هو المنتدى ده مكتوب فوق بابو : عزابه؟

[114]

هو المنتدى ده مكتوب فوق بابو : عزابه؟

واللا شنو الحكاية؟

[مايو نص]

هههههههههههههههه 114
والله منماجيناكم لقيناكم عزابه التقول ديوان فراش
على العموم السبب فى راى انو الموقع محتاج لشويه اعلام يعنى رابط فى النيلين او سودانيز اون لاين بيخلى الناس تعرف عنو اكتر
بعدين برضو الان فى مدنى عدد كبير من مقاهى النت فى السوق او الجامعات لاكن والله ما اظنهم عارفين كتير عن الموقع
يعنى ممكن يكون هناك اتصال مباشر بين اشراف الموقع ومقاهى النت فى مدنى لانها برضو بيتحرر الشمار شويه ........والله ماكده يامااااااااااااان

[ابو المهتــدي]

بسم الله الرحمن الرحيم
العزوبية لنا فرض مكان في الايام هذة وما اظن ان كل كما قلت
اسال ابوبكر وعبده والله يكون في العون 0اهو البركة فيكم طلتكم بدون
شمار تكفي 0

[114]

شكرا يا مايو نص ويا ابو المهتدي على الطلة
لكن انتو ما لاحظتو الحكاية دي؟
مع انو دليل ابناء مدني مليان (عوائل)، على فكرة عوائل دي ما خودة من السعودية، اصلو اي محل تدخل يقول ليك (للعوائل فقط) يعني ممنوع دخول الشباب (والشباب ديل يعني العزابه).
يا إدارة، لازم ترسل رسالة الى كل مسجل في الدليل ترفق معاها رابط المنتدى (وركز على العوائل، طيب؟) عشان الناس تعرف انو فيه منتدى وكده:p

[bshagra]

114
احييك
ونحن مفروض نعمل اعلام للبورد حتي يجوهو اكبر عدد من الناس وانا اعرف انو ناس الجزيرة بصورة عامة متعصبين لمدني ونحن ممكن نستفيد من الحتة دي نتوزع العنوان لاكبر عدد ممكن


سؤال
تعرف استاذ سمير عوض

[المارشال]

صحي يا جماعة انتو الجكس مالوا زعلان
:D :D :D

[114]

ده حتى بت عشه - الجكسي الوحيد الجا ما شي بقدام المنتدى- مدت راسها لقت البيت كلو عزابه وعملت الى الخلف دور، وادتنا عجاج كرعيها

[ركشة]

الجكس فات يضهب.........
بعدين هوى يا اولاد اهلى........احسن لينا كدا..........

همسة خاصة:يا بت زحى من التكل

[114]

احسن لينا كده كيف يا ركشه؟

المرأة نص المجتمع، انت دايرنا نمشي بدون نص؟

تبقى كيف دي؟

[السلامى]

الحاجة الغريبة اول ما سجلت فى المنتدى لفتت نظرى الظاهرة دى فتعالوا معى ننادى بالاشتراك معانا فى المنتدى وكل من تشترك نتكفل بالبحث لها عن عريس ولا رايكم شنو

[114]

جبت الرايحه يا السلامي، الله يسلمك
طبعا ده بعد الترحيب بيك في المنتدى، حللت اهلا ونزلت سهلا

وعلى كده نعمل لينا بوست بعنوان: (عريس ليك يا بنت المنتدى)، رأيكم شنو؟

[ابراهيم]

والله يا 114 اول حاجة مشتاقين ليك
وتاني حاجة وين البوست المنتظر دة
نحن خلاص روحنا طلعت

[عزيز عيسى]

والله يا عمر كلما أدخل على المنتدى
وأشاهد موضوع (حكاية الزول الأكل أضنينو) أقوم أتذكرك..
ليك شوق.. وينك يا راجل أظهر..
خلينا نشوفك.. ونسعد بكتاباتك.
وعايزين نعرف حكاية العزابة الغلابة دي شنو؟

