حُسن .. وحُسن واشتهاء لايمل

[عبدالرحمن مدثر]

مع الصباحات البهية .. بعد كتاحة طويلة حجبت عننا الرؤية والاحساس
صحيت افتش لملامحي فتيش ..
وافتش فتيش .. وادقش دقيش
واصرخ ياناس روحتي دي راحت شقيييش ..
اها دورت العربية .. بسم الله .. توكلنا علي الله ..
جميلة حكاية انك تكون مغبر لحدي قزاز العربية ..
تمشي ساااي ..
زي ماكل صباح بنصحي في بلد الكانت (مليون ميل ) .. وبلد الاخبار الشمارات .. الحقيقة فيها غائية
وتركت كل المساحات .. تمرح فيها الخيالات المخستكة ..
جيت ماري بدكان عك سالم .. بقعدته المعهودة .. وكرشته التي لاتخطيها العين .. وهي دليل فاااحش علي انه (مؤتمرجي )

- ياعمك سالم صباحك ريحة دعاااش .. الخبر شنو قالو البلد كتمت .. وناس الجبهة الثورية خشوا الابيض
- ياولدي دي كلها اشاعات ساي من ناس طابور
- حتما اشاعات .. صح ياعمدة صح (دي قلتها في سري ) طبعا
- اها ياعمك وووين الحقيقة دايرنها ان شاء الله لابسة كباية بس تظهر
- حرك عم سالم كتفيه .. وتركته والحيرة راكبة معاي مع انو ماوقفت ليها زاتو

شغلت المسجل بتاع العربية كنت محتاج لكابلي ماعارف لييييه .. كابلي دا برتبك ياخ

دوارة شمس الضحى على عجل
في خطوها المرصود يندس الأجل
لولاك يا مخبوء ما كان الأمل
حسن وحزن واشتهاء لا يمل


ياسلام ياخ (ليس في الامر عجب ) انها كابلي الطاعم .. اها مع حتة حسن وحزن دي القلبتها (حُسن ) تربيع .. رحلت مع احساسي بعيدا
وتذكرت تلك الايام الجميلة .. التي جمعتني باحباب شاءت اردة المولي ان نجتمع هنا في دوحة هذا المنتدي
وعبر الفضاء الاسفيري الرحيب ..

جميل ياخ انك تحس بطعم السعادة الحقيقية .. بعيدا عن فلسفة ان الفرح متاح لكن السعادة الحقة لاوجود لها ..


اها قلت ابعد عن كتمت الجبهة الثورية .. واتونس معاكم عبر رحلة كانت اسفيرية .. وكُتب لها ان تصبح رحلة بين طيات السحاب


دقيقة بس هسة بجي ..

نتونس عن .. رحلتي الي الاراضي المقدسة

وجدة ... غير .. مع شلة الجياشة .. والجيش ياحليلو بقوا نتااااشة

ومكة العاصمة المقدسة .. ودرويشي الذي ينقز مع عم محجوب

ومدينة الحبيب صلي الله عليه وسلم .. وودالعمدة .. والنويري

[عبدالرحمن مدثر]

تحليقة ..

- سعيد انا بودالمامون ذاك الوطن الطويل القامة الحافي القدمين من اجل قضية يعيشها بكل حواسه .. وسعيد بدموعه التي تحرقت شوقا
لتلحق بركب جياشة جدة في لمتهم الطاااعمة جدا .. علي ايقاع الهمبريب الذي افتقدناه .. ورقصة النافورة الشهيرة ..

- وعن قرجة عشان (اتعاقبنا ) بمعناه الدراجي الحميم .. نجيكم تكوركو .. نكورك ليكم نلقاكم في الخرطوم :)

[عبدالرحمن مدثر]

تصبيرة ....



