البقبقة وتضخيم الذات وهو إرتداد لنقص ما

[مرتضى يوسف العركي]

البقبقة وتضخيم الذات وهو إرتداد لنقص ما ....
يذكرني الأمر بزميل ضئيل في فصل دراسي ما غير مثير للإهتمام لا يذكره أحد برغم مزاملته لبعضهم إمتدت سنينا
عددا لا يحفل به أحد إن غاب أو حضر أو خرج ففي كل المرات لم يسأل عنه أحد ...
سارت الأيام بذلك الفصل وشق منسوبيه دروب الحياة نجاحات وبعضهم أدرك نصيبا له في العمل
العام فأضحوا أسماء لا تخطئها عين كحقيقة واقعة لا جدال فيها .
وظل صاحبنا في إنزوائه المعهود كما حفل به كتاب الأناشيد المدرسية
نخلة حمقاء كأنها وتد في الأرض أو حجر
كيفما وهو مثلها لم يسخو بما تسخو به الحياة
بمسعاه الجديد جاهل بالحرص ينتحر .. كيفما وهو يتداعى ما بين إمكانياته الخيرية الجينية الضئيلة
وإستعجالة الأهوج لقبول الآخرين له فأضحى كمسخ مشوه لنكرة بلا عنوان.
فالمدينة لم تعرفه وتعتاده والخير لم يألفه والقبول يخذله كيفما والقبول هبة من الله تعالى يهبها لمن يشاء
ويصرفها عن من يشاء
إستغرق في خياله وتصوراته التي ربما ترفعه عن خلق الله قليلا لينظر إليهم من علِ
يحضرني الفيتوري
بعض عمرك ما لم تعشه
وما لم تمته
ومالم تقله
وما لا يقال
وبعض حقائق عصرك
أنك عصر من الكلمات
وأنك مستغرق في الخيال
تسارعت خطاه في تكوين آنا تعيس له ما ضره أن يحشد له وقته الفارغ وقلمه القاذع وجداله الفاقع الذي
لا يسرالناظرين فسبح بلا حيثيات المعري :
أكرم ضعيفَكَ، والآفـاقُ مجدبـةٌ،ولا تُهِنْهُ، ولـــوْ أعطيتَـه القُوتـا
وجانِبِ الناسَ تأمَنْ سـوءَ فعلِهـمُ، وأن تكونَ لدى الجلاّس ممقوتـا
لا بدّ من أن يذمِّوا كلّ من صحبوا،ولوْ أراهمْ حَصى المِعزاءِ ياقوتـا
وقضِّ وقْتَـــــــكَ بالتّقْـوى، تجـوّزُهُ،حتى تصادِفَ يوماً، فيه،موقوتـا
شمر سواعد جده في أول خطواته المرسومة ليكون معروفا ً مقنعا يلتف الناس حوله ورأي أقصر الطرق لذلك
أن يجادل من سبقه خيراً وسمعةً وقبولاً وحرفية في الود والتداني والتكافل قادحاً فيما قدموا
فتسيد كل أركان النقاش والجاليات والبوستات وما فات عليه ان يقرب زلفى لقامات سامقات مقتحما دروهم وتنظيماتهم
بخطرفه وفوضية وبرغم ذلك أصاب نجاحا قياسيا في فترة زمنية بسيطة
حشد لها من التواجد والإلحاح والملاحقة سلوكاً أجوفاً فتناثرت ترهاته كما عددياً لا كما نوعياً ...
مثبطاً لا حافزاً ....فكان كل الأسماء و المواقف و المساعي
وفي نفس الوقت كان كل الخير والشر والفتنة والهمز واللمز الذي لا مرد له ولا عنه محيد
فسمئه الكثيرون وقد أتخمهم مللاً وجدلاً وتجريحاً وتقزيعاً وتهكماً
الصمت ليس في قاموسه وإحترام الكبير لا يعلمه
وإدب المدينة في قيم مجاملاتها لم يغشاه بعد
مخرجاته ثمة أشعار غيره يستدعيها بلا حاجة في زمن ليس زمانها ووقائع مغايرة ومختلفة عنها
وعندما صمت عنه الجميع حسب أنه مقنعا
لا يشق له غبار ومثله لا يجارى في الحوار وقلماً سنيناً لا قبل للجميع من منافيحه به
كيفما وهو يحفظ من صيغ الترهات و اللغط الاهوج وأشعار الحماس بإبجديات يخطئها و يتأبطها
ما يفوق السلوك الجيني المتأصل والمفترض في رجل الخير الذي يمكن أن يكون أي شخص آخر إلا هو إستثناءً
فأضحى نقطة شهيرة لأوراق مسروقة وصور مقلوبة
فالخير المسكوت عنه والذي يمنح بيمين المرء ما لم تعلم يساره أضحى لديه نهاراً جهاراً وجدلاً وإعلاناً .
والويل والثبور لمن يخالفه رأيا أو من أقعده ظرفا عن دفع ما يحسبه إستحقاق شخصي له ولو بأسم الخير
ما أشبهه بأحد المجادلين الذي ذهب إلى الإمام الشافعي، وقال له (كيف يكون إبليس مخلوقا من النار، ويعذبه الله بالنار؟!ففكر
الإمام الشافعى قليلاً، ثم أحضر قطعة من الطين الجاف، وقذف بها الرجل، فظهرت على وجهه علامات الألم والغضب. فقال
له: هل أوجعتك؟قال: نعم، أوجعتني فقال الشافعي: كيف تكون مخلوقا من الطين ويوجعك الطين؟!فلم يرد الرجل (http://www.hayah.cc/forum/t81921.html)وفهم ما قصده
الإمام الشافعي، وأدرك أن الشيطان كذلك: خلقه الله- تعالى- من نار، وسوف يعذبه بالنار)
ويلتف حول الجميع بحربه المفتعلة في لا باطل أصلا يبرر معاركه الخاسرة
ليعلم بأن هنا صامتون كثيرون تعلمنا منهم حياء الزاهد وشنف المتبتل العابد يخفون كخيول الريح لمساعدة بلا من أو أذى
وبالحق رأيناهم بدون أن يسعوا للغير لمعرفة ما يبذلون كم سعدت أسرة لمجرد مهاتفة مطمئنة منهم ...وجنحوا بلسما مداويا
لأمراة ضاقت بها ظروف الحال ومريضاً هو ضوء أسرته وصبياً أقعدته دراسته وغارماً حبيساً أحالوه طليقاً وكثيراً
مثيراً لا يقال مما نجهله ولا نعلمه حتما محسوب لهم عند الله المتعال .
جل أعمالهم لوجهه الكريم قامت بمشيئتة وتوفيقه...الذي هيأهم بقيم أدب رباني أسبابا تقارب لا إعلانا يباعد وصمتاً نبيلاً لا
جهراً يمانن وإيثارا من مدخرات أسرهم يطبطبون بها جراحات غيرهم ما أدعوا يوما كبرياء يتجاوزون به غيرهم .
الصامتون ليسوا بحجمك في الحوار...والمجادلة والهمز واللمز إن كان لديهم وقتا كوقتك الخالي المتمدد فحتما سيذلونه خيراً
صامتاً وأدباً بقيم المجاملات وإحترام الكبار وتوقير الصغار وكل ذلك حتما لا يحتاج لإعلاناتك الإعلامية الهوجاء التي ربما
تصلح لدنياك فأين منها أخرتك اتساءل أفي خير يجب أن يكون صامتاً؟.... فأين أنت من هولاء الدراويش؟ .

[AHMED GALLOB]

الراجل ده قلت فيهو مالم يقله مالك فى الخمر.
رساله وااااضحه وصريحه.
زعله شديده:d

[مرتضى يوسف العركي]

الراجل ده قلت فيهو مالم يقله مالك فى الخمر.
رساله وااااضحه وصريحه.
زعله شديده:d

شكرا سيدي الكريم على شجاعتكم في التداخل ربما أنك جديد هنا ولا تعلم بما يحفظه لك الرجل بعد هذه المداخلة حتما سيتركني وإستعدل فيك فانصحك بحب بعدم التداخل مرة اخرى فضلا وليس امرا ويعلم الله انا محق فيما ذهبت اليه وعشان تصدقني لاحظ انو الاخوة اعضاء المنتدى لم يتداخلوا بحكمة ولهم حق خوفا من شبك الراجل فيهم اقدر لهم عدم تداخلهم

[مرتضى يوسف العركي]

لي رجاء ايهاالاخوة المشرفين والادارة ارجو ان تسمحوا بتداخل الرجل واعفائه من اي ايقاف لهذاالسجال الحاسم حيث تعلمون بان الرجل تعرض لي كثيرا وللكثير من الاخوة والاخوات الاعضاء وتجاوزته خلال فترة رئاستي للجنة القانونية التي وددت خلالها ان اتفرغ لها وتركته يغرد على هواه وهاهي اعمال اللجنة انتهت وليس لدي ما يشغلني اريد ان ادير معه حوار وسجالا عادلا عله يحسم ما يثيره من جدل اتخمنا به واشبعنا اتهامات قذف ببوستاته الرمزية واعدكم بسجال شريف هادي يرتكن للموضوعية ويمعن في اقرار قيم الحوار بادب وقيم هذه المدينة
شكرا لتعاونكم

[AHMED GALLOB]

شكرا سيدي الكريم على شجاعتكم في التداخل ربما أنك جديد هنا ولا تعلم بما يحفظه لك الرجل بعد هذه المداخلة حتما سيتركني وإستعدل فيك فانصحك بحب بعدم التداخل مرة اخرى فضلا وليس امرا ويعلم الله انا محق فيما ذهبت اليه وعشان تصدقني لاحظ انو الاخوة اعضاء المنتدى لم يتداخلوا بحكمة ولهم حق خوفا من شبك الراجل فيهم اقدر لهم عدم تداخلهم

اعلم تمام من تقصد سيدى الكريم.
ولا خلاف بينى وبينه
مداخلتى لا اعتقد انه فيها شى يزعل لا اذا كان هو كما ذكرت
ارجو من مجلس الاداره السماح للرجل بالتداخل حتى نسمع رايه
واختلاف الراى لايسفد للود قضية

[ايمن عبد الله]

الراجل ده قلت فيهو مالم يقله مالك فى الخمر.
رساله وااااضحه وصريحه.
زعله شديده:d

اللخو جديد هنا ولا شنو ؟

[AHMED GALLOB]

اللخو جديد هنا ولا شنو ؟


كلك نظر يا اخ كتاحه

[هيثم عبدالعال]

كلك نظر يا اخ كتاحه

والله عجبتني يا أحمد

رشو ياخ كرهنا السهر ذاتو

[ايمن عبد الله]

والله عجبتني يا أحمد

رشو ياخ كرهنا السهر ذاتو

هع هع هع
كيفتك وعجبتك مش كده ..

اها خلي انتظر صاحبي داك ..
والله الليلة كان ما خلي ليك اقول اشطبوني اكون ما ايمن

[صابرحسين]

أخي الحبيب الأستاذ / مرتضى العركي
تحية وتقدير

عهدناك دوماً أن يسبق حلمك غضبك وأنت في عنفوان الشباب حيث السلطة والعسكرية ، الرجل موقوف وإعادته للمنتدى من أجل الرد طلب مستحيل تنفيذه ، وأنت لا تحتاج لمثل هذا البوست والكل يعرف من أنت ، وما أنجزتموه أخيراً كلجنة قانونية يحتاج لكثير من العفو والغفران ونسيان مرارات الماضي من الجميع حتى يتم ترجمته لواقع وكمطلب للقاعدة العريضة لأعضاء هذا المكان الذي نحبه ، الكلمة أمانة ويجب أن نحفظها ونصونها من أجل قيم كثيرة جمعتنا في هذا المكان ..........

تحياتي وتقديري

[هيثم عبدالعال]

أخي الحبيب الأستاذ / مرتضى العركي
تحية وتقدير

عهدناك دوماً أن يسبق حلمك غضبك وأنت في عنفوان الشباب حيث السلطة والعسكرية ، الرجل موقوف وإعادته للمنتدى من أجل الرد طلب مستحيل تنفيذه ، وأنت لا تحتاج لمثل هذا البوست والكل يعرف من أنت ، وما أنجزتموه أخيراً كلجنة قانونية يحتاج لكثير من العفو والغفران ونسيان مرارات الماضي من الجميع حتى يتم ترجمته لواقع وكمطلب للقاعدة العريضة لأعضاء هذا المكان الذي نحبه ، الكلمة أمانة ويجب أن نحفظها ونصونها من أجل قيم كثيرة جمعتنا في هذا المكان ..........

تحياتي وتقديري

معك أخي صابر في كل ما ذكرت

سبق أن طالبت الأخ العزيز مرتضى أن يكف وهنا أطالبه ثانية أن يتجاوز لأجل أن نمضي إلى الأمام

وإن لم يستجب سنعمل على الإنحراف بالبوست بكل ما أوتينا من سهر أنا وأخوي الكاشف أقصد أيمن هواء

[أم سماح]

مرتضى يوسف العركى
متعك الله بالصحة والعافية
ومن أمثالنا : من كثرة عقولنا الناس ما عرفوا أصولنا
أدام الله عليك نعمة الفهم والحكمة

[ايمن عبد الله]

أخي الحبيب الأستاذ / مرتضى العركي
تحية وتقدير

عهدناك دوماً أن يسبق حلمك غضبك وأنت في عنفوان الشباب حيث السلطة والعسكرية ، الرجل موقوف وإعادته للمنتدى من أجل الرد طلب مستحيل تنفيذه ، وأنت لا تحتاج لمثل هذا البوست والكل يعرف من أنت ، وما أنجزتموه أخيراً كلجنة قانونية يحتاج لكثير من العفو والغفران ونسيان مرارات الماضي من الجميع حتى يتم ترجمته لواقع وكمطلب للقاعدة العريضة لأعضاء هذا المكان الذي نحبه ، الكلمة أمانة ويجب أن نحفظها ونصونها من أجل قيم كثيرة جمعتنا في هذا المكان ..........

تحياتي وتقديري

كلام عين العقل يا استاذ صابر ..
ومفروض الناس تمشي لي قدام وننسى الماضي واحزانه ..

[ايمن عبد الله]

معك أخي صابر في كل ما ذكرت

سبق أن طالبت الأخ العزيز مرتضى أن يكف وهنا أطالبه ثانية أن يتجاوز لأجل أن نمضي إلى الأمام

وإن لم يستجب سنعمل على الإنحراف بالبوست بكل ما أوتينا من سهر أنا وأخوي الكاشف أقصد أيمن هواء

تسلم اخي العزيز هيثم .

ومن هنا :
اقول . سنظل نراقب ونراقب ما يؤدي اليه هذا البوست ..
وان لحظنا مجرد ملاحظة ان البوست به (لكلكة) اي كان نوعها
سنأتي بالضلع الثالث مطاميرو وننحرف وننحرف
وندين ونشجب ونحتفظ بحق الرد ونتأسف كذلك ان طالب احد بحصارنا اقتصادياً وجوياً وكل أشكال الحصار ..
ويا هيثم ماتخاف انحرف فنحن منحرفون ..
والله اكبر والعزة للسودان ..

[صابرحسين]

الأخوة الأحباب هيثم وأيمن نسيان مرارت الماضي هو المفتاح السحري لإفساح المجال للإبداع وللأخوة الصادقة وتحقيق أهداف المنتدى ، ضغوط العمل والزنقة الفيها أنا الآن في إنتظار تشريف المدير وصيحات الأبناء مع بدء الإجازة لا تسمح لنا بتقبل مثل هذه الصراعات ، والشي المدهش فيها عبارات أدبية وفن في الصياغة وتورية تجعل الكثيرين في توهان هههههههه شفته الإنحراف دا كيف ، أنا مرات كثيرة أدخل أقراء القصائد واللوحات الأدبية وأشتت .......
لكن بعد دا إلا تصحوا ود المطامير .......
تحياتي وتقديري
وبكره أحلى

[ايمن عبد الله]

الأخوة الأحباب هيثم وأيمن نسيان مرارت الماضي هو المفتاح السحري لإفساح المجال للإبداع وللأخوة الصادقة وتحقيق أهداف المنتدى ، ضغوط العمل والزنقة الفيها أنا الآن في إنتظار تشريف المدير وصيحات الأبناء مع بدء الإجازة لا تسمح لنا بتقبل مثل هذه الصراعات ، والشي المدهش فيها عبارات أدبية وفن في الصياغة وتورية تجعل الكثيرين في توهان هههههههه شفته الإنحراف دا كيف ، أنا مرات كثيرة أدخل أقراء القصائد واللوحات الأدبية وأشتت .......
لكن بعد دا إلا تصحوا ود المطامير .......
تحياتي وتقديري
وبكره أحلى

والله يا صابر ياخ كلامك جميل ..
لكن هسة الزنقة دي كيف عليك الله ..
ما بين الكلام الحلو والتوريه والضرب البي الدس
والمدير العام القاعد ليك ده

لكن كان علي مطرة امره هين ..
بس اسخن بس !!
وزي التناقض ده موجود كثير
بس انت راجع وح تشوف !!

[أم سماح]

قالوا زمان الصيادين كانوا بصطادوا بالكلاب .. وفى صياد حنييين من تطهر الصيدة يفك كلبه وراها ويردد يا لحاق بعيد يا لحاق بعيد
يا لحاق بعيد ولما يقرب الكلب خلاص يقبض الصيدة يحن الصياد ويردد يا ساتر أستر يا ساتر أسترويبعد الكلب من الصيدة .. وهكذا
الى أن تغيب الشمس وياتى الصياد بدون صيد .
البوست ده شكله حيأخذ سياسة يا ساتر ويا لحاق بعيد

[ابراهيم عطية بابكر]

الاخ الكريم مرتضي يوسف العركي

لم اعهد فيك ان اراك ممتعضا الاخ الكريم المطلوب منا في منتدي ام المدائن ان نوطن انفسنا بالمزيد من الحب والتقدير والاحترام لبعضنا البعض وأن يكون أدب الإختلاف في الرأي كما يقولون لايفسد للود قضية وان يكون شعارنا دوما ادب المسامحة والإعتذار وقبول الاعتذار مهما كان حجم الإختلاف.. ونسأل الله ان يديم علينا وعليكم نعمه التسامح *** ولك دوما مودتنا واحترامنا

[بدر الدين احمد الطائف]

تحياتى لود العركى ولكل الاحباب
لم اكن اود التداخل فى هذا اابوست لانه من الواضح انه كتب نتيجة انفعال وغضب.
وكتاباته لا تشبه مرتضى العركى ولم نعهد من ذلك
و البوست الغرض منه تصفيه حسابات شخصيه
لاتسمن ولاتغنى من جوع
فى وقت الناس محتاجه فيه لشوية هدوء حتى تستقر الامور
العزيز مرتضى بما انك تعلم بان الشخص المعنى بالبوست موقوف
والاخ صابرحسين يعلم تمام العلم بان من المستحيل عودته الان للدفاع عن نفسه
فما هو الغرض من فتح هذا البوست وما الفائده من بقاءه اصلا

[عباس الدسيس]

سلام صاحب البوست
نمشي علي هدي ود عبدالعال ... وايمن هواء
البوست كلو عاجبني فيهو التسمية ((بقبقه)) غايتو قريبه من طملة والبعيده منها توتو ماده البوست ناقص اتنين عشان نسالم من معني بقبقة واحد الحنكوش الكبير المهندس صلاح السعيد ود الحي البريطاني ربنا ارد غربتو ماسك ليهو مباني خارج الرياض والتاني انشاءالله اشوف الحاصل واخش لينا ود حي الموظفين ناس مشروع الجزيرة استاذ رضا ((أحي أنا من ناس ديل)) الجماعه ديل زمان الدباغة والعشير بحكو ليهم بها حكو.
نسينا اولاد بانت تصدقو العقاد حنكوش .... اي والله.
البقبقة هي:
1/ صوت الماء عند نزوله في القلة
2/ صوت فقع الماء أثناء غليانها
3/ صوت الماء يدخل الكوز ........... الاخيره ظريفه
البقبقه اسم جميل ما عارف عركي نكتو من وين ولو ما اخاف الكذب اقول عركي جاء فريق الطملة بالغلط الزول ذاتو فيهو ريحه حنكشه لو قلنا ليهو اقراء العنوان بتاعك عشرة مرات حسي اقول ليك جاني وجع حلق ذي نكتت الحنكوش مع اسم يعقوب ... من النكات الناس البتشوفا بايخه وحكمة ربنا بضحكني نكتت :
حنكوش سألوه عن موقف بطولي حصل ليه
قال:مرة انا وهدى اختي والجكس بتاعها لقينا لينا غنماية في الشارع ولا جرينا منها.
يا حليل زمن السودان الكان فيهو حناكيش حسي الناس كلها اصبحت مدروشه ويا حليل زمن ناس سستر كول وقت طلعو مظاهره:

قالوا بنات سستر اسكول طلعوا مظاهرات فى شارع النيل
وكانت هتافاتهم
مافيش زيتون ما فيش جبنه أونكل عمر ما عاجبنا.
قول ليهم بعد ده والله تاكلو نيم مع سياسات التعليم العالي.
نرجع لي البقبقه:
العارف بالله الشريف يوسف الهندي زمن الخواجات واحد من الخواجات ادهو هدية بطارية بتشتغل بي حجار امكن تكون اول بطاريه تدخل السودان زمن اللمبه والرتينه ما إجي واحد اقول لي الرتينه شنو!!!!.
مدينة بري كانت تعتبر ضواحي الخرطوم الشريف بكون نايم بره في السهله والحيران نايمين بعيد منو.
ونوم السهله ممكن تكون نايم تجي غنماية تكرش ضهرا في العنقريب تصحيك من النوم عشان كده الناس كانت بتتكل معاها عصا تحاحي بيها الغنم مرات ممكن كلب ادخل تحت العنقريب اديك ((قله )) لي فوق.
قالو الشريف كلو ما اسمع ليهو او يشعر بحركه غريبه بولع البطاريه والحيران نايمين بعيد منو والبطاريه جديده مستغربين فيها كلو ما اولع البطاريه الحيران اكوركو ((سيدي ولع .... سيدي بقه... سيدي ولع .... سيدي بقه...)) لانامو لا خلو الشريف انوم لا خلو الغنم تنكرش.((الجماعه قايلنها من الكرامات))
ممكن برضو نقول بالعاميه بقه قريبه من بقبقه وتطلق علي بقبقة اللمبه اي كما تقال للمبه عند ما تلفحها نسمة هواء وتاثر علي اضائتها في الانخفاض والتعليه بصوت بق بق بق وتسمي بقبقة اللمبه ((المقصود لمبة الجازلين بالقيطان))

[ايمن عبد الله]

شكيت محنك يا الدسيس ..
لكن تمام كده انت منحرف تماماً


وخليك على الهواء وراقب معانا !!

