صالــــح خاص

[هيثم عبدالعال]

كان (ص) موظفاً مرموقاً في دائرة حكومية خدمية وكان حسن السيرة والسريرة محبوباً من زملائه ومرؤوسيه و كل مراجع تقوده قدماه لتلك الدائرة ويلتقيه يخرج ولسانه يلهج بالشكر والثناء عليه فهو لا يألو جهداً في تيسير أمور من يلجأ له يؤجل لهذا ويقسط لذاك في حدود سلطاته ، كان حازماً من غير شدة مع مرؤوسيه يتعامل معهم بحسم ومودة في آن وحتى من أضطره للتعامل الرسمي معه كما تتطلب قواعد الخدمة كان يفاجئه بلفت نظر يرفقه بإبتسامه فيتقبلها ذاك بطيب خاطر ، حتى شاعت دندنة الأخير في كل مرة يتسلم لفت نظر ( غصباً عني تلفت نظري مهما أحاول وآخد حذري ) ... كان الجميع أخوة له و أصحاب يسامرهم ويجالسهم يشاركهم أفراحهم وأتراحهم .
ما عدا ( حسن) الذي كان يليه في الدرجة فكان الغل يأكل قلبه والحسد ينهش فيه وهو يرمقه بطرف خفي .. ويتمم مغتاظاً لم يجمع الكل على حبه وتقديره ؟ وحتى متى يطول إنتظاري فأحظى بما يحظى به ؟ وفي ظنه أن الموقع يخلق المحبة والمسؤولية تجلب الود .. كان ( حسن) هذا مشوه المظهر والجوهر .
نواصل

[ايمن عبد الله]

منتظرين !!!

[روبش]

اقول :: يا هيثم انت قاصد نزار حسن ولا (حسن داك)
اقول ::: منتظرنك

[ابو علا]

تذكير
حرف "ص" هو اسم لإحدى سور كتاب المسلمين المقدس - القرءان - وهي "سورة ص"، مع ملاحظة أن هذه التسمية لم تأتي عبثا بل لها معاني كبيرة.
حرف "ص" يستخدم لاختصار جملة "" والتي عادة تنسب إلى النبي العربي "محمد بن عبد الله" فمثلا يقال: محمد (ص)، أي "محمد صلي الله عليه وسلم."

[ساريه]

لا يخلو اى مجتمع من هذه النفوس الدنيئه امثال ( حسن) ...

قال تعالى .. ( وإذ قلنا للملائكة اسجدوا لآدم فسجدوا إلا إبليس كان من الجن ففسق عن أمر ربه ) .

أول مظاهر الحسد ...واول ذنب عصى به الله فى السماء ..
اعوذ بالله من الحسد ...

متابعين يا هيثم ....

[نزار حسن محمد]

اقول :: يا هيثم انت قاصد نزار حسن ولا (حسن داك)
اقول ::: منتظرنك

اقول : قاصدنى عددديل التقول ماكل سمايتو
لكن اقول : هو قاصد انا حرف ( الضا) بدل عرف (الصا )

[هيثم عبدالعال]

منتظرين !!!

خليك منتظر أنا هسه ما فاضي

[روبش]

اقول : يا حبيب بنهزر الواحد يا يهزر يعني ولا شنو
اقول :: جمعت كم لحدي الان

[روبش]

خليك منتظر أنا هسه ما فاضي


اقول ::: ما فاضي مالك مع الترزي

[هيثم عبدالعال]

اقول :: يا هيثم انت قاصد نزار حسن ولا (حسن داك)
اقول ::: منتظرنك

إنتظر ساي بدون فتن

[هيثم عبدالعال]

تذكير
حرف "ص" هو اسم لإحدى سور كتاب المسلمين المقدس - القرءان - وهي "سورة ص"، مع ملاحظة أن هذه التسمية لم تأتي عبثا بل لها معاني كبيرة.
حرف "ص" يستخدم لاختصار جملة "" والتي عادة تنسب إلى النبي العربي "محمد بن عبد الله" فمثلا يقال: محمد (ص)، أي "محمد صلي الله عليه وسلم."

