أيمن هواء ..... وخمرة صلاح الطاهر

[عباس الدسيس]

تمهيد:
خمره وليس خمره بالضمه العذابه بكونو مطششين
مقدمة:

سكران بغازل ليهو في بت واقفه في باب الشارع
البت دخلت وقفلت عليها الباب
الراجل حسب السكره مشي دق الباب
سمع من جوه صوت أجش لرجل
منوووووو في البااااااااااااب
السكران قال ليهو في واحد عندكم عمل لي مس كول

انا ما بقصد الخمره البتسكر عشان الناس ما تعمل لينا فتن ومشاكل
راجع تاني

[روبش]

الحبيب .. عباس
متعك الله بالف عافيه
اتمنى رجوعك ان لا يكون كسابقه
اقول ::: خمره ولا خميره

[عباس الدسيس]

لو يعلم متعاطي الاسافير إن اصعب شيء تفتح ليك بوست بشبه فتح البوست بي:
تعمل ليك مصنع ببسي وتقعد تكتب في كل زجاجة (( الرجاء قبل الفتح رج الزجاجة جيدا))

بعد مشاوره اتوكلت وأمري علي الله علي قولة ابناء النيل ((المصريين )) اصحاب الطرفه الحاضرة

واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ...
يالهوي وعملتي إيه ...
عملت بامية وأمري علي الله
عركي الاخيره دي بتكون كيفتك انت وعنكوليب .... ياخ بوست ناس تتاوق وتمشي نكسر ليكم حاجز الصمت

[عباس الدسيس]

الحبيب .. عباس
متعك الله بالف عافيه
اتمنى رجوعك ان لا يكون كسابقه
اقول ::: خمره ولا خميره

روبش يا وجيه
ياخ انا اصلو ما تخاف مني ايمن مقدم اقتراح لاعضاء اللجنة بان من يترشح لمجلس الادارة ان لا يكون قد ادين في جريمه سابقة خلي رجوعي كسابقه انا بتاع سوابق لو اللجنة اخذت بي كلام ايمن معناه ما اترشح لمجلس الاداره اها ما ريحتك ((ما لم)) البين قوسين طبعا بعرفوها المحاميين ما لم اطلع صاحبي عركي بفلته من فلتاتو واقول (( يبدا هذا القرار من اجازة اللائحه)) شوفتا اخوك فقري كيف.
بعدين يا روبش اسمع كلامي انا اخوك الكبير
والله انا جني وجن ناس الاداره حسي البوست ده مفتوح من امس والناس تتاوق صلاح الطاهر ما صاحبي ليه ما خشا كان ممكن برضو عصام حسين اشد لي تلفون ربنا اوصلو بالسلامه.
اها انت اداري أو مشرف اتفتح بوست عاين ساااااااااااااكت لما تعرفو شايت لي وين
وثانيا ما تخش بي صيغة التمني بتاعت العسكري ممكن انط ليك زول زي العقاد بي لئامه لو البوست حقو ولو وقعته في زول بشبه بابكر عباس تتملي مساخه منو
شكرا يا الحبيب
ومرحب بيك في البوست كاول متداخل
شكرا لمرورك
اتمني التواصل ........... نهاية حلوة وسعيده صاح يا الحبيب

[بوتشى]

تعرف يا خالو عباس ياخي انت حاج رزق بوست فيهو 670 متاوقه ياخي ناس بتحب الشمارات زينا مافي امس انا زاتي شماراتي قلت في سري خمر وودالطاهر وايمن هوا اصلو ما بجتمعو عارف انو ايمن هوا وودالطاهر بختو مع بعض حسكنيت لكن بعد الحسكنيت ده احباب في الله لله واضعين ان اختلاف الاراء لا يفسد للود قضيه يخي فتو خمره دي رهيبه ولا اقول ليك حاجه خليهو كل مره بقه بقه زكرتني نكته حكها لي ودالطاهر انو في واحد في فريقهم جنو مريسه ما مريسة تامزين حقتك وحقت عمو ابوريلان بتاعة الدباغه ديك المهم ودالطاهر قال لقليك عمك ده ماسك بطنو بيدينو الاتنين ويتنهد لمن وصل البيت اها تاني يوم ود الطاهر قال ليهو يا عمك امس شايفك ماسك بطنك وتقنت مالك..... عمك يازول ضحك جنس ضحك قال ليهو ياخي اسكت ياود عمي الطاهر امس انا شارب ليك مريسه لمن حسيت بطني جاره بالواطه عشان كده كنت شايله خايف تنبهل والمريسه تروح شمار في مرقه .... هسع شيل بطنك دي اقصد بوستك ده ياعمو عباس حبه حبه عشان السوق وكده

[الملكة اسماء ( ام محمد )]

سكران بغازل ليهو في بت واقفه في باب الشارع
البت دخلت وقفلت عليها الباب
الراجل حسب السكره مشي دق الباب
سمع من جوه صوت أجش لرجل
منوووووو في البااااااااااااب
السكران قال ليهو في واحد عندكم عمل لي مس كول




واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ...
يالهوي وعملتي إيه ...
عملت بامية وأمري علي الله


هههههههههههه
اضحك الله سنك اخي عباس

حقيقة نفتقد سردك الكوميدي الباعث للابتسامة دائما

كن بخير وخليك قريب

[عباس الدسيس]

تعرف يا خالو عباس ياخي انت حاج رزق بوست فيهو 670 متاوقه ياخي ناس بتحب الشمارات زينا مافي امس انا زاتي شماراتي قلت في سري خمر وودالطاهر وايمن هوا اصلو ما بجتمعو عارف انو ايمن هوا وودالطاهر بختو مع بعض حسكنيت لكن بعد الحسكنيت ده احباب في الله لله واضعين ان اختلاف الاراء لا يفسد للود قضيه يخي فتو خمره دي رهيبه ولا اقول ليك حاجه خليهو كل مره بقه بقه زكرتني نكته حكها لي ودالطاهر انو في واحد في فريقهم جنو مريسه ما مريسة تامزين حقتك وحقت عمو ابوريلان بتاعة الدباغه ديك المهم ودالطاهر قال لقليك عمك ده ماسك بطنو بيدينو الاتنين ويتنهد لمن وصل البيت اها تاني يوم ود الطاهر قال ليهو يا عمك امس شايفك ماسك بطنك وتقنت مالك..... عمك يازول ضحك جنس ضحك قال ليهو ياخي اسكت ياود عمي الطاهر امس انا شارب ليك مريسه لمن حسيت بطني جاره بالواطه عشان كده كنت شايله خايف تنبهل والمريسه تروح شمار في مرقه .... هسع شيل بطنك دي اقصد بوستك ده ياعمو عباس حبه حبه عشان السوق وكده

ولدنا بوتشي
علي قولة عنكوليب اسمك بلخبت مع روبش
اقول ليك طرفه حصلت معاي شخصيا وعشان زول ما اقول نكته سمعا قبل كده:
صديق لي درس في بريطانيا ويحمل الجنسية البريطانيه من اولاد القضارف... وقعاد بريطانيا خلتو بتاع طشه ومصاحب الخواجات بحكم الجنسية اجيب ليك الطشه من الكمباون او السفاره زي الترتيب والشراب بتعامل معاهو كالماء.
اتصل علي صديقنا اخر كان بطشم معاهو قال لي الزول بقي طينة ((شبه زولك بتاع المريسه)) وياخ انا طاشم برضو والزول حكمت معاهو ما انوم معاي واتعشي بره تعال حاولو امشي البيت.
مشيت للراجل وركبنا العربية اتفقت معاهو ما افتح خشمو خالص لو قابلنا بوليس عشان الريحه طاقة واحنا ماشين لسؤ حظنا لقينا تفتيش العسكري وقفني وطلب مني الاقامة والرخصة.
بفتش للمحفظة في جيبي صاحبنا قبض يدي وقعد اتحلف والله ما تدفع انا العازمك عشاء والشمطاء قامت والزول الاوي فيني وإكورك.
النكته ما عشان روبش بوتشي :p:p:p

[النويري]

يا جماعة القطر دا كمساريهو نايم ولا شنو والله يا عباس مع الحريات دي بختك غايتو كان زمان بوست ذي دا تلقاهو من كلمة مريسة دي جوه المشرفين طوالي لكن مع الربيع العربي دا أخد راحتك غايتو وأهو الناس تغير شوية بدل المهاترات والبيانات النازلة زي المطر دي هنا وهناك .