[عبدالله محمد العقاد]

سلام صاحب البوست
نمشي علي هدي ود عبدالعال ... وايمن هواء

نسينا اولاد بانت تصدقو العقاد حنكوش .... اي والله.




هههههههههههههههها والله يا عبس اول حاجه سالت منها في بيت النمل قلت ليهم بس النفهم البقبقه معناها شنو ، ما يكون اولاد مربع 11 عايزين يعقدونا . و جا في بالي شكلها كده حاجه عندها علاقه بناس عباس الدسيس في الدباغه .

حنكوش آخر : جارنا سالتو من صاحب آخر لنا وين اتوظف قال لي توظف في مدينه اسمها كده زي الدش ( قاصد غبيش )

[مرتضى يوسف العركي]

الإخوة المتداخلون الكرام
شكرا لتداخلكم المسالة آمل أن لا يفهمها البعض تصفية حسابات شخصية فقط المسالة مسألة سجال لمعالجة مشكلة مستعصية عامة يدور رحاها في هذاالمنتدى وغيره لا تتوقف عند شخصي فقط فالرجل نال من الجميع هنا وبي عتب على بعض المداخلات التي تفضل بها بعض الأعضاء هم بلا شك محل إحترامي .... لن اسلك مسلكه في تضخيم الانا سائلا الله أن يعينني فيها وما التوفيق إلا من عنده
الرجل له أكثر من ثلاثة أشهر بالتمام والكمال يسيء لشخصي ولم يتداخل معه أحد ليوقفه أو حتى يثنية عن المضي والإستمرار في مسلكه السالب ربما هناك عذر لمجلس المشرفين الذي ربما قدر الفترة الحرجة لأعمال اللجنة القانونية ولم يتدخل في تطبيق النظام وتعلمون مدى إحتمالي وتشبثي بالحكمة والصبر والإحتساب حتى حسبه الكثيرون هنا وكذلك الرجل جبنا مني في مواجهته وأصبح الرجل كما فتوه زمانه بما يملك من وقت وقابلية للإساءة والتناول الشخصي والفتن بإسلوب قاذع وغل وللد وترصد فاضح والذي لا يحتاج إلى تمحيص وتدقيق فقط نظرة عامة لبوستاته المتعلقة ببالسقوط وأوراق التوت ومستشاري الرئيس والانتهازين والجرزان والفئران والبوليس و العسس الخ .....وكثير مثير منه يعلمه الداني والقاصي معه لمجرد إختلاف معه فيما يراه وبالتالي أضحت مواجهته مخاطرة لا يحمد عقباها في الشبكة معه لايوق نعم لايوق يفوق وصف الممكن والمعقول فحدثته نفسه بأن يتجبر ويتكبر ويضخم ذاته ببقبقة فوضوية لا ترتكن لحق او باطل لا يرى شيئا إلا ويعيبه أو يهدمه او ينال منه بدون وجه حق يتناول الخصوصية ويبذر الفتن فيما بين الاعضاء سواء بالبوستات أو الرسائل الخاصة أو الهواتف وأملك كثير من البنات والشهود على إدعاءاته الباطلة وإشانته لسمعة الناس ومن ضمنهم شخصي البسيط لا أتطلع لمعاقبته فهذا ما لا أملك ما أملكه فقط هو مقارعته بالحجة والمنطق والوجدان السليم بروح الأدب والاخلاق وقيم هذه المدينة خالص إعتذاري إن اخطأت بحق أحدكم فليسماحني وما التوفيق إلا من عند الله

همسة افتلوا البوست ذي ما دايرين لكني داير اكون لايوق زيو

[ايمن عبد الله]

همسة افتلوا البوست ذي ما دايرين لكني داير اكون لايوق زيو

هوووي يا هيثم وعباس الدسيس اسمعو البيان ده .. حبيبنا الحلامابي زعل من الكتلة دي عشان كده وقفو الكتل ده .. وخلو البوست يمشي في مجراه الطبيعي .. والا المادة مية وتلتين مع سبق الاصرار بفتحا ليكم !!

[Isam Hussien H]

مرتضى سلام

اسفي أني لم أتابع ما أُثير في أوقات كنت فيها في حالة أنت أعلم بها .. إلا أني أحمدالله كثيراً أني لم أقرأ سطراً وإن سمعت كثيراً من أخوان أعزاء ما كان يُكتب ..

على كل حال هذا المنتدى وغيره أعتبره من أدوات التعلم لمن يرغب في تغيير نفسه إلى الأفضل ،، لا يوجد أحد لا يملك الكلمة القاسية والمعلومة التي من الممكن أن يزعج بها الغير ، إلا أن الأمر لن يجدي على هذا النحو .. فلنجعل من هذا المنتدى قناة لكلمة قد تنفع أو جهود للإضافة ..

لاحظت خلال تواجدي بالسودان خلال إجازتي القسرية الممتدة إلى الشهرين والنصف ،، أن الكل فاتح يديه يريد من إخوانه في الغربة أن يودعهما خير ، وأنا لا أقصد على مستوى الأفراد فهذه علاقات غير ليس مكانها تضافر جهود أو غير ذلك من أدوات .. ولكني أقصد على مستوى المؤسسات الطوعية وكذلك بعض التي كانت أدوات تشغليها من قبل الدولة أو الدخل الذاتي كالأندية والإتحادات الرياضية ..

الهم كبير يا مرتضى وإلغاء الآخر أحد وسائل الضعف في الذات فمن الأنفع ألا ألغي آخر وإنما يأخذني بقوتي وآخذه بقوته لنمد الأيدي لما ينفع ومن الأهمية في إطار الإحترام المتبادل ..

الآن نحن أمام برنامج إفطار الصائم فلننجح في كل الإتجاهات والحمدلله جلسنا مع الأخ عوض الكريم الخواض وتلاقينا من أجل هدف واحد وهو توحيد الجهود ..

أتركك بألف خير ..

[محمد المأمون]

الطملة والوحل الذى بدواخلك القميئة يبنى لك باحقادك ذات فضفاضة من الفقاع

الحراسات الامنية المشددة والمشاهدات منذ خروجى من غوانتامو للموضوع هى للتاريخ لذا لمن فاته العرض الاستعانة بصديق

[ساريه]

اخوانى .......
لا مانع من اداره اى حوار فى ظل الالتزام بالنظام الاساسى والبعد عن المهاترات واتخاذ المنبر لتصفية الحسابات الشخصيه والاساءات والسب ..... وهذا بمثابة لفت نظر للاخوان طرفى الحوار....... نرجو تعديل المشاركات والا سيتم حذف البوست ...

[محمد المأمون]

اخوانى .......
لا مانع من اداره اى حوار فى ظل الالتزام بالنظام الاساسى والبعد عن المهاترات واتخاذ المنبر لتصفية الحسابات الشخصيه والاساءات والسب ..... وهذا بمثابة لفت نظر للاخوان طرفى الحوار....... نرجو تعديل المشاركات والا سيتم حذف البوست ...

تحياتى أختى سارية لن اعود الى اى مربع وستكون حسن النية بيننا جدارا لغد افضل

[ايمن عبد الله]

اخوانى .......
لا مانع من اداره اى حوار فى ظل الالتزام بالنظام الاساسى والبعد عن المهاترات واتخاذ المنبر لتصفية الحسابات الشخصيه والاساءات والسب ..... وهذا بمثابة لفت نظر للاخوان طرفى الحوار....... نرجو تعديل المشاركات والا سيتم حذف البوست ...

شنو لهجة التهديد دي ..
رغم ان الامر لا يخصني الا انني استهجن هذه اللهجة واستنكرها ..
عدلي مشاركتك انتي بدل زرع الالغام في البوست ..

[ايمن عبد الله]

تحياتى أختى سارية لن اعود الى اى مربع وستكون حسن النية بيننا جدارا لغد افضل

كلام جميل يؤسس لقادم احلى ان شاء الله ..
ارجو ان تكتفي بما كتبت بعاليه .. وتفكنا من الامور القديمة دي يا ود المامون ..

[ابو ابراهيم الخالدى]

سلام صاحب البوست
نمشي علي هدي ود عبدالعال ... وايمن هواء
البوست كلو عاجبني فيهو التسمية ((بقبقه)) غايتو قريبه من طملة والبعيده منها توتو ماده البوست ناقص اتنين عشان نسالم من معني بقبقة واحد الحنكوش الكبير المهندس صلاح السعيد ود الحي البريطاني ربنا ارد غربتو ماسك ليهو مباني خارج الرياض والتاني انشاءالله اشوف الحاصل واخش لينا ود حي الموظفين ناس مشروع الجزيرة استاذ رضا ((أحي أنا من ناس ديل)) الجماعه ديل زمان الدباغة والعشير بحكو ليهم بها حكو.
نسينا اولاد بانت تصدقو العقاد حنكوش .... اي والله.
البقبقة هي:
1/ صوت الماء عند نزوله في القلة
2/ صوت فقع الماء أثناء غليانها
3/ صوت الماء يدخل الكوز ........... الاخيره ظريفه
البقبقه اسم جميل ما عارف عركي نكتو من وين ولو ما اخاف الكذب اقول عركي جاء فريق الطملة بالغلط الزول ذاتو فيهو ريحه حنكشه لو قلنا ليهو اقراء العنوان بتاعك عشرة مرات حسي اقول ليك جاني وجع حلق ذي نكتت الحنكوش مع اسم يعقوب ... من النكات الناس البتشوفا بايخه وحكمة ربنا بضحكني نكتت :
حنكوش سألوه عن موقف بطولي حصل ليه
قال:مرة انا وهدى اختي والجكس بتاعها لقينا لينا غنماية في الشارع ولا جرينا منها.
يا حليل زمن السودان الكان فيهو حناكيش حسي الناس كلها اصبحت مدروشه ويا حليل زمن ناس سستر كول وقت طلعو مظاهره:

قالوا بنات سستر اسكول طلعوا مظاهرات فى شارع النيل
وكانت هتافاتهم
مافيش زيتون ما فيش جبنه أونكل عمر ما عاجبنا.
قول ليهم بعد ده والله تاكلو نيم مع سياسات التعليم العالي.
نرجع لي البقبقه:
العارف بالله الشريف يوسف الهندي زمن الخواجات واحد من الخواجات ادهو هدية بطارية بتشتغل بي حجار امكن تكون اول بطاريه تدخل السودان زمن اللمبه والرتينه ما إجي واحد اقول لي الرتينه شنو!!!!.
مدينة بري كانت تعتبر ضواحي الخرطوم الشريف بكون نايم بره في السهله والحيران نايمين بعيد منو.
ونوم السهله ممكن تكون نايم تجي غنماية تكرش ضهرا في العنقريب تصحيك من النوم عشان كده الناس كانت بتتكل معاها عصا تحاحي بيها الغنم مرات ممكن كلب ادخل تحت العنقريب اديك ((قله )) لي فوق.
قالو الشريف كلو ما اسمع ليهو او يشعر بحركه غريبه بولع البطاريه والحيران نايمين بعيد منو والبطاريه جديده مستغربين فيها كلو ما اولع البطاريه الحيران اكوركو ((سيدي ولع .... سيدي بقه... سيدي ولع .... سيدي بقه...)) لانامو لا خلو الشريف انوم لا خلو الغنم تنكرش.((الجماعه قايلنها من الكرامات))
ممكن برضو نقول بالعاميه بقه قريبه من بقبقه وتطلق علي بقبقة اللمبه اي كما تقال للمبه عند ما تلفحها نسمة هواء وتاثر علي اضائتها في الانخفاض والتعليه بصوت بق بق بق وتسمي بقبقة اللمبه ((المقصود لمبة الجازلين بالقيطان))


السلام عليكم جميعا
وياجماعة استهدوا بالله
وختوا الرحمن فى قلبكم
ما عايش التفاصيل وغير مهم

فاصل
ازيك ياود الشريف
يشهد الله ضحكت لمن قلت بس
واتاريه الثعلبة دى وراثة
يا رسول الله
هههههههههههه

[محمد المأمون]

كلام جميل يؤسس لقادم احلى ان شاء الله ..
ارجو ان تكتفي بما كتبت بعاليه .. وتفكنا من الامور القديمة دي يا ود المامون ..

مودتى اخى ايمن مع عتبى عليك فسارية لم تقل الا الحق ودعنا نكون عونا لهم لاعليهم

[ايمن عبد الله]

مودتى اخى ايمن مع عتبى عليك فسارية لم تقل الا الحق ودعنا نكون عونا لهم لاعليهم

لم نقل شيئاً لكن التهديد يثير الأمور ..
خير لها ان تحذفه ولا تهدد بحذفه ..


كتلوك ولا جوك جوك

[بدر الدين احمد الطائف]

اخوانى .......
لا مانع من اداره اى حوار فى ظل الالتزام بالنظام الاساسى والبعد عن المهاترات واتخاذ المنبر لتصفية الحسابات الشخصيه والاساءات والسب ..... وهذا بمثابة لفت نظر للاخوان طرفى الحوار....... نرجو تعديل المشاركات والا سيتم حذف البوست ...
المعيار شنو للكلام ده.

[بدر الدين احمد الطائف]

اللخو جديد هنا ولا شنو ؟



كلك نظر يا اخ كتاحه
اللخو واللخ لاعبين بينا يارى مش كده
ايمن..... يارى دى اسال منها الدسيس كان ما عارفتها
مرحب باللخو احمد ولوعاوز تظهر البس اصفر

[عبدالرحمن مدثر]

زمان كان عندنا واحد بحب السياسه .. لكن ماعندو ليها نفقه

شاءت الصدف انو يرتقى فى المناصب الهمله فى بلدنا دى

ومن كرسى لكرسى لحدى مااصبح رئيس كبير

بس كان مشكلتو انو لغه الخطابه عندو تعبانه شديد


اها
جات الكهرباء للحله

وكان فى مهرجان كبير جاب مسعولين كبار

الكلام دا كان فى الهدى نحن كنا وكتها فى رابطه الطلاب

وبتذكر انو انا كان عندى قصيده تحتفى بجيه الكهرباء بعد ان كنا قد ربطناها بالمستحيل

عدت سنه

نفس الملامح والتفاصيل جات السنه

فرحه الامس المالقت توب يسترها

الليله تتشابا لايد الزمن

مالدنيا عيد

واليوم سعيد

والفرحه زيها زى بنوت الفريق محتاجه للشى البسترها

جات كهرباء

دى الكهرباء اجمل نبأ

خلوها تدخل فى قلوبنا قبل سلوك الاعمده

خلوها نحتفى بوجودها جووه الافئده

اهلا حبابك كهرباء

خشى بجاااى

ولا اقولك

كل البيوت الليله هيلك

كل الشوارع منتظره سيلك

انت اجمل حلم عشناهو نحلم بوصولو

جوه نومنا كنا نحلم

لو صحينا كمان بنحلم

مافى حاااجه الا نحلم

والحلم اصبح حقيقه

والحقيقه هى الاكبر من حلمنا

والحقيقه هى نور

هى البتدينا الحضور

.................

القصيده طويله

اها عمك رئيس اللجنه الشعبيه اتزنق فى شكل الخطاب الحايقدمو

عمك ماناقش ابوالنوم ... من نومو لقى كرسى .. واتحكر

وماشاء الله الحضور انيق ... كم وزير .... ووالى الولايه ... ايييك ديييش تقيل

اها جينا للحظه التاريخيه

بتاعت الخطاااب بتاع عمك

وطبعن لما تغلبك المواجهه امام حشد كبير دى مشكله عويصه خلاس

اها بسم الله مسك عمنا المااااااااايك وبدا حديثه (الملخوخ )

اللخ والى الولايه

اللخ المدير التنفيذى

الخ وزير ال ...........

اللخ ................

اللخ ..................

عمك لخ ليك الجمااااعه كلهم فى خماره واحده

وبدت الضحكات الفطيره تظهر

اممممممك قريبك دا لخ الحكومه كولها ناقص بس القرقريبه والصااااج

والقرقريبه ... قريبه

لحن فريد لعقد الجلاد يحتفى بالمراه الحلم

***

انا بكره نازل لى امتحان كان ماكدى ... كان انتظرت لحدى مانكوجن اللخيناهو سوا باقى ليكم رمضان قرب

وبدور النفس البارد .. والنفوس المطاايبه ... والزريعه :)

ودالطائف لم اللخيتو دا عليك النبى

[ايمن عبد الله]

اللخو واللخ لاعبين بينا يارى مش كده
ايمن..... يارى دى اسال منها الدسيس كان ما عارفتها
مرحب باللخو احمد ولوعاوز تظهر البس اصفر

ليه الدسيس ده قالو ليك ساكن في الدباغة ؟


لكن اللخو كان داير اظهر خلي يعترف بس
بكرة بشتهر

[ايمن عبد الله]

ودالطائف لم اللخيتو دا عليك النبى

آي بالله كلمه يا خرباش

[عباس الدسيس]

اللخو واللخ لاعبين بينا يارى مش كده
ايمن..... يارى دى اسال منها الدسيس كان ما عارفتها
مرحب باللخو احمد ولوعاوز تظهر البس اصفر

لا حولااااااااااا بدرالدين يارى نكتها من وين بعد ده ما باقي ليك كان تجيب الخيط وتتوهط في الواطه ياخ دي العقاد لو كتفتو ما اعرفا.
تعرف يا ايمن لعبة الياري طلعت من قلب الدباغه وترعرت تحت اشجار النيفه وكان هواها افريقي ((ماري بفريق فلاته)) ياخ الدباغه اجمل من الحي اللاتيني بفرنسا.
غايتو انا كلام الخرباش والقصة عن السياسي القالها ما عجبتني اكثر من اعجابي بي توجيه سارية في نص البوست ولغة استعدال الحوار ((زولة خطيرة بجد)) حبيبنا احمد الجديد يا زول ما تشتغل بي كلام الناس دي المنبر علمنا كلنا كيف نتعامل مع الاسافير شلت يمين وشمال ولو الامور ما ظبطتت معاك برنفع لي درجة تانية خاصة الانتخابات جاية كثر مشاركاتك بنخليك في سرج واحد مع ساريه تصرف للناس التوجيهات حسي ما شايف الجماعه خافو كيف وبعد داك اخذ بي نصيحة هيثم رش لينا ايمن رش الجن.

