للخرباش وعولي في حضرة لقاءات الرياض

[مرتضى يوسف العركي]

كان لقاء أعقبته لقاءات جميعها
عنوانها الإستئناس والولف والتداني والود
بتعلق بعضنا البعض
لاغرو فلا أسماء جديدة بألقابنا الباقية
إن اشترينا بيتا جديداً فهو سعة
لحظوظ ميراث محفوظة مسبقاً
شأنها شأن للذكر مثل حظ الانثيين
للجميع حق في البيتين أو بتعدد البيوت
ماأبعدنا عن الإنكار والإدعاء
بغير شواهد
تقول منتدياتنا
أن الاسماء هي نفس الأسماء
الملامح نفسها
الطينةوالجغرافية ذاتها
والهموم والأشواق شوارعنا وبيوتنا
منشورة قدام مزارع وحواشة
والى الأمام ثمة ديوان معروف للضيفان قبال ناس الحلة
ذا ت الحلة ونفس المدينة
لا جديد في الحكاية
بقدر ما إستمرار للرواية
كأصل يقدح في إستثناء
ثابت كفرع يتطلع لسماء
يمكن أن تكون ماسورة إنكسرت دايرة يصلحها ود الزين
أو كسرة قصرت لملاح فضل باقي منو كتير
ثمة دعوة يا خرباش وعولي في كتير دي
بتذكرني حبوبتي شلبية بت سليمان ود أبو رز
لمان تكمل فنجان قهوتها وتعدل شعرها المكوفت منسدل طويل
وترفع يدينها لله بدعواها التي لا تصر لسواها
(تدى من كتيرك)
بنفس الدعاء إن شاء كل واحد منا يدي من كتيرو
الأمر أمر وجدان إنسان
لا بمسميات لنفس المكان
لا مشاحة لمواقف بين أخوان
في بيت كبير يجثم بين نيلين كالجدران
عنوانوالجزيرة
بمدني فتاتها الكبيرة
منو عصام حسين ومنو عمر سعيد النور
وود المأذون وأبو بكر المبارك
وأخيرا الأول بوتشي
ومنو مدني دوت كوم
ومدني نت أو مدني الحرة
كلهم نحن بأسمائنا وأوراقنا الثبوتية
لا ينقصها إلا إكتمال
السجل المدني لدولة
ساستها بوساء
دونهم حريات أربعة
نحلق بعيداً عنهم كما الشيخ البرعي
نـدعـوك يالله
نسلَـم مـن أربعـة
وُنحشـر مـع أربـعـة
بالأربـعـةوالكـتـب الأربـعـة
ندعوك يا الله بالقبل الأربع
أن لا يشغلوا عباد الله
تعلي فينا قيم الـسـور المـائـة
والعـشـرة وأربـعـة
بنفوسناالمتماثلة
وأسماء لنا متباينة
نـبـذل وُسعَـنـا
لا نخـشـى الفـاقـه والـشِّـده والـعـنـا
و إبليـسـنا نلـعـنـا
والدنـيـا السـاحـره لـلـشـر لا تـدعـنـا
ونُفُوسـنـا الخايـنـه لـلأمــرِ تـذعـنـا
النفس دي لو وسعت
أي جلسة لأياً منا تتسنى ما منظور مثيلها
حتة بوست لأحدنا
أو حتى من بوستاتك اللذيذة المترفة ذي واحدة سمحة
تتخيل انا أموت في حتة عنقدة من العقاد
تشدك مسافات
ومشاكسة للدسيس اللذيذ
أتمرغ فيها أبعاد
تصدق إنها أحلى عندي
من صبية إجترها يوما ما من بلاد الشام
ماأجمل لبيان هنا وهناك
اليست هي الحياة التي نرتاد غمارها
أهل من اللذة رتابة الأشياء
ونغدو مجرد متفرجين يتملكنا الأعياء
ربمانحتاج يا خرباش وعولي أن يتساءل جميعنا
كماأديبنا المغفور له الطيب صالح :
(لماذا يقطع بعضهم الدومة ليقيموا مكنة الماء (الوابور)مكانها، لماذا يجتث الناس الأشياء ليضعوا الأشياء .. هنالك متسع للدومة والوابور) .
فهناك متسع لمنتدى ومثنى ورباع ( ما تمشي بعيد للحريم )
تسير بدوافع ومحفزا ت الإلفة والوحشة
ولا البنلاقيهو يعرفنا ولا بنعرف معاه روحنا
وسط طبول بدق وساحات لفرح نور
وجَمًل لجميعنا ممشى....
إفترقناعلى وعد
لقادم أحلى

