطريقه مختلفه ويكونون كما يريدون .
طبعا الراستا فى الموسيقى بوب مارلى وبلا منازع اسطورة الريقى فى العالم
الراستا هو التقدم على الاشياء والتحرر من التخلف وان تكون اول الصف ولو كان الاخرين لا يعرفون ترتيب الصفوف .
اها يا عزيز يا اخوى عرفت الراستا ؟؟؟ ولا نزيدك
ولى عوده

Jamal Elmahi

28-11-2007, 03:51 AM

هااا ياااا ود الماحى والله ليك وحشه ياود امى صحى البوست ده ليو ذكريات عزيزه علينا لانو كل مره تقراه وترجع ليه تندهش من تلقائية الطرح والردود عندما كنا خضر الاعواد .........

الراستا عشوشه المعشعشه في قلوبنا تعشعشت عشش فلاته في قلب الخرتوم...سحلي والجلابيه كحلي ...
الخواجه قلنا ليهو تبني عشك من الراندوق قشّه قشّه ولامن إهبشك شماشي طوالي تنفشّه ..بس الترطيب باين وما بنقشّه....واليدين ناعمات لامن هشّه ..والله يكضّب الشينه ..

مشاققه
يابت أمي إتي لسه عودك أخدر بس ماتعصري علي القرايه لامن تبقي خاتفت لونين ...لون زينب + لون تاجوج ...

ود الماحي

Jamal Elmahi

28-11-2007, 04:21 AM

ومنتظرين جمال وشوقنا ليه كتيير

إبراهيم كندا ...شوق عدار من فانكوفر حتي غفار...وسعال عنّك مترار ...
بردكم متولي الشعراوي لامن شعرة جلدك مكلّبه ..بس ماتقوم تقلّبا وتحلب اللبا...
وطّي الفانوس والاكسجين شمومه عند اللزوم ...تحوصلوا وتغتغتوا وتكرفسوا وأحذروا البرد فإنه قتل أخاكم أباذر ...

ود الماحي

عزيز عيسى

28-11-2007, 04:28 AM

يا عزيز انا متين قلت كدة؟
شفت زي كلامك دة ياهو البطفش الجكس:D
إبراهيم أخوي الجكس ما خلاص طفش وإتلحس..
ودا كلو من ود الماحي أبو لسانا فالت.

Jamal Elmahi

28-11-2007, 04:40 AM

شوف يا جلك..
إنت عارف الدقسة فيها الحسة..
وأخوك تفتيحة ومكشكش مفاتيحها
بس أصبر لي لغاية ما أمشي وأجيك
راجع لو ما عقدتك بالمصلطحات الجديدة
لمان تآمن.

ياخواجه يا دقسه ..
أرخي اللستك ومط الخنزيره وأعصر علي الدرابزين وفك تيكه ...

ود الماحي

عزيز عيسى

28-11-2007, 05:18 AM

والله لقيتك خترى
عزيز انت شكلك اخدت كورسات من ورانا
عبد الدافع عثمان دي قوية وممكن تنافس بيها
لكن برضو استعين بي عشوشة مسئول المكتب في الخرطوم
عشان تسد الثغرات وما تمشي تشوت بوز
وتكون عملت حسام حسن للموضوع من الآخر
شوف يا حبة.. أنا أخدت كورسات بالكراسات..
عبدالدافع عثمان دي من طرف الكيس..
وما تنسى أخوك طاقي الحنك والكيس ملان ربط..
ومسؤول مكتبكم في الخرطوم لما ألاقيها حأبريها ليك بري
والراندوق أفتو ليها فت.. إنت بس روق المنقة حأخليها ليك
تشوت ضفاري.. ولغاية ما آلاقيها بقول:
كل ستة في حتة.. وكل ثلاثة في الخلاطة..
تفتكر عشوشة دي تقدر تاني تجاريني في الراندوق؟

عزيز عيسى

28-11-2007, 05:39 AM

عاد ليك على الخواجه اخوك اكان ما بعيتو فى سوق سته بالين اليابانى ما ابقى انا عشوشه .........
شوفي يا حبة.. كل موية وليها زير..
إيه رأيك قبل ما تبيعيني بالين الياباني
أنا حأدفع ليهم بالدولار الإمريكي وأبيعك ليهم.
بس كدي أهبشيني..

