النكات [الأرشيف] - منتديات ودمدني

aadarob

13-03-2005, 04:32 PM

يا اخوان الباب بتاع النكات معدوم الواحد داير الناس تشارك بالنكات الحلوة طبعا منتدانا حاجة محترمة خالص لذلك نجتهد فى الاختيار

انتى طالق

مرة واحد بخيل وابنة قاعدين بياكلو فزوجته جت فخبطت فقل ابنة قوم افتح

لامك قال لة لا ماهى مراتك قالة دى امك قلة دى مراتك قلة دى امك قالة لا قالة

طيب وراح منادى على مراتة انتى طالق وراح باصص لابنة وقالة قوم افتح لامك

aadarob

13-03-2005, 04:36 PM

جماعة مساطيل بيتفرجوا على الاخبار .... فنشرة الاخبار طولت فراح الاولانى

قال للتانى :هى لية نشرة الاخبار طولت النهارد كدة؟ فراح التانى رد عية وقال

معلش اصل شكلها كدة النهار دة اخر حلقة

المخلصة

13-03-2005, 05:19 PM

الأخ الكريم / aadarob
لك خالص السلامات والتحيات
ولك كل الشكر على النكات الجميلة التى أدخلت إلى نفوسنا البهجه والسرور ، ربنا يسعدك ويهنيك
والإضافة دي هدية منى ليك ولناس المنتدى
## واحد جزار رباطابي لحمو بار في السوق أخر اليوم شالو وراجع بيه البيت ، واحد من الجماعه القاعدين قريب من بيته قال ليهم كدي أنشاغل ليكم عمكم ده
قال ليه شنو يا عمنا اللحم الشين ده إنت عازم ليك كلاب ولا شنو ؟؟؟ :confused: ، طوالى عمنا قال ليه آي بالحيل كرتك ما جاك :confused: :D :D

لينا عوده من جديد إن شاء الله
;)

LighT^RosE

14-03-2005, 05:32 AM

قال ليك واحد احوص سجل في الجيش وزعوهو قسم الغصف العشوائي

واحد بايرة النوع الشفقان جدا مشت ليها لي وداعية رمت ليها الودع كدا وقالت ليها حاتعرسي ليك واحد مغترب البايرة قعدت تبكي بكا شديد الوداعية قالت ليها مالك يابتي قالت ليها والله خايفة من نفاس الغربة ...

atmna enaha t3jebkom:)

أبوريلان

14-03-2005, 05:51 AM

سلام أدروب

سلام أهل الشرق

دكتور قال لمسطول ولدك متسمم بحليب مدته منتهية . قال ليهو صاح رضعتو حبوبتو . ههههههههههههههههههههه

مسطول بياكل فى نبق قاعد فى كرسى قدام باب بيتو يأكل النبقه ويجدع النواة تدق فى الباب تعمل صوت يقول : إتفضل إتفضل . هههههههههههههههه

مجنون عندو خروف كحلو وربط ليهو حريرة . جاء الضباح مسطول طهر الخروف ومشى . ههههههههههههههههههههههههه

واحد بشاغل فى مرتو قال ليها لو كنتى فى الهند كان عبدوك ... قالت ليهو : يعنى أنا ملاك ؟ قال ليها لا ... بقرة . ههههههههههههههههههههههه

سمسار داير يتزوج قالو ليهو بـ 5 مليون قال ليهم ليه لقيت بـ 2 مليون وحامل كمان . ههههههههههههههههههههههههه

aadarob

14-03-2005, 11:32 PM

myrelan/ المخلصة /LighT^RosE/

انتم الرائعون دوما لكم كم هائل من الشكر

al zeer

15-03-2005, 03:01 AM

سكران جنب المطار سال واحد الهلتون وين ؟
قاليهو : تمشى بى شارع المحكمه شمالك الامن تصل شارع الجامعه يمينك الداخليه تصل المقرن شمالك النظام العام و بعد داك الهلتون
السكران قال ليهو وصفك ده لو شارب لبن ما امشى بيهو

114

15-03-2005, 07:29 AM

يا شباب ضحكتوني لغاية ما دموعي جرن، وحلقي وجعني

بابكر

15-03-2005, 09:22 AM

كاتب الرسالة الأصلية al zeer
سكران جنب المطار سال واحد الهلتون وين ؟
قاليهو : تمشى بى شارع المحكمه شمالك الامن تصل شارع الجامعه يمينك الداخليه تصل المقرن شمالك النظام العام و بعد داك الهلتون
السكران قال ليهو وصفك ده لو شارب لبن ما امشى بيهو