شكراً أبوعلا على التذكير
نفرض الراجل إسمو صابر ــ صديق ــ صلاح ــ صبحي ، الرأي شنو ؟

[روبش]

اقول ::: او نزار حسن برضو الرأي شنو

[روبش]

اقول يا هيثم ما تخلي (ص) (و)

[هيثم عبدالعال]

لا يخلو اى مجتمع من هذه النفوس الدنيئه امثال ( حسن) ...

قال تعالى .. ( وإذ قلنا للملائكة اسجدوا لآدم فسجدوا إلا إبليس كان من الجن ففسق عن أمر ربه ) .

أول مظاهر الحسد ...واول ذنب عصى به الله فى السماء ..
اعوذ بالله من الحسد ...

متابعين يا هيثم ....

سارية :

الحسد يأكل الحسنات كما تأكل النار الحطب أو كما قال رسول الله (ص)

[هيثم عبدالعال]

اقول : قاصدنى عددديل التقول ماكل سمايتو
لكن اقول : هو قاصد انا حرف ( الضا) بدل عرف (الصا )

كبرت يا نزار لما بقى يدورك روبش ..... يا حليلك

[روبش]

اقول ::: ما احسن اشوتها ليهو عديل بدل ما يلف ساي ...

[هيثم عبدالعال]

روبش : أطلع من هنا

البوست ده جاد وما بخليهو ينحرف عن أهدافه
هسه بكتب عن الزكاة :cool:

[ابو علا]

شكراً أبوعلا على التذكير
نفرض الراجل إسمو صابر ــ صديق ــ صلاح ــ صبحي ، الرأي شنو ؟

ص بدون اقواس او اذا الاقواس عاجباك ( صاد ) موظف غلبان في .............الخ

[ساريه]

اقول يا هيثم ما تخلي (ص) (و)



:) :) :)
:) :)
:)

على قول بت الرفاعى ......

[ابو علا]

:) :) :)
:) :)
:)

على قول بت الرفاعى ......

بت الرفاعي ..........:confused::confused::confused:

[هيثم عبدالعال]

ثم أصبح على الناس صبح ليس ككل صبح .. وأتى ذلك الزمان .. وأمتلك زمام الأمر من قدم الولاء على الكفاءة وأرتضى فتح الباب على مصراعيه للمكايدة والدسائس وسيلة سهلة للإرتقاء ، فأجتر (حسن) كل غله وسكبه على الورق ، لم ينس أن يورد مأكل (ص) من أطايب الطعام مستحضراً دعوة إفطار أوجدتها الصدفة وذلك حين قابل (ص) وهو يهم للخروج لتناول الإفطار كعادته مع مجموعة من الزملاء والأصدقاء ووجه له دعوة صادقة أن يرافقهم فملأ معدته بطيب طعام تنوعت أنواعه وملأ قلبه غلاً وشكاً أن من أين له هذا ولم يدر بخلده أو يحسن النية ليعلم أنه ( الشيرينق) وطاف بخياله أن من كان هذا طعامه لابد أن قائمة ممتلكاته تملأ أوراقه التي لم يتردد وهو يقدمها لمن لا يهمهم الأمر .
ولما كان ما أتى به (حسن) يوافق منهجاً إختطه القادمون الجدد ، فما توانت لجنة تحقيقهم ولا تأخرت في نصب خيمتها وأتى كبيرهم يحمل دفاتره ليسودها بأسانيد الإدانة ويمهرها بتواقيع الإقرار .

وكانت المفاجأة التي ألجمت كبيرهم صاحب اللجنة ....

نواصل إن شاء الله

[ايمن عبد الله]

خليك منتظر أنا هسه ما فاضي



بننتظر لمن تفضى .
والله حدنا قدارف بس ..
الا تطير !!

