إلى متـى ؟؟؟؟؟؟؟

[الملكة اسماء ( ام محمد )]

صباحكم ورد

صباح اليوم سالتني زميلتي ( مصرية الجنسية ) عن الاوضاع الراهنة في سوداننا الحبيب

فوجدتني لم اعرف بما اجيبها فقد دار سؤال اصعب من سؤالها ببالي
الى متى وطننا الحبيب يصرخ وتسمع صرخاته كل الشعوب , واخر من يحرك ساكنا هم ( نحن ) ؟

[الملكة اسماء ( ام محمد )]

حين كنت طالبة بالجامعة , كانت والدتي تتصل بي يوميا لتطلب مني عدم ( الشنفرة ) والخوض في عراك مع ناس ( الكورنرات ) واركان النقاشات السياسية

[الملكة اسماء ( ام محمد )]

لا اخفيكم سرا , كنت فتاة مطيعة جدا
وفعلا لم ( اشنفر ) وشغلت نفسي بنشر بعض القصص من كتاباتي على مستوى الكلية , ولم تكن كتاباتي ذات صلة بالسياسة ورغم ذلك ( كانت يدي حارقاني وماكلاني ) ونفسي ومنى عيني ( امي تعفيني من عدم العفو المادياني ليهو ) في حالة خضت في نقاشات سياسية

[الملكة اسماء ( ام محمد )]

ذات مرة
زارنا السيد الرئيس في مدينتنا الجميلة ود مدني

في ذلك اليوم
تعذر وصول المولاصلات لشوارع النيل

واصبح لزاما علينا المرور بشوارع جديدة
لان سيادته كان سيمر ( بشارع النيل )

قبلها بساعة تم تفريغ الشارع , منا ومن السيارات والحافلات وستات الشاي والمارة والمشردين وغيرهم ممن يمكنهم ان يزعجوا ( موكب سيادته )

استفذني الموقف جدا

كنت امشي سيرا على الاقدام , ( واطنطن )
سمعني احد (العساكر ) المرابطين على جانبي الطريق

فسالني بصوت عالي / هوووووي انتي بطنطني مالك ؟ ماقالوا ليكم الليلة الشارع ده مقفول ؟

نظرت اليه بالزدراء , لعل السبب هو احساسي بانه مطيع لكل الاوامر حتى لو لم يكن مقتنع بها
واجبته / لا ابدا , كنت بقول ( هو بالله بشيركم ده عمل ليكم شنو عشان تضايرونا ليهو كده ؟ خلوه يشوف العالم دي على طبيعتها عشان يحس شوية ....

لا ادري لكني عشت لحظات احسست فيها اني ممكن ( يخموني ويرموني في بوكس ) واختفي في ظروف غامضة , بس الحصل ولحسن الحظ , طرف السوط هبش واحد تاني من العساكر , وقال
اااااي والله ياجنابو , البت دي صدقت

وطبعا لانو طلع من خط سير الخطط الموجبة للتهذيب والصمت في حضرة سيده فقام جنابو نهره ليك نهرة / هو يا هو شنو هو ؟ وقف عديل يا عسكري وانتي يلا طيري قبل اتصرف معاك تصرف ماحايعجبك
لقيت نفسي بعاين ليهو جوا عيونوا وبسالو/ وتقبل وين من رب العالمين ؟


قلت جملتي الاخيرة تلك ومضيت في طريقي وانا اسال نفسي / الى متى ؟

[ايمن عبد الله]

و انتي كنتي بطنطني مالك ؟

[الملكة اسماء ( ام محمد )]

و انتي كنتي بطنطني مالك ؟

هههههههههه
الحال المايل ماعاجبني يا ابو اسيل

[ايمن عبد الله]

ولا بعجب زول يا كنغة .. لكن نسوي شنو مجبور خاتم الفكي على الصلاة

[Amin Idries]

لكل دور إذا ما تم نقصان
فلا يقر بطيب العيش إنسان
هذي الامور كما شاهدتها دول
من سره زمن ساءته أزمان
++++++++++
نشاركك السؤال يا ملكة إلى متى ؟؟؟؟؟؟؟؟