زيكو منيب

15-03-2005, 10:49 AM

تسلم يا ادروب

waheeb

15-03-2005, 07:30 PM

زيكو منيب al zeer بابكر

مشكورين علي المرور

ابومرام

15-03-2005, 09:18 PM

تسلمو ياشباب والله الواحد بتنمى دائما بشوفكم سالمين غانمين عشان يفضفض عن نفسة شوية 00ماشاء الله عليكم مشكور اخونا ادروب والمخلصة شللك رباطابية لكن تقطع المصارين دي ربنا يديكم العافية جميييييييييييييييييييييييييييعا

naz_imam

15-03-2005, 11:44 PM

يوم القيامة سألوا واحد عاوز تمشى الجنة ولا النار ؟ قال ليهم الشوايقة وين قالوا ليه فى النار قال أنا عاوز امشى النار علشان الجماعة ديل حته مافيها فايدة مابمشو ليها -

مع خالص التحايا لأحبابنا الشوايقة وبدون زعل

نزار

aadarob

16-03-2005, 02:31 AM

مسطول مشي لي ست شاي
قالت ليهو أديك جبنا ؟ قال ليها
لا لا الجداد لسه ما جاب الطوب

aadarob

16-03-2005, 03:06 AM

مسطول الدكتور قال ليهو ولدك ده «بسنن» قال انا متوقع حاجة زي دي

aadarob

16-03-2005, 03:08 AM

حرامي اتزوج حرامية انجبو ولد ايدو مقفولة فتحوها لقو فيها دبلة الداية!!

aadarob

16-03-2005, 03:11 AM

ادروب سألوه : يوم القيامة تمشي الجنة ولا النار ؟ قال ليهم القريبة من كسلا !!

ياسر فقيري

16-03-2005, 03:32 AM

العزيز نزار .. والله اضحكتني جداً .. خصوصاً أنو كان معاي واحد شايقي .. لحظة دخلت على النكتة بتاعتك دي .. فلك مني كل الود

ياسر فقيري

16-03-2005, 03:29 PM

نكتة حكاها لي صديقي العزيز نادر يعقوب النور من أبناء الدباغة ..
قال لي : في اثنين كذابين كذب شديد خلاص .. كانوا قاعدين في لمة عصرية .. الكذاب الأول قال للجماعة : امبارح كان متعشيين معاي أبو لهب وأبو جهل والوليد بن المغيرة .. الجماعة قالوا ليه أنت كذاب ! قال ليهم أسالوا ناصر .. ناصر دا طبعاً الكذاب الثاني .. أها الجماعة سألو قالوا ليه صحي كان متعشين معاه أمبارح الجماعة ديل ؟ قال ليهم والله يا جماعة الكذب حرام أنا ما شفتهم لكن شفت عربية واقفة قدام بيته مكتوب على نمرتها ملاكي قريش ...
ههههههههههههههههههههها

al zeer

16-03-2005, 10:43 PM

حلفاوى مشا بيت بكا و قال ليهم الفاتحه و اتزكر اهل الميت اقباط
قرى ( يا ايها الكافرون )

بابكر

17-03-2005, 07:13 AM

واحد بايرة النوع الشفقان جدا مشت ليها لي وداعية رمت ليها الودع كدا وقالت ليها حاتعرسي ليك واحد مغترب البايرة قعدت تبكي بكا شديد الوداعية قالت ليها مالك يابتي قالت ليها والله خايفة من نفاس الغربة ...
والله يا لايت روز عمرى ماضحكت بالشكل ده والله فعلا البنت شفقانه,,,,, الحكايه شنو00 بالمناسبه حكيتها فى المستشفى الجماعه كلهم عاوزين يموتوا من الضحك

واحد سكران راكب البص جنب واحده وهى زعلانه من ريحه الخمره قالت ليهو ماتقوم تنزل ياسكران يا حيران عفنت البص كلو بى ريحتك العفنه دى
قام قال ليها انا سكران باكل لى محدقات السكره بتفك بس انت شناتك دى بيقكوها بى شنو؟؟؟ ها هاها ها ها ها ها

ahm1st

17-03-2005, 09:48 AM

[FONT=Tahoma][COLOR=darkblue][SIZE=3]
أثنين مساطيل قاعدين قصاد مرايه واحد قال للتاني :
قوم نسلم علي الشباب ديل .............

