أم خالد

[هيثم عبدالعال]

لمن لا يعرفها

وبدون إذنها

ما محجوز لكن عودتها هنا شجعتني لكتابه قد تأتي متقطعه


رغم الخميس وآخر الليل

[ساريه]

يا سلااااااااااااااااااااااااااااااام عليك يا شفيف ... بوست مريح

بس كان خليت القطيع دا ..... :)

[هيثم عبدالعال]

ما قلنا خميس وآخر ليل


برضو ما بنقصر نحاول نواصل



توصيه : خليك قريبه .. لو حسيتي أي خرمجه تلفون سريع عشان نتلافى

[ساريه]

ما قلنا خميس وآخر ليل


برضو ما بنقصر نحاول نواصل



توصيه : خليك قريبه .. لو حسيتي أي خرمجه تلفون سريع عشان نتلافى



اقول ليك امش وتعال بكره بدرى ...... ;) :p

بننتظر ......... ما ورانا شى ...

[هيثم عبدالعال]

بإختصار

قد تصنع الصدفه معرفه وبالمعرفه تتكشف لك نماذج من بشر كنت تظن وبعض الظن أثم أن نوعيتهم في زماننا هذا قد إنقرضت

وبدون مقدمات سأحكي تجربتي مع هذه الأم خالد وأترك الحكم لكم

وأرجو أن لا يغضبها ذلك ... فكما أسلفت لم أستأذنها

[هيثم عبدالعال]

وحيث أني أكتب من الذاكره فقد تفوت علي بعض التفاصيل ولكن دوماً ترسخ اللحظات المفصليه في تلافيف ذاكرتنا لاسيما وإن كانت هذه اللحظات ذات إمتداد إيجابي ( ما يكون ده رص !!)
المهم : كان الموعد إجتماع تحضيري لشمعة المنتدى قبل الفائته وكنت حينها بودمدني ، تحركت للإجتماع متأخراً كعادتي بحسبان أن الموقع قريب وأن العربيه تحت إمرتي وصلت نادي الجزيره موقع الإجتماع وأثناء دخولي قابلت أبوبكر المبارك .. سلام وكلام فعلمت منه أن الإجتماع قد إنتهى ... أنبأني بالخلاصه وطلب مني توصيله لمنزله ليلحق بمباراه مهمه قارب موعدها فرضخت رغم أني كذلك أنشد العوده لمتابعة نفس المباراه وركبنا العربيه ( تصدقوا مره مره كده بكون داير أكتب السياره )

[آلاء عبد الرحمن]

انا جيت اسلم بث


:)


الف حمد الله علي السلامة يا ام خالد

تصدقي كنت عايزة اشتغلك

[هيثم عبدالعال]

أثناء وقوفي مع أبوبكر داخل النادي مرت بنا واحده ( واحده دي يعني نكره مش كده) سلمت وهي في طريقها للخارج
وبعدها بدقائق تحركت بالعربيه ومعي ابوبكر ، وعند المدخل كانت نفس تلك الواحده تقف بجانب الطريق ، سألته عنها قال لي دي عضو في المنتدى إسمها أم خالد
ولاني لا أعرفها طلبت من أبوبكر ان يطلب منها الركوب معنا حتى نوصلها ، فبطبعي أخشى الإحراج.. وفعلاً
إتفضلي ..
لا شكراً

ما ممكن ياخ .. ما بتلقي ليك حاجه توصلك

لا لا بتلتلكم ساي

لا إتفضلي ( أبوبكر التقول العربيه حقتو ) إتقمص الدور جد جد

المهم ركبت الزوله

وأنا عارف أبوبكر لاحق الكوره .. وعارف سكتو .. طوالي على بيتو وقلت الأخت تكون في الشارع

وصلنا بيت أبوبكر .. نزل .. مع السلامه ...