[عباس الدسيس]

هههههههههههه
اضحك الله سنك اخي عباس

حقيقة نفتقد سردك الكوميدي الباعث للابتسامة دائما

كن بخير وخليك قريب


ملكة القلوب سلام
والله انتي الزول الوحيد دخل وفاهم
ياخ انا بطالب تكوني مشرفه او عضو مجلس ادارة لو ناس ايمن والنويري والعقاد ما نطو لي في حلقي
خليك قريب لذيذه تشبه بتاعت روتانا (( ما حا تقدر تغمض عينيك))
قدر ما سعيد بمداخلتك حزين من طرف اخر كنت اتمني عركي ازورنا في البوست ده بس الظاهر خلاس رجلو انقطعت و ل رايك شنو يا النويري

[روبش]

روبش يا وجيه
ياخ انا اصلو ما تخاف مني ايمن مقدم اقتراح لاعضاء اللجنة بان من يترشح لمجلس الادارة ان لا يكون قد ادين في جريمه سابقة خلي رجوعي كسابقه انا بتاع سوابق لو اللجنة اخذت بي كلام ايمن معناه ما اترشح لمجلس الاداره اها ما ريحتك ((ما لم)) البين قوسين طبعا بعرفوها المحاميين ما لم اطلع صاحبي عركي بفلته من فلتاتو واقول (( يبدا هذا القرار من اجازة اللائحه)) شوفتا اخوك فقري كيف.
بعدين يا روبش اسمع كلامي انا اخوك الكبير
والله انا جني وجن ناس الاداره حسي البوست ده مفتوح من امس والناس تتاوق صلاح الطاهر ما صاحبي ليه ما خشا كان ممكن برضو عصام حسين اشد لي تلفون ربنا اوصلو بالسلامه.
اها انت اداري أو مشرف اتفتح بوست عاين ساااااااااااااكت لما تعرفو شايت لي وين
وثانيا ما تخش بي صيغة التمني بتاعت العسكري ممكن انط ليك زول زي العقاد بي لئامه لو البوست حقو ولو وقعته في زول بشبه بابكر عباس تتملي مساخه منو
شكرا يا الحبيب
ومرحب بيك في البوست كاول متداخل
شكرا لمرورك
اتمني التواصل ........... نهاية حلوة وسعيده صاح يا الحبيب

العزيز ... الدسيس
اديك العافيه
لم اقصد بكلمة كسابقه كالتي ذكرتها عاليه، وانما اقصد عدم الرجوع للماضي مع اخونا ايمن في اختلاف الاراء لاشياء تكاد ان تكون بسيطة، وهذا راي اخونا ايمن مقدمه للجنة التي تم تكوينها وهو ليس بالقرار الملزم للجنة فهو خاضع للمناقشه بطرفهم.
اقول يا الدسيس هو العسكري بتمنى ..
على كل حال يا حبيب التواصل موجود بيننا واكيد النهاية سوف تكون سعيده في طلتك البهية دوما بالمنتدى

[عباس الدسيس]

العزيز ... الدسيس
اديك العافيه
لم اقصد بكلمة كسابقه كالتي ذكرتها عاليه، وانما اقصد عدم الرجوع للماضي مع اخونا ايمن في اختلاف الاراء لاشياء تكاد ان تكون بسيطة، وهذا راي اخونا ايمن مقدمه للجنة التي تم تكوينها وهو ليس بالقرار الملزم للجنة فهو خاضع للمناقشه بطرفهم.
اقول يا الدسيس هو العسكري بتمنى ..
على كل حال يا حبيب التواصل موجود بيننا واكيد النهاية سوف تكون سعيده في طلتك البهية دوما بالمنتدى

روبش يا وجيه
البوست ليهو هدف اساسي واهداف فرعية
الهدف الاساسي ليهو ما جيناهو لسع
ومن الاهداف الفرعية مثل الحوار هذا
كيف يتعامل العضو مع المشرف
وكيف يتعامل المشرف مع العضو وهذه هي الاهم كنت اتمني لو دخلته بداية البوست مثل مداخلتك التانية تعابيرها ومعانيها تختلف ومن المزعج جدا ان يقوم العضو بفتح بوست وتعال شوف المشرفين والرسائل الداخليه (( ياخ البوست قصدو شنو .....الخ)) القوانيين ممكن تتعدل الصعب ممارسة الديمقراطية في ظل فهمنا ليها الورثناهو من اخر فترة للاحزاب.
طبعا فطيت مداخلة النويري الزول ده مقرم عايز اجهض لي الفكرة الفرعيه للبوست وعنوان خمرة ود الطاهر وهواء ايمن بنجيها بعدين.
زي ما قال بوتشي طبعنا احنا بنحب الشمار.
وممارسة الديمقراطية لا نجيدها السبب الرئيسي طيلة فترة عمر الاجيال لو تم قياسها بالاحكام الشمولية والعسكريه نجدها تعادل 99% من اعمارهم في ظل الكبت وفقدان الحريات.
خليك قريب

[صلاح ودالطاهر]

عباس يا دسيس يا وجيه من امس بتاوق وما عائز اقول بقم عشان ما تبقى علي قصة ود الرباطاب العمك لقاهو ببكي وقال ليهو مالك بتبكي قال ليهو دقاني ابوي عمك قال ليهو في شنو دقاك ابوك طوالي الشافع قال ليهو في التحشر متل تحشرك ده هههههههههههههههههههههههههههه

[روبش]

الحبيب الدسيس
لمناقشة موضوع ما اخي الدسيس فلا بد من وجود شرط أساسي في الحوار وهو القبول برأي الطرف الآخر,حتى وان لم يكن هذا الرأي منسجما مع وجهة نظرنا وبمعنى آخر يجب أن يكون الحوار مستندا الى ادلة منطقية تجعل الطرف الآخر يظهر لنا ما لديه من أدلة أخرى منطقية لنصل جميعا في النهاية الى نتيجة أساسية وهي النقاش الفعال والبناء حتى وان بقي الاختلاف في الأراء قائما المهم أن لا يتحول الاختلاف الفكري الى خلاف شخصي وده الذي نسعى اليه اخي عباس دعنا نرى قرار اللجنة التي تم تكوينها وبعدها باذن الله كل الامور سوف تستقيم للاحسن، بس قول يا رب عشان مدني.

[صلاح ودالطاهر]

يا جماعة القطر دا كمساريهو نايم ولا شنو والله يا عباس مع الحريات دي بختك غايتو كان زمان بوست ذي دا تلقاهو من كلمة مريسة دي جوه المشرفين طوالي لكن مع الربيع العربي دا أخد راحتك غايتو وأهو الناس تغير شوية بدل المهاترات والبيانات النازلة زي المطر دي هنا وهناك .

يا نويري وحاة شيخي الما عارف يقول عدس بمناسبة العدس وينك ياخي عبس ده ذي ما قال بوتشي حاج رزق الكلام تحتو كلام الله يجيب العواقب سليمه دخلت هنا عشان البوست ما يلحق امات طه وبعدين يجي يقول ودالطاهر السبب لكن بوعد مني بسكو ليك لمن يجيهو ايمن هوا

[ريمون]

عباس الدسيس قامه وسبق لي التعامل معاه ايام مشكلة الراكوبه ..
كمشرف او كعضو لما القي بوست كاتبه الدسيس وبغض النظر عن عنوانه لازم افتحه ..
اكيد حنستفيد كتير ..
انا عندي ثقة كبيرة في عباس الدسيس جاي من موقف سابق حصل لي معاهو ..
اكتب اخي عباس وستجدنا من المتابعين ..
وما تدينا كمشرفين فرصه فيك ..
يعني اكتب حسب اللائحة الحاليه حتي يتم تعديلها ..
بس معليش لو عندك راي للجنه اكتبوا في مكانه المناسب وهو بوست ود العركي المثبت عشان ما نفتح جبهات كتيره لي ناس اللجنه ونحليهم يركزوا في بوست واحد ويطلعوا لينا بالسمينه ..
واكيد وجودك يسعدنا ..

[صلاح ودالطاهر]

عباس الدسيس قامه وسبق لي التعامل معاه ايام مشكلة الراكوبه ..
كمشرف او كعضو لما القي بوست كاتبه الدسيس وبغض النظر عن عنوانه لازم افتحه ..
اكيد حنستفيد كتير ..

يا سلام عليك يا ريمون على هذا التعامل الجميل لكن شيلي شيلتك مع عباس

[ريمون]

ذكرتني بوست كان عامل مشكله كبيره ..
سيد البوست كتبه وفات وجوا ليك المتداخلين كتبوا وادوا البوست طابع معين وتعامل معاه بعض المشرفين بالطابع ده ونقلوه ..
مشكلة كبيرة كانت وسيد البوست بعيد ..
هسه رايك شنو نعوس ليك في بوستك ده ولما ترجع تلقانا غيرنا ليك مضمونه نهائيا ..
















