ارجوا فك الاندكس وتسجيل الدخول المشروط ؟؟؟

[Osama Alrasheed]

ارجوا فك الاندكس والدخول المشروط يعنى مالازم تلزم اي زول عايز اشوف واتابع كراعو فوق رقبتو اسجل دخول ،، يامدير يافني دا راي الشخصي للمصلحة العامة..؟

[بدر الدين احمد الطائف]

ارجوا فك الاندكس والدخول المشروط يعنى مالازم تلزم اي زول عايز اشوف واتابع كراعو فوق رقبتو اسجل دخول ،، يامدير يافني دا راي الشخصي للمصلحة العامة..؟

ده كلام سليم يا اسامه.
وبعدين الفكره شنو فى منع الناس من متابعة ومشاهدة المنتدى عشان يسجلو يعنى.
طيب خلى الناس تشاهد المنتدى وتعرف فهمو شنو والناس بتتكلم عن شنو ممكن يعجبم الحال ويدخل يسجلوا.
واذا ما عجبو اكيد ماداخلين
المعرفه بقت مفتوحه ومبذوله فى كل الاسافير .

منتدى مدنى ده فى ناس كتااار متابعينو من زمان وماقاعدين يشاركو فيهلا سباب شخصيه ليه تحرموهم من الحاجه دى.

[ahmed algam]

ارجوا فك الاندكس والدخول المشروط يعنى مالازم تلزم اي زول عايز اشوف واتابع كراعو فوق رقبتو اسجل دخول ،، يامدير يافني دا راي الشخصي للمصلحة العامة..؟

اهلا بيك ياهندسة

نورت المنتدي

موضوع فتح المنتدي للزوار سيتم طرحة للمناقشة في مجلي الادارة

انشاء الله وسنوافيكم بما يستجد في هذا الموضوع

[Osama Alrasheed]

ودعلقم كيف احوالك عساك طيب ،،،مبروك الاختيار وأنت أهل لذلك
مناقشة في مجلس المشرفين وعييييييييييييييييييييك يا أيام وبالمناسبة قرار القفل للزوار قرار خاطي من الاساس ،، ودي المواضيع الغير قابلة للتأخير للفائدة العامة.

[محمد المأمون]

اهلا بيك ياهندسة

نورت المنتدي

موضوع فتح المنتدي للزوار سيتم طرحة للمناقشة في مجلي الادارة

انشاء الله وسنوافيكم بما يستجد في هذا الموضوع

وهل اللائحة تتيح للجنة التسيير اصلا اغلاقه؟؟
هل تم طرح الموضوع على القاعده؟؟
الدخول الان كثير دون مشاركة بالمأمول من المسجلين للدخول

[محمدالحسن الطيب]

المنتدى الان اصبح حكرا على الاعضاء



لمتين

[ودتابر]

الأخوة الأعزاء مسئولي ومشرفي وأعضاء هذا النهر الدافق
الأخ العزيز / اسامة الرشيد وبقية الأخوة الأعزاء المتداخلين أعلاه

لكم التحية في البدء .. وأنتم تعلمون مدى حبي لكم ولهذا النهر الدافق الذي جرفني تيار أمواجه ذات يوم لأنضم إليكم ... وأمخرت عبر عبابه أكتب وأجد من يقرأ ومن يشارك .. وأقرأ بدوري وأشارك وأساهم بجهد المقل في بحر إبداعاتكم جميعاً بهذا المنتدى الذي قلت فيه ما قلت من قبل .. وكتبت عن تميزه وأصالته ونبل أعضائه وثقافتهم وأدبهم حتى عندما يختلفون .. ولن أزيد فالله وحده يعلم ما يكنه فؤادي لكم ولهذا الموقع .