[ايمن عبد الله]

ص بدون اقواس او اذا الاقواس عاجباك ( صاد ) موظف غلبان في .............الخ

أبوعلا والله حاكيها حك شديد ..
أعتقد أنه حتى لما نجي نكتب عن رسولنا الكريم محمد صلى الله عليه وسلم يجب ان نكتب (صلى الله عليه وسلم ) كاملة ولا نختصرها في الحرف (ص) فقط ..

[روبش]

اقول :: انت الحاكيها شديد
اقول ::: هيثم ده قاصدك انت عديل افهمها ياخي يا (ص) يعني موظف صهيوني

[ابو علا]

أبوعلا والله حاكيها حك شديد ..
أعتقد أنه حتى لما نجي نكتب عن رسولنا الكريم محمد صلى الله عليه وسلم يجب ان نكتب (صلى الله عليه وسلم ) كاملة ولا نختصرها في الحرف (ص) فقط ..
ماحاكيها اخ ايمن لكن بمجرد قراءتي الموضوع ومش انا بس ممكن الجميع وانت من ضمنهم ؛ يسوقك الى المتحدث عنه لانها عادة ماتنسب اليه عليه افضل الصلاة والتسليم .
عشان كدا من الاحسن ان يكون اللعب بالالفاظ بعيد عن دائرة الوقوع في هذه المناطق . كما ان المرور على المنتديات جامع جميع الفئات عمرا وفهما .

[هيثم عبدالعال]

كانت المفاجأة هي الثبات و السخرية التي قابل بها (ص) طلب الإفصاح عن ثرواته وممتلكاته مجيباً بأن هذه الدفاتر ستنوء بحمل تفاصيلها ولابد من السعي في طلب مزيد دفاتر .. وهو يعلم أن ممتلكاته التي يفاخر بها لن تتجاوز مساحتها في تلك الدفاتر أقل من سنتمتر واحد فهي لا تعدو سيارة عتيقة تقف أكثر مما تتحرك وهي حصيلة غربة قصيرة قطعها إرتباطه بهذه الأرض ودونهم سجلاتهم الرسمية .. سكت كبيرهم وعاد من حيث أتى يجرجر أذيال الخيبة ورغبة الإنتقام من تلك السخرية ، فكان أن فكر وقرر ثم أصدر .. يحال للصالح العام .
هلل حسن وكبر ولأكون صادقاً لا أدري إن كان صحب ذلك برفع سبابته أم لا .. كيف لا يفرح وهو يجد نفسه صباح يوم يحقق حلماً طال إنتظاره وها هو يجلس على كرسي لم يلحظ من شدة فرحته أنه يبدو فيه كما يبدو طفل صغير يغوص في مقعد شاحنة ويمسك بمقودها فلا هو يرى الشارع ولا من بالشارع يروه
نواصل .

[هيثم عبدالعال]

(حسن) هذا يا سادتي لم يطل به الزمن في مقعد الشاحنة لأن مكافأته كان مؤقته ولأنه لم يتقن طريقة رفع سبابته وهو يردد التيمه ، وهاهو الآن يجلس على مقعد يناسب حجمه ، سيارة أجرة يجوب بها طرقات المدينة متلفتاً يمنة ويسره مستجدياً إشارة راكب ينقده بعدها ما يكفي لوجبة ليست كوجبة الإفطار تلك التي لا زال طعمها في فمه .
ولما كان لابد من التعريف بمآل شخوص الحكاية فإن كبيرهم وصاحب اللجنة والدفاتر أصبحت جثته وجبة دسمة للجوارح والمفترس من الحيوانات في زمن ما ومكان ما .
ولازال (ص) نقي السيرة والسريرة يلتف حوله أصدقاؤه ومعارفه ويضحك ملء شدقيه ويأكل أطيب الطعام ولا تنغص على سعادته أي نغائص

ملحوظة :
هذه القصة تمت للواقع بصله والتشابه في الأسماء مع أشخاص حقيقيين إن صدف ليس من خيال الكاتب


.

