الكرسي الساخن مع ضيف جديد لنج تعالو شوفو منو [الأرشيف]

aborawan

04-03-2005, 04:34 AM

بسم الله الرحمن الرحيم

احبائي اعزائي الاعضاء :

لك مني جميعا كل الود وعاطر التحيات

ضيفنا هذا الاسبوع ضيف من طراز خاص ( بتاغ غلوتيات رقم واحد :D:D) ضيف مميز طبعا من غلوتيات دي بتكونو كلكم عرفتوه بتاع حجيتكم ما بجيتكم وعشان ما اطول في الكلام عنو وعشان ما املاه فقر:):) اخليه يتفضل ويعرف لينا بالطاقة الشخصية مرفقة بصورة شخصية

ملاحظة :

في مشاركة لاحد الاعضاء عن حكاية الاسم المستعار في المنتدى واقترح بعض الاعضاء لزيادة حجم التعارف ارفاق صورة شخصية للعضو عليه الرجاء من كل عضو يشارك في الكرسي الساخن بسؤال للضيف ارفاق صورته الشخصية مع السؤال مرة واحدة وحبي وودي للجميع

عمك تنقو

05-03-2005, 04:52 AM

http://newnewnew.jeeran.com/redrose.gif

أحييك أخي aborawan

وشكرا للإستضافة الكريمة التي سعدت بها كثيرا وأخشي حكاية الصورة الشخصية دي تقلللينا الزوار 00 علي العموم من ناحيتي أرحب بجميع أصدقائي والاخوة الأعضاء في هذا المنتدي الفريد 00 وأقوليكم حبابكم عشرة 00

نتابع 000

http://www.wadmadani.com/up/pic/tayib1.jpg

امير عبدالباقي

05-03-2005, 07:36 AM

عم التنقو لك كل الود والتحيه وانت في استضافه الكرسي الذي سوف يكون بردا وسلاما عليك
كنا متوقعين تدخل علينا بالسيره الذاتيه مافات شي يلا ياحبيب عرف نفسك
بعدين تورينا سبب تسميتك واختيار اسم عم التنقو
ده السوال الاول وتاني عينك ماتشوف الا النور

أبوريلان

05-03-2005, 08:35 AM

الأخ الحبيب

عمك تنقو

ألف ألف مرحب بيك فى الكرسى الساخن ، سؤالى الأول :

# ماهو الفرق بين حنتوب سابقا عندما كانت بها منارة السودان مدرسة حنتوب الثانوية وحنتو اليوم التى بها إحدى كليات جامعة الجزيرة ( كلية التربية ) والتى أقيمت فى نفس مبانى المدرسة الثانوية سابقا ، وبما إنك من سكان تلك البقعة الجميلة أرجو أن تحدثنا عن الفروقات وأى العهدين تحب أن تكون عليه حنتوب ؟

# ماهو شعورك عندما سمعت بعرض كشكول مدنى ( ظرفاء مدنى ) فى جريدة الصحافة ؟ وما هو جديدك للمنتدى ؟

الأخ عمك تنقو ما داير أطول عليك الأسئلة ومنتظر دخولك ولنا عودة .

ابراهيم

05-03-2005, 02:26 PM

الأخ عمك تنقو لك التحيات الطيبات
وأنت تنثر الفرح في هذا الصرح العامر بكم دوماً ...
ونحن في رجاء إطلالتك ...
**
ومبدئياً ... أود معرفة سر تسميتك "بعمك تنقو"
**
لك الود
ولنا عودة

عمك تنقو

05-03-2005, 09:03 PM

شرفات ودمدني وابتسامة الصباح والغروب تطبيع في أهل مدني 00 حضور الانسان هناك قناطر خير وعنوان للدروب وتاريخ الاجداد 00 مرايا تري فيها الشمس والقمر معا 00
الطيب حمور 00 هذا الاسم المختصر والواضح لاسرة تمتد جذورها من شاطيء النيل الازرق الشرقي وحتي أعالي البطانة ( لقبيلة الرفاعية ) بني ذبيان 00
المولد سنار ( البرسي الفضل ) وهناك كانت النشأة مشبعة بسريان رحلة النيل الأزرق شمالا والذي أوجد معظم الأسرة في هذه المدينة العريقة وكان الاستقطاب والانحصار في سوق الصاغة 00 في المزاد الخيلان 00 وفي ود أزرق الطفولة وفي التجارب الاخوات وفي دردق الاعمام وفي الدرجة الزواج وفي حنتوب البيت الحديث والاستقرار 00
بورتسودان الثانوية وزمالة الفنان العريق مصطفي سيد احمد وأبناء المنطقة الحصاحيصا ومدني وسنار ذكريات لا تنسي اكتملت بسنين المعهد الفني وضمتني ود مدني طفلا وشابا وعلي اعتاب الكهولة وارتويت بأجمل مافيها من ذكريات الا أن جاء الزمن الضنين زمن الشتات والغربة في سلطنة عمان 00 ولكي عودة بقية العمر حبيبتي ود مدني 00

نتابع ويديكم العافية 00

aborawan

05-03-2005, 09:52 PM

سعدنا جدا بتشريفك لنا على الكرسي الساخن العزيز الغالي عمي تنقو ونتمنى انو الكرسي يكون برد وسلام عليك مع خالص حبي ومودتي

http://www.wadmadani.com/up/pic/aqaqa.jpg

admin

05-03-2005, 10:04 PM

كيفك ياعمك تنقو .. دي صورتك ولا النور الجيلاني :D :D :D
ودا منو دا يا ابوروان .. المات منو الليله رابط العزبة دي
عليك الله قولوا ما شاءالله لما تشوفو صورتي التحت دي
http://www.wadmadani.com/up/pic/6995.jpg