أها .. الأخت ماشه وين .. حنتوب ( لا حولاااااا ) ده أنا

نواصل

[هيثم عبدالعال]

مشيناها

أهو أبوبكر ورطنا والبقت بقت


لغاية ما وصلنا ولا كلمه ولا نفس


مع السلامه مع السلامه

أنا جنب الباب : المنتدى ده أنا فيهو من ألفين وسته ما شفت ليك مشاركه ... كيف يعني هسي في إجتماعات الإحتفال ( بالمناسبه كانت في القائمه بتاعت بوست عجباً يهجرونه لكن مرقتها الأحداث المفاجئه )

هي : لا لا المنتدى فهمي ليهو خدمة المدينه وعمل الخير ... بالمناسبه عندنا منظمه إسمها فاقدي السند لو حابي تتعرف عليها ممكن تجينا في دار الأمل

مع السلامه .. مع السلامه

[هيثم عبدالعال]

نسيت القصه

هو أنا فاضي


يوم ... يومين

يوم معاي أبو النور كان عندو فلم كده ده ما وكتو .. خلصنا منو جزئياً

طبعاً ملك القهوه نمشي نشرب قهوه وبدأ يحكي لي عن ست القهوه وكفاحها وأطفالها .. ذكرني أطفال الأمل

حكيت ليهو حكاية المشوار والمنظمه ، ورأيك شنو نمشي هسه نشوف القصه دي

ما كذب خبر ويلاك على الدار

[ابوالنور]

نسيت القصه

هو أنا فاضي


يوم ... يومين

يوم معاي أبو النور كان عندو فلم كده ده ما وكتو .. خلصنا منو جزئياً

طبعاً ملك القهوه نمشي نشرب قهوه وبدأ يحكي لي عن ست القهوه وكفاحها وأطفالها .. ذكرني أطفال الأمل

حكيت ليهو حكاية المشوار والمنظمه ، ورأيك شنو نمشي هسه نشوف القصه دي

ما كذب خبر ويلاك على الدار
ياخ مشاءالله عليك متزكر ده كلو بطريقتك دي ح تصل الوزير

[هيثم عبدالعال]

انا جيت اسلم بث


:)


الف حمد الله علي السلامة يا ام خالد

تصدقي كنت عايزة اشتغلك


وعليكم السلاام ورحمة الله وبركاته


وأنا ما بتسلمي علي مالي ؟ شنو الجندره دي ؟

[هيثم عبدالعال]

ياخ مشاءالله عليك متزكر ده كلو بطريقتك دي ح تصل الوزير

ياخ مالك عاوز تذكرني صاحباً لي لايوق

ما قلنا اللحظات المفصليه ودشينا دش كتير في الحته دي !!

هسه أقوم أفتح بوست في موضوعك المشينا ليهو قبل مشوار دار الأمل

[ياسر عمر الامين]

هسه أقوم أفتح بوست في موضوعك المشينا ليهو قبل مشوار دار الأمل

افتح طوالى الدنيا فيها شنو؟؟؟

[هيثم عبدالعال]

افتح طوالى الدنيا فيها شنو؟؟؟

جنك تحريش بقيت

[ياسر عمر الامين]

جنك تحريش بقيت
هههههههههههههههههههه...دنا غلباااااااااااااااااان...

[هيثم عبدالعال]

بكره كان الله هون
أحدثكم عما شهدته في دار الأمل وعن أم خالد التي وإن إقتصر إسمها على خالد أكبر أولادها إلا أنها تستحق لقب أم اليتامى أو بالأصح أم فاقدي السند

[هيثم عبدالعال]

دار الأمل
ورغم أنني من سكان الجوار سنين عددا ، وبرغم أن منزلي المستقبلي بإذن الله لا يبعد سوى خطوات عن هذه الدار ولكن للأسف كانت هذه زيارتي الأولى له بل ومعرفتي بأن هناك ما يسمى دار الأمل .
إستقبلتنا كصاحب دار وأخذتنا في جوله على المكان .. تعرف كل صغيره وكبيره فيه الأطفال بأسمائهم وحالاتهم وأعمارهم ومتى وكيف أدخلوا الدار ، تحوم كنحله كلها حيويه ورغبة في حل كل المشاكل وإزالة جميع المعوقات ، تلجأ إليها العاملات ويحطنها علماً بكل ما يلاقيهن من صعوبات ويطلبن منها سد النواقص ( حتى ظننتها المدير !!) وهي تجيبهن بموده وتعدهن بثقه وتفاؤل أن كل الأمور ستكون على ما يرام .
جلست معها وأنا مندهش من ثقتها في حل كل مشاكل الدار رغم أن ذلك يبدو عصياً حتى على أهل السلطة وباغتتها بالسؤال فإذا بها تجيب بكل ثقه أن هؤلاء الأبرياء إن تخلى عنهم أهلهم فإن الله لن يتخلى عنهم وأنها من خلال تجربتها تزداد ثقه كل يوم في ذلك ، فما أن تظهر مشكله إلا ويقيض الله لها من يحلها .

