يا زمن وقف شويه ...

[ودسمير]

اليوم أصبح كالساعه !جرى هنا وهناك تفكير يشيب الراس دقات القلب تكاد تخرج الى الشارع علها تجد من يبطئ حركتها !

السؤال : يوما كاملا صباحه وظهره ومساءه وليله حتى وقت النوم ، ماذا فعلنا فيه واى فائده جنيناها ؟

اها ..... كل من يجد دقائق خلونا نشوف رايه شنو ...

حتى لا ياتى علينا يوم تكثر فيه الامراض ويتفرق الاحباب ...

[خالد 000 ابقرجة]

يا عريس والله شفقتنا عدييييل كدة 000 من هسه يا عمك العجلة دورت ولحقتا العواجيز ويومك بقي زي الساعة ؟؟؟؟ :d:d:d:d
معليش البداية بالكسرة وخلينا نخش معاك في البوست 000 (الكسرة دي من كسير وما ليها علاقة بي ملاح الويكة ) :d:d:d

في ظني أنها من ضمن بركة الوقت المنزوعة في آخر الزمان 000
عارف مرات كتيرة أو أصبح الغالب الواحد بكون مدور الأسبوع كوووولو كأنو مغمض وما حاسي بما يدور حولو

ويجي يوم الأربعاء الصباح في العمل للحوار الأسبوعي الصباحي التلقائي الشهير

- إنتو يا أخوانا الليلة شنو 000 الأربع ولا الخميس
- لا لا لا ياخ الليلة التلاتاء
- يازول تلاتء شنو هو متيييين الإسبوع إنتهي

ولا يسم النقاش الا الرجوع للنتيجة الجوال للتأكد من اليوم والتاريخ
حاجة صعبة

نسأل الله أن يبارك لنا في وقتنا ويجعله في طاعته

وشكراً يا عريس علي الطلة الجميلة