بابكر

18-03-2005, 12:18 PM

ادروب سألوه : يوم القيامة تمشي الجنة ولا النار ؟ قال ليهم القريبة من كسلا !!
حلوه يا ادروووب

ابراهيم

18-03-2005, 01:43 PM

احيي الفكرة الرائعة يا ادروب

كاتب الرسالة الأصلية LighT^RosE
قال ليك واحد احوص سجل في الجيش وزعوهو قسم الغصف العشوائي

واحد بايرة النوع الشفقان جدا مشت ليها لي وداعية رمت ليها الودع كدا وقالت ليها حاتعرسي ليك واحد مغترب البايرة قعدت تبكي بكا شديد الوداعية قالت ليها مالك يابتي قالت ليها والله خايفة من نفاس الغربة ...

atmna enaha t3jebkom:)

ههههههههههه

ابراهيم

18-03-2005, 01:51 PM

* إثنين مساطيل راكبين بص سياحي واحد قال للتاني: أنا بردان من المكيف التاني قال ليهو: أنا عباس من المناقل.

al zeer

18-03-2005, 10:46 PM

واحد قاعد مع اخوة كابتن طيران
قاليهو انا ماشى بورتسودان بالعربيه
الكابتن قاليهو ليه التعب دا تسوق ليك الكتر من 12 ساعه وبعدين اليوم دا ما واحد لو بالطياره او العربيه
ردليهو : قاليه معاك بس لو يوم الكبتن تم انا امشى وين

أبوبكرحامد

20-03-2005, 12:01 AM

أدروب سألوهو الثعلب بيلد ولا بيبيض ، قال ليهم مكار الإتنين يسوى!!!!!!!!!!!!!

خالد هاشم علي

20-03-2005, 12:13 AM

الشايقي أبوهو مات ، الجماعة قالوا ليهو :
أدي الراجل داك عشرة ألف عشان غسل ابوك
قال ليهم: ليه عشرة ألف اصلوا غسل بي إم دبليو

أبوريلان

20-03-2005, 12:21 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه

rasheed

20-03-2005, 02:42 AM

شاب ماشي حفلة وعاوز يقشر ،، لبس ليه بنطلون وقميص وسأل أخوه المسطول من القشره شوف يا فرده القميص ده ماشي مع البنطلون ؟؟؟ أخوه حسب السطله قال ليه هو البنطلون ماشي ويييين ،،

بابكر

20-03-2005, 11:44 AM

الله انا بقيت مدمن للنكات يعنى اول ما افتح النت ادخل فى النكات طوالى بالله ماتحرمونا من القفشات الحلوه وعاوزين نكت متجدده كل يوم يا حلوييين

دموع القمر

21-03-2005, 01:50 AM

قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش

قالو واحد طلع ليهو مارد مسطول كان محبوس جوه جره اها بعد طلعو المارد قال ليهو شبيك لبيك عبدك بين ايديك داير شنو صاحبنا قال ليهو داير ابقى اصفر اها المارد قام ضربو كده قلبو ليك تاكسي

واحد سوابق اتصل على ناس البوليس قال ليهم يعني لو ما سألنا ما بتسألو

مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم

مره واحد كان عنده مزرعه يوم من الايام مشى المزرعه شافولد قاعد تحت شجرة المنقه قاله ياولد اطلع بره بكلم ابوك قام الولد عاين فوق الشجره وقال ابوي في واحد داير يكلمك

madaniboy

21-03-2005, 02:39 AM

هي هي هي هي هي هي هي

LighT^RosE

21-03-2005, 06:47 AM

واحد سوابق اتصل على ناس البوليس قال ليهم يعني لو ما سألنا ما بتسألو

مسطول ضرب تلفون رد عليهو سيد البيت قال ليهو بالله جعفر قال ليهو لا والله قال ليهو طيب بتردو مالكم

looooooooooooooooooooooooooolz laken laken ya demoo3 algamr tslm aw tslmi keter:)