حألبسك الكسكتة
وأبيعك في سوق ستة
وأمسحك من اللستة
شفتي كيف الشدة
وغسيل العدة :D
إبراهيم لقيتني كيف؟

عزيز عيسى

28-11-2007, 05:55 AM

ها يا الخواجه بركة الشفناك طيب عقبال ما نشوفك كده تقدل فى الخرطوم
باين عليك بقيت تفتيحه ومسكت المفاتيح كمان من صلاح عبد الصبور دى !!!!!!
جبتها من وين؟؟؟:confused:
طبعا الراستا اصطلاحا تعنى الزول المفتح لمن غلط فى مجالو كمان هم من بيننا يظهرون ويختفون يبرمون شعرهم او ينكشون يمشون بمشية فيها نطة يشبهون بعضهم فى شى واحد انهم متمردين على الاشياء
الراستا لهم حرية شخصية فهم يصنعون الحياة بطريقه مختلفه ويكونون كما يريدون .
طبعا الراستا فى الموسيقى بوب مارلى وبلا منازع اسطورة الريقى فى العالم
الراستا هو التقدم على الاشياء والتحرر من التخلف وان تكون اول الصف ولو كان الاخرين لا يعرفون ترتيب الصفوف .
اها يا عزيز يا اخوى عرفت الراستا ؟؟؟ ولا نزيدك
ولى عوده
الخواجة جاي الخرطوم بس أوعك تعمليني شرحبيل أحمد..
وصلاح عبدالصبور دي إتصلت بالشماسة أصحابي وأدوني ليها
ومعاها مصطلحات كثيرة.. ما قلنا ليكم الكيس ملان ربط..
شوفي يا فردة بس خليني آلاقيك وأديك من الراندوق الفصيح
لو ما أخليك تقطعي في اللفة أنا ما إسمي الخواجة..
الراستات ديل ما جماعتنا ناس جامايكا أهل بوب مارلي..
أتاري هم مفتحين لمان غلط وأنا ما جايب خبر؟
أفتكرت عندها معنى تاني.. أكان كدي عرفتها.

عزيز عيسى

28-11-2007, 06:11 AM

الراستا عشوشه المعشعشه في قلوبنا تعشعشت عشش فلاته في قلب الخرتوم...سحلي والجلابيه كحلي ...
الخواجه قلنا ليهو تبني عشك من الراندوق قشّه قشّه ولامن إهبشك شماشي طوالي تنفشّه ..بس الترطيب باين وما بنقشّه....واليدين ناعمات لامن هشّه ..والله يكضّب الشينه ..
ود الماحي

شوف يا عمك،
الظاهر عليك فاطي سطر..
عييك.. إنت من زمن عشش فلاتة في قلب الخرتوم..
إنت ما سمعت بإسم زقلونا ناس الحكومة خلونا؟
حالتك بتزور السودان وعامل لي فيها تفتيحة..
أها المرطب فينا منو؟

عزيز عيسى

28-11-2007, 06:26 AM

ياخواجه يا دقسه ..
أرخي اللستك ومط الخنزيره وأعصر علي الدرابزين وفك تيكه ...

ود الماحي

يا ود الماحي يا فردة يا منقرضة :D
أها أقوم أفتو ليك
ولا بعد ما أعمل جولة حول الدولة
مكرونة وما عرفنا لونا
مكنات في السلك
ما ترخي الأبنص
إنت شتت وأنا بلقط.