[نور العيون]

يا جماعه مالكم في العزابه و في العوائل و في اي حاجه مالكم البوره قانت بيكم ولا شنو

[زيكو منيب]

و الله فعلا يا جماعة انا ماشايف اي اعلان عن ودمدني في اي منتدى سوداني ونتمنى من كل الاعضاء يعمل اللي يقدر عليه في نشره

[السلامى]

الغريبه انا قبل سنه على ما اذكر طرحة راى ولكن لم ينفذ على مايبدو وهو ان يجعل اصدقاء المنتدى موقع ودمدنى صفحة البدء حينما يجلسون على أى جهاز كمبيوتر وبالطريقه دى نكون عملنا أعلان للموقع أما عن موضوع الجنس اللطيف أفتكر أنه مامواكب لغة العصر ولسه فى عصر ( تعالى مشطينى )

[114]

والله يا 114 اول حاجة مشتاقين ليك
وتاني حاجة وين البوست المنتظر دة
نحن خلاص روحنا طلعت


بالأكتر يا أبو الشباب، وانت نكت البوست ده من وين؟ ده ليهو سنتين نايم في اضابير المنتدى المخفيه ونفضت غبار السنين عنو، يديك الف عافيه
اما البوست المنتظر فنعملو لكن بمساعدة (المشرفات)، يعني لابد من (إيد على إيد تجدع بعيد)
وسلامة روحك يا ابراهوما

[114]

ليك شوق.. وينك يا راجل أظهر..
خلينا نشوفك.. ونسعد بكتاباتك.
وعايزين نعرف حكاية العزابة الغلابة دي شنو؟

والشوق لناس طيبين مثل عزيز عيسى، واختفائي سببه نقل شركتنا برمتها من جدة الى الرياض، والنقل حاجه صعبه لما تنقل من مكتب لمكتب، خليك لما تنقل شركة وكمان من بلد لبلد، وكمان السيرفرات كانت معطله قبل مدة من النقل لذات السبب،
... ورجعنا لكم برضو، ويسعدك الله دائما
وحكاية العزابه دي كانت قبل سنتين لما نشرت البوست، لكن هسه ما شاء الله..

[114]

يا جماعه مالكم في العزابه و في العوائل و في اي حاجه مالكم البوره قانت بيكم ولا شنو


يا نور العين انت انت وينك ووين

بس انت نور العيون كلها

والظاهر في بوره عامة عايزين نقضي عليها، يدك معانا يللا

[114]

و الله فعلا يا جماعة انا ماشايف اي اعلان عن ودمدني في اي منتدى سوداني ونتمنى من كل الاعضاء يعمل اللي يقدر عليه في نشره </div>معاك حق يا زيكو منيب، ولازم الناس المشاركين في المنتديات الأخرى نشر عنوان المنتدى والاعلان عنه، منتدانا نضيف وأنيق وما فيهو مشاكل زي بقية المنتديات الأخرى، يعني شويه دعايه ويبقى منتدى الجميع

[114]

ان يجعل اصدقاء المنتدى موقع ودمدنى صفحة البدء حينما يجلسون على أى جهاز كمبيوتر وبالطريقه دى نكون عملنا أعلان للموقع

فعلاً فكرة رائعة يا السلامي، وده بالذات للناس البيدخلو النت من مقاهي النت


أما عن موضوع الجنس اللطيف أفتكر أنه مامواكب لغة العصر ولسه فى عصر ( تعالى مشطينى )
انت ما شايف المشاط بقى موضه تاني؟ ده حتى الخواجيات بقن يقولن (تعالي مشطيني) وأحياناً (تعال مشطني)

[نور العيون]

انا موجوده بس انا معاك في القضاء عليها

[114]

أين نور العيون الآن؟

وشكراً جزيلاً يا مدنية اللي نكتّي البوست ده ورسلتيه لي، وفعلاً بوست كان طريف ولذيذ، وهناك بعض الأسماء اختفت زي السلامي وزيكو منيب وابراهيم وركشه ومايو نص وابو المهتدي وبشاقره..