[مرتضى يوسف العركي]

الطملة والوحل الذى بدواخلك القميئة يبنى لك باحقادك ذات فضفاضة من الفقاع

الحراسات الامنية المشددة والمشاهدات منذ خروجى من غوانتامو للموضوع هى للتاريخ لذا لمن فاته العرض الاستعانة بصديق

سبق واطلعت على هذهالمداخلة قبل التعديل المتردد
أولا أسمحوا لي وقبل بداية هذا السجال أن أستغرق قليلا فقد نجح الرجل في يستفز ضعفي فيما لا أملك وجدانيا
بدءا أتقدم بإعتذاري وأسفي الشديد على (تعبير الطملة القمئية )
لأهلي وعشيرتي ولمنبتي ومسقط رأسي الذين افتخر بهم دوما كفرع من أصل ممتد يزين ويهمي سماواتي وتفاصيلي وحيثياتي
أزقة وبيوت وأنسان وعلائق شرفاء بسطاء كادحين ما بين السما ءوالارض والطين
فهم كل متوني وحواشيها يملئون دواخلي المترفة حد الإكتفاء
جغرافيا إنتماء وحنايا أشواق رتعت بلواعج حنين متخم بعتق السنين
ليمه ويا يابا والخالة وكمان العمه هم كلهم أهل لا جيران
اعترف لك وللجميع بأن الطملة قمئية إن كنت تراها بحسابات الفقر المدقع
أزقة لا تعرف شارع أو بيوت أو حيطان
بقدر ما تعرف إنسان وأخيه الإنسان
الشارع كلو أمك وأبوك مسكين الزمن البمر من دونكم
ومعزور الصبح الما صبح على عيونكم كان رحنا في كل الدروب ياهي دروبكم
نحارب الشمس في كسوفكم ونهادن القمرة في خسوفكم فانتم هي
ما اجملها برداء اسمالكم الفقيرة الغالية
ما أشرف عشق الغلابة ولوح قرأن لدى المنشد بنار تقابة
معزور الما بعرف قدركم وقدرتكم
وبيوتكم الضيقة مساحة وفسيحة طيبة
وظروفكم المايلة سعة بقلوبكم التكفي وتوفي
ترحاب المبتسمين برغم الضنى وجور الزمان ومآلات الحال
لا سرقتو لا نهبتوا لا همزتو لا شلتو كلام لا أغتبتو كان حضرتو وكان غبتو
قاعدين صابرين بطهر سترة حال دموع ولفكم الغالية لما أجيكم تسيل
تجري في شلوخ خدودك يا حبوبتي بت حميدة بت الخال
ما محتاجة لمنديل ما فيش خلي الدموع النازلة منك صادقة تسيل وتسيل
هاك قليبي الضميته صغير قشى بيه بدل المنديل
انا مكتول فيك عديل ما عرفتك دنقلاوية ولا نويراوية لا هسة ولا قبيل
بعرف بس الحيطة الواقعة ما بين بيتك وبيتنا
وبعرفك إنك أمنا ونحن أولادك معذور زمن بيطوي
بسيتمتك الما عرفت غير تبروكتكها
وشعرك الابيض مسدول مكوفت ساجد حاضنها
وتيبارك البارد في شتاء الايام و في صيوف العمر
منصوب قدام قصاد الأوضة الورانية
صدقيني يا امي وحاتك لم انتبه يوما الى أن طملتك قمئية
بقدر ما سنا إبتساماتكم بتفرمطت مني كل بواقي التصاوير البشوفها فيكم حلوة حية
بيها إمكن ما بشوف بعيوني بشوف بجواي
أعذريني ما أنتبهت فرد يوم إنك قمئية
ما تزعلي ده وليد غشيم غلطان إمكن زعلان مني وداير إنبذني نبذة قوية
أقول انا كمان غلطان الجاك بسببي والله ما شوية
لو كنت مكاني ما اظن تشبيهك يغشاك ويغشاني
لما يشيلك صوت حنين يغطوك بسماواتهم ولف كتال
وبتروح وسط في زحمة طيبتهم ما تقدر تفرز نفسك من بيناتهم
ضحكك من ضحكهم همسك من همسهم
ولما مسامعك يزورها سؤال
تستسلم في الحال
وتلقاك بتردد قبلهم يسابقوك وتسابقهم
طيبين وتامين ولامين وسالمين بحمد لله رب العالمين
كيفنك حبوبتي السرة تبادرك انا كويسة ومبسوطة كلمني عرست ؟
ياحاجة انا عرست والمرة الاخيرة جبت ليك اولادي ومرتي .
تقاطعك بطيبة انا عارفك ممسوخ بنات الزمن ده كلهم حلوات عرس ساكت
يعني انتو زمنكم ما كنتو حلوات
يا ولدي زمنا والله الواحدة الحلوة إلا القوها في القبة
أستطرد ملء دواخلي السعيدة بها القبة اوربا
تقول لي اوربا بت ناس منو ....................
الطملة بالمحبة والفقر لا زمانك لا فات لا غنايك مات
وين منك منهاتن او هايد بارك
مغشوش المسكين بالقريشات
بغابات الأسمنت وشوارع الأسفلت
مابعرف جمال دواخل ناسك التحت
أنت يا وليد من مدني
وكمان عامل فيها رجل خير . تسيء من تحسب انو فقير
عمل خيرك يطير
أبناء مدني لا يجرؤءن على ذم ذرة من ترابها ناهيك عن حي من أحيائها
لانو ما بعرفو أنت منو
ما بعرفو الفيلا من الكمبو من القطية
بعرفو يحبو بعض ويحبوك ويعاشروك
وكان نقص ملاحك يتموك ويواسوك ويغطوك ما يفضحوك
ويعلموك ما تقول أنا جعلي ولا ادروب ولا دينكا نوك
ما بهمهم ساكن سرايا ولا قابع في راكوبة بقناها
ولو كان بتتكلم عربي ولا ترطن او تتشفتن راندوك
يهمهم انت ود ناس منو
للآسف سألت عنك قالو ما بعرفوك
الطملة كانت الخريجين بأحمد خير المحامي يكفيها إبنها على المساح الذي تغني بلسان حالها فكان وجدان أمة سودانية كاملة أسال امك وابوك وكل البتعرفهم والبعرفوك
كيفما
أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا
فما أسعد الطملة القمئية بأن تحضن بلاك ولا تشتكي
الله يسامحك يا وليد
مداخلتك غيرموفقة نطقت كفرا في المواطنة و إستعديت مدني بأكملها المنطلقة من هذا الطملة الأصيلة
وعشان تتعلم لازم تعتذر
خارج النص
ده تمهيد جاييك بمهلة

[خالد عباس (أبوعمرو)]

الطملة والوحل الذى بدواخلك القميئة يبنى لك باحقادك ذات فضفاضة من الفقاع

الحراسات الامنية المشددة والمشاهدات منذ خروجى من غوانتامو للموضوع هى للتاريخ لذا لمن فاته العرض الاستعانة بصديق



هنا يا ودالمأمون اسمح لنا ان نقول لك :

- المداخلة الاولى ادتنا احساس رائع بأن الامور قد تُنبت " شجرة " نستظل تحتها بهدؤ ...

- لكن هذه السطور غيرت لون الشجرة ،،، " و إتحتت " الاوراق !!!!!!!!!!!!!!!!!!!!!!!!!!!!!!!!!!!!!!!!!!!

[بدر الدين احمد الطائف]

اها عمك رئيس اللجنه الشعبيه اتزنق فى شكل الخطاب الحايقدمو

عمك ماناقش ابوالنوم ... من نومو لقى كرسى .. واتحكر

عمك لخ ليك الجمااااعه كلهم فى خماره واحده

ودالطائف لم اللخيتو دا عليك النبى

حااضر يا خرباش انت تامر .
انا لخى بقدر عليهو .
لخخوة عمك دى سويتو ليتها شنو.
بالتوفيق يا خرباش شد حليك .
نحن دايرنك تجى الاول وتفرحنا.

[بدر الدين احمد الطائف]

لكن اللخو كان داير اظهر خلي يعترف بس
بكرة بشتهر

انت قايل الكلام ده بيفوت على.
كلمته والله .
قال لى انا مالى ومال الكتاحه .

[بدر الدين احمد الطائف]

ه وكان هواها افريقي ((ماري بفريق فلاته)) ياخ الدباغه اجمل من الحي اللاتيني بفرنسا.
.
ياعبس كمان انت ما تبالغ .
اقوم احكى ليك نكته هوا ده ماهوا دباغه ديك.

[ريمون]

الاخوه الاحباء ..
الواقع المثالي للبوستات محض خيال ..
لابد من وجود بعض النقاط الضعيفة في المداخلات ..
احترام الآخر يفرض علينا القبول بكل ما هو مكتوب ما لم يكن مخالفا لنص من نصوص اللائحة ..
عن نفسي ريمون كشخص لا اقتنع اطلاقا بحذف اي موضوع مكتوب من قبل شخص آخر مهما كان ..
لكن للقانون كلمة ..
الاخ مرتضي والاخ ود المامون بعيدا عن المنتدي لهم مكانة يعلمونها جيداً ..
مرتضي العركي الصديق الحبيب رفيق مشوار السنين ..
اعلم انه غضب الحليم ..
طالما ارتضيت يا صديقي ان تتحمل المسؤلية احتمل حتي النخاع كل شئ ..
لم تبحث سابقاً عن ما سقط منك فلا تفعلها الآن ..
نعم يا صديقي هذا البوست لا يشبهك ..
هنا وهناك وفي كل العالم الاسفيري كل شئ مفضوح ..
ان كنت علي حق وان كنت علي صواب فالكل يعلم ..
السكوت ليس ضعفاً ابداً وانت اعلم مني بذلك ..
اتمني ان تطالب بحذف البوست يا صديقي لان اسمك مرتبط عندنا بالعمق والغاء الذاتية ..

ود المامون صديق واخ عزيز ..
ناشدته ان يلغي المشاركة الاولي وفعل بتصرف ..
لم يتردد فيها لكن استجاب لطلبي ..
ناشدته باسمي ..
عصا السلطة لا مكان لها هنا ..
ولا زلت اناشده الا ينجرف الي سقط الكلام ..

مرتضي .. لا تعود هنا مرة آخري رجاءاً ..
انتم لا تحتاجون لكل هذا ..
كلنا يعلم من هو مرتضي ومن هو ود المامون ..

[محمد المأمون]

لم اكن انوى العودة فقط والدة مرتضى وعم يوسف العركى واخوته هم اخوتى ولكن اكرر اننى قد تجاوزتك انت دون رجعة ولست من يسئ لام اكل من يديها والنار تلد الرماد

[الامين عبدالقادر]

الاحباب ترددت كثيرا قبل ما ادخل معكم فى البوست ورجعت مع العركى من البداية ومرورا بالكابتن عصام وتحدث عن هم الوطن وهم الناس الكادحة هناك وتتوقع منا ان نقف معهم وياحبيبنا ايمن المطالبة اتت ان لا نخرج من ادب العكننة وللدسيس ما علاقتكم بدسيس اب رخم وعبدالرحمن مدثر قصيدتك روعة والكهربا جاتكم زينا فى السبعين والطائف المعيار اللمة والعكننة بادب المجتمعات للجميع تحياتى

[نزار حسن محمد]

لم اكن انوى العودة فقط والدة مرتضى وعم يوسف العركى واخوته هم اخوتى ولكن اكرر اننى قد تجاوزتك انت دون رجعة ولست من يسئ لام اكل من يديها والنار تلد الرماد

السلام عليكم اخوانى
والله ماعارف التفاصيل بالتحديد شنوا ..
لكن ده كله من صلاح كنكشه ولع النيران فى حوش البيت وقام جاري
بعدين انت ياود المامون كلامك ده كيفين هو يازول انت ذى البتقول للزول معليش لكن انعل ابوك ..
ود العركى انت زول ما بتع مشاكل يشهد الله انت زول ثمح بالحيل ..
كدى عليكم الله استغفرو وانعلو الشيطان ...
عشان خاطر زول بحبكم شديد

[مرتضى يوسف العركي]

الاخوه الاحباء ..
الواقع المثالي للبوستات محض خيال ..
لابد من وجود بعض النقاط الضعيفة في المداخلات ..
احترام الآخر يفرض علينا القبول بكل ما هو مكتوب ما لم يكن مخالفا لنص من نصوص اللائحة ..
عن نفسي ريمون كشخص لا اقتنع اطلاقا بحذف اي موضوع مكتوب من قبل شخص آخر مهما كان ..
لكن للقانون كلمة ..
الاخ مرتضي والاخ ود المامون بعيدا عن المنتدي لهم مكانة يعلمونها جيداً ..
مرتضي العركي الصديق الحبيب رفيق مشوار السنين ..
اعلم انه غضب الحليم ..
طالما ارتضيت يا صديقي ان تتحمل المسؤلية احتمل حتي النخاع كل شئ ..
لم تبحث سابقاً عن ما سقط منك فلا تفعلها الآن ..
نعم يا صديقي هذا البوست لا يشبهك ..
هنا وهناك وفي كل العالم الاسفيري كل شئ مفضوح ..
ان كنت علي حق وان كنت علي صواب فالكل يعلم ..
السكوت ليس ضعفاً ابداً وانت اعلم مني بذلك ..
اتمني ان تطالب بحذف البوست يا صديقي لان اسمك مرتبط عندنا بالعمق والغاء الذاتية ..

ود المامون صديق واخ عزيز ..
ناشدته ان يلغي المشاركة الاولي وفعل بتصرف ..
لم يتردد فيها لكن استجاب لطلبي ..
ناشدته باسمي ..
عصا السلطة لا مكان لها هنا ..
ولا زلت اناشده الا ينجرف الي سقط الكلام ..

مرتضي .. لا تعود هنا مرة آخري رجاءاً ..
انتم لا تحتاجون لكل هذا ..
كلنا يعلم من هو مرتضي ومن هو ود المامون ..
بت الخالة ريمون
انا ربيب الطملة وام سويقو انا ود ازرق والمدنيين والقبة والنضيراب انا ودمدني السني ودشين وود قيحة
انا علموني الادب ومجالس الرجال
والحب والخير والصفاء
لا تخشي علي ان اسقط فالطملة لن يأتي منها الا سمو وعلياء يسر الناظرين
لن اطلع من ادبهم وعلمهم وتواضعهم انا الحضري والمنشد وحمدتو انا ود ناس ابو رز والبحيرية وحسونة انا العيساب وعبد الحي انا اكلت من طابونة جعفر واترسلت لعم ضحية الغسال
انا لعبت في طاحونة الشيطان وتمرغت بتراب ام سويقو وأدبني زكريا الحلاق انا شربت محاية شاطوط ولعبت مع اولاد زلفو انا علموني ناس سعدابي وزكرت مع عبد السيد انا قباني ودقاني عمي شفيع العربجي عشان ما بصلى الفجر في جامع الحكومة وراء الامام ود الامين انا ناس ابسالمة و ناس جنقول انا صغير جميعهم ولا زلت انا صغيرهم ما بجيب الشين
اطمئني

[ريمون]

بت الخالة ريمون
انا ربيب الطملة وام سويقو انا ود ازرق والمدنيين والقبة والنضيراب انا ودمدني السني ودشين وود قيحة
انا علموني الادب ومجالس الرجال
والحب والخير والصفاء
لا تخشي علي ان اسقط فالطملة لن يأتي منها الا سمو وعلياء يسر الناظرين
لن اطلع من ادبهم وعلمهم وتواضعهم انا الحضري والمنشد وحمدتو انا ود ناس ابو رز والبحيرية وحسونة انا العيساب وعبد الحي انا اكلت من طابونة جعفر واترسلت لعم ضحية الغسال
انا لعبت في طاحونة الشيطان وتمرغت بتراب ام سويقو وأدبني زكريا الحلاق انا شربت محاية شاطوط ولعبت مع اولاد زلفو انا علموني ناس سعدابي وزكرت مع عبد السيد انا قباني ودقاني عمي شفيع العربجي عشان ما بصلى الفجر في جامع الحكومة وراء الامام ود الامين انا ناس ابسالمة و ناس جنقول انا صغير جميعهم ولا زلت انا صغيرهم ما بجيب الشين
اطمئني
يا مرتضي اتذكر وانت بتكتب انو محمد سعيد ولدي كبر وعاوزاهو يخش المنتدي ويقرأ ويشرب منكم السمح ..
ما بتكتبوا لي نفسكم انتوا بتكتبوا لي اجيال جايه ..
لو طاوعتوا شياطين النفس واخذ الحق ..
منو البربي معانا ؟؟

[محمد المأمون]

الاخوه الاحباء ..
الواقع المثالي للبوستات محض خيال ..
لابد من وجود بعض النقاط الضعيفة في المداخلات ..
احترام الآخر يفرض علينا القبول بكل ما هو مكتوب ما لم يكن مخالفا لنص من نصوص اللائحة ..
عن نفسي ريمون كشخص لا اقتنع اطلاقا بحذف اي موضوع مكتوب من قبل شخص آخر مهما كان ..
لكن للقانون كلمة ..
الاخ مرتضي والاخ ود المامون بعيدا عن المنتدي لهم مكانة يعلمونها جيداً ..
مرتضي العركي الصديق الحبيب رفيق مشوار السنين ..
اعلم انه غضب الحليم ..
طالما ارتضيت يا صديقي ان تتحمل المسؤلية احتمل حتي النخاع كل شئ ..
لم تبحث سابقاً عن ما سقط منك فلا تفعلها الآن ..
نعم يا صديقي هذا البوست لا يشبهك ..
هنا وهناك وفي كل العالم الاسفيري كل شئ مفضوح ..
ان كنت علي حق وان كنت علي صواب فالكل يعلم ..
السكوت ليس ضعفاً ابداً وانت اعلم مني بذلك ..
اتمني ان تطالب بحذف البوست يا صديقي لان اسمك مرتبط عندنا بالعمق والغاء الذاتية ..

ود المامون صديق واخ عزيز ..
ناشدته ان يلغي المشاركة الاولي وفعل بتصرف ..
لم يتردد فيها لكن استجاب لطلبي ..
ناشدته باسمي ..
عصا السلطة لا مكان لها هنا ..
ولا زلت اناشده الا ينجرف الي سقط الكلام ..

مرتضي .. لا تعود هنا مرة آخري رجاءاً ..
انتم لا تحتاجون لكل هذا ..
كلنا يعلم من هو مرتضي ومن هو ود المامون ..

الاخت ريمون ...المعايير المختلة هى سبب حذفى لردى وليس فقط احتراما لما بيننا فالساكت عن الحق شيطان اخرس وانتم كلجنة تسيير تمارسون الطبطبة حين تودون وتمارسون الظلم حين تودون ولكن اللوائح والقانون لديكم لاتساوى الحبر الذى صيغت به واذا كانت اللوائح لاتعاقب بوستات بها محاضر ادارية وهذا السطور التى بصدر البوست تبين ان كل اناء بما فيه ينضح وحين كانت الطبطبة لحزف الموضوع لاننى كتبت وسبقتكم بحسن النية ليعرف الاعضاء ان تعرية الشاة المذبوحة قد حدث ولكن هل تستحقون حراسة العدل لتحكمو بين الناس؟؟؟؟؟؟؟؟؟؟؟؟؟؟؟؟؟
لاتحلمو بعالم سعيد فخلف كل قيصر يموت...قيصر جديد
وحقا كل مانقول كملنا الليل يظهر باكر ليلا اطول
اذهبو فانتم الطلقاء

[النويري]

سبق واطلعت على هذهالمداخلة قبل التعديل المتردد
أولا أسمحوا لي وقبل بداية هذا السجال أن أستغرق قليلا فقد نجح الرجل في يستفز ضعفي فيما لا أملك وجدانيا
بدءا أتقدم بإعتذاري وأسفي الشديد على (تعبير الطملة القمئية )
لأهلي وعشيرتي ولمنبتي ومسقط رأسي الذين افتخر بهم دوما كفرع من أصل ممتد يزين ويهمي سماواتي وتفاصيلي وحيثياتي
أزقة وبيوت وأنسان وعلائق شرفاء بسطاء كادحين ما بين السما ءوالارض والطين
فهم كل متوني وحواشيها يملئون دواخلي المترفة حد الإكتفاء
جغرافيا إنتماء وحنايا أشواق رتعت بلواعج حنين متخم بعتق السنين
ليمه ويا يابا والخالة وكمان العمه هم كلهم أهل لا جيران
اعترف لك وللجميع بأن الطملة قمئية إن كنت تراها بحسابات الفقر المدقع
أزقة لا تعرف شارع أو بيوت أو حيطان
بقدر ما تعرف إنسان وأخيه الإنسان
الشارع كلو أمك وأبوك مسكين الزمن البمر من دونكم
ومعزور الصبح الما صبح على عيونكم كان رحنا في كل الدروب ياهي دروبكم
نحارب الشمس في كسوفكم ونهادن القمرة في خسوفكم فانتم هي
ما اجملها برداء اسمالكم الفقيرة الغالية
ما أشرف عشق الغلابة ولوح قرأن لدى المنشد بنار تقابة
معزور الما بعرف قدركم وقدرتكم
وبيوتكم الضيقة مساحة وفسيحة طيبة
وظروفكم المايلة سعة بقلوبكم التكفي وتوفي
ترحاب المبتسمين برغم الضنى وجور الزمان ومآلات الحال
لا سرقتو لا نهبتوا لا همزتو لا شلتو كلام لا أغتبتو كان حضرتو وكان غبتو
قاعدين صابرين بطهر سترة حال دموع ولفكم الغالية لما أجيكم تسيل
تجري في شلوخ خدودك يا حبوبتي بت حميدة بت الخال
ما محتاجة لمنديل ما فيش خلي الدموع النازلة منك صادقة تسيل وتسيل
هاك قليبي الضميته صغير قشى بيه بدل المنديل
انا مكتول فيك عديل ما عرفتك دنقلاوية ولا نويراوية لا هسة ولا قبيل
بعرف بس الحيطة الواقعة ما بين بيتك وبيتنا
وبعرفك إنك أمنا ونحن أولادك معذور زمن بيطوي
بسيتمتك الما عرفت غير تبروكتكها
وشعرك الابيض مسدول مكوفت ساجد حاضنها
وتيبارك البارد في شتاء الايام و في صيوف العمر
منصوب قدام قصاد الأوضة الورانية
صدقيني يا امي وحاتك لم انتبه يوما الى أن طملتك قمئية
بقدر ما سنا إبتساماتكم بتفرمطت مني كل بواقي التصاوير البشوفها فيكم حلوة حية
بيها إمكن ما بشوف بعيوني بشوف بجواي
أعذريني ما أنتبهت فرد يوم إنك قمئية
ما تزعلي ده وليد غشيم غلطان إمكن زعلان مني وداير إنبذني نبذة قوية
أقول انا كمان غلطان الجاك بسببي والله ما شوية
لو كنت مكاني ما اظن تشبيهك يغشاك ويغشاني
لما يشيلك صوت حنين يغطوك بسماواتهم ولف كتال
وبتروح وسط في زحمة طيبتهم ما تقدر تفرز نفسك من بيناتهم
ضحكك من ضحكهم همسك من همسهم
ولما مسامعك يزورها سؤال
تستسلم في الحال
وتلقاك بتردد قبلهم يسابقوك وتسابقهم
طيبين وتامين ولامين وسالمين بحمد لله رب العالمين
كيفنك حبوبتي السرة تبادرك انا كويسة ومبسوطة كلمني عرست ؟
ياحاجة انا عرست والمرة الاخيرة جبت ليك اولادي ومرتي .
تقاطعك بطيبة انا عارفك ممسوخ بنات الزمن ده كلهم حلوات عرس ساكت
يعني انتو زمنكم ما كنتو حلوات
يا ولدي زمنا والله الواحدة الحلوة إلا القوها في القبة
أستطرد ملء دواخلي السعيدة بها القبة اوربا
تقول لي اوربا بت ناس منو ....................
الطملة بالمحبة والفقر لا زمانك لا فات لا غنايك مات
وين منك منهاتن او هايد بارك
مغشوش المسكين بالقريشات
بغابات الأسمنت وشوارع الأسفلت
مابعرف جمال دواخل ناسك التحت
أنت يا وليد من مدني
وكمان عامل فيها رجل خير . تسيء من تحسب انو فقير
عمل خيرك يطير
أبناء مدني لا يجرؤءن على ذم ذرة من ترابها ناهيك عن حي من أحيائها
لانو ما بعرفو أنت منو
ما بعرفو الفيلا من الكمبو من القطية
بعرفو يحبو بعض ويحبوك ويعاشروك
وكان نقص ملاحك يتموك ويواسوك ويغطوك ما يفضحوك
ويعلموك ما تقول أنا جعلي ولا ادروب ولا دينكا نوك
ما بهمهم ساكن سرايا ولا قابع في راكوبة بقناها
ولو كان بتتكلم عربي ولا ترطن او تتشفتن راندوك
يهمهم انت ود ناس منو
للآسف سألت عنك قالو ما بعرفوك
الطملة كانت الخريجين بأحمد خير المحامي يكفيها إبنها على المساح الذي تغني بلسان حالها فكان وجدان أمة سودانية كاملة أسال امك وابوك وكل البتعرفهم والبعرفوك
كيفما
أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا
فما أسعد الطملة القمئية بأن تحضن بلاك ولا تشتكي
الله يسامحك يا وليد
مداخلتك غيرموفقة نطقت كفرا في المواطنة و إستعديت مدني بأكملها المنطلقة من هذا الطملة الأصيلة
وعشان تتعلم لازم تعتذر
خارج النص
ده تمهيد جاييك بمهلة

بقدر ما أسفت لما حدث بينكم من خلاف ولكن تجدني اكثر الناس متعتاً لما سطره يراعك عن هذا الحي العريق بصراحة محاضرة عن طبغرافية المكان والحالة الإجتماعية للطملة ذالك الحي الذي أنبت أفزاز أمثالكم أخي العركي وإن كانت الطملة بهذا الجمال فكلنا نتمنى الإنتماء لهذا الفريق من ودمدني

ود العركي أنت كيف كنت ضابط شرطة بصراحة مفروض تكون في السلك الدبلوماسي وإذا كانت المساجلة بهذا الألق فنرجو من الجميع إعطاء الفرصة للمتخاصمين للمساجلة فربما ينتهى الخصام هنا بأفضل الحالات وتعود المياه لمجاريها صافية بعد أن شابها من التعكير الكثير وهذا ما نرجوه مع خالص الود والتقدير..

