بشرى لأعضاء المنتدى المغتربين بالسعودية [الأرشيف]

مشاهدة النسخة كاملة : بشرى لأعضاء المنتدى المغتربين بالسعودية

أم سماح

28-02-2012, 09:11 PM

يغادرنا صباح اليوم متوجها للمملكة العربية السعودية فى زيارة إجتماعية قصيرة
الشيخ أزهرى محمود مدير جهاز المغتربين ولاية الجزيرة
سائلين الله أن توفقوا فى لقائه .. لما فيه الخير لكم بصفة خاصة ولمدنى بصفة عامة
أمنياتنا لكم بلقاءات جميلة شفافة و له بإقامة طيبة ..

abomazeen

28-02-2012, 09:19 PM

الفخيييم

29-02-2012, 12:21 AM

مين ازهري ده ؟؟؟
فقد كثرت الزهور والورود
دون جدوي ؟؟؟
الغريبه الوالي ذاتو جاء السعودية
قبل كده وما شوفنا حاجة لا حل
اشكالية لمغترب ولا يحزنون!!
احسن تقولي زيارة اجتماعية
لاقرباه وكده ويا ريت الاشراف
ينقل البوست الي قسم الاقتراحات
والمناسبات والشئون الاجتماعيه!!!!!!!

شنو يعني جهاز تنظيم شئون العاملين
بالخارج مزيدا من الرواتب التي تهدر
ومزيدا من الجبايات التي تثقل كاهل المغترب......

تخريمة:ابومازن ازيك ياخ ليك وحشة ...

abomazeen

29-02-2012, 12:37 AM

النويري

29-02-2012, 12:38 AM

ام سماح الناس ديل بجو هنا للعمرة ومئارب أخر شبعنا من جياتهم مغتربين قاعدين بالسنين الواحد مالاقي قطعة أرض في الملكية ناهيك عن مدني

مشكورة على هذا الخبر

النويري

29-02-2012, 12:40 AM

الفخيم وأنا اقول المنتدى منور كده اتاريك في اللعب زاتو الشوق بحر وحمد الله على السلامة وبركة الشفناك طيب ياخ عقبال أدروب يظهر

الجندي المجهول

29-02-2012, 12:54 AM

شوية كدا وبجيكم باذن الله
اذا كان في العمر بقية

زول يعرش مافي لما اجي بحول الله ونشوف الحاصل شنو
الموضوع شوفوا بالله جاب منو (ابو مازن + الفخيم+النويري) نار منقد بس والله

النويري

29-02-2012, 01:00 AM

شوية كدا وبجيكم باذن الله
اذا كان في العمر بقية

زول يعرش مافي لما اجي بحول الله ونشوف الحاصل شنو
الموضوع شوفوا بالله جاب منو (ابو مازن + الفخيم+النويري) نار منقد بس والله

جندينا تحياتي والله الشوق بحر وينك يا راجل ما شفناك في الربيع العربي دا وبعدين نعرش دي شنو نحن يا داب في الأساسات موضوعنا طويل خلينا من العرش أجلو شوية

الفخيييم

29-02-2012, 01:04 AM

مييييين الفخيييييم حبيب قلبي
والله يا ررراجل لك شوق
أظهر وبــان ولك الامــان
البركة في الزيارة ... شوفناك هنا

تسلم يا ابو مازن والجري حاصل
كل يوم في حته نفضي ونكون
اساسيين معاكم بعون الله ...

الفخيييم

29-02-2012, 01:07 AM

الفخيم وأنا اقول المنتدى منور كده اتاريك في اللعب زاتو الشوق بحر وحمد الله على السلامة وبركة الشفناك طيب ياخ عقبال أدروب يظهر

النويري حبيبنا منور بوجودك
طولنا من الصراعات ياخ
قلنا نتعرف بأبوالزهور مدير
العاملين بالخارج وهو في الاندلس ده!!!
جابت ليها زيارات اجتماعية في المنتدي
العام كمان!!!

أبوربا

02-03-2012, 02:56 AM

العنوان اعلامي بحت.....بشرى...صراحة تأتي البشرى باكتساب المكاسب المادية....ماهي المكاسب المادية التي سوف يكتسبها المغتربون من هذه الزيارة...هل هي زيارة رسمية لتقديم خدمات للمغتربين أم هي زيارة خاصة به....أما غير ذلك فأهلا به كرجل سوداني نفتخر به لأنه سوداني...محترم ومؤدب...واخلاقه فاضلة....حياك في بلاد الحرمين

عباس الدسيس

02-03-2012, 09:36 PM

استهواني العنوان
بعبارة اخري عجبني العنوان ....... حكاية عجيبه
بشري لينا بحضور الشيخ ازهري .... انجدنا والحقنا شيخ ياتو سجادة
سجادة المؤتمر الوطني
جاي اوزع لينا هنا شنو
بشري لغة جميلة في الكتابة الراجل عملتيهو زي دعاية الصابون اجمل نقول كريمات غدر ظروفك
والبتم باقي العنوان اقول المغتربين متسولين جاياهم بشري
البلد خليناها عشانم برضو لاحقننا هنا
اول مره اسمع في جهاز مغتربين بالولاية
الظاهر الجهاز الكبير اصبح يتناسل ((يتوالد)) فرخ اجهزة في الولايات زي اللجان الشعبية
اها الشيخ بصل متي عشان نقيف ليهو طابور صباح ونفرش ليهو ارض المطار ورد

Isam Hussien H

02-03-2012, 11:30 PM

كما لفت إنتباه أخونا عباس العنوان .. لفت إنتباهي { بالله قومي لفي بلا بشري بلا حاج عبداللطيف } وهذه عبارة لم أتوقع عباس الدسيس بكل تاريخ نضاله ونضال أسرته أن يأتي بها للتعبير عن رفضه .. كنت أتخيل الدسيس يتناول الموضوع بعمقه من زوايا أخرى .. ماذا قدم الجهاز للمغترب , وما هي المسئوليات المحورية التي يجب أن يحملها .. وسوء المعاملة التي يتضجر منها المغترب عند مراجعة الجهاز .. أو غير ذلك من أشياء أخرى ..
لن نترك البلد لمؤتمر وطني أو غيره فهو وطن الكل وهم جزء من التكوين السياسي المعوق الذي جعل منهم أصحاب نفوذ .. وبالتالي رفضهم بتعريتهم أقرب إلى تحقيق النتائج وإن كانت التعرية لا تحتاج لجهد..

من جانبي ورغم عدم معرفتي لا عن قريب أو بعيد برئيس الجهاز .. ولا تمتد معرفتي إلى أكثر من صف ضابط كان تلميذي في أحد الأيام .. والأخت الفاضلة جنابو هويدا من بنات مدني وتحمل أُسسها في خدمة الكل والتعامل بكل أدب وذوق وفي حدود ما تمنحه لها صلاحياتها من الوظيفة التي تحتم عليها عدم تجاوز الإجراءات من أجل أحد ..

إلا أنني أقول لك كمستفيد من إجراءات الجهاز بالمدينة ، بغض النظر عن من يعمل به مؤتمر وطني أو حزب أمة أو شيوعي ، فهو قد أنزل حمل كبير من كاهل أبناء المدينة وجميع ولاية الجزيرة وغيرهم ممن يأتون حتى من الخرطوم ... لسهولة الإجراءات والإحترافية في أدائها والأدب الجم فهم أبناء مدني يمارسون وظائفهم بذات عقلية خدمة الغير بدون حدود .. هذا لا يعني بأنه لا يوجد سلوك فردي قد يكون مشاتر .. وإن لم يحدث معي .. إلا أن الشذوذ قد يرد ..