عمك تنقو

05-03-2005, 11:14 PM

http://newnewnew.jeeran.com/redrose.gif[/IMG]

عزيزي أمير ود عبد الباقي

والله شفت بوست حجيتكم ما بجيتكم ده داير ليهو اسم يكون هو ذاتو حجوة أو اسطورة وطبعا احنا زمان في الأولية كان عمك تنقو لينا اسطورة 00 وكان الاختيار حتي يكون جذاب للقاريء ومتزامن مع الحجاوي

يديك العافية

عمك تنقو

05-03-2005, 11:37 PM

كاتب الرسالة الأصلية myrelan
الأخ الحبيب

عمك تنقو

ألف ألف مرحب بيك فى الكرسى الساخن ، سؤالى الأول :

# ماهو الفرق بين حنتوب سابقا عندما كانت بها منارة السودان مدرسة حنتوب الثانوية وحنتو اليوم التى بها إحدى كليات جامعة الجزيرة ( كلية التربية ) والتى أقيمت فى نفس مبانى المدرسة الثانوية سابقا ، وبما إنك من سكان تلك البقعة الجميلة أرجو أن تحدثنا عن الفروقات وأى العهدين تحب أن تكون عليه حنتوب ؟

# ماهو شعورك عندما سمعت بعرض كشكول مدنى ( ظرفاء مدنى ) فى جريدة الصحافة ؟ وما هو جديدك للمنتدى ؟

الأخ عمك تنقو ما داير أطول عليك الأسئلة ومنتظر دخولك ولنا عودة .

http://newnewnew.jeeran.com/redrose.gif

عزيزي myrelan

حقيقة انا أعتز بوجودك وحضورك الزاهي دائما في المنتدي وبمداخلاتك الحلوة في الكشكول وبوست الاحاجي 00
كانت ومازالت مصلحة الاثار في الخرطوم تحمي بعض المعالم التاريخية من أي تدخل اضافي أو نقصان ومنها مثلا كلية كتشنر الطبية ( كلية الطب ) ووزارة المالية 00 واحتفظت هذه الاماكن بتاريخها ومجدها 00 حنتوب استقطبت أساتذة وطلاب من داخل وخارج الوطن ولها موقع وتاريخ عريق مثلها ومثل جامعة الخرطوم وللاسف الشديد عندما فاض الكيل الفكري العقيم وجرف حنتوب باسمها ومعناها وتاريخها لم تجد من ابناءها واساتذتها الا الانين والحسرة 00 ولكن في النهاية تبقي حنتوب هي حنتوب 00

طرائف نت في جريدة الصحافة السودانية وهي صفحة الملف الساحر أبرزت منتدي ودمدني بفعاليات أبنائه واشادت بكل المواضيع وكانت فرحتي لا توصف عندما أفردت الكشكول الذي يخص طرائف اهل المدينة وهي متميزة في كل شيء ولا تشبه النوادر الاخري نسبة لتفرد وابداع وبيئة انسان ود مدني 00 ومن هنا أهنيء الأخ ADMIN لهذا المجهود الرائع الذي لفت انتباه الصحافة والاشادة بالمنتدي
فعلا فرحي كان للجميع في الكشكول والمنتدي وأشكر الاخ معتصم عيدروس والاخ hamd tto لابراز جانب كبير من هذه الاشادة

عمك تنقو

05-03-2005, 11:46 PM

كاتب الرسالة الأصلية ابراهيم
الأخ عمك تنقو لك التحيات الطيبات
وأنت تنثر الفرح في هذا الصرح العامر بكم دوماً ...
ونحن في رجاء إطلالتك ...
**
ومبدئياً ... أود معرفة سر تسميتك "بعمك تنقو"
**
لك الود
ولنا عودة

http://newnewnew.jeeran.com/redrose.gif [IMG][IMG]

أبراهومة

العضو المتميز دوما

شكرا لطلتك الحلوة 00 وعمك تنقو اسم جذاب ومناسب للاحاجي وطبعا عمك ماممكن يخش باسم فياض او لؤي 00 فقلت احسن اشوف لي اسم كده قديم يخلي الاولاد يسمعوا الاحاجي

يديك العافية 00

عمك تنقو

05-03-2005, 11:51 PM

كاتب الرسالة الأصلية aborawan
سعدنا جدا بتشريفك لنا على الكرسي الساخن العزيز الغالي عمي تنقو ونتمنى انو الكرسي يكون برد وسلام عليك مع خالص حبي ومودتي

http://www.wadmadani.com/up/pic/aqaqa.jpg

والله يا ابو روان خجلتنا عديل بهذا الكرم الفياض
وبعدين كرسيكم ده شاي بس 00 مافي حاجة بياكلوها

عمك تنقو

05-03-2005, 11:55 PM

كاتب الرسالة الأصلية admin
كيفك ياعمك تنقو .. دي صورتك ولا النور الجيلاني :D :D :D
ودا منو دا يا ابوروان .. المات منو الليله رابط العزبة دي
عليك الله قولوا ما شاءالله لما تشوفو صورتي التحت دي
http://www.wadmadani.com/up/pic/6995.jpg [http://newnewnew.jeeran.com/redrose.gif[/IMG]

هههههههههههههههههههههههههه
انت ماعارف يا ADMIN تحت طاقية النور الجيلاني في شنو ؟؟؟

أمس اليوم كلو أنا بصور عشان أضاري راس عمك تنقو ده ويظهر بي شكل سياحي شوية
وخليها مستورة يا أبوبكر !!!

أبوبكرحامد

06-03-2005, 12:42 AM

حبيبنا المامنظور انسانا ....................عمك تنقو

دى أحسن طريقة لضمان تواجدك بالمنتدى وأقترح على أبو روان تكون فترة

الكرسى ستة شهور عشان نسعد بى صلعتك أقصد طلعتك البهية!!!!!!!!