ابراهيم

21-03-2005, 05:09 PM

* كان في عجوزتين بيتفرجن على التلفزيون كان فيهو مصارعة حرة واحده منهن خافت ومشت تنوم وقالت للثانية:اذا صحيت الصباح وريني الحصل شنو..لما قامت الصباح قالت ليها اها الحصل شنو امبارح قالت ليها : عاد اللــــه لا يوريكِ لو ماقفلت التلفزيون كان ماتو

http://forums.naseej.com.sa/images/smilies/lach.gifhttp://forums.naseej.com.sa/images/smilies/lach.gif

rasheed

22-03-2005, 12:10 AM

قالوا مسطول عضاه كلب مشى للدكتور الدكتور كتب ليه 21حقنه في البطن ،،، عاين للدكتور قال ليهو بالله أكتب لي بطنين زيادة

ابراهيم

07-04-2005, 06:12 PM

زهجان طبيعي مشى للترزي وقال ليهو

هاك القماش دا عايزك تفصلو لي تمام ولا بكسر ليك راسك

و المقاسات عايزك تظبا تمام ولا بدوس بطنك بي شلوت

واوع تتأخر علي في مواعيد التسليم عشان ما اضبحك

ولا اقول ليك حاجة جيب القماش يلعن أبوك على أبو اليوم الجابني ليك ذاتو

فدوى الحسن

08-04-2005, 08:13 AM

حنكوش اداهوا ابوه كتب دين بعد أسبوع جاء الحنكوش لأبوه قال ليهو أبوي أنا داير اتحجب......
دكتور قال لمسطول ولدك متسمم بحليب مدته منتهية.. قال ليهو صاح رضعتو حبوبتو....
مسطول بياكل في نبق قاعد في كرسي قدام باب بيتو يأكل النبقة ويجدع النواة تدق في الباب تعمل صوت يقول: إتفضل إتفضل....
مجنون عندو خروف كحلو وربط ليهو حريرة، جاء الضباح مسطول طهر الخروف ومشى......
مسطول صلى الصبح ركعة واحدة المعاهو استغربوا لما رفعوا المصلاية لقوهو خاتي ورقة كربون....

ياسر فقيري

08-04-2005, 08:44 AM

ثلا ثة فيران قاعدين يسطلوا .. أها ربطت معاهم.. قام واحد قال ليهم : أنا خطير أنا بشرب سم الفار مع الشاي .. الثاني قال ليه : ها أنا أخطر منك أنا باكل الجبنة من الشرك .. الثالث قام على حيلو واتنفض وداير يمش .. قالوا ليه هوي يا أبو الشباب وين ؟ قال ليهم بالله أنتو لسه في سنة أولى يا أخ أنا اليومين دي مجكس لي كديسة ...
هي هي هههههههههههههههههها
أبو الجندب ( جندب ) سأل جندب تاني جابوه بالإسعاف للمستشفى قال ليه : بف باف ؟؟؟ الجندب الثاني قال ليه : لا شبشب
------------

قمر الزمان

08-04-2005, 01:56 PM

مسطول متفلسف سألوه انتربول يعني شنو ؟
قاليهم كفر جواني ....

امام شايقي في الركعة التانية سمع واحد جاري يحصل الركعة
سلم وهو واقف ...

جنوبي لابس بنطلون احمر وفنلة سوداء
شافو رباطابي قاليه الشي زردية ...

مسطول ماشي في الشارع شاف مكتوب
التطعيم ضد الجدري قال ديل لاعبين متين ....

امير عبدالباقي

08-04-2005, 07:42 PM

ثلا ثة فيران قاعدين يسطلوا .. أها ربطت معاهم.. قام واحد قال ليهم : أنا خطير أنا بشرب سم الفار مع الشاي .. الثاني قال ليه : ها أنا أخطر منك أنا باكل الجبنة من الشرك .. الثالث قام على حيلو واتنفض وداير يمش .. قالوا ليه هوي يا أبو الشباب وين ؟ قال ليهم بالله أنتو لسه في سنة أولى يا أخ أنا اليومين دي مجكس لي كديسة ...
ود فقيري لكن مامبالقه هههههههههههههههههههههههههههههههههه

اللمسة الساحرة

09-04-2005, 01:44 AM

اخواني في المنتدى...
اديك العافية بالجد فرقتو علينا...
وهاكم مشاركتي انشاء الله تعجبكم.....