أحبائي الأعزاء
الذي دفعني لحديثي أعلاه هو ذات الأمر الذي طرحه الأستاذ اسامه الرشيد في هذا البوست .. ولقد تفاجأت فعلا عندما عدت للدخول في المنتدى بأن الدخول حكرا على الأعضاء .. ولعمرى فإن هذا خطأ كبير وعلى الرغم من أن كلامي هذا رأي شخصي ولكنه مبرر وإليكم المبررات التي يجب أن تجعل المنتدي متاحا للجميع :
أولا : إن الهدف من المواقع والمنتديات عبر الفضاء الاسفيني هو سعة الانتشار وأن تتاح الفرصه لأكبر قدر من المتابعين والمهتمين واصحاب النهم للقراءة في الإطلاع ، فأنتم بهذا التصرف تحرمون كوكبة كبيرة من النهل من ثقافة وأدب وحميمية هذا الموقع .
ثانيا : الموقع من أهم أهدافه الاهتمام بانسان المدينة وبالمدينة والجزيرة ككل ومن ثم الوطن الكبير .. فلم نحجم الدخول إليه ونحن نسعي لغاية سامية وفي ذات الوقت نحرم الآخرين من الوسيلة التي اتبعناها للوصول للغاية .
ثالثاً : هنالك من يتصفح النت ويبحث عن موقع يجد فيه ضالته للمشاركة .. فليس كل المشاركين والمنتسبين للمنتديات أهوائهم واحده .. فهنالك من يبحث عن المتعة للحظة عبر الحوار السريع أو التعارف ، وهنالك من يبحث عن من هم يقاربونه سنا ويتجاذب معهم الهموم والخواطر ، وهنالك من يبحث عن قضايا وهموم الوطن وأخباره ، وهنالك من يبحث عن الثقافة والأدب والقلم الشفيف ..... إلخ .. فعندما يكون الموقع متاحا للجميع سيجد المتصفح عبره ضالته التي ينشدها ومن ثم يقرر الإنضمام أو عدمه .
رابعا : الموقع يحمل اسم مدينة سودانية عريقة لها تاريخها النضالي والثقافي وأرثها الذي يجب أن يحتذى .. وهذا الفضاء الاسفيني متاح لكل من هب ودب في أرجاء الدنيا فلم نحرم من يريد أن يعرف عن (( سرة مدن السودان ومنبع خيره وتاريخه وأرثه )) ونشترط عليه أن ينضم إليه اولا حتى يستطيع أن يطلع ويشارك .
خامساً : أضرب لكم المثل بي ، فأنا ليس من أبناء مدينة ودمدني ، ولكن أعتز بها وأحبها وأحب من عرفتهم من أبنائها حتى الثمالة فهم نعم الأخوة والأصدقاء ، ولكن ساقني لهذا المنتدي اضلاعي عليه ذات يوم وقراءة مواضيعة ومعرفة الأقلام التي تكتب فيه وقررت التسجيل والانضمام إليه ومن ثم اكتسبت صداقات إضافية من أبناء مدني والجزيرة اعتز بها كثيراً ، فلو كان يومها حكرا على الأعضاء لما كان لي شرف الانضمام إليه .
ختاماً : أتمنى أن يجد حديثي هذا صدا وأذنا صاغية ، وأن لا أكون قد أكثرت وخرجت عن صلب الموضوع ، وعذرا أحبتي للإطالة فهذا من منبع حبكم وحب موقعكم ومكانته في القلب .
** مشاققة :
الأستاذ اسامة يا أيها القامة لك كل الود والتقدير والتحية ،، والله مشتاقين وآسف لإقتحام بوستك بهذه الجرأة ولكن أعذرني فهنا تعلمت المشاركة بود وهنا وجدت نبل المشاعر وصدق الأخاء وحرية التعبير رغم الأضاد في الرأي .. فلك التحية مرة أخرى ولجميع إداريي ومشرفي وأعضاء هذا الموقع من دون فرز .

ولك فائق الود والتقدير .

[ودالعمدة]

الأخوة الأعزاء مسئولي ومشرفي وأعضاء هذا النهر الدافق
الأخ العزيز / اسامة الرشيد وبقية الأخوة الأعزاء المتداخلين أعلاه
لكم التحية في البدء .. وأنتم تعلمون مدى حبي لكم ولهذا النهر الدافق الذي جرفني تيار أمواجه ذات يوم لأنضم إليكم ... وأمخرت عبر عبابه أكتب وأجد من يقرأ ومن يشارك .. وأقرأ بدوري وأشارك وأساهم بجهد المقل في بحر إبداعاتكم جميعاً بهذا المنتدى الذي قلت فيه ما قلت من قبل .. وكتبت عن تميزه وأصالته ونبل أعضائه وثقافتهم وأدبهم حتى عندما يختلفون .. ولن أزيد فالله وحده يعلم ما يكنه فؤادي لكم ولهذا الموقع .
.......
** مشاققة :
هنا تعلمت المشاركة بود وهنا وجدت نبل المشاعر وصدق الأخاء وحرية التعبير رغم الأضاد في الرأي .. فلك التحية مرة أخرى ولجميع إداريي ومشرفي وأعضاء هذا الموقع من دون فرز .