[عبدالرحمن مدثر]

عركى الانيق

لما تندفق بكل عذوبه يراعك الذى نعرفه

رغم زحمه الاحساس والاشياء .. وبعض (البشتنه )

ذات الطعم احسسته لحظه عوده عركى اخيرا

للمسارح .. والتلفزيون بعد (تمنع ) داام طويلا

بسبب (التارجح ) بين الرساله .. وبين العراقيل

ففجرها دااويه


بحبك حب .. ثقل موية المطر

المن السماء بتنزل

قدر رمل البحار الليها بستقبل

عدد سيقان شجر مد البصر مثمر

وعدد ناسا بتتزاوج

وتتوالد

وتتناسل

وتتكاثر


فى ذمتك ياعركى دا زول بمنعوهو ..

ولا بعملو حوااجز بين (حبو ) المافيش لفنو .. ولاحساسو .. ولناسو

بذات حلاوه (بت سليمان )

وهى تؤكد ببساطه دواخلها البراااح

ان تدى من خيرك كتير

وانت عندى كبير

جميل انو نتلاقى .. ونتعانق حرفا .. وحسا .. ونبضا

يؤكد على اصل الوجود (الخير)


***

ودالعركى (ماتكبر ختك ) ياااخ

تعودنا على (الاحمر ) القانى فى حضرتك

ولا داير تكلفتنا ... :)

**

وتاكيد اخير على ان احساسنا يرفرف اينما وجد الجمال

فحبنا للخضره باق

وللماء لايتزحزح

والوجه الحسن .. بشلهتنا .. وبرتبنا


خربشه

وماحب الديار شغفن قلبى

ولكن حب من سكن الديار


دى ديباجه انتماء ... لبراحات حرف .. ودوحه بوح ظليله ..

بعيدا عن (كبكبه ) قيس بن الملوح لحظه كتابه هذا الاحساس

فهنا اليوم نلبسه (جلابيه ) فضفااضه

بعيدا عن حكاويه النادره (بن الملوح )

وهو يتسامى ذات مساء .. بعد ان خرج من خيمته

كان وقتها .. ماعندهم فحمات كافيه لطبخ الثريد

فامو قامت رسلتو

لناس ليلى عشان يجيب ليها نار .. وزياده فحمات

فمشى بالكانون .. وباحساسه (النار ) اكيد

وكانت النتيجه ان عم الحريق دواخله ... والخيمه ..

وكانت الشبكه (طين ) لذلك كانو ناس المطافى جوا بعد خرااب مالطه

**

انت ليييه بقينا مازى زمان ... بمناسبه قصه (شحده ) النار دى

زمان كانت اخواتنا وامهاتنا طول اليوم على الحيطه الفاصله بين احساس التواصل (الجيران )

- النبى ماعندكم بصله

- الرسول مابتلقى لى عجينه مخمره

- عاينى تلاجتنا ماشغاله هااك ختى لى الملاح عندك لحدى مايجى (ابوالوليدات )


***

بجيك راااجع ... مع ابوالوليدات فى لحظه قيلوله

هنا اكيييييييييييييييييييييد





ضل (موسيقى )

زمان كنا بنشيل الود

ونهدى الود

[عبدالرحمن مدثر]

تلحيقه

عليك الله ركزو لينا شديد فى قصه (عربيه المطافى ) البتجى بعد ماناس ابومروووه يسدو الناقصه

ويطفوا النااار ... ويجى بتاع المطاافى

ويقول ...


