عمود ساخر على الهواء مباشرة

[عثمان جلالة]

كاتب المنتدى المتفرد والمتجدد العاقب مصباح ... أصبح بحمد الله وتوفيقه من الكتاب المعروفين والمتابعين من خلال كتاباته الجميلة الشيقه والتي يكتبها هنا في مدني كوم أو مدني نت أو مدونته الخاصة أو صفحته على الفيس بوك والمنتديات الأخرى.

وكان نتيجة هذا كله أن طلبت منه جريدة الجريدة أن يكون أحد كتابها في عمود خاص باسمه .. وهذا لعمري هو شرف كبير لنا جميعا ... وشيء نفتخر به كيف لا وهو من أبناء هذا الصرح ... شكرا منتديات ود مدني شكرا صديقي العاقب ... ولعل القاريء موعود بقلم مبدع ومشبع بالجمال .. هذا لأن العاقب مفطوم على الجمال وبالجمال.

ومن زاوية أخرى له عيوب نراها نحن ... كونه ما زال "بايرا" وعيوب يراها هو ويقولها بالصوت العالي .. "أنا زول كج"

وتفسير ما صرخ به العاقب كونه "زول كج" ... هو أن الجريده صودرت من قبل جهاز الأمن السوداني من يوم الثلاثاء الماضي على خلفيه رفض الجهاز أن يكتب فيها كاتب لا يرغب جهاز الأمن بوجوده من ضمن طاقم الجريده ... "وحاة الله دا ما العاقب" .. المهم ... كان من المفترض إنو العاقب أخوي دا يكتب يوم الأربعاء أمس ... والصحيفة مصادرة .. اليوم الخميس وبرضو الصحيفه مصادره .. في شان كدي طالبين من حبيب قسانا العاقب يجي يكب لينا عمودو دا هنا .. وعليك الطلاق كان فاطرين زاتو إلا نعز الرسول ... إن شاء الله مديدة الحلبه البتكون في أول طاسه من طاسات العمود هههههه

ومعليش يا عقبه .. حق العمود دا بنختو ليك ع جنب في نقطة العرس ان شاء الله :rolleyes::) بس انت قول عووووووووك.

نقطه سطر جديد.

[عاشق الترحال]

عسي ان تحبو شئاً وهو شراً لكم ،،،وعسي ان تكرهو شيئاً وهو خيراً لكم

خيرا في غيرا انشاء الله

[عثمان جلالة]

الخرطوم – الفرنسية
صادرت عناصر أجهزة الاستخبارات السودانية، اليوم الثلاثاء، أعداد صحيفة "الجريدة" مستقلة، بعدما رفضت وقف نشر مقال افتتاحي، يتضمن انتقادات للحكومة، كما أعلن رئيس تحرير الصحيفة.

وتضاف مصادرة عدد الثلاثاء من صحيفة "الجريدة" إلى مصادرة منشورات أخرى عدة هذه السنة، وهي استراتيجية تدينها لجنة حماية الصحفيين وتعتبرها محاولة لاخراس المعارضة.

وأوضح رئيس تحرير الجريدة عثمان شنجر، أن أجهزة الأمن "أمرتنا هاتفيا بمنع أحد المحررين من الكتابة". وأضاف "لقد رفضنا. ولهذا السبب منعوا توزيع الصحيفة".

والصحيفة التي اضطرت الى الاقفال في سبتمبر من دون أن يوضح عناصر الاستخبارات السبب، عادت الى الصدور في يناير، لكن سرعان ما شهدت مصادرة أحد أعدادها. وأضطرت ثلاث صحف أخرى إلى الاقفال في السودان منذ بداية العام.

وبإستراتيجية مصادرة الصحف واقفال المؤسسات الصحفية هذه، يريد الرئيس عمر البشير "استمرار فرض رقابة على الانتقادات التي يوجهها الصحفيون"، كما أعلن محمد عبد الدايم منسق لجنة حماية الصحافيين للشرق الأوسط في بيان هذا الشهر.

وأضاف: "على الحكومة أن تسمح فورا بإعادة صدور الصحف المغلقة" ووقف مصادرة كل عدد يتضمن بعض الانتقادات. وبحسب لجنة حماية الصحفيين، فإن السلطات أقدمت 19 مرة العام الماضي على مصادرة أعداد كاملة بعد طباعتها مباشرة ما الحق خسائر مالية فادحة بالصحف الجريئة.

المصدر ... شبكة الشروق الاخبارية

[عثمان جلالة]

عسي ان تحبو شئاً وهو شراً لكم ،،،وعسي ان تكرهو شيئاً وهو خيراً لكم

خيرا في غيرا انشاء الله

صدقت يا حبيب .. خليهم يصادروا زي ما عايزين .. نحنا عمود العاقب دا .. بنقراهو في بطن بيتنا دا كان الله هون.

[بدر الدين احمد الطائف]

وانا اقول ناس الامن ديل ملام مع صحيفة الجريده.
اتارى فى زول كجاهم.
عقبة ياوريف اسمع كلام اخوك الهمباتى ده وتعال اكتب كلامك هنا ده وحات الله زول بسالك مافى.
نحن زاتنا مشتاقين ليك والله.:d

[مايسة]

غايتو مسكينة الجريدة :cool:

[العاقب مصباح]

ان شاء الله يا جلالة انت لا تفوت ولا تموت

خليتنى اضحك براى وانبسط لمن دموعى سالت والمنام لى انا , العجب حبيبى

طبعا يا جلالة اخوك من زماااااااااااااااااااااااااان كان ناوى يكتب لكن ما بتدى حريف بس

من وانا سغير كانت رغبتى اكون صحفى

زمن الجريدة الحائطية فى المدرسة كنت بعملها براى

ما بخلي موضوع ما بتكلم فيهو وخاصة السياسة

لكن انت عارف قصة الاحباط الحصلت مع بتاع اخبار اليوم فى سنة 2004

اها يا صاحبي خلينى اجى العمود المدنكل دا

طبعا ناس الجريدة حينشروا لى يوم التلاتاء

ويكون عمود مظبط زى عمود النسوان الماشات يواجبن واحدة ولدت

يعنى اهم شئ الحلة ورطل السكر وحبات البن والشعيرية

بمناسبة الشعيرية دى يا جلالة فى واحد كدا دخل الجامعة وهو زول الله ساى

اها اول ما قابل قابل ليهو شهادة عربية وتتكلم عن الصرف الكبير فى الجامعة والمصاريف

اها قالت ليهو انا بصرف مليون جنيه فى الشهر

قال ليها هسع لو بتفطرى شعيرية وتتغدى شعيرية وتتعشى شعيرية حتصرفى كوووووووووول المبلغ دا

اها زولك دا اغلى حاجة بيعرفها الشعيرية دى

الشعيرية حلوه لما يعملوها ليك بالنهار الساعة واحدة ظهرا ويجبيوها ليك من نارها مكشوحة فى صينية ومعاها سكر مدفوق فوق ليها

والله تاكل وتلهله وخشمك بوخه يلوى

اها نجى للعمود تانى واسبابه شنو

طبعا يا جلالة بعد التوقف عن الكتابة فى 2004 وضياع حتى القصص الواحد نسى مجال الكتابة

لحدى ما يوم لقيت نفسى كدا بتصفح فى النت فى شهر يناير (جانفى ) شنو ليك رايك شنو فى جانفى دى


اها سجلت وقبلونى فى شهر (فيفرى) طبعا بتكون سطحت وما فاهمنى بقول فى شنو اصلا الصحفيين عندهم حركات كدا ما حلوه هههههههههه

اها وبديت بى المواضيع المنقولة عشان الراس بقى فاضى ساكت

اها اول موضوع جبتو كان (اجمل صور فى العالم) وتقريبا كم تعليق تلاتة تعاليق وقلنا يا زول ما بطال الرزق تلاقيط ساى

اها بعد كدا بدينا اشارك بى الكلمات المألوفة , من نوع تسلم وبارك الله فيك

اها بعد فترة الاقى ليك عثمان جلالة زول ينكشح ساى واقوم انكشح ليك معاهو

والكتابة قبل ما الواحد يمارسها بيحس انها صعبة

وعايزة ليها كلام كوبار كوبار

لكن لما تلقى ناس بتتكلم ساى وبتقول الفى خاطرها بعد كدا قلمك بينداح

طبعا احلى الإندياح كان فى بوست (يوميات برلوم فى الجامعة )

لأنه كان بداية النقة

وبعدها لاقينا الناس البتنق صح

يلم فيك خرباش ولا ابقرجة يجهجهوك

وتلم فينا انت بى سكينك تخلينا نترصد ونتدرق ساى

وتيجانى يجيك بى كلمات كدا أنيقة تقعد وتحتار فيهو

والنور محمد يوسف دا اتعملت منو النقة الطويلة

يعنى لازم تجى تكتب ليك رد فيما لا يقل عن عشرة اسطر

وكان معاهو برضو عصام الدين ود تابر

وكمية من الناس الجميلة ياخ الواحد خايف ينساهم دون قصد

كل ديل يا جلالة كانو المحور حتى فى كتابة القصص

لما تكتب قصة والناس تتفاعل معاك

دا بيديك دفعة جميلة عشان تمشى لى قدام

ياخ والله النضمى ما ليهو حد لو جيت احكى ليك التفاصيل كلها

وعيد بى خوتك يا جلالة والله

خوة تب ما بتقع واطة

وياكا المارقين بيك وبى امثالك من الدنيا ام قدود دى

[العاقب مصباح]

عسي ان تحبو شئاً وهو شراً لكم ،،،وعسي ان تكرهو شيئاً وهو خيراً لكم

خيرا في غيرا انشاء الله


شكرا يا عاشق وللترحال , دمت بخير

[العاقب مصباح]

وانا اقول ناس الامن ديل ملام مع صحيفة الجريده.
اتارى فى زول كجاهم.
عقبة ياوريف اسمع كلام اخوك الهمباتى ده وتعال اكتب كلامك هنا ده وحات الله زول بسالك مافى.
نحن زاتنا مشتاقين ليك والله.:d


يا بدر الدين مشتاقين والله شديد ,,

كيفنك ياخ وكلام جلالة دا أمر عديل

انا فى مقام ولدو ياخ :p:p:p:p:p عشان يحس بالكبر والخرف يا بدر الدين

[العاقب مصباح]

غايتو مسكينة الجريدة :cool:


غايتو مسكينة الجريدة تمشى لى ناس ما بتقدر يا ميسو

ازيك يا بت همى :cool::cool::cool:

[بنت الرفاعي]

:):):)

ما شاء الله وتبارك الله،
أخيراً لقيت ليك جريدة مناسبة!!
مبروك
وإن شاء الله دائماً تتوفق في كل أمورك.

