عطلة السبت (ما لها وما عليها ) رأيك بصراحة

[ابورجاء]

دعونا نتكلم قليلاً عن معنى ومغزى عطلة السبت
التي انا شخصياً لا اعلم والا ادري لها مغزى ولا معنى غير انها عبء على الدولة وتعطيل لدولاب العمل وتغيب للعقول وتخريب للهمم . نعم والله هذا ما احسه واشعر به
تجاه هذه العطلة ..
ولكي لا يكون كلامي جزافاً أسألكم بالله ماذا استفدنا نحن من هذه العطلة غير زيادة في الخمول والكسل
وحب النوم وتعطيل مصالح الخلق وخاصة في الدوائر الحكومية والتي من خلال عطلتها ايضاً كثير من القطاعات الخاصة تكون مضطرت ايضا لاخذ هذه العطلة الاجبارية وايضا اصحاب الاعمال الحرة المرتبطة بالمصالح الحكومية والتي لا تسوق منتجاتها الا عبرها ...
ولكم ايضا ان تروا كمية الفساد والانحلال الاخلاقي الذي سيطر على شبابنا من جراء هذه العطلة التي جعلت لهم وقت فراغ مضاف الى ما هو موجود اصلا عندهم ولذلك يفرغونه في كل ما هو قبيح وشاذ وينافي كل الاعراف والعادات السودانية السمحة لذلك نتمنى ان يعاد النظر في هذه العطلة المشئومة .
ولكي تتأكدوا اكثر من شؤمها اذهبوا الى كل اقسام الشرطة في جميع انحاء البلاد لتروا كمية البلاغات التي ترد يوميا منذ ان طبقت هذه العطلة وخاصة يوم السبت ......

ودوما في رعاية الله وحفظه ....
مع كل الود باقة ورد .....

[ابوالنور]

البرد … يساوي إنفعال خاطرياخ
حالة حب مشرووق بي لهفة وشوق …لقى انو مشنوق … مرتااااح
اول مرة تفتش قلبك ما تلقاهو وقاااااال شححححححححححح
ابورجاء ويل كام باك ياخ بقت علي عطلة السبت بث

[ابورجاء]

ابورجاء ويل كام باك ياخ بقت علي عطلة السبت بث

الغالي حبيب القلب المبدع دوماً وابداً ابو النور
لك من التحايا والاشواق كميات ومن المحبة ذيهن
وتسلم يا حبيب على مرورك الجميل
ويا ريت لو بقت على عطلة السبت بس إلا الجوه
الجوف مستف تب بس خليها لظروفها ....

ودوما في رعاية الله وحفظه ...
مع كل الود باقة ورد....

[ريمون]

سلام ابو رجاء ..
غايتو نحن قبيلة النساء السبت ادانا فرصه اكبر للتواجد في البيت ومساحه اكبر للاولاد ..

[admin]

ازيك يا ابورجاء وحمدلله علي السلامة

قالوا النوم عبادة. لانو النائم يصوم عن المعاصي وهو نائم. فاجازة اليوم دي كويسة لو خففت من النهب الحاصل في البلد دا

[ابورجاء]

سلام ابو رجاء ..
غايتو نحن قبيلة النساء السبت ادانا فرصه اكبر للتواجد في البيت ومساحه اكبر للاولاد ..
الغالية بتي ريمون
تسلمي يا بتي
والله كلامك ممكن يكون صح من ناحية لكن نحن بنتكلم على العموم
الاجازة دي فيها محاسن ما بننكر الكلام ده لكن المساوئ اكتر وافظع
يعني نضرب مثل بسيط الزيارة بين الاهل قبل الاجازة المشئومة دي
كانت بصورة جميلة جدا حاليا انقطعت خالص الا من رحم ربي
عارفه ليه لانو الاجازة بقت يومين يعني الجمعة والسبت فالواحد بقى
يوم الجمعة يقول ليك ياخي انا تعبان اليوم اريح شويه وبكره السبت ما اجازة ازور الاهل ويجي السبت والجسم طبعا اتعلم على الرحرحة والنوم للضحى يصحى يقول ليك يا خي خليها السبت الجاي وسبت وراء سبت لحدي ما انقطعت نهائيا..
شوفتي كيف يا بتي يعني هي راحة سلبية ...

تهويمة :ــ
بعدين النساء اصلهن في اجازة دائمة كل الاسبوع والا ما كده ;)


ودوما في رعاية الله وحفظه ...
مع كل الود باقة ورد ....

[ابورجاء]

ازيك يا ابورجاء وحمدلله علي السلامة

قالوا النوم عبادة. لانو النائم يصوم عن المعاصي وهو نائم. فاجازة اليوم دي كويسة لو خففت من النهب الحاصل في البلد دا
الغالي حبيب القلب شفي النبض حبيب االكل ورامي الضل
والله واحشنا يا راجل وليك وحشة كده خاصة بالحجم العائلي :p
والله مقصرين ودشليار مقصرين لكن لو عرفتو البي اكيد بتكونوا مقدرين ...

الحبيب الشغلة جات بالعكس بل النهب زاد مع زيادة الاجازة بقى بالكوم
عشان الناس بتكون مركلسة ونايمه وما عارفه الحاصل شنو لانو النهابين
بيخلونا نايمين وجري علي محل الخم ونحن نخم ونصر بس ....
والله يا ريس البيحصل في البلد دي حير ابليس زاتو ...

نطه فوق السور :ــ
والله يا ريس ليك شوق كده لمن عامل غمامه ومظلل وكاتم الجو
وينك وين ايامك الجميلة يا ريت الزمان يرجع ونعيد الماضي من تاني ...


ودوما في رعاية الله وحفظه ...
مع كل الود باقة ورد.....

[الزبير محمد عبدالفضيل]

هي تعطيل للمصالح العامه ولكل شي يهم المواطن

[ابورجاء]

هي تعطيل للمصالح العامه ولكل شي يهم المواطن

الغالي العزيز الجميل الشفيف
الكمندان الزبير
لك التحية ومعها كل الاتقدير وفائق الاحترام
أولاً مشكور على المرور والتعليق الجميل
ونع هي تعطيل لك مناحي الحياة وزيادة في البطالة
والظواهر السالبة للعاطلين والمتعطلين ...
وربنا يجيب العواقب سليمة يا اخوي ....



ودوما في رعاية الله وحفظه ...
مع كل الود باقة ورد...