المساعد الشخصي الرقمي

مشاهدة النسخة كاملة : يا ناس .. إزيكم و مع السلامة


أحمد عمر ( MOODY )
13-01-2013, 02:10 AM
السلام عليكم و رحمة الله تعالى جميعاً
و معذرة للجميع .. للكتابة بالكيفية هذه

***
بي صراحة و من غير لف و لا دوران .. و بدون تنميق
ياااخ في ناس كده أم أبو اللوايق ذاتو
و أنا واحد من الناس كرهت المنتدى .. و كرهت مدني .. و كرهت اليوم الدخلت فيهو المنتدى
بي سبب من يفرض نفسو وصي علي الناس و القوانين و اللوائح
الناس ليها سنة بتلت و تعجن و بتدور في حلقة مفرغة عشان شنو مثلاً
يااااخ .. معقول الواحد يكون فاضي وفارغ لي درجة إنو داير يعرف الضبانة دي ركّت هنا ليه ؟

***

الموضوع ده كتبتو هنا .. و ما فارق معاي يتحذف يمشي واق الواق
المهم أنا دخلت المنتدى بوعد لمن لهم عندي معزة خاصة .. و آسف لهم
لكن نعمل شنو للبرفع ليك ضغطك كده سااااااي بس
ياااخ الواحد أصلاً بيدخل المنتدى عشان يخفف من ضغوطات الحياة
نجي كمان نزيد لينا وجع قلب جديد
أها موش المنتدى ده برطعوا فيهو و أملوهو ديموقراطية و حرية
و ارفعوا فيهو علم الإستقلال


و لغاية ما ربنا يهوّن .. نسمع عنكم كل خير
ساريه
13-01-2013, 09:42 PM
لا يا مودى.................
عشان الناس البتعزهم ديل خليك قاعد ...............
المنتدى ملك للجميع ....
وفى النهايه هو منتدى ما دوله ...............
مساحه للتنفيس وإراحة النفس من الضظوط الحولنا ...
ومناقشة قضايا تهم مدينتنا الام (ودمدنى) ......
بصراحه ما طرح هنا ليس بالاهميه بمكان (من وجهة نظرى عشان ما يجى زول ناطى لى )...
يعنى شنو فلان دخل هنا او مرق من هنا ؟؟؟؟؟؟؟
وين المشكله طالما الهم الاكبر هو رقى المنتدى ؟
والذين طالتهم اصابع الاتهام هم من وضعو اللبنات الاولى لهذا الصرح ....
ووجودهم فى اى مكان بالمنتدى دعم له ..
فلندع صغائر الامور ولنلتفت لما هو أهم وأكبر من التواجد فى لوحة المتواجدين الان .....
ملحوظه .............
( قد طالبنا قبل اليوم بتقليص الاقسام داخل المنتدى لتسهيل متابعتهم وضمان الدخول الى الاقسام المنسيه )
ونتمنى من مجلس الاداره الجديد الاهتمام بهذا الامر ما أمكن ذلك ......................
ود المطامير
13-01-2013, 09:50 PM
يا صاحبى
أول شئ يعلم الله مشتااااااقين
وتانى شئ تعال لينا بهناك
لازالت ديارك فى إنتظار
أحمد عمر ( MOODY )
13-01-2013, 10:08 PM
المنتدى ملك للجميع ....
وفى النهايه هو منتدى ما دوله ...............
مساحه للتنفيس وإراحة النفس من (الضظوط) الحولنا ...
ومناقشة قضايا تهم مدينتنا الام (ودمدنى) ......
بصراحه ما طرح هنا ليس بالاهميه بمكان (من وجهة نظرى عشان ما يجى زول ناطى لى )...
يعنى شنو فلان دخل هنا او مرق من هنا ؟؟؟؟؟؟؟
وين المشكله طالما الهم الاكبر هو رقى المنتدى ؟
والذين طالتهم اصابع الاتهام هم من وضعو اللبنات الاولى لهذا الصرح ....
ووجودهم فى اى مكان بالمنتدى دعم له ..
فلندع صغائر الامور ولنلتفت لما هو أهم وأكبر من التواجد فى لوحة المتواجدين الان .....
ملحوظه .............
( قد طالبنا قبل اليوم بتقليص الاقسام داخل المنتدى لتسهيل متابعتهم وضمان الدخول الى الاقسام المنسيه )
ونتمنى من مجلس الاداره الجديد الاهتمام بهذا الامر ما أمكن ذلك ......................