عشوشه

28-11-2007, 10:08 AM

الراستا عشوشه المعشعشه في قلوبنا تعشعشت عشش فلاته في قلب الخرتوم...سحلي والجلابيه كحلي ...
الخواجه قلنا ليهو تبني عشك من الراندوق قشّه قشّه ولامن إهبشك شماشي طوالي تنفشّه ..بس الترطيب باين وما بنقشّه....واليدين ناعمات لامن هشّه ..والله يكضّب الشينه ..

مشاققه
يابت أمي إتي لسه عودك أخدر بس ماتعصري علي القرايه لامن تبقي خاتفت لونين ...لون زينب + لون تاجوج ...

ود الماحي

ود الماحى صباحتك بيض
انت يا ابو سحلى انت وينو يا يمه خدار العود بعد ما الشوف بقى طشاش والحاله صعبه
وانا معاك فى ترطيبة الخواجه باينه وظاهره بس متقوى بالقاموس وبقى الحوار الغلب شيخو :rolleyes:
اكان يا ود امى لى ختف اللون بقى خلى ساى لون زينب ولون وطاوى هى ها ده من واطه ما من وطواط:D

بينى وبينك الله يكضب الشينه

عشوشه

28-11-2007, 10:19 AM

الخواجة جاي الخرطوم بس أوعك تعمليني شرحبيل أحمد..
وصلاح عبدالصبور دي إتصلت بالشماسة أصحابي وأدوني ليها
ومعاها مصطلحات كثيرة.. ما قلنا ليكم الكيس ملان ربط..
شوفي يا فردة بس خليني آلاقيك وأديك من الراندوق الفصيح
لو ما أخليك تقطعي في اللفة أنا ما إسمي الخواجة..
الراستات ديل ما جماعتنا ناس جامايكا أهل بوب مارلي..
أتاري هم مفتحين لمان غلط وأنا ما جايب خبر؟
أفتكرت عندها معنى تاني.. أكان كدي عرفتها.

مرحب الخواجه فى الخرطوم شرحبيل ده منو؟ بس انت تعال
وابقى عشره على كسيك باقى الفقاعين مالين البلد يفتكرو فيه شرتيت ولا حاجه ويفقعو منك نبقى فى حيص بيص :confused:
الرساتات بتتقال للكل يعنى حسى راستات المنتدى مثلا تقدر تحسب حسب رايك فيهم ما بقت على ناس بوب مارلى
مثلا البوست ده فى نظرى ممكن يكون من راستات البوستات اولا نسبه لعمرو وتانى لعدد المشاهدات والردود وكده يعنى .

عشوشه

28-11-2007, 08:39 PM

شوفي يا حبة.. كل موية وليها زير..
إيه رأيك قبل ما تبيعيني بالين الياباني
أنا حأدفع ليهم بالدولار الإمريكي وأبيعك ليهم.
بس كدي أهبشيني..

حألبسك الكسكتة
وأبيعك في سوق ستة
وأمسحك من اللستة
شفتي كيف الشدة
وغسيل العدة :D
إبراهيم لقيتني كيف؟

ها يا الخواجه يا حلييك ويا حليل ابو صلعه الاضخر زمانو فات وغنايو مات بالذات فى التعاملات الزى دى هو سعرو كل يوم فى حته اول شى بعدين ناس الاستناخ ما خلو لى جمبة يرقد عليها عشان كده بقى ما جايب حقوا انت فكر فى اليورو ولا الكندى

Jamal Elmahi

29-11-2007, 03:35 AM

يا ود الماحي يا فردة يا منقرضة :D
أها أقوم أفتو ليك
ولا بعد ما أعمل جولة حول الدولة
مكرونة وما عرفنا لونا
مكنات في السلك
ما ترخي الأبنص
إنت شتت وأنا بلقط.

يا خواجه زازي بي غادي

طشيش ونمل أبريش...
والكوارع زيها مافيش...
أسمع كلام عشوشه ولاّ حترقد دريش..
أعصر علي اليورو وكب الباكشيش...
ومن أبصلعه أنسحب بشويش....
وحافظ علي ترطيبتك بالكنديش...

