وطن يموووت بالنفاق الاجتماعى

[محمد المأمون]

مذ فجر الاستقلال والوطن يتسرب من بين ملامحنا ولكن مذ 89 سلبنا ارادتنا وذبلت نخلاتنا واخرها حميد ونقد ومحجوب شريف يصارع المرض وجوانب الشارع السودانى تضج بنفاق اجتماعى وثلة انتهازيين تسهم فى بقاء طقمة العسكر جاثمة فوق صدورنا فهلا غيرنا ذواتنا ومحيطنا الاجتماعى والكنتورى حتى نغير معالم الوطن لما نود؟؟؟؟

http://www.youtube.com/watch?v=-iLoiHAQqH0

كل مانقول خلصنا الليل
يطلع باكر ليلا أطول
كل مانقول خلصنا الشيل
تطلع شيلة باكر أتقل
بس نتحمل ونصبر ونأمل
إنو الجاي صباحا أجمل
لكن كيف
طعم الريد جوانا اتحول
مرة تشيلك فوق لفوق
مرات تملاك فاقة وضيق
تلقى الدنيا تلم في هموما
تفتح جرحك وانت تضوق
أنسى وأقول ما منها مني
دايما بحلم وأنا ممحوق
قنا كتير الشارع بقصر
لمن نصبر نحن نكون
لم الزول في يوم يتعثر
بكرة القاسى الشافة يقول
بكرة بنمشي الخطوة الأولى
التانية التالتة
الرابعة الخامسة
وفجأة
نلقى الشارع قسى واتحجر
نلقى الحلم الفينا اتكسر
ويبقى الزول
مسجو ن مجنون مهضوم بالهم
مسكون ميئوس معفوص جواو
منحوس محبوس ويكوس
أسي دا شارع ماشي لي وين
لينا عليهو سنين وسنين
نمشي كأننا ما ماشين
نفتح سكة نسد اتنين

[ايمن عبد الله]

تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
امسك واحد اول بدء :
سرقتو وطن واسع ممـــــتد
فكفـكتوهــــو
وزعزهتوهو
وارهقتوهــو
وبشتنتوهــو
وهديـــــــتوهو هــــدا هــــد
******
: وهاك التاني امرا أد
حكمتو شعب كان زي الورد
افقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
آخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
: احسب رابع وتابع العد
وين تعليمنا ووين ترنـيمــنا؟
وين ادابنــا ووين كتــابنــــا؟
وين رياضتنا ووين ريادتنا ؟
مرمطوهـا
واخرتوها
وافشلتوها
وطيشتوها
وخلفـــتوها جهـــل عن قصد
******
: شوف الخامس اخذ ورد
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين اموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
وضيعتوهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيسا راقص رقصا شين
مسئول مزواج ركاب سرجين
وزارة تجارة وبياعين
ناسا عايشة ومبسوطين
جضوم منفوخة ملمعة زين
كروش ممدودة متر مترين
ايادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محمين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو ابو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
!! وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الافاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن افســد
نضال وارثـنو اب عـن جد
اكـتوبراولى لــنا بتشــــهد
وابريل التانية اعادت مجد
والتـالتة قريبة وما بتبــعد
خليك واثق واتأكــد
للاحلى حيكون الغد
للافضل راجنو الغد
للاجمل حنبني الغد
للاحلى حيكون الغد
للافضل راجنو الغد
للاجمل حنبني الغد

[هيثم عبدالعال]

أصدق مثال ما أتيت به يا ود المامون لكي نعرف حجم مأساتنا و مأساة وطننا فطارق جويلي هو من يبقى في عقد الجلاد ويذهب عثمان النو ذلك الذي أنفق سني عمره في تكوين هذه الفرقة وتشكيل وجدان الناس ليقطفها أصحاب الأجندة الخاصة
عثمان النو الذي سنحت لي الفرصة والظروف بمعايشة أسرته ووالده الأستاذ محمد عثمان النو وأخوانه وأبناء عمومته تلك الأسرة المبدعة ويعلق بذاكرتي رغم مر السنين رسالته لصديقه الحميم فيصل إبراهيم ( الترزي ) أثناء منفاه الإجباري بالقاهرة والتي كانت عبارة عن قطعة أدبية كلما تذكرت مقطعاً منها تيقنت كم هو مبدع عثمان .
هل حكم الزمان فينا يا محمد أن يبقى على السطح أصحاب المقدرة على صنع شبكة إجتماعية ويغوص في القاع أصحاب الفعل الحقيقي .

مالك ياخ بتصحي فينا حاجات نسيناها أو تناسيناها
على كل حال شكراً ود المامون

[محمد المأمون]

شكرا ايمن للمرور

[محمد المأمون]

أصدق مثال ما أتيت به يا ود المامون لكي نعرف حجم مأساتنا و مأساة وطننا فطارق جويلي هو من يبقى في عقد الجلاد ويذهب عثمان النو ذلك الذي أنفق سني عمره في تكوين هذه الفرقة وتشكيل وجدان الناس ليقطفها أصحاب الأجندة الخاصة
عثمان النو الذي سنحت لي الفرصة والظروف بمعايشة أسرته ووالده الأستاذ محمد عثمان النو وأخوانه وأبناء عمومته تلك الأسرة المبدعة ويعلق بذاكرتي رغم مر السنين رسالته لصديقه الحميم فيصل إبراهيم ( الترزي ) أثناء منفاه الإجباري بالقاهرة والتي كانت عبارة عن قطعة أدبية كلما تذكرت مقطعاً منها تيقنت كم هو مبدع عثمان .
هل حكم الزمان فينا يا محمد أن يبقى على السطح أصحاب المقدرة على صنع شبكة إجتماعية ويغوص في القاع أصحاب الفعل الحقيقي .

مالك ياخ بتصحي فينا حاجات نسيناها أو تناسيناها
على كل حال شكراً ود المامون

الاخ هيثم ثق بأننا لن ننسى فصفحات التاريخ ليست اهم من صحائفنا عند مليك مقتدر وتساقط الناس هو محبة الهية لمن يكتشف محيطه حتى لايكونون اقرب فيفجعك الواقع ..
الصغار هم من لايرونك كبير وفقط العظماء يمنحوك فرصة ان تكون عظيما حقيقة ومتصالحا مع ذاتك وليس عظمة مظهرية من صغار يكبرون صغيرا
القاء القول على عواهنه وطمس الواقع هى صفة الضعفاء ياسيدى
لابد يوم باكر يبقى اخير

[سلمي ابوالكيلك]

وطن موعود بيوم باكر
موطن مولود عشان يحزن
قال تعالي(لايغير الله قوما حتي يغيرو مابانفسهم)

[محمد المأمون]

وطن موعود بيوم باكر
موطن مولود عشان يحزن
قال تعالي(لايغير الله قوما حتي يغيرو مابانفسهم)

الاخت الاعز سلمى ولاننا ندرك فحوى الاية كتبنا تشخيصا الازمة لنحاربها جميعا