جداً ح أرد ليك علي الجزئية المهمة دي
شنو يعني منتدى ؟ .. و لمان يكون عندي أعضاء في المنتدى ما من مدني ؟
هل ده بيعني إنهم ما يشاركوا مثلاً !! .. أم إلزاماً عليهم المشاركة في هموم المدينة

***
بعدين تقليص الأقسام .. عشان شنو ..؟
لو فعلاً الموضوع المكتوب يستحق المتابعة و الإهتمام الناس ح تتابعوا
و لو كانت المتابعة مجاملة ماف زول بيقدر يجبر الناس إنها تجامل فلان أو علان
كل ما يُكتب علي صفحات المنتدي يظهر للجميع

***
بعدين يااااخ ما يشوف العاوز يشوف .. ولّلا يدخل محل عاوز يدخل
أنا كعضو الحاجات دي بتأثر علي مشاركتي بي شنو
طالما أنا بكتب في موضوع - أيما كانت طبيعته -
لا يخدش حياءاً .. لا أساءة فيه .. لا غمز و لا لمز

***
نقطة أخيرة .. (الضظوط) الكلمة دي شنو ما عرفتها ؟
ZANOON
13-01-2013, 10:13 PM
الحبيب كلنا زعلنا ...
وفعلا الواحد لمن يسجل دخول بتوقع انو ضغطو يرتفع ...
بالرغم من انه مكان للتنفيس وتقديم اراء لرفعه مدني الام...
لكن مامعناهو انو ازعل واطلع اخلي بيتي ...بطل الزعل وتعال راجع..
وعازمك دافوري كااااااااااااااااااارب كمان...
ساريه
13-01-2013, 10:42 PM
جداً ح أرد ليك علي الجزئية المهمة دي
شنو يعني منتدى ؟

منتدى يعنى مساحه للتواصل وتبادل الافكار والأراء اسفيرياً ...
.. و لمان يكون عندي أعضاء في المنتدى ما من مدني ؟
هل ده بيعني إنهم ما يشاركوا مثلاً !! .. أم إلزاماً عليهم المشاركة في هموم المدينة
أنا قلت مناقشه قضايا تهم مدينتا ضمن ما قلت يعنى ما هى كل شى يتم تداولو هنا ...
بعدين قلت المنتدى للجميع ...
الداير يشاركنا هموم مدنى حبابو والما داير مليون مرحب بيهو ..
***
بعدين تقليص الأقسام .. عشان شنو ..؟
عشان الكسلانين الزينا
لو فعلاً الموضوع المكتوب يستحق المتابعة و الإهتمام الناس ح تتابعوا
و لو كانت المتابعة مجاملة ماف زول بيقدر يجبر الناس إنها تجامل فلان أو علان
كل ما يُكتب علي صفحات المنتدي يظهر للجميع

***
بعدين يااااخ ما يشوف العاوز يشوف .. ولّلا يدخل محل عاوز يدخل
أنا كعضو الحاجات دي بتأثر علي مشاركتي بي شنو
طالما أنا بكتب في موضوع - أيما كانت طبيعته -
لا يخدش حياءاً .. لا أساءة فيه .. لا غمز و لا لمز

***
نقطة أخيرة .. (الضظوط) الكلمة دي شنو ما عرفتها ؟
الضظوط دى بتكون خلعه لمن شفتا بوستيك دا

لو كنت عارفاك حتجى تزرزنى كدا ما كنت قلت ليك تعال راجع ...
ما بحب الزرزه ياخ ...
mahagoub
13-01-2013, 11:13 PM
الحبيب مودى
اولاً كيف حالك
وبعدين انت رفيق سلاح
مفروض تجيب طوريتك
وتجى تصلح معانا
البنيان عاوز كربة نص
اهاا ايدك معانا
ساريه
13-01-2013, 11:26 PM
البنيان عاوز كربة نص
اهاا ايدك معانا