[انور النور محمد]

وما اجمل ان يكون الانسان صافي السيرة عذب السريرة (ص) مثال للنشامى من ابناء بلادي الولودة حسن له ما كسبت يديه

كنت مستمتع جدا بالسرد القصصي وكنت ارجو ان تطول الحلقات بالحبكة الدرامية وشحن السيناريو بالتفاصيل التي تعطي بعدا حيويا في بنا القصة

كسبنا كاتب قصة ننتظر ان نراه في الثقافي يزاحم الامكنة

شكرا هيثم

[ايمن عبد الله]

اقول :: انت الحاكيها شديد
اقول ::: هيثم ده قاصدك انت عديل افهمها ياخي يا (ص) يعني موظف صهيوني

ظريف ..
:p :p

[ايمن عبد الله]

ماحاكيها اخ ايمن لكن بمجرد قراءتي الموضوع ومش انا بس ممكن الجميع وانت من ضمنهم ؛ يسوقك الى المتحدث عنه لانها عادة ماتنسب اليه عليه افضل الصلاة والتسليم .
عشان كدا من الاحسن ان يكون اللعب بالالفاظ بعيد عن دائرة الوقوع في هذه المناطق . كما ان المرور على المنتديات جامع جميع الفئات عمرا وفهما .



تسلم ابو علا
وجزاكم الله خيراً ..

[بنت الرفاعي]

ملحوظة :
هذه القصة تمت للواقع بصله والتشابه في الأسماء مع أشخاص حقيقيين إن صدف ليس من خيال الكاتب


.



:):):)
:):)
:)

..........
.......
....
..
.

لك التحية مع الشكر والتقدير أخي هيثم.

:):):)






:):):)

[ايمن عبد الله]

(حسن) هذا يا سادتي لم يطل به الزمن في مقعد الشاحنة لأن مكافأته كان مؤقته ولأنه لم يتقن طريقة رفع سبابته وهو يردد التيمه ، وهاهو الآن يجلس على مقعد يناسب حجمه ، سيارة أجرة يجوب بها طرقات المدينة متلفتاً يمنة ويسره مستجدياً إشارة راكب ينقده بعدها ما يكفي لوجبة ليست كوجبة الإفطار تلك التي لا زال طعمها في فمه .
ولما كان لابد من التعريف بمآل شخوص الحكاية فإن كبيرهم وصاحب اللجنة والدفاتر أصبحت جثته وجبة دسمة للجوارح والمفترس من الحيوانات في زمن ما ومكان ما .
ولازال (ص) نقي السيرة والسريرة يلتف حوله أصدقاؤه ومعارفه ويضحك ملء شدقيه ويأكل أطيب الطعام ولا تنغص على سعادته أي نغائص

ملحوظة :
هذه القصة تمت للواقع بصله والتشابه في الأسماء مع أشخاص حقيقيين إن صدف ليس من خيال الكاتب


.

أجل من خيال من عزيزنا هيثم ؟

[هيثم عبدالعال]

وما اجمل ان يكون الانسان صافي السيرة عذب السريرة (ص) مثال للنشامى من ابناء بلادي الولودة حسن له ما كسبت يديه

كنت مستمتع جدا بالسرد القصصي وكنت ارجو ان تطول الحلقات بالحبكة الدرامية وشحن السيناريو بالتفاصيل التي تعطي بعدا حيويا في بنا القصة

كسبنا كاتب قصة ننتظر ان نراه في الثقافي يزاحم الامكنة

شكرا هيثم

شكراً أنور للمتابعه والإطراء

لست سوى ناقل لواقع مع بعض التدخل فمعذرة إن أخفقت في إستيفاء المقومات التي أوردتها في مداخلتك

[هيثم عبدالعال]

ظريف ..
:p :p

قصدك قرد يعني !!!!