اها ان شاء الله خير ... ياجماعه


(مرفق طلب للجنتكم الموقره )

[abomazeen]

أي زيادة حرف آخر ..
بعد المشاركتين
قد تنقص من جماليات البوست
وعلى ذلك يكــون العرش....

[abomazeen]

أتمنى أن لا تفهم مداخلتي كأنها حَـجـرٌ على الآخرين

[الجندي المجهول]

ولا كلمة ( وعرشي) معاي رجعت بيهو يا ابو مازن لانني بصراحة ما قدرت اضيف اي حاجة

انحنا محظوظين معانا ناس زي ديل ،،،

وشكرا ،،،،

[Isam Hussien H]

ود العركي .. عارف بأن تذكير الناس بالمنهج عند تداول فكرة مدينة كمدينتنا يؤلم فهو ومنذ الأظافر بتعومتها نبدأ في إتقان الدرس ونحفظ معايير الإنتماء ,, أنه بيت يختلف عن غيره في عمق مدلولاته وإن تفرع .. أبصم بأننا مليانين ببعضنا إلى حد الثمالة بدون أغراض وأجندة خاصة .. الإنتماء لكل مكان فيه ريحة المدينة بدون رتوش أو أجندة خفية .. الدرس الأول النقاء ويلحق به حب الآخر وإحترامه وتتواصل الدروس .. كأنما توجهت إرادتنا إلى غرس قييم تربوية لتشمل كل من ينتمي ونزعل عند الخروج عن المألوف ..

باللفة : والله يا عركي أنا بحب ليك عبدالرحمن مدثر جنس حب ولا مانع لدي من إشعال غيرة أبقرجة ..

[بنت الرفاعي]

:):):)
:):)
:)



:):):)

و

لكم جميعاً أزهى التحايا.
...........
.......
.....
...
..
.


:):):)

[عنكوليب]

بدون رتوش جينا ،،
تنزلق الحروف منا دون خوف ،،،
من كونها خارج المألوف ،،،

أحصيها وأعدها خوفا منها ،،،
ولكنها تضحك على قلبي الرهيف ،،،
أخاف أن تنال حرفا غير نظيف ،،،

دخلتم الفؤاد ،، وتمكنتم به ،،
تتسابق أصابعي لتكتب لكم ،،،
السبابة يستغيث ،، والأوسط يعتلي عرش الحروف
والكبير يدندن فرحا لصناعة فوارق بين الحروف ،،

نلتم مني مكاناً ،، اقتلعتم مني الظروف ،،،

كباكسنجي ،، العركي ،، ودمدثر ،، ود الطاهر ،،

أبو مازن وعولي وكرمبو الحريف ،،،

ابقرجة ،، وبوتشي ،،

وكلكم بدون جحوف ،،،،

ود العركي ،،،، ياخ انت جميــــــــــــــــــــــــــــــــل لمن بهناك ذاتو !!!

[عباس الدسيس]

ود العركي ،،،، ياخ انت جميــــــــــــــــــــــــــــــــل لمن بهناك ذاتو !!!

غايتو دي يعلم الله توقف عركي من البوسته ده حتي ياخذ الاذن
و ل اشيل ليهو باقة ورد

[بدر الدين محمد]

التجريد عندنا

ان تستغنى عن ان تفهم

فقط يعمل هنا التذوق والاستمتاع

العركي يتداعى
بيننا وبينه
لوحة
نص
ايقاع
هارموني
قافية
تفعيلة

[عنكوليب]

غايتو دي يعلم الله توقف عركي من البوسته ده حتي ياخذ الاذن
و ل اشيل ليهو باقة ورد

الدسيس ،،، عليييك الله انا غلطانة ؟؟؟؟
ولا يحمل الورد الا من يعرف قيمة الورد ،،، على قول
واحد صاحبنا كدة ( يا شبه الورد ) ،،،

تسلموا ،،،، ويديم المعزة والأحترام بيننا يارب .....