سلام يا ريس ...
البنيان متين واساسو قوى ...
بس محتاج الناس تتفاعل وتكتب وتنسى الفات ....
نحن همنا واحد ...
وكلنا واحد .. اعضاء ومشرفين وإداره .....
روبش
13-01-2013, 11:26 PM
الحبيب مودي
اديك العافيه
من ناحية الزعل كلنا زعلانين على حالة المنتدى وعلى البداية خاصة بعد التغيرات التي طرأت عليه، وكنا نتوقع طرح المزيد من المشاريع التي تخدم المدينة ولكن تفاجئنا بالعكس وهذا حال المنتديات عامه
اقول :: عشان خاطرنا ترجع
أحمد عمر ( MOODY )
14-01-2013, 12:52 AM
يا صاحبى
أول شئ يعلم الله مشتااااااقين
وتانى شئ تعال لينا بهناك
لازالت ديارك فى إنتظار



اووووو .. مطاميرو ياااا
بهناك بتاعتك بتلاوز بالزول .. أول شي قول لي بهناك وين

***
سوعال كده : هسه الكرفتة دي قاعد تربطها وين في العرّاقي ده
حاتم عمر
14-01-2013, 01:06 AM
السلام عليكم جميعا والتحية لكل المتداخلين والجايين ورا

احمد عمر (مودي) سلامات
اول بالتبادي : في شنو ؟
ثانياً : حدد المشكلة بوضوح والاشخاص الكرهوك ؟ والسبب شنو ؟ ولماذا ومتى وكيف
ثالثاً : الزعل مرفوض وكل شي بالنقاش والتحاور ممكن ( اقنعني واقنعك)
رابعاً ناخد بكلام الاخت سارية كلام رائع وجميل وايجابي نبعد من الصغائر طالما الهدف واحد
خامساً : لماذا لم تدخل في الادارة الجديدة
سادساً : لابد من تحليل المرض ثم العلاج
سابعاً : لابد ان تعترف بان كلنا مقصرين تجاه المنتدى ( ماذا فعلنا له )
ثامناً : كل المتداخلين اكدوا على عودتك (لنناقض وتساهم في حلول)
تاسعاً والاهم : ارجع عادي وخلي السفينة تبحر رغم العواصف
والسلام ختام
ابوالنور
14-01-2013, 05:04 AM
والله ي مودي ليك وحشة اولن في التبادي وبعدين ياخ كلام القلتو ده كلوووو انا معاك فيه لكن نسوي شنو نمرق نخليه ليهم يبرطعو فيه دي انا م معاك ياخ
ahmed algam
14-01-2013, 05:18 AM
الحبيب والباشمهندس مودي

ياحبيب مافي سبب واحد يخليك تمشي من بيتكم

وذي ماقالوا ليك الاخوان ديل المنتدي ليس ملك لاحد حتي تتركة

ابقي قاعد فوق الواطة دي وكل ايدينا مع بعض لرفعة مدني والمنتدي انشاء الله


نتمني نشوف زي ماكنت
بدر الدين محمد
14-01-2013, 05:40 AM
مودي
لك التحية معاك الف حق تقول البتقولو دا وجميلة الصراحة
انا شهر عشرة الفات كتبت بوست ودعت فيه المنتدى لنفس الاسباب تقريبا شوف البوست...
http://wadmadani.com/vb/showthread.php?t=47454&highlight=
وصبرت كتير على عدم الدخول والمتاوقة واتناقشت مع الكثيرين
واعجبني كلام مدنية (في زول بخلّلي بيتو) اما اختي الصغيرة هويدا كانت تقول لي نحنا اخوان (يجب ان نقبل بعضنا بعيوبنا)
كل هذه الاسباب جعلتني اعيد التفكير
اخي: اصبر واقبل اخوانك بعيوبهم وخليك معانا والله يصبرنا نحنا زاتو
ود المطامير
14-01-2013, 09:05 AM
اووووو .. مطاميرو ياااا
بهناك بتاعتك بتلاوز بالزول .. أول شي قول لي بهناك وين