من الناحية الأخرى أم سماح موظفة بالجهاز .. يهمها أن ترى أشقائها بهذا المنتدى يحتفلون برئيسها في العمل .. شنو المشكلة في ذلك ؟ هل نحن حرقنا كل من يعمل بالحكومة .. نختلف مع الآخرين دون شك في سياستهم المعلنة التي تضر بنا وأضرت بنا فعلاً إلا أننا نقبلهم إجتماعياً غصباً عننا لأننا هكذا منذ التاريخ .. إلغاء الآخر لا يشبه من يعتقد في الجو الديمقراطي العام والناجح على المستوى الإجتماعي على الوجه الخاص ..

صابرحسين

03-03-2012, 12:26 AM

nehroo

03-03-2012, 12:45 AM

لما فيه الخير لكم بصفة خاصة ولمدنى بصفة عامة
..

أم سماح لو جئتي الموضع بغير هذه الزاوية لوفقتي
والعنوان يعطي انطباع غير مافي الموضوع ..
الاستاذ أزهري قابلته في السعودية والسودان
ونمت بيننا علاقات طيبة
فهو رجل طيب وبشوش وإجتماعي
نتمنى له زيارة وإقامة طيبة

الفخيييم

03-03-2012, 12:59 AM

الاستاذ عصام حسين تحياتي،،،
مسمي الجهاز نفسه من اجل
الجبايات التي تدخل خزانة
الدولة يعني تحصيل في المقام
الاول لا خدمة مغتربين ولا
يحزنون يبقي زيارة ازهري قد تكون
صلة رحم وبالفهم ده البوست مفترض
يكون في الاقتراحات والمناسبات
اضف لذلك اذا ارادت ام سماح
ان تحتفل برئيسها في العمل لشئ
تعرفه هي ما جدوي طرح الموضوع
في المنتدي العام (بشري سارة)وين
البشري التي يجنيها اشقائها في المنتدي علي حد تعبيرك؟؟؟
بالفهم ده لو رئيسي في العمل ماشي القضارف
ولا امبرمبيطة عادي ادعو الجميع هنا للاحتفال به
تبقي دوافع شخصية لا تخدم السواد الاعظم
في هذا المنتدي الاعظم ولا شنو؟؟؟

تخريمه:كل مؤسسة لا تخدم هموم من اتت من
اجلهم تقوم تلف ...

بدر الدين احمد الطائف

03-03-2012, 01:59 AM

ك

من جانبي ورغم عدم معرفتي لا عن قريب أو بعيد برئيس الجهاز .. و
إلا أنني أقول لك كمستفيد من إجراءات الجهاز بالمدينة ، ..

عن نفسى اقول باننى مستفيد جدا من وجود الجهاز بومدنى بالرغم من القروش الكثيره القاعدين ندفعه.
ولا اذكر اخر مره ذهبت فيها للخرطوم لعمل اجراءت بها.

عباس الدسيس

03-03-2012, 02:13 AM

كما لفت إنتباه أخونا عباس العنوان .. لفت إنتباهي { بعض العبارات } وهذه عبارة لم أتوقع عباس الدسيس بكل تاريخ نضاله ونضال أسرته أن يأتي بها للتعبير عن رفضه .. كنت أتخيل الدسيس يتناول الموضوع بعمقه من زوايا أخرى .. ماذا قدم الجهاز للمغترب , وما هي المسئوليات المحورية التي يجب أن يحملها .. وسوء المعاملة التي يتضجر منها المغترب عند مراجعة الجهاز .. أو غير ذلك من أشياء أخرى ..
لن نترك البلد لمؤتمر وطني أو غيره فهو وطن الكل وهم جزء من التكوين السياسي المعوق الذي جعل منهم أصحاب نفوذ .. وبالتالي رفضهم بتعريتهم أقرب إلى تحقيق النتائج وإن كانت التعرية لا تحتاج لجهد..

من جانبي ورغم عدم معرفتي لا عن قريب أو بعيد برئيس الجهاز .. ولا تمتد معرفتي إلى أكثر من صف ضابط كان تلميذي في أحد الأيام .. والأخت الفاضلة جنابو هويدا من بنات مدني وتحمل أُسسها في خدمة الكل والتعامل بكل أدب وذوق وفي حدود ما تمنحه لها صلاحياتها من الوظيفة التي تحتم عليها عدم تجاوز الإجراءات من أجل أحد ..

إلا أنني أقول لك كمستفيد من إجراءات الجهاز بالمدينة ، بغض النظر عن من يعمل به مؤتمر وطني أو حزب أمة أو شيوعي ، فهو قد أنزل حمل كبير من كاهل أبناء المدينة وجميع ولاية الجزيرة وغيرهم ممن يأتون حتى من الخرطوم ... لسهولة الإجراءات والإحترافية في أدائها والأدب الجم فهم أبناء مدني يمارسون وظائفهم بذات عقلية خدمة الغير بدون حدود .. هذا لا يعني بأنه لا يوجد سلوك فردي قد يكون مشاتر .. وإن لم يحدث معي .. إلا أن الشذوذ قد يرد ..

من الناحية الأخرى أم سماح موظفة بالجهاز .. يهمها أن ترى أشقائها بهذا المنتدى يحتفلون برئيسها في العمل .. شنو المشكلة في ذلك ؟ هل نحن حرقنا كل من يعمل بالحكومة .. نختلف مع الآخرين دون شك في سياستهم المعلنة التي تضر بنا وأضرت بنا فعلاً إلا أننا نقبلهم إجتماعياً غصباً عننا لأننا هكذا منذ التاريخ .. إلغاء الآخر لا يشبه من يعتقد في الجو الديمقراطي العام والناجح على المستوى الإجتماعي على الوجه الخاص ..

