الألغاز السودانية

[aadarob]

[

الألغاز السودانية حاجة جميلة نحاول نبني لها برج حتى تكون فى الخاطر دخل القش ما قال كش – الظل .

عمي قصير وبصير – القدوم.

عمي طويل ما يلحق الكعكول – الدرب .

سبعة صقور من زمن الرسول لا ولدا زادا. ولا كبراً شاباً – أيام الأسبوع.

حبوبتى فى دكانه وتأكل فى مصرانه – اللبة.

كان شالوه ما بنشال وكان خاوه سكن الدار – الرماد

هى فيك لو عرفتها بكريك – الصرة.

شدرة فوق القيف لا برم ولا عليف – السن.

فيها فت سنينه وفيها فت عوينه وبسم الله علينا – الإبرة.

مطمورة أبو زيد ملانه – النجم.

شاتى بيوص عندها صخلة وعتوت – المرحاكه.

ملكين فى ككر إن غاب واحد الثانى حضر – الشمس والقمر.

مطارق الهوج والشرق اتخبطن – رشرش العين:

[aborawan]

تشكرات يا ادروووووووووووب

[امير عبدالباقي]

ادروب مشكور علي الامثال

[waheeb]

ادروب انت اظاهر عليك من زمن حفرو البحر..

لكن والله برضو ابداااااع..

[رهيب]

روووووووووعة ياادروب

والى الامام يرعاك الله

ولك خالص تحياتي
( رهيب )

[زيكو منيب]

تسبم يا ادروب و يديك العافية

[aadarob]

الاخواة الاجلاء ابوران رهيب وهيب امير عبدالباقى و الاخ زيكو
لكم منى كل الشكر على المرور الرائع

[هناد]

مشكور يا ادروب لكن والله كلام وهيب جد الظاهر انت من زمن حفرو البحر



الله يخليك لينا واخلي لينا ناس الشرق كمان

[aadarob]

كاتب الرسالة الأصلية هناد
مشكور يا ادروب لكن والله كلام وهيب جد الظاهر انت من زمن حفرو البحر



الله يخليك لينا واخلي لينا ناس الشرق كمان

والعاقل يعيش ايامو ما دام من تراب لتراب

هسى ان ماتو مننا عشرة تلقاهم 8 شاب

والتاسع يكون وسطاني والعاشر يكون يا داب

[al zeer]

تسبم يا ادروب
و الله يديك الف عافية

[ابوقيس]

تسلم ياغالي

دي اشياء جميله منك ياادروب

[مصباحيه]

والله ياادررررررررررررررررررررررررررررروب
ولا الشيخ فرح ود تكتوك




حاجه مااااااااااااااااااااااااااااااااااااااااااااااااا اااااااااااتخلص

[مصباحيه]

لو حريفين حلوا ديل والبعرف الجواب ليه اربعه هدايا

1- خمسه بلبلات شايلات بلبله عابرات الطليح وداخلات دنقلاء
2- جزيرة خضراء ملئية بالدماء سكانها عبيد مفتاحها حديد
3- سماءه زجاج ارضه حديد ملائكته ثلاثه رجاله اثنى عشر
4- حجموا حجم الكف ويلف الدنيا لف

يله نشوفكم والهدايا راجياكم

[بابكر]

كاتب الرسالة الأصلية aborawan
تشكرات يا ادروووووووووووب

[قمر الزمان]

تشكر يا ادرووووب على الامثال الرائعة ..

ويا نهلة تقريبا" عرفت تلاتة
1 / الخمس بلبلات اصابع اليد .. البلبلة هي لقمة الطعام ..
الطليح الفم .. دنقلا المعدة ..
2 / البطيخة
3 / .......
4/اعتقد الطائر ..

ودمتم ..
آلاء

[marwa]

4/almopile

[مصباحيه]

عزيزاتى الاء - مروه

بالنسبه للاجابات
الاوله - الطعام
والثانيه - البطيخه
الثالثه - الساعه
الرابعه - الموبايل

اما الهدايا الاربع
أهديك زهور حاشاى وانتى ندى الزهر
أهديك حروف يااجمل احرف فى الدهر
أهديك حنان ما قلبى عندك من زمان وانا راجى عطفك منتظر
أهديك عيونى علشان استريح ما الدنيا بعدك ما بتسر

رايكم شنو هدايا فى السلك موش

[قمر الزمان]

تسلمي يا نهلة ..

[aadarob]

ياشباب كل الشكر وعاطر التحايا لكم .... ,,,,. .....محتاجين للمزيد

[مزوني]

تسلم يا ادروب على ه>ه الأمثال
لكن الظاهر عليك كدا لو ما من زمن البحر
تربية حبوبات وبقوة وكمان وربنا يديك العافية

[ahm1st]

تسلم يا رائع والله زكرتنا ايام زمان والحبوبات

[aborawan]

شنو يا ناس الجيلي وين مختفين وشوفتكم بقينا بالدولار ما لامين فيها

مشكور اخوي ادروب على هذه الامثال


وابقوا خلونا نشوفكم

[aadarob]

كاتب الرسالة الأصلية aborawan
شنو يا ناس الجيلي وين مختفين وشوفتكم بقينا بالدولار ما لامين فيها

مشكور اخوي ادروب على هذه الامثال


وابقوا خلونا نشوفكم


الاخ ابوروان

ماتقولى لقيتك خطر ----------- الجيلى دى جيبتها كيف

كل التحايا مع باقة شكر

[aadarob]

كاتب الرسالة الأصلية مزوني
تسلم يا ادروب على ه>ه الأمثال
لكن الظاهر عليك كدا لو ما من زمن البحر
تربية حبوبات وبقوة وكمان وربنا يديك العافية

المبدع مزونى
حضور قوى وفاعل ربنا يزيد

اكيد الحبوبات لهم مساحة ضخمة بس الواحد
كل مايسمع بحاجة قديمة يرجع لزمنهم السمح

[مــ سواح ــازن]

تسلم يا ادروووووب
موضوعك رايع جدا
لكن لقيتك حبوبه بس

[elshaigi]

ياخوانا لمتين نقعد نشكر في ادروب دي ... عايزين حاجات جديدة أنتو ما بتغيرو والا شنو

ولك التحية والشكر حبيبنا أدروب ونتمني المزيد ..
الشايقي