شباب فاشل فى رمضااااااااااااااان ...

[التيمان]

ابو الرجال هييييع ..
الاربد جبل الصمد ..
التكل القديم الامو حيه وهو يتيم هيييع
تجي نصو م شهر رمضان زي ما وصانا ربنا ..
صوم وصلاه وزكاه وايمان .. ونبر والدينا ..
عاوزين نخلي رمضان الشهر ده غير ,, قولوا لي كيف؟
كيف؟ يا حاج نظريه ..
طيب :
اول شي يا ابنائي .. نبدي من السحوور ..
زكان لمن كنا قدركم كده نمشي نشتري نوبه ونشد الجلد بتاعها وكم كشكوش .. وبكون مرافق لينا ناس اكبر في السن
حاظفين للمديح و بعض من القفشات في اللفه .. فكان نبدي من اول الحله لي اخرها بالمديح وفي النهايه بنتجمع في لنص
نعمل دايره كبيره ونمدح فيها حتي اخر ربع سااعه من السحور .. وكان اهل الحي او الحله بدعمونا بالرز بي اللبن والفطير
وشي رقاق .. وعصاير .. يعني كان شي جميل بعكس الان .. يعني هسي الساعه واحده ونص تلقي كلو 3 شفه شايلين طش
ويكوركو سحووور سحووور دق دق دق سحووور كو كو كو سحوور انا مرات بكون لسه ما اتعشيت .. وغير كده ظاهره قبيحه
تلقاهم يكوركو يا مجتبي قوم اتسحر .. يا فلانه قومي اتسحري .. جمب بيتهم او في شبااك البيت .. يعني شقله غريبه ..
وغير كده شكل مع بتاعين الدكانين النايمين بره .. انا ماعارف لي كده حقوو نحاول نعيد الصوره الاولي .. ولا كيف يا ابنائي ؟
كلامك زين يا حاج نظرية ..
تيب :
ظاهره تانيه ..تلقي الشاب من ديل اول ما يقولو لي بكره رمضان فات صلح المكيف .. واشتري لي شريحه اريبا ..وصلح اللابتوب
وكشتينه وضمنه .. اول ما يكون بكره صاايم بسم الله نبدا ..
من الساعه 12 يكون اتعشي 3 مرات .. يخش علي اريبا ونسه وكلامات وحاجات تانيه حامياني .. لحدي اتنين صباحا قام مشي المطبخ كركب
شرب لي عصير وشرب لي علبتين سيجاير وكيسين تمباك ..مرق الكتشينه .. كوارك في الفريق والناس نايمه وده قيمي لالا دي بت اسوود وجوطه في اس ديناري
خربوها مشي ع الضمنه شيش وبيش .. وجهار ورق طلق جاء مارق عمك يا ولادي حرام عليكم يااخ انعل اللهم اني صايم
.. الساعه عملت كم 4 صباحا جاء البيت شغل المكيف خشي علي الفيس بووك وهاك يا ونسه وقروبات وضيفني وتعال شوف صوره دي
لحدي ما الشمش طلعت .. وقام صلي الصبح متاخر ولا لحق الصلاه في اللفه ..
جاء من هناك طفي النور وقفل عليهو الغرفه وانشاء الله ديك في ديك ومن ديك وعيك .. ما يصحي الا قريب للاذان .. يلحق سريع سريع اول حاجه
بوش بتاع التمبااك يجيب كيس كبير .. ويجي رااجع يستحمي ويصلي الظهر والعصر جمعا .. ويبدء يطلع في الفرشاات .. بالله الاذان اذن
تحلف تقول صاحي من صلاه الصبح وكان بحفر في جبال التاكا ولا تنقيب الدهب .. يشرب جردلين عصير وياكل كده لمن يفتر ..
اها عاد يا اولادي ده كلام ؟
والله شين يا حاج نظريه ..
ظاهره عجيبه شديد :
التراويح ..
الحاج يا ولدي ارح طلاه التراويح جدا اتقدم بجيك هسي .. طيب يا ولدي طلع تلفونو يابت انت وين ماشه ع الجامع طيب دسيس نتلاقي هناك ..
الو اي انا بره .. جدا اتلاقينا واتونسنا واسمرنا في ضوء القمر .. وبعدااك .. خش صلي لالا انا لاحق ناس نونو في الجبنه .
يلا تعال شووف جمبه جديده ولمه وجبنه وري سيجاره وري سفه كبي شااي وراسي مصدع وجسمي مكسر واليوم كان صعب
وقبيل في واحد دقه المساعد في الحافله عشان اليوم مسخن .. وهاك ده رقم فلانه بتسل منك وقالت بتساهر في رمضان جيب الاريبا
خلاص يلا نمشي العشاء عشان البت السمحه ست الشاي اللابسه ضيق دي عايزه تقفل .. وبتاع الشيشه بحدر لينا لانو مسكناها مسافه
طيب يلا ارحكم كده الساعه 12 تكون جاات .. ويبدا من حيث بدانا اليوم ..
اها ياربي ده كده ياهو رمضاان يا عيالي ..
والله ياحاج نظريه دييل قلبو الهوبه..

تحياتنا ليكم
التيمان

[نزار حسن محمد]

ابنائي الرائعين التيمان
كل سنه وانتو طيبين طيبين
ورمضان الجاى القاءكم فى بيت العدل
اها الكتاحه بتاعة نيالا دى ما وصلت مدنى

[مصطفى هاتريك]

يا سلاااااام يا مجتبى يا ولدي ...
الله يهدي مصطفى ده زي ما هدااااك ....
ما شاء الله ,,, يعني السنة صايمين...

تقبل الله وكل سنة وانتو طيبين يا أحلى ناس

[احمد ابو امنة]

التيمان
تحياتى
رمضان كريم
تصوموا و تفطروا على خير

[بنت الرفاعي]

:):):)

ما شاء الله،
كل عام وأنتم بخير،
وربنا يهديهم ويهدينا بإذنه.

:):):)

[التيمان]

ههههههههههههههههه والله ياجماعه مشتاااقين ..

تسلمووو والله وكل سنه وانتو طيبين

وتصومو زى الفل يارب