عصام حسين سلامات
سعيد الاقيك في لفة زي دي لفة صاحبة البوست بنجيها بعدين .
بدون الدخول في تفاصيل مداخلتكم التي تحمل الطبطبه والغتغته لهذا الجهاز وخدماته وتحمل المواساة في مداخلتي لصاحبة البوست إن موضوع الاغتراب ليس بجديد علي المواطن السوداني رغم اختلاف دواعيه وبيد إن هنالك اختلاف بين مغترب السودان وأي مغترب لدولة اخري انشاءالله دولة شاد تهتم بمواطنها مما دعي الي كثير من السودانيين باللهث للحصول علي الجنسية الشادية وإذا قلنا ماهو الفرق بين المغترب السوداني ومغتربي الدول الاخري نجد أن هنالك تنظيم لعملية الاغتراب عموما عن نوعية التخصص والعمل تحت اشراف مكتب العمل بتقديم هذه الخدمات تضامنا مع السفارة للحفاظ علي حقوق المواطنيين ولكن عندنا في السودان الاغتراب بي الضراع والحكومة ممثله في الهيئات التي ترعاها بمسميات مختلفة لابته للناس للتحصيل والجباية وربنا ما اوقعك في مشكله لا تلقي سفارة لا جهاز مغتربين وياما في الاغتراب من مظاليم.
وكما معروف ان الاغتراب والهجرة لها اسابا ودواعي بدات تسلسلية في السبعينات كانت من اجل تحسين الوضع المالي وهي بداية الاغتراب حيث كانت منظمة نوعا ما بالانتداب للموظفين والفرص التي يتم طرحها علي العامة من خلال مكتب العمل وهؤلاء هم من غرسو السيرة الجميلة للمغترب السوداني ، الثمانينات بدأت الضائقة المعيشيه والاقتصادية اما في عهد الانقاذ ومع سياسات التمكين والصالح العام والاضهاد السياسي اضافة للعوامل الاقتصادية اجتمعت كل الاسباب الطاردة من البلد والتي دفعت المواطن المؤهل والغير مؤهل للبحث عن الرزق في بلاد الله الواسعه بمعني ان الموضوع ليس تحسين وضع اقتصادي للمغترب.
نرجع لي موضوع الطبطبه والغتغته في مضمون المداخله التي تثني علي بعض الاعمال لهذا الجهاز الهزيل. الذي بدأ
يتنصل ويتبرأ من بعض الاعمال المرتبطه بالجهاز وتعتبر اساس عمله وهي إدارةالضرائب، الزكاة، الخدمة الوطنية، إدارة الجوازات،
طيب شغل الجهاز شنو وماهي الخدمات التي يقدمها مع العلم الناس ديل بياخدو رواتب وصرف لبنود لا يعلم بها الي الله ابسط شيء نجد ان 95% من المغتربين منازلهم في السودان من حر مالهم دون وجود خطط لاسكانهم ،ومن وقت لأخر تأتي وفود إلي دول الاغتراب بحجة أن هنالك خطة إسكانية للمغتربين ويتم تعبئة الاستمارات وتُجّبَى رسوم مقابل ذلك وينتهي الأمر بسفر الوفد ويموت الموضوع لتموت معه أحلام الذين يمنون نفسهم بقطعة أرض صغيرة من الوطن الذي وزعت اراضيه اشلاء والحلم الاخر هو جامعة المغتربين صاحبة الرسوم العالية والباهظة التي لو قارناها باكسفورد نجدا ان رسم هذه الجامعه هي الاعلي .
ده كلو كوم وحكاية التاشيرة بتاعت الخروج للمواطن... دول العالم كلها مافي تاشيرة خروج لمواطن ما عدا السودان بالله الجهاز ما بخجل عملو شنو ويا الريس عصام حسين بحكاية الخروج العملوها في مدني بتفتكر دي خدمة ممتازة للمواطن الفكرة ليس تسهيلا للمواطن بل تسهيلا للتحصيل السريع وتفاجأ برسوم مغادرة في المطار بعد تاشيرة الخروج طيب ما نطلب من الجهاز اعمل لينا دي ايضا من مدني عشان الدفع اكون مرة واحدة .
هنالك مكتسبات وحقوق مواطنه هل تعتقد ان التعامل بتهذيب لتحصيل الاموال مكسب وماهي حقوق المواطنه التي اتمتع بها.
يا حبيبنا المغترب بدفع لدولة لم توفر له سبل العيش الكريم ولا الوظيفه وكانت سبب في تشريده.
اما بخصوص لفة ام سماح.... في اخوان فوق اسهبو في لفتها بان يتم تحويل البوست للاجتماعي للاحتفال برئيسها مالم يكن المنبر توجهاته هي توجهات جهاز المغتربين ويخدم كطرف اعلامي للتحصيل المالي للدولة.
اما عن طيبة الراجل كانت ام سماح ترسل لينا رسائل داخليه حتي نكرم مثواه بطيبة السودانيين دون بشري لنا ذائفة.

أم سماح

03-03-2012, 03:38 AM

الفخيييم ..
أرجو أن يلبى الإشراف طلبك ويحول البوست الى قسم الاقتراحات والمناسبات والشئون الإجتماعية
أما حكاية طولت من الصراعات فهذا شأنك أنت .. ومعى وعبرى لن تنالها .
هذا ردى الأول والأخير .
سلام

أم سماح

03-03-2012, 03:47 AM

أم سماح

03-03-2012, 03:52 AM

الجندى المجهول
الموضوع لا نار منقد ولا نار قشقش
ولا أظنه هبود وكان عتدك متطوعين للعرش خليهم يعرشو
وعلى كيفكم كان عايزين تخلوه ساى

أم سماح

03-03-2012, 03:59 AM

أيو ربا
أنت بالذات دون غيرك من المشاركين قصدك بالخبر
لتهون عن نفسك وتجد اجابة لكل استفسارتك ..
و لا أول مرة أعرف بأن البشرى تأتى بإكتساب المكاسب المادية
اللهم زيدنى علما

أم سماح

03-03-2012, 04:11 AM

عباس الدسيس
أحفظ مقولة للأستاذ/ عصام حسين وهى أن المفردة تأتى بمثلها
ناشدك الله أن تشرح لى عبارة بالله قومى لفى ..
وعبارة زى لفة صاحبة البوست فهى تحمل عدة معانى
وطالما لك ولاسرتك تاريخ نضال كما ذكر الاسناذ/ عصام أرجو أن تأتى بمغردات لا تحمل أكثر من معنى واحد
حتى أفهم سارد عليك !!

أم سماح

03-03-2012, 04:25 AM

أم سماح

03-03-2012, 04:33 AM

كل المداخلين والمشاركين
لو لا تكليف أحدكم بتوصيل استفساراتكم لمدير الجهاز لما فعلت ذلك
ولم يزيدنى هذا الصنع شيىء ولم أجنى من ورائه مصلحة
فكل الامر كان تكليف بالنسبة وليس تشريف
لكم الشكر

أم سماح

03-03-2012, 04:38 AM

أخيرا
ياريت نقدكم واستفساراتكم وتلميحاتكم وشكواكم
تسلك الطريق الصحيح لأصحابها فلكل عنوانه ولكل مكتبه
صفحات المنتدى لن تحل مشكلة ولن توصل خبرا
المعنيين ما بدخلوا المنتدى

النويري

03-03-2012, 04:45 AM

النويرى
الله يهون امورك ويحقق أمانيك وبدل قطعة الارض يديك بيوت ..
ولو إنت فى الاساسات أو فى نهاية الموضوع .. كله واحد . الموضوع بالنسبة لى انتهى
والحجة وراء وبدون سيدها يتيمة
بالعربى عديل ودغرى من الآخر لو عرشوا كدة أو خلوه كاشف ما فارقة

ام سماح لك العتبى حتى ترضي وإن كان قد نابك من كلامي شيء فأنا اسف جداً

ماقصدته هنا في مداخلتي ليس له علاقة بالمهاترات ولا أقصد الشخص مثار النقاش ولا أعرفه ولم أراه في حياتي بل أنا وكل مغتربين ودمدني أستفدنا من هذا الجهاز في عملية الإجراءات للسفر وكنا في السابق نتكبد عناء السفر إلى الخرطوم والأن وأنا أسكن بالقرب من الجهاز صار بمقدوري إتمام إجراءاتي في ظرف لحظات وفي يسر وسهولة تامة وهذه خدمة عظيمة ولي صداقات داخل جهاز المغتربين بودمدني وزملاء دراسة أعتز بهم كثيراً ولكن بصفتي كمغترب أقول لك بأن كل يأتي من أعضاء أجهزة الدولة بمختلف تخصصاتها وعبر زياراتها المتكررة بل فكل من أتى لزيارة المملكة يقيمون له السرادق وفي نهاية القصة تطلع فشوش لذلك اصاب المغترب خيبة أمل كبيرة تجاه قضاياه حيث أنه من المفترض أن يتناول المسؤولون في قطاعات الدولة هذه القضايا التي خرج المواطن السوداني من أجلها وتلبية حاجاته.

لكن حلوة لو عرشو كده أو خلوهو كاشف دي

أم سماح

03-03-2012, 06:08 AM

هذا ما ورد في خاطري أستاذنا الحبيب عصام حسين وبالذات جزئية الأخت أم سماح التي كتبت البوست بحسن نية وفي ظنها أن الكثيرين يبحثون عن هذه الفرصة لطرح قضايا كثيرة من أراضي وغيره ، ومهما يكن الجهاز موجود ومعني بأشياء كثيرة وكما تفضلت طرحها للإدارة بصورة مباشرة قد يأتي بالمفيد .........