اولاً عاوزين تعريف شامل لشخصيتك ، مكان الميلاد ، المراحل الدراسية ، مكان

الإقامة بالسلطنة ، وماهى علاقتك بالحبوبات، وهل لك علاقة بعائلة حمور

المحامى ، لأنو كان معانا واحد اسمو خالد هاشم حمور درس معانا بالزقازيق

بس ماعاوز اطول عليك برجع ليك بعد تجاوب على الأسئلة دى .

rasheed

06-03-2005, 03:13 AM

عم تنقو تحياتي وسلامي ،،
بعدين ياجماعة الناس البقولوا الأخ عمك تنقو والحاجات دي يعني ،،، الراجل كبير ودفعة الرائع مصطفى سيد أحمد رحمه الله ما في إحترام ولا شنو ،، الأخ عمك تنقو ،، مفروض تقولوا جدي عمك تنقو ،، ثانياً والله أنا لما سألتو جدي عمك تنقو من سر التسمية عرفت طوالي كان عمك تنقو أرفق صورتو حيكون الراس فيه حاجة ،،، لك التحية ومرحباً بك في الكرسي الساخن وإن شاء يضوي ليك ،، طبعاً ما قدرت أرفق صورة لأني ما بعرف ،، سؤالي طلب ،، ما طلب صاحب حموري ،، عاوزين نعرف أكتر عنك وياريت الواحد يقول بعض الأخوان يمكن يكون الواحد دفعتو ولا كده ،، وده لزيادة التعارف أكثر ،،، وسلام ولينا عودة

مهيرة

06-03-2005, 05:15 AM

عمنا الغالي :

تنقو

كرسيك ما شاء الله عليهو أولاد مدني كلهم حواليك 00 بتحجي فيهم ولا شنو ؟

شرفات ودمدني 00 جميلة هذه الكلمات !! ليتك تفصح ؟

أعرف أنك ليس بالأصلع ولا الأشيب فلماذا القبعة !!

شكرا ليك كتير 00

ابو المهتــدي

06-03-2005, 10:45 AM

بسم الله الرحمن الرحيم

الحبيب نتقو الله يعطيك العافية
ضبعا عم تنقو بالنسبة لنا مش ممكن 0 نتركها للشباب 0
ودي اول مرة نتلم في مداخلة ونحن جلوس
في عنقريب طلق ملص 0 الحكاوي كثير ة 0 كانت بجوار الحبوبات 0
ولكن لم اعمل لها حساب بين وبين ست ابوها اتقـــاء0عندما صار الامر لنا 0 اردد لها تلك0السوالف 0 مرة احببت ان
عكس الموضوع منها لي 0
فطلبت مني فك قولها وانا بدوري احوله لك واحكي لي ياشاطر كما تقول
طلب اب من ابنة احضار له سمك للغداء فكان رد الابن يابو السمك فيه شوك
كيف كان رد الوالد ؟؟ القول كما قلت من اتقــــــأء والحكم عندي بحكم انني سمعت القول ولك تحياتي 0
احببت ان ارفع لك القول لنسمع امام الشباب
قولك بدل الاحاجي

--------------------------------------------
أصـــل منك انـــا يابــــلد

04-03-2005 06:26 PM

عمك تنقو

06-03-2005, 08:11 PM

كاتب الرسالة الأصلية أبوبكرحامد
حبيبنا المامنظور انسانا ....................عمك تنقو

دى أحسن طريقة لضمان تواجدك بالمنتدى وأقترح على أبو روان تكون فترة

الكرسى ستة شهور عشان نسعد بى صلعتك أقصد طلعتك البهية!!!!!!!!

اولاً عاوزين تعريف شامل لشخصيتك ، مكان الميلاد ، المراحل الدراسية ، مكان

الإقامة بالسلطنة ، وماهى علاقتك بالحبوبات، وهل لك علاقة بعائلة حمور

المحامى ، لأنو كان معانا واحد اسمو خالد هاشم حمور درس معانا بالزقازيق

بس ماعاوز اطول عليك برجع ليك بعد تجاوب على الأسئلة دى .

http://newnewnew.jeeran.com/redrose.gif

ود المأذون

دائما عندما ألتقي سطورك بشم فيك ريحة ( الملجة 00 ))
أجد فيك سلطة مدني بالكامل 00 النكهة والطرفة والحكوي والشلة والضل الوقف ما زاد !!

البطاقة الشخصية موجودة فوق يا غالي 00 وفي السلطنة في مسقط العاصمة
وزملائك في القانون كلهم هنا 00 الأستاذ نزار جعفر المبارك والأستاذ طارق عثمان والأستاذ عبد المنعم علوب والأستاذ عوض الزين والأستاذ عزالدين محمد زيادة وغيرهم كثيرين 00

عايشنا الحبوبات بكل ما تعني الكلمة دي من معني 00 االمحنّه واللّمه وحكايات نص الليل واعتقد في الوقت الحالي في طريقها للانقراض نسبة لعدم وجود حبوبات وأمهاتنا اليومين ديل ما بعرفن فن الحبوبات الزمان وأحيانا لا يقبلنها
اطلاقا واحسن ما تقول لحبوبة حبوبة 00 قول يا ماما بتريحها كتير !

