سودنا حزين

[أحمد عباس المحامي]

سودانا حزين
بقلم: أحمد عباس المحامي

سودانا حزين ماسِخلو العيد
والقلب نَزف شريان ووريد
جلادنا صرف وعداً ووعيد
للموت حيسوق شيباً وشباب

لسُنن فِرعون يُبدي ويُعيد
كيزانو تعيث وخرابا يزيد
القلبِ حجر والقبضة حديد
والشعب يموت تحت القبقاب

في نيلا العيد ما جابلو جديد
بي فَقدِ شبابنا الحزنِ شديد
على رغم الكان حنقول ونعيد
الموت في الحقِ حبابو حباب

كيزان وهوان وعقيد وعميد
سامو السودان في الذل والقيد
خلّوهو عَقاب عَميان وقعيد
يشحد في الزاد والكوز أرباب

الراعي يُطاع لو حُكمو رشيد
والقصد شريف والرأي سديد
لكن محتال بي دقنو يصيد
يستاهل شنقو وصلبو عقاب

الكوز سفّاح مغرور وبليد
الأقسم يشوي لشعبو يبيد
آخِرتو الباعا بسعر زهيد
لي دنيا تزول اوهام وسراب

الموت راجيك كيف منّو تحيد
في الحَشر هناك مزرور ووحيد
حارسَك مأمور سائق وشهيد
تتمنى تكون في الدنيا تراب


http://www.youtube.com/watch?v=Vdc2d6lfpps