1.2.3.4.5 القمله فى راس admin ...كااان زمن حضارات سادت ثم بادت ... [الأرشيف]

التيمان

30-10-2012, 04:57 AM

بسم الله يارب ..

طبعا مافى زوول فاهم العنوان ده شنو الا الناااس الشفوووت ... :)

طبعا قبل 7 سنه انا بلعب فى النت لقيت نفسى انا فى منتدى ومدنى ...
واول بوست لى سلمت على عمك ابو المهتدى فى العاام ...
عمك جانى طاااير يازول ده شنو ما يكتبو هنا كلام زى دة ...
على الطلاق مهما كان الزول كان مثقف بلقى لى زول يبرلمووو...

بعد شويه كان فى شويه شباب زى الفل واعمامك مسليين ... امسكا من الكبرى ...
اول حاجه كسرتنا كانت اسمها سالى ...ياخ دى لوجات كتبت هاااى بنلقى مليوون ومشاهده واتنين مليووون هاياات ..
الله يطرام بى الخيير...

جات فكره جميله فى قسم الالعااب ...انو الناااس تلعب الكترونيا وترفه عن روحا شويه ...
ويلا انا واخوانى راسكل وكبك وابو النور جينا ليك بى جاااى ... من واحد لى خمسه علق العضو البتحبو فى المروحه ولا خت لى قمله فى راسو ... يلا مسكنا ليك سرلك فى برلك ... الجكس والشباب كلو جانا بى جاااى ...
وحبينا محمد النور بى الانجليزى كان من الننوع الخدووم بجهز اللعبه عند رقم معين ورسل هاك يافلانه اسدى حقك فى ابو النوور
ههههههه من زمان زول خبره فى التلج ..

اما اعمامك دييل كان لم الادمن يزنقم ولا واحد من الناااس الكبار ديل يبلهم فى العام بجو بى هنااك يااخ مره نزرار حسن لقيتو بلعب الساعه تلاته صباحا مكسووف يلعب بى النهااار ...

عملو اقتراح سمو قسم النواعم والغريبه البكتبو فيهو رجال بس كلهم بقو معلمين بتعاين خلطات وبتاعين تسريحاات وكان عاملين ليهو الوان كده وحاجات....

تانى قمنا فى جن اسموو بوست شمارات اسبوووووووعيه وكانت حاجه والله زى الفل ...
وكان الناااس بتدعم الحاجات دى وكانت ضحك وروح رياضيه والنااس كانت بتترقبا كل اسبوووع ...

تانى قمنا فى جن المظاهرااات وقبلنا على الاداره على الطلاق قربو يطلعونا مجوووس وماعندنا دين
وحرابات وحظر ورجع التيمان واحظر التيمان ههههههههههه ياخ والله زمن ..

تانى قمنا فى جن شمارات الشمعه ... كان كل شمعه بكوون فى بووووست فيهو اى شماار ولازم يكون بى عنوان
مزه كانت مكسره الحضووور ...يعنى زى الاصفر من شفتو بخدر ...والبنفسجى ونفسك تجى ...والشمعه البعدا الناس كلها لبست بنفسجى واصفر وللاسف جات واحده شايله طياره وكانت هى صاحبه البوووست والنااس تعبتا ساااى بى البنفسجى ...زكرتونى توب حبوبه مدنبه الاصفر... يااخ والله ده زمن مابرجع تانى ...
الله يستر من الشمعه الجايه دى ...علقم وبكرى دى اتش ال شدو حيلكم ومتعونا ...وسكر كيس الصايم ماكمل لسه اظهروو

طبعا الذ زوول كان بكون فى البرامج دى الخااال عمك على النعيييم تقول عايزو لى شغل ماتلقاهو لكن بس يقولو لى فى برنامج
يخش ليك فى جلابيه ومركوووب نمر والله النمر يقرب يعضينا والعمه كمال ترباااس والبس لى ميه خاتم زى الكاهن وعكاز ويجى يستلم ليك البرنامج .... برجع فى شبابو خلو خلو ..
واسماء الشريف وين شاعرتنا الوحيده كان قلت ليها سلام عليكم تديك قافيه ..
ياااخ والله مشتااق لى زوول اسمو زاهد ده ماعاجبو اى حاجه فى المنتدى ده ...وخاصه نحنا وكلامنا الشين ده على الطلاق مشتاقين ليهووو ...الزووول ده عايش ربنا يطراك بى الخير...
ودالمطامير اكتر زول بتاع حرب لكن للاسف باااع نفسو للحكومه والسفه بقى يسفها بالدس بعد ماكان صوتو فى المنتدى ليهو شنه ورنا بقى مع نااس اى موافقين ههههههههههههه
ابو سفروووق والله سفرقو ده قلعوو منو ابو النووور وقام جاارى
ياااااااااااه والله انا قعدتا اكتب لى بكره ما بسكت لكن خلونى ابراكم مره تانى بى زكريااات فى هذا المنتدى
والله كانت احلى اياام بالمناسبه انا عامل شمعه براى شهر واحد الجااى والكل معزوووم ...

كل عام وانتم بخير
ويتبع فيما بعد
التيمان