ود الماحي

Jamal Elmahi

29-11-2007, 04:00 AM

ود الماحى صباحتك بيض
انت يا ابو سحلى انت وينو يا يمه خدار العود بعد ما الشوف بقى طشاش والحاله صعبه

اكان يا ود امى لى ختف اللون بقى خلى ساى لون زينب ولون وطاوى هى ها ده من واطه ما من وطواط:D

بينى وبينك الله يكضب الشينه

الراستا عشوشه خدراء العود
كان سلم العضم اللون بيعود
اللغبش حبابو وخربانه أم قدود
يا منقة كسلا الما بعدها زود...

مشاققه...
الخواجه ماشي إفراج موقت كراع في هيوستن والتانيه في الخرتوم
وكان غلبو الراندوق يدمدم وينوم ولاّ يقشر ووسط الشماشه يحوم
وإذا بلقت الروح الحلقوم فعليه أن يركب حمارة ست اللبن كلتوم
ويرجع إلي قواعدو سالم ولا حسرة علي ضياع الشرتيت والهدوم ...

ود الماحي

عزيز عيسى

29-11-2007, 07:43 AM

وابقى عشره على كيسك باقى الفقاعين مالين البلد يفتكرو فيه شرتيت ولا حاجه ويفقعو منك نبقى فى حيص بيص :confused:

يا فردة أنا لا شايل معاي كيس ولا حاجة والـ 12 ألف دولار إلا يكون داسيهن ودالماحي لي في جيبي.
اللهم أجعله خير.

الرساتات بتتقال للكل يعنى حسى راستات المنتدى مثلا تقدر تحسب حسب رايك فيهم ما بقت على ناس بوب مارلى. مثلا البوست ده فى نظرى ممكن يكون من راستات البوستات اولا نسبه لعمرو وتانى لعدد المشاهدات والردود وكده يعنى .

يعني أنا هسع ممكن برضو يقولوا علي راستا؟
راستا بدون واسطا

عزيز عيسى

29-11-2007, 07:50 AM

ها يا الخواجه يا حلييك ويا حليل ابو صلعه الاضخر زمانو فات وغنايو مات بالذات فى التعاملات الزى دى هو سعرو كل يوم فى حته اول شى بعدين ناس الاستناخ ما خلو لى جمبة يرقد عليها عشان كده بقى ما جايب حقوا انت فكر فى اليورو ولا الكندى

غايتو أنا من دربي دا ماشي أغير دولاراتي باليورو..
ما قلت لي اليور دا أمشي أفكو وين في الخرتوم.
تفتكري الشماسة ممكن يصرفوه لي؟
لما طلع اليورو جديد كنت في مطار هيثرو في لندن
مشيت على محل تغيير العملة ودفعت للصراف مبلغ
متين دولار لتحويلهم.. الصراف قال لي عايز
يورو وما ذكر لي الإسترليني خالص.
أها دولاراتنا والإسترليني عليهم العوض.

عزيز عيسى

29-11-2007, 12:00 PM

يا خواجه زازي بي غادي

طشيش ونمل أبريش...
والكوارع زيها مافيش...
أسمع كلام عشوشه ولاّ حترقد دريش..
أعصر علي اليورو وكب الباكشيش...
ومن أبصلعه أنسحب بشويش....
وحافظ علي ترطيبتك بالكنديش...

ود الماحي

يا ود الماحي مالك بتحاحي

جابت ليها طشيش وخربيش
أكل الكوارع بعمل ليك كريش
كلام عشوشة نصيحة أم تحريش
دولارنا سجمو راح في الدفيس
قالوا نزل ما بساوي حتى قرش
أبو صلعة منو أفصح يا أبريش
ما تخاف علي تفتيحة للطيش.