جعلـــــــــــــــــــــــــــــــــــــــــــــــ ـــــــــــــــــي لمن رجع السودان سؤلوهو:
الغربة حارة؟؟
قليهم: والله من شدة ماهي حارة تلاقي الشياقي تسلم عليهو .

بس خلاص النكتة انتهت راجين شنو تاني

مع تحياتي:
اختكم اللمســـــــــــــــــــــــــــــــــــــــــــــ ـــــــــــــــــــة الساحرة

aadarob

09-04-2005, 05:50 AM

مغفل سألوه :اضانك دى الحرقه شنو؟ قال كنته بكوى والسماعه جنبى ..رفعته المكوه !!
قالو ليه طيب اضانك التانيه الحرقا شنو؟ قال : الحيوان ده اتصل تانى

aadarob

09-04-2005, 05:52 AM

التور هايج فى نص الحله ....ظهر راجل لوى ليهو قرونو جابوا

الواطه ..........الجعليه شافت المنظر ده زغردت وقالت ليهو : الرسول انته من

جعلية وين؟........قال ليها انا شايقى ..قالت : عليك النبى شوف خيابة التور ده

aborawan

09-04-2005, 06:41 AM

هههههههههههههههه والله يا ادروب ابداع عديل كده
مغفل سألوه :اضانك دى الحرقه شنو؟ قال كنته بكوى والسماعه جنبى ..رفعته المكوه !!
قالو ليه طيب اضانك التانيه الحرقا شنو؟ قال : الحيوان ده اتصل تانى

هههههههههههه

elshaigi

09-04-2005, 03:31 PM

واحد نائم حتي الساعة التاسعة صباحاً ** جات أمو تصحي فيه قالت ليهو
كفاك ياولد قوم أمش على شغلك النهار قيل ؟؟؟
راح الولد (يتمغي ويطقطق في ضهرو) قال ليها دعيني أنام قليلاً يا أمي !!!
عمتك قالت !! أجي يا بنات أمي الولد بقي يتكلم مكسيكي !!! ها ها ها ها

العائد الليلة أنصاص الليالي ** الشايقــــــــــــــــي **

al zeer

10-04-2005, 12:11 AM

شايقى مرشح نفسوا فى الانتخابات كتب تحت صورته عسا ان تكرهوا شيئا وهو خيرا لكم

فدوى الحسن

10-04-2005, 11:11 AM

[] SIZE=2]واحد مسطول سألوه مالك زعلان ولا شنو؟ قاليهم لا بس الوالد شوية متوفي...
مسطول سالوهو منو من الأنبياء كان يتكلم مع الحيوانات قاليهم طرزان....
واحد سعودي مسطول مسكته الشرطة فسألوه ليش عيونك حمر قال: شربت شاني وأنا منسدح...
واحد مسطول شايل لوح ثلج تعبان بيفتش فيه واحد سأله مالك يا زول قال ليه بينقط وبشوفه مقدود من وين...
مسطول نايم في الحوش.. أمو بتصحي فيهو.. يا ولدي قوم الشمس طلعت.. قال ليها: دخليها وأقفلي الباب....[/SIZE

naz_imam

10-04-2005, 10:17 PM

رباطابى ابوه طردو من البيت كتب على الحيطة المقر السرى لابن لادن

نزار

naz_imam

10-04-2005, 10:20 PM

جعلى زهجان شايل عكاز قالوا ليه عكازك دا بضرب قال ليهم لا. لكن ممكن اعمل ليكم بيه مس كول فى رأس الشايقى ده

مع تحياتى للشايقى

نزار

naz_imam

10-04-2005, 10:24 PM

شيخ ضرب سيجارة وانسطل وصلى بالناس الجمعة وراح البيت ، فى العصر جو الناس الكانو فى الصلاة ليه قالوا ليه يامولانا فى الخطبة قلت غزوة بدر كانت بالطيارات قلنا عادى وقلت صلاح الدين خش القدس بالكيماوى قلنا ماشى لكن تقول اميه بن خلف باع بلال بن رباح بخمسة مليون لبرشلونة دى واسعة شوية

