إذاعة مدني هيتس MadaniHittsRADIO

[واحد من الناس]

السلام عليكم ورحمة الله تعالي وبركاته ،،، ،،،
بداية كانت الفكرة فكرة عادية زيها وزي أي فكرة بتنقال في قعدة جبنة شبابية إثناء الونسات ، فجأة قلنا والمانع شنو مافي شئ مستحيل تحت الشمس وإتناقشنا كتير في الموضوع لأسابيع وفي يوم كده فكرنا إنو نحنا نمشي ونعرض الفكرة. قمنا تاني يوم قطعنا أنصاص ومشينا إذاعة ودمدني وخشينا وعرضنا فكرتنا وكل الناس الفي الإذاعة رحبوا بالفكرة من مهندسين لي مذيعين وقالوا دي أجمل وأحسن فكرة وإلي الأمام يا شباب. وقلنا عاوزين نلاقي السيد المدير وفعلاً رحب بالفكرة شديد وإثني علي الموضوع شديد وما قصر معانا أدانا أي شئ ممكن يفيد. بس صراحة لقينا الموضوع بحتاج إمكانيات أو جهة معينة تدعمنا ولقينا إنو محتاجين كمية من التصريحات من وزارة الثقافة والإعلام وجهات تانية كتيرة.
الفكرة كانت أنو نعمل إذاعة شبابية تهتم بالشباب ومشاكل الشباب وتسقي الشباب بكل المواد الثقافية والعلمية والفنية والمفيدة، إذاعة تكون مختلفة من باقي الإذاعات إحساسا شبابي لانو أصلا المشغلنا عبارة عن شباب عاديين من شباب ود مدني الحنينة وما عندهم أي علاقة بالإعلام لكن عندهم شقف أنو يعملوا إذاعة شبابية تصل لكل الشباب السوداني بإحساس شبابي جديد يختلف عن كل الإذاعات الأخري.
كل المحاولات باءت بالفشل وبدأت الفكرة بالتلاشي ، ، لكن جاتنا فكرة وفكرة جميلة صراحة وما مكلفة وهي إنو نعمل الإذاعة علي الإنترنت أيوة هي حتكون مسموعة عن طريق النت بس ، لكن فكرنا إنو ممكن نلقي طريقة نشغلها عن طريق النت برضو بالموبايل مستقبلاً ، وإنو بعد نشغلها بالنت فترة إحتمال في المستقبل برضو نحولها لإذاعة إف إم وتبقي مسموعة لكل الناس إنشاء الله.
الإذاعة حالياً تحت التشييد وحأنفتحها قريباً إنشاء الله>>>
صفحة الإذاعة علي الفيس بوك:
https://www.facebook.com/pages/MadaniHittsRADIO/118117814959644
رابط تشغيل الإذاعة المباشر:
http://myradiostream.com/madanihitts
مشوار الألف ميل ببدأ بخطوة ،،، وربنا يحقق أمانينا ^_^

[أبو غفران قصي محمد]

جميل جدا أن تكون هناك إذاعة متخصصة تهتم بالشباب المسلم، فكل ساعة هناك
ملاين الأشخاص حول العالم يدخلون هذه المرحلة من الجنسين،
ولكن ما نخشاه هو أن تكون هذه الإذاعة على حساب المنهج
الأسلامي القويم وبالتالي تكون وزرا يحمله مؤسسها ومن معه
طالما الإذاعة موجودة يتزايد وينقص بتزايد ونقصان أعمال تابعيه، فالدين
الإسلامي واضح لمن أراد أن يتحرى الحلال ليتجنب الحرام وحتى
نكون من الذين قال الله فيهم:
..{وَمَا تَفْعَلُواْ مِنْ خَيْرٍ يَعْلَمْهُ اللّهُ وَتَزَوَّدُواْ فَإِنَّ خَيْرَ الزَّادِ التَّقْوَى وَاتَّقُونِ يَا أُوْلِي الأَلْبَابِ }البقرة197
لا من الذين قال الله تعالى فيهم:
{الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً }الكهف104
فنحن الشباب المسلم في أمس الحاجة لمن يرفع روحانياتنا الإيمانية وثقافتنا الدينية ، علما و عملا، لا ثقافة وقولا،
نسأل الله لنا و لكم جميعا التوفيق في الدارين.