تحياتي وتقديري

أخى صابرحسين
أنت الوحيد الذى أصبت .. هذا بالضبط ما قصدته وما أردته
وكل المشاركون أظنهم أدركو هذا ..
ولكن فيهم من طول من الصراعات ومن لم يكمل حديثا من قبل
وفيهم من شايل هبابته يهب فوق النيران عشان تلهلب
تحياتى وتقديرى
كرمت وسلمت ياصابر حسين

فراس

03-03-2012, 06:53 AM

‏...........

الفخيييم

03-03-2012, 07:15 AM

يبقي الغرض من طرح الموضوع التطبيل
ولا مكان للمطبلاتية في هذا الصرح ..
اتمني ان تكون ام سماح استفادت من
بعض المداخلات حتي يتسني لها
الرد الموضوعي للاخوة الافاضل..

تخريمة: الصراعات هنا تعني الفكر يا ام سماح
وما اجمل الصراعات الفكرية لانها تضيف للقارئ
الكثير وهذا هو ديدن المنتديات يا عزيزتي الفاضله...
حسب ردودك دي مفترض البوست كلو كده يقوم يلف!!!

بالتوفيق للفنانه انصاف مدني...

الفخيييم

03-03-2012, 08:07 AM

[QUOTE=أم سماح;671854][I][FONT=Tahoma][SIZE=4][COLOR="#0000FF"]أخيرا
ياريت نقدكم واستفساراتكم وتلميحاتكم وشكواكم
تسلك الطريق الصحيح لأصحابها فلكل عنوانه ولكل مكتبه

قصدك المنتدي ده للونسة؟؟؟
الهدف الرئيسي من المنتديات
مناقشة القضايا والاسهام في
ايجاد حلول لها ...
وصناديق المقترحات بتاعة
ما يسمي بجاهز شئون العاملين
بالخارج ده بيمتلئ وبيمشي اقرب مذبلة!!!
طالما المعنيين ما بيتصفحوا المنتديات والصحف
يبقي علي الدنيا السلام يا ربي مشغولين بشنو؟؟؟؟

تخريمة : مافي تخريمة ذاتو..

بابكر عباس

03-03-2012, 08:34 AM

عباس الدسيس

03-03-2012, 09:37 AM

ام سماح سلام
بعد مراجعة المداخلات الاخيرة منك وجدت نفسي غلطان معاك بس في مسببات المسألة ليس بحساسية مع الهيئات والتنظيمات الحكومية او المعارضة القضية في استفزاز العنوان نظرنا ليهو بمنظار مدمني ومحترفي الاسافير اتضح حسن نيتك في العنوان والبوست كلو عبرتي عنو في ملخص قصير بدون تكرار والناس هنا ما عايزة صراعات ولا تصفية حسابات بس عندهم تجارب مع الهيئات الحكومية ومن ضمنها الجهاز وانتي زولة موظفة بحسن نية فتحتي البوست نتمني اكون الكلام وقع ليك
وبيني وبينك الصرعات الفكريه الحادة بنفتش ليها عشان ننعش رتابة الحياة من ناحية عامة والناحية الخاصة الناس عندها قضايا يعني ما بكتبو للتسلية او المجاملات وحسي انا لابت لي بابكر عباس بعد ما اخلص منو العقاد.
بابكر مرحب بيك في تسجيلك التاني عارفك ما بترد علي.

أبوربا

03-03-2012, 10:18 AM

الأخت أم سماح...صراحة باين من ردك زعلتي...لازم توسعي صدرك شوية..انت تتعاملي مع سودان واسع متنوع ومختلف..أختلفنا معك في العنوان فقط وليس وصول الأخ الفاضل أزهري...فهو رجل محترم يستاهل كل احترام وتقدير...وصاحب اخلاق فاضله..نحترمه لشخصه وليس لوظيفته...وافيدك من الشعر والله أنا غير مستفيد من جهاز المغتربين مدني ويمكنني ان اكمل كل اجراءاتي بالخرطوم..لاني اسافر على الخطوط السعودية وهذه تفرض علي ذهابي للخرطوم لعمل الاوكي..أما بخصوص الأراضي الحمد لله قدرزقني الله ببيت من حرمالي والحمد لله...بل أكثر من مرة بيعت الأراضي بالقنصلية لم افكر حتى أن أحدث نفسي للذهاب لشراء قطعة أرض..وذلك لقناعات خاصة..الأخت أم سماح الذي يخرج للعمل العام لابد أن يستوعب جميع الناس...اما تمنين علينا بسألتنا لك..والله من باب التواصل مع أهل القرار..ليس إلا....واذا كان هذا تعاملك أفضل مراجعة نفسك...اما المهاترات السياسية والله هذا الذي ضيع السودان...الله المستعان...مع احترامي للجميع جهاز المغتربين جهاز خدمي..وليس سياسي...اتمنى ان نبتعد عن هذه الأمور والتي تؤدي للتفرقة بين أبناء الوطن الواحد...ام سماح نكرر ربما كانت نوايك سليمة ولكن في رأي أخطاتي في اختيار مانشست الموضوع..مما أدى لهذه الردود...مع تحياتي لك

أبوربا

03-03-2012, 10:26 AM

وأكرر كلمة بشرى تستخدم للافادة....يا أم سماح....والمغتربين تعودوا على مثل هذه البشريات بأراضي أو تخفيض ضرائب...فهمتي لماذا انهالت عليك الكلمات زرافاتاً وواحدانا...شكلك جديدة في جهاز المغتربين...على العموم السموحة والمعذرة لشخصك الفاضل..فهدفنا الصياغة الصحيحة للعنوانين فقط

أبوربا

03-03-2012, 10:32 AM

بابكر عباس

03-03-2012, 04:44 PM

بابكر مرحب بيك في تسجيلك التاني عارفك ما بترد علي.
معقولة بس! أنا ما أرد على "المناضل" إبن الأسرة "المناضلة"؟

عصمت* يجقلب والشكر لعباس

هامش:
لمن لا يعرفون:
* عصمت الدسيس سياسي مخضرم

بابكر عباس

03-03-2012, 04:48 PM

ومن الآن أنا سوف أزورك في مكتبك واعتذر لشخصك ...لأنك باين أنسانة تحبين الخير للجميع...الله يحفظك لعيالك يارب....ونسأل الله اجتماع كلمة اهل السودان لمصلحة السودان يارب...وأن يبعد عن وطننا كيد الأعداء المتربصين بسوداننا الحبيب...

حساسية شديدة!
الإعتذار مقبول، ما في داعي للزيارة
نحن المنتديات دي، بنخاف منها عشان جنس التلصق دا!