سؤال يا ربي المشرف ممكن يهظر ؟؟؟

[هيثم عبدالعال]

ولدنا بوتشي
علي قولة عنكوليب اسمك بلخبت مع روبش
اقول ليك طرفه حصلت معاي شخصيا وعشان زول ما اقول نكته سمعا قبل كده:
صديق لي درس في بريطانيا ويحمل الجنسية البريطانيه من اولاد القضارف... وقعاد بريطانيا خلتو بتاع طشه ومصاحب الخواجات بحكم الجنسية اجيب ليك الطشه من الكمباون او السفاره زي الترتيب والشراب بتعامل معاهو كالماء.
اتصل علي صديقنا اخر كان بطشم معاهو قال لي الزول بقي طينة ((شبه زولك بتاع المريسه)) وياخ انا طاشم برضو والزول حكمت معاهو ما انوم معاي واتعشي بره تعال حاولو امشي البيت.
مشيت للراجل وركبنا العربية اتفقت معاهو ما افتح خشمو خالص لو قابلنا بوليس عشان الريحه طاقة واحنا ماشين لسؤ حظنا لقينا تفتيش العسكري وقفني وطلب مني الاقامة والرخصة.
بفتش للمحفظة في جيبي صاحبنا قبض يدي وقعد اتحلف والله ما تدفع انا العازمك عشاء والشمطاء قامت والزول الاوي فيني وإكورك.
النكته ما عشان روبش بوتشي :p:p:p

مبالغه ..
تعليقي ده راجع للمعنى القريب للبوست ، أما فيما يختص بالمعنى البعيد ومحاولات النويري لإجهاض الفكرة الفرعية فأنا برررررره
وبرضو خليك قريب يا عباس بس ما قريب بتاعت الملكة، دي حقت واحد صاحبنا أول مره يجرب الشغلة وخايف من الوقعه قعد يوصي في نفسو بصوت مسموع ( خليك قريب من الواطه )
دعم مني لمحاولة الإنحراف بالبوست وتغطيس حجرو

[عثمان جلالة]

ود الدسيس .. شايف البوست ده انحرف عن مسارو

المشكلة في التشكيل يا حبيب .. التشكيل

بالله عليك ما حاجه عجيبة ؟؟ شكل يشكل تشكيلا وهو زول "مشكل خضار" ... تغير اتجاه الزول؟؟؟

غايتو أنا معاكم في خطة الجداده حضنت وكده

لكن خطة الباغه في التلاجه دي أنا براااا :p:p

http://www.youtube.com/watch?v=wSew0hnDss0

أهم مافي البوست من حريه إنو تقدر تشكل منو أكتر من موضوع ... يااااااخ بوست زي ود المويه ههههه مامكن تنقبض فيهو بالثابته أبدا

تحيات يا حبيب

[صلاح ودالطاهر]

مبالغه ..
تعليقي ده راجع للمعنى القريب للبوست ، أما فيما يختص بالمعنى البعيد ومحاولات النويري لإجهاض الفكرة الفرعية فأنا برررررره
وبرضو خليك قريب يا عباس بس ما قريب بتاعت الملكة، دي حقت واحد صاحبنا أول مره يجرب الشغلة وخايف من الوقعه قعد يوصي في نفسو بصوت مسموع ( خليك قريب من الواطه )
دعم مني لمحاولة الإنحراف بالبوست وتغطيس حجرو

هههههههههههههههههههههههههههه هيثم ودعبدالعال اوعه تتمقلب ذي روبش فلم ذي ده انت دخلتو لوبتذكر الله يرحم صالح ابوشوارب ويسكنه فسيح جناته مع الصديقين والشهداء

[هيثم عبدالعال]

هههههههههههههههههههههههههههه هيثم ودعبدالعال اوعه تتمقلب ذي روبش فلم ذي ده انت دخلتو لوبتذكر الله يرحم صالح ابوشوارب ويسكنه فسيح جناته مع الصديقين والشهداء

زمان كنا مستجدين يا ود الطاهر ... ويا حليل زمان

هسه بقينا نقرأ من الشمال لليمين ومن فوق لتحت وبعد داك نشارك

[عباس الدسيس]

يا جماعة القطر دا كمساريهو نايم ولا شنو والله يا عباس مع الحريات دي بختك غايتو كان زمان بوست ذي دا تلقاهو من كلمة مريسة دي جوه المشرفين طوالي لكن مع الربيع العربي دا أخد راحتك غايتو وأهو الناس تغير شوية بدل المهاترات والبيانات النازلة زي المطر دي هنا وهناك .


النويري يا حبيب سلام
مريسه في قاموس العرب
عجينة البطاطا المسلوقة في الموية
اخوك يا النويري البس ليك جلابية البروف عبدالله الطيب الله ارحمو

المريسه في غرب السودان تعتبر مادة غذائية او وجبه يتناولها معظم أهل الغرب ((يعني تقوم من الصباح تضرب ليك عبار كارب كده فطرته )) والعبار هو اناء من القرع ما تجي حنكوشه تقول لي القرع شنو.
المريسه انواع غالبا ما تكون قليلة الكحول – كالتامبيرة – العسليه – القام زوت – البقنيه – ام تف ...الخ
عندما كان السودان بخيرو كانت المريسه من ضمن المشروبات الاساسية في الاعراس والناس لا تجد حرج في تناولها وهي جزء من افراح العرس.
اما المرايس التي تسكر كانت بالاندايات
لو قريت كتاب الطيب محمد الطيب الانداية فيهو معلومات كثيرة عن تاريخ السودان وتعريف الاندايات:
وهي مجتمع كامل وطقوسه وعاداته وقوانينه......
يقول الكتاب الانداية هي مفرد الانادي هو المكان الذي يجتمع فيه الناس لشرب المريسه وهي تصنع من الذرة والدخن ومن اسمائها (( ذكرتها اعلي البوست))
تاريخ السودان يا النويري فيهو جوانب كثيرة اهملها المقرر العلمي.
بعد حارسنا وفاسنا وقوانيين سبتمبر تلقي المهنج ركز علي حاجات معينه:

http://www.youtube.com/watch?v=DjbPUmdrmS8

[عباس الدسيس]

عباس يا دسيس يا وجيه من امس بتاوق وما عائز اقول بقم عشان ما تبقى علي قصة ود الرباطاب العمك لقاهو ببكي وقال ليهو مالك بتبكي قال ليهو دقاني ابوي عمك قال ليهو في شنو دقاك ابوك طوالي الشافع قال ليهو في التحشر متل تحشرك ده هههههههههههههههههههههههههههه

ود الطاهر يا وجيه سلام
متاوقتك خليها
قدر ما الم فيك في زقاق اقول ليك اديني تصريح اعمل حكاية مولانا بتاع الرقية بوست تزوق مني ياخوي تقول عركي براهو انت ذاتك اكعب من عركي

[عباس الدسيس]

الحبيب الدسيس
لمناقشة موضوع ما اخي الدسيس فلا بد من وجود شرط أساسي في الحوار وهو القبول برأي الطرف الآخر,حتى وان لم يكن هذا الرأي منسجما مع وجهة نظرنا وبمعنى آخر يجب أن يكون الحوار مستندا الى ادلة منطقية تجعل الطرف الآخر يظهر لنا ما لديه من أدلة أخرى منطقية لنصل جميعا في النهاية الى نتيجة أساسية وهي النقاش الفعال والبناء حتى وان بقي الاختلاف في الأراء قائما المهم أن لا يتحول الاختلاف الفكري الى خلاف شخصي وده الذي نسعى اليه اخي عباس دعنا نرى قرار اللجنة التي تم تكوينها وبعدها باذن الله كل الامور سوف تستقيم للاحسن، بس قول يا رب عشان مدني.

روبش يا وجيه سلام
يا الحبيب انت بتاع الرياضي لما اجي الرياضي واشوت ضفاري تعال لي حسب القوانيين القديمه خلي معاي ناس المنبر العام ((روبش بهظر معاك ما تزعل))
شوف يا حبيبنا روبش اي حوارات فيها تفلتات لو صبر القاتل لمات المقتول تعرف الاعضاء بشاكلو وتاني برجعو اصحاب والزول البياخذ ما يتقال في الحوارت الفكرية شخصيه احسن ليهو افتح الجهاز وعاين في اليوتيوب ((اه نص نص النص)).
دور القوانيين شنو !!!! تنظيم المجتمع طيب احنا كمثقفين لو ما نظمنا انفسنا ما فايده للقوانيين يجب ان تكون القوانيين في المنابر لوحة فقط.
تعرف اي مشكله بشعللا الحجازة لاحظ اكون في مشكله في المنبر خلي الاعضاء ياخذو زمن كافي بتلقاهم رجعو
والله يا روبش احي فيك مشاركاتك دائما فعاله ومتواجد علي طول

[عباس الدسيس]

يا نويري وحاة شيخي الما عارف يقول عدس بمناسبة العدس وينك ياخي عبس ده ذي ما قال بوتشي حاج رزق الكلام تحتو كلام الله يجيب العواقب سليمه دخلت هنا عشان البوست ما يلحق امات طه وبعدين يجي يقول ودالطاهر السبب لكن بوعد مني بسكو ليك لمن يجيهو ايمن هوا

يا صلاح انت اللقب لصقو فيهو العقاد
ياخ العقاد كارثة
حكاية ايمن سبب البوست ذاتو
بنجيها شيل الصبر

[محمد الجزولى]

تعرف يا عبس الخُمره ارتبطت عندنا بالبهجه والفرح ...
والهلال المربوط بي حريره ...
وايقاع دلوكه بي مكونات محليه ..
وشبال ( يجهجه ) ذاتك ويخلى ( كراعك ) تكبر من الفرح ..
وبوستاتك يا عبس وبدون مجامله فرح فكري يأخذنا قسرا الى مدارك قد تغيب عنا ...
لذلك دائما ما اقول لنفسي في حضرة حروفك ( خليك قريب )
وانا بالجوار اخي الدسيس متابع هذا الفرح الفكري الموعود.