[واحد من الناس]

جميل جدا أن تكون هناك إذاعة متخصصة تهتم بالشباب المسلم، فكل ساعة هناك
ملاين الأشخاص حول العالم يدخلون هذه المرحلة من الجنسين،
ولكن ما نخشاه هو أن تكون هذه الإذاعة على حساب المنهج
الأسلامي القويم وبالتالي تكون وزرا يحمله مؤسسها ومن معه
طالما الإذاعة موجودة يتزايد وينقص بتزايد ونقصان أعمال تابعيه، فالدين
الإسلامي واضح لمن أراد أن يتحرى الحلال ليتجنب الحرام وحتى
نكون من الذين قال الله فيهم:
..{وَمَا تَفْعَلُواْ مِنْ خَيْرٍ يَعْلَمْهُ اللّهُ وَتَزَوَّدُواْ فَإِنَّ خَيْرَ الزَّادِ التَّقْوَى وَاتَّقُونِ يَا أُوْلِي الأَلْبَابِ }البقرة197
لا من الذين قال الله تعالى فيهم:
{الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً }الكهف104
فنحن الشباب المسلم في أمس الحاجة لمن يرفع روحانياتنا الإيمانية وثقافتنا الدينية ، علما و عملا، لا ثقافة وقولا،
نسأل الله لنا و لكم جميعا التوفيق في الدارين.

شكراً الأخ الكريم @أبو غفران@ علي المشاركة الراقية والجميلة ،، ونتمني للجميع المزيد من الإصلاح والتقدم إنشاء الله.

[آلاء عبد الرحمن]

فكرة رائعة
وربنا يوفقكم
وماتستسلمو

[واحد من الناس]

فكرة رائعة
وربنا يوفقكم
وماتستسلمو

شكراً الآنسة @ آلاء @ وأكيد بعون الله نرتفي إلي الأفضل

[ابو علا]

عندك ايصال معانا
تمشي تستلمو من المنتدى الثقافي
ايام لها ايقاع .>>>>>>>
:)

[واحد من الناس]

عندك ايصال معانا
تمشي تستلمو من المنتدى الثقافي
ايام لها ايقاع .>>>>>>>
:)
تسلم @ أبو علا @ بس ما يكون معاو دمغة :d

[نزار حسن محمد]

واحد من الناس اتمنى لكم التوفيق ولا يوجد مستحيل تحت الشمس
ارمــــــــــــو لقدام والتوفيق حليفكم

[واحد من الناس]

واحد من الناس اتمنى لكم التوفيق ولا يوجد مستحيل تحت الشمس
ارمــــــــــــو لقدام والتوفيق حليفكم

تسلم @ نزار @ وأكيد بي عون ربنا سبحانه وتعالي ودعمكم المعنوي لينا ... نرتقي إلي الأفضل والأروع إنشاء الله ^_^
صفحة الإذاعة علي الفيس بوك:
https://www.facebook.com/pages/Madan...18117814959644
رابط تشغيل الإذاعة المباشر ( بث تجربي ):
http://myradiostream.com/madanihitts

[ياسر عمر الامين]

كثير من المشاريع الناجحه فى العالم بدأت فكرة صغيرة ثم ما لبثت ان صارت أعمالا ناجحة وواقعا مشهودا والفيس بوك ليس ببعيد...
اسال الله لكم التوفيق والنجاح وحنتابع معاكم ونكون قريبين منكم باذن الله...

[واحد من الناس]

كثير من المشاريع الناجحه فى العالم بدأت فكرة صغيرة ثم ما لبثت ان صارت أعمالا ناجحة وواقعا مشهودا والفيس بوك ليس ببعيد...
اسال الله لكم التوفيق والنجاح وحنتابع معاكم ونكون قريبين منكم باذن الله...

تسلم الأخ @ ياسر @ علي مبادرتك الجميلة ،، ونتمني التوفيق للجميع إنشاء الله ^_^

[ahmed algam]

الي الامام

لايأس مع الحياة ولاحياة مع اليأس

ونتمني ليكم التقدم والازدهار ان شاء الله

[واحد من الناس]

الي الامام

لايأس مع الحياة ولاحياة مع اليأس

ونتمني ليكم التقدم والازدهار ان شاء الله

تسلم شديد يا أبوحميد وربنا يوفق الجميع إنشاء الله ،،،

[الامين عبدالقادر]

فكرة رائعة وجميلة ومن قبلكم الاخوان تاج الاصفياء واسامة حسين يعملون فى اذاعة ودمدنى وسوف يكونون خير سند لكم وسوف يعطونكم من خلال خبرتهم الطويلة المزيد من المعلومات التى تعينكم فى مسيرتكم الناجحة ان شاء الله مع امنياتنا لكم بالتوفيق والنجاح

[واحد من الناس]

فكرة رائعة وجميلة ومن قبلكم الاخوان تاج الاصفياء واسامة حسين يعملون فى اذاعة ودمدنى وسوف يكونون خير سند لكم وسوف يعطونكم من خلال خبرتهم الطويلة المزيد من المعلومات التى تعينكم فى مسيرتكم الناجحة ان شاء الله مع امنياتنا لكم بالتوفيق والنجاح

شكراً ليك الأخ الأمين أكيد ما حتقصروا معانا .. وأكيد بدعم المولي عز وجل ودعمكم لينا .. بنرتقي الي الأفضل إنشاء الله