[ريمون]

الاخت ريمون ...المعايير المختلة هى سبب حذفى لردى وليس فقط احتراما لما بيننا فالساكت عن الحق شيطان اخرس وانتم كلجنة تسيير تمارسون الطبطبة حين تودون وتمارسون الظلم حين تودون ولكن اللوائح والقانون لديكم لاتساوى الحبر الذى صيغت به واذا كانت اللوائح لاتعاقب بوستات بها محاضر ادارية وهذا السطور التى بصدر البوست تبين ان كل اناء بما فيه ينضح وحين كانت الطبطبة لحزف الموضوع لاننى كتبت وسبقتكم بحسن النية ليعرف الاعضاء ان تعرية الشاة المذبوحة قد حدث ولكن هل تستحقون حراسة العدل لتحكمو بين الناس؟؟؟؟؟؟؟؟؟؟؟؟؟؟؟؟؟
لاتحلمو بعالم سعيد فخلف كل قيصر يموت...قيصر جديد
وحقا كل مانقول كملنا الليل يظهر باكر ليلا اطول
اذهبو فانتم الطلقاء
اشكر لك كثيرا احترامك لما بيننا ..
انا لي نظرة اعمق من مجرد قوانين وتطبيقاتها ..
الكلمه الحلوه هي من تقود للنور ..
ود العركي انت تعلم من هو بالنسبة لي ..
لكني لم اقوم بالطبطبة ..
وحذف المواضيع ليس عدلا دون التشاور مع كاتبها ..
حتي حديثي ومناشدتي لك كانت باسم الصداقة ..
لم اكن اتحدث باسم لجنة التسيير وانت اعلم ..
رائي الشخصي ان يحذف هذا البوست فهو منقصة لكما لكن صاحب البوست هو من يجب ان يطالب بذلك ..

ود المامون ليس هناك عدل مطلق هي اجتهادات ولكي نصل بها الي قمة العدل لابد من التكاتف فهل نحن نجده الآن ؟؟؟
رمضان علي الابواب وزاد الصائم همنا الاول ..
الانتخابات اوشكت ونحن هنا نحاول الا يتآذي المنتدي بما اسميه تصفية لخلافات لن تؤدي بنا الا الي المزيد من القبح ..
المحجوب قال يوما .. للتخلص من علل الديمقراطية علينا منح المزيد من الديمقراطية ..
لن يحذف البوست الا بطلب من صاحبه ..
ولتمارسوا القبح الكلامي ..
هذا لا ينقص من مدني او من المنتدي شئيا ..
انه ينقص من قدركم اعزائي فافيقوا ..
اليوم قد وجدت ما يقارب من ال200 اسرة تحتاج الدعم لزاد الصائم ..
اليس من الاجدي ان نفكر فيهم .؟؟

[محمد المأمون]

اشكر لك كثيرا احترامك لما بيننا ..
انا لي نظرة اعمق من مجرد قوانين وتطبيقاتها ..
الكلمه الحلوه هي من تقود للنور ..
ود العركي انت تعلم من هو بالنسبة لي ..
لكني لم اقوم بالطبطبة ..
وحذف المواضيع ليس عدلا دون التشاور مع كاتبها ..
حتي حديثي ومناشدتي لك كانت باسم الصداقة ..
لم اكن اتحدث باسم لجنة التسيير وانت اعلم ..
رائي الشخصي ان يحذف هذا البوست فهو منقصة لكما لكن صاحب البوست هو من يجب ان يطالب بذلك ..

ود المامون ليس هناك عدل مطلق هي اجتهادات ولكي نصل بها الي قمة العدل لابد من التكاتف فهل نحن نجده الآن ؟؟؟
رمضان علي الابواب وزاد الصائم همنا الاول ..
الانتخابات اوشكت ونحن هنا نحاول الا يتآذي المنتدي بما اسميه تصفية لخلافات لن تؤدي بنا الا الي المزيد من القبح ..
المحجوب قال يوما .. للتخلص من علل الديمقراطية علينا منح المزيد من الديمقراطية ..
لن يحذف البوست الا بطلب من صاحبه ..
ولتمارسوا القبح الكلامي ..
هذا لا ينقص من مدني او من المنتدي شئيا ..
انه ينقص من قدركم اعزائي فافيقوا ..
اليوم قد وجدت ما يقارب من ال200 اسرة تحتاج الدعم لزاد الصائم ..
اليس من الاجدي ان نفكر فيهم .؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

[عباس الدسيس]

السلام عليكم جميعا
وياجماعة استهدوا بالله
وختوا الرحمن فى قلبكم
ما عايش التفاصيل وغير مهم

فاصل
ازيك ياود الشريف
يشهد الله ضحكت لمن قلت بس
واتاريه الثعلبة دى وراثة
يا رسول الله
هههههههههههه

الخالدي يا وجيه سلام
ياريت لو الدنيا كلها ناس سمحين زيك

[مرتضى يوسف العركي]

أعود
اهلا أخي الكريم أحمد المامون
أولا سعيد بوجودكم معنا هنا في مدني دوت كوم وبصرف النظر عن عودتكم الميمونة تمت بناء على دعوتي أم غيرها المهم أنكم هنا وسط وجوة نيرة تستاهل حوار راقي وموضوعي
ما لا أستغربه انك لم تخذلني بمعية النيرين الوضيئين المتابعين أبدا ... فلك الشكر وهي نقطة ليست في صالحلك فقد سبق وحذرت ووجدت العذر لكل من يتداخل بأنك بطل هندي عنيف والدنو من محرابك خطير ومكلف تعرف بتذكرني يا حبيب باميتاب بيشان (ابو طويلة) تشبهو في طوله وعنف أفلامه الهندية الطويلة المملة كبوستاتك ربما يختلف في التحضر وعدم الاندفاع فهو رقيق عاشق للزهور ومحسن كبير في الهند أكتشفه البعض بأن تبرعاته وتبرعات من يستدرجهم خيريا من وجهاء المجتمع الهندي تذهب لفقراء بلاده بلا ضوضاء نقيض بما تثيره من ضوضاء هنا من تجريح وخشن قول فظ ومغالطات لمجرد إستدراجك للتبرعات الخيرية التي سئمها الكثيرون مسلكا لا منهج رفض يعني ناس الطلمة القمئين ديل كانوا أحوج لخيرك عوضا عن إساءاتهم ولا ما كده .color]

[مرتضى يوسف العركي]

عودءا على البدء
حبيبنا أحمد المامون
لا عليك ربما أجد لك عذرا في أن الضوضاء والبقبقة التي تتقمص دواخلك وتعتلي مساماتك مسألة جينية لا تثريب في عدم تمكنكم من التحكم بها و لأكون عادل لن أحسب عليك هذه النقطة... بيد أنه وبقراءة منطقية أن هذه الجينات العدائية المصادمة الجارحة الناذقة تجاه نفوس خيرة مطمئنة لا تشبه مسلك مساعيك الخيرية وما تتطلبه بأمانة وبلا زعل شكلك فيها يبدو كموظف بنك بلا كرفته أو نيل بلا نخيل أو مطر في وادي ليس ذي زرع ما أشبه مسلك انتزاعك للخير بانتزاع قح جزيرة العرب تأبط شرا للشعر لا تسربل ابن خلدون وبنت المستكفي برقائق ودقائق شعر الأندلس ....

[محمد المأمون]

عودءا على البدء
حبيبنا أحمد المامون
لا عليك ربما أجد لك عذرا في أن الضوضاء والبقبقة التي تتقمص دواخلك وتعتلي مساماتك مسألة جينية لا تثريب في عدم تمكنكم من التحكم بها و لأكون عادل لن أحسب عليك هذه النقطة... بيد أنه وبقراءة منطقية أن هذه الجينات العدائية المصادمة الجارحة الناذقة تجاه نفوس خيرة مطمئنة لا تشبه مسلك مساعيك الخيرية وما تتطلبه بأمانة وبلا زعل شكلك فيها يبدو كموظف بنك بلا كرفته أو نيل بلا نخيل أو مطر في وادي ليس ذي زرع ما أشبه مسلك انتزاعك للخير بانتزاع قح جزيرة العرب تأبط شرا للشعر لا تسربل ابن خلدون وبنت المستكفي برقائق ودقائق شعر الأندلس ....

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عباس الدسيس]

ياعبس كمان انت ما تبالغ .
اقوم احكى ليك نكته هوا ده ماهوا دباغه ديك.


يا بدر كان في واحد صاحبنا عندو اهلو في الحي البريطاني كل فترة الراجل بسجل زيارة مع الاسره اطلقنا عليهو لقب ((شرابات)) بضم الشين وهي الجوارب صديقنا كان ملك كور الشراب يمتلك هذه الكور بعدة الوان ... كورة شراب بنيه ، سوداء , بيجيه ...الخ من الحاجات الغريبه زمان تلقي شراب في الكوشه عندنا في الدباغه انطبع في الاذهان الحي البريطاني هو مصدر كور الشراب.
التكنولوجيا الجديده عشان تتعامل معاها بتحتاج كم يوم تفتيش ودراسه وكل شركة ليها تعقيدات في الجولات انا من رواد htc الامريكي قلتا اقلب لي الايفون ياخ ده عالم تاني تتوه جواهو في بعض الاسئله قلتا اشوف اقرب الطرق غلبني اعمل بحث بسهولة htc للاسماء استعنته بالوالد في البيت عشان انتهي بسرعه من الموضوع دون الرجوع لي الكتلوج والبحث.
الولد قال لي .... يا بابا انا دي ساهله جيب نوريك ليها بس قول ((الروب)) أو قول اسف حتي اوريك ليها .... شوفت الاهانه كيف.
بعد تجود علي دخلنا في حوار عن الحاجات البنلعب بيها احنا زمان ... كورت الشراب البنخت جواها دومه عشان تنطط وكمبلت بي علب الصلصة وبدل الايسكريم كنا بناكل القدوقدو وفي حاجة جميله جدا اسمها التابوت والبياكل ليهو سلك اقاشي ده مرطب ومرتاح وكمان معاها شقة بطيخه طبعا البطيخ ببيعوهو في سوق الداندلي مشقق انت في البطيخ المشقق ولا في الذباب البكون حايم ((غايتو اهلنا ناس شيني هكا كانو بتاعين ابداع)).
قطعت الكلام المدام (( الاولاد ما تقول ليهم الكلام ده خلي ذكرياتك معاك)).
ياخ الدباغه كل ما امشي محل اتذكرا تصدق كنت في بيروت لقيت الدباغه اجمل منها شوف المبالغه هنا.....

[عباس الدسيس]

وللدسيس ما علاقتكم بدسيس اب رخم

سلام عبدالقادر يا حبيبنا
اب رخم حيث نار القران الخليفه الشريف هارون اخو الشريف زين العابدين العلاقة يا الحبيب الناس ديل اعمامنا امتداد للاسرة المنتشرة في نواحي السودان المختلفه الشريف العبيد مؤسس اب رخم طلع من امدرمان ايام مشكلة الخليفة مع الاشراف.
مع خالص تقديري

[bit madani]

الاخت ريمون ...المعايير المختلة هى سبب حذفى لردى وليس فقط احتراما لما بيننا فالساكت عن الحق شيطان اخرس وانتم كلجنة تسيير تمارسون الطبطبة حين تودون وتمارسون الظلم حين تودون ولكن اللوائح والقانون لديكم لاتساوى الحبر الذى صيغت به واذا كانت اللوائح لاتعاقب بوستات بها محاضر ادارية وهذا السطور التى بصدر البوست تبين ان كل اناء بما فيه ينضح وحين كانت الطبطبة لحزف الموضوع لاننى كتبت وسبقتكم بحسن النية ليعرف الاعضاء ان تعرية الشاة المذبوحة قد حدث ولكن هل تستحقون حراسة العدل لتحكمو بين الناس؟؟؟؟؟؟؟؟؟؟؟؟؟؟؟؟؟
لاتحلمو بعالم سعيد فخلف كل قيصر يموت...قيصر جديد
وحقا كل مانقول كملنا الليل يظهر باكر ليلا اطول
اذهبو فانتم الطلقاء





و من تطلق هنا ... لمزيد من و الضوضاء و الأنا ... و مزيد من إلغاء
الآخر و كثير من الحكي الذي يخفي وراءه بقاع من أرض بلادي إنتزعوها على حين غرة و مقامات لم يكن لهم ان يطالوها سوى بإدعاء بطولات إسفيريلا يسمن و لا يغني من عذاب الضميرو الحساب يوم يحين الحساب ... لن يشبع هؤلاء و لن يستحوا ...
و الآن يحاولون محاولات أخيرة لقلب المقاييس أراهم قد تعلموا فن الخطابة منك مؤخرا و لكن الفرق الشاسع بين ما يدعونه و ما
تمتلكه فالمبادئ لا تتجزأ ... و لتنظر فالخليل بالمخالل يقتدي و يختبئ و يمعن في الإساءة متخذا الجمال إدعاء...دعك لما هو أهم و إن يحاولون التقليل من شأنه ... و مصيبتنا إنهم يتبعون سعيكم لمسالك الخير تشهيرا بالخير و سعيا لتحويل صكوك ملكينه لأنفسهم ... قل لمن يدعون أن أبنائكم الذين لا تعرفون عنهم شيئئا بالوطن أو الغربة هم اولى من بطولات إسفيرية كل مآلها إحتفاءات لتمجيد الذات و تصدر مجالس اللهو و الحديث الذي لا يجيدون غيره ...

[هيثم عبدالعال]

كان ملك كور الشراب يمتلك هذه الكور بعدة الوان ...
قطعت الكلام المدام (( الاولاد ما تقول ليهم الكلام ده خلي ذكرياتك معاك)).
ياخ الدباغه كل ما امشي محل اتذكرا تصدق كنت في بيروت لقيت الدباغه اجمل منها شوف المبالغه هنا.....


في مسعانا غير الناجح على ما يبدو للإنحراف .. رغم إني كنت أعتقد بشدة في إستعدادي الفطري للإنحراف
زمااان زمن المتوسطة كنا في الأميرية ( والله صحي ) ومرضانين بالكورة قام زميلنا عباس الله يطراهو بالخير من ناس الدباغة قال أعمل ليكم مباراة مع ناس فريقنا وحدد الموعد تصدق جينا إتنين بس الزملاء كلهم زاغوا إتضح إنهم بخافوا من الطيارة زي علاء الدين
ثم إنو كلام المدام صحيح نحن ذاتنا ذكريات كلها نيفه وقدو قدو ( مش ده البوليس بتاع الجلد !) و تابوت ( هي بالمناسبة صحي بتاخد شكلها من المحله ديك ) بتأثر سلبياً علينا وتقض مضاجعنا
وبالنسبة لبيروت ............. يا راجل زي ما قال محمد سليمان .. بهظر .. ما يقوم يجيني ود العركي شايل كتاب التاريخ

[صابرحسين]

يا بدر كان في واحد صاحبنا عندو اهلو في الحي البريطاني كل فترة الراجل بسجل زيارة مع الاسره اطلقنا عليهو لقب ((شرابات)) بضم الشين وهي الجوارب صديقنا كان ملك كور الشراب يمتلك هذه الكور بعدة الوان ... كورة شراب بنيه ، سوداء , بيجيه ...الخ من الحاجات الغريبه زمان تلقي شراب في الكوشه عندنا في الدباغه انطبع في الاذهان الحي البريطاني هو مصدر كور الشراب.
التكنولوجيا الجديده عشان تتعامل معاها بتحتاج كم يوم تفتيش ودراسه وكل شركة ليها تعقيدات في الجولات انا من رواد htc الامريكي قلتا اقلب لي الايفون ياخ ده عالم تاني تتوه جواهو في بعض الاسئله قلتا اشوف اقرب الطرق غلبني اعمل بحث بسهولة htc للاسماء استعنته بالوالد في البيت عشان انتهي بسرعه من الموضوع دون الرجوع لي الكتلوج والبحث.
الولد قال لي .... يا بابا انا دي ساهله جيب نوريك ليها بس قول ((الروب)) أو قول اسف حتي اوريك ليها .... شوفت الاهانه كيف.
بعد تجود علي دخلنا في حوار عن الحاجات البنلعب بيها احنا زمان ... كورت الشراب البنخت جواها دومه عشان تنطط وكمبلت بي علب الصلصة وبدل الايسكريم كنا بناكل القدوقدو وفي حاجة جميله جدا اسمها التابوت والبياكل ليهو سلك اقاشي ده مرطب ومرتاح وكمان معاها شقة بطيخه طبعا البطيخ ببيعوهو في سوق الداندلي مشقق انت في البطيخ المشقق ولا في الذباب البكون حايم ((غايتو اهلنا ناس شيني هكا كانو بتاعين ابداع)).
قطعت الكلام المدام (( الاولاد ما تقول ليهم الكلام ده خلي ذكرياتك معاك)).
ياخ الدباغه كل ما امشي محل اتذكرا تصدق كنت في بيروت لقيت الدباغه اجمل منها شوف المبالغه هنا.....

أنت عارف يا عباس أخوي أصبحنا مثل الذين يجلسون في غرفة والمكيف أحياناً يشتغل ويبرد مسافة طويلة وأحياناً يفصل ويجهجه العالم ، أها هنا أحس أن المكيف إشتغل والهواء أصبح بـــــــــــــارد بهذه المشاركة ........ لكن نفس هذا الحوار مع أبناء التكنولوجيا الحديثة يحدث معي ،مره شاشة الكمبيوتر أخذت وضع معاكس وبما أني آخر مرة أصلحتها جاء أحد الأبناء وطلب تعديل الشاشة وأخوك قدر ما حاول ولمدة طويلة نسيت الطريقة وذهبت بحجة التعب ، وهنا قالت البنت حسين بصلحها في دقائق وفعلاً هذا ما حدث .........
تحياتي وتقديري

[بدر الدين احمد الطائف]

.
.. كورت الشراب البنخت جواها دومه عشان تنطط وكمبلت بي علب الصلصة وبدل الايسكريم كنا بناكل القدوقدو وفي حاجة جميله جدا اسمها التابوت والبياكل ليهو سلك اقاشي ده مرطب ومرتاح وكمان معاها شقة بطيخه طبعا البطيخ ببيعوهو في سوق الداندلي مشقق انت في البطيخ المشقق ولا في الذباب البكون حايم ((غايتو اهلنا ناس شيني هكا كانو بتاعين ابداع))..
ياخ الدباغه كل ما امشي محل اتذكرا تصدق كنت في بيروت لقيت الدباغه اجمل منها شوف المبالغه هنا.....

ايوه يا عبس
صور وحكايات جملية لن تغيب عن اذهاننا مهما طال الزمن .
وهذا هو الجمال الذى افتقدناه .
انت عاوز الجد يا عبس .
الدباغه دى الواحد لو شقاها ساى من جنوبه لى شماله بيستمتع .