[عباس الدسيس]

عباس الدسيس قامه وسبق لي التعامل معاه ايام مشكلة الراكوبه ..
كمشرف او كعضو لما القي بوست كاتبه الدسيس وبغض النظر عن عنوانه لازم افتحه ..
اكيد حنستفيد كتير ..
انا عندي ثقة كبيرة في عباس الدسيس جاي من موقف سابق حصل لي معاهو ..
اكتب اخي عباس وستجدنا من المتابعين ..
وما تدينا كمشرفين فرصه فيك ..
يعني اكتب حسب اللائحة الحاليه حتي يتم تعديلها ..
بس معليش لو عندك راي للجنه اكتبوا في مكانه المناسب وهو بوست ود العركي المثبت عشان ما نفتح جبهات كتيره لي ناس اللجنه ونحليهم يركزوا في بوست واحد ويطلعوا لينا بالسمينه ..
واكيد وجودك يسعدنا ..

ريمون سلام
والله خجلته عديل
الف شكر
في زول مجنون بمشي للاسد في عيرينو اصعب شيء تجادل ليك قانوني او معلم ياخ عركي لو بتونس معاك ونسة الله ورسولو عشان تقول ليهو مع السلامة وتصبح علي خير تلقي روحك في الضهر.
لاتوجد لي ملاحظات عن القوانيين مع مع ناس ميسي القوانيين ((هيثم عبدالعال)) ياخ اللجنة المكونه دي تضع دستور للسودان بنجدع في كلام عام احتمال يروق ليهم واحتمال لا انا مع التخصص ولجنة فيها ناس ديمقراطيين خلاس تاعب نفسي فوق شنو.
مع خالص التقدير

[عباس الدسيس]

يا سلام عليك يا ريمون على هذا التعامل الجميل لكن شيلي شيلتك مع عباس

صلاح يا حبيب
في نظري انسب وانجح للاشراف بالمنتديات الجنس اللطيف
عوامل كثيرة منها
لبقين في التعامل
حساسين تجاه الاعضاء بقدر الامكان بحاولو ما إغلطو
دائما تلقاهم في الحوارات طريقة الحوار النفس البارد
بتعاملو بي احترام وما بحسسوك في طريقة التوجيه انهم مشرفين
عشان كده كل ما كان عدد الجنس اللطيف في الاشراف اكبر تلقي المنبر ماشي كويس
بعدين الملاحظ غالبيتهم متزوجات الواحده بتجيك مهلوكه ومنتهيه المجهود كلو في الراجل تطلع زيتو وبتكون مكتفيه من الصراعات ............... اها يا ريمون علاقة دي شنو بي اللجنة عليك الله فكيني من ناس القانون

[عباس الدسيس]

مبالغه ..
تعليقي ده راجع للمعنى القريب للبوست ، أما فيما يختص بالمعنى البعيد ومحاولات النويري لإجهاض الفكرة الفرعية فأنا برررررره
وبرضو خليك قريب يا عباس بس ما قريب بتاعت الملكة، دي حقت واحد صاحبنا أول مره يجرب الشغلة وخايف من الوقعه قعد يوصي في نفسو بصوت مسموع ( خليك قريب من الواطه )
دعم مني لمحاولة الإنحراف بالبوست وتغطيس حجرو

سلام ود عبدالعال
اها شوفتو لو عايزين حريات امسكو في ود عبدالعال
ولا المنبر بكون قريب من الواطه
هيثم لو بايدي كنت طوعته الليالي واديتك رئيس مجلس ادارة خلي فخر المنتديات الجربانه دي
ود المبارك لو بسمع كلامي التمثيل بتاعو في مجلس الادارة انت اولهم لو نزلته انتخابات طبعا ممكن اتكالبو عليك العجم بالله اسأل منها عركي حكاية العجم وجامعة الخرطوم
كده رجعنا تاني يا هيثم اخوك ما حريف

[عباس الدسيس]

ود الدسيس .. شايف البوست ده انحرف عن مسارو

المشكلة في التشكيل يا حبيب .. التشكيل

بالله عليك ما حاجه عجيبة ؟؟ شكل يشكل تشكيلا وهو زول "مشكل خضار" ... تغير اتجاه الزول؟؟؟

غايتو أنا معاكم في خطة الجداده حضنت وكده

لكن خطة الباغه في التلاجه دي أنا براااا :p:p

http://www.youtube.com/watch?v=wSew0hnDss0

أهم مافي البوست من حريه إنو تقدر تشكل منو أكتر من موضوع ... يااااااخ بوست زي ود المويه ههههه مامكن تنقبض فيهو بالثابته أبدا

تحيات يا حبيب



جلالة سلام يا الحبيب
ياخ انت تشبه لي ميلا بتاع الكمرون في منتديات ودمدني
راجل خبرة في ادارة المنتديات والمسأله دي ما ساهله
في اعتقادي وبرضو توصية لمجلس الادارة كان اسمعني
المجلس الحالي يبقي علي ما هو يدعم باثنين من اللجنة القانوينه وصراحه هم ود عبدالعال وعركي مع احترامي للبقية وهم ناس ما ساهلين كفترة انتقالية سنة لمراقبة عمل اللائحه لو طوالي قالو انتخابات المسألة بتجوط يعني خطوة خطوة وبعد اجازة القوانيين كاول مرحلة وعلي طول انتخابات المشرفين عشان الاعضاء يحسو بالتغيير.
مشكلة المنبر ليس في مجلس الادارة مشكلة المنبر في القوانيين وحراك المشرفين والحريات
لو تم حل مجلس الادارة بعد القوانيين مباشرة اكبر خطأ ممكن اعفاء واحلال لبعض الاعضاء حسب صلاحيات صاحب الموقع.
الثابته وين يا حبيب عشان تعرف القوانيين ما بتنظم الناس بالصورة المثلي ممكن تتزاوغ منها اهم شيء تنظيم الاعضاء لانفسهم.

[بوتشى]

جلالة سلام يا الحبيب
ياخ انت تشبه لي ميلا بتاع الكمرون في منتديات ودمدني
راجل خبرة في ادارة المنتديات والمسأله دي ما ساهله
في اعتقادي وبرضو توصية لمجلس الادارة كان اسمعني
المجلس الحالي يبقي علي ما هو يدعم باثنين من اللجنة القانوينه وصراحه هم ود عبدالعال وعركي مع احترامي للبقية وهم ناس ما ساهلين كفترة انتقالية سنة لمراقبة عمل اللائحه لو طوالي قالو انتخابات المسألة بتجوط يعني خطوة خطوة وبعد اجازة القوانيين كاول مرحلة وعلي طول انتخابات المشرفين عشان الاعضاء يحسو بالتغيير.
مشكلة المنبر ليس في مجلس الادارة مشكلة المنبر في القوانيين وحراك المشرفين والحريات
لو تم حل مجلس الادارة بعد القوانيين مباشرة اكبر خطأ ممكن اعفاء واحلال لبعض الاعضاء حسب صلاحيات صاحب الموقع.
الثابته وين يا حبيب عشان تعرف القوانيين ما بتنظم الناس بالصورة المثلي ممكن تتزاوغ منها اهم شيء تنظيم الاعضاء لانفسهم.

يا دسيس يا خال ده فهم راقي وبجد يحل كل المشكله ونعود احباب ذي ما كنا واتفق معك تماما بجد يا خال انت مدرسه لك التحية والتقدير

[عباس الدسيس]

تعرف يا عبس الخُمره ارتبطت عندنا بالبهجه والفرح ...
والهلال المربوط بي حريره ...
وايقاع دلوكه بي مكونات محليه ..
وشبال ( يجهجه ) ذاتك ويخلى ( كراعك ) تكبر من الفرح ..
وبوستاتك يا عبس وبدون مجامله فرح فكري يأخذنا قسرا الى مدارك قد تغيب عنا ...
لذلك دائما ما اقول لنفسي في حضرة حروفك ( خليك قريب )
وانا بالجوار اخي الدسيس متابع هذا الفرح الفكري الموعود.