( لكن وينو صاحب البوست .... أها ... وقف يا الدسيس هههههههههههههها )

[عاطف عولي]

الشفيف عركي تخونني حروفي وكلماتي أن قلت أجاري أديب أريب في قامتك

وأنا أرتحل عبر مساحات الحرف الشفيف والكلمة الرصينة التي تعودت دائمآ أن تجعلنا تحلق بها قفز الي زهني كلام الجميل الحلنقي

هجرة عصافير الخريف في موسم ال.............. الحلو

وهذا موسم أفراحنا بحروفك الندية

[عاطف عولي]

الشفيف عركي تخونني حروفي وكلماتي أن قلت أجاري أديب أريب في قامتك

وأنا أرتحل عبر مساحات الحرف الشفيف والكلمة الرصينة التي تعودت دائمآ أن تجعلنا تحلق بها قفز الي زهني كلام الجميل الحلنقي

هجرة عصافير الخريف في موسم ال.............. الحلو

وهذا موسم أفراحنا بحروفك الندية

[عباس الدسيس]

الدسيس ،،، عليييك الله انا غلطانة ؟؟؟؟
ولا يحمل الورد الا من يعرف قيمة الورد ،،، على قول
واحد صاحبنا كدة ( يا شبه الورد ) ،،،

تسلموا ،،،، ويديم المعزة والأحترام بيننا يارب .....

( لكن وينو صاحب البوست .... أها ... وقف يا الدسيس هههههههههههههها )

عنكوليب
اقطعني وادشدشني وراء الموضوع بتاع حكاية يا شبه الورد صلاح الطاهر
النبي والرسول فوقك ترجعيها لي عركي انا ضعيف وما بتحمل الهبباي
زولنا والله كان قريب حسي اكون في الكريبه
الله اعلم البوست ما ارجع ليهو مالم ياخد الاذن
كان عايزة تصدقي كلامي امشي بوست اللجنة الفوق داك واجدعي ليهو ورده كان تلقيهو تاني
اطير ليك طيرة ابريش

[عنكوليب]

اقطعني وادشدشني وراء الموضوع بتاع حكاية يا شبه الورد صلاح الطاهر

يا زول هووي والله ود الطاهر ما عندو أي دخل ،،،
الكلام دي من (لغة حلفا) اندينا نهنا ،،،

ليه يعني نحنا ما بنعرف نهديه ولا شنو ؟

بعدين أصلي الليلة ما شايلاهو ،،، بس أل نشوف
ال بحصل شنو ؟؟؟ أها ،،، بس ،،،،



تحيات كتاااااارات ،،،

[النويري]

عنكوليب
اقطعني وادشدشني وراء الموضوع بتاع حكاية يا شبه الورد صلاح الطاهر
النبي والرسول فوقك ترجعيها لي عركي انا ضعيف وما بتحمل الهبباي
زولنا والله كان قريب حسي اكون في الكريبه
الله اعلم البوست ما ارجع ليهو مالم ياخد الاذن
كان عايزة تصدقي كلامي امشي بوست اللجنة الفوق داك واجدعي ليهو ورده كان تلقيهو تاني
اطير ليك طيرة ابريش

يا عبس والله أنت لسانك دا فعلاً متبري منك الراجل دا كلو ما يعمل ليهو بوست تجيب الورد بتاعك دا وتجي ياخي مالو الورد ياخ ما بعدل المزاج خلي الراجل ينداح طفشتو كلو كلو أنت عارف الألغام دي بتصعب المشي .