حمداً لله على السلامة
والبركة في الأخ عثمان.:)

مع كل التقدير والإحترام لكما.

:):):)

[الجندي المجهول]

العاقب المصباح حبيبنا

ومبروك لجريدة الجريدة ان كسبت (قلمك الجميل)

تخريمة : يا جلالة (تم مصادرة الجريدة) لانهم لا يريدون (لجارنا العزيز زهيرالسراج) ان يكتب بها (لانه) يكتب ما لا يعجبهم

سيكتب وسيكتب وسيكتب وانا تم مصادرة الجريدة فتوجد الف جريدة ومليون موقع ...

ويا عاقبونا (مصباحونا) اكتب في اي مكان ان شاء الله في عمود الكهرباء فوق ( تحت اللمبة) بنقراهو .. انحنا بجيبنا (الحرف)
وحرفك جيااااااااااااااااااااااااب (يا باشكاتب) وباشكاتب دي ما قلناها (إلا لسيدها /ابو اللمين)

واعرش على كدا ،،،

[نزار احمد كوارتي]

كلام زي الشعيريه البجيبوها مكشوحه في الصينيه وخلتني أتمطق دي
ويا جريدة الجريده بختك شدييييييييييييد

[عبدالرحمن مدثر]

انت ياهمباتى ... دحين (الشعيريه ) دى مامربوطه بذكرى يوم (النكسه ) العاطفيه

كانت تعبير ضمنى (جارح ) بس من دون ايلام

لما تجى قاااشر .. وانت قافل على هنايه

لكن يكون فى هناااى مغترب غيرك .. كوش على الاحساس

وتجى انت تتقدل

تكون وقتها كشحت فى قميصك فتيل ريحه (تركيبه ) من ناس ودالبخيت

خاااصه لو كانت فهرنهااايت

بتخلى الاجواء ربيعيه .. فى جواااك (الى حين )

والساعه التجى

ويقدمو ليك (الشعيريه )

دى معناها صريح وواضح ... وموضوعه فى لايحه تاسيسيه للمشوكشين

هاها

دا تاكيد جازم بان شعورك

اصبح شعيريا

ومن هنا جاء اسم الشعيريه ... طبعا ماصدفه

اى حاجه عندها مكنوناتها ومسبباتها

يعنى بصريح العباره


اللحظه التى يتحول فيها (شعورك ) الى (شعير )

دى لحظه فاااصله من تاريخ نضالك العاااطفى

والشعير .. يه ..

هى تمدد صريح بانو رجلك تااانى مابتعتب لهذه الديار مجددا :)

زى اغنيه


اييييا ... ابا الجيه ... ابا الجيه

[عبدالرحمن مدثر]

تلحيقه


ياهمباااتى ... ياخى كنت دااير احكى ليك لحظه وصول العاقب لمطار الخرطوم


ياسلاااام دى لحظه تاريخيه ... طبعن انت بتاع (كيته )

لكن صبحى دا انسى بس

داير لى فرقه انداااح فيها

كدى النفرش الفرشه

واتذكر وفود المستقبلين

واكاليل الزهور

والكروت الفيها قلوب ... وموسيقى

والدباادييييب

هاها

كدى النفرمل حبه :)

[ايمن عبد الله]

تسجيل حضور ومتابعة ..
شكراً اخونا جلالة
شكراً العاقب الهلالابي الكج..

[محمد الجزولى]

تعرف يا عثمان جلاله وانا حديث عهد بهذا المنتدى كان صديقي العاقب يحترق مع تلك الرسائل وضوء الشمس يحرق فينا منابت الدهشة البالية لتحل مكانها دهشة اكثر إغراءا واكثر إشراقا
فكان ابداعا جعلني التهم كل ما يسطره قلمه هنا وهناك ..
وكما قال هو في احدى رسائله
علمتنى الايام ان للجمال حدود وللفرح حدود
ولكن ربما اكفر بتلك المقولة
فمعك لا توجد حدود لاى فرح فقط مساحات شاسعة كلها تغرى بالبقاء بجانبها
عند منعطف الحقيقة وقفت مرارا وتكرارا اعلن انتصارى على ماض قاس
ومن هنا نحيي انتصارك الباهر اخي ( عقبه )
ومتابعين عمودك ( المدنكل ) يا جميل الدواخل

[العاقب مصباح]

:):):)

ما شاء الله وتبارك الله،
أخيراً لقيت ليك جريدة مناسبة!!
مبروك
وإن شاء الله دائماً تتوفق في كل أمورك.

حمداً لله على السلامة
والبركة في الأخ عثمان.:)

مع كل التقدير والإحترام لكما.

:):):)



والله يا بت الرفاعى لسة فى الدرب ساكين خيرها وشرها

وعثمان كلو خير

ولو الخير فاتو هو يقبل وين ؟

إلا مسكينة الصحيفة ياخ جاهم زول كُج شديد :cool::cool:

[عاشق الترحال]

زول كُج شديد :cool::cool:

لا لا ماتقول كده

ربك كريم

خلي العشم في يوم باكر

اريت باكر يكون

هسه

[عثمان جلالة]

وانا اقول ناس الامن ديل ملام مع صحيفة الجريده.
اتارى فى زول كجاهم.
عقبة ياوريف اسمع كلام اخوك الهمباتى ده وتعال اكتب كلامك هنا ده وحات الله زول بسالك مافى.
نحن زاتنا مشتاقين ليك والله.:d

عليك الله يا ود الطائف تتذكر الفطور الفطرناهو أنا وانت والعاقب والشباب الجميلين ديلك في مكه .. في بطن الحرم ؟؟؟ ياااخي كانت فطره جميله خالص لدرجة إني اتمنيت الاذان ما يأذن زااااتو ... والعاقب أخوك يرقرق في عويناتو إمعانا في الإيمانيات وكده .. ههههه كان يوم جميل ياااخ وفطورنا كان مظبط ودخلت فيهو أصناف غريبه على الفطور في الحرم .. أها من اليوم داك أنا اقتنعت إنو العاقب دا لا كج ولا حاجه هههههههه

[عثمان جلالة]

غايتو مسكينة الجريدة :cool:


مايسه يا فردة جناحي التاني .. صدقت والله مسكينه الجريده لأنو بعد العاقب يكتب فيها ح تبقى جريدة غبش .... لأنو العاقب بعبر عنهم .. و ح تكون جريده بمزاج سوداني خالص.

[عثمان جلالة]

ان شاء الله يا جلالة انت لا تفوت ولا تموت

خليتنى اضحك براى وانبسط لمن دموعى سالت والمنام لى انا , العجب حبيبى

طبعا يا جلالة اخوك من زماااااااااااااااااااااااااان كان ناوى يكتب لكن ما بتدى حريف بس

من وانا سغير كانت رغبتى اكون صحفى

زمن الجريدة الحائطية فى المدرسة كنت بعملها براى

ما بخلي موضوع ما بتكلم فيهو وخاصة السياسة

لكن انت عارف قصة الاحباط الحصلت مع بتاع اخبار اليوم فى سنة 2004

اها يا صاحبي خلينى اجى العمود المدنكل دا

طبعا ناس الجريدة حينشروا لى يوم التلاتاء

ويكون عمود مظبط زى عمود النسوان الماشات يواجبن واحدة ولدت

يعنى اهم شئ الحلة ورطل السكر وحبات البن والشعيرية

بمناسبة الشعيرية دى يا جلالة فى واحد كدا دخل الجامعة وهو زول الله ساى

اها اول ما قابل قابل ليهو شهادة عربية وتتكلم عن الصرف الكبير فى الجامعة والمصاريف

اها قالت ليهو انا بصرف مليون جنيه فى الشهر

قال ليها هسع لو بتفطرى شعيرية وتتغدى شعيرية وتتعشى شعيرية حتصرفى كوووووووووول المبلغ دا

اها زولك دا اغلى حاجة بيعرفها الشعيرية دى

الشعيرية حلوه لما يعملوها ليك بالنهار الساعة واحدة ظهرا ويجبيوها ليك من نارها مكشوحة فى صينية ومعاها سكر مدفوق فوق ليها

والله تاكل وتلهله وخشمك بوخه يلوى

اها نجى للعمود تانى واسبابه شنو

طبعا يا جلالة بعد التوقف عن الكتابة فى 2004 وضياع حتى القصص الواحد نسى مجال الكتابة