ولك فائق الود والتقدير .

بعد اذن اخى ودالرشيد ::
انها كلمات من نور ومشاعل للأمل
انها وشاح حق لمنتدانا أن يفتخر بارتدائه
وعرفناك ياودتابر انسان وأديب وحكيم وحبيب
والتحية لك وعبرك لمدينة الحديد والنار عطبرة
ولصديقى ودالرشيد كل الود

[مصطفى هاتريك]

ولا حتى تبرير منطقي !!

بصراحة كده يا جماعه ... الفكرة الذكية دي فكرة منو ؟؟؟

[مصطفى هاتريك]

لاحظت الآن أن هنالك 116 زائر ( غير مسجل )

كيف الكلام ده و نحن لا نستطيع الدخول إلا بالتسجيل ,,,

أرجو تفسير منطقي يا علقم

[telecom]

غايتو الفكرة دى خاطئة وطاردة وما محتاجة مناقشة
الا لشئ فى نفس يعقوب

[بدر الدين محمد]

فقط يا ريت يا علقم في الشريط المتحرك المكتوب فيه (ادارة منتديات ودمدني *** تهنئ اعضاءها الكرام بااعياد الا......
يكتب ترحيب بالاعضاء وتنويه بالتسجيل بالدخول او التسجيل في المنتدى

[شبارقة]

من المؤسف أن تكون تجربة منتديات ودمدني بشأن حجب المنتدى عن العامة و قصره على الأعضاء متأخرة جداً ، و للمعلومية فإن أي منتدى تقتح أبوابه بمفتاح العضوية لا يخرج عن شيء من اثنين:
1- المنتدى ناجح جداً و لا يجد العضو بداً من الدخول. وهنا القرار صائب وحكيم.
2- تم اتخاذ هذه الخطوة لاجبار الاعضاء على المشاركة و الدخول. و هذه الخطوة خطأ ، و فشلها مؤكد (من واقع تجربة)

عليه ، و من قراءتي الشخصية فإن الهدف من حجب منتدى ودمدني كان في الأساس لاجبار الاعضاء على المشاركة ... وهو الخيار الثاني أعلاه ...!!!

[ودتابر]

من المؤسف أن تكون تجربة منتديات ودمدني بشأن حجب المنتدى عن العامة و قصره على الأعضاء متأخرة جداً ، و للمعلومية فإن أي منتدى تقتح أبوابه بمفتاح العضوية لا يخرج عن شيء من اثنين:
1- المنتدى ناجح جداً و لا يجد العضو بداً من الدخول. وهنا القرار صائب وحكيم.
2- تم اتخاذ هذه الخطوة لاجبار الاعضاء على المشاركة و الدخول. و هذه الخطوة خطأ ، و فشلها مؤكد (من واقع تجربة)

عليه ، و من قراءتي الشخصية فإن الهدف من حجب منتدى ودمدني كان في الأساس لاجبار الاعضاء على المشاركة ... وهو الخيار الثاني أعلاه ...!!!

الأخ الحبيب العزيز .. شبارقة ..

لك التحية وكم أنا سعيد بأن تعانق حروفي كلمات شخص قامة مثلك .. فأنت صاحب القلم الشفيف والأسلوب الراقي والعطاء المتميز وأحد الذين أحب أن أقرأ لهم وأنا في غاية الاندهاش والشوق لحروفك .