***
سوعال كده : هسه الكرفتة دي قاعد تربطها وين في العرّاقي ده
هع هع هع هع

غايتو أنتا بتاع محن

ياخ بهناك مقوووول تكون ما عارف وين ؟ ;)

تعرف يا صاحبى ... أنا كرفتة العرس يوم إشتريتها قلت لصاحب المحل

أدينى ليها سفرى مربوطه وجاهزه ;)
أحمد عمر ( MOODY )
14-01-2013, 09:35 PM
الحبيب كلنا زعلنا ...
وفعلا الواحد لمن يسجل دخول بتوقع انو ضغطو يرتفع ...
بالرغم من انه مكان للتنفيس وتقديم اراء لرفعه مدني الام...
لكن مامعناهو انو ازعل واطلع اخلي بيتي ...بطل الزعل وتعال راجع..
وعازمك دافوري كااااااااااااااااااارب كمان...




الحبيب اللحمر .. زنون
نطلع وين .. نحن ذااااااتنا لوايق
ياااخ كان ما لوايق .. نكون لي هسه بنتفرج في مريخ x هلال
الدافوري ده من هسه قول لي ود سمير .. اتمرن و بِل راسك
أحمد عمر ( MOODY )
14-01-2013, 09:55 PM
الضظوط دى بتكون خلعه لمن شفتا بوستيك دا

لو كنت عارفاك حتجى تزرزنى كدا ما كنت قلت ليك تعال راجع ...
ما بحب الزرزه ياخ ...



هههههههههههههههههههههههه .. أشربي ليك بقة موية و شيلي نفسك .. و أحسبي من واحد لغاية عشرة

01- انتِ من ناس سنة تامنة .. !!
02- درستي في ياتو مدرسة .. !!
03- الكانت بتديكم العربي ست منو ..!!
04- حصة المطالعة كنتي بتحضريها .. ولّلا بتملي الأزيار ..!!
05- الكلمات باللون (اللحمر) دي .. أدوكم ليها في المدرسة كده ..!!
06- قالوا ليكم بكتبوها كده ..!!
07- المشرفين القاعدين هنا ديل ( هوووي بهظِّر ) برضو ما بعرفو عربي ..!!
08- و ما عدلوا مشاركتك دي لييييه .. !!
09- و ما عملوا ليك مشاركة سيئة ليييه ..!!
10- و المشاركة دي ليها يوم كااااااامل .. ما عدلتيها ليييه ..!!

***
أرجو الإجابة بموضوعية و شفافية و ألق .. علي الأسئلة دي لأنها بتأثر علي سير المنتدى
***

و كمان طلب أخير .. لذوي الإختصاص ( حلوة دي .. صاااااح )
ودوا لينا البوست ده النفاج .. عشان ناخد راحتنا

***

و آخيراً و ليس آخراً
ما تنسي .. وصية الدكتور في الحالات الزي دي
بنت الرفاعي
14-01-2013, 10:25 PM
:):):)
:):)
:)




و
مرحباً بعودتك.:)

:):):)
ساريه
14-01-2013, 10:37 PM
حارد ليك على الاسئله دى وبشفافيه كمان عملاً لله ..



هههههههههههههههههههههههه .. أشربي ليك بقة موية و شيلي نفسك .. و أحسبي من واحد لغاية عشرة


هههههههههههههههههههههههههههههههههههههه بشيل نفسى لكن ما بشرب لى بقة مويه ..

01- انتِ من ناس سنة تامنة .. !!


ليه انت قايلنى هنايه ....

02- درستي في ياتو مدرسة .. !!


الخلــــــــــــــوه ..

03- الكانت بتديكم العربي ست منو ..!!


ست نور بتعرفها ؟؟

04- حصة المطالعة كنتي بتحضريها .. ولّلا بتملي الأزيار ..!!


كنت بغنى حرام يا قلبى تحزن

05- الكلمات باللون (اللحمر) دي .. أدوكم ليها في المدرسة كده ..!!