عائلة حمور التي تقصدها أسرة ( زيادة حمور ) هذه الأسرة اسم علي اسم وهي دنقلاوية الأصل

يديك العافية يا غالي

عمك تنقو

06-03-2005, 08:30 PM

كاتب الرسالة الأصلية rasheed
عم تنقو تحياتي وسلامي ،،
بعدين ياجماعة الناس البقولوا الأخ عمك تنقو والحاجات دي يعني ،،، الراجل كبير ودفعة الرائع مصطفى سيد أحمد رحمه الله ما في إحترام ولا شنو ،، الأخ عمك تنقو ،، مفروض تقولوا جدي عمك تنقو ،، ثانياً والله أنا لما سألتو جدي عمك تنقو من سر التسمية عرفت طوالي كان عمك تنقو أرفق صورتو حيكون الراس فيه حاجة ،،، لك التحية ومرحباً بك في الكرسي الساخن وإن شاء يضوي ليك ،، طبعاً ما قدرت أرفق صورة لأني ما بعرف ،، سؤالي طلب ،، ما طلب صاحب حموري ،، عاوزين نعرف أكتر عنك وياريت الواحد يقول بعض الأخوان يمكن يكون الواحد دفعتو ولا كده ،، وده لزيادة التعارف أكثر ،،، وسلام ولينا عودة

http://newnewnew.jeeran.com/redrose.gif

rasheed

قفا نبكي ذكري حبيب ومنزل
بسقط اللوي بين الدخول فحومل

كانت أجمل سنين العمر (4) سنوات في مدينة الثغر بورتسودان مع الراحل مصطفي سيد أحمد وعثمان شريف شقيق محجوب شريف وقتها كان سماء الوطن لونها أزرق مخضبة بالحناء 00 كانت لوزة القطن تجدها في ميناء بورتسودان متجه الي أعالي البحار 00 القلب كان مفتوح والأفق كان فسيح
قبل أن ينهدر الوجدان 00 وتصبح الذكري مدفونة بالغياب !!
يا رشيد العمر يتقدم ولكن القلب يحمل الكثير من شباب الماضي 00

ههههههههههههههه

حكاية طلب دي حكاها لينا الفاضل سانتو في برنامج ( نجوم مدني ) من قبل فترة !
رشيد وريني انت من ياتو حي في مدني وأنا أذكّرك

تسلم ياغالي 00

عمك تنقو

06-03-2005, 08:42 PM

كاتب الرسالة الأصلية مهيرة
عمنا الغالي :

تنقو

كرسيك ما شاء الله عليهو أولاد مدني كلهم حواليك 00 بتحجي فيهم ولا شنو ؟

شرفات ودمدني 00 جميلة هذه الكلمات !! ليتك تفصح ؟

أعرف أنك ليس بالأصلع ولا الأشيب فلماذا القبعة !!

شكرا ليك كتير 00

http://newnewnew.jeeran.com/redrose.gif

الغالية جدا مهيرة

طبعا بنتنا مهيرة وربنا يخليها ليكم ولي مدني كلها موجودة معنا هنا في السلطنة وهي مكسب كبير للمنتدي لو خلت الكسل
وطبعا يامهيرة انتي ماتبالغي كمان 00 أنا غطيت ( الصبغة ) مش الصلعة ولا الشيب !!
ههههههههه

يعني شخصية عمك تنقو دي دايره مكياج خاص 00 ولا شنو ؟؟

شرفات ودمدني 00 أحلام مدن عندما تأتي من الجنوب تلوح لك بركات ومارنجان بالمصانع والمحالج والأشجار المزهرة ومن الشرق يفوح لك شذي النيل وريحة الجروف المروية ويترائي لك الكبري وتتفتح لك آفاق مدني بجمالها وأنت تعبر حنتوب بكل ماضيها 00 ومن الشمال عمود التلفزيون وموازاة النيل والجناين وسور الجامعة العريقة ( جامعة الجزيرة ) 00 شرفات مذهلة 00

يديك العافية

عمك تنقو

06-03-2005, 08:56 PM

كاتب الرسالة الأصلية ابو المهتــدي
بسم الله الرحمن الرحيم

الحبيب نتقو الله يعطيك العافية
ضبعا عم تنقو بالنسبة لنا مش ممكن 0 نتركها للشباب 0
ودي اول مرة نتلم في مداخلة ونحن جلوس
في عنقريب طلق ملص 0 الحكاوي كثير ة 0 كانت بجوار الحبوبات 0
ولكن لم اعمل لها حساب بين وبين ست ابوها اتقـــاء0عندما صار الامر لنا 0 اردد لها تلك0السوالف 0 مرة احببت ان
عكس الموضوع منها لي 0
فطلبت مني فك قولها وانا بدوري احوله لك واحكي لي ياشاطر كما تقول
طلب اب من ابنة احضار له سمك للغداء فكان رد الابن يابو السمك فيه شوك
كيف كان رد الوالد ؟؟ القول كما قلت من اتقــــــأء والحكم عندي بحكم انني سمعت القول ولك تحياتي 0
احببت ان ارفع لك القول لنسمع امام الشباب
قولك بدل الاحاجي

--------------------------------------------
أصـــل منك انـــا يابــــلد

04-03-2005 06:26 PM

هههههههههههههههههههههههههههههه

الله يديك العافية يا أبو المهتدي 00 والله أنا ماقايل المنتدي فيهو دفعة لذيذة ورايعة زيك كده يا غالي 00 وكان عارف كده كنت شلت الطّاقية برّه !!

لكن ست أبوها دي دايره مشاكل بس00 ومالها ومال البصلة وقشرتها وما لقت ليها حجوة غير دي 00

في تقديري الوالد قال للولد خلاص مادام فيهو شوك 00 خليهو للعشاء !!
ههههههههههه

طبعا دي حسبتها عليّ يا أبو المهتدي

ما يهمك الجايات أكتر من الرايحات !