Isam Hussien H

03-03-2012, 08:31 PM

عصام حسين سلامات
سعيد الاقيك في لفة زي دي لفة صاحبة البوست بنجيها بعدين .
بدون الدخول في تفاصيل مداخلتكم التي تحمل الطبطبه والغتغته لهذا الجهاز وخدماته وتحمل المواساة في مداخلتي لصاحبة البوست إن موضوع الاغتراب ليس بجديد علي المواطن السوداني رغم اختلاف دواعيه وبيد إن هنالك اختلاف بين مغترب السودان وأي مغترب لدولة اخري انشاءالله دولة شاد تهتم بمواطنها مما دعي الي كثير من السودانيين باللهث للحصول علي الجنسية الشادية وإذا قلنا ماهو الفرق بين المغترب السوداني ومغتربي الدول الاخري نجد أن هنالك تنظيم لعملية الاغتراب عموما عن نوعية التخصص والعمل تحت اشراف مكتب العمل بتقديم هذه الخدمات تضامنا مع السفارة للحفاظ علي حقوق المواطنيين ولكن عندنا في السودان الاغتراب بي الضراع والحكومة ممثله في الهيئات التي ترعاها بمسميات مختلفة لابته للناس للتحصيل والجباية وربنا ما اوقعك في مشكله لا تلقي سفارة لا جهاز مغتربين وياما في الاغتراب من مظاليم.
وكما معروف ان الاغتراب والهجرة لها اسابا ودواعي بدات تسلسلية في السبعينات كانت من اجل تحسين الوضع المالي وهي بداية الاغتراب حيث كانت منظمة نوعا ما بالانتداب للموظفين والفرص التي يتم طرحها علي العامة من خلال مكتب العمل وهؤلاء هم من غرثو السيرة الجميلة للمغترب السوداني ، الثمانينات بدأت الضائقة المعيشيه والاقتصادية اما في عهد الانقاذ ومع سياسات التمكين والصالح العام والاضهاد السياسي اضافة للعوامل الاقتصادية اجتمعت كل الاسباب الطاردة من البلد والتي دفعت المواطن المؤهل والغير مؤهل للبحث عن الرزق في بلاد الله الواسعه بمعني ان الموضوع ليس تحسين وضع اقتصادي للمغترب.
نرجع لي موضوع الطبطبه والغتغته في مضمون المداخله التي تثني علي بعض الاعمال لهذا الجهاز الهزيل. الذي بدأ
يتنصل ويتبرأ من بعض الاعمال المرتبطه بالجهاز وتعتبر اساس عمله وهي إدارةالضرائب، الزكاة، الخدمة الوطنية، إدارة الجوازات،
طيب شغل الجهاز شنو وماهي الخدمات التي يقدمها مع العلم الناس ديل بياخدو رواتب وصرف لبنود لا يعلم بها الي الله ابسط شيء نجد ان 95% من المغتربين منازلهم في السودان من حر مالهم دون وجود خطط لاسكانهم ،ومن وقت لأخر تأتي وفود إلي دول الاغتراب بحجة أن هنالك خطة إسكانية للمغتربين ويتم تعبئة الاستمارات وتُجّبَى رسوم مقابل ذلك وينتهي الأمر بسفر الوفد ويموت الموضوع لتموت معه أحلام الذين يمنون نفسهم بقطعة أرض صغيرة من الوطن الذي وزعت اراضيه اشلاء والحلم الاخر هو جامعة المغتربين صاحبة الرسوم العالية والباهظة التي لو قارناها باكسفورد نجدا ان رسم هذه الجامعه هي الاعلي .
ده كلو كوم وحكاية التاشيرة بتاعت الخروج للمواطن... دول العالم كلها مافي تاشيرة خروج لمواطن ما عدا السودان بالله الجهاز ما بخجل عملو شنو ويا الريس عصام حسين بحكاية الخروج العملوها في مدني بتفتكر دي خدمة ممتازة للمواطن الفكرة ليس تسهيلا للمواطن بل تسهيلا للتحصيل السريع وتفاجأ برسوم مغادرة في المطار بعد تاشيرة الخروج طيب ما نطلب من الجهاز اعمل لينا دي ايضا من مدني عشان الدفع اكون مرة واحدة .
هنالك مكتسبات وحقوق مواطنه هل تعتقد ان التعامل بتهذيب لتحصيل الاموال مكسب وماهي حقوق المواطنه التي اتمتع بها.
يا حبيبنا المغترب بدفع لدولة لم توفر له سبل العيش الكريم ولا الوظيفه وكانت سبب في تشريده.
اما بخصوص لفة ام سماح.... في اخوان فوق اسهبو في لفتها بان يتم تحويل البوست للاجتماعي للاحتفال برئيسها مالم يكن المنبر توجهاته هي توجهات جهاز المغتربين ويخدم كطرف اعلامي للتحصيل المالي للدولة.
اما عن طيبة الراجل كانت ام سماح ترسل لينا رسائل داخليه حتي نكرم مثواه بطيبة السودانيين دون بشري لنا ذائفة.

تعرف يا دسيس بأني أتفق معك تماماً في كل كلمة قلتها .. وهذا ما أبحث عنه داخل عباس .. الموضوعية في فضح الأشياء ..
أنت تعرف بأن الأمر يتعلق بسلطة دولة وأننا إما أن ننقطع تماماً ونبحث عن جواز سفر دولة أخرى .. وإما أن ننضال لتحسين الظروف مع التعامل مع ما تفرضه السلطة خنوعاً وليس إقتناعاً .. الخروجية بالمقابل ومقابل كمان بدون إيصال حكومة لا يمكن قبولها .. إلا أن القبول بالدفع لا يعني قبول الفكرة ..

لدي تجربة شخصية مع رئيس جهاز المغتربين بالخرطوم عندما إختلفت مع أحد الموظفين وكان السبب بأن رئيس الجهاز ليس لديه سلطات لحسم الأمر وأن المرجعية هي رئاسة الجهة التي يتبعها الموظف .. وهذا يقود إلى أن لا ضرورة لرئيس جهاز وإنما الضرورة لمبنى يحتوي بداخله الجهات التي يحتاجها المغترب طالما توجد شروط وضوابط لخروج المواطن من السودان ..
بالتالي لا إختلاف في وجهات النظر ..

Isam Hussien H

03-03-2012, 08:35 PM

الأستاذ/ عصام حسين
الغرض من الخبر بغض النظر عن صياغته وضحته فى ردى لأبو ربا
ومعاذ الله أن أكون قد قصدت أن تكرموا الرجل أو تحتفلوا به ..
ولكن قصدت ويعلم الله أن يرد على إستفسار من له إستفسار
وشيخ أزهرى مدير الجهاز و أنا أتبع لإدارة قائمة بذاتها من الادارات الملحقة بالجهاز
لما يجيكم مدير الأراضى بكلمكم تحتفلوا بيهو
و أشكر ثنائك على العاملين بالجهاز طالما بلمنا مبنى واحد فأنا فرد منهم

أم سماح .. إحترام وتقدير ..

أنا أعلم مسبقاً ما دفعك لكتابة الموضوع وإطلعت أكثر من مرة على خدمات إستشارية تقديميها بالرجوع لأصحاب الشأن لديكم .. لكني إفترض الحد الأدنى وهو أن لك أشقاء هنا تتوسمي فيهم خيراً ..

وعذراً .. إن أصابك شئ من مداخلاتي ..