ود الجزولي يا وجيه سلام
الخمره بضم الخاء حاجة سودانيه بحته تشبه عممنا التي نمتاز بها
الارث والتقاليد الحفاظ عليها اصبح صعب
المشكله ليس الحضارة وغيرها السبب الاستحداث مع عجلة الزمن المدوره
في اشياء اندثرت وفي اشياء باقيه لسع صورتها اختلفت
اندهشت لما اشوف العريس عاملين ليهو جلابيه من حاجة زي الفركه
والغريب اكثر تجد الزفه بي موسيقي مصريه العديل والزين انقرضت من الوجود
المنابر ليها دور في تناول هذه المواضيع وخاصة الناس الذين يملكون مخزون كبير من التاريخ
ياخ والله السياسة طلعت روحنا وبعد ده كلو ما فيهو فايده
المواضيع الثقافية مناقشتها مهمة وما بتلقي حظها من النقاش مالم يكون هنالك دمج للاقسام
اشهد الله انا بجي هنا العام وبزوق مالم اتصل بي واحد وبالتحديد اقول لي خش الحته الفلانيه
نتمني من اللجنة ان تقوم بعمل ترميم لتقسيم المنبر وتخلي لينا قريب من الفيس بوك
شكرا يا الحبيب

[عباس الدسيس]

يا دسيس يا خال ده فهم راقي وبجد يحل كل المشكله ونعود احباب ذي ما كنا واتفق معك تماما بجد يا خال انت مدرسه لك التحية والتقدير

شكرا يا حبيبنا بوتشي
كلو تنظير نتمني ناس اللجنة اشوفوهو ساكت اما العمل بها متروك ليهم
مع خالص تقديري

[عباس الدسيس]

نرجع لي ايمن هواء
اقول ليك ساعة علي الهواء
ايمن راجل بكتب علي الهواء زينا كده يعني ما بعمل مونتاج غيابو دائما بكون ملحوظ في المنبر عامل حركه فيهو ممكن نضيف ليهو لقب ايمن حركه والمنابر تنشط بي الاعضاء البشبهو ايمن مشكلة الراكوبه لو نظرنا ليها من الكوب الثاني شعللت المنبر ده وفي ناس ما بعرفو المنبر عرفو من خلال المشكله عندها اثار سلبيه وايجابيه موضوعنا حسي ايمن.
ايمن طبعا عم اولاد اختي تصدقو السودان ضيق ومدني زجاجة
من الناس ممكن اختلف معاك دواخلو نضيفه
اتصل علي صلاح الطاهر طبعا صلاح ده حاجة تانية اسكرك بالونسه لما تتلمي معاهو ومنتديات ودمدني تمثل ليهو البيت الاول صلاح يومي بتكلم بالجوال حوالي 20 - 50 ريال او اكثر لاعضاء بمدني مهموم بالمنبر وحراكه وهو رجل صديق وفاهم طبعي المهم قرب وجهات النظر بينا اساس مافي اختلاف بينا اختلافات فكرية عن احداث ايمن زعلان انا قلته ليهو بالليل ابعد من الكي بورد الناس عشان ما تمشي بعيد الراجل انا ما عارف ليهو اي حاجة ليلية.

[هيثم عبدالعال]

نرجع لي ايمن هواء ايمن طبعا عم اولاد اختي تصدقو السودان ضيق ومدني زجاجة
من الناس ممكن اختلف معاك دواخلو نضيفه
اتصل علي صلاح الطاهر طبعا صلاح ده حاجة تانية اسكرك بالونسه لما تتلمي معاهو ........... المهم قرب وجهات النظر بينا .

إنت يا صلاح ما حتبطل حركاتك دي !! يوم بتكتل ليك زول
يا دسيس بمناسبة تقريب وجهات النظر دي أنا عازمك إنت وأيمن ويك اند في الدوحه بس بي شروطي أنا عشان أخليكم قريبين من الواطه جداً .

[النويري]

نرجع لي ايمن هواء
اقول ليك ساعة علي الهواء
ايمن راجل بكتب علي الهواء زينا كده يعني ما بعمل مونتاج غيابو دائما بكون ملحوظ في المنبر عامل حركه فيهو ممكن نضيف ليهو لقب ايمن حركه والمنابر تنشط بي الاعضاء البشبهو ايمن مشكلة الراكوبه لو نظرنا ليها من الكوب الثاني شعللت المنبر ده وفي ناس ما بعرفو المنبر عرفو من خلال المشكله عندها اثار سلبيه وايجابيه موضوعنا حسي ايمن.
ايمن طبعا عم اولاد اختي تصدقو السودان ضيق ومدني زجاجة
من الناس ممكن اختلف معاك دواخلو نضيفه
اتصل علي صلاح الطاهر طبعا صلاح ده حاجة تانية اسكرك بالونسه لما تتلمي معاهو ومنتديات ودمدني تمثل ليهو البيت الاول صلاح يومي بتكلم بالجوال حوالي 20 - 50 ريال او اكثر لاعضاء بمدني مهموم بالمنبر وحراكه وهو رجل صديق وفاهم طبعي المهم قرب وجهات النظر بينا اساس مافي اختلاف بينا اختلافات فكرية عن احداث ايمن زعلان انا قلته ليهو بالليل ابعد من الكي بورد الناس عشان ما تمشي بعيد الراجل انا ما عارف ليهو اي حاجة ليلية.

يا عبس يعني كثير التلج دا كلو عشان طلع أيمن عم أولاد أختك ياخ كان تعرف المعلومة دي من زمان عشان نحن نرتاح من الهرجلة دي وش بابكر صاحبك ( أيمن ما تزعل مني أنا برضو سمح)

[عباس الدسيس]

إنت يا صلاح ما حتبطل حركاتك دي !! يوم بتكتل ليك زول
يا دسيس بمناسبة تقريب وجهات النظر دي أنا عازمك إنت وأيمن ويك اند في الدوحه بس بي شروطي أنا عشان أخليكم قريبين من الواطه جداً .

هيثم المدام لو شافت الكلام والدعوة وفهمت الموضوع تاني ما بتمشي معاي قطر العيد الجاي لو الله هون انشاءالله معاكم عناك بدون دعوة اما الدعوة خليها قائمة بس غير المكان رايك البحرين شنو علي الاقل قريبه من ايمن

[عباس الدسيس]

يا عبس يعني كثير التلج دا كلو عشان طلع أيمن عم أولاد أختك ياخ كان تعرف المعلومة دي من زمان عشان نحن نرتاح من الهرجلة دي وش بابكر صاحبك ( أيمن ما تزعل مني أنا برضو سمح)

النويري المساخه فيك ما لذيذه اللياقه بتناسبك

[الملكة اسماء ( ام محمد )]

ياخ انا بطالب تكوني مشرفه او عضو مجلس ادارة


عضو ؟؟؟؟

انا لن اقبل باقل من منصب admin
ههههه

ده من ذوقك والله

قدر ما سعيد بمداخلتك حزين من طرف اخر كنت اتمني عركي ازورنا في البوست ده بس الظاهر خلاس رجلو انقطعت و ل رايك شنو يا النويري

ياسيدي ماتقلق انت البشوف اسم تحت عنوان بوست بخلي الفي يده ويجي جاري ( ماشاء الله ) عشان ماتقول سحرتني

كن بمليون خير يامبدع

[مرتضى يوسف العركي]

الدسيس
شيخي ود الشريف
والاخوة المعاك في هذا البوست الرشيق
بك يا سيدي انت وايمن والعنقيد العقاد يمضى المنتدى وبقية المنتديات
لن تمنحو اوجهنا أخاديد وندبات رسمها عمر الاغتراب
لسبب بسيط ان ما بدواخلنا جميعا صفاء
يستحيل ان يضحى قبحا على زمان ..
من جانب اخر
ما ناسيك وفي يدينكك بعض الورود والرياحين
.. لو مشيت بيهاالمطار
اها في بعضهم يتابطها كل مساء
عنوانا للسلام الاجتماعي بلغة مثقاتية الرياض
تعرف ياعبس اي زول يششوف اخوه
يقول انا ما براي ياخي ده اللذيذ الدسيس
ود الشريف شيخي برضو بخاف
وكمان رجاف
على ذلك اي واحد ممكن يكون عادي ذي الزبادي
تصدق عندما لا تكتب او يكتب احبتنا
تجف البسمة التي ترسمها
وقبلها تجف الشمارات اقصد المشاهدات
لن استثني نفسي فانا احدهم
ياخي شكرا ليمك ولهم
والله بتفرحونا بلا مقابل عليك الله لو مافي عنقده
وشبة حلق وورقة توت
ولا حد يموت
جاني احساس وقتها اكون يا ربي
مولت ثوار الكونترا
من اموال السي اي ا غلبني ياخي اكتبها c i a
هوي يازول الكلام ده بسحبوا
نسيت انو انا عضو لجنة
لكن والله بحبكم في الله كلكم
وبتاعت البروف دي غير صالحة للنشر
ما تشبكني
انا طول عمري محترم
وتاني ما بتونس معاك
ولو عدت للمشاغلة ورفع الضغط
حاعزم ليك حبيب من الدمام واضبح ليهو عشان اصالحكك معاه
والله تكتر اعزموا انا واجيبوا ليك في البيت
وعارف براك كمية الخطر ... على مرطب زيك

[عباس الدسيس]

ياسيدي ماتقلق انت البشوف اسم تحت عنوان بوست بخلي الفي يده ويجي جاري ( ماشاء الله ) عشان ماتقول سحرتني

كن بمليون خير يامبدع

خابت توقعاتي العركي وصل :d:d:d
وجدكم هو الاجمل دائما
مع تقديري

[الملكة اسماء ( ام محمد )]

خابت توقعاتي العركي وصل :d:d:d
وجدكم هو الاجمل دائما
مع تقديري
ههههههههه
مش قلت ليك اسمك بجيبهم حفايا

[عباس الدسيس]