عزيزي الغالي ..
بعد أن كتبت في مداخلتي السابقة من قبل بشأن حجب المنتدي وحصره على الأعضاء ووضعت الأسباب والمبررات التي تدحض هذا التصرف .. ها أنا أجدك تكتب لنا في مداخلتك هذه بأن الموقع رغم خبرته قد تأخر في هذا الحجب وقد لفت انتباهي في مداخلتك الخيار الأول :
للمعلومية فإن أي منتدى تقتح أبوابه بمفتاح العضوية لا يخرج عن شيء من اثنين:
1- المنتدى ناجح جداً و لا يجد العضو بداً من الدخول. وهنا القرار صائب وحكيم.
** فأنا رغم احترامي لوجهة نظرك إلا أنني لا أعتقد بأن حجب الدخول يرغم الأعضاء على المشاركة .. قد يجبرهم على المشاهدة فقط أما المشاركة فلا تتم إلا بقناعة تامة من العضو واحساسه بمسئوليته تجاه المنتدي بالاضافة إلي امكانياته في تقديم ما يفيد الآخرين .. ولو رجعنا كما قلت بأن هنالك مواقع اتبعت هذه الطريقة لوجدنا أن هذه المواقع لها خصوصيتها .. ويا حبذا لو سقت لنا بعض المواقع العامة وخاصة مواقع المدن والمواقع الثقافية التي حجبت عن الناس واصبحت فقط لأعضائها حتى نقارن بينها وبين هذا النهر الدافق وحتى نجد العذر لمن قام بهذا التصرف .

** وتقبل مروري وتقديري واحترامي لشخصك العزيز .

[ود المطامير]

ودعلقم كيف احوالك عساك طيب ،،،مبروك الاختيار وأنت أهل لذلك
مناقشة في مجلس المشرفين وعييييييييييييييييييييك يا أيام وبالمناسبة قرار القفل للزوار قرار خاطي من الاساس ،، ودي المواضيع الغير قابلة للتأخير للفائدة العامة.
غايتو يا صاحبى
صبر يبل الآبرى مافى ؟ ياخ يا دوب
من التصريح أعلاه مرو 10 أيام بسسسسسس


( 10-01-2013 01:30 pm )

[خالد علونى]

يا اخوانا سلام عليكم نعمل استطلاع لي الاعضاء مدتو يومين بس ونشوف راي الأغلبية بتفقوا علي شنو ونخليهو قرار ملزم لي الإدارة يا يتنفذ يا نضرب ولا شنو يا شيخي

[خالد علونى]

تلحيقة:
وكمان ممنوع تصويت أحد أعضاء مجلس الإدارة أو المشرفين أو الأعضاء الفخريين ... ديل يتعمل ليهم تصويت منفصل برااااااااااااهم باقي الناس ممهوليييين وما شفقانين زي باقي الأعضاء المساكين ديل وكمان في ناس كده ببجو ناس حارة بس يعني ما تشوف إسموا دا إلا في المواضيع الزي دي

[أم سماح]

قرار أو إجراء لا داعى له أيا كانت مسبباته والسر الفى المنتدى شنو عشان الزوار ما يشوفوه ..
عليكم الله ما تضيقوها وطالما المنتدى بيتنا نحنا يا جماعة عديل كدة دايرين بابه فاتح لا مقفول لا متاقى
وليس فى هذا ضرر أو ضرار .. وسعوه المواعيين ما تضيقوها الله يرضى عليكم ..
شكرا أسامة الرشيد
شكرا الاخوة المتداخلين

[التيمان]

ناس حارة بس يعني ما تشوف إسموا دا إلا في المواضيع الزي دي

هههههههههههههههههههههههههههه
ههههههههههههههههههههههههههههههههههههههه
هههههههههههه
الود علوني حبيب البي
دايما انت بتوزنها مع اخوك زط رط
ماشي يا عم مردوده ليك في الارفراح والليالي الملاح ..
.....
بحسب خبرتي في عالم المنتديات ..
زمان لمن كنت ادمن2
بتعمل الحركه الذكيه دي علي قول هاتريك
عشان تجذب اكتر ناس للمنتدي ..
ويكون عدد الاعضاء في اليوم ظاهر
تحت في الصفحه الرئيسيه كبير جدا
وده مطمن نفسيا للادمن ..
فا شنو ؟
المنتدي ما محتاج حشد بالقوه والخير راقد تب
سيبو الشرفه دي ونحن ما بنجبر زول يسجل رجاله حسنه
حرم انا لو في محلك يا علقم تحميل الروابط افتحو للزوار
...
تصدقانا لمن كنت ادمن فاتح مشاراكات للزاور ..
ارتقوا يااخ ..
....
اسامه الرشيد ده ممكون في الغربه استحملو اصلو مستجد ..
اتعلم من عمك مطاميروو ده ^_^
...
بت الرفاعي جات بي جاي يا شباب .؟

