لا يصح إلا الصحيح

[ضياء الدين احمد]

[ياجماعة الخير في البداية اوضح اني انا ما الزول المتدين بالحيل وان كان دي منقصة في حقي لكن نسأل الله الهداية وكمان برضو ماصعيليك لكن في امور كده بتحصل صراحة بتحير الواحد ومامحتاجة ليها لمفتي او رجل دين حقيقة انا بستغرب الفنان اموت بجاي وطوالي اشبكوا ليك اغاني في كل القنوات يعني نحنا شعب غريب جدا ياخوانا !!! ادعوا ليهو، شغلوا قرآن ،جيبو سيرتو الذاتية اي حاجة لكن الغناء والله مابجي بي ياتو فهم والميت لسه ما اتدفن وهاك ياغنا المعنى خلاص يعني اكرمتوهو والله انتوا بتعذبوا فيهو ياخي طيب تمموهو الاربعين انشاءالله غايتو فهم غريييييييييييييييييييييييييييييييييييييييييييييييي ييييييييييييب!!!!!

[samia]

دى فعلا حاجة ماكريمة وفي لحظات هو محتاج لدعاء هذة الملايين المودعة ،،، وأصلاَ تاني مافي ذكرى خالص ،،،،ذى مصطفى سيداحمد حسيّ في سيّرة ليهو ،،

[مولانا جلال]

فعلا اخى ضياء هذه من اغرب الاشياء لدينا ، مع العلم انه فى حاجة للدعاء والثواب الذى يعينه على السؤال داخل القبر لقوله صل الله عليه وسلم ( اذا مات ابت ادم انقطع عمله الا من ثلاث ، صدقة جارية ، او عمل صالح ينتفع به او ولد صالح يدعو له )

[أم سماح]

أخى ضياء الدين .. حقيقى كل الناس مستغربة للتصرف ده .. حتى أطفالنا
خاصة فى قناة أم درمان .. هاك يا غنا كأنهم محتفلين بعيد ميلاده
بس نقول شنو ؟ ودى واحدة من خمائر العكننة
اللهم لا تمحنا ولا تبدلنا

[ودسمير]

[ياجماعة الخير في البداية اوضح اني انا ما الزول المتدين بالحيل وان كان دي منقصة في حقي لكن نسأل الله الهداية وكمان برضو ماصعيليك لكن في امور كده بتحصل صراحة بتحير الواحد ومامحتاجة ليها لمفتي او رجل دين حقيقة انا بستغرب الفنان اموت بجاي وطوالي اشبكوا ليك اغاني في كل القنوات يعني نحنا شعب غريب جدا ياخوانا !!! ادعوا ليهو، شغلوا قرآن ،جيبو سيرتو الذاتية اي حاجة لكن الغناء والله مابجي بي ياتو فهم والميت لسه ما اتدفن وهاك ياغنا المعنى خلاص يعني اكرمتوهو والله انتوا بتعذبوا فيهو ياخي طيب تمموهو الاربعين انشاءالله غايتو فهم غريييييييييييييييييييييييييييييييييييييييييييييييي ييييييييييييب!!!!!






قالو اهلنا زمااااااااااااان : لا يجنى من الشوك العنب !

نحن للاسف شعب ما عارف يعمل شنو ، لاننا ما عارفين انحنا شنو !!

شوفو الخليجين لم يموت زول مهم حتى لو رياضى تلقى القنوات بتاعتهم كلها قرآن ..

وبيتى وبينكم عادى .. لان اعلامنا ( الضعيف جدا ) حتى فى شهر رمضان تجد الاغانى فى كل القنوات ... ومن بعد الافطار على طوووووووووووووول !!

والله مـــــــــــــــافى فائده ..

[ضياء الدين احمد]

الاخت سامية فعلا ستصبح ذكرى لاغير والا لكان الكاشف الذي ملأ الدنيا وشغل الناس في كل محطاتنا وقنواتنا حتى الآن

[ضياء الدين احمد]

مولانا جلال كيف الاحوال ولينا زمن وسنين طويلة ماشفناك وفعلا الدعاء اكرم وانفع للميت من الهجيج وقلة الشغلة

[ضياء الدين احمد]

اختنا ام سماح والله فعلا ليهم حق استغربوا من الشئ الحاصل ده وكمان نحنا على قول الكيزان ندين ونشجب التصرفات دي

[ضياء الدين احمد]

والله ياودسمير كمان رمضان ده موضوع تاني كل يوم امر في تاريخنا ونحنا ماشين للاسوأ

[أم سماح]

اختنا ام سماح والله فعلا ليهم حق استغربوا من الشئ الحاصل ده وكمان نحنا على قول الكيزان ندين ونشجب التصرفات دي

الكيزان
هههههههههههههههههههه

[محمد الجزولى]

تعرف يا ضياء فى مرة من المرات كانوا عاملين حفل ( تأبين ) لأحد الفنانين ( قبل فتره كده ) وبالصدفه مشيت مع احد المعارف
حسب فهمي طبعا للتأبين انو الناس تقعد تقرأ قرآن لروح المرحوم ( بالمناسبة كان التابين مقام بعد مرور 40 يوم من وفاة الفنان )
تصدق الحفل بدأ بدون آيات افتتاحية من الذكر الحكيم وبعد شويه بدأ الغناء من مجموعه من الشباب لاغاني ( المرحوم ) وبعد كده الجماعة رقيص شديد
والله ضحكت يا ضياء الدين ودعيت للمرحوم واتخارجت ...
فعلا حاجه غريبة ياخ

[ضياء الدين احمد]

ود الجزولي (شر البلية مايضحك) والله الميت كأنو عريس اغنوا ليهو بفرحة كبيرة

[ضياء الدين احمد]

ام سماح ياختي مالك ضحكتي قدر ده ما اصلو دي مفردات الانقاذ وطبعا هي كتيرة عايزة ليها مجلد ربنا ابسطك دايما