[عباس الدسيس]

في مسعانا غير الناجح على ما يبدو للإنحراف .. رغم إني كنت أعتقد بشدة في إستعدادي الفطري للإنحراف
ما يقوم يجيني ود العركي شايل كتاب التاريخ

والله يا هيثم الضحك فارقني من مقابلة التجاني وابوخالد لو تذكر بالهاتف ..... بس دي قوية حكاية كتاب التاريخ
الزول ده لو اتفكه فيك والله حمار الوادي كان هنق ما تتحلا
غايتو الي تشوف الحلا بله شنو
البوست بعد كده نخلي توثيقي للعركي اطلع من الطملة لي حي تاني
ولو بدا لينا بالاحياء التي اندثرت مثل ((توتوماده)) والبقية لاحقا اكون ما قصر

[مرتضى يوسف العركي]

صديقي العزيز احمد مامون
اين انت يا راجل حتى استفهاتك خذفتها علك بخير الباقي بينا كلو هين
يا صديقي هذاالسجال لا يحتاج الى إساءات ولا يحتاج أن تكون رجل هائج سيما في معيتنا نواعم ما عرفن بؤس عيش ولا هن بخطبك المحدق شواعر ....
اواصل
القاعدة الاولى لم يحالفك التوفيق في الدلوف والتمهيد تعوزك الحرفية الوسيطة لا العالية عندما تلج غمارات السجالات يجب أن تتحلى بالتركيز العالي والثقة بالنفس بهدوء الواثق هذه نصائح مجانية غيرمدفوعة الثمن وستندهش أن اقدمها لك كخصم ودعني أهمس في اذنك التي آمل أن أطالها لو تكرمت وإنحنيت قليلاً لاطال كبير وسادك ( القاعدة تقول لا تعلن هزيمتك من ضربة البداية ) كما اعترفت باول تداخلكم الذي عدلته فالسجال ايها الاخ الكريم ما فيه ضربة قاضية ده بالنقاط وعدم ثقتك في نفسك بتجعل المراهنين عليك يقلون وبالتالي تقل لديك القناعات والدافعية والتحفيز .

[ايمن عبد الله]

يا بدر كان في واحد صاحبنا عندو اهلو في الحي البريطاني كل فترة الراجل بسجل زيارة مع الاسره اطلقنا عليهو لقب ((شرابات)) بضم الشين وهي الجوارب صديقنا كان ملك كور الشراب يمتلك هذه الكور بعدة الوان ... كورة شراب بنيه ، سوداء , بيجيه ...الخ من الحاجات الغريبه زمان تلقي شراب في الكوشه عندنا في الدباغه انطبع في الاذهان الحي البريطاني هو مصدر كور الشراب.
التكنولوجيا الجديده عشان تتعامل معاها بتحتاج كم يوم تفتيش ودراسه وكل شركة ليها تعقيدات في الجولات انا من رواد htc الامريكي قلتا اقلب لي الايفون ياخ ده عالم تاني تتوه جواهو في بعض الاسئله قلتا اشوف اقرب الطرق غلبني اعمل بحث بسهولة htc للاسماء استعنته بالوالد في البيت عشان انتهي بسرعه من الموضوع دون الرجوع لي الكتلوج والبحث.
الولد قال لي .... يا بابا انا دي ساهله جيب نوريك ليها بس قول ((الروب)) أو قول اسف حتي اوريك ليها .... شوفت الاهانه كيف.
بعد تجود علي دخلنا في حوار عن الحاجات البنلعب بيها احنا زمان ... كورت الشراب البنخت جواها دومه عشان تنطط وكمبلت بي علب الصلصة وبدل الايسكريم كنا بناكل القدوقدو وفي حاجة جميله جدا اسمها التابوت والبياكل ليهو سلك اقاشي ده مرطب ومرتاح وكمان معاها شقة بطيخه طبعا البطيخ ببيعوهو في سوق الداندلي مشقق انت في البطيخ المشقق ولا في الذباب البكون حايم ((غايتو اهلنا ناس شيني هكا كانو بتاعين ابداع)).
قطعت الكلام المدام (( الاولاد ما تقول ليهم الكلام ده خلي ذكرياتك معاك)).
ياخ الدباغه كل ما امشي محل اتذكرا تصدق كنت في بيروت لقيت الدباغه اجمل منها شوف المبالغه هنا.....

لاحولااااا
الدسيس انت عمرك كم سنة ..

والمصيبة الكلام ده كله كاتبه على الهواء ؟

[عباس الدسيس]

لاحولااااا
الدسيس انت عمرك كم سنة ..

والمصيبة الكلام ده كله كاتبه على الهواء ؟

ايمن يا حبيب
عايز تعمل لي من جيل PlayStation
سألتك بالذي خلق الارض معبد .... كنتو صغار بتلعبو بي شنو في جزيرة الفيل
بجيك راجع نفوت الخواجه المعاي

[ايمن عبد الله]

ايمن يا حبيب
عايز تعمل لي من جيل PlayStation
سألتك بالذي خلق الارض معبد .... كنتو صغار بتلعبو بي شنو في جزيرة الفيل
بجيك راجع نفوت الخواجه المعاي



كنا بنفلق بالليمون يا دسيس
وناكل الصمغ بتاع الغابة

ونتلب الجناين نلهط المنقة
هع هع هع

ولمن الشمس تسخن نمشي نشغل البليستيشن ونقعد نلعب لي العصر بعد العصر بنمشي حوض السباحة في نادي الجزيرة بتاع عمو عبد الرحمن سر الختم وبعد المغرب بنعاين للتلفزيون شوية ونتكي ننوم والصباح نفس الشي ..

هااااااا هاهااااا لعب شنو يا دسيس هو نحن لعبنا ... انت قايل كان عندنا زمن لعب ... فاضين نحن من شراب المريسة هاهاهاها

[مرتضى يوسف العركي]

اخي وصديقي ود المامون
كم آسف على عدم مواصلة الرد على اتصالك واغلاقي للخط فلم اتعود من قبل عدم الرد مهما كانت جهة الاتصال
عليه وطالما هذاالسجال هنا ارجو ان لا تنتحي به جانبا آخرا
فمن الشجاعة ان تطرح ما لديك هنا فقد تعاهدنا على هذا السجال هنا
بصحبة الجميع تحت الشمس عليه عذرا آمل عدم الاتصال بي مجددا
شكرا لتعاونكم

[ايمن عبد الله]

اخي وصديقي ود المامون
كم آسف على عدم مواصلة الرد على اتصالك واغلاقي للخط فلم اتعود من قبل عدم الرد مهما كانت جهة الاتصال
عليه وطالما هذاالسجال هنا ارجو ان لا تنتحي به جانبا آخرا
فمن الشجاعة ان تطرح ما لديك هنا فقد تعاهدنا على هذا السجال هنا
بصحبة الجميع تحت الشمس عليه عذرا آمل عدم الاتصال بي مجددا
شكرا لتعاونكم

ماكنت اتمنى أن تصل الامور الى هذه النقطة ابداً ...
ورغم ذلك كلي أمل في ان تتداركوا الإثنين كل ماحدث .. وبعيداً عن هنا ..

بعيداً عن الساحات فذلك أذكى .. وكل مشكلة لها حل اخي العزيز مرتضى .. اذا توفرت الرغبة في الحل لدى الطرفين ..

[الامين عبدالقادر]

ياجماعة الخير استهدوا بالله ولا تتركوا الشيطان يدخل بينكم وانتم اخوان وقولوا بسم الله وانتم قمة موقع مدنى الحبيبة نامل ان نسمع عن تجاوبكم ودمتم اخوة اعزاء

[مرتضى يوسف العركي]

شكرا لأسماء نيرة ووضئية أعتز وأتشرف بها كثيرا طالبتني بالتوقف
ولعمري ماني الوليد العاق
لم أخطيء على أحد إلا بسهو الخاطر المغيب وأن اخطأت أبادر بالاعتذار ولعلها سانحة لأعتذر للجميع مرتين الأولى ان اخطأت بحق احدكم فليسامحني والثانية عن هذه الرغبة الجامحة في الإستمرار علها تريح ما علق بالنفس ...
اقدر أندهاش كثيرين على سر إصراري على هذا السجال الذي لا يشبهني... يعلم الله وربما البعض بأن الرجل يلاحقني ومنذ ثلاثة أشهر قبل وأوان عملي باللجنة القانونية أوسعني سبا وقذفا وأشان سمعتي وهتك أموري الخاصة يترصدني في كل تعليق ويستدعيني في كل بوست تجاوزتها جميعها بصبر المحتسب فقد كان عمل اللجنة وحيادها في النأى بشخوصنا عن أي معترك يعطل مسيرة تطور هذا المنتدى الأبي يمنعني من التداخل وقبل كل هذا وذاك أيضا أخلاقي القميئة كالطملة برغم انها أخلاق ود مدني العادي الطباع والتفكير المحبة والودودة حسب ما ننقل لي بعضهم وصدقتهم وآمل ان يكونوا محقين ...
وضعنا صالح المنتدى فوق كل أذية شخصية حسبناها بدءا ربما يكون عداءً عابرا وإلى أن إنهت اللجنة أعمالها ... لا يزال الرجل مستمر وممعن في لدد الخصومة وغل النفس السادر في الغي ربما حسب آوانها وخلالها وبعدها الممتد بأن صمتنا جبنا وصدق أنه سجل انتصارا باهرا .. عضد احساسه ذلك أن ممارساته العدائية لم يكن يقصرها على شخص لوحدي بل أصاب رشاشه كثيرون صامتون اوسعهم ملاحقة وجدلا ومغالطات وتجريحا وتقزيعا يساعده وقته المتمدد وقلمه السنين الفتي الناصل وحقيقة كانت مخالفته رأيا هي مواجهة خطيرة غير مأمونة العواقب
تصدقوا والله كرهت نفسي التي تراءت لي في حلمها ومسامحتها جبنا ... فالرجل لم يقف على حد الإسفير بل اضافة الى ذلك سوق إتصالاته الهاتفية ببعض اصدقائي الذين عرفته بهم وكانت آلية مضافة في التجني على شخصي البسيط .... اعذروني في المواصلة برغم ما تكشف .... لا لتحقيق الذات بل لنصل مدى أكثر مما يمتلك ويدعي فالعبرة ليست بالانتصار الله يعلم ...بقدر ما العبرة بكف شر مستقبلي لن ادخر فيه جهدا للوصول به الى اعلى مستوى غير متصور فالرجل قدح في أمانتي على الملأ بلا سبب وتعارك معي في لا معترك
لااخفيكم سرا في انني هيأت نفسي لسجال ممتد بإمتداد لسانه وقلمه وعدائه طارحا الموضوعية التقاء والكلمة الطيبة والادب ديدن لن احيد عنهما باذن واحد أحد على ذلك ستجدونني عند حسن ظنكم طارحا لكم جميعا نفسي للمراجعة ان اسأت فقوموني فورا
وما التوفيق إلا من رب العالمين اليه أنبت وعليه توكلت ......
فمعذرة

[محمد المأمون]

اخي وصديقي ود المامون
كم آسف على عدم مواصلة الرد على اتصالك واغلاقي للخط فلم اتعود من قبل عدم الرد مهما كانت جهة الاتصال
عليه وطالما هذاالسجال هنا ارجو ان لا تنتحي به جانبا آخرا
فمن الشجاعة ان تطرح ما لديك هنا فقد تعاهدنا على هذا السجال هنا
بصحبة الجميع تحت الشمس عليه عذرا آمل عدم الاتصال بي مجددا
شكرا لتعاونكم

لاتأسف اخى فهى ثلاث كلمات قلتها لك لاننى اتصلت فقط لتبعد اهل بيتك عن هتافك الذى تجاوزته لانك حاولت ان توهم القارئ اننى يمكن ان اسئ لامهاتى او اهل وطنى ... فلتسرح فى غيك ومازلت اقول لك سقطت عندى فقط كعبد فقير كما وصفتنى وافتخر باهدائى لجيناتى الوراثية المشوهة

[مرتضى يوسف العركي]

لاتأسف اخى فهى ثلاث كلمات قلتها لك لاننى اتصلت فقط لتبعد اهل بيتك عن هتافك الذى تجاوزته لانك حاولت ان توهم القارئ اننى يمكن ان اسئ لامهاتى او اهل وطنى ... فلتسرح فى غيك ومازلت اقول لك سقطت عندى فقط كعبد فقير كما وصفتنى وافتخر باهدائى لجيناتى الوراثية المشوهة
مساءات الخير حبيبنا
اولا شكرا لعودتك
ثانيا اشكر لك اعترافك بالاتصال وايضا الثلاث كلمات المتعلقة التي لم الحق سماعهم واغلقت الهاتف لكن لا ضير من ابعادك اهل بيتي من الحوار واقدر لك عدم تضمينهم في اساءتكم بالرغم من انهم من اهل الطملة اتساءل ماذا عن بقية امهاتي وابائي وجميع اهلي ناس الطملة الذين لم يتضمنهم للاسف اتصالك او ردك وهم امهات لك واهل وطنك فالطملة كائنة بجمهورية السودان محافظة الجزيرة مدينة ودمدني تتبع لمحلية مدني غرب خاصة وقد سبق ان تضمن بوستي ان نساء الطملة امهاتي بل الشارع فيه كلو امك و ابوك يا ريت نشوف ردك ان كانوا يستحقون استبعادهم بمعاملتهم اسوة باهل بيتي او انك ترى انهم لا يستحقون هذا الاستحقاق الذي منحته فقط لاهل بيتي ؟
شكرا

[ريمون]

مرتضي ..
اسمعها مني انا ريم التي تعرف ..
فلتوقف هذا الجدال فما هو بمجدي ..
انه ينتقص منك انت مبتدأ ..

[عثمان جلالة]

الأحباء ود العركي .. ود المأمون ... حلفتكم بالله وبقدر ما أكنه لكما من عظيم احترام وتقدير ... أن تكفوا عن المضي قدما في هذا البوست المحزن.

وما بينكم من مساحات للتواصل ... والمكاشفة .. والتوضيح .. أرحب من مساحة هذا البوست الخانقة .. والتي تخنقني حروفها كما "عبرتي" من قراءة ما كتب هنا.

نحن نحتاجكم .. ود مدني ... الجزيرة .. السودان .... عشمي أن تكون هذه القوة والاصرار ... والعزم من أجل مسيرة البناء رجاءا فـ لـ نترك الخصام .. ولنتصالح ونتعافى .. ونتقالد .. لأننا سودانيون أولاد بلد من رحم هذه الأرض الطيبة

[محمد المأمون]

الأحباء ود العركي .. ود المأمون ... حلفتكم بالله وبقدر ما أكنه لكما من عظيم احترام وتقدير ... أن تكفوا عن المضي قدما في هذا البوست المحزن.

وما بينكم من مساحات للتواصل ... والمكاشفة .. والتوضيح .. أرحب من مساحة هذا البوست الخانقة .. والتي تخنقني حروفها كما "عبرتي" من قراءة ما كتب هنا.

نحن نحتاجكم .. ود مدني ... الجزيرة .. السودان .... عشمي أن تكون هذه القوة والاصرار ... والعزم من أجل مسيرة البناء رجاءا فـ لـ نترك الخصام .. ولنتصالح ونتعافى .. ونتقالد .. لأننا سودانيون أولاد بلد من رحم هذه الأرض الطيبة
اخى الكريم جلالة لمثلكم تنحنى هامتى ماحييت...وثق بانى لم ارد الا لما فسر بغير قصدى فقط ليست الطملة ولامدنى بل السودان كله اهلى وحين كتبتها عنيتها كوصف افتراضى لمرتضى فقط

[ريمون]

احترم اهل مدني كثيراً فهم مميزون ..
وافتخر اني خرجت من رحم الجزيرة المعطاءة ..
واحترم نفسي فلا ادخلها في سجالات لا تشبهها ..

[مرتضى يوسف العركي]

اخى الكريم جلالة لمثلكم تنحنى هامتى ماحييت...وثق بانى لم ارد الا لما فسر بغير قصدى فقط ليست الطملة ولامدنى بل السودان كله اهلى وحين كتبتها عنيتها كوصف افتراضى لمرتضى فقط


الحبيب احمد المامون

تصوراتك الإفتراضية لو سلمنا بها جدلا مع عدم تسليمنا بذلك تبقي حقيقة أنك قريب منها طالما هي مجرد تصور وصف افتراضي فما يضيرك في تصحيح هذا الوصف الافتراضي بالاعتذار عنه ما زال اهلي بفريق الطملة القمئيء ينتظرونك ياخي كثير عليهم نزول شخصكم العظيم من ابراجه العاجية لمجرد اعتذار صغير وبسيط سيتقبلونه بطيبتهم البسيطة المتسامحة ياخي ديل لو دقشت ولدهم بعربية والله يجو يفكوك من البوليس قبل ما يدفنوه في احلى منهم عليك الله

اجيك لنفسي يعني لسه مصر على الاصرار على اساءتي بتاكيدك على حصرها في شخصي انت شنو نسيت الاتفاق لو ما احترمتني ياخي احترم الوجوة النيرة المتابعة
نفسي نرتقي قليلا وحصر السجال في ابسط نطاق
اإفقنا ماذا تقول لأهلك وأمهاتك ناس الطملة في مدني واهل السودان تصحيحا لوصفك الافتراضي كمرحلة أولى خليك مني أنا بصراحة لو رديت بيكون كلامك زوغان ساكت ونمشي لقدام

همسة معجب بهدوئك ويا ريت تواصل بهذا الملمج المشجع

[ايمن عبد الله]

سلام صاحب البوست
نمشي علي هدي ود عبدالعال ... وايمن هواء
البوست كلو عاجبني فيهو التسمية ((بقبقه)) البقبقة هي:
1/ صوت الماء عند نزوله في القلة
2/ صوت فقع الماء أثناء غليانها
3/ صوت الماء يدخل الكوز ........... الاخيره ظريفه
البقبقه اسم جميل ما عارف عركي نكتو من وين ولو ما اخاف الكذب اقول عركي جاء فريق الطملة بالغلط ((سيدي ولع .... سيدي بقه... سيدي ولع .... سيدي بقه...)) لانامو لا خلو الشريف انوم لا خلو الغنم تنكرش.((الجماعه قايلنها من الكرامات))
ممكن برضو نقول بالعاميه بقه قريبه من بقبقه وتطلق علي بقبقة اللمبه اي كما تقال للمبه عند ما تلفحها نسمة هواء وتاثر علي اضائتها في الانخفاض والتعليه بصوت بق بق بق وتسمي بقبقة اللمبه ((المقصود لمبة الجازلين بالقيطان))


نرجع لكلام اخونا الدسيس ..
والبق كما جاء في العامية ..
يقال ايضاً لحشرة صغيرة .. تكثر في المناطق الساحلية من المملكة وهي حشرة بنغالية هندية باكستانية يسميها المصريين بالبق .. وينعتها السودانيين بالمرقوت الذي يعض الناس ليلاً يزعجهم لكي لا يهنئوا بالنوم المتواصل .. وهي حشرة ثقيلة جداً اثقل من الدسيس وقت الكتال في المنتديات .. او هكذا ذكر القاتل او القائل ويقال ايضا اثقل من ايمن هواء بالليل لمن ابق .. والبق هنا آتى من بقة أي بق بقة من شراب والشراب ليس كشراب الدسيس بتاع الكوش داك الشراب هنا بمعنى السقيا او شربة من اي شئ شربه .. سواء ان كان ماء او عصير او ارزونا او عرق البلح فكل جرعة من ما شرب يعتبر بقة ..

والبق هو صوت ضرب الكرة .. مثلاً عندما تلاعب الموردة المريخ .. تسمع في التلفاز بق بق يليها صوت المذيع يقول بطلع الجقر وتتالى بق بطلع الجقر هذا في زمن الجقر ..

البقة هي ما تفعله الحشرة في الجسم عندما تلدغ حنكوش وتعمل علامة مائية في جسمه تسمى بقة وهي ايضاً ثقيلة بالذات لو انفقعت ...

هذا ما اردنا توضيحه من ناحية البق ..
ولنا عودة ..

[هيثم عبدالعال]

نرجع لكلام اخونا الدسيس ..
والبق كما جاء في العامية ..
يقال ايضاً لحشرة صغيرة .. تكثر في المناطق الساحلية من المملكة وهي حشرة بنغالية هندية باكستانية يسميها المصريين بالبق .. وينعتها السودانيين بالمرقوت الذي يعض الناس ليلاً يزعجهم لكي لا يهنئوا بالنوم المتواصل ..

والبق هو صوت ضرب الكرة .. مثلاً عندما تلاعب الموردة المريخ .. تسمع في التلفاز بق بق يليها صوت المذيع يقول بطلع الجقر وتتالى بق بطلع الجقر هذا في زمن الجقر ..

البقة هي ما تفعله الحشرة في الجسم عندما تلدغ حنكوش وتعمل علامة مائية في جسمه تسمى بقة وهي ايضاً ثقيلة بالذات لو انفقعت ...

هذا ما اردنا توضيحه من ناحية البق ..
ولنا عودة ..