عباس الدسيس

03-03-2012, 08:38 PM

معقولة بس! أنا ما أرد على "المناضل" إبن الأسرة "المناضلة"؟

عصمت* يجقلب والشكر لعباس

هامش:
لمن لا يعرفون:
* عصمت الدسيس سياسي مخضرم

بابكر سلام
عصمت طبعا زول عندو تارخو السياسي براهو
تاريخي انا أسأل منو صاحبك بتاع امريكا .... الموضوع ده نخلي نرجع لي جقلبتي
رغم عن مساختك وقطامتك منتديات مدني بتستفيد منك اتمني تقعد معاهم ما اكون الجابك ليهم زهجة من منابر المثقفاتية صحبانك راجعته بعض مداخلاتك التي تتحدث عن حزف المواضيع وكانت مداخله جميلة رغم عن انك ما نازل لي من حلقي,
وبالمناسبة دي يا بابكر نجعل البوست البسيط في معناه تجربة لمستوي الكتابات والحريات :
وصلتني رسالة رقيقه في مضمونها من المشرف تستأذن في حذف عبارة (( قومي لفي)) ولم ارد عليها لعدم التواجد بالنت اتبعتها رسالة اخري رقيقه ايضا توضح ان الاجراء قد تم والحادثه مماثلة لحادثتكم رؤيتي:
لا يضيرني ان تم حزف جميع الماداخلات وليس لي اعتراض بل اوضح الاتي:
الموضوع او المداخله في المنبر عند الضغط علي ((Enter )) تعتبر خرجت من ملكية صاحبها واي مداخلة او موضوع يجب الاستفادة منها وتكون مفيده لو العبارات شكلت محور نقاش نقدي عشان الناس تستفيد.
اي حزف لجملة او عبارة ربما تشوه البوست اذ ان العبارة يتبعها مداخلات الاعضاء حزفها الموضوع يكون للقاريء زي حكاية الاطرش والزفة ربما حزفها يخدم صاحب المداخلة احيانا هنالك تعبيرات ربما تكون في غير محلها هذا لا يعني ان يتم الحزف اللهم الي ان العبارة تكون تخدش الزوق العام والاداب وهذا في حد ذاته التعامل معه في التحديد صعب .... يجب ان تكون المداخله كما هي وليتحمل من ضغط علي الكي بورد نتائج انفعالاته واخطائه.
سؤال افتراضي ومهم لماذا المنتديات تصبح طارده:
من اهم الاسباب مقص الرقيب احيانا يكون هنالك خلاف حاد يؤدي لتفلتات وفي النهاية النقاشات الفكرية الناس بتصل لي نقطة نهاية والعراكات ربما تؤدي لصداقات تدخل الرقيب يفسد وتيرة النقاش يفسد صداقات الاعضاء المنابر الناجحه هامش الحريات بها اعلي.
انا متاكد بابكر عباس بعد فترة حا اطش من المنبر زي ما طشه زمان اتمني ان تواصل وبي مساختك وكلامك الشين الناس تتعلم منك ............... و ل رايك شنو يا عقاد

بابكر عباس

03-03-2012, 09:48 PM

وصلتني رسالة رقيقه في مضمونها من المشرف تستأذن في حذف عبارة (( قومي لفي))
نحن طبعا يا عباس، ناس الإدارة ديل، ما دايرين نعترض عليهم،
ناس المنتدى يا عباس "مهمومين بالأهمية" زي ما قال بشرى الفاضل.
العبارة بتاعتك دي، أنا ما شايف فيها أي شئ! بالعكس فيها حميمية الإختلاف والدعابة والسخرية وديل ياهن البطردن الرتابة من المنتدى.

أم سماح

03-03-2012, 10:06 PM

هاتفنى صباح اليوم الشيخ أزهرى معتذرا لى مما وصلنى من جراء البوست
وقال لكم إختلاف الرأى لا يفسد للود قضية وربنا يقدرنا لفعل الخير
ورغم أن الزيارة ليست زيارة عمل ولكن تم إستقباله بالمطار استقبالا رسميا
وتم عمل برنامج له وإلتقى بعدد كبير من أبناء مدنى المقيمين بمختلف مدن المملكة
وطلب منى رقم جوال أبو ربا ليفى بوعده له فى الحرص على لقائه .. وأرسلته له
واليوم سيتصل بأبوربا للتنسيق معه

بدر الدين احمد الطائف

03-03-2012, 10:45 PM

تحياتي يا أم سماح،
لا أعتقد انو زيارة السيد مدير جهاز المغتربين للسعودية، تحمل أي بشرى للمغتربين هناك. لا أدري ما هي الفوائد التي يتحدث عنها عصام حسين وبدر الطائف؟! الجهاز عبارة عن مكتب لتجميع الأتاوات من المغتربين دون أي خدمات مقابل ذلك! الكارثة انو نحن بقينا نشوف كونو يشيلوا قروشك بشكل سريع وساهل، دي في حد ذاتها خدمة!

في زيارتي الاخيرة للجهاز بمدني، طلعت "لشيخ" أزهري أشكو ناس وزارة الداخلية لأنهم إتحصلوا مني مبلغ 22 ألف زيادة فوق مبلغ التأشيرة بدون أورنيك وزارة المالية (15)؟ قال لي السيد المدير: فعلا تحصيل المبلغ غير قانوني، لكن ما بقدر أعمل ليك حاجة!!

يابابكر يا اخوى انا ماقلته فوائد قلت مستفيد جدا من وجود الجهاز فى ودمدنى برغم القروش الكتيره القاعده ادفعه يبقى متفين فى حته انه الجهاز اتعمل لجمع الاتاوات الانت بتقوله دى . مستفيد ليه لانه انا كنت بمشى الخرطوم بخسر كم يوم من اجازتى+مصاريف سفر رياح جاى +المرمطه والزحمه وشقل الواسطه بتاع ناس الخرطوم الانت بتعرفه .بعدين نحن علاقنا بالجهاز ده حدها الخروج بس .الباقى كله قاعدين نسوى فى السفاره ارحم لينا كتير.وقدر اخف من قدر.

بدر الدين احمد الطائف

03-03-2012, 10:50 PM

بابكر سلام

اتمني ان تواصل وبي مساختك وكلامك الشين الناس تتعلم منك ...............

العبارة بتاعتك دي، أنا ما شايف فيها أي شئ! بالعكس فيها حميمية الإختلاف والدعابة والسخرية وديل ياهن البطردن الرتابة من المنتدى:d

عباس الدسيس

03-03-2012, 10:53 PM

تعرف يا دسيس بأني أتفق معك تماماً في كل كلمة قلتها .. وهذا ما أبحث عنه داخل عباس .. الموضوعية في فضح الأشياء ..
أنت تعرف بأن الأمر يتعلق بسلطة دولة وأننا إما أن ننقطع تماماً ونبحث عن جواز سفر دولة أخرى .. وإما أن ننضال لتحسين الظروف مع التعامل مع ما تفرضه السلطة خنوعاً وليس إقتناعاً .. الخروجية بالمقابل ومقابل كمان بدون إيصال حكومة لا يمكن قبولها .. إلا أن القبول بالدفع لا يعني قبول الفكرة ..

لدي تجربة شخصية مع رئيس جهاز المغتربين بالخرطوم عندما إختلفت مع أحد الموظفين وكان السبب بأن رئيس الجهاز ليس لديه سلطات لحسم الأمر وأن المرجعية هي رئاسة الجهة التي يتبعها الموظف .. وهذا يقود إلى أن لا ضرورة لرئيس جهاز وإنما الضرورة لمبنى يحتوي بداخله الجهات التي يحتاجها المغترب طالما توجد شروط وضوابط لخروج المواطن من السودان ..
بالتالي لا إختلاف في وجهات النظر ..

حبيبنا عصام
هذا الجهاز لا حوجه له بصورته الحالية الدولة لا توفر له دعم لمنصرفاته ورواتبه , المغترب المسكين يتحمل منصرفات هذا الجهاز وزائد علي ذلك يتحمل منصرفات المؤتمرات والسمنارات والسفريات التي لا تعود عليه بالنفع أو المكسب ولا حتي تخدم الدولة وهي انصرافيه واهدار للمال كنا نعتقد عند تكوين هذا الجهاز سوف يكون لسان حال المغترب يدافع عن قضاياها ومكتسباته المشروعه ومساواته بالمواطن بالداخل في الحقوق لم يقدم شيء للمغترب ,هذا الجهاز ابسط شيء وبما ان المغترب مع الضائقة المعيشية والانهيار الاقتصادي اصبح يستثمر في ابنائه بالتعليم هذا الجهاز لم يتمكن من الحصول على موافقة الجهات المختصة من اجل مساواة أبناء المغتربين ومعادلتهم في المعاملة المادية مع رصفائهم بالجامعات .
اصبح هذا الجهاز غير امين يدعي الكذب في انه قام بتنزيل السن القانونية للتجنيد الاجباري علما بان شكاوي المغتربين وعدم موضوعية تجنيد انسان سنه القانونيه لا تسمح له بممارسة العمل العسكري وفي النهاية الحكومة خجلت من كثرة شكاوي المغتربين اصدرت القرار وتبنى هذا الانجاز كذبا الجهاز.

