المساعد الشخصي الرقمي

مشاهدة النسخة كاملة : كرسى النجوم .... لصاحب الطرفة والحضور الجميل ... بحيرى


ودسمير
19-02-2012, 06:47 PM
غنى عن التعريف ... يترك دائما البصمه المميزه اينما حل .. وضحكنا معه كثيرا وما زلنا نضحك .





بــــــحيــــــــــــــــــــــــــــــــــــــرى












ومراحـــــــــــــــــــــــــــــــب
مدنيّة
19-02-2012, 09:54 PM
والله دا احلي كرسي ح يكون يامعتز

جيبوا لينا الزول دا
سرررررررررررررررررررررررررررعة
ريمون
19-02-2012, 10:07 PM
اها يا بحيري جاك العام وفوق كمان ..
انداح ..
هلا ومراحب ..
عنكوليب
20-02-2012, 12:22 AM
بحيري يا حلو الحرف والمعشر ،،،

نتمنى لك كرسيا باردا ،،، أي لطيفا وحلوا ،،،
عبدالرحمن مدثر
20-02-2012, 12:35 AM
بحيرى .. الزول السمح والزين ..

ازدانت كل النجوم ببريقك الاخاااذ

تسجيل حضور .. لبحر من الابداع

وفى انتظار طلتك .. وقدلتك ..

عشان نفلفل احساسك معااااااااااااااك

منور ياباش
نزار احمد كوارتي
20-02-2012, 01:39 AM
بحيري عدييييييييييييييييييييييييييييل كده ؟؟؟
بحيرى
20-02-2012, 04:17 AM
غنى عن التعريف ... يترك دائما البصمه المميزه اينما حل .. وضحكنا معه كثيرا وما زلنا نضحك .

بــــــحيــــــــــــــــــــــــــــــــــــــرى



ومراحـــــــــــــــــــــــــــــــب


ده انا ....
يا معتز انت قايلنى نسيبك ولا شنو ....
ده كسير تلج عديل كده ....
والله حقو الواحد اقفل الغزاز بعد ده ...!!!!
تسلم يا عريس ...!!!
ahmed algam
20-02-2012, 05:20 AM
كرسي النجوم منور

يابحيري
بحيرى
20-02-2012, 07:37 AM
والله دا احلي كرسي ح يكون يامعتز
جيبوا لينا الزول دا
سرررررررررررررررررررررررررررعة


والله الحكومه ما بنقدر نعصى امرها .....
شدة ما جيت جارى سفنجتى اتقطعت ......
قايتو ...
اطالب بتعويض فورى ....
ملحوظه : سفنجتى ابو حمامه ....!!!!
بحيرى
20-02-2012, 07:40 AM
اها يا بحيري جاك العام وفوق كمان ..
انداح ..
هلا ومراحب ..


غريبه ....
تطردونى .... وتجو تستضيفونى .....
قايتو يا خالتو ...
هسه عليك الله ... الما جادى فينا منو ....
انا برضو بطالب هنا بتعويض مالى عديل كده ....
حق المواصلات انشاء الله ...!!!
بحيرى
20-02-2012, 07:43 AM
بحيري يا حلو الحرف والمعشر ،،،
نتمنى لك كرسيا باردا ،،، أي لطيفا وحلوا ،،،


والله ما عرفتك ....
الصوت ياهو حقك .... لكن الكلام الدراب دراب ده ما عرفتو ....
خلتو عونكوليبه .... مشتاقين والله ...
وابقى داخله لجوه ....
بحيرى
20-02-2012, 07:47 AM
بحيرى .. الزول السمح والزين ..
ازدانت كل النجوم ببريقك الاخاااذ
تسجيل حضور .. لبحر من الابداع
وفى انتظار طلتك .. وقدلتك ..
عشان نفلفل احساسك معااااااااااااااك
منور ياباش


شكراً ... شكراً ... عبدالرحمن ...
والله الكلام ده كتير على شديد ...
انا يا دوبك زول ساااااى ....
اها رايك شنو ...!!!
بحيرى
20-02-2012, 07:51 AM
بحيري عدييييييييييييييييييييييييييييل كده ؟؟؟


لا عدييييييييييييييييلك انت ...!!!!
العريس ... النفض الكيس ....
ما بقيتو تلاته ....
عارفك حتقول لى يا ثقيل ....
والله ليك وحشه ....
اسمع ...
رجعت لهاترك بدلتو ...؟!!
علشان طوالى بسألنى منك ...!!!!
بحيرى
20-02-2012, 07:57 AM
كرسي النجوم منور
يابحيري