تم تنقيح مداخلة الأخ أيمن من التجاوزات التي تجرح مشاعر الآخرين مع الإحتفاظ بالأصل
ومن ثم ندلف لصلب الموضوع في هذا المقام تحضرني المقولة الشهيرة عجبني للمرقوت والتي يقال أنها تعود لعجوز نجضها المرقوت نجاض قبورة ( واحد يجيب لينا سبب دي كمان) وغلبها التسوي معاهو وذات يوم جاها خبر إنو قطيتها إتحرقت فأطلقت مقولتها تلك .. إن شاء الله إستفدتوا
زمن العزابة لما فينا واحد جاب لينا البق ده وعينك ما تشوف إلا ... الليل كلو حكحكة جبنا البلدية رشو الغرف ما نفع ، طلعنا المراتب في الشمس ما نفع ، يوم جانا واحد منظراتي قال تكبوا شوييييييية سائل زي الجاز كده وتولعوا أطراف المرتبة محل بتدسى وهو بتحرق وتاني ما برجع والمرتبة ما بتجيها حاجة لأنو النار بتمسك في البق بس تشويهو وتعال شوف لما المرتبة ولعت والنار في السماء والجرادل تتطاقش لو ما ربنا ستر كنا رحنا في خبر كان

[ايمن عبد الله]

تم تنقيح مداخلة الأخ أيمن من التجاوزات التي تجرح مشاعر الآخرين مع الإحتفاظ بالأصل
ومن ثم ندلف لصلب الموضوع في هذا المقام تحضرني المقولة الشهيرة عجبني للمرقوت والتي يقال أنها تعود لعجوز نجضها المرقوت نجاض قبورة ( واحد يجيب لينا سبب دي كمان) وغلبها التسوي معاهو وذات يوم جاها خبر إنو قطيتها إتحرقت فأطلقت مقولتها تلك .. إن شاء الله إستفدتوا
زمن العزابة لما فينا واحد جاب لينا البق ده وعينك ما تشوف إلا ... الليل كلو حكحكة جبنا البلدية رشو الغرف ما نفع ، طلعنا المراتب في الشمس ما نفع ، يوم جانا واحد منظراتي قال تكبوا شوييييييية سائل زي الجاز كده وتولعوا أطراف المرتبة محل بتدسى وهو بتحرق وتاني ما برجع والمرتبة ما بتجيها حاجة لأنو النار بتمسك في البق بس تشويهو وتعال شوف لما المرتبة ولعت والنار في السماء والجرادل تتطاقش لو ما ربنا ستر كنا رحنا في خبر كان

هههههههههههههه شكيت محنك يا هيثم هو قطر كمان وصلها البق ده ...
اكيد جابو روبش في طرف لياقتو .. حاكم هو بدس في الحتات الناشفة دي .. وبعدين قالو البق ده او المرقوت الله يبيدو في الدارين يقال والله اعلم ان الحبة من المرقوتة ان وجدت خلاص الرماد كال حماد لانه يتكاثر بسرعة خرافية وقالو اسرع من خليفة عمر لمن كان بجري ..

لكن التنقيح ده ليه .. انت عارف بعدين كان قالو نرشح هيثم ده مشرف انا بعترض .. ومن هسة اكلمك طالما انت زول بتلغي دور الآخر وما بتدي حرية للحوار بين الأديان وتمشي الامور على كيفك وتنقح هسة في داعي تنقح لي ارزونتي دي هسة وريني مالا الارزونا دي ولا عشان بعملوها الدينكا وهم انفصلو مننا شوف يا هيثم يا ارزونتي يا بعترض لانك من هسة داير تنقح لينا وتكرهنا البق .. طيب ما كان تشيل الجقر ده الجقر ده مخلي لي شنو ..

[هيثم عبدالعال]

هههههههههههههه شكيت محنك يا هيثم هو قطر كمان وصلها البق ده ...
اكيد جابو روبش في طرف لياقتو .. حاكم هو بدس في الحتات الناشفة دي .. وبعدين قالو البق ده او المرقوت الله يبيدو في الدارين يقال والله اعلم ان الحبة من المرقوتة ان وجدت خلاص الرماد كال حماد لانه يتكاثر بسرعة خرافية وقالو اسرع من خليفة عمر لمن كان بجري ..

لكن التنقيح ده ليه .. انت عارف بعدين كان قالو نرشح هيثم ده مشرف انا بعترض .. ومن هسة اكلمك طالما انت زول بتلغي دور الآخر وما بتدي حرية للحوار بين الأديان وتمشي الامور على كيفك وتنقح هسة في داعي تنقح لي ارزونتي دي هسة وريني مالا الارزونا دي ولا عشان بعملوها الدينكا وهم انفصلو مننا

هسي مداخلتك دي واقعه في تلاته محاور لو كنت مشرف كنت حولت ليك كل جزء في حته ، بتاع تلغي الآخر وشنو ما عارف داك بوديهو الثقافي على الأقل تصنف كمثقفاتي
والتاني بتاع الدينكا والإنفصال أوديهو السياسي ومنها نناقش مآلات نيفاشا
الأول بتاع الدارين داك الإسلامي راس وبكلم ليك عبدالمنعم فتحي يجي يشوف لينا صحة الرواية

ياتو بق يا زول ... دي على وزن عتوت شنو يا حاجه

[ابو ابراهيم الخالدى]

مرتضى الحبيب
والله كترتة البزغلى
وكرهت الناس لعب البلى
ياخى اعرض عن هذا
وياخى ات عندنا اكبر من كدى

واللياقة بتنحسب عليك
وخطك الانت رسمتو اقعد براحة وبرواااقة بتلقة فيه ثغرات
وما براك القاعد تعمل فى مطبات
محمد صاح منفعل
واكبر دليل على انفاعلو ختو الكبار دة
وكمان لونو احمر
اللحمر فى الموشاغلة حلو حلا
وبحبنو البنات
وفى رواية بدسترن بيه

بس جراك لى دربوا الانت خايف عليه
ودرب اللجاج درب الخطل

واللميت فيه محمد دة
الطملة ان دافعت انت عنها
او هو سبها برضها هيلتو
كيييييييف ؟؟؟؟


*ود كنان جدو والكناناب وآل حسان زمان وهسع خيلانو .
*وناس شيخ ودمدنى عليه الرحمة برضهم اهلو .
*والشيخ الاسع خلف مدرسة فرينى مانى عرف اسع اسمة شنو جدو تتتتتتتتتتاب
*وهو لا اسمو احمد ولا اسمو محمد (هندا ) اسمو (محمد سرور المامون احمد ) مسمينو على جدو طاااق الشيخ محمد سرور وشيخك الشربت محايتو اتة يا بتاع المحيات ;)ماخد الطريق على ناس جدو

*وكمان جدو السيد مكرنجة عليه شابيب الرحمة والد ام امه عليها رحمات الله تترى
*وكمان يالكيشة وقع لك فوق عبك . شايف الحليمابى فوق توقيعك برضو جدو صالح نور الدين من كبار ناس فداسى الحليماب
والقصة طويلة وعيييييييييييييييييك

معليش قضية جين دى زعلتنى منك وبرضك حبيب

حبيبنا ود العركى
ياخى انت اكبر من كدة
وانتو ما قاعدين تدافعوا عن صدقكم واخلاصكم حسب زعمكم !!
انتو قاعدين تتعروا ( مسرح على الهواء )
ذكورتونى ناس الغرام
لمن الواحد امش بى محض ارتو من الصباح الانادى
واجى اخر النهار اتسلوا بيه الشفع وناس الشارع
ياخى انت لو مصر على قناعتك مافى مانع
سويها كوتات
لالالا ياخى
حزم مالة
ياخوى دحين ما قالوا التفاصيل فيها الشيطان

عموما الناس هنا اثبتوا ليكم
انو بحبوكم وبرضوا محتاجين ليكم
وبرضوا نصحوكم
آهههههههههه
هجليجكم دى بتستفيدوا منها ولة بضيعوها...زى ....
ولة اللالوب بدور كاسو
غايتو يعلم الله مشغول ( حظكم )
وزمان فوتتنى زعلة وهسع جابتنى زعلة :mad:

وان كترتوا
يانة الجابين الواسوق والطالوق والعزمة
انا بمثل شيخ العرب رحمه الله ولة كبثور
ود الدسيس وصاحبى ايمن (صاحبى دى من اندياتى )
ندفنكم دفن العيش
ونحتل البوست
وغلة كمان نفتلو
والحشاش املة شنو كدة ما عارف
وبالله عليكم بت مدنى دى( شكلها كدة ما غريبة على ) ودوها الضل

[بدر الدين احمد الطائف]

تحياتى لود العركى ولكل الاحباب
لم اكن اود التداخل فى هذا اابوست لانه من الواضح انه كتب نتيجة انفعال وغضب.
وكتاباته لا تشبه مرتضى العركى ولم نعهد من ذلك
و البوست الغرض منه تصفيه حسابات شخصيه
لاتسمن ولاتغنى من جوع
فى وقت الناس محتاجه فيه لشوية هدوء حتى تستقر الامور
العزيز مرتضى بما انك تعلم بان الشخص المعنى بالبوست موقوفا
والاخ صابرحسين يعلم تمام العلم بان من المستحيل عودته الان للدفاع عن نفسه
فما هو الغرض من فتح هذا البوست وما الفائده من بقاءه اصلا



الاعزاء
مرتضى العركى
محمد المامون
وكل المتداخلين
اعلاه هى اول مشاركة لى فى هذا المفترع
والذى وضحت فية ان هذا البوست يتناول امر شخصى والغرض منه تصفية حسابات شخصية.
لاتسمن ولاتغنى من جوع
واضح جدا انحراف البوست وتغوله فى امور بالغه الخصوصيه .
تداخل نفر كريم وطلب من الطرفين التوقف عن هذا السجال وفتح صحفة جديده .
وكانت هناك جهود كثيره على المستوى الخاص والعام لوقف هذا التهتار ولكن بدون جدوى.
يعلم كل الطرفين مدى حبنا واحترامنا لهم وللجميع. بقدر حبنا لمنتدانا ومديتنا العريقة.
ومن المخجل ان نقف موقف المتفرجين لكل ما يحدث .
فكل ماحدث وسيحدث سيذكره التاريخ فلنجعل صفحاتنا بيضاء نقية.
بقدر نقاء قلوبنا.
الاخوة فى اداره المنتدى اليكم فقرتان من النظام الاساسى واللائحه اللتان لم يجف مدادهما وهى كفيله بحسم الامر.

مادة (34)من النظام الاساسى
يحظر على العضو إستخدام أقسام المنتديات ساحة لتصفية الحسابات والخلافات الشخصية وطرح المواضيع ذات الصبغة الشخصية صراحة أو ضمناً ، ما لم يكن الأمر في حدود النقد الهادف والبناء للشخصيات العامة وتناول الظواهر السالبة في المجتمع دون إساءة أو تجريح .

مــــادة (25)فقرة ب من اللائحه
يلتزم عضو المنتديات بما يلي
‌ب. عدم التطرق للمواضيع التي تتناول خصوصية الأفراد أو تلك التي تتعرض لحياتهم الشخصية أو أسرهم دون مقتضى ويستثنى من ذلك الشخصيات العامة وفي حدود النقد البناء .
الاخوان الاعزاء
مرتضى ودالمامون
ارجو ان يتسع صدريكما وارجو نرى حلمكم الذى نعهده فانتم قدوتنا.

[بدر الدين احمد الطائف]

مرتضى الحبيب
والله كترتة البزغلى
وكرهت الناس لعب البلى
ياخى اعرض عن هذا
وياخى ات عندنا اكبر من كدى

واللياقة بتنحسب عليك
وخطك الانت رسمتو اقعد براحة وبرواااقة بتلقة فيه ثغرات
وما براك القاعد تعمل فى مطبات
محمد صاح منفعل
واكبر دليل على انفاعلو ختو الكبار دة
وكمان لونو احمر
اللحمر فى الموشاغلة حلو حلا
وبحبنو البنات
وفى رواية بدسترن بيه

بس جراك لى دربوا الانت خايف عليه
ودرب اللجاج درب الخطل

واللميت فيه محمد دة
الطملة ان دافعت انت عنها
او هو سبها برضها هيلتو
كيييييييف ؟؟؟؟


*ود كنان جدو والكناناب وآل حسان زمان وهسع خيلانو .
*وناس شيخ ودمدنى عليه الرحمة برضهم اهلو .
*والشيخ الاسع خلف مدرسة فرينى مانى عرف اسع اسمة شنو جدو تتتتتتتتتتاب
*وهو لا اسمو احمد ولا اسمو محمد (هندا ) اسمو (محمد سرور المامون احمد ) مسمينو على جدو طاااق الشيخ محمد سرور وشيخك الشربت محايتو اتة يا بتاع المحيات ;)ماخد الطريق على ناس جدو

*وكمان جدو السيد مكرنجة عليه شابيب الرحمة والد ام امه عليها رحمات الله تترى
*وكمان يالكيشة وقع لك فوق عبك . شايف الحليمابى فوق توقيعك برضو جدو صالح نور الدين من كبار ناس فداسى الحليماب
والقصة طويلة وعيييييييييييييييييك

معليش قضية جين دى زعلتنى منك وبرضك حبيب

حبيبنا ود العركى
ياخى انت اكبر من كدة
وانتو ما قاعدين تدافعوا عن صدقكم واخلاصكم حسب زعمكم !!
انتو قاعدين تتعروا ( مسرح على الهواء )
ذكورتونى ناس الغرام
لمن الواحد امش بى محض ارتو من الصباح الانادى
واجى اخر النهار اتسلوا بيه الشفع وناس الشارع
ياخى انت لو مصر على قناعتك مافى مانع
سويها كوتات
لالالا ياخى
حزم مالة
ياخوى دحين ما قالوا التفاصيل فيها الشيطان

عموما الناس هنا اثبتوا ليكم
انو بحبوكم وبرضوا محتاجين ليكم
وبرضوا نصحوكم
آهههههههههه
هجليجكم دى بتستفيدوا منها ولة بضيعوها...زى ....
ولة اللالوب بدور كاسو
غايتو يعلم الله مشغول ( حظكم )
وزمان فوتتنى زعلة وهسع جابتنى زعلة :mad:

وان كترتوا
يانة الجابين الواسوق والطالوق والعزمة
انا بمثل شيخ العرب رحمه الله ولة كبثور
ود الدسيس وصاحبى ايمن (صاحبى دى من اندياتى )
ندفنكم دفن العيش
ونحتل البوست
وغلة كمان نفتلو
والحشاش املة شنو كدة ما عارف
وبالله عليكم بت مدنى دى( شكلها كدة ما غريبة على ) ودوها الضل


شيخ الصادق
اعذرنى والله لو شفته مداخلتك دى لما سطرته وراك اى حرف
كفيت ووفيت
تسلم يا الحبيب لكل ماكتبت

[خالد 000 ابقرجة]

تابعت هنا وهناك أغلب ما كتب 000
وطللت أتابع منذ أشهر 000
لم أصمت لعدم قدرة علي مواجهة أو إحقاق حق 000
ولم أتوقف عن رد مظلمة لمراءاة صديق 000علي حساب آخر 000
لكن كانت وما زالت قناعتي 000
أنها معارك الكاسب فيها أكبر الخاسرين 000

الآن لم تتغير قناعتي أن الكاسب هنا أكبر خاسر 000
لكنني جئت لسرد قصة قصيرة 000

في عيد مضي 000
هرعنا علي موعد لرياض الخير 000
علي خطي الجميع هنا للسعي في التقارب الذي يزيد الأواصر 000
ويجعل الجميع يداً واحدة ذات هدف واحد 000
وقلباً واحداً ينبض بقوة الجميع في حب مدني والجزيرة والوطن 000
كان لقائي الأول بصديقي منذ عامين عبر مواقع اسفيرية ليس لها علاقة بمدني ولكن جمعنا حبها 000
عملنا معاً من علي البعد وعبر مكالمات يومية 000
لكن لا أنسي أبداً أن أول لقاء لي به كان في رياض الخير 000
وسط أحبة تعرفنا بهم في هذا المكان فأضحوا خير رفقة وخير معين 000
ولن أنسي أن أول ليلة نقضيها معاً كانت في دار حبيب لنا معين درويش تهذي بحب ود مدني 000
لم ننم ليلتنا (ثلاثتنا ) حتي الصباح 000
ولم ينقطع حديث العمل والخير والود وعلاقات الجميع التي نظمها هذا المكان ورديفه 000

فصديقي كان محمد المأمون 000
ومضيفنا الدرويش بحب الجميع كان مرتضي العركي 000

حينما أدخل هنا 000
أصاب بغصة ولا أستطيع حبس مدامعي 000
ولست بالهوين قريب الدمع ولا فخر 000

لكن أن الا يكون لكل هذا الإرث الذي سردته أثراً في عودتنا عن الإحتراب 000
فهو أمر يجعل كثير من المسلمات عرضة لنزاع النفس مع النفس 000

والا يكون لكل نداءات الصحاب خاطر فهو ما بعث بالحزن 000

وأن يكون لكل حديثنا مع إخوة لنا قد تم تحويله للأذن التي لا تسمع فهو أمر يجعلنا نصاب باليأس 000

ولأنني لا أستطيع التوقف عن هذا المكان ورديفه 000
فسأكتفي فقط بعطلة مفتوحة عن هنا وهناك 000
ريثما تلتئم جراح النفس 000
وريثما يكون للصحاب مسمع لنا ومساحة لقبول ما نطرح 000

فتتبع بعضنا ومحاولات تعرية بعضنا لبعضنا 000
وتوجيه الإساءات للأفراد أو الكيانات 000
وإفتراض سوء النية في كل لفظ وتصرف 000
وتتبع خصوصيات بعضنا وفضح ما استتر منها 000
ظلت ديدن لنا منذ مدة ليست بالقصيرة 000
وبكل تأكيد ليس منا من لا عيب أو هفوة له 000
وبالتأكيد ليس منا من لا تنقصه القدرة علي المواجهة وتتبع العيوب والقدرة علي الصدام 000
لكن لأنها معارك لا رابح فيها وكلنا خاسر فالصمت عنها محمدة 000
عذراً للجميع 000
ونسأل الله أن يسترنا ولا يفضح بنا 000

[ايمن عبد الله]

هسي مداخلتك دي واقعه في تلاته محاور لو كنت مشرف كنت حولت ليك كل جزء في حته ، بتاع تلغي الآخر وشنو ما عارف داك بوديهو الثقافي على الأقل تصنف كمثقفاتي
والتاني بتاع الدينكا والإنفصال أوديهو السياسي ومنها نناقش مآلات نيفاشا
الأول بتاع الدارين داك الإسلامي راس وبكلم ليك عبدالمنعم فتحي يجي يشوف لينا صحة الرواية

ياتو بق يا زول ... دي على وزن عتوت شنو يا حاجه

العتود الاتناولو من الحيطة وقعدو بي
هع هع هع
شفت انك فيك روح اشرافية كيف
روح شريرة
هسة مشاركتي الشوية طلعت منها عدة اقسام

ياااخ ناس ابراهيم وبدر ديل خربو لينا انحرافنا
ننحرف وين يعني
يانااااس هووووي عليكم الله خلونا الننحرف ما تعملوا لينا لخمة راس

[عباس الدسيس]

كرهتونا لعب البلي والله
الموضوع بقي فيلم هندي تلفونات ما نفع رجاءات ما نفع
يعلم الله امس دخلت البيت بعد الحمام فتشته السماء الواطه للجوال ما لقيتو قلتا راح الصباح لقيتو فوق الكونسول قلته البيت فيهو شيطان اكتشفته الاولاد عملو مؤامراة من كثرة ما زهجو.
يعني الواحد لو عايز اشاكل معاك يا عركي لي قدام اعمل حساب الشكله ممكن تستمر شهور.
من تاريخ عركي وقت كان صغير جسمو كان نحيف اي زول بدقو في الفريق بعد كده الناس بتخاف منو ليه؟؟؟؟؟ لو عملته شكله مع عركي ودقيتو مثلا في ميدان الكوره تمشي الدكان تلقي واقف اهجم عليك اشلتك احجزوكم تمشي الزقاق علي بيتكم تلقي لابت ليك احجزوكم تقول خلاس الموضوع انتهي تكون ماشي لي بيتكم تلقي واقف في بابكم احجزوكم تدخل بيتكم انط ليك بي الحيطه ..... حنيت لي ايام زمان يا عركي.
الباقي ليكم سياسة عطا سيد الدكان صاحبي.
عطا من اولاد الجزيرة عندو معانا في الحي دكان اوقات الفراق بمشي بتونس معاهو بحكي لي قال نوي ادخل القفص الذهبي خطب بت خالتو وعشان الحياة الزوجيه تستمر هادءه قال ليها وصاية:
اولا: مسئولية البيت تشيليها وانتي متحزمة ما اسمعك تقولي لي عايزة بتوجاز تعوسي الكسرة بالحطب ونار الحطب تشتغلي بيها الحلة والدكان ما تهوبي عليهو وجن وجن كلو يوم عايزة صابونه الغسيل الكثير بشرط الهدوم والهدوم ذااااااتا جني وجن شراءها الزول بموت وبدوها لي الشحادين وكثري من الطمام بتغنيك عن شراء اللحمه وملاح البامية تاني يوم اقلبي ويكه دوري فينا الساقية بتاعت البامية فوائده كثيرة ورخيصة.
والوصية الاهم:
امي وابوي ديل كان لقيتيهم بعجنو في الطين ما عندك بيهم شغله.
ولو ليقيتك عامله شكله مع اخواتي دي بلفخ بيها دي.
وعثمان اخوي في ليبيا لو قال ليك طلقانه انتي طلقانه.
اها يا عركي وودالمامون نشتغل معاكم بي وصية اخواتو دي نلفخ بيها دي ونقوم نجوطا ليكم.

[ايمن عبد الله]

الدسيس الكلام ده كله ما بنفع .. انحرف بس كرهم البوست ... ما يقوم عركي كمان يجي بعد شهرين يلم فيك وفيني وفي هيثم وفي كل منحرف يدخلنا الحراسة كماااان ما زول بوليس كمان دي بتغلبوا يا دسيس .. انحرف انحرف ... وواصل في تعريف البقبقة والقبقبة ... عشان نستفيد من البوست واحتمال بعد شوية نطلب تغيير الاسم الى قاموس اللغة العامية في الشكل وأدب الاختلاف ..

[النويري]

يا عبس بالله عليك الله اتكلم لينا شوية عن أبو اللصيق

[مرتضى يوسف العركي]

بسم الله الرحمن الرحيم وبه نستعين

إن العفو من الله فمن أراد أن يعفو الله عنه فيعفي عن الناس

قال الله تعالى:
( فَاصْفَحِ الصَّفْحَ الْجَمِيلَ)(الحجر:85) ( وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ)(النور:22).

(وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)(آل عمران 134) :(وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ)
(الشورى:43)

أخي محمد المامون
لن أطلب اعتذارك بقدر ما أطلب منك قبول إعتذاري أنا لكم أخي الكريم
وأطلب مسامحتكم لي أخي الكريم
أما من جانبي الله يسامحني ويسامحك
وعافي منك محل ما تقبل
ومتيقنا بأن أهلي ناس الطملة بما وهبهم الله قلوبهم إتساعا لن يرضون بانتظار قبول اعتذارك بقدر يخفون للعفو
عني وعنكم
و أسال الله أن يعفو عني إن اخطأت بحقكم أنتم شخصيا يا أخي محمد المامون
كماأاسال أخواني أعضاء هذا المنتدى الكرام أن يعفون عني و يسامحوني على أذيتهم خلال هذه الفترة الماضية
كم أنا مخطي في حق الجميع وكم آسف لذلك واندم عليه
( استغفروا ربكم إنه كان غفارا)

أعترف بذنبي بين يديك خالقي وأطلب العفو منك .
وسلام من الله عليكم

[ايمن عبد الله]

لك كل الشكر اخي العزيز مرتضى وانا كنت على يقين انك ستستجيب والحمد لله على كل حال ..

[النويري]

الحمد لله أخي مرتضى أن هداك للحق ونعلم أنك حليم وكبير شكراً كثيراً لهذا التصالح الجميل ونتمنى أن تكون الأيام القادمات مزيداً من المحبة والسلام.

[ايمن عبد الله]

يا عبس بالله عليك الله اتكلم لينا شوية عن أبو اللصيق

أبو اللصيق ولا أبو الدقيق ؟

حدد :p

[عباس الدسيس]

شكرا يا عركي يا راقي
تورتا نفسنا
الميزة الفيك بعد العكلته زول قلبك ابيض
تحياتنا وتقديرنا

النويري بجيك لي ابو اللصيق خلي الويك اند انتهي
ايمن بعد ده يا خوي شوف ليك شغله الموضوع خلاس انتهي

[ايمن عبد الله]

ايمن بعد ده يا خوي شوف ليك شغله الموضوع خلاس انتهي

والله قطعو رأسنا ياخ أنا والكاشف اخوي داك ..

لكن بلقى لي فرقة هواء .. كان ما لقيت بدورا معاك انت ذاتك استعد بس

ياخ المنتدى بدون عنكبة ما بنفع

[Isam Hussien H]

نعم الخليل والأخ الكريم .. فلنجعل من هذا المنتدى صفحة بيضاء تستوعبنا جميعاً ..

[نزار حسن محمد]

محمد المامون اها شن القول بعد كده
ود العركى سبقك وشال الحسنات
تعال يازول مد ايدك واتصافح
وخربانه ام بناياً قــــش

[محمد المأمون]

بسم الله الرحمن الرحيم

يقول الله تعالى فى محكم تنزيله ((ياايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم )) صدق الله العظيم

ويقول المصطفى صلى الله عليه وسلم خاتم المرسلين (( ليس المؤمن بطعان ولالعان))

أخى مرتضى العركى يشهد الله وكل من هاتفنى واحبتى بهايتى بأنى لاأضمر لك شيئا شخصيا وان كان هناك ماعلق بنفسى من التراشق فهو ايذائى لأباء وامهات واخوة واخوات أرتب لهم مكان حميم بدواخلى ...كان يمكن ان نختلف فى حدود وسقف احترامنا لذاتنا والمكان ولكننا تجاوزنا خطوط التوازى الذى هو شئ طبيعى بحياة البشر ولكن مالايقبله الجميع اختلافنا بالثوابت ولكن كما اخرج لنا بوست سابق من وسط غباره دعما لللهايس واطفالنا بالدار سعادتى لاتضاهى بطلب رب عملكم نبذة عن الجمعية ونشاطها
اخى مرتضى يعلم الله لم ادعو عليك لحظة حتى تطالبنى بمسامحتك وارجو ان يغفر لى الله وانتم جميعا ذلاتى وربنا يسامحنا جميعا على خطايانا وكما يقول المسيح ((من كان منكم بلا خطيئة فليرمها بحجر))
أخى حى الطملة به اهلى وأنسابى ولن أسئ يوما الى من جعلونى بعد الله على ماأنا عليه بعد أن كنت طفلا أحبو برحم نبلهم ...وختاما الى جميع اعضاء المنتدى بدئا بمرتضى العركى وانتهاء بشخصى كأقلكم قامة وولوجا لبراحاتكم البهية دعونا نختلف لأجل غد افضل ولأجل انتصارنا لقضايا انسان وطننا وليس لأنفسنا

وعافي منك محل ما تقبل

[ايمن عبد الله]

أهو ده الكلام ولا بلاش

بعد ده النشوف لينا شغلة نقضاها ساااي انا والكاشف والدسيس ..

تسلموا جميعاً على هذه النهاية السعيدة ودمتم اخوة واعزاء وجمعنا الله بخير وعلى خير ..

[انور النور محمد]

يا سلااااااااااام

كل البقدر اقولو لتسعد الارض التي انجبتكم

[ود المطامير]

إحبّتى الكرام
السلام عليكم ورحمة الله وبركاته

يعلم الله تعالى أننى قد قمت بكسر قلمى على ركبتى وكتفيت بالمشاهده والمشاهده اللصيقه فقط
لكل ما يحمل إسم مدنى الجميله ، والآن أكتب بريشه أغمسها فى مداد المحبّه لكم وأنتم تنثرون
ما تاقت نفسى إليه ألا وهو العوده إلى المدار الصحيح الذى يحلق فيه الجميع بأجنحة الود والإحترام

كنت على ثقه أن الحبيب ود العركى سوف يقود الدفّه حيث يجب أن تكون ، فأنا أحد تلاميذه الذين
نهلوا من يراعه الخير الكتير ولم يخب ظنى فالحمد لله .. الحمد لله

والحبيب ود المأمون يسكن حنايا الأضلع صوت وصوره ، تعرفت عليه عبر الأثير عن قرب
فالرجل مشحون بالشجن يحمل هموم الغير قبل هم نفسه والحمد لله على ما نثره من درر براقه

أما أنتم أحبّتى .. فلكم منى كل الحب والود والإحترام .

[ساريه]

على قدر ما وترنا هذا البوست وسحب من رصيد الراحه لدينا على قدر ما كان درس قيم ( ومجانى كمان ) ....
مرتضى يوسف العركى حكيم منتدانا .....
ود المامون نحلة الخير فى مدينة الخير لكم اصفى التحايا وكثير من الشكر ....
وتحية لاخوان لازمو البوست بروح المهموم على هذا البيت ... اقصد ( المنحرفين ) فقد جعلو هذه النار برداً وسلاماً على اواصر الاخوه هنا ...
واخيراً حمد الله على السلامه شيخ النفاج ود المطامير .... هؤلاء هم ابناء ست المدائن ....
ومبروووووووك لينا رجوع اخوه نسعد بوجودهم بيننا ....

[ايمن عبد الله]

على قدر ما وترنا هذا البوست وسحب من رصيد الراحه لدينا على قدر ما كان درس قيم ( ومجانى كمان ) ....
مرتضى يوسف العركى حكيم منتدانا .....
ود المامون نحلة الخير فى مدينة الخير لكم اصفى التحايا وكثير من الشكر ....
وتحية لاخوان لازمو البوست بروح المهموم على هذا البيت ... اقصد ( المنحرفين ) فقد جعلو هذه النار برداً وسلاماً على اواصر الاخوه هنا ...
واخيراً حمد الله على السلامه شيخ النفاج ود المطامير .... هؤلاء هم ابناء ست المدائن ....
ومبروووووووك لينا رجوع اخوه نسعد بوجودهم بيننا ....

والله البوست ده شحمان شحم جد .. جاب مطرة ذاتو يا سارية ..
الحمد لله الذي هدى الجميع ..

همسة: التحية لكل المنحرفين من ناس الدسيس وبتاعين البق وناس الشراب (بضم الشين)
ناس ارزونا.. وناس مرقوت قطر وابو النور والنويري وبقي النقابة المنتحرة المنحرفة

لمسة: اها ياسارية بعد كده احذفي كان دايرة تحذفي .. هع هع هع

بقة : يعني يا مطرة انت الا تجي كده ؟

[ساريه]

لمسة: اها ياسارية بعد كده احذفي كان دايرة تحذفي .. هع هع هع




احذف ؟؟؟
هو تانى فى حذف .... عندنا فرقة انقاذ جاااااااااااااااهزه للانحراف بالبوستات .... عايزين نتعاقد اها وكلو لينا زول بس ابعدو الدسيس دا .... (قال خطيره قال ) .....

[ابراهيم عطية بابكر]

بسم الله الرحمن الرحيم
الحمد لله والصلاة والسلام علي سيد الانام محمد بن عبدالله
الحمد لله الذي هدي اخوتنا الكرام الي التصافي والتسامح ولله دركما ود العركي وودالمامون لقد كنتم كبارًا لأنكم تخلَّقتم بأخلاق القرآن، وتأدَّبتم بآدابه وكنتم كبارًا لأنكم لم تنتقموا لأنفسكم قط، بل كان من شِيَمتكم العفوُ والمسامحةُ والمروءةُ.
ان الاعتذار الاخوة الكرام من شيم الكبارولنا في انبياء الله ورسله لغدوة
إن الاعتذار خُلُقٌ لا يشين ولا يقلِّل من قيمة صاحبه.
* آدم- عليه السلام- اعترف بذنبه لمَّا أخطأ وسارع إلى ذلك، ولم يُحاول تبرير ما وقع فيه من إثمٍ بمخالفة أمر الله والأكل من الشجرة المحرَّمة عليه هو وزوجه، لم يُراوغ، لم يتكبر، لم ينفِ، لكنه جاء معترفًا بخطئه ومُقرًا به:
﴿قَالا رَبَّنَا ظَلَمْنَا أَنفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنْ الْخَاسِرِينَ ﴾
(الأعراف:23).
* موسى- عليه السلام- أخطأ عندما وكز الرجل بعصاه فقتله، فماذا حدث؟..
إنه لم يبرر فعلته، ولم يراوغ لإيجاد المخارج من هذا المأزق، ولكنه اعترف ابتداءً أنَّ ما فعله من عمل الشيطان
﴿قَالَ هَذَا مِنْ عَمَلِ الشَّيْطَانِ إِنَّهُ عَدُوٌّ مُضِلٌّ مُبِينٌ ﴾
(القصص: من الآية 15)،
ثم قام ليقدِّم الاعتذار ويطلب العفو والصفح والمغفرة
﴿قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ إِنَّهُ هُوَ الْغَفُورُ الرَّحِيمُ ﴾
(القصص: 16).
* بلقيس وامرأة العزيز:
كلتاهما كانتا تعيشان في بيئةٍ وثنيةٍ كافرةٍ، ولكنهما اعترفتا بذنبهما، وتابتا ورجعتا عن خطئهما:
أما الأولى- وهي بلقيس- فإنها متى رأت الآيات والبينات تترا على يد نبي الله سليمان حتى قالت :
﴿ رَبِّ إِنِّي ظَلَمْتُ نَفْسِي وَأَسْلَمْتُ مَعَ سُلَيْمَانَ للهِ رَبِّ الْعَالَمِينَ ﴾
(النمل: من الآية 44).
وأما الثانية امرأة العزيز التي راوغت وكادت لتبرير موقفها الصعب وسلوكها المشين،
إلا أنها اعترفت في شجاعة نادرة
﴿ قَالَتْ امْرَأَةُ الْعَزِيزِ الآنَ حَصْحَصَ الْحَقُّ أَنَا رَاوَدتُّهُ عَنْ نَفْسِهِ وَإِنَّهُ لَمِنْ الصَّادِقِينَ (51)
ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللهَ لا يَهْدِي كَيْدَ الْخَائِنِينَ (52)﴾
(يوسف).
يا لها من قوة تحليت بها، وجرأةٍ في الحق

رسول الله يعتذر

عَنْ مُوسَى بْنِ طَلْحَةَ عَنْ أَبِيهِ قَالَ: مَرَرْتُ مَعَ رَسُولِ اللهِ- صَلَّى اللهُ عَلَيْهِ وَسَلَّمَ- بِقَوْمٍ عَلَى رُءُوسِ النَّخْلِ، فَقَالَ:
"مَا يَصْنَعُ هَؤُلاءِ؟"،
فَقَالُوا يُلَقِّحُونَهُ يَجْعَلُونَ الذَّكَرَ فِي الأُنْثَى فَيَلْقَحُ، فَقَالَ رَسُولُ اللهِ- صَلَّى اللهُ عَلَيْهِ وَسَلَّمَ-:
"مَا أَظُنُّ يُغْنِي ذَلِكَ شَيْئًا".
قَالَ: فَأُخْبِرُوا بِذَلِكَ فَتَرَكُوهُ: فَأُخْبِرَ رَسُولُ اللهِ- صَلَّى اللهُ عَلَيْهِ وَسَلَّمَ- بِذَلِكَ، فَقَالَ:
"إِنْ كَانَ يَنْفَعُهُمْ ذَلِكَ فَلْيَصْنَعُوهُ؛ فَإِنِّي إِنَّمَا ظَنَنْتُ ظَنًّا، فَلا تُؤَاخِذُونِي بِالظَّنِّ،
وَلَكِنْ إِذَا حَدَّثْتُكُمْ عَنْ اللهِ شَيْئًا فَخُذُوا بِهِ؛ فَإِنِّي لَنْ أَكْذِبَ عَلَى اللهِ عَزَّ وَجَلَّ"
صحيح مسلم

فالكبار فقط هم القادرون على مواجهة الآخر بكل شجاعة وأدب.
فيصرون على الصدق ويأبون إلا الصراحة..
فيأبون إلا أن يكونوا كبارًا بالعفو والتسامح.
لا يقدر عليها إلا أصحاب النفوس الكبيرة التي تعالت وسَمَت في أفاق السماء.

الاعتذار من شيم الكبار، وخلقٌ من أخلاق الأقوياء،
وعلامةٌ من علامات الثقة بالنفس التي لا يتِّصف بها إلا الكبار الذين لديهم القدرة على مواجهة الآخرين بكل قوةٍ وشجاعةٍ وأدبٍ.
والحياة بدون اعتذار ستحمل معاني الندِّية، وستخلق جوًّا من التوتر والقلق بين الناس؛
فالاعتذار خلقٌ اجتماعي جميلٌ يدعو للتعايش،
ويمحو ما قد يشوب المعاملات الإنسانية من توترٍ أو تشاحنٍ نتيجة الاحتكاك المتبادل بين الناس.
والاعتذار ينفي عن صاحبه صفةَ التعالي والكبر، ويمنحه المصداقية والثقة في قلوب الآخرين،
كما أن الاعتذار يُزيل الأحقاد ويقضي على الحسد، ويدفع عن صاحبه سوء الظن به والارتياب في تصرفاته.

لماذا الاعتذار من أخلاق الكبار؟!

- لأن الاعتذار يعني الاعتراف بالخطأ، وقلَّما تجد إنسانًا يستطيع أن يواجه الآخرين بخطئه أو يعترف به.
- ولأن الاعتذار يعني تحمُّلَ المسئولية عن الخطأ الذي ارتكبه صاحبه، وهو كذلك صعبُ التحقيق إلا بين الكبار الذين يواجهون أخطاءهم بكل قوةٍ وحزمٍ.
- ولأن الاعتذار يحتاج من صاحبه إلى قوةٍ نفسيةٍ هائلةٍ تدفعه للمبادرة به، وهو ما لا يتوفر إلا للكبار الذين كبحوا جماح أنفسهم فسلست لهم قيادتها.
- ولأن الكبار هم الذين يُراعون مشاعر الآخرين ولا يجرحونها؛ فلا يتعدون على حقوقهم أو يدوسون على كرامتهم؛
لذا فإنهم متى بَدَرَ منهم ذلك يسارعون للاعتذار وتصحيح الخطأ، وهذا أيضًا لا يكون إلا من أخلاق الكبار.

الكبار يرون في الاعتذار مصدرًا لزيادة الثقة بينهم وبين مخاطبيهم، ومجالاً خصبًا لبناء علاقاتٍ اجتماعيةٍ قويةٍ لا تتأثر بالنوازل أو الخلافات؛
فالكبار يعتبرون الاعتذار إحدى وسائلِ الاتصال الاجتماعية مع الآخرين،
بل ومهارةً من مهارات الحوار معهم؛ فالاعتذار يجعل الحوار متواصلاً ومرناً وسهلاً؛
إذ إن ذلك سيرفع من قلب مُحدِّثك الندِّية الصلبة في النقاش أو الجدل العقيم في الحوار،
فالاعتذار يعني الاعتراف بالخطأ والندم على فعله، والاستعداد الكامل لتحمل تبعاته،
وهو ما يعني إكسابك القوةَ في نظر المتعاملين معك، وهذا ما يدفع مُحدِّثك للتعجب،
وقد يصارحك بأنك شخصٌ "قوي وجريء"، وقد يُجبره اعتذارُك على احترامك بل ومساعدتك في تصحيح الخطأ إذا لزم الأمر.

ومع اتصاف الكبار بهذا الخلق العظيم وهذا السلوك الإيجابي من تقديم الاعتذار والاعتراف بالخطأ متى بدر منهم،
فهم كذلك يبادرون لقبول الأعذار من المخطئين في حقهم، فلا تعاليَ ولا بطرَ ولا أشرَ،
بل مسامحةٌ وعفوٌ وطيبُ خاطرٍ، وهم بذلك يقدِّمون درسًا عمليًّا للناس؛
فقبول الاعتذار بهذه الصورة يحضُّ الناس على الاعتذار متى أخطؤوا؛
عَنْ أَبِي هُرَيْرَةَ عَنْ رَسُولِ اللهِ- صَلَّى اللهُ عَلَيْهِ وَسَلَّمَ- قَالَ:
"مَا نَقَصَتْ صَدَقَةٌ مِنْ مَالٍ، وَمَا زَادَ اللهُ عَبْدًا بِعَفْوٍ إِلاَّ عِزًّا وَمَا تَوَاضَعَ أَحَدٌ للهِ إِلَّا رَفَعَهُ اللهُ"
صحيح مسلم

شكري وتقديري لكما ودالعركي وودالمامون وكنا دوما بخير

[ايمن عبد الله]

احذف ؟؟؟
هو تانى فى حذف .... عندنا فرقة انقاذ جاااااااااااااااهزه للانحراف بالبوستات .... عايزين نتعاقد اها وكلو لينا زول بس ابعدو الدسيس دا .... (قال خطيره قال ) .....

المحامي حقنا وحق السد قاعد .. نوكل الدسيس المسيخ ده يا سارية !!

كان وكلنا الدسيس ده والله يطير مننا الزباين كلهم .. بي مساختو دي واسألي منها النويري المساخة دي ..

وبعدين خطيرة حقت الدسيس فكفكيها حرف حرف الدسيس ده ما بقول كلام سااااي يا سارية ...

[ايمن عبد الله]

لكن والله يا مولانا ابراهيم ما عرفتك .. ده شنو الجبتو ده جريدة عديل دي صحيفة سوابق قدر ده ايييييييييييييك طولت الشغلة ياخ .. الناس ديل اتصالحوا خلاس :cool:

[ابراهيم عطية بابكر]

لكن والله يا مولانا ابراهيم ما عرفتك .. ده شنو الجبتو ده جريدة عديل دي صحيفة سوابق قدر ده ايييييييييييييك طولت الشغلة ياخ .. الناس ديل اتصالحوا خلاس :cool:
الاخ الكريم ايمن ايم الله لاتعلم شعوري بهذا التصافي ولقد اعجبت بهذا الصنيع الذي لايأتي الا من الشجعان واحسب انه قدوة وبذرة طيبة ينمو نبتها في منتديات ام المدائن ويستظل بها كل منتسبي ام المدائن

[ساريه]

وبعدين خطيرة حقت الدسيس فكفكيها حرف حرف الدسيس ده ما بقول كلام سااااي يا سارية ...

هو انا كان ما فكفتها كان قلت ليكم ابعدو الدسيس دا ؟
اها النتخارج قبل ما يجى ....
فتكم بعافيه ...
بوست دسم بالجد ...

[ياسر عمر الامين]

بارك الله فيكم ايها الاعزاء وتسلم مدنى الجابتكم...

[بوتشى]

الحمد لله الذي اتم علينا نعمت العقل شكرا اخوتي شكرا ودالمامون شكرا مرتضى


بجد كده

تعبتم ناس تعب شديد عمنا ودالطاهر قدر ما امشي ليهو في المكتب يا يكلم ودالمامون يا مرتضى ويكلم في الجوديه رفعتو ضغطو الف قربته ادخل اشاكلكم الاتنين لكن حذرني ورفض الدخول في البوست وقال بيعمل خلف الكواليس الله يده الف عافيه ويديكم الف عافيه والتحية لابناء هذه المدينة الجميله ومهما كان الاختلاف فالود محفظ لم تخذلني الخال العزيز مرتضى ولم يخذلنا الاخ محمد المامون والشكر لايمن هواء وهيثم عدم نوم والحبيب والخال الضكر عباس ودالدسيس واكرر الشكر للخال ودالطاهر لما بزله خلف الكواليس ولا انسى عمنا محجوب وخالد ابوقرجه في مكالمه جماعيه عبر الهاتف لتدارك هذه المشكله والى الاخ بدرالدين وكل الاخوه المتداخلين

[خالد عباس (أبوعمرو)]

لكم التحية ،،،

- ودالعركي جزاك الله الف خير

- ودالمأمون جزاك الله الف خير

نسأل الله ان يوفق الجميع لما فيه خيري الدنيا والاخرة ،،،،،،

[صابرحسين]

والله البوست ده شحمان شحم جد .. جاب مطرة ذاتو يا سارية ..
الحمد لله الذي هدى الجميع ..