لحدى ما يوم لقيت نفسى كدا بتصفح فى النت فى شهر يناير (جانفى ) شنو ليك رايك شنو فى جانفى دى


اها سجلت وقبلونى فى شهر (فيفرى) طبعا بتكون سطحت وما فاهمنى بقول فى شنو اصلا الصحفيين عندهم حركات كدا ما حلوه هههههههههه

اها وبديت بى المواضيع المنقولة عشان الراس بقى فاضى ساكت

اها اول موضوع جبتو كان (اجمل صور فى العالم) وتقريبا كم تعليق تلاتة تعاليق وقلنا يا زول ما بطال الرزق تلاقيط ساى

اها بعد كدا بدينا اشارك بى الكلمات المألوفة , من نوع تسلم وبارك الله فيك

اها بعد فترة الاقى ليك عثمان جلالة زول ينكشح ساى واقوم انكشح ليك معاهو

والكتابة قبل ما الواحد يمارسها بيحس انها صعبة

وعايزة ليها كلام كوبار كوبار

لكن لما تلقى ناس بتتكلم ساى وبتقول الفى خاطرها بعد كدا قلمك بينداح

طبعا احلى الإندياح كان فى بوست (يوميات برلوم فى الجامعة )

لأنه كان بداية النقة

وبعدها لاقينا الناس البتنق صح

يلم فيك خرباش ولا ابقرجة يجهجهوك

وتلم فينا انت بى سكينك تخلينا نترصد ونتدرق ساى

وتيجانى يجيك بى كلمات كدا أنيقة تقعد وتحتار فيهو

والنور محمد يوسف دا اتعملت منو النقة الطويلة

يعنى لازم تجى تكتب ليك رد فيما لا يقل عن عشرة اسطر

وكان معاهو برضو عصام الدين ود تابر

وكمية من الناس الجميلة ياخ الواحد خايف ينساهم دون قصد

كل ديل يا جلالة كانو المحور حتى فى كتابة القصص

لما تكتب قصة والناس تتفاعل معاك

دا بيديك دفعة جميلة عشان تمشى لى قدام

ياخ والله النضمى ما ليهو حد لو جيت احكى ليك التفاصيل كلها

وعيد بى خوتك يا جلالة والله

خوة تب ما بتقع واطة

وياكا المارقين بيك وبى امثالك من الدنيا ام قدود دى




ههههههه مافي حل غير اقتبس كلامك كلو ... أسي كبة الشعيرية فوق ضهر الصينيه مع شتات السكر دا ... مش بغطي كل المسامات والمساحات الـ في الصينيه ؟؟ تقدر تقتبس ليك شعيريرارايه واااحده ما بقدر لأنك بتكون بتلهط وما بتنتظرا تبرد زاتو هههههههه نحنا زمان صنينه زي دي لو إتنين ولا تلاته .. احتمال تاكل ليك لقمه واحده بس التانيه ما بتحصلا لأنو من تسمع واحد قال ... تييييييييييييف يعلم الله كان تلقاها الصينيه بقت فاضيه وبيضاااااااا إلا من بعض الزيت الممزوج بسكر مصاب بارتجاج وخلعه والصينيه زاتها ما بتكون عارفه الكان فيها شعيريه ولا سكسكانيه هههههههه ياااااااخ عمودك دا بقى صبيحة عريس بس .. لكن كلامك كلو بنفس الطعم والله زيد لينا حبه سكر بالله. لكن والله كلامك كلام صحفيين وكده :(:(:rolleyes:

[عثمان جلالة]

:):):)

ما شاء الله وتبارك الله،
أخيراً لقيت ليك جريدة مناسبة!!
مبروك
وإن شاء الله دائماً تتوفق في كل أمورك.

حمداً لله على السلامة
والبركة في الأخ عثمان.:)

مع كل التقدير والإحترام لكما.

:):):)


خليك قريبه بس يا دكتوره .. والله تشبعي نضم طاعم وشعيريه هههه

[عثمان جلالة]

العاقب المصباح حبيبنا

ومبروك لجريدة الجريدة ان كسبت (قلمك الجميل)

تخريمة : يا جلالة (تم مصادرة الجريدة) لانهم لا يريدون (لجارنا العزيز زهيرالسراج) ان يكتب بها (لانه) يكتب ما لا يعجبهم

سيكتب وسيكتب وسيكتب وانا تم مصادرة الجريدة فتوجد الف جريدة ومليون موقع ...

ويا عاقبونا (مصباحونا) اكتب في اي مكان ان شاء الله في عمود الكهرباء فوق ( تحت اللمبة) بنقراهو .. انحنا بجيبنا (الحرف)
وحرفك جيااااااااااااااااااااااااب (يا باشكاتب) وباشكاتب دي ما قلناها (إلا لسيدها /ابو اللمين)

واعرش على كدا ،،،

جندينا يا حبيب مشتاقين والله ...كلامك صاح دا حاصل الحاصل والاتحصل التحية لجاركم ود السراج لانو زول نصيحه ومنور البوست والله

[بدر الدين احمد الطائف]

عليك الله يا ود الطائف تتذكر الفطور الفطرناهو أنا وانت والعاقب والشباب الجميلين ديلك في مكه .. في بطن الحرم ؟؟؟ ياااخي كانت فطره جميله خالص لدرجة إني اتمنيت الاذان ما يأذن زااااتو ... والعاقب أخوك يرقرق في عويناتو إمعانا في الإيمانيات وكده .. ههههه كان يوم جميل ياااخ وفطورنا كان مظبط ودخلت فيهو أصناف غريبه على الفطور في الحرم .. أها من اليوم داك أنا اقتنعت إنو العاقب دا لا كج ولا حاجه هههههههه

العاقب ده بيرقرق عيونه فى حالتين بس
واحده بتاعت الايمانيات الانت ذكرتها دى .
والتانية بيعرفه هو براهو؟
الزول ده محل ما يمشى بتلقى الملائكه حافهو عريس بس.
كج شنو ياخ.

[mahagoub]

متعكم الله البصحة والعافيه
كبيتوا الحنان كله
ابتداءً بالشعيره ونهاية بها
اتحفتونا وابهجتونا بزكريات حلوه
ومن هنا وواصل
اها قول واحد

[mahagoub]

متعكم الله بالصحة والعافيه
كبيتوا الحنان كله
ابتداءً بالشعيره ونهاية بها
اتحفتونا وابهجتونا بزكريات حلوه
ومن هنا وواصل
اها قول واحد

[عثمان جلالة]

كلام زي الشعيريه البجيبوها مكشوحه في الصينيه وخلتني أتمطق دي
ويا جريدة الجريده بختك شدييييييييييييد

ههههه الزول الظريف نزار ... والله فعلا الواحد اتمناها كده زي لمتنا في البوست الحنين دا .... قاعدين كلنا والدنيا برد منتظرين الشعيريه والصينيه نضيفه قبل وبعد الهجوم السافر الأكيد بروحو فيهو ناس مايسه والدكتوره ... ههههههه يا سلام يا نزار لو حلمنا دا يبقى حقيقه.

[عثمان جلالة]

انت ياهمباتى ... دحين (الشعيريه ) دى مامربوطه بذكرى يوم (النكسه ) العاطفيه

كانت تعبير ضمنى (جارح ) بس من دون ايلام

لما تجى قاااشر .. وانت قافل على هنايه

لكن يكون فى هناااى مغترب غيرك .. كوش على الاحساس

وتجى انت تتقدل

تكون وقتها كشحت فى قميصك فتيل ريحه (تركيبه ) من ناس ودالبخيت

خاااصه لو كانت فهرنهااايت

بتخلى الاجواء ربيعيه .. فى جواااك (الى حين )

والساعه التجى

ويقدمو ليك (الشعيريه )

دى معناها صريح وواضح ... وموضوعه فى لايحه تاسيسيه للمشوكشين

هاها

دا تاكيد جازم بان شعورك

اصبح شعيريا

ومن هنا جاء اسم الشعيريه ... طبعا ماصدفه

اى حاجه عندها مكنوناتها ومسبباتها

يعنى بصريح العباره


اللحظه التى يتحول فيها (شعورك ) الى (شعير )

دى لحظه فاااصله من تاريخ نضالك العاااطفى

والشعير .. يه ..

هى تمدد صريح بانو رجلك تااانى مابتعتب لهذه الديار مجددا :)

زى اغنيه


اييييا ... ابا الجيه ... ابا الجيه




هههه والله يا خرباش ... خليتني اضحك زي المجنون يعلم الله شفته الضحكه ديك البتجيب ليك دميعات في عيوناتك .. تخليك تشوف البوست شعيريه شعيريه

ياااااااخ .. شعيرية النكسات العاطفيه ديك .... بتخليك تبلع في الشعيريه زي البتبلع في درااااااب ... والكلام دا طبعن قالوا لي واحد صاحبي هههههههه ... ما بقصد العاقب أخوي طبعن .. المهم خلينا في الدراب أقصد الشعيرية .... والعجب كان المسجل دورت فيهو غنية أقدار يا نور عيني .. كنت فاكرك لي .. أسكت سااااااي الزمن داك بتتحول الشعيرية لـ حقن أدييييييييييل .. حقن البنسلين المائي تتذكرها كيف؟

ياااخ مالك يااخ هيجت علي صاحبي بعضا من شجون الله يديك العافيه يا أبوها.