عزيز عيسى

29-11-2007, 12:32 PM

أنحنا سرحنا مع الراندوق ونسينا الحناكيش..

قالوا اولاد حناكيش إشتروا خروف وطلعوا رحلة كل واحد متكل علي التاني يضبح ليهم الخروف.
إتضح كلهم خايفين من الضبح في النهاية رسلوا واحد منهم لجماعة جالسين جنبهم قال ليهم:
عاوزين واحد سفاح يضبح لينا الخروف.

امنية بكري

30-11-2007, 02:16 PM

بمناسبة الحناكيش

طبعا احنا مولودين وعايشين في السعوديه

المهم بعد ما بقا عمري 12 -13 سنه مشيت السودان

وكان لي قرابة 7 سنه ما مشيت المهم

كنا في نادي الجزيره الوقت داك ما قفلو

بعد داك اسمع ليك البنات واولاد اهلنا شابكني الجكس هنا مبااااااااالغه

والله يا اخوانا انا ما فاهمه يعني شنو جكس المهم

انو انا افتكرتة انو البطاطس الجبس يعني باختلاف اللهجات

وصحبتكم ختت ي راسه انو جكس= جبس

احد هنا تمام اكمل ليكم

مشيت لبتاع الكفتريا وعامله البت بتتكلم سوداني وفاهمه الحاصل

وشبكتو اديني 2 جكس بالله

والراجل يضحك وانا جاده ومستغربا بالجد اموت واعرفو مالو

واقول ليو انت مالك هسه انا اقول ليك اديني جكس تضحك بالله انت ما مجنون المهم هو ما قادر يتكلم من الضحك

بنات خالتي جوني مالك قمت حكيت الحصل

والله هم زاتم قعدوا يضحكوا

لما احترته

ولما فهمته الحاصل لا عرفت اضحك ولا ابكي

بالله شفتو الموقف ده كيف

ناصر عمر دبيب

01-12-2007, 08:13 AM

والله موقف مضحك شديد انت مولودة في السعودية ولا قاردن ستي معقولة

بنت الرفاعي

03-12-2007, 12:48 AM

(عمو) عزيز إنت غبت سنة وجيت ماشاءالله راستا في الشمسنة.وبمناسبة الحنكشة دي أخواني الله يديهم العافية حناكيش والله مرات يقربوا يجيبوا لي الضغط ، قبل 3شهور كنا عايزين نبرد الموية والتلج المكعبات إنتهى وأنا وود عمي جبنا تلج كان في كورة في التلاجة ، وطبعا من الإستعجال بنحاول نكسر فيهو في المصطبة ولسوء الحظ أختي جات داخلة شافت المنظر قعدت تكورك إنتو بتختوا لينا تلج كدة ماحأشرب الموية!!! نحن طبعا إتغظنا وفي نفس الوقت بنضحك ، دي كملت كلامه بجاي ، جات أختي التانية قالت نفس الكلام ، وبطريقة أنسوا بس ، طبعا ماباقي لي إلا كل واحدة أصمها كف جامد كدة لكن مشكلتي قلبي ميت وبضحك، طبعا أخواني ديل مواقفهم كتيييييرة، الله يصبرني غايتو.
وطبعا أختكم نظام عاملة فيها تفتيحة وكدة!!!:D

زمان قبل ما أدخل الجامعة واحدة من عماتي قالت لي عمي(وده برضو نظام مفتح وكدة)
البت دي فتح بيها وعلمه، عارفين عمي ماقصر قل ليها: دي من يوم ولدوها وهي مفتحة!!!!!:confused::eek::D

بنت الرفاعي

03-12-2007, 12:52 AM

حنكوشة وصاحبته سايقين عربية وفجأة إتعطلت بيهم ولقوا ليهم راعي غنم قالوا ليهو ياعمو ماعندك موية؟ قال ليهم أمشوا الشجرة ديك بتلقوا القربة أشربوا منها،
الحنكوشة قالت ليهو يااااي نشرب من فستان الغنماية؟؟!!!!:eek::D:D:p

بنت الرفاعي

03-12-2007, 02:41 AM

طبعا الحنكشة مافي الكلام وبس في التصرفات برضو.