[ود المطامير]

يا اخوانا سلام عليكم نعمل استطلاع لي الاعضاء مدتو يومين بس ونشوف راي الأغلبية بتفقوا علي شنو ونخليهو قرار ملزم لي الإدارة يا يتنفذ يا نضرب ولا شنو يا شيخي
والله يا صاحبى
واحد صاحبنا قلت ليهو فى التلفون
ياخ مالك ما ظهرت فى المنتدى ؟ وحات الله ذى التقول على سمعتو
ضحك الضحكه الصغيرونه حقت يعنى عارف وبتسألنى وقال لى :

فتحتو يوم داك ولقيتو لازم أسجل قمت قلت ليهو خلاص بعدين ح أسجل

[ود المطامير]

اتعلم من عمك مطاميروو ده ^_^
...
بت الرفاعي جات بي جاي يا شباب .؟
هع هع هع هع

بت الرفاعى تصدق إنها مسجله غياب

[عثمان جلالة]

قرار غير سليم ... أصلو دا منتدى ولا خدمة الزاميه؟؟؟

انا بدخل المنتدى عشان رغبتي في الكتابة ومشاركة الآخرين

افراحهم ... احزانهم وافكارهم

مش ضروري اسجل كـــ عضو عشان اقدر اشوف المنتدى ... ممكن اكون داير اعمل جدولة متابعه لمواضيع معينة مثلا .. او بدخل خلال اليوم اثناء العمل ... مما لا يتيح لي الرد او الدخول باسمي ؟؟ ... يعني ما ممكن يكون عندي موضوع مثلا وداير ادخل اشوف فكرتي وصلت للناس ولا لا ... اكون مجبور علي التسجيل ... عشان الاعضاء يشوفوني بقرا في ردودهم وما متفاعل معاها بالتعقيب عليها .... دا بخلي العلاقة بين الاعضاء بارده ... وجافه ومتكلفه

كانت اهم اسباب نجاح هذا المنتدى في يوم ما هي العفوية في كل شيء ... من وقت تسجيلك الدخول فيه ومطايبة الحبان ومشاركتهم الحزن ... ومناكفتهم وحتى تسجيل خروجك.

هههههه الخوف بعد دا .... كان دخلت المنتدى بــ عراقي وسروال ... تجيك رسالة من النظام يقول ليك ... عفوا عثمان جلالة ... الدخول للمنتدى باللبس خمسه والزمزميه فقط :rolleyes::rolleyes::):)

زي ما قال هاتريك ... بالله دا منو الذكي الفكر في الفكره دي.:mad::mad:

[مايسة]

نتمني الرجوع عن هذا القرار
لأسباب كثيرة ذكرها المتداخلين وأثنى عليها الكثيرين
صراحة او ضمنيا

[abomazeen]

أولاً : احترامي مرفق للجميع
ثانياً : أستاذي ود تابر أطال الله في عمرك
ليه كده كل هذا الهجران ... نتلهــف إليكم
ثالثاً : كلام الناس الفوق ده كلو صحيح مية مرة

[مصطفى هاتريك]

ولا حتى تبرير منطقي !!

بصراحة كده يا جماعه ... الفكرة الذكية دي فكرة منو ؟؟؟




عفوا

كنت أعتقد أن العصمة لا زالت بيد الادمن و أن هنالك مجلس إدارة يهتم بالرد على ما

يشغل بال الأعضاء .............

ولكن هذا السكوت مريب ؟؟؟ هل يا ترى لا زلنا نعامل وفق نظرية المؤامرة

.......

طيب سلام عليكم

[abomazeen]

دوماً ... بــكـــرة أحلـــى

للجميعهمتكم معنا عشان نرتقي أكثر

[مايسة]

عفوا

كنت أعتقد أن العصمة لا زالت بيد الادمن و أن هنالك مجلس إدارة يهتم بالرد على ما

يشغل بال الأعضاء .............