نزار

rasheed

11-04-2005, 03:00 AM

هاهاهاهاها ههههه هيهيهيهيهيه يه يهي وهوهوه وهوواااااااه يا ريتها في رأسي يا نزار وفي رأس كل المغتربين . حلوة والله حلوة لامن غلط 000 تسلم يا حلو يا لذيد يا رايق 000

elshaigi

11-04-2005, 02:53 PM

والله حلوة يا هيمة ..
الشايقي

عزيز عيسى

12-04-2005, 05:52 AM

قالوا كان في واحد جعلي جا ماشي في الشارع سمع ليه مره بتكورك.. لما مشي ليها الجعلي لقى المره خاتها ليها حلة في النار لهبها في السما ومالاقيا ليها واحد ينزلها ليها من النار..
الجعلي مشى على طول مسك الحلة وهي حارة شديد ونزلها ليك في الواطة.. المره قامت تزغرد وقالت ليه اكيد انت جعلي..
الجعلي علشان يأكد ليها انه هو جعلي بالجد.. مسك الحلة وكباها على راسه..

مع الاعتذار للاخوة الجعليين.

عزيز

ابراهيم

12-04-2005, 02:19 PM

واحد بقوم كل يوم الصباح بيندهش .. يوم صحا الصباح لقى نفسو ما مندهش قام إندهش !!!

elshaigi

12-04-2005, 03:00 PM

والله أدهشتنا يا هيمة ها ها ها
الشايقي

tahaa

13-04-2005, 10:31 PM

والله نكته غاية في الروعة قتلتني من الضحك الله يجازيك الإمام ده أظنو كان في غرفة التسجيلات ما بصلي صلاة الجمعة

أفرحتنا ربنا يفرحك يا naz_imam

مصباحيه

14-04-2005, 01:16 AM

شايقى دخل صندوق مع ابليس شال الصرفه الاولى وقال : بسم الله

معلللللللللللللللللللللللللللللللللللللللللللللللل لللللليش

للشوايقه تعيشوا وتاخدوا غيرها

نيازى كشك

15-04-2005, 06:25 AM

ممكن سؤال
اخى الفاضل

بابكر

16-04-2005, 09:49 AM

[
[ B]واحد بقوم كل يوم الصباح بيندهش .. يوم صحا الصباح لقى نفسو ما مندهش قام إندهش ]:D :confused:

صائد الأحلام

17-04-2005, 07:19 AM

قالوا ليك في واحدة شينة شناة مبالغ فيها ،،سكنوا جنبها عزابة،،الولية قالت لي زوجها ،،يا راجل عليك الله ارفع الحيطة دي لي فوق من العزابة ديل..الراجل قال ليها : ليه يا ولية العزابة ديل شافوك؟ قالت ليهو لا ما شافوني،،قال ليها طيب خليهم لما يشوفوك براهم بيرفعوها

تلاتة فيران مساطيل..الاول قال : والله انا باكل ليك الجبنة كل يوم من الشرك،التاني قال : والله انا سم الفار بشربو عادي ومابعمل لي حاجة،،التالت استأذن منهم قال ماشي، قالوا ليهو شنو ياخي بدري..قال ليهم والله مواعد كديسة الجيران هسي

مزوني

17-04-2005, 09:25 AM

في حرمة شيييييييييينة شناة لمن بتخوف الشفع في الشارع
ولدها داير يتزوج وعزل ليه بنية حليووووونة شديد خالص
ومشى ورا أمو قاليها داير أتزوج فلانة
أمو قالت ليه طيب ما تصبر لمن ابوك يجي ولو خليتو هو يعزل ليك يكون أحسن
عاين لي أمو بي حرقة كدا وقال ليها

هو أبوي دا لو بيعرف يعزل كان عزلك انت؟

وطبعا اكيد الكلام دا في السودان ما موجود على الاطلاق
انو الواحد يعير أمو أي شي فيها
وعلى العموم هو باب من باب الفكاهة
وربي يمتعكم بالصحة والعافية

elshaigi

17-04-2005, 01:59 PM

حلو منك يا نزار

وهاك دي ................

واحد كل يوم يمشي عند بتاع الشاي يقول ليهو عندك شاي بارد ؟
بتاع الشاي يقول ليهو لا والله .. وكل يوم نفس السؤال في الاخر بتاع الشاي قال والله كان اعمل للراجل دي شاي بارد ...
جاء صاحبنا من الصباح قال لبتاع الشاي عغندك شاي بارد ؟ قال ليهو في شاي بارد!
صاحبنا قال ليهو : بالله سخن ليّ كباية ياخي !!!!!!!!!!!!!

