الفضائية السودانية فى طريقها لنقل الدورى الممتاز

[مولانا جلال]

صرح مدير تلفزيون السودان بان الفضائية السودانية على استعداد لنقل فعاليات الدورى الممتاز وذلك عند اجتماعه بالنائب الاول
لرئيس الجمهورية على عثمان والدكتور معتصم جعفر رئيس الاتحاد العام لكرة القدم صباح اليوم

[ايمن عبد الله]

كان علي ديل اخير ما نشوف يا مولانا ..

[ZANOON]

مدير التلفزيون محمد حاتم سليمان
قال اولا نشكر السيد نائب رئيس الجمهورية ونحنا سعداء لهذا الاتفاق ونزف البشري لكل الرياضيين داخل وخارج السودان وايضا جاهزين لنقل الدوري الممتاز فوووووورا،،،،
(نعم الاهتمام من الاتحاد العام وجد ناقلا لبطولته الكبري مع بدايه الاسبوع الرابع..)

[روبش]

عافي منكم يا اهلي بعد ما تتدخلوا حتين يتلفز الدوري
اقول :: ناس ما تجي إلا بالدرش
اقول ::: معتصم ده محتاج لدورة في الدفاع الشعبي

[هيثم عبدالعال]

الساعه الآن الثامنة إلا خمس دقائق

ننتقل لإستاد المريخ لنقل مباراة الغمة في الدوري المسمى الممتاز
الدقيقة العشرين من الشوط الأول ولا زالت النتيجة تعادلية والعك مستمر والناس قاطعه النفس



تنوية : نقطع البث الآن للإنتقال لأم صفقاً عراض لنقل وقائع زيارة السيد اللي هو للمنطقة ومخاطبته للجماهير بمناسبة إفتتاح البئر الإرتوازية وكشك الجباية ووداع قافلة الدعم المتجهة لأم صفقاً رقاق
ما تخافوا حنعرض ليكم باقي المباراة لو فضل فيها شئ بعد تلبية سعادته لدعوة العشاء والأمسية الجهادية المقامة على شرف الزيارة ، ولو ما فضل فيها باقي خيرها في غيرها ... يعني إنتو لازم تحضروا كوره

[ايمن عبد الله]

امكن الناس اتصلحو يا هيثم ياخ ..