ولكن هذا السكوت مريب ؟؟؟ هل يا ترى لا زلنا نعامل وفق نظرية المؤامرة

.......

طيب سلام عليكم




سلامات هاتريك
طول بالك شوية بث

أهم شي هو راحة الأعضاء

[خالد علونى]

دوماً ... بــكـــرة أحلـــى

للجميعهمتكم معنا عشان نرتقي أكثر



ابو مازن تحياتي لا تحدها حدود


بكرة دي متين

والله حاسس انو نحنا بقينا زي الشفع البقولوا ليهم بكرة الصباح بنعمل ليكم الحاجة الفلانية
والصباح دا طبعاً ما بحي نهائي
ياخ نحنا شبعنا في الكلمة دي

[ود المطامير]

عفوا

كنت أعتقد أن العصمة لا زالت بيد الادمن


الحبيب

وحات الله مشتاااااقين

قلت ليك .. كيفن الكلام دا ؟

يعنى صاحبى دا .. حامد قرضاى ولأ شنو ؟ ;)

[abomazeen]

ابو مازن تحياتي لا تحدها حدود


بكرة دي متين

والله حاسس انو نحنا بقينا زي الشفع البقولوا ليهم بكرة الصباح بنعمل ليكم الحاجة الفلانية
والصباح دا طبعاً ما بحي نهائي
ياخ نحنا شبعنا في الكلمة دي




الحبيب الغالي خالد علوني ... تحية وتقدير
أنت الآن ماسك العصا بديك الأثنتين
أنت الآن مشرف يمكنك المناقشـة
مع أخوتك المشرفين دون ضوضاء
نريد منكم الحلول السارة دوماً
تحياتي مزجية طي مكتوبـي
تحياتي لك لا حدود لها أيضاً

[مصطفى هاتريك]

عفوا

كنت أعتقد أن العصمة لا زالت بيد الادمن و أن هنالك مجلس إدارة يهتم بالرد على ما

يشغل بال الأعضاء .............

ولكن هذا السكوت مريب ؟؟؟ هل يا ترى لا زلنا نعامل وفق نظرية المؤامرة

.......

طيب سلام عليكم






أعتذر أولا للحديث الغاضب

سعيد جدا أن أدخل اليوم بإختياري فالدار داري و دارك و دارنا و دارهم

و ليس هنالك ما يحجب و يدارى ....

أرحمونا من تنظير المنظراتية و ختو الكورة في الواطة بعيدا عن لغة ده كوم

و ده كوم و ده طابور و ده متآمر و ده كوز و ده كافر ,, تلقوا الحاجات السمحه

كلها جات ....

[ياسر عمر الامين]

تلقوا الحاجات السمحه

كلها جات ....


وجيتك دى اول الحاجات السمحه يا صديقى...

[بنت الرفاعي]

هع هع هع هع

بت الرفاعى تصدق إنها مسجله غياب

:):):)

لكَ التحية أخي ود المطامير:)
ما مسجلة غياب وأعتذر إن كان يبدو الأمر كذلك:)،
بس رأيي بيّنته سابقاً في بوست الأخ عبدالله العقاد.:)

لكَ ولهما جزيل الشكر مع التقدير.:)

:):):)

[عثمان جلالة]

شكراً للاستجابة لطلب الاعضاء بهذا البوست

ده الوضع الطبيعي والصحيح ... تحياتي لكم جميعا

[ود المطامير]

شكراً للاستجابة لطلب الاعضاء بهذا البوست

ده الوضع الطبيعي والصحيح ... تحياتي لكم جميعا
سير سير يا محجوب ;)

[ود المطامير]

:):):)

لكَ التحية أخي ود المطامير:)
ما مسجلة غياب وأعتذر إن كان يبدو الأمر كذلك:)،
بس رأيي بيّنته سابقاً في بوست الأخ عبدالله العقاد.:)

لكَ ولهما جزيل الشكر مع التقدير.:)

:):):)






مشكوووووره يا بت الرفاعى على التوضيح

تسلمى والله

[ود الجعلي]

حتى هذه اللحظة لم يجتمع مجلس الادارة ليقرر ان المنتدى للجميع ؟

م

[Osama Alrasheed]