[عباس الدسيس]

يا زول هووي والله ود الطاهر ما عندو أي دخل ،،،
الكلام دي من (لغة حلفا) اندينا نهنا ،،،

ليه يعني نحنا ما بنعرف نهديه ولا شنو ؟

بعدين أصلي الليلة ما شايلاهو ،،، بس أل نشوف
ال بحصل شنو ؟؟؟ أها ،،، بس ،،،،



تحيات كتاااااارات ،،،

كان كده الشغل مكاجرة ساكت
سيد البوست وطفش
يعني نكب الزوقه مع كميات الزهور والورد

[عباس الدسيس]

يا عبس والله أنت لسانك دا فعلاً متبري منك الراجل دا كلو ما يعمل ليهو بوست تجيب الورد بتاعك دا وتجي ياخي مالو الورد ياخ ما بعدل المزاج خلي الراجل ينداح طفشتو كلو كلو أنت عارف الألغام دي بتصعب المشي .

النويري يا حبيب
والله حساده في كلامو السمح الكتبو فوق
ودخلت عنكوليبه (( شايف الهاء المضافه)) عشان زولك ما امشي اقول عنكوليب راجل الحكاية جابت ليها توضيح الموضوع ده احتمال اخسرو عشاء بره بكره الخميس.
ركس صاحبو كان دخل هنا اضحك شهر
شوف بالله الجملة المختوته في نص كلامو (( ( ما تمشي بعيد للحريم ) ))
حسي عليك الله المنبر ده فيهو كم بلومة جاب سيرة واحدة بس جاري لي مشاكسات الدسيس اللذيذ خلي اقول فلانه اللذيذه كان ما سمعته بيهو في مطار الخرطوم ..... شوفتا القوة دي كيف

[النويري]

النويري يا حبيب
والله حساده في كلامو السمح الكتبو فوق
ودخلت عنكوليبه (( شايف الهاء المضافه)) عشان زولك ما امشي اقول عنكوليب راجل الحكاية جابت ليها توضيح الموضوع ده احتمال اخسرو عشاء بره بكره الخميس.
ركس صاحبو كان دخل هنا اضحك شهر
شوف بالله الجملة المختوته في نص كلامو (( ( ما تمشي بعيد للحريم ) ))
حسي عليك الله المنبر ده فيهو كم بلومة جاب سيرة واحدة بس جاري لي مشاكسات الدسيس اللذيذ خلي اقول فلانه اللذيذه كان ما سمعته بيهو في مطار الخرطوم ..... شوفتا القوة دي كيف

يا عبس العركيين ديل والله ما بخافو من شيء لكن بيني وبينك العشاء البره ما فايتو تقل جيبك يا ود العركي وعلى السرايا التركي عدل وجاياك عطلة نهاية الأسبوع كمان.

[عاطف عولي]

يا عبس العركيين ديل والله ما بخافو من شيء لكن بيني وبينك العشاء البره ما فايتو تقل جيبك يا ود العركي وعلى السرايا التركي عدل وجاياك عطلة نهاية الأسبوع كمان.

أنا منتظركم في الشرفة طريق خريص جنب الهونداي

[مرتضى يوسف العركي]

عركى الانيق

لما تندفق بكل عذوبه يراعك الذى نعرفه

رغم زحمه الاحساس والاشياء .. وبعض (البشتنه )

ذات الطعم احسسته لحظه عوده عركى اخيرا

للمسارح .. والتلفزيون بعد (تمنع ) داام طويلا

بسبب (التارجح ) بين الرساله .. وبين العراقيل

ففجرها دااويه


بحبك حب .. ثقل موية المطر

المن السماء بتنزل

قدر رمل البحار الليها بستقبل

عدد سيقان شجر مد البصر مثمر

وعدد ناسا بتتزاوج

وتتوالد

وتتناسل

وتتكاثر


فى ذمتك ياعركى دا زول بمنعوهو ..