ما كلمات عاديه ومتداوله يعنى انا اكتشفتها مثلاً ( وش زهج منك شديد )

06- قالوا ليكم بكتبوها كده ..!!


اها نسيت هى ما ادونا ليها فى المدرسه .. علمتنى لها الحياه ( فى شفافيه اكتر من كدا ..

07- المشرفين القاعدين هنا ديل ( هوووي بهظِّر ) برضو ما بعرفو عربي ..!!


أهااااااااااااااااااااا ديل سألوك هسه ؟؟؟ ناس تكوس المشاكل كواسه

08- و ما عدلوا مشاركتك دي لييييه .. !!


هم متين جو للتعديل ياخ ؟

09- و ما عملوا ليك مشاركة سيئة ليييه ..!!


ههههههههههههههههههه دا على اساس انى خالفت قوانين المنتدى ؟

10- و المشاركة دي ليها يوم كااااااامل .. ما عدلتيها ليييه ..!!


قالو عدم الشغله تعلم المشاط فى الصلعه ... حكمه من شارعنا .....


أرجو الإجابة بموضوعية و شفافية و ألق .. علي الأسئلة دي لأنها بتأثر علي سير المنتدى
***


جاوبتا بس فك دربى ...

و كمان طلب أخير .. لذوي الإختصاص ( حلوة دي .. صاااااح )
ودوا لينا البوست ده النفاج .. عشان ناخد راحتنا

***

اى يا علقم ودى لينا البوست دا النفاج ولا وديهو الخور ....

و آخيراً و ليس آخراً
ما تنسي .. وصية الدكتور في الحالات الزي دي


دى بفطها غتاته كدا .....



جنس لياقه ما قلت طالع ومع السلامه وودعتكم الله ....
بدر الدين محمد
14-01-2013, 10:40 PM
مودي
لك التحية معاك الف حق تقول البتقولو دا وجميلة الصراحة
انا شهر عشرة الفات كتبت بوست ودعت فيه المنتدى لنفس الاسباب تقريبا شوف البوست...
http://wadmadani.com/vb/showthread.php?t=47454&highlight=
وصبرت كتير على عدم الدخول والمتاوقة واتناقشت مع الكثيرين
واعجبني كلام مدنية (في زول بخلّلي بيتو) اما اختي الصغيرة هويدا كانت تقول لي نحنا اخوان (يجب ان نقبل بعضنا بعيوبنا)
كل هذه الاسباب جعلتني اعيد التفكير
اخي: اصبر واقبل اخوانك بعيوبهم وخليك معانا والله يصبرنا نحنا زاتو

مكرر
اصحى يا مودي
رأيك شنو في الكلام دا
أحمد عمر ( MOODY )
14-01-2013, 11:46 PM
مودي
لك التحية معاك الف حق تقول البتقولو دا وجميلة الصراحة
انا شهر عشرة الفات كتبت بوست ودعت فيه المنتدى لنفس الاسباب تقريبا شوف البوست...
http://wadmadani.com/vb/showthread.php?t=47454&highlight=
وصبرت كتير على عدم الدخول والمتاوقة واتناقشت مع الكثيرين
واعجبني كلام مدنية (في زول بخلّلي بيتو) اما اختي الصغيرة هويدا كانت تقول لي نحنا اخوان (يجب ان نقبل بعضنا بعيوبنا)
كل هذه الاسباب جعلتني اعيد التفكير
اخي: اصبر واقبل اخوانك بعيوبهم وخليك معانا والله يصبرنا نحنا زاتو


مكرر
اصحى يا مودي
رأيك شنو في الكلام دا


أستاذي .. البدر

شعار المصريين أيام حروب الإستنزاف .. خلي السلاح صاحي
هناك جيل تربى علي أدبيات .. الجيش ما ينوم

***
بعيداً عن الحروب .. و معارك دون كيشوت مع طواحين الهواء
لإحساس الفنان .. و روح الإنسان .. نتخيّر لك من الكلمات
ما نطيق و نستطيع .. و يتقاصر أمامك

