شذيت في الأفق ياناس

[شبارقة]

شذيت في الأفق يا ناس
مشيت برة
ادافر في خلايق الله
اكوس رزقاً أباني هنا
أكوسوا هناك
أسوقو هنا
يمش بي هناك
وقلنا خلاص
وكت ما دارنا أصلو هنا
نطش بي هناك
لمن تفرج
وكل شمس الله ما تشرق
نقول يا الله
يارحمن
نغادر نحن للسودان
و نرجع تاني لبلدنا
و نرتاح من شذوذ افاقنا
في بلداً ولا هيلنا
و كنا هناكا بغرانين
من الناس الأبت تطلع
و مشتاقين
نفوت فد مرة للسودان
قبل شهرين
أخوي عثمان
رسل لي جواباً شين
وخبراً شين
و من سطرين:
أخوك عصمان ، أبوك و أمك ، وجابر صاحب الدكان
جميع حلتنا و الجيران
في البلد الوسيع بالحيل حكموا علينا في دارنا
بقينا خلاص من الشذاذ
و في الداخل
بكيت بالليل
سكت ودمعة في خدي
مشيت شغلي
أدافر في خلايق الله
اكوس رزقاً أباني هنا
و طردني هناك

[الامين عبدالقادر]

ربنا يرد غربة الجميع سالمين غانمين وللديار راجعين وربنا يصلح حال بلدنا والناس ترتاح من الم الغربة وعذابها قصيدة فيها الاسى والمعناة الشديدة ولكن اليومين ديل السودان برضو معاناة وربنا يصلح الحال