بصراحة عجبني توقيعك بصورة ملفتة في المنتدي

(( أصلي منّك أنا يا بلد ))

تسلم يا رائع 00

[IMG]http://newnewnew.jeeran.com/redrose.gif

ابومرام

07-03-2005, 03:06 AM

حبيبنا وحبيب الكل نتقو
واجيك من وين انا الولهان أنا ؟؟؟
صراحة كلك حوية واصالة وبوتقة من الجمال في النفس و الشعور الطيب
على الرغم من انني لم اطلع على كل كتاباتك ولكن ما اقف عنده يستحق
الوقوق باحترام وسكينة ووقار عموما لينا وعد مادام الحديث ربط مابين مدني وسنار وحنتوب
لك التحية والاسئلة للمرة الجاية
معليش ياجماعة مفروض ارفق الصورة لكن المرحلة شوية علينا الشباب ماعلمونا خلوها في المرة الجاية لو ربنا مده في الايام

نيازى كشك

07-03-2005, 09:15 AM

aborawan

07-03-2005, 09:44 AM

بسم الله الرحمن الرحيم

اخواني الاعزاء الكرام
السلام عليكم ورحمة الله وبركاته

طبعا لا مفر من الصورة دي ابوروان وراكم وراكم :D :D :D رسلو صوركم على ايميلي وانشاء الله انا حااقوم باللازم وارفقا ليكم مع ردودكم

زوووووووووووووووووووغااان مافي :D :D :D

ده ايميلي
mohammadfadasi@hotmail.com

حبي وتقديري

عمك تنقو

07-03-2005, 07:59 PM

كاتب الرسالة الأصلية ابومرام
حبيبنا وحبيب الكل نتقو
واجيك من وين انا الولهان أنا ؟؟؟
صراحة كلك حوية واصالة وبوتقة من الجمال في النفس و الشعور الطيب
على الرغم من انني لم اطلع على كل كتاباتك ولكن ما اقف عنده يستحق
الوقوق باحترام وسكينة ووقار عموما لينا وعد مادام الحديث ربط مابين مدني وسنار وحنتوب
لك التحية والاسئلة للمرة الجاية
معليش ياجماعة مفروض ارفق الصورة لكن المرحلة شوية علينا الشباب ماعلمونا خلوها في المرة الجاية لو ربنا مده في الايام

ود شواطيء النيل 00 أبو مرام

من قاس جدواك بالغمام فما
أنت إذا جدت ضاحكا أبدا

أنصف في الحكم بين شيئين
وهو اذا جاد باكي العينين

كنت اتمني أن اري صورتك يا ود ( الشريف )
وليش معني اللثام يا ابن عشيرتي !

منتظرك :

suiter53@hotmail.comhttp://newnewnew.jeeran.com/redrose.gif

عمك تنقو

07-03-2005, 08:02 PM

[QUOTE]كاتب الرسالة الأصلية نيازى كشك

[/IMG] http://newnewnew.jeeran.com/redrose.gif

suiter53@hotmail.com

عمك تنقو

07-03-2005, 08:09 PM

كاتب الرسالة الأصلية aborawan
بسم الله الرحمن الرحيم

اخواني الاعزاء الكرام
السلام عليكم ورحمة الله وبركاته

طبعا لا مفر من الصورة دي ابوروان وراكم وراكم :D :D :D رسلو صوركم على ايميلي وانشاء الله انا حااقوم باللازم وارفقا ليكم مع ردودكم

زوووووووووووووووووووغااان مافي :D :D :D

ده ايميلي
mohammadfadasi@hotmail.com

حبي وتقديري [IMG]

بابكر

08-03-2005, 09:49 AM

ياعمك تنقو كيفك ياعسل00 بتعرف دكتور عباس الوسيله ولو بتعرفو بالله عاوز تلفونه او عنوانه لانى طولت منه وهو زميلى وصديقى العزيز

marwa

08-03-2005, 04:06 PM

ahlaaaaaaaaaaan 3amk tngo
ensha2 allah mstreee7 fe alkorsy da
dayreeeeen n3rf sabab altsmya 3mk tngo whal mrboot bmo7'alat alsebyan

ruby

09-03-2005, 04:31 AM

ياهلا بعمنا تنقو
ومرحب بيك وان شاء الله تلاقيني في كل مواضيعك
على فكره انا بنت ماولد زي مارسلت لي
وسؤالي
والله ماعندي سؤال معين
طيب ادينا رأيك في الاعضاء اختار كم عضو كدا وادينا رأيك فيهم؟؟؟؟؟؟؟؟
وعلى فكره حبيت صورتك لايقه كتير مع شخصيتك
مع تحياتي
رووووووووووووووبي

عمك تنقو

09-03-2005, 05:21 AM

كاتب الرسالة الأصلية بابكر
ياعمك تنقو كيفك ياعسل00 بتعرف دكتور عباس الوسيله ولو بتعرفو بالله عاوز تلفونه او عنوانه لانى طولت منه وهو زميلى وصديقى العزيز http://newnewnew.jeeran.com/redrose.gif

الغالي بابكر شكرا للحضور والمشاركة
والأخ عباس الوسيلة أنا شخصيا لا أعرفه ولكن سوف أرسل لك
بعنوانه في القريب انشاء الله بعد معرفة عنوانه بالكامل 0

تسلم

عمك تنقو

09-03-2005, 07:01 AM

كاتب الرسالة الأصلية marwa
ahlaaaaaaaaaaan 3amk tngo
ensha2 allah mstreee7 fe alkorsy da
dayreeeeen n3rf sabab altsmya 3mk tngo whal mrboot bmo7'alat alsebyan

ازيك انتي يا مروه

طبعا ماشفناك قريب في الأحاجي

وعمك تنقو اسم اقترن بالاحاجي والطرائف ومن هنا كان الاسم

نسمع عنك كل خير ،،،

وتسلمي

عمك تنقو

09-03-2005, 07:06 AM

كاتب الرسالة الأصلية ruby
ياهلا بعمنا تنقو
ومرحب بيك وان شاء الله تلاقيني في كل مواضيعك
على فكره انا بنت ماولد زي مارسلت لي
وسؤالي
والله ماعندي سؤال معين
طيب ادينا رأيك في الاعضاء اختار كم عضو كدا وادينا رأيك فيهم؟؟؟؟؟؟؟؟
وعلى فكره حبيت صورتك لايقه كتير مع شخصيتك
مع تحياتي
رووووووووووووووبي

ruby

معليش يا بتي والعتب علي النظر لكن أنا شفت شعار التوقيع ال pat ده قلت ده ولد عفريت !