الشايقي

مصباحيه

17-04-2005, 09:30 PM

شايقى اترشح للإنتخابات كتب تحت سوطه

( عسى ان تكرهوا شى هو خير لكم )

مصباحيه

17-04-2005, 10:03 PM

كاتب الرسالة الأصلية aadarob
التور هايج فى نص الحله ....ظهر راجل لوى ليهو قرونو جابوا

الواطه ..........الجعليه شافت المنظر ده زغردت وقالت ليهو : الرسول انته من

جعلية وين؟........قال ليها انا شايقى ..قالت : عليك النبى شوف خيابة التور ده

مصباحيه

17-04-2005, 10:35 PM

والله ياقمر الزمان ابدعت عديل ولا اقول ابدع الرباطابى بى

elshaigi

18-04-2005, 06:17 AM

حلو يا هيمة والله تسلم
وهاك دي : واحد كل يوم يمشي لبتاع المشروب يقول ليهو عند مشروب قرع ؟
الراجل يقول ليهو لا ! وكل يوم بنفس الطريقة الراجل تعب منو قال والله كان اعمل للزول دي عصير قرع بس اشوفو وبالفعل صاحبنا كالعادة جاء وسأل نفس السؤال ؟؟؟
الراجل قاليهو في عصير قرع ::: اتفضل صاحبنا قال ليهو ( بالله كيف تشربوه عصير القرع دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)
الشايقي

elshaigi

18-04-2005, 06:25 AM

مالك مع الشايقية بس بتاعة التور دي حلوه شديد ابدعتي فيها ::::::::

الشــــــــــــــــــــــــــــــــايقي

ابراهيم

18-04-2005, 05:12 PM

في حمار لابس نظاره حمره انقر ليه؟؟؟

عشان يشوف الناس أحمر منو

:D

امير عبدالباقي

18-04-2005, 11:08 PM

والله ياادروب بالغته لكن
التور هايج فى نص الحله ....ظهر راجل لوى ليهو قرونو جابوا

الواطه ..........الجعليه شافت المنظر ده زغردت وقالت ليهو : الرسول انته من

جعلية وين؟........قال ليها انا شايقى ..قالت : عليك النبى شوف خيابة التور ده

مصباحيه

18-04-2005, 11:12 PM

خواجه حضر حله وفى واحد من ناس الحله عامل فيها بعرف انجليزى ناس الحله نادوه علشان اتكلم مع الخواجه سال الخواجه وط زيس what theesرد العربى زيس اذا حشره فاذا عضتك هذه الحشره تعمل بك دبره فلم تبرا هذه الدبره الا بعد الونك فتره .

aadarob

24-04-2005, 05:56 AM

فيه ثلاثه سكارى وقفوا تاكسى قالوله ودينا البحـر سواق التاكسى
عرف انهم سكرانين قام يدوس على البنزين وهو واقف بعدين وقف
قاليهم وصلنا حاسبوه لكن واحد منهم قبل ما ينزل ضربه فى راسه
قال له مره ثانيه ماتسرع!!

ابراهيم

30-04-2005, 06:04 PM

وحاد مسطول
دخل يدو في موية نار
مرقا لقاها مافي
دخل راسو يشوفا مشت وين

************************************************** ***
شايقى يوم القيامة دخلوه الجنة

الجماعة فتشوه ما لامين فيهو

في الآخر لقوه بكب بنزين في ناس النار

مصباحيه

08-02-2006, 09:53 PM

الاخ الشايقى مع الاعتزار والله ما عندى اى شى مع الشوايقه وكمان اقول ليك حاجه صديقاتى اثنيين منز الطفوله الاثنين شايقيات وعلاقتى بيهم واهلن احلى من العسل لكن دى مجرد نكته عجبتى وقاعده اكويهم بيها بس

الزبير محمد عبدالفضيل

09-02-2006, 12:09 AM

صراحه نكااااااااااااااااااااااات حلوه ومشكرين ولك التحيه اخ ادررررررررررررروب

aadarob

15-02-2006, 12:00 AM

ياناس النكات الحلوة علاج الواحد ليه مدة مقطوع بس الايام دى قاعد دايرين كمية من المشاركات الحلوه وبعدين وين ناس
السفير
نهله حيدر ابراهيم الشــــــــــــــــــــــــــــــــايقي امير مزوني نيازك بابكر صائد الاحلام ------------------------------------