كان البوست لذيذ والبال كان فاضي والكتابة كان متيسرة..

تحياتي لكل من شارك في هذا البوست منذ انشائه في العام 2004 الى ان (نكته) ابراهيم مرة اخرى في العام 2006، وهاهي مدنية (تنكته) في العام 2009م.. ذكريات!!

[مدنيّة]

والله ياا114 فعلا بوست لذيذ


اها رايك شنو هسي بالله في المنتدي :cool:

والذ حاجة انكم افتكروا نور العيون ولد :p


واها البوست دا نزلتوه ولا صرفتوا نظر عنه

اما البوست المنتظر فنعملو لكن بمساعدة (المشرفات)، يعني لابد من (إيد على إيد تجدع بعيد) ;)

[:@ارجوان:@]

زحو لي شويه انا جيت كدا ازيكم يا عزابه حبينا نعمل ليكم حبة عائلات وكده يعني في زول عايز ليهو كباة شاي ولا حاجه ؟








احسن لينا كده كيف يا ركشه؟

المرأة نص المجتمع، انت دايرنا نمشي بدون نص؟

تبقى كيف دي؟


كدا دقيقه للتصحيح المراه مجتمع كاملت وليست النصف ودام صفوك موفوووووووووور

[moh_alnour]

المحاربين القُدامى لكم ألف سلام و تحية
أيام لها إيقاع
نتمنى أن نراكم من جديد حضور زاهي يلون صفحات المنتدى بألوان قوس قزح

[114]

والله ياا114 فعلا بوست لذيذ


اها رايك شنو هسي بالله في المنتدي :cool:

والذ حاجة انكم افتكروا نور العيون ولد :p


واها البوست دا نزلتوه ولا صرفتوا نظر عنه

اما البوست المنتظر فنعملو لكن بمساعدة (المشرفات)، يعني لابد من (إيد على إيد تجدع بعيد) ;)

يا مدنية هسه المنتدى بقى مجتمع متكامل، فيها البنات والأولاد، وفيه الشيوخ والأطفال، وفيه الأمهات والعرائس.. يعني باختصار ما في داعي للبوست بتاع نشوف ليها عريس داك.. بقن براهن بنات المنتدى ده- قصدي بنات الزمن ده- يفتشن عريسن، ويكيسنو- قصدي يجكسنو بكلام اليومين ديل، كان ما طلع لفظ جديد نحن ما عارفينو، ما نحن دقه قديمه، قصدي أقدم، لأنو ممكن الدقة القديمة تكون بتاعة الجكسي، ولو طلع لفظ تاني نكون الدقة الأقدم، مش القديمة..

يعني بعد ده يا مدنية نحن الرجال- مش الشباب، لأنو الشباب قادرين يجكسو براهم من غير بوست ولا لجنة ولا مساعدة مشرفين ومشرفات- نحن الرجال اللي تعملو لينا بوست بعنوان: (عروس ليك يا راجل المنتدى)، رأيكم شنو؟

(يا نور العين انت انت وينك ووين

بس انت نور العيون كلها

والظاهر في بوره عامة عايزين نقضي عليها، يدك معانا يللا)

انا ما دقست في نور العيون دي، ولو فتشتي كلامي القلتو ما بتلاقي مخاطب، بس الأغنية بتخاطب الحبيبة بالرمز- ناس زمان كانوا حيين وما بيخاطبوا البت مباشرة بتاء التأنيث- وكمان في عبارة (بس انت نور العيون كلها) انا كتبت انت وما ختيت الكسرة، وعادة ما بتكتب "انتي".. يعني انا مفتح وكده..

شكراً لاخراج البوست من المستودع