الدسيس
شيخي ود الشريف
والاخوة المعاك في هذا البوست الرشيق
بك يا سيدي انت وايمن والعنقيد العقاد يمضى المنتدى وبقية المنتديات
لن تمنحو اوجهنا أخاديد وندبات رسمها عمر الاغتراب
لسبب بسيط ان ما بدواخلنا جميعا صفاء
يستحيل ان يضحى قبحا على زمان ..
من جانب اخر
ما ناسيك وفي يدينكك بعض الورود والرياحين
.. لو مشيت بيهاالمطار
اها في بعضهم يتابطها كل مساء
عنوانا للسلام الاجتماعي بلغة مثقاتية الرياض
تعرف ياعبس اي زول يششوف اخوه
يقول انا ما براي ياخي ده اللذيذ الدسيس
ود الشريف شيخي برضو بخاف
وكمان رجاف
على ذلك اي واحد ممكن يكون عادي ذي الزبادي
تصدق عندما لا تكتب او يكتب احبتنا
تجف البسمة التي ترسمها
وقبلها تجف الشمارات اقصد المشاهدات
لن استثني نفسي فانا احدهم
ياخي شكرا ليمك ولهم
والله بتفرحونا بلا مقابل عليك الله لو مافي عنقده
وشبة حلق وورقة توت
ولا حد يموت
جاني احساس وقتها اكون يا ربي
مولت ثوار الكونترا
من اموال السي اي ا غلبني ياخي اكتبها c i a
هوي يازول الكلام ده بسحبوا
نسيت انو انا عضو لجنة
لكن والله بحبكم في الله كلكم
وبتاعت البروف دي غير صالحة للنشر
ما تشبكني
انا طول عمري محترم
وتاني ما بتونس معاك
ولو عدت للمشاغلة ورفع الضغط
حاعزم ليك حبيب من الدمام واضبح ليهو عشان اصالحكك معاه
والله تكتر اعزموا انا واجيبوا ليك في البيت
وعارف براك كمية الخطر ... على مرطب زيك

عركي يا حبيبنا سلام
مداخلتك لو فكفناها صفحات ما بتكمل الفكفكه
قلمك انيق وعلي قولة الوالده بتقعد الكلام
ياخ الزهور انت شايلا في انفاسك
كل حرف بي ورده بنفسج
وكل كلمة منك بي روز ((عشان ما إقول واحد روز بقصد بيها الحافله روزا rose ورده لونها أحمر ترمز للحب والعاطفة ))
وكل ضحكه منك اوركيد Orchid اها دي للاعلان عن الحب قلنا نجاريك في كلماتك المنمقه ولو مشيت لي قدام بجيب ليك الهواء مع الجماعه خاصة في حتة الاعلانات.
بي حكاية الورود ذكرتني قصتي مع الورد ايام وما الحب الي للحبيب الاول فترة بداية الشباب كنت عامل فيها فنان تصدق بي صوتي الشين طلعت لي في راسي وفنان بقلد منو صلاح ابن البادية بالله شوفته ليك زول بقلد صلاح الاغنيه العاجباني ((اول حب اخر حب حبك نار)) كنت بغنيها في الجمعيه الادبيه من الصباح الناس كلها بتستاء الغاشني ناس المجاملات بيني وبين نفسي عارف صوتي شين قلته يا ولد ثابر واجتهد الناس لما تتعود علي الصوت تاني بتحبو فلسفه غريبه.
يوم خميس الجمعيه الادبيه قديت الناس بي اغنيتين الاولي ما بقطف زهورك بعاين الناس مشوها لي الثانية ((الليلة سار يا عشايا عديله ليه)) ياخ سيرة شنو المدير اليوم داك الظاهر زهج مني وقفني من الاغنيه وقال لي .... يا ولدي سيرة شنو الاغنيه انت عملتها مناحة بكا اخير ليك لعب كورتك فارق الدرب ده.
ما زعلته واعتبرته المدير زوقو ما كويس.
وانا طالع نهاية اليوم وجيران مدرسة زروق مدرسة الجيلي للبنات جاتني فكره اقطع لي زهور في يدي امكن الله اديني واحده ماشه تعجب بالزهور تعاين لي في يدي اقدما ليها هديه (( فلم هندي عدييييييييييل)) وماهي الزهور لو سألت ؟؟؟ صباح الخير وكان في العوير بنقول ليهو الزعلان عندو زهرة لونا Pink وطلعته مزهوا اتمشي لاصطياد بلومه ... عليك امان الله لا بلومه لا عشوشه ولا حتي طير الجنة.
المدير شافني نهاية اليوم بقطع في الزهور الراجل اصلو زهجان مني تاني يوم بعد قدم في الطابور محاضرة عن السلوك القويم اتلفت لي (( اطلع يا ود الشريف امس طلعته روحنا زي كل جمعيه ادبيه واضرستنا بي صوتك وعامل فيها الود فنان وحساس بتغني في .... انا ما بقطف زهورك بعاين بعيوني ..... ونهاية اليوم تكبر فيها كبر.
من دقة اليوم داك سكت صوتي الطروب وفارقت المغني وخسر الشعب السوداني صوت جميل.
غايتو انا حكاية ورق التوت عاجباني
عركي انت عارف انا زول ما بقدر امسك الكلام لازم تستحملني وما تزعل مني
عركي زول حساس وبتاع كلام منمق وانيق ورود ... حظ ام يوسف
ما زينا احنا .... صفة تانيه ما بحب المشاكل خالص لو مشيت ليهو في قضية او مشكله قانونيه بشتغل معاك بطريقة الشيوخ اهلو الشاكي والمشتكي بصالحكم بطريقه تقول فيها سحر.
نرجع لي موضوع ورقة التوت.
ود المامون كان عندو حوار مع عصام حسين والحوار اخذ شكل حاد
عركي عمل مداخله لتهدئة النفوس الغريبه عصام حسين وود المامون الاثنين اصحاب عركي وعشان عامل السن وطريقة الشيوخ في معالجة الامور بحكمة... مداخلتو ميل فيها علي ود المامون شويه وتحدث عن الاحترام .
ود المامون الكلام ما عجبو !!!!!!
عمل مداخله لي عركي كان من ضمنها ((وسقطت ورقة التوت))
ياخ دي زعلت عركي زعل طوالي شال لي التلفون وزعلان
ما شفته الموضوع ده يا ود الشريف !!!!!!!!!!!
انا قلته الليلة عركي مالو يا ساتر
موضوع شنو يا عركي ؟؟؟؟؟
ود المامون قال لي سقطت ورقة التوت
قلت ليهو يا زول زعلان مالك سقطت ورقة التوت انت سيدنا ادم
عركي لي حسي اضحك فيها

عركي والله انت اجمل انسان

[بوتشى]

عركي يا حبيبنا سلام
مداخلتك لو فكفناها صفحات ما بتكمل الفكفكه
قلمك انيق وعلي قولة الوالده بتقعد الكلام
ياخ الزهور انت شايلا في انفاسك
كل حرف بي ورده بنفسج
وكل كلمة منك بي روز ((عشان ما إقول واحد روز بقصد بيها الحافله روزا rose ورده لونها أحمر ترمز للحب والعاطفة ))
وكل ضحكه منك اوركيد Orchid اها دي للاعلان عن الحب قلنا نجاريك في كلماتك المنمقه ولو مشيت لي قدام بجيب ليك الهواء مع الجماعه خاصة في حتة الاعلانات.
بي حكاية الورود ذكرتني قصتي مع الورد ايام وما الحب الي للحبيب الاول فترة بداية الشباب كنت عامل فيها فنان تصدق بي صوتي الشين طلعت لي في راسي وفنان بقلد منو صلاح ابن البادية بالله شوفته ليك زول بقلد صلاح الاغنيه العاجباني ((اول حب اخر حب حبك نار)) كنت بغنيها في الجمعيه الادبيه من الصباح الناس كلها بتستاء الغاشني ناس المجاملات بيني وبين نفسي عارف صوتي شين قلته يا ولد ثابر واجتهد الناس لما تتعود علي الصوت تاني بتحبو فلسفه غريبه.
يوم خميس الجمعيه الادبيه قديت الناس بي اغنيتين الاولي ما بقطف زهورك بعاين الناس مشوها لي الثانية ((الليلة سار يا عشايا عديله ليه)) ياخ سيرة شنو المدير اليوم داك الظاهر زهج مني وقفني من الاغنيه وقال لي .... يا ولدي سيرة شنو الاغنيه انت عملتها مناحة بكا اخير ليك لعب كورتك فارق الدرب ده.
ما زعلته واعتبرته المدير زوقو ما كويس.
وانا طالع نهاية اليوم وجيران مدرسة زروق مدرسة الجيلي للبنات جاتني فكره اقطع لي زهور في يدي امكن الله اديني واحده ماشه تعجب بالزهور تعاين لي في يدي اقدما ليها هديه (( فلم هندي عدييييييييييل)) وماهي الزهور لو سألت ؟؟؟ صباح الخير وكان في العوير بنقول ليهو الزعلان عندو زهرة لونا Pink وطلعته مزهوا اتمشي لاصطياد بلومه ... عليك امان الله لا بلومه لا عشوشه ولا حتي طير الجنة.
المدير شافني نهاية اليوم بقطع في الزهور الراجل اصلو زهجان مني تاني يوم بعد قدم في الطابور محاضرة عن السلوك القويم اتلفت لي (( اطلع يا ود الشريف امس طلعته روحنا زي كل جمعيه ادبيه واضرستنا بي صوتك وعامل فيها الود فنان وحساس بتغني في .... انا ما بقطف زهورك بعاين بعيوني ..... ونهاية اليوم تكبر فيها كبر.
من دقة اليوم داك سكت صوتي الطروب وفارقت المغني وخسر الشعب السوداني صوت جميل.
غايتو انا حكاية ورق التوت عاجباني
عركي انت عارف انا زول ما بقدر امسك الكلام لازم تستحملني وما تزعل مني
عركي زول حساس وبتاع كلام منمق وانيق ورود ... حظ ام يوسف
ما زينا احنا .... صفة تانيه ما بحب المشاكل خالص لو مشيت ليهو في قضية او مشكله قانونيه بشتغل معاك بطريقة الشيوخ اهلو الشاكي والمشتكي بصالحكم بطريقه تقول فيها سحر.
نرجع لي موضوع ورقة التوت.
ود المامون كان عندو حوار مع عصام حسين والحوار اخذ شكل حاد
عركي عمل مداخله لتهدئة النفوس الغريبه عصام حسين وود المامون الاثنين اصحاب عركي وعشان عامل السن وطريقة الشيوخ في معالجة الامور بحكمة... مداخلتو ميل فيها علي ود المامون شويه وتحدث عن الاحترام .
ود المامون الكلام ما عجبو !!!!!!
عمل مداخله لي عركي كان من ضمنها ((وسقطت ورقة التوت))
ياخ دي زعلت عركي زعل طوالي شال لي التلفون وزعلان
ما شفته الموضوع ده يا ود الشريف !!!!!!!!!!!
انا قلته الليلة عركي مالو يا ساتر
موضوع شنو يا عركي ؟؟؟؟؟
ود المامون قال لي سقطت ورقة التوت
قلت ليهو يا زول زعلان مالك سقطت ورقة التوت انت سيدنا ادم
عركي لي حسي اضحك فيها