همسة: التحية لكل المنحرفين من ناس الدسيس وبتاعين البق وناس الشراب (بضم الشين)
ناس ارزونا.. وناس مرقوت قطر وابو النور والنويري وبقي النقابة المنتحرة المنحرفة

لمسة: اها ياسارية بعد كده احذفي كان دايرة تحذفي .. هع هع هع

بقة : يعني يا مطرة انت الا تجي كده ؟

تشكراً ود المامون على هذه الروح الطيبة ووالعركي يستاهل فهو أخ وحبيب ، لكن كثر خير فريق الطملة وناس الطملة الذين أبدع الأخ مرتضى في الوفاء لهم كما أبدعت أنت .....

أخي أيمن إلا تتفق معي أن نهاية الإنحرافات أحدثت فراغ ........
التحية لكل من خط حرف في هذا البوست الذي أحدث سابقة يمكن الرجوع لها وقت الأزمات ، وأبدع الأخوة المنحرفين الإنخراف الحميد طبعاً في جعل مقص الرقيب في حيرة إلى أن جاء الفرج ...... شكراً لكم جميعاً ......

[الجندي المجهول]

الاخوان ود العركي وود المامون (اصحاب قلوب بيضاء) والحمد لله الشيطان اتنعل (وراح في 700 داهية)

يا ريت نركز في الفترة القادمة على (اهمية المرحلة) التي اتمنى ان يكون فيها (الشغل الشاغل هو)

انجاز (الاجندة المطروحة )
من انتخابات
تسديد مساهمات
افطار الصائم
الخ ...
ولا شنو يا جماعة
وتقبلوا تحياتي ،،،
واعرشوا على كدا ،،

[مصطفى هاتريك]

بسم الله الرحمن الرحيم

(( تلك الحكمة نؤتيها من نشاء , ومن يؤتي الحكمة فقد أوتي خيرا كثيرا ))

حبايبي الحلوين ,, مرتضى و محمد

كم أنا سعيد بهذا التصافي فكلاكما عندي موصوف في القرآن ب ( وعباد الرحمن الذين ........ )

و كلاكما عندي مستودع عشرة و ذكريات و جمال , فشكرا لكما لأني الآن متصالح مع ذاتي,, بعد أن كان

عشقي يفني عشقي

وكنت أمر على هذا البوست فأحدق بلا وجه و أقف بلا ساق

دعوني .. أناجيكم ... أشد على أياديكم ,,, و أبوس الأرض تحت نعالكم

[بدر الدين احمد الطائف]

ودالعركى
ودالمامون
سعادتى لاتوصف بهذا التسامح الجميل.
ولم تخيبوا ظننا فيكم .
( هى ايه الدنيا غير لمة ناس فى خير او ساعه حزن).

[bit madani]

من حيث ظل ظليل بواحة شيخ جليل هو المأمون حين جار الزمان ... سأكتب عن ما عهدنا معه ...لم نلتقيه وجها بضفة نيل و لا شاطرناه غير إحتفال الخروج
لطفل من فاقادي السند لعالم أفسح له حياة من عطاء الخيار يلتقطه بنزف الفؤاد على هؤلاء ...
إلتقينا به فوق دروب التصافي حين أثقلت الروح
بظلم البشر لمن لا يملكون قرارا و لا وسيلة للدفاع وكان أبا لمن لا أب له يرمم ندبات الزمن
بكل قلوب النطف التي
لم تلق حظ الإنتماء لأحد ...
تعرفه سيدات الدار القائمات على الملائكة الصغار ... يقسم من قوته معهن و
يشاطرهن نهارتهن و ليل طويل ...و عيد إذا ما دعاه الحبيب إليه أحتسبه لوجه الصغار .. منهك بالبكاء حين يطل الصغار على الدار مثقل بالهموم لا تغادرهم عنايته حتى حين يغادرونه لدورب الحياة جزلا بالرحيل ...

لم يثنه من إمتحانات بلاء تنوء بحملها الجبال بيقين يساوي السماء علوا ووضح و لم يتقوقع بل فاض عطاء و فاض أبوة فكان لكل أحبة الخير
مكان في قلبهم لنبله و عطائه ينتظرون نداء المغيث في رسائله لكل الدنا تذكرهم بميعاد الجمال
... لم تسئمه القصائد المنتقاة بوجدان سوداني أصيل يبحر في حضرة الأصالة و ينضح بها ..
تتوالى الدروس و لم يكن ما حدث ليُحدث خوف عليك فأنت سامق
لم تنحني و لن تنحني ...و إنما خفنا على جمال القلب المرهف ان ينجرح و على جمال الروح
التي ترفرف بدروب الحزن طائر للفرح يرسم في الأفق قوس قزح ملون بكل ما تستشفه من جمال
يحط بذات الجدار القديم و يحدث ثقبا لا بيت يبني لذاك المشرد المتوسد
كفتيه لا يظله سوى سماء مدينة أغفلها القائمون عليها و نسوا في غمرة إنشغالهم بالوله و
أمر الغنائم شرف المعركة ... أمسك القيس حينا بارض بلادي بفعال العباد و أذهب المرجفون بركات عمر
هزيل ... قد ينصب إسم فلان هنا و هناك على ما يشاءون من أوسمة و أبنية ... لكن تظل المدينة تعرف أصل
المعادن و تلفظ كل ما لم يكن ذا قيمة ... و يرد الله لكل العباد حقوق أستوفوها نبلا قديمالا يتغير و لا يتحول بأي ثمن ...

[ايمن عبد الله]

تشكراً ود المامون على هذه الروح الطيبة ووالعركي يستاهل فهو أخ وحبيب ، لكن كثر خير فريق الطملة وناس الطملة الذين أبدع الأخ مرتضى في الوفاء لهم كما أبدعت أنت .....

أخي أيمن إلا تتفق معي أن نهاية الإنحرافات أحدثت فراغ ........
التحية لكل من خط حرف في هذا البوست الذي أحدث سابقة يمكن الرجوع لها وقت الأزمات ، وأبدع الأخوة المنحرفين الإنخراف الحميد طبعاً في جعل مقص الرقيب في حيرة إلى أن جاء الفرج ...... شكراً لكم جميعاً ......

والله فراغ شديد كمان .. ورؤوس اتقطعت كماااان .. لكن النهاية سعيدة ..
يعطيك الف عافية اخي العزيز صابر ..

[مرتضى يوسف العركي]

الطملة تتوسط حي المدينين أول احياء المدينة وتعج بافزاز بنيها الذين يتضمنهم التوثيق التالي
مدينة ودمدني:-

تقع مدينة ودمدني عاصمة ولاية الجزيرة بين خطي عرض وطول 14 . 19 درجة شمالاً و 31 . 33 درجة شرقاً وتتميز بموقعها الجغرافي في وسط السودان حيث تقع على الضفة اليسرى من النيل الأزرق وعلى مسافة 186 كلم جنوب الخرطوم، وتعتبر منطقة التقاء طرق حيث تربط مابين الخرطوم وبقية ولايات السودان المختلفة وميناء السودان الأول ببورسودان وطبيعة الأرض فيها ذات سطح مستو ذي انحدار هادئ من الجنوب الى الشمال وتبلغ المساحة الكلية لمدينة ودمدني حوالي 50 كلم مربعا ويبلغ عدد السكان 700 ألف نسمة تقريباً (2004).
تعتبر مدينة ودمدني من اقدم اربع مدن في السودان ويرجع تاريخها الى نهاية النصف الاول من القرن السادس عشر الميلادي في عهد مملكة الفونج (السلطنة الزرقاء 1508-1820) التي بلغ فيها مؤسسها الشيخ محمد مدني السنى عمرا ألم فيه بعلوم الدين .. فقد سميت مدينة ودمدني منسوبة له وكان جده القاضي (دشين) الذي سمى بقاضي العدالة جاء سائحا من منطقة الجزيرة العربية عن طريق مصر ووادي حلفا وقد ولاه الشيخ عجيب بامر الملك (دكين) قاضيا على اربجي وقد قال فيه الشيخ فرح ودتكتوك:
ود دشين قاضي العدالة الما يميل للضلالــــة
نسله نعــــم السلالـــــــة الاوقدوا نار الرسالة
ويرجع نسب الشيخ محمد مدني السني الى قبيلة العقلين .. وهو محمد بن مدني بن دشين بن احمد بن نضر بن ابراهيم بن سلام بن رقم بن مكرم بن الحاج بن محمد بن احمد بن علي بن ابراهيم بن جعفر بن محمد بن احمد بن اسحاق بن حسن بن عقيل بن ابي طالب بن عبدالمطلب بن هاشم، استقر في مكان الضريح المعلوم اليوم بعد ان نظف الارض من الشوك والاشجار واسس اول حلقة قرآن واول حلقة علم في الفقه المالكي الذي نبغ فيه نبوغاً ملحوظاً وسرعان مالتف حوله اعداد كبيرة من طلاب العلم من داخل السودان وخارجه، وقد استهوت هذه المنطقة بعض القبائل العربية وخصوصا قبائل العوامرة، والدباسين والكواهلة .. وتقول بعض المصادر ان المغاربة اول من هاجر الى ودمدني ونسبوها الى مؤسسها الشيخ محمد مدني السني والكلمة ليست ود ولكنها واد في لهجة اهل المغرب العربي .. وقد زارها المؤرخ اليوناني (جيوفاني) في القرن السابع عشر وكتب عنها .. ويروي انها سميت بودمدني لان الطالب عندما يسال الى اين يذهب فيقول الى ودمدني .. كان حي المدنيين اول احياء المدينة وكان يسكنه الدارسون والمريدون، وقد انتشرت فيها انذاك حرفة صناعة المراكب الشراعية الى جانب الصناعات المحلية كدباغة الجلود والاحذية والعناقريب.
فعلى مدى تلك الفترة استطاعت ودمدني ان تحقق طفرة في النمو الا انه لم يقم بها اي نوع من الحكم حتى عام 1820 في عهد خورشيد باشا حينما تم اختيارها عاصمة للسودان في فترة الحكم التركي وتم تعيين قاضيين في المدينة كما جعلوها مركزاً لحامية تركية تمهيدا لغزو سنار وفازوغلي، وانتهت اهمية المدينة كقاعدة عسكرية بعد مقتل اسماعيل باشا، واستمرت على حالها الى ان سقطت الحكومة التركية على يد الامام المجاهد محمد احمد المهدي .. واختارت المهدية ود الصوفي واليا على المنطقة التي تقع بين قرية الرميلة غرب الخرطوم حتى سنار واتخذ ودمدني عاصمة لولايته.
في فترة الحكم الثنائي الانجليزي والمصري اتخذت مدينة الكاملين عاصمة لمديرية الجزيرة في يوم 8 مارس 1903 ... وكانت مدينة ودمدني مركزاً تابعا لمديرية سنار وكانت العاصمة مدينة سنجة .. ثم نقل مركز الادارة العمومية من مدينة سنار لمدينة ودمدني في 20 ابريل 1903 حيث صارت عاصمة لمديرية سنار، وفي اول يناير 1906 تم نقل مدينة ومركز ودمدني من مديرية سنار لمديرية النيل الازرق وصارت مدينة ودمدني عاصمة لمديرة النيل الازرق واضيفت لها مديرية الجزيرة.
واخذت مدينة ودمدني شكلها الاساسي بعد دخول الانجليز اليها عام 1898 حيث اعيد تنظيمها فاخذت شكل المدينة الاستعمارية حيث اخذ تقاطع الشوارع شكل العلم الانجليزي ولازال هذا الطابع مسيطرا على هيكلها العام كما هو في اغلب مدن السودان الكبيرة.
شهدت مدينة ودمدني في فترة الحكم التركي والثنائي نشاطاً تجارياً كبيراً وحلت بالمدينة اعداد كبيرة من المهاجرين تجار وحرفيين وموظفين بالبلاد من داخل السودان وخارجه من الاجناس المسلمة وغير المسلمة ونذكر من تلك الاجناس ذات الاديان المختلفة الانجليز والاتراك والاقباط والشوام والاحباش واليهود والاغاريق واليمنيين والايطالين والهنود والمجراب والانرؤط والارمن والمغاربة والمجوس والمصريين ونحوهم من الاجناس الافريقية الاخرى .. فقد كان الجو روحيا لكل الناس وعلى مختلف عقائدهم وعبادتهم ليكونوا نسيج ودمدني الثقافي الاجتماعي الحالي.
وخلال العشرين الاوائل من عام 1900 اقيمت محطة السكة الحديد والمتستشفى الذي كان وحدة عسكرية تابعة للقوات البريطانية ومباني رئاسة المديرية والمحاكم والبوستة والجامع الكبير وامتداد شارع النيل، وباكتمال الخط الحديدي لمدينة الابيض في 27 فبراير 1912 ولشرق السودان عام 1928 اصبحت ودمدني مركزاً تجارياً هاماً، كان يستقبل يومياً عشرات القبائل والقوافل المحملة بحاصدات السودان، واستعادت اهميتها الاقتصادية بقيام مشروع الجزيرة، وضمت ايضا رئاسة هيئة البحوث الزراعية ورئاسة وزارة الري حيث توسعت حركة الاداء الحكومي نسبة للتطور الانمائي والاجتماعي.
وفي العقود الاخيرة من القرن العشرين شهدت طفرة في مجال التعليم والصناعات حيث تم تشييد عدد كبير من المدارس كما تم افتتاح جامعة الجزيرة وغيرها من الكليات العلمية المختلفة، كما شهدت قيام صناعة الغزل والنسيج وصناعة الجلود والصابون والزيوت والحلويات والالبان وغيرها من الصناعات الاخرى.
ونجد ان مدينة ودمدني غلب الطابع الصوفي، وظلت منذ نشاتها مكانا مرتبطا بالدين وشعائره، وقد كان لقرب المدينة من ابي حراز حيث الطرق الصوفية اثراً كبيراً فكانت الزيارات المتواصلة بين المشايخ، وقد وضع الشيخ عبدالسيد محمد بخيت اللبنة الاولى للطرق الصوفية بودمدني، ومن اشهر شيوخ الطرق الصوفية محمد عبدالرحمن شاطوط، والشيخ عثمان زياد.
اما في مجال الثقافة والاعلام فهي سابقة في هذا المجال فقد شهدت ودمدني قيام الجمعية الادبية من بداية الثلاثينات وفيها تم اقتراح قيام مؤتمر الخريجين عام 1937 وقد تبنت هذه الجميعة ايضا قيام المهرجان الادبي الاول في السودان بمدينة ودمدني عام 1938 وتكونت ايضا رابطة ادباء الجزيرة والتي كان من اعلامعا الشاعر المعروف د. محمد عبدالحي ثم في السبعينات رابطة الجزيرة للآداب والفنون وقد شهدت ودمدني طفرة كبرى بافتتاح مسرح الجزيرة في 1961 وتلفزيون الجزيرة في عام 1972 واذاعة ودمدني في يناير 1985، وفي عام 1991 تم افتتاح المجمع الثقافي بودمدني.
اما في مجال الفن والابداع نجد الفنان ابراهيم الكاشف، عوض الجاك،الخيرعثمان، محجوب عثمان، محمد احمد الشبلي، رمضان حسن، رمضان زايد، احمد عمر، محمد مسكين، محمد الامين، ابوعركي البخيت، عبدالعزيز المبارك، ثنائي الجزيرة، علي السقيد، الفاتح السقيد، صديق متولي، صديق سرحان، عصام محمد نور، عادل هارون وغيرهم .. وفي مجال الموسيقى نجد في فترة الثلاثينات والاربعينات عازف الكمان ميشيل تيروز وهو كان يعمل نجاراً ويسكن منطقة السكة حديد، وانور الحلاق (سوري الجنسية) ومن الموسيقيين ايضا علي الحويرص، محمود محمد جادين، عبدالرحمن البوشي، الطيب الكارب، محمد ابوبكر، عبدالمنعم عبدالسلام، عثمان ابوبكر، عبدالرحمن البوشي، عبدالله عقارب، الاستاذ محمد الامين كيعورة، جرجس عياد، مصطفى درويش، سعدالله عبدالله، علي قسم الله، دبلي، بدر التهامي، وامتداد لهم احمد عباس، صلاح درويش، واولاد اللميجي، عثمان النو، محمد عجاج، د.الفاتح حسين، وفي مجال المسرح فرقة النيل الازرق، والمكي وودحبوبة المسرحية، والمسرح المتجول، كما قدمت المدينة الممثل العربي الكبير ابراهيم خان، ولاح في سماء الشعر شعراء كثر منهم الشاعر الغنائي علي المساح ومدثر البوشي والشاعر عبدالرحيم مكنش والهادي احمد يوسف، ومرغني عشرية وغيرهم، وفي مجال الفن التشكيلي بابكر صديق، د.راشد دياب، مكرم نسيم، احمد سالم، وجميع هؤلاء المبدعين وغيرهم قدموا الكثير لمجمتع ودمدني في زمان كان يفتقد فيه الكثير من مرافق الثقافة واسباب الترفيه.
ومن رواد العمل الوطني نذكر الاستاذ احمد خير المحامي صاحب فكرة الجمعية الادبية ومؤتمر الخريجين والشيخ مدثر البوشي عملاق الحركة الوطنية والشيخ احمد بيومي رائد المشروع الاسلامي وبابكر كرار الداعية الاسلامي الذي وهب حياته كلها للدعوة الاسلامية في المحيطين الداخلي والخارجي والامير المجاهد عبدالرحمن نقدالله صاحب الثوابت في الثورة المهدية فكرا وموقفاً والشيخ ابوزيد احمد رائد التعليم الاهلي بودمدني والدكتور النور شمس الدين الشافعي من الرعيل الاول من الاطباء بودمدني ومأمون بحيري اول وزير مالية سوداني يوقع على العملة السودانية وغيرها، وان كنا حاولنا تفصيلا للمبدعين الذين انجبتهم ودمدني في مجالات شتى فان المجال ليضيق دون ذكرهم مجتمعين ونكتفيى بهذه الاشارات العابرة لهؤلاء العباقرة دون قصد الاهمال او الاغفال لمن اسهم في الماضي العريق والتاريخ المجيد للمدينة وللسودان بتراثه ميراثه من توثيق وتطوير.
من المشاهير الذين تلقوا تعليمهم بمدينة ودمدني نذكر منهم الرئيس اسماعيل الازهري والرئيس المصري محمد نجيب وشقيقه اللواء علي نجيب والفريق علي علي عامر قائد القيادة العربية الموحدة في الستينات واللواء امان عندوم الرئيس الاسبق لاثيوبيا بعد انهيار امبراطورية هيلاسلاسي والرئيس الاسبق جعفر محمد نميري والشريف حسين الهندي الزعيم الاتحادي واشهر وزير مالية في السودان وكثيرون من قادة الفكر والسياسة.
هذه هي ودمدني التي قصدها الناس من كل مكان وتعايشوا مع اهلها وربطت بينهم الصلات الطبية والعريقة وصارت قبلة انظار قرى الجزيرة باسرها ومحط الرجال الوافدين عبرها واليها من داخل السودان وخارجه، فكان الترابط بين القريب والحبيب
نقلا عن ما تفضل به الخال عصام الدين حمدتو

[عباس الدسيس]

دييييييييييييييشك عركي جاك بكتاب التاريخ يا هيثم ...........
تاني يا كوباني:d:d:d:d
د.كوباني يا عركي صديق لا تقل صداقته عن صداقتكم من اولاد الدويم حاليا يعمل بجامعة الخرطوم محاضر وهذا الكوباني الرائع انسان مكافح بعد أن امتحن الشهادة الثانوية ظروف الاسرة لم تسمح له باكمال دراسته عمل استاذ والحال بقي ماشي يرعي في اسرته ووالده المسن بعد كم سنة فكر اكمل الدراسه بعد تفكير عميق فذهب لوالده يخبره بقراره إكمال دراسته وبما أن الخبر سوف يكون وقعه صعب علي الوالد وهو العائل للاسرة وبعد مقدمه طويله للوالد رمي ليهو الخبر فما كان من والده الي أن قال له:
تاني يا كوباني............

[مرتضى يوسف العركي]

دييييييييييييييشك عركي جاك بكتاب التاريخ يا هيثم ...........
تاني يا كوباني:d:d:d:d
د.كوباني يا عركي صديق لا تقل صداقته عن صداقتكم من اولاد الدويم حاليا يعمل بجامعة الخرطوم محاضر وهذا الكوباني الرائع انسان مكافح بعد أن امتحن الشهادة الثانوية ظروف الاسرة لم تسمح له باكمال دراسته عمل استاذ والحال بقي ماشي يرعي في اسرته ووالده المسن بعد كم سنة فكر اكمل الدراسه بعد تفكير عميق فذهب لوالده يخبره بقراره إكمال دراسته وبما أن الخبر سوف يكون وقعه صعب علي الوالد وهو العائل للاسرة وبعد مقدمه طويله للوالد رمي ليهو الخبر فما كان من والده الي أن قال له:
تاني يا كوباني............

الحبيب ود الشريف
ماأابعدني عن عودة الكوباني الله يسامحكم
الأمر مجرد توثيق تعريفي وددت نشره للفائدة حيث راجعني الكثيرون عن حي الطملة الكائن بقلب حي المدنيين العريق
لا اكثر من ذلك صديقي
شكرا

[بنت الرفاعي]

:):):)

التحية والشُكر لكل من خط حرفاً هنا.:)

شكراً لك أخي مرتضى على التوثيق التعريفي.

:):):)

[محمد المأمون]

http://www.youtube.com/watch?v=5mJbGup0a0A&feature=relmfu

[هيثم عبدالعال]

قلنا نخدم الناس عشان تتطلع على كامل الموضوع يمكن تلقى أدله لإدانتنا بدل التجزئه

[محمد المأمون]

وخدمة للناس اتصل كثيرا من الهتيفة الذين كانو مشرفين اوان هذا البوست ونكصو عن وعود وكانو سببا فى تعديل مداخلة ولكنها الايام تريك معادن الناس...

اذن الخلافات لاتنتهى بالهواتف والجودية بل باللوائح