[روبش]

اقول :: ام خالد مشتاقين والله ونتمنى طلتك

[حاتم عمر]

لا نعرف من هي ام خالد يا هيثم لكن نسال الله ان يجزيها خير على ما تقوم به من اعمال تجاه هذه الفئة ونتمنى ان نتكاتف معها ولو بشق تمره
اذا ما فيها حاجة ذكرتني بالام تريزا التي تحمل هم المساكين ، جزاها الله خير
واصل لعل يكون خير لهؤلاء الاطفال ولينا

[ساريه]

لا نعرف من هي ام خالد يا هيثم لكن نسال الله ان يجزيها خير على ما تقوم به من اعمال تجاه هذه الفئة ونتمنى ان نتكاتف معها ولو بشق تمره
اذا ما فيها حاجة ذكرتني بالام تريزا التي تحمل هم المساكين ، جزاها الله خير
واصل لعل يكون خير لهؤلاء الاطفال ولينا


بتعرفها يا حاتم ..
ومستعده اغالطك كمان ...

;) :cool: :)

[حاتم عمر]

بتعرفها يا حاتم ..
ومستعده اغالطك كمان ...

;) :cool: :)

كدي ورينا النشوف يا سارية معقول اكون اعمى للدرجة دي وانا ما جايب خبر

[ساريه]

كدي ورينا النشوف يا سارية معقول اكون اعمى للدرجة دي وانا ما جايب خبر



رؤى يا حاتم ياخ ...
مخير الله علينا ....

[ساريه]

اها وصلتا ولا لسه ؟؟

[عنكوليب]

أنا غايتو مسافرة مدني ، أشوف أم خالد دي مخسووووووس ،،

السبت وصباح الأحد ،، ان شاء الله ،،

[حاتم عمر]

لا وصلتا ومشكورة يا سارية بس مفروض صاحب البوست يوضحها اكتر عشان الما بعرفها هنا يكون يعرفها باسمها الحقيقي في (دنيتنا الجمييييلة) بس ام خالد قد يكون نكره لناس كتار ،
على كل حال مشكورة وبارك الله فيها وفيك .

[هيثم عبدالعال]

اقول :: ام خالد مشتاقين والله ونتمنى طلتك


إن شاء الله خير !! عرفة متين ؟

[هيثم عبدالعال]

لا نعرف من هي ام خالد يا هيثم لكن نسال الله ان يجزيها خير على ما تقوم به من اعمال تجاه هذه الفئة ونتمنى ان نتكاتف معها ولو بشق تمره
اذا ما فيها حاجة ذكرتني بالام تريزا التي تحمل هم المساكين ، جزاها الله خير
واصل لعل يكون خير لهؤلاء الاطفال ولينا

شايف عرفوك ... الدنيا الجميله دي وين ؟ والإشتراك بقروش ولا مجاني والشروط شنو !!!

[هيثم عبدالعال]

أنا غايتو مسافرة مدني ، أشوف أم خالد دي مخسووووووس ،،

السبت وصباح الأحد ،، ان شاء الله ،،

مخسوس

سلمي عليها وعلى مـــــدني

[ابوالنور]

شايف عرفوك ... الدنيا الجميله دي وين ؟ والإشتراك بقروش ولا مجاني والشروط شنو !!!

اها أمن تصل الاوكسجين قول لي اعتل معاك

[هيثم عبدالعال]

الأوكسجين كما قال أبوالنور

تلك قصة أخرى .. رغم أنها مأساويه وجانبها المظلم لا زال ينغص علي عيشي ، إلا أن أم خالد كانت وحدها هي الجانب المضيئ فيها ، تلك الإنسانه التي بدت حينها متماسكه ومسيطره على نفسها والموقف وتتحرك بإيجابيه عكسي أنا من ضرب لخمه وتملكني التوتر ربما لأنها تعودت على هكذا مواقف بحكم أنها تمضي الساعات الطوال مع هؤلاء الأطفال ( علمت لاحقاً من بعض العاملات أنها تصل الدار بحد أقصى عند الحادية عشره لتغادرها قبيل المغرب وبعد أن تطمئن على كل شئ ) .