***
لا أخفيك سراً .. أنيّ كنت من المتاوقين
ليس تربصاً بمن شارك أو تداخل
بل لي و للكثيرين مثلي
أحباب إلتقيناهم هنا .. و عشقنا حرفهم هنا .. و أدمنّا خطهم هنا
كنت أتلصص مشاركاتهم دون مشاركتهم
ليس تقليلاً .. لكن الجو مسموم

***
و يبقى ذلك العشق الأزلي ( ود مدني ) ما يدفعنا لإستقصاء أخبار المدينة
و الإطمئنان علي تواجد حروفكم .. ولو بالخفاء

***
متواجد دائماً حيثما وُجدتم .. علّ ذلك ينفحنا من طيبكم
أحمد عمر ( MOODY )
15-01-2013, 12:00 AM
الحبيب مودى
اولاً كيف حالك
وبعدين انت رفيق سلاح
مفروض تجيب طوريتك
وتجى تصلح معانا
البنيان عاوز كربة نص
اهاا ايدك معانا



يااااا عمك .. و الله عجبنا و ما عجبنا ليك
مبرووك المنصب .. و أشفق عليك من طبيعة السودانيين .. و ناس مدني بالتحديد
( و الكلام ده حقيقة .. و واحد من أسباب تأخرنا )
نحجم عند التكليف .. و ندّخر ما نستطيع لسلخ الآخرين في مواقع المسئولية
و تعليق تقاعسنا .. بتقصيرهم
الله يعينك .. و البنقدر عليهو بنسوّيهو
بدر الدين محمد
15-01-2013, 12:13 AM
يااااا عمك .. و الله عجبنا و ما عجبنا ليك
مبرووك المنصب .. و أشفق عليك من طبيعة السودانيين .. و ناس مدني بالتحديد
( و الكلام ده حقيقة .. و واحد من أسباب تأخرنا )
نحجم عند التكليف .. و ندّخر ما نستطيع لسلخ الآخرين في مواقع المسئولية
و تعليق تقاعسنا .. بتقصيرهم
الله يعينك .. و البنقدر عليهو بنسوّيهو

نحجم عند التكليف .. و ندّخر ما نستطيع لسلخ الآخرين في مواقع المسئولية
و تعليق تقاعسنا .. بتقصيرهم

ده كبد الحقيقة ويجب علينا جميعا ان نتحسس انفسنا نحن وين من هذه الجملة
بنت الرفاعي
15-01-2013, 12:29 AM
:):):)

لكَ التحية أخي أحمد:)،
اسمح لي أن أقدم لك والجميع،
وكل الغائبين هذا البوست المتواضع بحرفي والكبير بحروف
من شاركوا فيه:):
http://wadmadani.com/vb/showthread.php?t=45424&highlight=

مع كل الشكر والتقدير لكَ والجميع.:)

:):):)
مدنيّة
15-01-2013, 03:20 AM
أحباب إلتقيناهم هنا .. و عشقنا حرفهم هنا .. و أدمنّا خطهم هنا
كنت أتلصص مشاركاتهم دون مشاركتهم


***
و يبقى ذلك العشق الأزلي ( ود مدني ) ما يدفعنا لإستقصاء أخبار المدينة
و الإطمئنان علي تواجد حروفكم .. ولو بالخفاء

***
متواجد دائماً حيثما وُجدتم .. علّ ذلك ينفحنا من طيبكم

دي الحالة مهندس
يعني لو كنت درست لغة عربية كنت قلت شنو!!

ياسارية ياخ تعالي شوف الكلام الكبار كبار دا كيف!
انا واثقة يامودي انه سارية دي بتكون لهسي حائمة في قوقل
تفتش لمعاني كلامك دا!