[عثمان جلالة]

تلحيقه


ياهمباااتى ... ياخى كنت دااير احكى ليك لحظه وصول العاقب لمطار الخرطوم


ياسلاااام دى لحظه تاريخيه ... طبعن انت بتاع (كيته )

لكن صبحى دا انسى بس

داير لى فرقه انداااح فيها

كدى النفرش الفرشه

واتذكر وفود المستقبلين

واكاليل الزهور

والكروت الفيها قلوب ... وموسيقى

والدباادييييب

هاها

كدى النفرمل حبه :)



هههههه عاد مو كاتب صحفي وكدي ... زينا نحناااا .. كان ما خايف البوست يطلع من موضوعو .. كان قلت ليك .. وأنا من زمناً خدو مشلخ هههههههه

هو ذاتو جنس الدباديب .. الورده في شكل قلبه يااااهو زاتو الودر صاحبي دا .. لانو عارفو قيبلو رهيف وما بقدر الهبباي في عز الصيف .... يااااخ العاقب اخوي دا نوعيه من البشر انقرضت في زمنا دا .. شفت الزول البكون داير يرضي علي الناس كلهم ؟؟؟؟ دا ياهو زولك العاقب ... يااخي دا عمودو ممكن ينازل ليك منو !! بقت عليه حكاية الغنيه .. وأنا في المداين الضايعه ضايع لي زمن .. كان ألقى خاطرا سمح لا كلمه واحده أقولها وتداوي الجرح .. غايتو بس ان شاء الله يوم شكرو ما يجي ... لكن ليك علي غباينو دي كلها يفشها في عمودو دا .

[عثمان جلالة]

تسجيل حضور ومتابعة ..
شكراً اخونا جلالة
شكراً العاقب الهلالابي الكج..

معقوله يا أيمن تجي تقول لينا كلام رسمي كده وتمشي ياااخ البوست دا بوست اندياحات .. انداح يا حبيب انداااح .. أسي في ذمتك فوق عمود الكهربا الليل حلتكم ما بقول الفي مرادك كلو؟؟؟ بتكون على طبيعتك وعلي السجيه.

[عثمان جلالة]

تعرف يا عثمان جلاله وانا حديث عهد بهذا المنتدى كان صديقي العاقب يحترق مع تلك الرسائل وضوء الشمس يحرق فينا منابت الدهشة البالية لتحل مكانها دهشة اكثر إغراءا واكثر إشراقا
فكان ابداعا جعلني التهم كل ما يسطره قلمه هنا وهناك ..
وكما قال هو في احدى رسائله
علمتنى الايام ان للجمال حدود وللفرح حدود
ولكن ربما اكفر بتلك المقولة
فمعك لا توجد حدود لاى فرح فقط مساحات شاسعة كلها تغرى بالبقاء بجانبها
عند منعطف الحقيقة وقفت مرارا وتكرارا اعلن انتصارى على ماض قاس
ومن هنا نحيي انتصارك الباهر اخي ( عقبه )
ومتابعين عمودك ( المدنكل ) يا جميل الدواخل

ايواااا يا ود الجزولي .. كلامك هو الانا داير أقولو من قبيل ... في ناس كدي بتكون بينك وبينهم في قواسم مشتركه ... نضميك معاهم بكون ليهو طعم تاني .. وزي البيكتب زول جواك معاهم .. زول مبدع بطلع ويكتب حاجات تتعجب ليها ... وبتكون وقتها بتقرا كلامهم بكب جوارحك وتتخيلهم جنبك .. ومعاك في القعده بكل طقوسها .. حتى ريحة الشعيرية زااااااتو.

[عثمان جلالة]

لا لا ماتقول كده

ربك كريم

خلي العشم في يوم باكر

اريت باكر يكون

هسه

عاشق .. هو عليك الله كان ما ربك كريم ... لمه زي دي بنلقاها بالساهل؟

[عثمان جلالة]

العاقب ده بيرقرق عيونه فى حالتين بس
واحده بتاعت الايمانيات الانت ذكرتها دى .
والتانية بيعرفه هو براهو؟
الزول ده محل ما يمشى بتلقى الملائكه حافهو عريس بس.
كج شنو ياخ.

ههههههه ... منتظرين التانيه العارفها براهو دي .. يجيبها لينا في عمود ان شاء الله هههههه.

لكن ياخوي بختلف معاك في حتة الملايكه دي ... لأنو لسه مابقى عريس ... عليك النبي وخسمتك بالرسول زيت الشعيرية في حنة العريس السودا بكون كيف ؟؟؟ قول ما شاء الله بس ههههه

[عثمان جلالة]

متعكم الله البصحة والعافيه
كبيتوا الحنان كله
ابتداءً بالشعيره ونهاية بها
اتحفتونا وابهجتونا بزكريات حلوه
ومن هنا وواصل
اها قول واحد

وانتا يا حبيبنا زول معروف ... بتحب الحنان والشعيرية هههههه ... أسكت ساااااي يا حبيب العجب بعد الشبعه دي كان دورنا لينا عشرة حريق ... خليها التحرق ياااخ الشعيرية والمشاعر والكشتينه ههههه .. البوست دا فيهو حنين غريب.

[عثمان جلالة]

يااااخ البوست دا فيهو الفه كده ما عاديه ... من البوستات البتحبها من اول نظره يمكن عشان فيهو شعيريه كتيرة وزي ما عارفين الشعيريه من الشعور ... والشعور بجي من الناس الحول الصينيه بكون الكلام صادق وبسيط حتى قعده الناس ما فيها تكلفه.

ان شاء الله يا العاقب عمدانك كلهن يكونن كدا من الناس وللناس

بوست بتحس فيهو بالمتداخلين معاك والبكتبوا فيهو حرف حرف ..كلمه كلمه.... زي ود عولي لامن قال لي تعرف يا جلاله في بوستات أنا قاعد اعيش معاها لدرجة إني بتخيل الناس فيها زي المعاي بوستات بتاخدني من العالم كلو ... وفعلا صدق ود عولي لانو في حقيقة بوستات من النوعيه دي.

[ايمن عبد الله]

معقوله يا أيمن تجي تقول لينا كلام رسمي كده وتمشي ياااخ البوست دا بوست اندياحات .. انداح يا حبيب انداااح .. أسي في ذمتك فوق عمود الكهربا الليل حلتكم ما بقول الفي مرادك كلو؟؟؟ بتكون على طبيعتك وعلي السجيه.

تسلم يا جلالة ..
قلنا النجس النبض ونجيكم .. نشوف الجو كيف .. والدنيا ليل ولا شنو ؟

[ايمن عبد الله]

متعكم الله البصحة والعافيه
كبيتوا الحنان كله
ابتداءً بالشعيره ونهاية بها
اتحفتونا وابهجتونا بزكريات حلوه
ومن هنا وواصل
اها قول واحد

هووي يا عم محجوب اكتب لينا عديل ولا نقوم عليك نربطك في العمود ده للصباح ..
هسة البصحة دي نلايقا بملاح شنو زي ما قال الحبيب هيثم عبد العال ؟

هع هع هع

[ايمن عبد الله]

لكن والله يا جلالة شكلنا كده ماشين على عنقريب هبابي جديد في ظل عمود في العام ..
والبوست مرشح لإكتساح العنقريب الهبابي .. الجننت الناس جن ..

[ساريه]

حقيقى استمتاع حد الارتواء ...............
بوست يخليك تعرف منو هم ناس منديات ود مدنى ......
وتعرف معنى جديد للتلاقى والانسجام ....
العاقب الزول المتمز فى كل شى حبابك وحباب عمودك وحباب لمه بحجم وطن ...
شكراً اخى جلاله لهذا ( الباك المبهر ) ...

[العاقب مصباح]

العاقب المصباح حبيبنا

ومبروك لجريدة الجريدة ان كسبت (قلمك الجميل)

تخريمة : يا جلالة (تم مصادرة الجريدة) لانهم لا يريدون (لجارنا العزيز زهيرالسراج) ان يكتب بها (لانه) يكتب ما لا يعجبهم

سيكتب وسيكتب وسيكتب وانا تم مصادرة الجريدة فتوجد الف جريدة ومليون موقع ...

ويا عاقبونا (مصباحونا) اكتب في اي مكان ان شاء الله في عمود الكهرباء فوق ( تحت اللمبة) بنقراهو .. انحنا بجيبنا (الحرف)
وحرفك جيااااااااااااااااااااااااب (يا باشكاتب) وباشكاتب دي ما قلناها (إلا لسيدها /ابو اللمين)

واعرش على كدا ،،،

والله يا محمد الامين كلامك دا اكبر مننا

وانت شيخ قبايل وزول والله تحبو من اول مرة

وزيارة جدة لسة فى الخاطر وما بتتنسى رقم ضيق الوقت

لكن والله لحظات تعد بالأيام والشهور

والما شافك ما شاف إنسان يا غالى

تسلم والله شديد

[عاشق الترحال]

عاشق .. هو عليك الله كان ما ربك كريم ... لمه زي دي بنلقاها بالساهل؟

والله ماااااااااااااا بتتلقي بي الساهل ،،،،،!

ربنا اجمعنا في الخير وفي الجنه كمان

وبكل صراحه
بديت اشوف ودمدني
زي ما حكو لي عنها
وياريت كل البوستات تكون كده

[عثمان جلالة]

والله ماااااااااااااا بتتلقي بي الساهل ،،،،،!