يا زول هوي روبش ده أنا ما برضى فيهو

[هيثم عبدالعال]

:):):)
:):)
:)

..........
.......
....
..
.

لك التحية مع الشكر والتقدير أخي هيثم.

:):):)






:):):)





بت الرفاعي

شكراً ليك .... بس ما وريتينا رأيك شنو في حسن

[هيثم عبدالعال]

أجل من خيال من عزيزنا هيثم ؟


خيال شنو ياخ

واقع واقع

ما شايف العنوان

[مدنيّة]

"خبير" واديب كمان!!
ماشاء الله
وعينا باردة

----
صالح خاص دا اخو صالح عام ولا تشابه صوالح! ):
------
شكرا هيثم

[بنت الرفاعي]

بت الرفاعي

شكراً ليك .... بس ما وريتينا رأيك شنو في حسن


:):):)

عفواً..:o
..........
.......
إذا كان (خلّى) باله في عمله،
وشغل نفسه بتطويرها للتقدم وإرتقاء درجات أعلى،
وحسّن نواياه مع الآخرين
وما (عاين) للذي لدى غيره بتلك الطريقة،
كان يكون أفضل له،
وإن شاء الله ما يبتلينا ونكون في يوم ما نفسه أو في مكانه (حسن).

كل التقدير والإحترام لك.

:):):)

[هيثم عبدالعال]

"خبير" واديب كمان!!
ماشاء الله
وعينا باردة

----
صالح خاص دا اخو صالح عام ولا تشابه صوالح! ):
------
شكرا هيثم

مستشار ياخ مستشار قالوا بقت أغلى من خبير


والله عليكم حركات حتى مصطلحاتكم بقيتوا تعملوا رايحين منها
طيب نحتسبها

[هيثم عبدالعال]

:):):)

عفواً..:o
..........
.......
إذا كان (خلّى) باله في عمله،
وشغل نفسه بتطويرها للتقدم وإرتقاء درجات أعلى،
وحسّن نواياه مع الآخرين
وما (عاين) للذي لدى غيره بتلك الطريقة،
كان يكون أفضل له،
وإن شاء الله ما يبتلينا ونكون في يوم ما نفسه أو في مكانه (حسن).

كل التقدير والإحترام لك.

:):):)



بتنا وبت الرفاعي

نقول آمين

يعني لازم سؤال تعسفي حتى تدلي بدلوك

[ايمن عبد الله]

مستشار ياخ مستشار قالوا بقت أغلى من خبير
والله عليكم حركات حتى مصطلحاتكم بقيتوا تعملوا رايحين منها
طيب نحتسبها

نحتسبها دي ذاتا حقتنا .. شأنها شأن تمكنا وأخوك في الله ان شاء الله ..

[هيثم عبدالعال]

نحتسبها دي ذاتا حقتنا .. شأنها شأن تمكنا وأخوك في الله ان شاء الله ..

والله فكرة رأيك شنو نعمل قاموس زي بتاع عون الشريف قاسم ونسميهو قاموس اللهجة الك..... وندعموا بالصور المصاحبة لكل مصطلح عشان ما يدقسوا زي حسن

[روبش]

اقول ::: يا هيثم الدقس منو حسن ولا نزار حسن

[الامين عبدالقادر]

نحتسبها دي ذاتا حقتنا .. شأنها شأن تمكنا وأخوك في الله ان شاء الله ..

والحبيب حقت منو ياحبيب

[بنت الرفاعي]

بتنا وبت الرفاعي

نقول آمين

يعني لازم سؤال تعسفي حتى تدلي بدلوك




:):):)

شُكراً:).