عركي والله انت اجمل انسان

يا خال يا خي انت لزيز جنس لزه ياخي عاجبني جنس عجب هههههههههههههههههههههههههههههههههههههههههههههه

[صابرحسين]

نرجع لي ايمن هواء
اقول ليك ساعة علي الهواء
ايمن راجل بكتب علي الهواء زينا كده يعني ما بعمل مونتاج غيابو دائما بكون ملحوظ في المنبر عامل حركه فيهو ممكن نضيف ليهو لقب ايمن حركه والمنابر تنشط بي الاعضاء البشبهو ايمن مشكلة الراكوبه لو نظرنا ليها من الكوب الثاني شعللت المنبر ده وفي ناس ما بعرفو المنبر عرفو من خلال المشكله عندها اثار سلبيه وايجابيه موضوعنا حسي ايمن.
ايمن طبعا عم اولاد اختي تصدقو السودان ضيق ومدني زجاجة
من الناس ممكن اختلف معاك دواخلو نضيفه
اتصل علي صلاح الطاهر طبعا صلاح ده حاجة تانية اسكرك بالونسه لما تتلمي معاهو ومنتديات ودمدني تمثل ليهو البيت الاول صلاح يومي بتكلم بالجوال حوالي 20 - 50 ريال او اكثر لاعضاء بمدني مهموم بالمنبر وحراكه وهو رجل صديق وفاهم طبعي المهم قرب وجهات النظر بينا اساس مافي اختلاف بينا اختلافات فكرية عن احداث ايمن زعلان انا قلته ليهو بالليل ابعد من الكي بورد الناس عشان ما تمشي بعيد الراجل انا ما عارف ليهو اي حاجة ليلية.

الحبيب عباس الدسيس صدقت في الإثنين أيمن رجل يهتم بالردود على المواضيع ويكتب على الهواء ، وصلاح الطاهر رجل ذو همة عالية ، وأذكر سابقاً كان يتصل أكثر من مرة من غير ملل لحثنا على حضور إجتماعات ومناشط الجمعية ، وأنت أخي عباس شعلة من النشاط ومقسم بين الحيشان الأربعة عيني بارده هههههههههههه والبوست من البداية كنت أعلم أنه يحمل مضامين غير عنوانه ، وهي دعوة إعتذار وملاطفة للأخ الحبيب أيمن الغائب هذه الأيام نتمنى أن يكون بخير ...... دا حالتوا انت حارس مرمى لو كنت مهاجم كان عملت شنو .....

تحياتي وتقديري لكل من يزرع البسمة والفرحة في هذا المكان الجميل

[عباس الدسيس]

الحبيب عباس الدسيس صدقت في الإثنين أيمن رجل يهتم بالردود على المواضيع ويكتب على الهواء ، وصلاح الطاهر رجل ذو همة عالية ، وأذكر سابقاً كان يتصل أكثر من مرة من غير ملل لحثنا على حضور إجتماعات ومناشط الجمعية ، وأنت أخي عباس شعلة من النشاط ومقسم بين الحيشان الأربعة عيني بارده هههههههههههه والبوست من البداية كنت أعلم أنه يحمل مضامين غير عنوانه ، وهي دعوة إعتذار وملاطفة للأخ الحبيب أيمن الغائب هذه الأيام نتمنى أن يكون بخير ...... دا حالتوا انت حارس مرمى لو كنت مهاجم كان عملت شنو .....

تحياتي وتقديري لكل من يزرع البسمة والفرحة في هذا المكان الجميل

صابر الرجل الخلوق
سلام يا وجيه
يا الحبيب انت بتقرا البوست من الاول بتعرفو شايت وين
بوست لتطييب الخواطر
مع تقديري وشكري للمتابعه

[نزار حسن محمد]

في نظري انسب وانجح للاشراف بالمنتديات الجنس اللطيف
عوامل كثيرة منها
لبقين في التعامل
حساسين تجاه الاعضاء بقدر الامكان بحاولو ما إغلطو
دائما تلقاهم في الحوارات طريقة الحوار النفس البارد
بتعاملو بي احترام وما بحسسوك في طريقة التوجيه انهم مشرفين
عشان كده كل ما كان عدد الجنس اللطيف في الاشراف اكبر تلقي المنبر ماشي كويس
بعدين الملاحظ غالبيتهم متزوجات الواحده بتجيك مهلوكه ومنتهيه المجهود كلو في الراجل تطلع زيتو وبتكون مكتفيه من الصراعات ............... اها يا ريمون علاقة دي شنو بي اللجنة عليك الله فكيني من ناس القانون

(هههههههههههه يعنى انا سفروقى ده اوديه وين ياعبس هههههههههههههه)

[عباس الدسيس]

(هههههههههههه يعنى انا سفروقى ده اوديه وين ياعبس هههههههههههههه)

نزار يا عمده سلام
ياخ الكز لينا رضا اشتقنا ليهو عديل
انت عمدة المنبر يا نزار بإدارة او غيرها (( في كبتن بطلعو))
حكاية الكبتن عارفا ابوريلان المرحوم قانون الله ارحمو عضو نادي المورده مدني وكان كابتن فريق الوحدة بحي فلاتة في الروابط دوري الروابط لاعبين مع فريق صعب المراس الفريق غلب الوحدة وقانون اتجه للخطة ((ب)) التشلت والكسر الحكم طلع ليهو الكرت الاحمر رفض اطلع قال ليهم في كابتن بطلعو.
البنات اقصد في الاشراف لتواجدهم الدائم علي المنبر ومعروف عن المرأة الكياسة في التعامل وبتعرف من وين توقف الناس بتاعين الهرجي حسي لو رجعنا لي ناس المنتدي بتلقي في البيت شخصيتهم بتختلف وفي البيت عركي مسميها الحكومه وطالما المنبر ايضا بيت خلاس نخلي للحكومات.
ومن واقع التجربة هن الاصلح لعملية الاشراف وهذا لا يعني بان يكون جميع المشرفين بنات يتم تطعيمهم بي شوية جنس خشن وفي النهاية وجهة نظر ربما تكون صاح او خطأ ....اقول ليك حاجة ياخ انا صلاح الطاهر لو بقي مشرف في العام كل يوم بعمل شكله بسبب وبدون سبب .;););):p:p

[مايسة]

الدسيس وكل المتداخلين سلامات
غايتو العنوان براهو شماااار
والجوا شوربة طاااعمة
حتى زاتو من غير مرقه

بوست جميل بالجد
غايتو يا الدسيس لو يوم غلبني اي بوست بناديك وبتنازل ليك
عشان تديرو

تحياتي

تخريمة: قلته لي ايمن هوا طلع قريبك

[عباس الدسيس]

الدسيس وكل المتداخلين سلامات
غايتو العنوان براهو شماااار
والجوا شوربة طاااعمة
حتى زاتو من غير مرقه

بوست جميل بالجد
غايتو يا الدسيس لو يوم غلبني اي بوست بناديك وبتنازل ليك
عشان تديرو

تحياتي

تخريمة: قلته لي ايمن هوا طلع قريبك

الاخت مايسه سلام
تقديري وشكري للعبارت التي تشبه صاحبها
من اصعب الاشياء تفتح ليك بوست للحوار
غالب البوستات التي اقوم بفتحها عبارة عن مقالات او حكاوي في شكل قصة قصيرة
البوستات الجدليه ادارتها صعبه
مرة اتفتل شمال ومرة يمين وتقعد تحاحي في الناس
ومتابعتها اصعب
برضو ما عندي مانع يلا افتحي تمرين نتبادل فيهو
مع خالص التقدير