وإذ الناس صحاب
عائد بعد غياب
بينهم قد صفق البشر شهيا مستطاب
طفلة تمسك من خوف أباها والثياب
تنظر الصورة في البرواز خطفا ثم في وجه أبيها في ارتياب
ما رأت منه سوى الصورة وجها كان محظور الاياب
فأعذريني يا رباب
إن تغنيت لغير المقلة السوداء والحور الكعاب
سأغني للشباب
سأغني للشباب
ملهم التاريخ والتجريب من سفر الصعاب
للوعود المشرئبات إلى قلب السحاب
لزمان الحسن للسلم نضالا للصحاب
لدعاة الحق أفعالا وأقوالا عذاب
فلنقلها بقلوب مؤمنات لا تهاب
لا لمن يوصد فى الظلماء للأحرار باب
لا لمن يشهر للحرية العذراء ناب
لا لمن يبذر بين الناس حقدا واحتراب

[عبدالرحمن مدثر]

- ولود المطامير الذي اكتشف تقنية جديدة (خلعت ليك ناس اللاسكابي ذاتو ) لانو ببركات مطرة شرب معانا القهوة (ودبل كمان ) في بيت عمنا وتاج راسنا محجوب

- ووللدفعة مايسة ... للانيق ودالجعلي .. للطاعمة مرام

- لابوريلان الحاضر من خلال تواصله الجميل

- لابوجودي شريكي في الانطباعات

- للهمباتي جلالة .. كنت زمان بكره القبلية .. لكنني افتخر بكل حواسي انني منكم هييييييييع

- للباير عاقد .. او كما قال ودالعمدة في صحن المسجد النبوي الشريف .. مع انو انا عارف في قرارة نفسي

انو يوم عرس عااقد دا بتجي كتاحة .. الراجل قد حلل الحلة كله بتجواله عبر الحلااااااال

[عبدالرحمن مدثر]

خربشة ..

اما ناس جدة ديل ... اطعم ناس .. واجمل ناس .. كدي النشرب قهوتي دي واجيكم .. ياخ ديل تُمامة الكيف

[بنت الرفاعي]

:):):)

حمداً لله على السلامة،
وعقبال الحج بإذن الله.:)

جميلة هي الكلمات عندما تخرج مليئة بالسرور
والفرح،
لتترجم اللحظات التي كانت كلوحات زاهية
..........،
...................
و
إن شاء الله من المتابعين.:)
.................

مع كل التقدير والإحترام لك.:)

:):):)

[ودالعمدة]

يازول من نجوم أحاسيسنا بيك متلألئة بتضوى البروق ...
خربشتنا خشيت جوة الضلوع بشتنتنا قلب فى عروق ...
قعدتنا فى السطوح ومشيت رجعتنا للطابق المسروق ...
يانـور من أجمل شعـور أدينا تانى من شمسك شـروق ...

جميلة تلك السويعات بجوار الحبيب المصطفى
عليه الصلاة والسلام .. وفى براحات الحرم تتمدد الأشواق التقاءً
النويرى يحكى .. والخرباش يستمع ... وأنا أنظر ... وأبقرجة غايب
فى الراكايب ( الكلاكلة )... وبالجوال صوت العاقد ( حلب الناقة ) ...
ومزن ومنيب يحتجان ( تانى صلاة ) ...
حُسن .. وحُسن واشتهاء لايمل

[مايسة]

ود مدثر -
عُمرة مقبوله ومباركة بإذن الله تعالى
---------------------------
الكتاحة شكلها جابت معاها حاجات كانت مُدسية

من الحاجات الجميلة في الحياة دي
انو فجأة كدا يجيك احساس وحنين لماضي ولى وراح
وما أظن يعود تاني
----------------
تحياتي ليك يا ما دفُعه :cool:

[آلاء عبد الرحمن]

ربنا يديم المودة



^_^

[بنت الرفاعي]

خربشة ..

اما ناس جدة ديل ... اطعم ناس .. واجمل ناس .. كدي النشرب قهوتي دي واجيكم .. ياخ ديل تُمامة الكيف


.............

:):):)
:):)
:)

[محمد عبد الله عبدالقادر]

العزيز ود مدثر سلامات وتحايا والله نورتنا في جده وفعلاً جدة بقت غير بوجودك معنا.........