الأخوة الأعزاء مسئولي ومشرفي وأعضاء هذا النهر الدافق
الأخ العزيز / اسامة الرشيد وبقية الأخوة الأعزاء المتداخلين أعلاه
** مشاققة :
الأستاذ اسامة يا أيها القامة لك كل الود والتقدير والتحية ،، والله مشتاقين وآسف لإقتحام بوستك بهذه الجرأة ولكن أعذرني فهنا تعلمت المشاركة بود وهنا وجدت نبل المشاعر وصدق الأخاء وحرية التعبير رغم الأضاد في الرأي .. فلك التحية مرة أخرى ولجميع إداريي ومشرفي وأعضاء هذا الموقع من دون فرز .

ولك فائق الود والتقدير .
الحبيب ود تابر والله ليك وحشة ونورت البوست واعتبرو بوستيك

[Osama Alrasheed]

الشكر لمجلس الإدارة الموقر ، وخطوة صحيحة في المسار الصحيح موفقين دائماً يارب

[Osama Alrasheed]

ولا حتى تبرير منطقي !!

بصراحة كده يا جماعه ... الفكرة الذكية دي فكرة منو ؟؟؟



هاترك والله مشتاااااااااااااقين

[Osama Alrasheed]

بعد اذن اخى ودالرشيد ::

ولصديقى ودالرشيد كل الود

الحبيب ود العمدة ياخ انتا داير اذن اتفضل الباب فاتح

[Osama Alrasheed]

فقط يا ريت يا علقم في الشريط المتحرك المكتوب فيه (ادارة منتديات ودمدني *** تهنئ اعضاءها الكرام بااعياد الا......
يكتب ترحيب بالاعضاء وتنويه بالتسجيل بالدخول او التسجيل في المنتدى
يامرهف الاحساس ليه وقفت بوست من ارشيف الرسايل من المتابعين له بشدة نورتنا والله

[Osama Alrasheed]

غايتو الفكرة دى خاطئة وطاردة وما محتاجة مناقشة
الا لشئ فى نفس يعقوب

تليكوم حبابك والله عساك بخير وعافية

[Osama Alrasheed]

من المؤسف أن تكون تجربة منتديات ودمدني بشأن حجب المنتدى عن العامة و قصره على الأعضاء متأخرة جداً ، و للمعلومية فإن أي منتدى تقتح أبوابه بمفتاح العضوية لا يخرج عن شيء من اثنين:
1- المنتدى ناجح جداً و لا يجد العضو بداً من الدخول. وهنا القرار صائب وحكيم.
2- تم اتخاذ هذه الخطوة لاجبار الاعضاء على المشاركة و الدخول. و هذه الخطوة خطأ ، و فشلها مؤكد (من واقع تجربة)

عليه ، و من قراءتي الشخصية فإن الهدف من حجب منتدى ودمدني كان في الأساس لاجبار الاعضاء على المشاركة ... وهو الخيار الثاني أعلاه ...!!!

شبارقة شخصياً ياراجل ليك وحشة وشوووق انتا ووووين ؟؟؟

[Osama Alrasheed]

غايتو يا صاحبى
صبر يبل الآبرى مافى ؟ ياخ يا دوب
من التصريح أعلاه مرو 10 أيام بسسسسسس


( 10-01-2013 01:30 pm )
يامطرة لو رجيت العشرة يوم الابري ببقا شربووووووووووووت

[Osama Alrasheed]

تلحيقة:
وكمان ممنوع تصويت أحد أعضاء مجلس الإدارة أو المشرفين أو الأعضاء الفخريين ... ديل يتعمل ليهم تصويت منفصل برااااااااااااهم باقي الناس ممهوليييين وما شفقانين زي باقي الأعضاء المساكين ديل وكمان في ناس كده ببجو ناس حارة بس يعني ما تشوف إسموا دا إلا في المواضيع الزي دي
علوني المديدة حارة ولا شنو؟ وتصويت الموضوع لجنة مبثقة وتحضيرية والقصة بتجر ؟؟!!