------
منور البيت يامودي

وبثني علي اقتراحك بتاع النفاج :)
ود المطامير
15-01-2013, 06:40 AM
و كمان طلب أخير .. لذوي الإختصاص ( حلوة دي .. صاااااح )
ودوا لينا البوست ده النفاج .. عشان ناخد راحتنا


يا ريت ويا ريت ويا ريييييييت


مع الإتزار للفنان ترباس
عاطف عولي
15-01-2013, 07:45 AM
يا مودي مشيت أجيب ليك حبوب الدغت قالوا أشتراهن كلهن فلان داك كييييييييه ليك
أحمد عمر ( MOODY )
15-01-2013, 09:21 PM
يا مودي مشيت أجيب ليك حبوب الدغت قالوا أشتراهن كلهن فلان داك كييييييييه ليك



هههههههههههههههه .. عولي هوووي أحسن ليك
هسه بشيل السيجارة الفي توقيعك ده .. مع الضغط بتبقى ليك ديّة في رقبتك
:p :p :p :p :p

***

الباقين .. بجيكم راجع بالرواقة .. النشوف القراية أم دق دي آخرتها شنو !!
ودالعمدة
15-01-2013, 11:39 PM
ازيك ... ياخ
----
بوست كتب من القلب
ويدخل الى القلوب بلا استئذان
كلام بيديك احساس
انه فى ناس بتضع حواجز ليس لمنع الآخرين من الاقتراب ..
ولَكن عشان يُرى من يهتم فعلا بكسرها
وانت كسرت الحواجز دى كولها ;)
الله يديك العافية ....
ومع السلاااااامة ياخ
خالد الزين
16-01-2013, 02:39 AM
السلام عليكم و رحمة الله تعالى جميعاً
و معذرة للجميع .. للكتابة بالكيفية هذه

***
بي صراحة و من غير لف و لا دوران .. و بدون تنميق
ياااخ في ناس كده أم أبو اللوايق ذاتو
و أنا واحد من الناس كرهت المنتدى .. و كرهت مدني .. و كرهت اليوم الدخلت فيهو المنتدى
بي سبب من يفرض نفسو وصي علي الناس و القوانين و اللوائح
الناس ليها سنة بتلت و تعجن و بتدور في حلقة مفرغة عشان شنو مثلاً
يااااخ .. معقول الواحد يكون فاضي وفارغ لي درجة إنو داير يعرف الضبانة دي ركّت هنا ليه ؟

***

الموضوع ده كتبتو هنا .. و ما فارق معاي يتحذف يمشي واق الواق
المهم أنا دخلت المنتدى بوعد لمن لهم عندي معزة خاصة .. و آسف لهم
لكن نعمل شنو للبرفع ليك ضغطك كده سااااااي بس
ياااخ الواحد أصلاً بيدخل المنتدى عشان يخفف من ضغوطات الحياة
نجي كمان نزيد لينا وجع قلب جديد
أها موش المنتدى ده برطعوا فيهو و أملوهو ديموقراطية و حرية
و ارفعوا فيهو علم الإستقلال


و لغاية ما ربنا يهوّن .. نسمع عنكم كل خير


احمد عمر

توقيعك فيهو اجابات شافية لجميع اندهاشك وتساؤلاتك
بعدين ياخي المنتدى ماحق مدني براها ولاكيف
التيمان
16-01-2013, 04:43 AM
وعليكم السلام اتفضل اتغدي
شكرا سبقتكم هسي
جر وراك الباب
عاطف عولي
16-01-2013, 08:34 AM
هههههههههههههههه .. عولي هوووي أحسن ليك
هسه بشيل السيجارة الفي توقيعك ده .. مع الضغط بتبقى ليك ديّة في رقبتك
:p :p :p :p :p

***

!!

ولا بجيك شي الدغت دخلنا ندديه من زماااااان وبنسجر وتركنا ورجعنا

لكن دغتنا من الله

ودغتك من ناس فلاااااااان بري من ناس فلان
ابوالنور
16-01-2013, 12:24 PM
احمد عمر

توقيعك فيهو اجابات شافية لجميع اندهاشك وتساؤلاتك
بعدين ياخي المنتدى ماحق مدني براها ولاكيف

ولا كيف ياخ
المكاشفى
16-01-2013, 03:38 PM
مودى سلامات ياخ
ارضاً سلاح ياخ
الموضوع ده بلحقك الحوت
ربنا يلطف بيه .. عشان كدى خليك
مافاهم واعمل رايح .. وطمبر مع الطمباره
وين ناس العاقب العريس وصحبه الميامين
والله ايام يازمان ...
مايسة
20-01-2013, 04:16 AM
كدي تعال تم الباقي