ولا بعملو حوااجز بين (حبو ) المافيش لفنو .. ولاحساسو .. ولناسو

بذات حلاوه (بت سليمان )

وهى تؤكد ببساطه دواخلها البراااح

ان تدى من خيرك كتير

وانت عندى كبير

جميل انو نتلاقى .. ونتعانق حرفا .. وحسا .. ونبضا

يؤكد على اصل الوجود (الخير)


***

ودالعركى (ماتكبر ختك ) ياااخ

تعودنا على (الاحمر ) القانى فى حضرتك

ولا داير تكلفتنا ... :)

**

وتاكيد اخير على ان احساسنا يرفرف اينما وجد الجمال

فحبنا للخضره باق

وللماء لايتزحزح

والوجه الحسن .. بشلهتنا .. وبرتبنا


خربشه

وماحب الديار شغفن قلبى

ولكن حب من سكن الديار


دى ديباجه انتماء ... لبراحات حرف .. ودوحه بوح ظليله ..

بعيدا عن (كبكبه ) قيس بن الملوح لحظه كتابه هذا الاحساس

فهنا اليوم نلبسه (جلابيه ) فضفااضه

بعيدا عن حكاويه النادره (بن الملوح )

وهو يتسامى ذات مساء .. بعد ان خرج من خيمته

كان وقتها .. ماعندهم فحمات كافيه لطبخ الثريد

فامو قامت رسلتو

لناس ليلى عشان يجيب ليها نار .. وزياده فحمات

فمشى بالكانون .. وباحساسه (النار ) اكيد

وكانت النتيجه ان عم الحريق دواخله ... والخيمه ..

وكانت الشبكه (طين ) لذلك كانو ناس المطافى جوا بعد خرااب مالطه

**

انت ليييه بقينا مازى زمان ... بمناسبه قصه (شحده ) النار دى

زمان كانت اخواتنا وامهاتنا طول اليوم على الحيطه الفاصله بين احساس التواصل (الجيران )

- النبى ماعندكم بصله

- الرسول مابتلقى لى عجينه مخمره

- عاينى تلاجتنا ماشغاله هااك ختى لى الملاح عندك لحدى مايجى (ابوالوليدات )


***

بجيك راااجع ... مع ابوالوليدات فى لحظه قيلوله

هنا اكيييييييييييييييييييييد





ضل (موسيقى )

زمان كنا بنشيل الود

ونهدى الود





الخرباش
سيدي الكريم عاقني عن لحقك ما عاق
وأسمح لي عبركم أن أتقدم بأسفي الشديد على التأخر في الرد على هذه الوجوة النيره التي لطالما اسعد كثيرا بالدنو منها كيفما وهم فيني وفيك وفيهم وجميعنا نحن
طبعا انا ما بقدر اجاري كلامك السمح ده
يأخي أنا معجب فيك وبتاوق لكل ما تكتب
وبس كده

[ابوالنور]

الخرباش
سيدي الكريم عاقني عن لحقك ما عاق
وأسمح لي عبركم أن أتقدم بأسفي الشديد على التأخر في الرد على هذه الوجوة النيره التي لطالما اسعد كثيرا بالدنو منها كيفما وهم فيني وفيك وفيهم وجميعنا نحن
طبعا انا ما بقدر اجاري كلامك السمح ده
يأخي أنا معجب فيك وبتاوق لكل ما تكتب
وبس كده
مش كده بالله انا زاتي زيك ياخ وبيك برضو ياخ

[عبدالرحمن مدثر]

مش كده بالله انا زاتي زيك ياخ وبيك برضو ياخ



فى اغنية تنفع تكون احساسك الراائع فى الحتة دى
وانت قاااصد تلتف حول احساسك وتروحنا :)

مرسول الحب فين مشيتي
وفين غبتي علينا
خايف لاتكون نسيتنا
وهجرتنا وحالف ماتعود ..!!

ابوالنور دا بوست بخليك تبكى فرحا والله ...