[Osama Alrasheed]

....
اسامه الرشيد ده ممكون في الغربه استحملو اصلو مستجد ..
اتعلم من عمك مطاميروو ده ^_^
...
بت الرفاعي جات بي جاي يا شباب .؟

تيمان برقو المابتفرقو قلتو لي الغربة كويس بعدين الغربة بتعلم هههه نازل كورس مع ود المطامير ..

[Osama Alrasheed]

قرار غير سليم ... أصلو دا منتدى ولا خدمة الزاميه؟؟؟

هههههه الخوف بعد دا .... كان دخلت المنتدى بــ عراقي وسروال ... تجيك رسالة من النظام يقول ليك ... عفوا عثمان جلالة ... الدخول للمنتدى باللبس خمسه والزمزميه فقط :rolleyes::rolleyes::):)

زي ما قال هاتريك ... بالله دا منو الذكي الفكر في الفكره دي.:mad::mad:

العزيز عثمان والله نورت الكلام والخطوط والالوان اتمني تكون آخر الغيبات ؟؟ ههههههه بي عراقي وسروال تجيك رسالة في الخاص فيها الطاقية والجلابية

[ودالعمدة]

سير سير يا محجوب ;)

انت بس اقعد لجنس دا .... ;)
وصوت شكر للادارة وبالتوفيق للجميع
وشكراً جميلاً ياودالرشيد

[أم سماح]

باب المنتدى المقفول لحدى هسى
والله واجعنى فى قلبى
لكن نسوى شنو
العين بصيرة واليد قصيرة

[مايسة]

باب المنتدى المقفول لحدى هسى
والله واجعنى فى قلبى
لكن نسوى شنو
العين بصيرة واليد قصيرة

أم سماح كيفنك
لا ابدا الدخول كزائر عادي
راجعي تاني وحاولي

[ود المطامير]

باب المنتدى المقفول لحدى هسى
والله واجعنى فى قلبى
لكن نسوى شنو
العين بصيرة واليد قصيرة
أختنا العزيزه أم سماح
لما تسجلى الإسم والباسورد

ما تنسى تعملى تأشيره على مربع حفظ البيانات

[التيمان]

اها يا جماعه الموضوع فيهو جديد ..
ولا لسه ..
هههههههههههه
والله المنتدي حكايتو غريبه ..
والله يا مطاميرو ككل ما اخش اشوف مشرف دي
القاها ما جايه فيك كلو كلو ماعارف لي ؟

والله يخلوها لي بت الرفاعي بس ^_^

[أم سماح]

أم سماح كيفنك
لا ابدا الدخول كزائر عادي
راجعي تاني وحاولي

مايسة أنا بخير
وبينى وبينك الدخول للمنتدى أثناء ساعات العمل وزحمتها بكون زيارة سريعة لتفقد الاحوال
اليوم متوقعة انتهاء الحظر.. وأول ما خشيت جاتنى الرسالة إياها عملت تسجيل دخول وجرى
على بوست فك الاندكس ومن الآخر.. ورسلت الرسالة وطلعت طوالى مافى زمن للتصفح
وتسلمى حبيبة وألف حمدا للسلامة

[ود المطامير]

اها يا جماعه الموضوع فيهو جديد ..
ولا لسه ..
هههههههههههه
والله المنتدي حكايتو غريبه ..
والله يا مطاميرو ككل ما اخش اشوف مشرف دي
القاها ما جايه فيك كلو كلو ماعارف لي ؟

والله يخلوها لي بت الرفاعي بس ^_^
هع هع هع هع

شكيت محنك ياخ

إنتا يا فرده ح تبقى مشرف متين ؟ ;)

[أم سماح]

أختنا العزيزه أم سماح
لما تسجلى الإسم والباسورد

ما تنسى تعملى تأشيره على مربع حفظ البيانات

هلا مطاميرو
هلا بشيخ النفاجة
ارشادات من شيخ النفاجة شخصيا .. إيه الهناء الأنا فيهو ده
شكرا ليك يا فهم
أنا عارفة شيخ دى بتجيب كثافة ناس كتيريييييين ..
معليش ما قصدت زعلهم .. قصدت أكبر كومك وبس

[أم سماح]

الشكر للأخوة مجلس الإدارة لتلبيتهم لرغبة الاعضاء
الشكر كله للأخ أسامة الرشيد
ولكم جميعا