فعلا هناك كثير من المبدعين في المنتدي وانشاء الله اتكلم عنهم واحد واحد 0

بابكر

09-03-2005, 08:25 AM

[COLOR=orange]الآخ الوفى الرائع عمك تنقو لك الحب والوفاء وارجو ان يكون الكرسى بردا وسلاما عليك يا حبيبنا 0000 كنت اظنك من حنتوب,, فوجتك بامتداد السودان كله 000 اخذنى اسلوبك الشيق الجميل الذى يدل على عمق ثقافتك ,, ورهافة حسك00 فأنت انسان متفرد اصيل اصالة اهلنا الطيبين الذين ذهبوا وصارت ذكراهم تعطر حياتنا ونذكرها بالفخر والاعزاز 0000 كلماتك تجعلنى احلق فى فضآءت لامتناهيه,, ومدارات ملونه بألوان قوس قزح000 ايام كنا نقرأ للعقاد,, وطه حسين,, واميل زولا,, واجاثا كريستى 00 ايام جميله ومستحيله,, ومرحبا ياشوق,, وحبيبة عمرى تفشى الخبر,, وشال النوار ظلل بيتنا000 ايام الروعه التى صرنا نفتقدها فى هذا الزمن الصعب00 المادى الاليم000 آه ثم آه لتكم الايام0000

الرائع المبدع سؤالى لك 00 هل انت متزوج؟؟ لانك لم تذكر حالتك الاجتماعيه

وما رأيك فى الغربه ؟؟

وهل تحققت طموحاتك؟؟

وانت ماذا تكون وماذا تريد؟؟؟

شكرا لك

خطاب العبيد

09-03-2005, 08:32 AM

السلام عليكم عمنا تنقو
لك كل التحايا والتجلا وانتا معنا على الكرسى الساخن اتمنى ان يكون عليك بردا وسلاما .
لى بعض الاسئلة التى تدور فى زهنى وهي .
من أين تيت بهذا الاسم عم التنقو ؟

وكيف تم نضمامك الى المنتدى ؟

وماهى رؤيتك فى تطوير هذا المنتدى وما يقدمه الى هذه المدينة الساحرة ؟

وخيرا تقبل سلامى وحترامى مع مودتى

الزول الشين

عمك تنقو

10-03-2005, 08:37 PM

كاتب الرسالة الأصلية بابكر
[COLOR=orange]الآخ الوفى الرائع عمك تنقو لك الحب والوفاء وارجو ان يكون الكرسى بردا وسلاما عليك يا حبيبنا 0000 كنت اظنك من حنتوب,, فوجتك بامتداد السودان كله 000 اخذنى اسلوبك الشيق الجميل الذى يدل على عمق ثقافتك ,, ورهافة حسك00 فأنت انسان متفرد اصيل اصالة اهلنا الطيبين الذين ذهبوا وصارت ذكراهم تعطر حياتنا ونذكرها بالفخر والاعزاز 0000 كلماتك تجعلنى احلق فى فضآءت لامتناهيه,, ومدارات ملونه بألوان قوس قزح000 ايام كنا نقرأ للعقاد,, وطه حسين,, واميل زولا,, واجاثا كريستى 00 ايام جميله ومستحيله,, ومرحبا ياشوق,, وحبيبة عمرى تفشى الخبر,, وشال النوار ظلل بيتنا000 ايام الروعه التى صرنا نفتقدها فى هذا الزمن الصعب00 المادى الاليم000 آه ثم آه لتكم الايام0000

الرائع المبدع سؤالى لك 00 هل انت متزوج؟؟ لانك لم تذكر حالتك الاجتماعيه

وما رأيك فى الغربه ؟؟

وهل تحققت طموحاتك؟؟

وانت ماذا تكون وماذا تريد؟؟؟

http://newnewnew.jeeran.com/redrose.gif

عزيزي بابكر صاحب الحس المرهف والرقيق 00 رقة سريان نيلنا الأزرق وهمسات صفصاف الشواطيء 0 الرجل الذي يعيش في زمان الناس هداوة بال
وانت زمانك الترحال 00 وهو يعلم جيدا أن الضل وقف ما زاد !! بناديها معاك تلك الأيام وتلك الفضاءات اللامتناهية 00 روعة الزمن أصبحت صفحات نقلبها ذكري
وما أجملها !

أحييك أخي بابكر وأشكرك علي هذا البوست الجميل الذ استفزني وأثار فيّ شجون بيننا 00

متزوج والحمد لله ولي ثلاثة من الأبناء ولد وبنتين والحمد لله 0
وفي الغربة والترحال والسفر فوائد ولكنها مدفوعة الثمن بالبعد عن الوطن 0

كل ما تتحقق الطموحات نجد البلد الوحيد في العالم وطني لا يرحب بك نسبة للأبعاد التي تلاحق الانسان السوداني بمسؤلياته تجاه الاسرة والاهل والأصدقاء
والوطن 00

أن أرجع السودان وأعيش بهدوء وسط العشيرة طاردا طنين الغربة 00

تسلم ياغالي

وافوتك عافية

شكرا لك

عمك تنقو

10-03-2005, 08:41 PM

عمك تنقو

10-03-2005, 08:48 PM

كاتب الرسالة الأصلية خطاب العبيد
السلام عليكم عمنا تنقو
لك كل التحايا والتجلا وانتا معنا على الكرسى الساخن اتمنى ان يكون عليك بردا وسلاما .
لى بعض الاسئلة التى تدور فى زهنى وهي .
من أين تيت بهذا الاسم عم التنقو ؟