ربنا اجمعنا في الخير وفي الجنه كمان

وبكل صراحه
بديت اشوف ودمدني
زي ما حكو لي عنها
وياريت كل البوستات تكون كده


حبيبنا.... العاشق، الله يرحمو حميد لامن قال وايه الدنيا غير لمة ناس في خير أو ساعة حزن ... يعني الناس تتشارك الفرح والحزن والحب وكل الأحاسيس الجميله .. وصدقني وقتها بتكون حروف كي بورتك عباره عن تواصل حقيقي بينك وبين البعيد عنك حتى لو كان بينك وبينو آلاف الأميال.

[عثمان جلالة]

لحظات جميلة تحملنا دوما .. في أعمدة كتاب المنتدى أو بوستاتهم .. لحظات تجعلك تدخل في مراحل عجيبة وجميلة كما الحلم أوان تدخين لفافه تبغ بعد صيام طويل احساس بخدر جميل .. تدخل فيما بين ثناياه في لحظة حب او فرح أو ضحك هستيري أو دموع تنهرها بقسوة من عينيك لتتابع ما تقرأه بنهم لدرجة أنك أحيانا تردد كالمجنون:

حياتي ومعاها العاطفة النبيله
باسم الحب أقدم ليك حياتي

أو

شوف عيني باسم.

أو

النضار الفي شبابك والطفوله الفي عينيك .. يا خي بعد الشر عليك

كم صرخنا بحبنا هنا في جنبات هذا الصرح صراخ حقيقي ... خرج شعرا أو مقالا أو قد يكون جارفا ليكون نقطة ما غير مرئية في بوست

مرة أخرى .. نقطه .. سطر جديد.

[عاشق الترحال]

حبيبنا.... العاشق، الله يرحمو حميد لامن قال وايه الدنيا غير لمة ناس في خير أو ساعة حزن ... يعني الناس تتشارك الفرح والحزن والحب وكل الأحاسيس الجميله .. وصدقني وقتها بتكون حروف كي بورتك عباره عن تواصل حقيقي بينك وبين البعيد عنك حتى لو كان بينك وبينو آلاف الأميال.



وده الحاصل يا جلاله
مما جيت والله عرفت ناس ماشاء الله عليهم
ولو داير كمان تعرفم
رسل لي طلب
في الاسكايب بتاعي

[نزار حسن محمد]

ياخوانا انا فى حلم ولا علم
يا ود جلاله يازول انت بصحك
ده ياهو زولنا ذاتو كابتن شعريه
ولا زولاً بشبهوا من الاربعين
هلا..هلا ..حباب عقبه
حباب زين الشباب حباب عريسنا
حباب الهلالابى البغيظ ايمن هواء
حباب عقبه الزول الثمح الفات
الكبار والقدره ..
يازول انداااح ساى وادى فرجيخه

[عثمان جلالة]

العاقب يخيل لي بكره .. الثلاثاء وكده ... غايتو بكره بنجيك جيعانين تب للعمود .. عليك الله كتر لينا من الشطه الخدرا .... هههههههه

[ريمون]

[quote=عثمان جلالة;679490]هههههه عاد مو كاتب صحفي وكدي ... زينا نحناااا .. كان ما خايف البوست يطلع من موضوعو .. كان قلت ليك .. وأنا من زمناً خدو مشلخ هههههههه

هو ذاتو جنس الدباديب .. الورده في شكل قلبه يااااهو زاتو الودر صاحبي دا .. لانو عارفو قيبلو رهيف وما بقدر الهبباي في عز الصيف .... يااااخ العاقب اخوي دا نوعيه من البشر انقرضت في زمنا دا .. شفت الزول البكون داير يرضي علي الناس كلهم ؟؟؟؟ دا ياهو زولك العاقب ... يااخي دا عمودو ممكن ينازل ليك منو !! بقت عليه حكاية الغنيه .. وأنا في المداين الضايعه ضايع لي زمن .. كان ألقى خاطرا سمح لا كلمه واحده أقولها وتداوي الجرح .. غايتو بس ان شاء الله يوم شكرو ما يجي ... لكن ليك علي غباينو دي كلها يفشها في عمودو دا .[/quo

...........................................
.................................................
.................................................. ....

[عبدالرحمن مدثر]

عارفه ياريمون بمناسبه النقط دى

عندنا فى السجانه خراطيش للمزارع والجناين

فكرتو زى فكره (الرى بالتنقيط )

يعنى اتلاشت حته تفتح المويه وتملا الشدره

وتغرق الشارع

وتوقع حاجه نفيسه وهى طالعه المغااارب

عليك الله (التنقيط ) دا

موش احسن من انو المويه (تندفق ) من اول وهله

زى المطره لما تكون نقطه .. نقطه

بتطلع انت وشفعك

وتشيلوا احساسكم زاتو معااااكم

وتطلعوا بررره

وتستمتعوا بالجو ..

وبالربيع (الى حين )

**

اها المطره الحبتها تفلق (دييييك )

شفت ليك زول بطلع عليها :)


بالجنبه


ياهمبااااتى ... الدفقه دى كلها سببها احمد شاويش

لما تحضن (الراادى ) فى امسيه رمضانيه جميله

بعيدا عن الريموت .. وزحمه الفضائيات (الخواء )


ياسلااااااام على شاويش

وكتين يودرك

بتذكرك وكت الكلام يصبح صعب

والليل يودر فى النعاااس

وكت النجم يتلالا زى عقدا بضوى

عليهو ماااس



**

حلاوه (ماكنتوش)

لريمون ... مبروك النجاح ... زاد قلبك انشراااح

[ريمون]

عارفه ياريمون بمناسبه النقط دى

عندنا فى السجانه خراطيش للمزارع والجناين

فكرتو زى فكره (الرى بالتنقيط )

يعنى اتلاشت حته تفتح المويه وتملا الشدره

وتغرق الشارع

وتوقع حاجه نفيسه وهى طالعه المغااارب

عليك الله (التنقيط ) دا

موش احسن من انو المويه (تندفق ) من اول وهله

زى المطره لما تكون نقطه .. نقطه

بتطلع انت وشفعك

وتشيلوا احساسكم زاتو معااااكم

وتطلعوا بررره

وتستمتعوا بالجو ..

وبالربيع (الى حين )

**

يا ود مدثر ..
حنتلاقي حنتلاقي ..


اها المطره الحبتها تفلق (دييييك )

شفت ليك زول بطلع عليها :)


بالجنبه


ياهمبااااتى ... الدفقه دى كلها سببها احمد شاويش

لما تحضن (الراادى ) فى امسيه رمضانيه جميله

بعيدا عن الريموت .. وزحمه الفضائيات (الخواء )


ياسلااااااام على شاويش

وكتين يودرك

بتذكرك وكت الكلام يصبح صعب

والليل يودر فى النعاااس

وكت النجم يتلالا زى عقدا بضوى

عليهو ماااس



**

حلاوه (ماكنتوش)

لريمون ... مبروك النجاح ... زاد قلبك انشراااح


ماكنتوش حروفك الذ هدية ..

[العاقب مصباح]

14651


اليوم صدر عمود تماطيق , والكج اتفك يا أحباب ;);)

[محمد المأمون]

تماطيق
ــــــــــــــــــ
ست الجيل فى عزاء مايكل جاكسون

اخذت ست الجيل بت الحسن كمية من التراب وغمرت به شعرها حين اتاها النبأ الحزين...بوفاة مايكل جاكسون الخزين...وقد كانت فى تلك اللحظة ان تنتهى من باقى العجين...لولا ان داهمها الخبر فرمت القرقريبة ووضعت الريكة فى مكان امين...ثم ولت خارجة تولول وتنده لنساء القرية وتنشر الخبر فى اوساطهن الذى سرى كما تسرى النار فى الهشيم وارتفعت به الاصوات عالية واخذ الغبار فى روؤسهن وفى اعلى القرية مما يدل على كارثة عظيمة...ومصيبة المت بالقرية كالهجيمة...لم تترك فيها ثورا ولابهيمة...وقضت على الاخضر واليابس بما فيه شجرة النيمة...تلك التى تعود الناس ان يشربو فى ظلها القهوة ومن ثم ياخذون تعريجتهم لقول النميمة..
اول من سمعت الخبر من ست الجيل كانت السرة بت الهزيل وقد خرجت هذه بدون ثوبها معلنة حزنها وضيقها من خبر نشر فى القرية العويل فاصبحن النسوة بسببه يبكين دون مقيل..مما اثار حفيظة الرجال وقرروا ان يقومو على اثره بالذهاب الى بيت العزاء وكل منهم قد اخذ ملفحة وعمة...وقد تحرك اللورى فى اتجاه اهل الغمة...كل منهم يمنى نفسه بان يشيل الفاتحة وفى اقرب مكان يهجعون فيه وهم يذكرون خيره على الأمة.
عند ساعة الوصول وقف اللورى محاذيا صالون النساء وقد لمحو من بعيد(جنيفر لوبيز) مهتمة بامر الغداء وهى تضع المحشى والدجاج المعد للشواء...وهى تردى جينز من ماركة (وتى شيرت) يجبر الشباب على الجرسة والحب والبكاء.
نزلت ست الجيل وهى تصرخ كالمفجوع قابلتها عند المدخل (جانيت جاكسون) فتلاقت الدموع..وهنا اصاب الموقف من كان موجودا وغير موجوع فنزلت من مآقيهم دموع بلا رجوع..وحلفن بقية النسوة ان يكون المآتم لمدة اسبوع...واتصلن على مديرى اعمالهن لكى يؤخر لهن اعمالهن حتى يرفع الحداد وترجع ست الجيل مع علمهن باستعدادها للوضوع...بعد شد وجذب وبعد بكاء كنساء تم سبيهن فى حرب..جلست ست الجيل مواجهة (سيلين ديون) وقد رأتها تضع الكحل فى العيون وهى ترتدى نظارتها كى تخفى مااصاب الجفون..فى تلك اللحظة ارادت ست الجيل ان تخفف عليها فقالت لها سبحان الله هم السابقون ونحن اللاحقون فتضجرت منها (بريتنى سيبرز)وهى قد اتت لتناول ست الجيل حلوى وكعك وخبيز...لان العادات فى امريكا هكذا تجيز...بعد ان شربت ست الجيل ماء الصحة وعلى صوتها ظهرت بحة رأت ان هذا وقتا مناسبا للصيحة فنظرت بعينيها تبحث عن تراب ..ولم تجد غير الموكيت والرخام فى السرداب...فاستعاضت عنه ببودرة كانت موضوعة بطرف دولاب...فاخذته وكشحته فى راسها معلنة ان الارض ستصبح خراب ...فضمت اليها احد مغنيات الراب وهى تصيح الليييييييييييييييييلة يامايكل جاكسون يالماركبت الداتسون ولاصحتك شفت فيها تحسن الليييييييييييلة ياالركبت الهمر وغنيت فى نص القمر مااااااااااادوامة الليييييييييييلة ياالكملت عمليات تجميلك ويالوشك فاقد دليلك مااااااااااااادوامة
فى تلك اللحظة اتاها الخزين ووجدها فى غرفتها تنيين وعرف انها فى حلم مبين فصاح فيها صيحة قامت بسببها مخلوعة وانها لم تذهب الى العزاء رغم انها مفجوعة فاخذت عجينها تعوسه من جديد ولنار الدلوكة تولع وتستعيد...ولمايكل جاكسون تغنى دون ان تشارك فى الرقص ولو من بعيد