.......
.....
...
..
.
:o:o:o

:):):)

[هيثم عبدالعال]

اقول ::: يا هيثم الدقس منو حسن ولا نزار حسن

قلنا حسن حسوووووووووووووووووووووووووووووون ما عرف الأصبع برفعوهو كيف مع الله أكبر

[هيثم عبدالعال]

والحبيب حقت منو ياحبيب

الحبيب النسيب ولا الحبيب بس ؟ بنسأل عشان الإختصاص وكده

[Isam Hussien H]

هيثم سلام ..

عارف في ثقافة إسمها ثقافة إلغاء الآخر عند التمكن من السلطة يتفوق فيها زمرة الإنتهازيين حد الثمالة ،، لا وازع ديني ولا أخلاقي .. وفي الآخر ترى مطبلين ومطلقي بخور وهم الأسوأ .. لكن إن الله يمهل ولا يُهمل .. وستجدهم عندها يلبسون ثوب المسكنة وتقبيل الأرجل .. فلكل مرحلة ثقافتها ومنهجها .. فلن تراهم بعيدين من مناطق السلطة فحولها يدورون حاملين المباخر .. وياريت تكون هذه القصة عظة لمن أراد ..

[نزار حسن محمد]

اقول ::: يا هيثم الدقس منو حسن ولا نزار حسن

سلام
تعرف ياروبش
علمونا زماااان بان الرجال أنواع فيهم
رجل يقول للأعور أنت اعور فى عينه
ورجل يتواره خلف عمامته
ولايستطيع أن يقول تلت التلاته كم
ولو زوجته قالت للغنم تاااك
تجده جارى امام الغنم ويقول لزوجته نعم ناديتنى
ورجل يعشق القيل والقال والمد يده حرقتني
ورجل راقد مديدة تجى ترفعوا يجر كرعينو بالوا طه
أقول : ياخى خلى هيثم ينداح ما تشغلوو ثمح
انا والله مشغول اليومين ديل لمن أفضى بحيكم برواقه

[هيثم عبدالعال]

:):):)

شُكراً:).

.......
.....
...
..
.
:o:o:o

:):):)



عفواً



مع وشوش كتييييييره عامله كيف كيف ما عارف

[هيثم عبدالعال]

هيثم سلام ..

عارف في ثقافة إسمها ثقافة إلغاء الآخر عند التمكن من السلطة يتفوق فيها زمرة الإنتهازيين حد الثمالة ،، لا وازع ديني ولا أخلاقي .. وفي الآخر ترى مطبلين ومطلقي بخور وهم الأسوأ .. لكن إن الله يمهل ولا يُهمل .. وستجدهم عندها يلبسون ثوب المسكنة وتقبيل الأرجل .. فلكل مرحلة ثقافتها ومنهجها .. فلن تراهم بعيدين من مناطق السلطة فحولها يدورون حاملين المباخر .. وياريت تكون هذه القصة عظة لمن أراد ..

وعليكم السلام يا عصام

تعرف ياهم جنس البحومو حوالين أهل السلطة لإغتنام الفرصة لتحقيق مآرب ومصالح خاصة ويحلو لهم المقام تحت الأقدام لاسيما إذا وجدوا بيئة مناسبة كما وجد حسن ناسين أن لكل بداية نهاية وأن كل سلطان لابد إلى زوال وإن طال الزمن

[هيثم عبدالعال]

سلام
تعرف ياروبش
علمونا زماااان بان الرجال أنواع فيهم
رجل يقول للأعور أنت اعور فى عينه
ورجل يتواره خلف عمامته
ولايستطيع أن يقول تلت التلاته كم
ولو زوجته قالت للغنم تاااك
تجده جارى امام الغنم ويقول لزوجته نعم ناديتنى
ورجل يعشق القيل والقال والمد يده حرقتني
ورجل راقد مديدة تجى ترفعوا يجر كرعينو بالوا طه
أقول : ياخى خلى هيثم ينداح ما تشغلوو ثمح
انا والله مشغول اليومين ديل لمن أفضى بحيكم برواقه