وكيف تم نضمامك الى المنتدى ؟

وماهى رؤيتك فى تطوير هذا المنتدى وما يقدمه الى هذه المدينة الساحرة ؟

وخيرا تقبل سلامى وحترامى مع مودتى

الزول الشين

الغالي خطاب العبيد

لك كل الحب والود علي مرورك وتواجدك معنا في الكرسي الساخن 0

عمك تنقو هي من الاساطير السودانية واقترن بالاحاجي عندما قدمت بوست حجيتك ما بجيتك ووجدت هو الاسم المناسب 00

بالصدفة استوقفتني لوحة تشكيلية في الانترنت وأوصلتني الي ضالة كنت أبحث عنها ( منتديات ود مدني ) !
أن توجد خلية في داخل ودمدني حتي تتابع تطوير المنتدي مع المسؤلين بالتعاون مع الاخوة بالخارج علما بأن المنتدي يتم الاشراف عليه من خارج ودمدني في دول المهجر والخرطوم 0

تسلم ياغالي

وأفوتك عافيةhttp://newnewnew.jeeran.com/redrose.gif

waheeb

11-03-2005, 11:10 AM

الأخ العزيز عمك تنقو.. اولا كل التحايا العطره ليك وانت تتحفنا بحكاياتك الممتعه.

سؤالي ليك منذ متي وانت تهتم بهذا النوع من التراث؟. والسؤال الثاني بتعرف جمال عثمان .. معاكم في السلطنه يا ريت لو بتعرفو تخليهو يدخل المنتدي..

مع خالص شكري ليك...

عمك تنقو

12-03-2005, 07:32 AM

كاتب الرسالة الأصلية waheeb
الأخ العزيز عمك تنقو.. اولا كل التحايا العطره ليك وانت تتحفنا بحكاياتك الممتعه.

سؤالي ليك منذ متي وانت تهتم بهذا النوع من التراث؟. والسؤال الثاني بتعرف جمال عثمان .. معاكم في السلطنه يا ريت لو بتعرفو تخليهو يدخل المنتدي..

مع خالص شكري ليك...

شكرا أخي وهيب
والتراث أصل متطبع فينا بحكم البيئة

اتصلت علي الأخ جمال وضحك كثيرا وقال مقصر معاك في الرسائل وعلمت منه أنك تعمل بمصفاة الجيلي وسوف يكون بالمنتدي قريبا وهو من أعز الأصدقاء

ويغريك السلام

وتقبل سلام عمو

ويديك العافيةhttp://newnewnew.jeeran.com/redrose.gif

waheeb

12-03-2005, 09:08 AM

شكرا كتير علي اهتمامك .. ودا طبك ما حاجه جديده عليك ..

ونتمني نشوف أخونا جمال وسط اهلو وديارو قريب ان شاء الله..

ابومرام

12-03-2005, 09:41 PM

نقو كيف الحال وانشاء الله طيب
اختار واحد من الاثنين :-
(1) ترجع طفل لزمان الطفولة وتعيش العمر من البداية ؟
(2) تكون حبوبة وتحجي الناس ديل ؟؟
اذا كنت مديراً للموسيقة والمسرح بودمدني ماهي الفكرة والروى الجديدة من تغيرات تلزم شخصك 0 بيناتنا وعد انشاء الله 0 تسلم

أبوبكرحامد

13-03-2005, 06:14 AM

عمك تنقو .......................

ماهو وجه الشبه بين مسقط ومدنى ؟؟

كم لمبة فى كوبرى حنتوب مولعة ؟؟

آخر مرة أكلت أقاشى متين ؟؟

عمك تنقو

14-03-2005, 06:10 AM

كاتب الرسالة الأصلية waheeb
شكرا كتير علي اهتمامك .. ودا طبك ما حاجه جديده عليك ..

ونتمني نشوف أخونا جمال وسط اهلو وديارو قريب ان شاء الله..

http://newnewnew.jeeran.com/redrose.gif

شكرا وهيب علي اهتمامك بالاصدقاء والمنتدي

وانت كسلان زي عمك كده مالك 00 عايزين نشوفك أكتر ‍

عمك تنقو

14-03-2005, 06:21 AM

كاتب الرسالة الأصلية ابومرام
نقو كيف الحال وانشاء الله طيب
اختار واحد من الاثنين :-
(1) ترجع طفل لزمان الطفولة وتعيش العمر من البداية ؟
(2) تكون حبوبة وتحجي الناس ديل ؟؟
اذا كنت مديراً للموسيقة والمسرح بودمدني ماهي الفكرة والروى الجديدة من تغيرات تلزم شخصك 0 بيناتنا وعد انشاء الله 0 تسلم

http://newnewnew.jeeran.com/redrose.gif

ود الشريف : كربتني شدييييييد !!

1 - ياليت الشباب يعود يوما وأخبره بما فعل المشيب

2 - ما هو أنا بحجي فيهم أسه هههههههه !!

3 - تغيير يتناسب وعظمة هذه المدينة ابتداء من دار الفنانين والأدباء والشعراء
التي أنجبت الكاشف والخير عثمان ومحمد الأمين وأبو عركي البخيت 00 يكفي !

أفوتك عافية يا ود الأهل

عمك تنقو

14-03-2005, 06:45 AM

كاتب الرسالة الأصلية أبوبكرحامد
عمك تنقو .......................

