ياأخوانا باركوا لي

[خالد هاشم علي]

ياأخوانا باركوا لي....
أمبارح نمت وأنا في غاية السعادة وإنزاحت عن صدري غمة كبيرة كانت منغصة علي عيشتي...
منذ ثلاثة سنوات حدث خلاف حاد بيني وبين شخص من أعز أصدقائي فقد كنا لا نفترق ، يعني كان بالنسبة لي أخي الاصغر ( فقد كنت أكبر منه بحوالي 5 سنوات) لكن مع ذلك كنت أعتز جدا بصداقته، حيث أننا جيران بالحي والعلاقة بيننا أسرية وممتدة حتي إلي الفروع ، فكل أقاربي يعرفونه جيدا وكل أقاربه يعرفوني أيضاً.
المهم هذا الخلاف عصف بعلاقتنا أدراج الرياح لأننا سمحنا للشيطان أن يدخل بيينا و( أدينا فرصة لي قال وقلنا) ، فلم تصمد العلاقة بل إمتد الخلاف فطال الأسرتين.
نزلت السودان مرتين وكانت لقاءاتنا جافة وسطحية، ولم يحضر لعقد قراني ولا لزواجي ، وصدقوني كنت دايما بحس إنه في حاجة ناقصاني وإنه فرحتي ماكاملة وكنت بتلفت وسط الجموع عسي ولعل إنه يحضر ويطرد الشيطان وتكون بداية لرجوع علاقتنا، لكن للأسف لم يحدث.
أنا أعلم تماماً طيبة قلبه وهو يعلم أيضاً مدي حبي له ولأسرته. المهم ومنذ فترة وذكرياتنا مع بعض لا تفارقني فقررت أن آخذ زمام المبادرة وطلبت رقم موبايله من أحد الأصدقاء وقررت المحاولة وأن أعمل اللي علي عشان أريح ضميري.
بالفعل إتصلت بيهو ، وياسبحان الله لقيت نفس الفكرة دايرة في رأسه بس كان متخوف. وحسيت كأنه كان مستني مكالمتي بفارق الصبر.
ماقادر أوصف ليكم شعورنا ونحن بنتكلم مع بعض وآآآآآآخر جعري ، يعني بكينا بكي بي ذمة وندمنا علي خلافاتنا وعلي الأيام التي ضاعت ونحن بعيدين عن بعض.
وقلت ليهو ( ياأخي لو أنا غلطت عليك فأنا آآآآآآسف وبعتذر، ولو لإنت غلطت علي فأنا مسامحك).
وفي ثانية رجعت المياه لمجاريها وذابت كل الخلافات بدون أن نرجع لمن هو الغلطان ، ورمينا كل حاجة وراء ظهرنا.
أتصلت علي طول بأسرته وكانت حوالي الساعة 11 ليلاً وصحيتهم من النوم والله أمه من الفرح قعدت تبكي، وكمان إتصلت بي ناس بيتنا ولقيت عندهم كل الترحيب بالموضوع.
الأهم من كده إني إتصلت صباح اليوم ولقيت ناس بيتهم وناس بيتنا مع بعض وعاملين كرامه للرجوع.
الحمد لله أن صفي نفوسنا وأزال عنها الصدأ ورجع المياه لمجاريها الطبيعية.
فيا أخوتي وأخواتي....
قلبوا في دفاتركم القديمة ولو في واحد زعلان منكم ولا إنتوا زعلانين منه ( صالحووووووه) حتي لو كان هو الغلطان عليكم وصدقوني حتسوا بي راحة شديدة.



ودمتم...

[shashi]

مشكور على تنازلك فمقامك محفوظ واجرك عند الله كبير .. والف مبروك وعودا حميدا لصديقك .. لا فرقة ان شاء الله بعد اليوم وده كله بسبب الغضب والشيطان اللعين المهم حمدا لله على السلامة ومبروك
مع تحياتي ابو احمد

[مزوني]

والله يا خالد حاسي بي فرحتك وانشاءالله تاني لا خلافات لا مشاكل
وطبعا جد احلى حاجة رجوع من تحب
ولعن الله الشيطان واللي ما يقصر في لحظة الغضب كما هو مذكور في موضو الغضب لي شاشي
وأجرك عند الله كبير بإذن الله بها المبادرة

[aborawan]

التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

[خالد هاشم علي]

الغالي شاشي: تسلم علي المرور وأنا قريت موضوعك عن الغضب وهو ينطبق تماما علي حالتنا هذة ، فلنتعوذ من الشيطان في كل خطوة ومشكوووور تاني.
حبيبنا مزوني ( ياجاري ): مشكوور علي شعورك وربنا ينقي القلوب.
أبوروان: تسلم ياباشا من كل شر والحمد لله علي رجوع الأوضاع لطبيعتها ووداعاً للخصام والجفوة .