أبوربا

04-03-2012, 09:25 AM

حساسية شديدة!
الإعتذار مقبول، ما في داعي للزيارة
نحن المنتديات دي، بنخاف منها عشان جنس التلصق دا!

أخي الحبيب والله لاأدري...ماذا تقصد بجنس التلصق دا...الاخت أم سماح معرفتي بها ليس عن طريق المنتدى..يا أستاذ....وأن كان غير ذلك فهمني أيش تقصد...

بابكر عباس

04-03-2012, 10:38 AM

أخي الحبيب والله لاأدري...ماذا تقصد بجنس التلصق دا...الاخت أم سماح معرفتي بها ليس عن طريق المنتدى..يا أستاذ....وأن كان غير ذلك فهمني أيش تقصد...
الحبيب أبو ربا
عليك الله تعفي لي؟ وحات سيدي الحسن، أنا لمان شوفت تعبير "باين عليك" في مداخلتك الفاتت، إفتكرت معرفتك بي أم سماح معرفة منتديات ساكت، لكن ما دام انتو معرفة قديمة، انا بعتذر ليك إعتذار كبير

عباس الدسيس

04-03-2012, 07:57 PM

الحبيب أبو ربا
عليك الله تعفي لي؟ وحات سيدي الحسن، أنا لمان شوفت تعبير "باين عليك" في مداخلتك الفاتت، إفتكرت معرفتك بي أم سماح معرفة منتديات ساكت، لكن ما دام انتو معرفة قديمة، انا بعتذر ليك إعتذار كبير

أيش تقصد ..... حلوة منك يا ابوربا
بابكر الاعتذار فقط كفاية مكبرو مالك اصبر ما تقابض ساكت وتقعد لي افتكرتك وافترضك لون اساسي يمنح ازدواجية اللوحة انت حارقاك القروش الشالوها منك بدون ايصال لو ما كده شغلك انت ذاتو شغل تلصق مالك ومال الراجل نصبوك فكاك اللصقات بالمنبر ..... غايتو جنس تحشر عليك

abomazeen

04-03-2012, 09:40 PM

أيش تقصد ..... حلوة منك يا ابوربا
بابكر الاعتذار فقط كفاية مكبرو مالك اصبر ما تقابض ساكت وتقعد لي افتكرتك وافترضك لون اساسي يمنح ازدواجية اللوحة انت حارقاك القروش الشالوها منك بدون ايصال لو ما كده شغلك انت ذاتو شغل تلصق مالك ومال الراجل نصبوك فكاك اللصقات بالمنبر ..... غايتو جنس تحشر عليك

خليك محضر خير يا عبس ...! كما عهدناك في السابق
لو تعرف من هو أبوربا ... لما تهكمت عليه بحروفك هذه
فما تحته خط لا يشبه اسمك في شيء ولا يحق لك التعدي
نطمح ونطمع بمساحات أكبر من سعة الصدر تسع الاختلافات
وطالع ما خطه الجميل بابكر عباس من حروف نديه ...
أكيد تنبع من دواخل شفافه وإن كان الاختلاف بائن
منتديات ودمدني غير كل المنـتديات ولاحـظ ذلك
لدينا خطوط لا نتعداها وإن اختلفنا فكرياً ومذهبياً
سمة خلافنا دوماً تتوشع المحبة والألفة ...
ومرات تكون الشوكة بغرض التصحيح
ولكنها شوكة محفوفة بحرير المودة
لا أناصح هنا من هم أعلي مني
ولكني استوقف قطاركم هنا
ودوماً نلتقي لنرتقي ...
خالص المحبة مرفقه

abomazeen

04-03-2012, 09:46 PM

ومن الآن أنا سوف أزورك في مكتبك واعتذر لشخصك ...لأنك باين أنسانة تحبين الخير للجميع...الله يحفظك لعيالك يارب....ونسأل الله اجتماع كلمة اهل السودان لمصلحة السودان يارب...وأن يبعد عن وطننا كيد الأعداء المتربصين بسوداننا الحبيب...

الحبيب أبوربا (ود عمنا البرير) .... مشتاقين يااااخ
عليك الله لمن تمشي لأختنا أم سماح سوقني معاااك
وعلى فكرة من هسي الفطور والشاي مدفوع مقدماً
طبعاً الحساب على أم سماح ... (تلصق شديد)

أم سماح

04-03-2012, 11:33 PM

تبارك الله وما شاء الله وعينى باردة
بوست تناقل البيانات .. لا أقصد بوست الترافيك هى بسم الله أقصد بوست الباندويث..
عمل ثلاثة صفحات .. ما هو هين تب

الزبير محمد عبدالفضيل

04-03-2012, 11:48 PM

هل الزياره بخصوص معالجة مشاكل المغتربين والزياره دي لاي مدينه في المملكه ومتي حيكون الوصول وبرنامج الزياره شنو وناس وين سوف

تجتمع بهذا المسؤل ؟ أسئله كثير نتمني الاجابه عليها حتي يعرف الاخوه المغتربين فوائد هذه الزياره وكل واحد يجهز قصته ومشاكله ومطالبه

الفخيييم

05-03-2012, 12:27 AM

[quote=أم سماح;672250]تبارك الله وما شاء الله وعينى باردة
بوست تناقل البيانات .. لا أقصد بوست الترافيك هى بسم الله أقصد بوست الباندويث..

نتم
ني ان تكوني استفدتي من المعلومات
الثرة من الاخوة المتداخلين في مناحي
شتي ومن ضمنها الاسلوب وسعة الصدر!!!
خلي روحك رياضية ولا تنكري انو جاتك
مغلومات مجانية بدليل انك ما مصدقة عدد صفحات البوست
وصلت للرقم 3 علي حد تعبيرك!!!!!!!!

تخريمة: البوست الجاي احذري العبارات التاليه:
بشري ــ ساره ـــ والشيخ ...

الفخيييم

05-03-2012, 12:32 AM

قيل لحكيم ما العافيه؟؟؟
قال:أن يمر بك اليوم بلا ذنب ..

أبوربا

05-03-2012, 02:16 AM

ماشاء الله بوست أم سماح...كان الموضوع الذهبي لهذا الأسبوع...صراحة بدون منازع...بس صدقني أم سماح تعلمت الكثير من هذا البوست ...والأجمل ان تركز على ايجابيات الموضوع وليس السلبيات..يا أبو مازن انت وأم سماح ...عازمكم فطور والحساب علي أنا...ومعاها قهوة وبارد...ماعليك..بس شد حيلك ونتقابل في الصيف بمدني
...

