حيرت قلبي معاك ...

[ايمن عبد الله]

سلمونا نضيف
أمسح
أكسح
قشو
ما تجيبو حي
ما عندنا مكان

[ايمن عبد الله]

المعنى : أقتلوا الأسري مافي مكان لإيوائهم ولا أكل لإطعامهم ولا ضمير أو أخلاق حرب تفرض حمايتهم..

[ايمن عبد الله]

هذه هي دولة المشروع الحضاري ..

هذا احد ولاتها .. يعظ جنوده ..

ويوجههم بالمسح والكشح وعدم ترك احد الاسرى حياً ..

اكل مافي ليهم ..

لذلك ارخص الطلقة .. التي تريحه وتريحنا معه ..

امسح اكشح سلمونا نظيف ..

[ايمن عبد الله]

زمان لمن سمعت انو احمد هارون مطلوب للعدالة الدولية .

كنت بفتكر ان الامر جزء من الاستهداف العالمي للسودان .. الجملة الحفظونا ليها ناس الانقاذ ..

لكن بعد الكشح ده ..

الزول مجرم جد حد ..

[ايمن عبد الله]

قال انه في اتجاهه لمقاضاة قناة الجزيرة بشأن الشريط الذي بثته حينما كان يخاطب مجموعة من قوات الحكومة المسلحة "سلمونا نضيف ، أمسح ، أكسح ، قشو ، ما تجيبو حي ، ما عندنا مكان " ووضح لصحيفة الوان حسب زعمه ان هنالك تلاعب حدث في الشريط وانه لم يقل (ما تجيبو حى) بل قال (جيبو حى) ووصف الوالي هارون الأمر بالفبركة والتدليس الواضح.

[ايمن عبد الله]

بس وروني ..

كيف جيبو حي وما عندنا مكان ؟

لو فرضنا انه قال جيبو حي .. والفبركة حصلت في كلمة (( ما)) وتم ادخالها الى الكلام ..

فأصبحت ما تجيبو حي ..

على حسب زعمه ..

كيف يقول في الكلام الما مفبرك .. ((جيبو حي ما عندنا مكان)) .. لانه لم يعترض على ما عندنا مكان .. انما اعترض على جيبو حي .. وما تجيبو حي ..

[ايمن عبد الله]

هو مافي زول داير يجي يخش هنا ولا شنو ؟

كلكم كيزان ولا شنو ؟

ياربي انا وين ؟

[الامين عبدالقادر]

انت وحدك ياحبيب فعلا وموضوعك شغل الساعة ومايواجة السودان من مخاطرمتربص به ونحن ضد هذا ولسنا كلنا كيزان ولكن استهداف السودان الجائر نحن ضدة وماقالة هارون خطا مافى شك

[روبش]

نحن جند الله وجند الوطن
ان دعا الداعي لن نخن
نتحدى الموت عند المحن
نشتري المجده باغلى ثمن
هذه ارض لنا فليعش سوداننا عالما بين الامم
يابني السودان هذا رمزكم
يحمل العبء ويحمي ارضكم
اقول :: ده لغتنا رايكم شنو

[بدر الدين احمد الطائف]

هو مافي زول داير يجي يخش هنا ولا شنو ؟

كلكم كيزان ولا شنو ؟

ياربي انا وين ؟

يا ايمن الراجل ده من عمايلو الناس زهجته منو.
وما دايرين سيرتو زاتو.
واى كلام فى الدنيا ماممكن يعبر عن الجوه دواخل الناس اتجاهو .
حسابو عسير .