ماأحلي التصافي من بعد التجافي **** والكان بينا حاصل أسباب ليهو مافي

ودمتم...

[عبير برى]

الاخ ابو هاشم الدنيا اجمل شئ فيها التسامح ولو نحن ماسامحنا واتنازلنا للبنحبهم عن اشياء بسيطه حنلقى نفسنا كل يوم ينفقد زول وكونك تفقد زول مهما كانت مكانته بسيطه حتكون انت الخسرانوالعكس هو الصحيح التفاف الناس حولنا بمحبه هو طعم هذه الحياه لذلك الف مبروك وربنا يدوم الودونحن السودانيين قالو عننا
نحن اهل الفرحه جينا لا المدامع وقفتنا ولا الحكايات القديمه
فخليك سودانى اصيل

عبير

[عزيز عيسى]

أولا مبروك ومليون مبروك وربنا يخليكم لبعض،

يا سلام يا خالد ما تعرف شعوري كيف وأنا بقرأ في موضوعك الهادف الذي تطرقت اليه والمعالج لقضايانا الاخوية. والله اترورقت دموعي من شدة الفرح وحسيت بأرتياح شديد وكأني كنت حاضرا معكم تلك اللحظات السعيدة، خاصة لما قررتم الاثنين اعادة المياه لمجاريها.

وهذا يدل على انكم اناس خلوقين جدا وتعرفون سويا جيدا أصول الصداقة والاخوة وأهمية العلاقات الاسرية المتمثلة في مبادرتكم وتنازلكم والاتصال ببعضكم البعض لازالة الجفوة التي امتدت أثارها السلبية لتشمل باقي الاسرتين.

أنا برضو في رأيي انه أي واحد من الاخوان يجد في دفاتره القديمة أي واحد صديقه أو أخوه في الحي أو أحد معارفه في العمل أو حتى في أى مكان آخر ولديه خصام معه أن يبادر ويتصل به ويزيل سوء التفاهم اللى حصل بينهم – وكما علمنا ديننا الاسلامي الحنيف بأن - المسامح كريم -

ونصيحة مني - أبعدوا من كلام قالوا وقلنا - تصلح أموركم. –

والدنيا فانية.. الكلم الطيب والعمل الصالح هو الذي سيبقى.

والنخوة كده ولا بلاش،

وتسلم يا أبو الخلد.

عزيز

[نيازى كشك]

كاتب الرسالة الأصلية azizeisa
أولا مبروك ومليون مبروك وربنا يخليكم لبعض،

يا سلام يا خالد ما تعرف شعوري كيف وأنا بقرأ في موضوعك الهادف الذي تطرقت اليه والمعالج لقضايانا الاخوية. والله اترورقت دموعي من شدة الفرح وحسيت بأرتياح شديد وكأني كنت حاضرا معكم تلك اللحظات السعيدة، خاصة لما قررتم الاثنين اعادة المياه لمجاريها.

وهذا يدل على انكم اناس خلوقين جدا وتعرفون سويا جيدا أصول الصداقة والاخوة وأهمية العلاقات الاسرية المتمثلة في مبادرتكم وتنازلكم والاتصال ببعضكم البعض لازالة الجفوة التي امتدت أثارها السلبية لتشمل باقي الاسرتين.

أنا برضو في رأيي انه أي واحد من الاخوان يجد في دفاتره القديمة أي واحد صديقه أو أخوه في الحي أو أحد معارفه في العمل أو حتى في أى مكان آخر ولديه خصام معه أن يبادر ويتصل به ويزيل سوء التفاهم اللى حصل بينهم – وكما علمنا ديننا الاسلامي الحنيف بأن - المسامح كريم -

ونصيحة مني - أبعدوا من كلام قالوا وقلنا - تصلح أموركم. –

والدنيا فانية.. الكلم الطيب والعمل الصالح هو الذي سيبقى.

والنخوة كده ولا بلاش،

وتسلم يا أبو الخلد.

عزيز

[ابراهيم]

الأخ خالد كيف اخبارك

والله أجمل ما في الدنيا التسامح وزي ما قالو المسامح كريم وانا تخيل حصل لي موقف قريب لي موقفك دا مع صديق عزيز لي والعلاقة كانت منتظرة واحد بس يبادر والحمد لله الامور ماشة افضل واحلى من زمان .. فالمبادرة بالاعتذار لا تنقص من قدر المرء شيئاً ...