[عثمان جلالة]

مبروك ... ودايما من نجاح لنجاح ياااارب

[عثمان جلالة]

العاقب أخوي بكره التلاتا .... شكرا لكل المتداخلين هنا ... البوست وحاة الخلقني الليكم انتو .. حبابكم ألف

وهاكم كلام الهمباتي دا:

من الفيها ما بزح وان تزحزح مره
وان حيين نعود ان طال زمنا ومره
والزين ما بدوم والزول بموت فد مره

[مايسة]

ههههه الزول الظريف نزار ... والله فعلا الواحد اتمناها كده زي لمتنا في البوست الحنين دا .... قاعدين كلنا والدنيا برد منتظرين الشعيريه والصينيه نضيفه قبل وبعد الهجوم السافر الأكيد بروحو فيهو ناس مايسه والدكتوره ... ههههههه يا سلام يا نزار لو حلمنا دا يبقى حقيقه.

هو البقعدنا معاكم شنو اصلا
هههههههه غايتو يا همباتي بوستاتك غير
دي على وزن جده غير

التحية كمان للكاتب عقبه
ومبروك العمود
وبداية حلوة بست الجيل

[العاقب مصباح]

الرجلة الحمقاء


قد تبدو للبعض من قراءة العنوان وتترائى أمام عينيه قصيدة إيلياء ابو ماضى النخلة الحمقاء ,,, ولكن الموضوع بعيداً جداً عن تلك النخلة ,, ما اقصده هنا هو الرجلة بعينها .
قرأت فى كتاب الحمقى والمغفلين أن أكثر الطيور حماقة هى الحمام ,, لأنه لا يصلح عشه ,, فيقع البيض من على المكان الذى يضع فيه بيضه ,, وقد تضع بيضها أحياناً على وتد ,,, تأتى النعامة فى المرتبة الثانية من حيث الحماقة فهى تقوم بحضن بيض غيرها دى ذكرتنى بى مثل بنقولو للشخص الما عندو حاجة فى رأسه أو حلم أو أجندة عايز ينفذها , بنقولو بى طريقة تانية (( طيرة .... الحاضنة الدراب)) اها دى قالوا بعد يشيلو البيض بتاعها ويختوا فى محله دراب ولا بتعرف الدراب من البيض ,, حاضناهو مستنية يفقس ,, غايتو دى بالغت عديل كدا ... ,,,أما طائر العقعق فدا حكايته حكاية ,,, انا ما بعرف العقعق لكن قالوا بيضيع فراخه وبيضه ,, يعنى مافى طريقة يدق جبهته عشان يتذكر ,, وبينى وبينكم بيعمل فيها رايح ساى كان ما لقاهو ,, وهو طوالى ما بيلقاهو . اها نجى للكروان ,,, طبعاً الكروان دا قالوا احمق خلاص ,, من صفاته انه إذا شاف ليهو ناس بيقع هردلب فى الأرض عشان الناس يشيلوهو ,, شفتو حماقة أكتر من دى عليكم الله .
من الحيوانات الحمقاء شديد قالوا الذئبة ,,و دى مصيبتها مصيبة ,, قالوا بتترك جناها وترضع ولد الضبع ,, عليكم الله شفتو حماقة زى دى ؟؟ ومن ضمن الحيوانات الغبية النعاج ,, والضبع وام عامر ,, طبعاً ما عارف ام عامر دى منو ولا نسيبة اى واحد لكن قالوا حماقتها مشاترة فد مرة .
اكتر امرأة حمقاء فى التاريخ قالوا اسمها حذنة ,, دى الله يكرم السامعين والناس البتقرأ قالوا من شدة حماقتها بتتمخط بى كوعها . الله يعافينا وما يبلينا .
اها نجى للنباتات الحمقاء ,, سمعنا بالنخلة الحمقاء (( ونخلة غضة الأغصان باسقة قالت لأترابها والصيف يحتضر ,, إنى أكلف نفسى فوق طاقتها وليس لى بل لغيرى الظل والثمر .))
قالوا أكتر نبتة حمقاء الرجلة ,, آآآآآى الرجلة العادية دى ,, نضرب فيها الزمن دا كله ونسبكها ونحدق فيها وما جايبين للدنيا خبر , وكمان الواحد يمشى المطعم بى كل جراءة ويطلب رجلة على الغداء ,, هى من ناحية طاعمة طاعمة ,,, وخاصة لو لقت ليها مرة نجيضة بتعرف ليها ,, على الطلاق تاكل وما تخلى حاجة فى الحلة .
اها حماقة الرجلة جات من وين ما هدى بت حلال وطاعمة كمان .؟؟
قالوا الرجلة من شدة حماقتها إنها ممكن تنبت فى موية المجارى ,,, اها يا جماعة البياكل رجلة تانى منو ,,, اليوم فقط أكتشفت انها ما عندها موضوع الرجلة دى ,, بس لحدى الآن ما عرفت سر الطعامة الفيها جاى من وين .
اها يا جماعة البياكل رجلة تانى منو ؟؟؟ تمر بخاطرى تلك الطرفة ,, أن أحدهم كان ياتى بالرجلة يومياً كوجبة غداء لأبناءه ,,, وحين أهموا بالإعتراض قال لهم أن الرجلة تحتوى على عنصر الحديد ويريدهم أقوياء ... فقالوا له :- والله نحن بالطريقة دى بقينا كمر ,,,

14692

[عثمان جلالة]

ههههه برضو ما بنخليها الرجله إن شاء الله نبقى .... حديد وصلب زااااااتو

شكرا يا حبيب ... الليله عمود ملاااااح رجله سااااااي هههه

[ابوالنور]

هووي يا عم محجوب اكتب لينا عديل ولا نقوم عليك نربطك في العمود ده للصباح ..
هسة البصحة دي نلايقا بملاح شنو زي ما قال الحبيب هيثم عبد العال ؟

هع هع هع


يا ايمن ياخ عم محجوب ده دنقلاوي علي السكين ياخ

اها نسيت اقول ليك يا جلالة جابتني ريحة الشعيرية ياخ
انتو معاكم ضيوف ولا شنو ياخ ؟

[العاقب مصباح]

من صحيفة الجريدة تقرأ :- سفة واحدة لا تكفى


14773


جلست عواطف وهى تحتل منطقة الوسط فى الجلسة التى ضمتها ومعها تهانى ونادية وهى يتحدثن فى امور الزواج وخصوصا ان زواج عواطف سيكون السبت المقبل ...

تناولت تهانى الحديث وهى توجهه الى عواطف عن ان الرجل لابد ان يرى العين الحمراء فى اول الامر وان المرأة اذا تساهلت فى حقوقها وفى احتياجاتها وطلبتاها منذ البداية تكون قد اتجهت وسلكت مسلكا خاطئا ولابد ان تلبس الزوج دبلة فى اصبعها الصغير...لا ادرى لماذا اصرت على اصبعها الصغير ولم تشر الى اى اصبع اخر هل لضآلة موقف الزوج ام هى طريقة مبتكرة للتهوين منه وجعله يسمع حديثها وينفذ طلباتها دون ان يقول لا فى اى شئ ...وان يصبح فى يدها كزوج سكينة ((الحنتها لسه ما شالت))

نادية :- يا عواطف هوى اسمعى كلامى دا والله الرجال ديل هينين ولينين كان هرشتيهم فى الاسبوع الاول ولو كان فى اليوم الاول يكون احسن وكان ما هرشتيهو والله بتبقى عليك اسمعى كلام مجرب وما تسمعى كلام طبيب...