عزيز عيسى

03-12-2007, 08:25 AM

انا افتكرتة انو البطاطس الجبس يعني باختلاف اللهجات
وصحبتكم ختت ي راسه انو جكس= جبس

جكس.. جبس كلو عند العرب صابون..
لكن والله ضحكتيني يا أمنية بكري..
بس عليك الله هسع الجاب الجكس للبطاطس شنو..
غايتو إنتو يا حناكيش الخليج دا حالتو السودان
جمبكم وبتنزلوا الإجازات كل سنة. :eek:
أكان كدي ننتظرك بعد ما ترجعي من الإجازة
القادمة ونشوف المرة الجاية حتتمقلبي في ياتو كلمة.

ناصر عمر دبيب

03-12-2007, 08:46 AM

امنية بكري يا حنكوشة هاااااك دي طااازة سمعتها قبل يومين قالوا كديسه عملت حركة في المطبخ عملوا معاها مفاوضات !!!

ناصر عمر دبيب

03-12-2007, 08:47 AM

دي حقيقية والله شافع من قرية من الجزيرة أول مرة ينزل السودان إجازة أبوه أخده لعند (قبر الولي) والله ماعارفه اسمه ضريح امكن المهم فيه فتحة تحط فيها فلوس كصدقة على روح الولي أبوه اعطاه فلوس وقاله حطها وفعلا حطها وقاله خد شوية تراب من القبر اخد التراب لما رجع البيت سألته امه ده شنو قالها رحنا البقالة شرينا تراب

ناصر عمر دبيب

03-12-2007, 08:57 AM

قالوا أيام كان الترابى عراب الحكومه ذهب فى زياره للمدرسة العالمية
ودخل أحد فصول البنات متفقدا .. وأحب أحد الاساتذه أن يثبت للشيخ بأن المدرسة تسير على النهج الحضارى .. فسأل الطالبات .. فى أى سوره أية الكرسى ؟؟؟؟ فسكتن البنات !! فقام أحد الاساتذه خلف الشيخ والمجموعه المرافقه برسم رأس بقره فى السبوره فرفعت إحدى البنات يدها فقال لها نعم ياشاطره
قالت ليه فى سورة لاباشكيرى يا أستاذ

ريموز

03-12-2007, 09:14 PM

الحناكيش هم فئة مهووسة بالمذهب( الرقة والنعومة ) ودائما يسلكون المسارات المقوسة ويخالفون نواميس الكون ويعشقون الرقم (5) ويتمنون لو كان هذا الرقم فوق الرقم (8) وهذا امر مدهش وعجيب ومخالف للقواعد الطبيعية.

الحناكيش ليس لهم بقعة جغرافية محددة ..وليس لهم لون محدد ولكنهم يرفعون شعار واحد ويعتنقون مذهبا واحدا ..يؤمنون بمذهب الرقة والنعومة ..وهم يدعون الرقة والنعومة وخفة الدم حتى لو لم يكونوا كذلك ..هم يتوهمون بان دمهم خفيف وظلهم مريح ..والذين شاركوهم في الأفراح قالوا لنا بان دمهم خفيف ومن يشاركهم سوف ينعم بالراحة حتى لو كانت مؤقتا ولا يمكن ان يصاب بالنعاس والندم وتأنيب الضمير..وهم يجيدون الطبخ ويحبون المطبخ إلى درجة الموت ...واغلب حكاياتهم يسردون في داخل المطبخ.

