سيدي المهدي

[بابكر عباس]

شوية شوية أصبحت لدية محبة كبيرة وسط الناس في الابيض وشيخ محمد أحمد بدأ يعلن انو هو المهدي المنتظر.
"و عند المذاكرة يبكي بعين واحدة يجري منها الدمع علي خده، وأحبته الخلق محبة عظيمة ولما تمكن من محبتهم فيه أظهر لهم أمر المهدي: أنه خليفة رسول الله و عبده بالمهدية في الجلسة النبوية بحضور الاربعة الأقطاب وبحضور نبي الله الخضر عليه السلام، وقال لهم: اني علي قدر ما تجزعت منها، قال لي رسول الله (ص): ما لها إلا انت يا فلان"

اها البيعات بدأت

مذكرات يوسف مخائيل


أها يا أخوانا، أنا لي زمن طويل بفكر أدعي المهدية، لكن قصة البُكا بعين واحدة دي، وحات سيدي المهدي محيراني حيرة شديدة!

[بابكر عباس]

دامت للمهدي السيطرة علي عموم كردفان بعد القضاء علي حملة هكس باشا في كردفان و بدأ التفكير للتحرك ناحية الخرطوم بعد أن جمع جيوشه في الرهد.
يقول صديقنا يوسف ميخائيل ص 112 - 113:
"ومن بعد أكام يوم نشر أوامره لكافت القبايل وأمرهم بأن يكونوا مستعدين للسفر كونه حضرت عندنا حضرة نبوية، وأخبرنا نبي الله الخضر عليه السلام بالهجرة للخرطوم ومن خالف أو تخلف عن السفر يذوق سوء العذاب ويندم أشد الندم.....
قامت الدنيا بأسرها و تزلزلت الأرض جميعها من كثرة الجيوش حتى صار ثمن الجمل بماية ريال و الحصان خمسين*"

[بابكر عباس]

قامت الجيوش الجرارة من الرهد متجهة للخرطوم. الجيوش ليست لها نظير، كنا مسافرين كأننا قرعة علي البحر* عايمة لا نعرفوا أولنا من آخرنا شئ لا يوصف........
من بعد أخذنا الراحة أمر المهدي بضرب النحاس وقامت كافة الجيوش، والرايات وعايلات المهدي ماشة أمام الجيوش، وهو راكب علي هجين بشاري قصير القامة حلو المنظر ومعه من الملازمية كفاية عن تلتماية ملازم ماشي علي أرجلهم حول الهجين.....

صادف يوسف ميخائيل المهدي في واحدة من فترات الراحة وكان قد ركب الهجين في تلك اللحظة والملازمية حوله، ويوسف كان يحمل مويه في كتفه وكوز وصاح:
"سبيل يا أصحاب المهدي عليه السلام، أشربوا المويه في سبيل الله،"
عند ذلك وقف المهدي وقال لي: إسقي إخوانك يا أنصاري، ماذا إسمك؟ قلت له يوسف يا سيدي، عند ذلك بكا بعين واحدة وقال: يا أنصار الدين الأجر طلاقيت بارك الله فيك يا يوسف.
وكان في ركوبه يرخي الرجلين من قدام علي المخلوفه وكل رجل علي كتف واحد من الملازمية بالمناوبا، ومن بعد شرب المويه قال: يا بخيت أطلع... يحضر يوسف عوضا عنك..
أخذت رجله ووضعتها علي كتفي و الجمل يمشي الهوينه...

غايتو بعد أدعي المهدية بجيب العقاد ملازم!

[بدر الدين احمد الطائف]

غايتو يا دكتور بابكر اخوى نحن لما درسنا الثورة المهدية قصة انه سيدك المهدى كان بيبكى بى عين واحده دى ما ادونا ليها
كدى عليك الله كبر لينا الخط شوية وجعته عيونا
ومتابعين معاك

[بابكر عباس]

غايتو يا دكتور بابكر اخوى نحن لما درسنا الثورة المهدية قصة انه سيدك المهدى كان بيبكى بى عين واحده دى ما ادونا ليها
كدى عليك الله كبر لينا الخط شوية وجعته عيونا
ومتابعين معاك

بكبر ليك الخط، لكن خصمتك بالرسول يا بدر، كان تقول لي دكتور دي تاني,

يعني يا بدر حضرة الرسول وسيدنا الخضر للحضرة درسوك ليها؟ الرجل كان عندو إتصال مباشر مع السما!

[بابكر عباس]

وكان في ركوبه يرخي الرجلين من قدام علي المخلوفه وكل رجل علي كتف واحد من الملازمية بالمناوبا، !الفيديو دا، قمت بتصويره بالإمارات لتمثيل رواية بوسف ميخائيل حول طريقة ركوب المهدي للبعير


http://www.youtube.com/watch?v=2LqZJEqIebE&feature=player_embedded#!