ماهو وجه الشبه بين مسقط ومدنى ؟؟

كم لمبة فى كوبرى حنتوب مولعة ؟؟

آخر مرة أكلت أقاشى متين ؟؟ ]

ود المأذون 00 الرجل المبدع :

( ! ) الشبه الوحيد بين مسقط وود مدني :

الناس الطيبة

( 2 ) في كويري حنتوب في لمبتين واحدة في أول الكبري من الناحية الغربية والتانية من الناحية الشرقية وكان مغالطني أسأل / محمد هارون الفلاتي عتالي في خشم الكبري أو ستات التسالي !!

ألأقاشي ممكن آكل خروف كامل 00 ده حاجة خرافية وآخر مرة كان في شهر فبراير 2004م في سوق أمدرمان 00

تسلم ياغالي

وأفوتك عافية

00http://newnewnew.jeeran.com/redrose.gif

ابومرام

14-03-2005, 10:47 PM

الف صباح عمنا نتقو : والله ماناسينك لكن المشغولية وانت عارف 00
قد نطرح اليك الاسئلة وانت بافكارك وطموحاتك لتلك الام مدني تتمنى لها كل جمل ولكن عبرك نرجو نسخ كل الاسئلة وتوجيهها كاختراح لجهات الاختصاص المسئولين حتى يقوم كل ذو منصب بمهمتة وحتى نصل للغالية النبيلة التي يتمناها كل مواطن لها 00
مثلا قد تكون جماليات المدن في الصحة والتعليم والنظافة بصورة عامة شوارع سفلتة والى ماشابه ذلك نتمنى ان تصبح مدينتنا بكل هذه المواصفات 00 وباسمك نقدمك وانت رئيساً لـــــــــــــــ :-
1- وزير لصحة0
2 -مدير التربية والعليم 0
3مدير الطرف والكباري 0
4- مدير الثافة 0
ارجو مااكون اثقلت عليك نأمل ان نجدك في كل المحافل ولك التحية 00

لينا وعد لو ربنا مده في الايام ،،،،،،،،،،،،،،،،،

أبوبكرحامد

17-03-2005, 12:38 AM

حبيبنا عمك تنقو ...... احكى لينا موقف طريف مر بك أو مررت به

عمك تنقو

17-03-2005, 06:04 AM

كاتب الرسالة الأصلية ابومرام
الف صباح عمنا نتقو : والله ماناسينك لكن المشغولية وانت عارف 00
قد نطرح اليك الاسئلة وانت بافكارك وطموحاتك لتلك الام مدني تتمنى لها كل جمل ولكن عبرك نرجو نسخ كل الاسئلة وتوجيهها كاختراح لجهات الاختصاص المسئولين حتى يقوم كل ذو منصب بمهمتة وحتى نصل للغالية النبيلة التي يتمناها كل مواطن لها 00
مثلا قد تكون جماليات المدن في الصحة والتعليم والنظافة بصورة عامة شوارع سفلتة والى ماشابه ذلك نتمنى ان تصبح مدينتنا بكل هذه المواصفات 00 وباسمك نقدمك وانت رئيساً لـــــــــــــــ :-
1- وزير لصحة0
2 -مدير التربية والعليم 0
3مدير الطرف والكباري 0
4- مدير الثافة 0
ارجو مااكون اثقلت عليك نأمل ان نجدك في كل المحافل ولك التحية 00

لينا وعد لو ربنا مده في الايام ،،،،،،،،،،،،،،،،،

http://newnewnew.jeeran.com/redrose.gif

وزير مرة واحدة يا ود الشريف !!!

1 - كانت أجمل الأيام وأجمل سكة حديد في السودان 00 كانت مدني 00 كان المسافرين لمّا يجو بي قطر الأبيض الشهير بقيف ساعة الناس بتجري جري عشان تآكل في السوق الكبير فول أبو ظريفة 00 أين تلك الأيام صارت كالأحلام
وأصبحت السكة حديد مرتع للحمير والكلاب وفضلات البشر 00 واذا كنت وزيرا للصحة سأعمل ثورة صحية لنظافة السكة حديد من هذه القاذورات والنفايات لأعيد لهذا المعلم البارز هيبته فقط في المظهر العام !!

2- سأهتم فقط بكبري حنتوب المهمل وهو لا يقل عن ميناء بورتسودان لأنه المنفذ الوحيد بعد البحر الذي يؤدي بك داخل السودان بكل المعاني التي تحمل اقتصاد السودان توريدا وتصديرا 00 هذا الكبري لا توجد فيه انارة كافية وهذا يكفي !!!

3- اذا كنت وزيرا للثقافة سأعيد لودمدني المحافل التي كانت تملأ المدينة ندوات
ومسرح وفنون 00 أيام زمان !!!

أشكرك جزيل الشكر ياولدنا

وأفوتك عافية

عمك تنقو

17-03-2005, 06:13 AM

كاتب الرسالة الأصلية أبوبكرحامد
حبيبنا عمك تنقو ...... احكى لينا موقف طريف مر بك أو مررت به

http://newnewnew.jeeran.com/redrose.gif

ود المأذون الظريف
بركة الشفناك ونعم الشوفة

الموقف الطريف كان في الاجازة الفاتت كنت اجلس مع الأهل في الدكان في السوق الكبير 00 وكنت الاحظ كلما يجي شحاد يقولوا ليهو 00 الله يديك امشي تعال بكرة وتكررت المسألة يوميا 00 كان في يوم الجماعة قالوا لي عليك الله اقعد لينا في الدكان ده لي حدي ما نجي !
وقعدت يازول وبعد شويه جاني شحاد اعمي قايده ولده 00 وقف وقال كرامة لله
وكالعادة زي ما سمعت قلت ليهو الله يديك 00 امشي تعال بكرة ؟
والظاهر الراجل فرز الصوت 00 الصوت السمعو ده ماياهو الصوت البسمعوا كلو يوم ؟

مشي مسافة وجاني راجع ولده 00 قام قال لي :

أبوي قال ليك بكرة في شنو ؟؟