samia

05-03-2012, 03:02 AM

الضيف الكريم أكرمو وفايت الحدود واسو

مرتضى يوسف العركي

05-03-2012, 03:08 AM

السيدة الكريمة الفاضلة أم سماح وبقية إخوتي أعضاء المنتدى الكرماء
اشكر لكم هذه البشارة ... التي في تقديري المتواضع جاءت بحسن نيه كبير وصفاء نفس مرده الى كونك غير مغتربه ولا تعلمين مدى الضيم الواقع على المغتربين ..ربما عدم وجودك في موقع الحدث هو ما يؤكد حسن نواياك تجاه بشارتك لاخوتك المغتربين الذين ربما ضاق بنا امر هذا الضيم للدرجة التي وجدنا شخصكم الكريم هدفا واضحا للتنفيس بينما الصحيح هو التزامنا الموضوعية وعدم الحده في تناول هذه البشارة المقدمة بحسن نية واضحة من إسم البوست من اخت كريمة يتطلب الصدق والشجاعة شكرها عوضا عن تعرضنا لها بصرف النظر عن وظيفتها او وجهاتها ان وجدت ... كيفما وهو أمر جيني فينا كسودانيين نكرم الغريب ناهيكم عن شكر واكرام أخت كريمة جاءت للتبشير بحسن نيه ربما فاتها التقدير السليم لاسم البوست وبالتالي ليس من الحكمة والشجاعة أن ينسب اليها أساس وكل مشاكل جهاز المغتربين أو حتى لرئيس جهاز المغتربين بولاية الجزيرة من دواعي عدم صفتها الصحيحة بينما المشكل والصفة الصحيحة وبصورة مباشرة يعود للقائمين على رئاسة جهاز المغتربين وتحديدا امينه العام السيد د كرار التهامي والذي هو بدرجة وزير وما أختنا ام سماح واخينا الفاضل رئيس جهاز المغتربين بولاية الجزيرة سوى موظفين يأتمرون بامر قادتهم شأنهم شأن أي موظف تنفيذي كان يمكن ان يكون احدنا لا يمكنه مخالفة موجهات وسياسات دولة حتى وزرائها وولاتها لا يملكون صلاحية التغيير لهذه السياسات الخاطئة وإن كانت هناك ثمة قضية تحتاج هذا الإبراز فأولاها إشتراطات هذا الجهاز المخالفة لنصوص الدستور في مسالة حرية التنقل والسفر والذي يخضع لرسوم جبائية الغتها حتى روسيا الستالينية 0
أقول ذلك لست مجيرا او مطبلا لحكومة سبق واحالتني للصالح العام وبالرغم وقد سبق لي أن راجعت جهاز المغتربين بولاية الجزيرة الذي طلب مني أغرب طلب يمكن أن يصدقه أحد حيث طالبوني بدفع رسوم الخدمة العسكرية الالزامية علماً بأنني أحد ضباط الشرطة المتقاعدين واحمل وسام الشجاعة من الدرجة الاولى واتقاضى معاشا من رئاسة شرطة السودان بوزارة الداخلية وسط حيرة ضباطي وجنودي السابقين العاملين بجوازات هذاالجهاز وعلى راسهم الاخت الكريمة الرائد هويدا يوسف والذين انبروا بشجاعة لتعديل هذاالموقف المربك باستعدادهم لدفع رسوم الخدمة الالزامية إلا انني رفضت ذلك وقمت بدفع الرسوم حتى لا أتاخر عن مواعيد سفري ولعلمي المسبق بان جميعهم موظفين لا يملكون التغيير يكفيني حسن نوايا الجميع...ويكفيني عزاء ان يكون ببلدي ود مدني هذا الجسم رغم مأخذه وأخطائه الكبيرة والتي مردها ليس موظفيه لتحميلهم تبعات كل الامر وكذلك ليس هو بمعزل عن بقية كل الاجهزة الحكومية الاخرى الذي يصيب إدائها الشطط والذي أمل من اخوتي الكرام ان ينحصر هذا الشطط فقط في الاجهزة الحكومية ولا يمتد لقيمنا كسودانيين جبلنا على الإحتفاء بالضيف وتكريمه مهما كان وصفه ووظيفته وسلطاته وصغره أو كبره ناهيكم على ما يبشرنا به فقط ربما تمسكنا بقيمنا المعروفة خطوة لتصحيح المسارات في هذه المرحلة عوضاً عن نفقدها فنفقد المستقبل المنشود في التغيير..
باسمي سيدتي ام سماح وربما بأسم كثيرون غيري أعتذر لكم واشكركم على حسن نواياكم كاخت كريمة وعزيزة ومرحبا بضيفنا رئيس جهاز المغتربين برياض الخير وسيجد منا كل تقدير واحترام كضيف لا يهمنا إن خدم مصالحنا أو التزم وظيفته المرسومة له فهكذا قدره حيث لا يكلف الله نفسا الا وسعها فالحكمة واخلاقنا السودانية تقول تروح السلطة ويروح الجاه والمنصب والعافية والعمر ويبقى موقف طيب وكذلك تبقى كلمة طيبة أصلها ثابت وفرعها في السماء ويقول تعالى ( وما كنا بمعذبين حتى نبعث رسولا ) صدق الله العظيم ويقول الشاعر بلادي وإن جارت علي عزيزة وأهلي وإن ضنوا علي كرام
عذري المسبق إن أخطأت بحق أحد منكم فليسامحني فشخصي الضعيف لا يحتمل أن يرهق أحدا
سلامي ومودتي للجميع

أم سماح

07-03-2012, 08:25 AM

أخى الكريم مرتضى يوسف العركى
تحية طيبة وإحتراما
شكرى وتقديرى لك وإمتنانى لا تحدهما حدود .. ودمت أخا عزيز أعتز به ..
ما ذكرته فى مشاركتك بالضبط هو ما قصدته أنا ..
كثرت تساؤلاتهم وإستفساراتهم بخصوص الجهاز هى التى دعتنى للبوست
ولعلمك أخذت أذن و موافقة الشيخ فى كتابة البوست .. فقط ليعلم من لديه أستفسار ومن يريد مقابلته
وكتبت بشرى فقط ونسيت أن أكتب بشرى سارة وكل زول وفهمه و القصة جابت حاجات كتيرة مافى ليها داعى
وكل واحد أجبته على حسب كلامه .. بسعة صدر بلا ضيق أو تضجر وباسلوب كمان ...
اليوم ناس مدنى الفى الرياض عندهم لقاء مع شيخ أزهرى ..
وزى ما قلت انت ويبقى موقف طيب وتبقى كلمة طيبة

خالد عباس (أبوعمرو)

07-03-2012, 11:01 PM

لكِ التحية اختنا ام سماح

والف اهلاً وسهلاً بالاخ ازهري بيننا ،،

وبإذن الله تجد زيارته الاهتمام على الصعيدين " الاجتماعي ،،، و الجانب الاخر الذي يهم كل ابناء الولاية

أم سماح

07-03-2012, 11:56 PM

أخى أبو عمرو
لك التحية .. وموفقين يا رب
الزيارة الإجتماعية شكلها لناس بشرى شارة
سلمت أخى خالد عباس

أم سماح

10-03-2012, 06:55 AM

الفخيييم

11-03-2012, 12:17 AM

ملأ السنابل تنحني بتواضع
والفارغات رءوسهن شوامخ!!!

بالتوفيق لأستديوهات فوتوكينا...

abomazeen

11-03-2012, 03:27 AM

سبحان الله فعلا بشرى
هاتفنى اليوم شيخ أزهرى وقال هى بشرى و بشرى سارة بالنسبة له كونه يلتقى بالأخوة بالرياض
بكل ألوان طيفهم وبهذا الفهم العالى الراقى ..
أحسب أنها بشرى لكثر غيره ..
الجماعة حضروا اللقاء وفيهم واحد بقى صاحبه وإتصور معاه !!
طيب الكلام الكثيييييييييير كان لزومه شنو ؟؟

للضمان كده ... الصورة وصلتني عبر الإيميل
والله هو ضحك سااااااااي ... الضرووووس ظاهرة
حكمــتـوا بااالغة والله ... الحمد لله الجماعة طلعوا أصحاب

أم سماح

11-03-2012, 11:06 AM

للضمان كده ... الصورة وصلتني عبر الإيميل
والله هو ضحك سااااااااي ... الضرووووس ظاهرة
حكمــتـوا بااالغة والله ... الحمد لله الجماعة طلعوا أصحاب

أبو مازن سلامات ياخى
أحلى ما فى الموضوع إنهم بقوا صحاب ولبدوا على كدة
ولا بغم ساكت