[بابكر عباس]

الأستاذ كمال الجزولي تحدث في واحدة من مقالاته عن كتاب يوسف ميخائيل دا، قائلا:
"يقول عن أوَّل مجئ الإمام إلى كردفان، واجتماع الناس إليه زرافات ووحدانا: "كان الشيخ محمد أحمد جميل الصورة حلو اللسان فصيح في الكلام له جاذبية في الناس. والمعلوم عندنا نحن [أهل] كوردفان أي إنسان يحضر من البحر (يقصد نواحي النيل) كأنه حضر من بيت المقدس الشريف، أو مكة المشرفة، كونه لسان أهل البحر طلق ورطب، وجلدهم أملس. وعموم أهل كوردفان وحولها إلا باره الجسم خشن واللسان تقيل خصوصاً في اللغة العربية، والأسما الوحشة من حِمِّير "ولد حمار"، ومَنْ يقول: "أنا اسمي أبو جعيرين"، ومن يقول "أنا اسمي دحيش، والكليب النكدرو"، وهلما جرا. ناس متوحشين غير أنهم في الكرم والجود أجود من أهل البحر، وأكرم منهم طاقات إذا كان نزلوا ضيفان عند أي واحد منهم، سوى كان عشرة أو عشرين يكرموهم غاية [الكرم] ويفتخروا بالجود، حتى النساء إذا نزلوا عند واحدة حرمه كتير أو قليل تزيد في إكرام الضيوف. وأما أهل البحر وخصوصاً أهل الجديد أو الحلاوين أبخل من كلبة يزيد، إذا نزل الضيف تفادو منه، وعندما ينظروا أي ضيف قادم عليهم يسدوا باب البيت، إلا تقعد في ظل البيت تأخذ راحتك، وتعجل بالسفر." (ص 42 ـ 43).

[عبدالله محمد العقاد]

قامت الجيوش الجرارة من الرهد متجهة للخرطوم. الجيوش ليست لها نظير، كنا مسافرين كأننا قرعة علي البحر* عايمة لا نعرفوا أولنا من آخرنا شئ لا يوصف........
من بعد أخذنا الراحة أمر المهدي بضرب النحاس وقامت كافة الجيوش، والرايات وعايلات المهدي ماشة أمام الجيوش، وهو راكب علي هجين بشاري قصير القامة حلو المنظر ومعه من الملازمية كفاية عن تلتماية ملازم ماشي علي أرجلهم حول الهجين.....

صادف يوسف ميخائيل المهدي في واحدة من فترات الراحة وكان قد ركب الهجين في تلك اللحظة والملازمية حوله، ويوسف كان يحمل مويه في كتفه وكوز وصاح:
"سبيل يا أصحاب المهدي عليه السلام، أشربوا المويه في سبيل الله،"
عند ذلك وقف المهدي وقال لي: إسقي إخوانك يا أنصاري، ماذا إسمك؟ قلت له يوسف يا سيدي، عند ذلك بكا بعين واحدة وقال: يا أنصار الدين الأجر طلاقيت بارك الله فيك يا يوسف.
وكان في ركوبه يرخي الرجلين من قدام علي المخلوفه وكل رجل علي كتف واحد من الملازمية بالمناوبا، ومن بعد شرب المويه قال: يا بخيت أطلع... يحضر يوسف عوضا عنك..
أخذت رجله ووضعتها علي كتفي و الجمل يمشي الهوينه...
غايتو بعد أدعي المهدية بجيب العقاد ملازم!


هههههههههههههههههههههها ابداع يا باكمبا ، هنا ممكن نقول ده باكمبا الزمان لكن كسير التلج شنو في حاجات غريبة شوية بتجي مع الكبر.
باكمبا انا شايف احسن تخت الحديث عن المهدية لانه الكلام ده بيغطس حجرك و بتفتح ليك طاقات لا قبل لك بها ، انا من هسع شايف انه البوست ده ح يحذف لانه بيتناول بعض الامور الحساسة بمنظور نقدي و يمس طائفه معينة عشان كده اعمل حساب عمرك
لي صديق عزيز مستشار قانوني من ابناء الانصار اهداني كتاب مثل كتابك و في الكتاب ده بلاوي عن الثورة المهدية و عن سيد الاسم و خلفائه

[بابكر عباس]

و في الكتاب ده بلاوي عن الثورة المهدية و عن سيد الاسم و خلفائه
أشهر خطيبين أو خطيبان سودانيان هم:
اليونسان، الأمير يونس ود الدكيم والعقيد يونس محمود!
من أشهر خطابات ودالدكيم كما روى لي الأستاذ المبر الريح:
"ومن أشهر خطاباتو التي وصلت الينا. خطابة لتجار سوق أمدرمان أنذاك
يقال إن صاحبنا إنتصب فجاءة وسط السوق واخذ ينهر (أنى يونس ود الدكيم، مسمار النص، قلاع ضغالف الفيل، يلعن أمهاتكم جت . والله نجوكو لي غادي، نجوطوكو جوط، ونصوطوكو صوط، ونشربوكو زت"


تعرفوا السبب الرئيسي الخلا كتشنر يجي راجع السودان شنو؟ ما قتلة غردون، لكن لانو الخليفة لما رسل للملكة فكتوريا خطابه الشهير قال ليها في نهاية خطابه: لو أسلمتي و حسن إسلامك زوجناك من أحسن الأمراء لدينا الأمير يونس ود الدكيم...
يا أخي لكن الانجليز ديل حاسدين حسادة! يعني لو فكتوريا إتزوجت ود الدكيم هسع كان حفيد يونس عرس الأميرة كيت!