فليكن موضوعك هذا دعوة للتسامح والصفح

فلكم مني خالص التحايا وفائق التقدير

[بابكر]

[ ]التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

[ابومرام]

كاتب الرسالة الاصلية بابكر
]التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم 00
ومعزرة لتاخر المباركة ولك التحية

[ابوقيس]

والله يااخ خالد هاشم

بكيتنا نحن زاتو معاك

وربنا يخليك ولاسرتك وصديقك ايضاً ونتمني لكم ان تقضو اوقاتاً اطيب من سابقها

لكم ودي واحترامي

ولك الف تحيه والله علي االمبادره التي قمت به

[admin]

كاتب الرسالة الأصلية aborawan
التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

[خالد هاشم علي]

شكري الجزيل لكل من شاركني فرحتي وإنشاء الله أردها ليكم في الافراح .
( عبير ، عزيز ،نيازي ، إبراهيم، بابكر ، أبومرام ، أبوقيس، الآدمن).....
لكم كل الفرح الخرافي والشكر والإمتنان ومافي احسن من التصافي ، وكل يوم بتثبتوا لي إننا أسرة واحدة بنفرح لفرح بعض ونحزن لحزن بعض .

دمتم لي ودامت شمس عزكم مشرقة ابد الدهر....

[أبوريلان]

كاتب الرسالة الأصلية aborawan
التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

[ياسر فقيري]

كاتب الرسالة الأصلية aborawan
التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي


لك احتراماتي أخي خالد على هذه الشجاعة ويا ليت الناس تأخذك مثل أعلى في هذا الجانب وألف مبروك على رجوع المياه إلى مجاريها

[خالد هاشم علي]

ياسر فقيري ...
تسلم يارايع علي المرور ، وفي حاجات في متناول يدنا ولو عملناها بتريحنا شديد والأهم من كدة إنها مابتحط من كرامتنا.... مشكوووور مرة تاني.
عزيزي أبو ريلان....
وينك انت طال غيابك...
تسلم ياغالي ومشكوووور كتير ياحبيب

[madaniboy]

كاتب الرسالة الأصلية shashi
مشكور على تنازلك فمقامك محفوظ واجرك عند الله كبير .. والف مبروك وعودا حميدا لصديقك .. لا فرقة ان شاء الله بعد اليوم وده كله بسبب الغضب والشيطان اللعين المهم حمدا لله على السلامة ومبروك
مع تحياتي ابو احمد

[sambaaa]

التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

كلمات وزنها ذهب اعيدها حتى نقرأها مرة اخرى ومرات ..

لك كل الود والاحترام يا عزيزي خالد على هذا الموقف الحكيم ..

ودمت لنا ..:)

[نور العيون]

و الله ياخالد الله لا يفرق جمعتكم ولا يحصل بينكم خلاف ;)

[ود الاستاذ]

الاخ/ خالد هاشم
حمد لله للسلامة على عودة المياة لمجاريها. وداير اقول ليك عمر الاعتزار ماكان ضعف بالعكس قمة الشجاعة انو تعرف انك غلطان وربنا يدوم المحبة والمعروف
اخوك / محمد الحافظ/حى المطار جار عمنا عبد العظيم على

[جنفر]

التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي

فعلا خيرهما الذي يبدأ بالسلام
اتمنى ليك كل العافيه لي قلبك الكبير

[الشريف الهندي]

خالد هاشم علي (http://wadmadani.com/vb/member.php?u=860)

الصدق والاخلاق شيمتك هنيا ليك واليوم أهنيك على مضي عام واثنان وعشرين يوم على رجوعكم لبعضكم وابقا على أخوك عشره

[صالح ابوشوارب]

التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي


@@@@@@@@@@

[خالد هاشم علي]

سامبا... فاقد حنان...نور العيون...جنفر...الشريف الهندي...العريس محمد الحافظ...الغالي ابو شوارب....تسلموا ياحبايب ومشكورين وعلي فكرة انا نزلت السودان وأول حاجة عملتها بعد ماسلمت علي أهلي إني مشيت لبيت صديقي وإتقابلنا بعد الجفوة... وكان لقاء لا يوصف...ذابت فيهو كل حاجة كعبة ورجعت كل حاجة حلوة... كأنوا ماكان في حاجة حاصلة... ومافتحنا موضوع خلافنا نهائي... والحمد لله علي علي نعمة الاصدقاء

[صالح ابوشوارب]

التسامح هو عنوان السوداني الاصيل وهي صفة نعتز بها نحن كسودانيين وتجدنا دائماً متسامحين

مبادرة حلوة منك الغالي خالد ونسال الله ان تنعم بكل السعادة والسرور والله لا يوقعك وقعة زي دي تاني وحمدا لله على رجوع المياه لمجراها الطبيعي وهناكم الله وادام البينكم


حبي ومودتي


@@@@@@@@@@