تهانى :- يعنى انتى هسع يا نادية راجلك هارشاهو ما تخلى الكضب عليك الله..

نادية :- ما انا دقست وما دايرة عواطف تدقس زيى كدا دايرة ليك السمح والله...

وانتى هسع ما برضو راجلك هارشك والله كان قال ليك تلبى فى النار دى تتلبى..

تهانى :- منو دى؟؟؟ هوووووى وتانى هوى يهرش منو والله فى نص الليل ارسلو يجيب الحاجة من مافى وعليك امان الله العدة بيغسلها وبيفرش الملايات كل يوم ما تشوفى فصاحته قدام الرجال ديل..والله ما بيرفع عينه على ....

عواطف:- كدى خلونى منكم اها قلتوا لى اعمل شنو واعمل ليهو شنو دايراهو يكون بيخاف منى وما يعرس فينى تانى والله من هسع خايفة..

تهانى :- تخافى شنو يا بت الناس انتى عروس جديدة وعلى بال ما يفكر يعرس فيك داير ليهو زمن عشان كدا اتقوى عليهو واديهو بالجزمة...رجال الزمن دا ما بيمشوا عديل الا بالجزمة وكلهم عينهم زايغة...

عواطف :- انا شايفاكم بتنظروا لى ساى كدى خلونى اصلو والله اكرهو عيشتو...

نادية :- لا لا لا ما تستعجلى ...وما يشوف كعابتك من الاول ...ارخى ليهو الحبل فى البداية وبعد كدا شديهو منو بعد ما تضمنيهو وشويه شويه ..

تهانى :- لا لا يا نادية خليها من اول يوم كان صبرت حقها بضيع ساى ...

عواطف :- كدى فى حاجة مهمة دايرة رايكم فيها ..

:- اها ...

عواطف :- راجلى قالوا بسف سعوط.....

نادية وتهانى سويا :- لا حولاااااااااااااااااااااااا

:- قلتى شنو ؟؟؟؟

عواطف :- اى والله زى ما بقول ليكم قالوا بسف سعوط ..

نادية :- رايك شنو يا تهانى فى الكلام دا .؟؟؟

تهانى :- لا لا يا عواطف يا اختى ...كل شئ ولا السعوط....هسع كان بسجر ما مشكلة ...لكن سعوط والله والله ما بقعد معاهو فى بيت واحد ...

نادية :- انا زاتى والله مستحيل ارضى بى واحد بيسف سعوط وريحته الكريهة دى..

نادية :- انتى وكت عارفاهو بيسف رضيانة بيهو مالك؟؟

عواطف :- هى عاد هدا قربت ابور ومافى ولا واحد ساى جاء بالغلط وقال دايرنى وكان فوتو والله ايانى الما عرست .....

نادية :- خلاص انتى خليهو فى اول يوم بعد تعقدوا تب ويوم الدخلة قولى ليهو يخليهو ولا يخليك وانا متأكدة ما بقدر يخليك بس هسع ما تكلميهو ...

تهانى :- والله كلامك صح يا نادية خليهو فى اول يوم وانا متاكدة انو بيخلى السعوط....

عواطف :- يعنى هسع ما اكلمه..

نادية :- لا لا لا ما تكلميهو....وكان خلى السعوط معناها تانى اى كلام ليك بيسمعه وبتمشيهو زى ما دايرة...

هنا ابتسمت عواطف وابتسمت ايضا ناية وتهانى وهم فى انتظار تنفيذ الفكرة وكلهم امل بأن تتمكن عواطف من السيطرة على زوجها ...

وبعد اسبوع

وفى يوم الفرح

وبعد ان تفرق المعازيم كل على وجهته

جاءت تهانى ونادية يوصيانها الوصية الاخيرة

بأن تكون قوية فى وجه زوجها

وان تأمر ولا تطلب ولا تترجى

وحانت لحظة الجلوس لوحدهما

لا ثالث لهما

حين دخل سعيد ورأسه خال من المواد المسببة للشعر ...اى لا توجد فيه غير بعض الشعيرات التى تدل على انه كان يوجد شعر فى ذلك الراس منذ زمن ليس بالبعيد..

اول ما قام به سعيد بعد خلوه بزوجته ان اخرج ((الكيس)) دون مراعاة لزوجته...واخذ سفة مدورها بكل ما تعلم من خبرات فى هذا المجال وبحركة لا توجد الا عند لاعبى السيرك وضع السفة مبتسما وابتسامة اخرى عليها سوف تعلن وقوعها على ارض الخصم...

قامت عواطف وهى منفرة :- بتسف يا سعيد؟؟؟؟؟

وكأنها ترى ثعبانا التف برقبتها....او كأن نارا ستلتهم البيت المجاور ..ب
كل برود اجابها سعيد :- اى بسف فى حاجة .؟؟؟

عواطف :- هوى يا سعيد يا انا يا السعوط فى البيت دا اختار هسع وما بصبر لحدى الصباح..

قهقه سعيد وكأن الامر لا يهمه قائلا لها :-

يا عواطف لو عندك صاحب ليهو عشرين. سنة..وعندك صاحب ليهو شهر...وعايزة تخلى واحد فيهم ....حتخلى ياتو فيهم ...

عواطف :- حأخلى الليهو شهر اكيد..

سعيد :- اها انا بعرفك لى شهر ...وبسف لى عشرين سنة ....

وما بخلى السعوط كان روحك مرقت هسع قدامى...

تتراجف عواطف وتطلب منه ان يناولها كيس السعوط ...

سعيد :- دايرة ترميهو صح ؟؟؟؟والله ارميك وراهو بالشباك دا وزول يجيب خبرك مافى...

عواطف :- لا والله ما دايرة ارميهو بس دايراك تدينى منو سفة انا زاتى خرمانة شديد

[العاقب مصباح]