علما بان لهم تواجد كثيف في المدن الكبيرة ..يتواجدون بكثافة في العواصم حيث البسي البارد والشكولاتا وكريمات التجميل .. ..لهم حضور مكثف وطاغي في مدينة الخرطوم علي وجه التحديد..وقيل ان مدينة ود مدني هي المعقل ومسقط الرأس ..ولست أدري لماذا؟..ولم تصلني معلومات وافية وموثقة بهذا الشان حتى لحظة كتابة هذه المقالة..ونحن هنا بمركز رصد تحركات الحناكيش تتابع عن كثب أخر مستجدات أنصار مذهب (الرقة والنعومة) ومتما توفرت لدينا المعلومات الأكيدة سوف لا تتردد ثانية واحدة في إفادتكم بها بإذن الله... فقط كونوا معنا في الموعد لنحكي الحكاية من البداية وبرؤية موثقة في برنامج (يحكى ان) .

وجدير بالذكر, بان بعض أبناء دار فور الذين هاجروا إلى العاصمة واصبحوا حناكيش بعض ان اختلطوا بنظرائهم الأصليين ..وهذا أمر مدهش وعجيب وربما يرتقي إلى مستوى عجائب الدنيا التسع ..علما بان طرد الغرابة والكرادفة من الخرطوم في عهد الجعفر النميري هي الأعجوبة التاسعة والنهر الصناعي العظيم ( الأعجوبة الثامنة).

إذن بعض من الغرابة انضموا إلى طابور الحناكيش واصبحوا مخلصين لمذهب الرقة والنعومة وقيل لنا بأنهم ملتزمين جدا في أداء طقوس وشعائر الحنكشة بصورة منقطعة النظير في تاريخ الحناكيش وهذا امر مدهش وعجيب!!!!

يقال بان الحناكيش دائما يقفون في طوابير البودرة ومساحيق التجميل وذلك بحثا عن نعومة زائدة .وهم بذلك يشوهون رونق وبهاء البشرة السمراء الجميلة..وهم لا يعلمون بان البشرة السمراء هي الجمال والرونق والبهاء. وهكذا الحناكيش لا ينتمون لبقعة معينة كما يتوهم بعض القراء............ بل هم( لحم راس).

عزيز عيسى

04-12-2007, 12:35 PM

(عمو) عزيز إنت غبت سنة وجيت ماشاءالله راستا في الشمسنة.[/COLOR
أهلا بيك يا مرام،

راستا في الشمسنة..
وخليت العالم ممحنة..

وبمناسبة الحنكشة دي أخواني الله يديهم العافية حناكيش والله مرات يقربوا يجيبوا لي الضغط ، قبل 3شهور كنا عايزين نبرد الموية والتلج المكعبات إنتهى وأنا وود عمي جبنا تلج كان في كورة في التلاجة ، وطبعا من الإستعجال بنحاول نكسر فيهو في المصطبة ولسوء الحظ أختي جات داخلة شافت المنظر قعدت تكورك إنتو بتختوا لينا تلج كدة ماحأشرب الموية!!! نحن طبعا إتغظنا وفي نفس الوقت بنضحك ، دي كملت كلامه بجاي ، جات أختي التانية قالت نفس الكلام ، وبطريقة أنسوا بس ، طبعا ماباقي لي إلا كل واحدة أصمها كف جامد كدة لكن مشكلتي قلبي ميت وبضحك، طبعا أخواني ديل مواقفهم كتيييييرة، الله يصبرني غايتووطبعا أختكم نظام عاملة فيها تفتيحة وكدة!!!:D

هههههههه..
الحناكيش ديل الواحد مرات بيحن عليهم لأنهم عايشين في بلاد تختلف طبائعها عن السودان..
ولما يجوا السودان بيشوفوا كل شيء غريب عليهم لكن عند أهل السودان عادي جدا..
لكن إنتو ذاتكم بالغتوا.. تكسروا ليهم التلج في المصطبة؟
الجماعة ديل عايزين صبر شديد.. ولازم يتعلموا كيف يتسايروا مع الناس في السودان.

وشكرا كثير يا مرام يا تفتيحة على المرور مع تحياتي للحناكيش بتاعنكم.