سلام يا أبو النيز

أول بالتبادي (عدلت شنو ) أها شفت الفتن !
ياخي روبش ده عارف والله عارف أنا قاصد شنو بس داير يستخدمك وسيلة للإنحراف بالبوست لكن يلقاها عند الغافل
بس كل ما تلم فيهو في ملف أديهو من جنس البضاعه دي بتاعت الأعور و الغنم والعمامه حتى يرعوي ولو ما إرعوى كلم ليهو رضا ينجمو

[رضا حسن محمد]

سلام يا أبو النيز

أول بالتبادي (عدلت شنو ) أها شفت الفتن !
ياخي روبش ده عارف والله عارف أنا قاصد شنو بس داير يستخدمك وسيلة للإنحراف بالبوست لكن يلقاها عند الغافل
بس كل ما تلم فيهو في ملف أديهو من جنس البضاعه دي بتاعت الأعور و الغنم والعمامه حتى يرعوي ولو ما إرعوى كلم ليهو رضا ينجمو
سلا م هيثومى
مشتاقين
يا اخوى رضا حسن الدخلو شنو
بعدين روبش هلالابى عظيم ما بنجمو ، ينجمو يعنى يكتبو ؟

[هيثم عبدالعال]

سلا م هيثومى
مشتاقين
يا اخوى رضا حسن الدخلو شنو
بعدين روبش هلالابى عظيم ما بنجمو ، ينجمو يعنى يكتبو ؟



قبل السلام

بسم الله .... إنت في الإمارات ولا شنو

ثم وعليكم السلام أستاذ رضا

عشان نزار ما شكال زيك وإنت صاحب سوابق :cool:

هسه بيني وبينك لو نويت عليهو ما بتتغابي قصة هلالابي دي

الظاهر روبش حينجح في الإنحراف بالبوست بالله خلونا نركز مع حسن الزول ده أنا مغبون منو من 92

[رضا حسن محمد]

قبل السلام

بسم الله .... إنت في الإمارات ولا شنو

ثم وعليكم السلام أستاذ رضا

عشان نزار ما شكال زيك وإنت صاحب سوابق :cool:

هسه بيني وبينك لو نويت عليهو ما بتتغابي قصة هلالابي دي

الظاهر روبش حينجح في الإنحراف بالبوست بالله خلونا نركز مع حسن الزول ده أنا مغبون منو من 92
يا هيثومى
انا فى جدة عاوز ترحلنى؟ انت بتاع سوابق فى الحتة دى ، ههههههههههه
انت بتلقو الزمن للحاجات دى وين
فاضييييين الله يغطيكم

[ايمن عبد الله]

قلنا حسن حسوووووووووووووووووووووووووووووون ما عرف الأصبع برفعوهو كيف مع الله أكبر

حتى رفعة الاصبع في ليها طريقتين ..!
انت قاصد ياتا ؟
في واحدة الله اكبر ولله الحمد..

وفي الله اكبر والا عزة الا بالجهاد .. وفي برضو الله اكبر بشكل متواصل ..!
وكل واحدة ليها اصبع معين ..

انت معانا ولا مع الخيانة ؟

[نزار حسن محمد]

هى لله ..هى لله..
لاثروه ولا للجاه
وامريكا ورسيا
قد دنا عذابها
وناس مدنى ديل
لازم يلحقوا امات طه
وبعدم ناس عطبره
وبى كده سيظل حسن
دخل الحكومة
رضينا كان ابينا

[ايمن عبد الله]

نزار انت راسك ده ماحلو ولا شنو ؟

[نزار حسن محمد]

نزار انت راسك ده ماحلو ولا شنو ؟

ههههههههههههههههههههههههههههههههههههههههههه
وحاة الله يا ايمن ناس المكتب قالوا نزار جنه وفقد المحنه
قربت اقع على وشى الله اجازى محنك
يازول اتخارج من هنا سعادة المستشار قال البوست جادى