مادام الحب بينا مفقود وانت من نبعه سقيتنا
باسم المحبه باسم الأعماق وأحر الأشواق
كان اترجاك اسأل فينا وارجع لينا يدوم الصمت
وتتكلم أغانينا


بالجنبة .. الاغنية مغاربية ماتقول حبشية من حتة (فين مشيتى :) )

[مرتضى يوسف العركي]

أي زيادة حرف آخر ..
بعد المشاركتين
قد تنقص من جماليات البوست
وعلى ذلك يكــون العرش....
الوقور ابو مازن

كم آسف للتاخير الله غالب سعيد بمداخلتكم
التي منحتنا اكثر مما نستحق لا لمردود لما قدمنا
بقدر ما كرم منكم نبيل اشكركم عليه كثيرا
كن بكل الخير سيدي

[مرتضى يوسف العركي]

ولا كلمة ( وعرشي) معاي رجعت بيهو يا ابو مازن لانني بصراحة ما قدرت اضيف اي حاجة

انحنا محظوظين معانا ناس زي ديل ،،،

وشكرا ،،،،

الراقي الجندي المجهول
لا يا حبيب نحن المحظوظين ان نكون معكم
يعلم الله انني اتابع صوت الحق الجهور فيكم
غيرة على الوطن من هولاء الساسة البوساء
اين انت يا رجل ؟

[مرتضى يوسف العركي]

ود العركي .. عارف بأن تذكير الناس بالمنهج عند تداول فكرة مدينة كمدينتنا يؤلم فهو ومنذ الأظافر بتعومتها نبدأ في إتقان الدرس ونحفظ معايير الإنتماء ,, أنه بيت يختلف عن غيره في عمق مدلولاته وإن تفرع .. أبصم بأننا مليانين ببعضنا إلى حد الثمالة بدون أغراض وأجندة خاصة .. الإنتماء لكل مكان فيه ريحة المدينة بدون رتوش أو أجندة خفية .. الدرس الأول النقاء ويلحق به حب الآخر وإحترامه وتتواصل الدروس .. كأنما توجهت إرادتنا إلى غرس قييم تربوية لتشمل كل من ينتمي ونزعل عند الخروج عن المألوف ..

باللفة : والله يا عركي أنا بحب ليك عبدالرحمن مدثر جنس حب ولا مانع لدي من إشعال غيرة أبقرجة ..
نعم سيدي الكريم فقيمةالانتماء محفورة بقيمة ثابتة تعجل ببقية الخطى الاخرى المنتصبة في هذا الاساس الموجود بمايسهل البناء عليه ولعل هذا النقاء يحتاج الى تعزيزه بصورة امعن خاصة وان دور الجمعيات الخيرية تراجع بفعل القرارات السيادية التي نحترمها بما يتطلب استحداث ماعون جديد يمكن الاتفاق عليه مع بقية الاخوة اعضاء المنتدى حتى لا يتوقف هذا الخير لدى اهلينا كم نحتاج لان نسمع الاخوة فيه
على فكرة عبد الرحمن مدثر اعشقه شخصا وفكرة ومداد ربنا يحفظو

[عنكوليب]

كم آسف للتاخير الله غالب سعيد بمداخلتكم
التي منحتنا اكثر مما نستحق لا لمردود لما قدمنا
بقدر ما كرم منكم نبيل اشكركم عليه كثيرا
كن بكل الخير سيدي


أخيراً يا الدسيس ،،

عركي رجع ،،،وحا يرد على ناس البوست ده ،،
حسي أنا أزغرد ياربي ولا أقول شنو ؟؟

خليكم قريب ،،

[مرتضى يوسف العركي]

:):):)
:):)
:)



:):):)

و

لكم جميعاً أزهى التحايا.
...........
.......
.....
...
..
.