فى جريدة الجريدة أقرأ :- منفستو الوفيات


14774
بعد أن رأت الحكومة أن أعداد مواطنيها فى تناقص مستمر بسبب الأوبئة والكوارث والنفايات السرطانية وبسببها هى قررت أن تفرض رسوماً حتى على المغادرين على متن هذه الخطوط .
أول ما قامت به هذه الحكومة هو سن تشريع جديد وافق عليه البرلمان أثناء إجازته السنوية , بضرورة تحصيل رسوم رمزية عن المرحوم وهى لا تمثل شيئاً أمام الخدمات التى تقدمها له الحكومة من قطعة أرض لا يجدها حتى الأحياء , وإنارة لا تحلم بها معظم القرى ,, وفوق هذا وذاك تدع أهله يبكون عليه دون أن تطالبهم بتصريح , مع أن البكاء يستمر حتى بعد أوقات الطوارئ التى تفرضها الحكومة .
جالت هذه الفكرة فى ذهن المسئول الكبير , حين كان يشعر تجاه الحزب بالتقصير ,, وحين رأى أن الجبايات لا تحقق الربط رغم الموسم الزراعى الوفير , فعرضها على رئيسه فى المحلية , ذاك الذى رفعها للوالى بسرعة وكتب عليها عاجل للأهمية , فأجتمع الوالى وحاشيته ,, وقرروا أن يتناقشوا فى القرار الجديد بكل جدية , وقبل بداية الإجتماع بلحظات , قرروا جميعاً الوقوف دقيقة حداداً على كل الأموات , الذاهبين النار والداخلين الجنات , وقرروا أن يمتنعوا عن إطلاق كل التصريحات بما فيها التى تساهم فى تحصيل الرسوم نقداً و كمبيالات .
طرح عضو المحلية فكرته التى تتلخص فى فرض رسوم على صيوانات البكيات ,, مثلها مثل صالات الأفراح التى تقام فيها الأعراس لأنها كلها متشابهة فى اللمات , وأن التكاليف واحدة فجميعها تطرح فيها الكوكتيلات .
فى هذه اللحظة العصيبة , أعترض رئيس الحزب بصورة غريبة , وطلب منهم أن يستمعوا له بكل حواسهم وأن يتركون الشك والريبة .
قال لهم :- يا أخوانى فى الله ,
أننا نسعى من أجل الوطن ,
, ونفكر من أجل رفعة الوطن
, ونعمل من أجل تقدم الوطن
, وليس لنا أغراض شخصية ,
وأننا لا نرغب فى السلطة أصلاً , لأن السلطة وساوس شيطانية
,, وهى لله هى لله لا للسلطة ولا للجاه تحيا لجاننا الما حزبية .
أسمعوا رايى :-
شان الشعب يكون مبسوط
نحن نخلى الموت بقروش !!!
الموت بقروش ؟؟؟
آآآآآآآى بقروش
كيفن يا سيدنا ؟؟؟
نسو إعلان فى التلفزيون ,
بى كل الحاصل والحيكون ,
أرواح الناس أبداً ما تهون
وشان تصبح غالية
نسوى ضريبة
ومنها تبقى الصحة تمام
وتشييد مدرسة
أو مستشفى
هى يا سيد أقيف بشويش ,
معقولة رسوم الموت ما شويه !!!
هل بالإمكان نعمل بها مدرسة ؟؟ أو مستشفى , أو حتى تكية ؟؟ أو قطية تشيل النازح ,
آآآآآآآى يا ناس
دا الإحساس الجانى أمبارح
نفرض مات فى اليوم الفين
قصاد كل واحد بس مليون
شوفو الثروة البكرة تجينا
وكمان فى حاجة
إيه يا ريس
مافى طرق تتصان من تانى ؟؟؟
أصلاً كانت قبل قرارك لاحقة أمات طه وهلكانة
ولو فى مشاكل
خلو الشرطة تجى بى نيرانها
خلها تقتل بى جبخانة
الغلطان أو ما غلطان
ورسوم مدفوعة ووصل أمانة
يحيا الريس ,, تحيا أفكارك وتبقى مصانة
يحيا الريس ,, تحيا افكارك وتبقى مصانة
يقاطع الريس
هى لله هى لله , لا للسلطة ولا للجاه ,
وسعادة الشعب هى الهامانة
ورفع ايديهو
وسكتو لجان الحزب من تانى
رايكم إيه
لو قمنا كمان
أعلنا قرار
بى دفع مقدم
لموت قادم
أصلاً موتك يحصل يحصل
وتبقى رسوم لازم تتحصل
تجيك الكهرباء
أو جات موية
نفايات جاتك
تلقى قسط
من رسم وفاتك
أحفظ وصلك
ما يضيع منك
شان ما نهينك ونرمى رفاتك
لى كلوب اللات بوليس
تحيا السلطة ,, ويحيا الريس
وهى لله هى لله
جاتنى أفكار من تانى غريبة
الناس الماتت
ليه ما نفرض برضو رسوم
أباء الوزراء عليهم إعفاء
أجداد الوزراء
أصحاب الوزراء
حبايب الوزراء
حريم الوزرء
بس نتشدد فى الباقيين ,
كان جدك مات قبال ما نحكم
برضو ندفعك المعقول
أدفع مليون
أو ننبش قبرك
وقبر أسيادك
والصالحين
نستثمر فى الأرض دكاكين
نبقى عمارات من طابقين
شوفو الأحسن
قرروا أو ما
نحن خلاص ماسكين ماسكين
نستورد تقنية من الصين
نحسب بيها كم الميتين ,
وتترحم لما تسدد كامل
وتدعى كمان بالجنة إليهم
وانا ماشى الصين
فى لحظة مهيبة
كان فى وزير غائب
جاء يا دوبو
جاء يتكركر ولافح توبو
وقال يا ناس ارجونى وأوبو
مالها رسومكم باقية قليلة
ها ناس ها عادمين الحيلة ؟؟؟
شفنا رئيس نطط عينيهو
ونططوا وزراء كمان حواليهو
شن قاصد يا شيخ بى عباراتك
فسر وقول أشرح كلماتك
أسمعوا رايى
ليه ما نفرض تانى رسوم
الميت يحمل كل هفواتنا كمان بالكوم
والميت ما بشعر بى سلخو
زيدو رسومو وخلو ينوم
لكن كيف ؟؟؟
نأمر كل أهل مرحوم بالأتى :-
أول يطلعو ليهو شهادة
وكمان برسوم
شهادة ميت ؟؟
أيوا شهادة ,, مش ميلادهم كان بى شهادة
يبقى الموت لازملو شهادة
أها وكيف نعمل
قبل نشوف كيفن يا وزراء
نحن نقيدو بى أوراق
سير وسلوك
آخر صرفية
زكاة
وضرائب
هل هو دافع ؟؟
هل حارب قبال ما يموت
ياتو سبب كان دافع موتو
نوع الكفن
الصيوان مصنوع من وين
دفعو جماركو
ولما يوفى بكل مطالبو
يجى يدفعلنا حق الموت
ونوثق ليهو كمان بقروش ..
توثيق ؟؟
أيوا يوثق وإيه المانع
لو قرأ جامعة بيوثق ورقو
عشان نعتمدو
ولو ما قرأ برضو بيدفع
حتى الجهل بيدور توثيق
ولو ما عندو ؟؟؟
يبقى يشوف قبراً إيجار
وبرضو نأجر ليهو كمان
إيجار ناصية
وجنب المسجد
وإيجار ناس تبيكيهو تصرخ
وناس تدعيلو وطوووول اليوم
لكن بقروش
وبرضو لجانا هى التدعى
لو ما دفعت
تدعى عليك
يا زول اترحمن وقول بسم الله
دا كل كلامى
كان دايرين تبنولكم مصنع
ولا تشيدو لعمارات


طريقكم واضح
ما ناقص غير الإعلانات
أكلك بى قروش
شربك بى قروش
علمك بى قروش
تتعالج من مرضك زاتو ودايرلو قروش
المانع إيه
لما نخلى الموت بى قروش
ناسين يا ناس
بى إننا شلنا الهم والدوش
بى إنو السلطة مكلفة تب
إرهاق للفكرة
ما شاهدتو فيلم فنكوش ؟؟؟

[العاقب مصباح]

فى جريدة الجريدة
(باعوووووووووووووووض )
14775
صادف يوم 25 /4/2012 اليوم العالمى لمكافحة الملاريا , والذى يُقام برعاية منظمة الصحة العالمية , أو هى الجهة الأساسية التى تقوم فى هذا اليوم بأنشطتها الداعية إلى مكافحة الملاريا , ونعلم نحن ما يعانيه السودان من هذا المرض الفتاك والذى تسبب الكثير من الوفيات لمختلف الفئات من الشعب السودانى تقريباً منذ أكثر من (50.000) سنة ولكن رغم طول هذه المدة الزمنية لم تتمكن المنظمة ولا البشر الذين يعانون ولا الشركات التى تنتج الأدوية من القضاء عليها وربما لشئ فى نفسها.
السودان يُعد من الدول المحببة للبعوض وهى تجد فيه ما لا تجده فى أكثر الدول ثراء , ويحتفظ السودان بعلاقات جيدة بل ممتازة مع دولة البعوض , الناقل الرسمى والحصرى لدورى أبطال ملاريا .
نتيجة لهذه العلاقات الجيدة فقد تم تعيين أنثى الأنوفليس سفيرة مقيمة فى أرض السودان وهى تهش وتنش وتساهم فى مص دم الشعب السودانى الذى أنعدم منذ مدة طويلة , ولكنها الأن تعتمد على المغتربين القادمين إلى أرض الوطن فى الإجازات محملين بفصائل الدم الصعبة الضاربة لمكيفات البلدان الصحراوية (يعنى المغترب يهاجر ويغيب كم سنة بدل ما يجيب ليهو قريشات يجيب ليهو دم ويجى ) وهذا ما يقوى العلاقات بين شعبى دولة السودان ودولة الباعوض .
هنالك إتفاقية الحريات الأربع مع شعب دولة الباعوض , وهذه الحريات هى :-
1- حرية التنقل .
2- حرية المبيت داخل أو خارج الناموسية .
3- حرية التملك للبلاعات والمجارى .
4- حرية التجارة بالدم .
هذه الحريات تقابلها ايضاً فوائد للسودان, هذه الفوائد تتمثل فى :-
1- حرية إستخدام جميع الادوية بما فيها الكيميائية والأعشاب وعلاج الشيوخ والدجالين (لما تطير ليك فى راسك ) .
2- حرية عمل ناموسيات مشبعة سواء كانت مغشوشة أو غير مغشوشة طالما أنها تصرف مجاناً من المنظمات ومن حق الحكومة أن تبيعها للشعب (وبرضو ما حتعمل ليك حاجة) .
3- حرية (عدم شطف البالوعات) خاصة للعُزاب لأن الشطف عملية مرهقة والواحد بيصحى متأخر وما بيلقى وقت (يكشح) مويته .
4- حرية تسعير الأمصال والحقن وصرف أكبر كمية ممكنة للمرضى لمن يملكون المال اللازم ومن لا يملك عليه عليه بالدعاء حتى يقضى الله أمراً كان مفعولاً .
توجد طرق لمكافحة البعوض لم يتم إدراحها فى الإتفاقيات وهى مكلفة للإقتصاد السودانى وهذه الطرق تتمثل فى :-
1- دهن كامل الجسم بالبترول ومشتقاته ويمكن بعدها أن تتحدى الباعوض وتنام دون حتى أن تحجز نفسك فى ناموسية ضيقة إلى هذه الحد .
2- أن تغطى جميع جسدك بالملابس إبتداء بالشرابات فى الأرجل والأيدى وإنتهاء بطاقية فى الوجه لا تترك لك حتى مجال للتنفس .
3- أن يقوم أحد الشيوخ بعمل (حجاب) أو (عرق ملاريا) يكفيك هذا كل الضربات القاتلة التى توجهها لك ( أنثى) الأنوفيليس) .
بناء عليه , يسمح للشعب السودانى وبصورة خاصة النوع المترف منه أن يقوم بتربية الباعوض بإعتبارها (حشرات أليفة) ويسمح له بإصطحابها إلى الأماكن التى يرى أنها مناسبة للفشخرة .
أخيراً وليس أخراً , يُحكى أن شخصين كانا يتحدثان عن القوة الخارقة التى يتمتع بها باعوض هذا الزمان , فقال أحدهم :- والله باعوض السنة دى لو وقعت فيك وانت نائم تقول وقعت فيك كديسة .
أجابه الآخر :- ها زول ها , والله علينا جنس باعوض السنة دى مبالغة , ياخى بقن يجن إتنين إتنين , واحدة ترفع البطانية , والتانية تدخل .
مع تمنياتنا بالسلامة للجميع .

[بت أم درمان]

بوست كامل الدسم والله

هنيئا لعالم الصحافة الاضافة المميزة
وبالجد حاجة مفرحة شديد
مبروك العاقب ( مع انها متاخرة )

[عثمان جلالة]

زي ما قلتي يا بت ام در بوست كامل الدسم ... وكاتب يعبر عن احلام المهمشين ... شكرا يا عقبه