[هيثم عبدالعال]

قصة الأوكسجين

عرجت ذات يوم على الدار ومعي صديقي غاندي وكالعاده وجدنا أم خالد قد سبقتنا بدقائق وأبلغتها إحدى العاملات بأن الأوكسجين بالدار قد نفذ وحتى الأسطوانات الإحتياطيه لم تعبأ وأن هناك طفله تعاني من ضيق في التنفس ولابد من تزويدها بالأوكسجين والمسؤول غير موجود وسيارة الدار كذلك ، بدأت في إتصالات مكثفه ومحاولات لجلب أسطوانه وحين أحست بأن هذه المحاولات لن تنجح في الوقت المناسب طلبت منا أن ننقل الطفله للمستشفى ، وبالمستشفى تحركت في كل الإتجاهات ولم تهدأ حتى تم إستلام الطفله وبدء معالجتها وأصرت على عدم مفارقتها حتى تطمئن عليها ولأن الأمر قد يستغرق ساعات إستأذنت وصديقي وتركناها هناك ، وفي السابعه مساء أبلغتني بالفاجعه وهي تنتحب ( توفيت الطفله ) وأخطرتني أنها ستبقى لتكملة إجراءات الدفن ، وعلى الرغم من حزنها إلا أنها ختمت مكالمتها بإصرارها على مقابلتي غداً صباحاً لأمر هام لم أعلم ما هو ووعدتها بالحضور. نواصل

[مايسة]

من المتابعين لهذا البوست
لك التحية أم خالد
وفي ميزان حسناتك إن شاء الله

شكرا هيثم

[هيثم عبدالعال]

أم خالد حلق طائرها الميمون متجها صوب المملكه العربية السعودية

نتمنى لها إقامه سعيده

حتماً ستفتقدها دار الأمل وسيفتقدها أطفال الدار

ولكن الخير والبركه بإذن الله في فردتها آمال مالك تلك التي لا تقل إنسانيه عن رفيقتها والتي طال غيابها عن صفحات المنتدى

[ياسر عمر الامين]

اها أم خالد الحصل عليها شنو يا هيثم؟؟؟

[روبش]

والله بس كاتب مصري جنس طول عليك ما تختصر الكلام ده كله ياخي

[عبدالله محمد العقاد]

قصة الأوكسجين

عرجت ذات يوم على الدار ومعي صديقي غاندي وكالعاده وجدنا أم خالد قد سبقتنا بدقائق وأبلغتها إحدى العاملات بأن الأوكسجين بالدار قد نفذ وحتى الأسطوانات الإحتياطيه لم تعبأ وأن هناك طفله تعاني من ضيق في التنفس ولابد من تزويدها بالأوكسجين والمسؤول غير موجود وسيارة الدار كذلك ، بدأت في إتصالات مكثفه ومحاولات لجلب أسطوانه وحين أحست بأن هذه المحاولات لن تنجح في الوقت المناسب طلبت منا أن ننقل الطفله للمستشفى ، وبالمستشفى تحركت في كل الإتجاهات ولم تهدأ حتى تم إستلام الطفله وبدء معالجتها وأصرت على عدم مفارقتها حتى تطمئن عليها ولأن الأمر قد يستغرق ساعات إستأذنت وصديقي وتركناها هناك ، وفي السابعه مساء أبلغتني بالفاجعه وهي تنتحب ( توفيت الطفله ) وأخطرتني أنها ستبقى لتكملة إجراءات الدفن ، وعلى الرغم من حزنها إلا أنها ختمت مكالمتها بإصرارها على مقابلتي غداً صباحاً لأمر هام لم أعلم ما هو ووعدتها بالحضور. نواصل



التحية لك اب احمد وللاخت ام خالد و لكل الاحبه
اها ما وريتنا الامر الهام و لا ما مشيت

[عبدالله محمد العقاد]

والله بس كاتب مصري جنس طول عليك ما تختصر الكلام ده كله ياخي


تعرف با روبش الموضوع ده من الفين وتلتاشر ذكرني مسلسل مكسيكي بتحضر فيها المدام ههههههه بطولة انا باوله و روخيلو

[ام خالد]

هيثم مشى وين يااخوانا
ماعرفنا الموضوع المهم ده شنو

[ابوالنور]

أنا جنب الباب : المنتدى ده أنا فيهو من ألفين وسته ما شفت ليك مشاركه ...

هي : لا لا المنتدى فهمي ليهو خدمة المدينه وعمل الخير ... بالمناسبه عندنا منظمه إسمها فاقدي السند لو حابي تتعرف عليها ممكن تجينا في دار الأمل

مع السلامه .. مع السلامه


هيثم مشى وين يااخوانا
ماعرفنا الموضوع المهم ده شنو

ما شاءالله ي ام خالد مشاركاتك زادت ياخ اهو بقت واحد وسبعين ي هيثم ياخ