:):):)








ولكي سيدتي الكريمة اضعافها اضعاف
سرني مرورك الانيق
سلمتي

[الجندي المجهول]

الراقي الجندي المجهول
لا يا حبيب نحن المحظوظين ان نكون معكم
يعلم الله انني اتابع صوت الحق الجهور فيكم
غيرة على الوطن من هولاء الساسة البوساء
اين انت يا رجل ؟

موجود يا زعيم بس مرات مشاغل الدنيا (ولكن) وجودكم بيننا (ووجودنا معكم)يشجعنا ويتحفنا ويجعل
من المشاركة معكم (ذات طعم خاص) ...... يا زول يا جميل يا مهذب

[مرتضى يوسف العركي]

بدون رتوش جينا ،،
تنزلق الحروف منا دون خوف ،،،
من كونها خارج المألوف ،،،

أحصيها وأعدها خوفا منها ،،،
ولكنها تضحك على قلبي الرهيف ،،،
أخاف أن تنال حرفا غير نظيف ،،،

دخلتم الفؤاد ،، وتمكنتم به ،،
تتسابق أصابعي لتكتب لكم ،،،
السبابة يستغيث ،، والأوسط يعتلي عرش الحروف
والكبير يدندن فرحا لصناعة فوارق بين الحروف ،،

نلتم مني مكاناً ،، اقتلعتم مني الظروف ،،،

كباكسنجي ،، العركي ،، ودمدثر ،، ود الطاهر ،،

أبو مازن وعولي وكرمبو الحريف ،،،

ابقرجة ،، وبوتشي ،،

وكلكم بدون جحوف ،،،،

ود العركي ،،،، ياخ انت جميــــــــــــــــــــــــــــــــل لمن بهناك ذاتو !!!

وانتي يا سيدتي ....... ذاتها داهمني اسحق الحلنقي
لون المنقه يا الشايل المنقه
ما عارف كيف نحنا بنشقي
نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق
مهما بالغنا وقلنا واحدين
بنكون ظالمين نحنا المنقا
عذرا إن ..... صدق ما أحسست قلت اقولو بعفوية على هناته
عله يلحق شيئا مما تسطرين
انتي ما مؤمنة .... الكلام السمح ده بتجيبهو من وين

[مرتضى يوسف العركي]

غايتو دي يعلم الله توقف عركي من البوسته ده حتي ياخذ الاذن
و ل اشيل ليهو باقة ورد

اها يا ود الشريف
اخدنا الاذن ارتحت حلاس
Mr abass
والله تباريني كده اشتيك لأبوك الشريف وامشي اجيب ليك العتاولة اخوان البت الرسلت ليها القلوب المدممة والكانوا بحدرو ليك اقول ليهم فضحكم بالانترنت

[مرتضى يوسف العركي]

بدون رتوش جينا ،،
تنزلق الحروف منا دون خوف ،،،
من كونها خارج المألوف ،،،

أحصيها وأعدها خوفا منها ،،،
ولكنها تضحك على قلبي الرهيف ،،،
أخاف أن تنال حرفا غير نظيف ،،،

دخلتم الفؤاد ،، وتمكنتم به ،،
تتسابق أصابعي لتكتب لكم ،،،
السبابة يستغيث ،، والأوسط يعتلي عرش الحروف
والكبير يدندن فرحا لصناعة فوارق بين الحروف ،،

نلتم مني مكاناً ،، اقتلعتم مني الظروف ،،،

كباكسنجي ،، العركي ،، ودمدثر ،، ود الطاهر ،،

أبو مازن وعولي وكرمبو الحريف ،،،

ابقرجة ،، وبوتشي ،،

وكلكم بدون جحوف ،،،،

ود العركي ،،،، ياخ انت جميــــــــــــــــــــــــــــــــل لمن بهناك ذاتو !!!

وانتي يا سيدتي ....... ذاتها داهمني اسحق الحلنقي
لون المنقه يا الشايل المنقه
ما عارف كيف نحنا بنشقي
نسالموا يرد بمحنه ذوق
والغيمه الفوقنا صفاها يروق
ونحس بالعمر الراح ملحوق
مهما بالغنا وقلنا واحدين
بنكون ظالمين نحنا المنقا
عذرا إن ..... صدق ما أحسست قلت اقولو بعفوية على هناته
عله يلحق شيئا مما تسطرين
انتي ما مؤمنة .... الكلام السمح ده بتجيبهو من وين