[رضا حسن محمد]

تعرف يا عبس الخُمره ارتبطت عندنا بالبهجه والفرح ...
والهلال المربوط بي حريره ...
وايقاع دلوكه بي مكونات محليه ..
وشبال ( يجهجه ) ذاتك ويخلى ( كراعك ) تكبر من الفرح ..
وبوستاتك يا عبس وبدون مجامله فرح فكري يأخذنا قسرا الى مدارك قد تغيب عنا ...
لذلك دائما ما اقول لنفسي في حضرة حروفك ( خليك قريب )
وانا بالجوار اخي الدسيس متابع هذا الفرح الفكري الموعود.
هسة يا ود الجزولى الواحد يرد ليك ولا يرد لى ود الدسيس عباس
حلاتكم تتاتو زى القمارى
الخمرة عندى ارتبطت بالطشة
مرة ود الطاهر سال نزار حسن انت رضا اخوك دة بطش
قال ليهو والله روب ما شربو
و الهلا المربوط بى حريرة ارتبط عندى بمهند الطاهر وسيدا وعلى قاقرين
انتو جميلين وتشبهو مدنى
ومدنى عروس النيل والبحر والمحيط
ومدنى فلانة الساكنة الخرتوم
ومدنى الفاضل سانتو عليه رحمة الله
ومدنى فريق الاتحاد وقلة واستاذ مهدى
ومدنى ود الجزولى وود الدسيس عباس
الذى تشاكلنا يوما وختينا قرض
ولما زرته فى الرياض غزمنى سماحة غدا فى بيتو
ياخ احبو واحب صلاح الطاهر وود العركى واخرون
واخرون دى فلانة اللون ابيض زى حليب المراعى
وهى تشبه القمرة المارقة بى وسط السحاب
تصل الجار وتصل الرحم وتصل الجميع
ما بجيب اسما بخاف الهوا يقسما
ولو بقدر اسافر لى ناس مدنى وما ارجع

[محمد الجزولى]

هسة يا ود الجزولى الواحد يرد ليك ولا يرد لى ود الدسيس عباس
حلاتكم تتاتو زى القمارى
الخمرة عندى ارتبطت بالطشة
مرة ود الطاهر سال نزار حسن انت رضا اخوك دة بطش
قال ليهو والله روب ما شربو
و الهلا المربوط بى حريرة ارتبط عندى بمهند الطاهر وسيدا وعلى قاقرين
انتو جميلين وتشبهو مدنى
ومدنى عروس النيل والبحر والمحيط
ومدنى فلانة الساكنة الخرتوم
ومدنى الفاضل سانتو عليه رحمة الله
ومدنى فريق الاتحاد وقلة واستاذ مهدى
ومدنى ود الجزولى وود الدسيس عباس
الذى تشاكلنا يوما وختينا قرض
ولما زرته فى الرياض غزمنى سماحة غدا فى بيتو
ياخ احبو واحب صلاح الطاهر وود العركى واخرون
واخرون دى فلانة اللون ابيض زى حليب المراعى
وهى تشبه القمرة المارقة بى وسط السحاب
تصل الجار وتصل الرحم وتصل الجميع
ما بجيب اسما بخاف الهوا يقسما
ولو بقدر اسافر لى ناس مدنى وما ارجع


رضا يا رضا
ياخ بركه الجيت
وجات معاك ريحة المطر
ودعاش الصباح
وريحة ( لقيمات ) الزانديه ديك وهو حائر من قصر المسافة ما بين الصينية وافواه ( المشتهين )
وجمال الدسيس و ( سعة ) ديوانه المحضور دوما ب ( العزومات )
ونفوسنا ( المطايبه ) دائما بسماحه نحسد عليها
وعذرا للدسيس أن توغلت في هذا البوست دون اذن منه
وسلام يغشاك يا رضا ود حسن...

[عباس الدسيس]

هسة يا ود الجزولى الواحد يرد ليك ولا يرد لى ود الدسيس عباس
حلاتكم تتاتو زى القمارى
الخمرة عندى ارتبطت بالطشة
مرة ود الطاهر سال نزار حسن انت رضا اخوك دة بطش
قال ليهو والله روب ما شربو
و الهلا المربوط بى حريرة ارتبط عندى بمهند الطاهر وسيدا وعلى قاقرين
انتو جميلين وتشبهو مدنى
ومدنى عروس النيل والبحر والمحيط
ومدنى فلانة الساكنة الخرتوم
ومدنى الفاضل سانتو عليه رحمة الله
ومدنى فريق الاتحاد وقلة واستاذ مهدى
ومدنى ود الجزولى وود الدسيس عباس
الذى تشاكلنا يوما وختينا قرض
ولما زرته فى الرياض غزمنى سماحة غدا فى بيتو
ياخ احبو واحب صلاح الطاهر وود العركى واخرون
واخرون دى فلانة اللون ابيض زى حليب المراعى
وهى تشبه القمرة المارقة بى وسط السحاب
تصل الجار وتصل الرحم وتصل الجميع
ما بجيب اسما بخاف الهوا يقسما
ولو بقدر اسافر لى ناس مدنى وما ارجع



رضا يا وجيه سلامات
في سكرانين اربعة قاعدين قدام المرايه واحد فيهم قال ليهم رايكم شنو نمشي للشباب اصحابنا قامو كلهم الي واحد قال ليهم بس الجماعه انتو ماشين ليهم جو.
يا الحبيب انا قربته اقول لي ود الجزولي يلا نشوف رضا حكايتو شنو
شوقنا ليك كميات
والظاهر المشغوليات حرمتنا منك
كنت عايز ارفع ليك بوست اللبنانيه شرك برضو قلته امكن ... الدرب مرات إجيبك وانت ما قاصد تجينا...
والحمد لله علي جيتك قاصدنا عديل
بركه الشفناك سعادة لا توصف
لو كان شوفنا ولا عرفنا فلانه كان سعادتنا ذادت
توهتنا بيها وبي وصفك الجميل

[صلاح ودالطاهر]

ايمن هواء ياخيالبوسته ده اصلك ما عرجت عليه ههههههههههههههههههههه عرجته دي لزيزه موش

[ايمن عبد الله]

ايمن هواء ياخيالبوسته ده اصلك ما عرجت عليه ههههههههههههههههههههه عرجته دي لزيزه موش

انت عارف يا ود الطاهر البوست ده التقول عاملين لي فيهو عمل
اولاً :
بعد انشاء البوست مباشرةً ظهرت لينا سفرة هاييتي ..

وبعد رجعنا من هاييتي ظهرت اشياء اخرى كثيرة ..

لكن في بالي والله ما بخلي ابداً ..

ودي هسة طلة ورفعة

بعد داك بجيك مولع ..

[ايمن عبد الله]

يا عبس يعني كثير التلج دا كلو عشان طلع أيمن عم أولاد أختك ياخ كان تعرف المعلومة دي من زمان عشان نحن نرتاح من الهرجلة دي وش بابكر صاحبك ( أيمن ما تزعل مني أنا برضو سمح)

ما صدق طبعاً الدسيس !!
اهو كده ارتاح ليهو من زول لايوق منتديات يا نويري ..


لكن النويري لئامتك دي هسة لزوما شنو ؟ كدي وريني النرجعك للبوست ده ..

[النويري]

ما صدق طبعاً الدسيس !!
اهو كده ارتاح ليهو من زول لايوق منتديات يا نويري ..


لكن النويري لئامتك دي هسة لزوما شنو ؟ كدي وريني النرجعك للبوست ده ..

ايمن تحياتي أها جيتك راجع تاني

الدسيس طبعاً أمسخ من موية الترمس زاتها واللياقة دي خليها ليهو لو لم فيك ذي ما بقول إلا حمار الوادي يهنق حتين يفكك عشان كده لمن ألقى لي فيهو فرصة ذي دي ما بضيعها وشوف بعد دا كلو ردو كان كيف قال لي انت المساخة ما حلوة فيك اللياقة كويسة عباس طبعاً لسانو متبري منو ما بتقدر إلا تجيه في حاجات كده بعرفها أنا براي بعد داك بنقدر هههههههههههههههههههههههههههههههههه

تخريمة: ناسك أمس مرقو بي كرامة البليلة من دار جعل بالذمة دا فريق والله ذكرني برشلونة مع تشلسي

[بوتشى]

انت عارف يا ود الطاهر البوست ده التقول عاملين لي فيهو عمل
اولاً :
بعد انشاء البوست مباشرةً ظهرت لينا سفرة هاييتي ..

وبعد رجعنا من هاييتي ظهرت اشياء اخرى كثيرة ..

لكن في بالي والله ما بخلي ابداً ..

ودي هسة طلة ورفعة

بعد داك بجيك مولع ..


هههههههههههههههههههههههههههه عمل شنو عاد انتو يا ناس جزيرة الفيل لوغلبوكم في الكوره تقولوا مربوطه