وانت الانور يا جارى .....
هسه ابو النور اقول نحن معاهو ....!!!!
تغريدا
20-02-2012, 10:11 AM
الأخ الكريم بحيرى سلامات ومنور
ودسمير
20-02-2012, 10:34 AM
بحيرى انت السماك صــــــــــــــالح منو وليه ؟
بحيرى
20-02-2012, 10:56 AM
الأخ الكريم بحيرى سلامات ومنور


الخت الاكرم تغريدا ....
منورين بوجودك والله ....
والصور لسه معاى ....
ايه رايك ...!!!
آلاء عبد الرحمن
20-02-2012, 11:01 AM
سعال
انت بتروووح فترة
وفجعة تظهر مالك
بحيرى
20-02-2012, 11:32 AM
بحيرى انت السماك صــــــــــــــالح منو وليه ؟


ما تخاف الرقم الوطنى طلعتو ....!!!
هاهاها ....
اكيد طبعاً سمانى ابوى ... ربنا اطول فى عمرو ....
وسمانى على جدى الاستاذ صالح بحيرى .....
ومولود طبيعى يوم خميس وبالليل ....
من مواليد برج الجدى ... وامتاز بالعلاقات العاطفيه الفاشله ....
وشغال فى الدمازين ....
وعازمك 3 يوم (شهر عسل) بعد ما تعمل الفاتوره النهائيه ....
وساكن القسم الاول ... وعن ريدو ما بتحول ....
وعندى مزرعه سعيده ....
وناوى اتزوج .... بس مستنى هاترك ....
وعندى تلاته مراوح ....ودولاب تلاته ضلف فورمايكا .... ونص دسته كراسى بلاستيك .... وسريرين صينيات تركيب .... وشماعه حديد .... وتلفزيون 14 بوصه ملون .... ودقيتال استرونق اصلى .... وشباك مطل على الشارع والخور .... مع العلم انو الغرفه 4×4 ناصيه ....
عندى شهادة سكن ... وشهادة حياه .... وشهاده لمن يهمه الامر .... طبعاً ديل غير الجامعيه ....
وعندى خلو طرف من سيد الدكان الجمبنا ....
ذو خلق ... وذو دين .... وذا النون زاتو ....
اها ...
قصرت معاك
بحيرى
20-02-2012, 11:35 AM
سعال
انت بتروووح فترة
وفجعة تظهر مالك


فى زول داير منى قروش .....
كل ما الاقيهو بزوغ ....
ارتحتى ....
امشى كلميهو ... ثمح ...!!!
تخريمه:
مشتاقين والله ....
آلاء عبد الرحمن
20-02-2012, 11:39 AM
ما تخاف الرقم الوطنى طلعتو ....!!!
هاهاها ....
اكيد طبعاً سمانى ابوى ... ربنا اطول فى عمرو ....
وسمانى على جدى الاستاذ صالح بحيرى .....
ومولود طبيعى يوم خميس وبالليل ....
من مواليد برج الجدى ... وامتاز بالعلاقات العاطفيه الفاشله ....
وشغال فى الدمازين ....
وعازمك 3 يوم (شهر عسل) بعد ما تعمل الفاتوره النهائيه ....
وساكن القسم الاول ... وعن ريدو ما بتحول ....
وعندى مزرعه سعيده ....
وناوى اتزوج .... بس مستنى هاترك ....
وعندى تلاته مراوح ....ودولاب تلاته ضلف فورمايكا .... ونص دسته كراسى بلاستيك .... وسريرين صينيات تركيب .... وشماعه حديد .... وتلفزيون 14 بوصه ملون .... ودقيتال استرونق اصلى .... وشباك مطل على الشارع والخور .... مع العلم انو الغرفه 4×4 ناصيه ....
عندى شهادة سكن ... وشهادة حياه .... وشهاده لمن يهمه الامر .... طبعاً ديل غير الجامعيه ....
وعندى خلو طرف من سيد الدكان الجمبنا ....
ذو خلق ... وذو دين .... وذا النون زاتو ....
اها ...
قصرت معاك

انت عايز تناسبو شكلك
آلاء عبد الرحمن
20-02-2012, 11:40 AM
فى زول داير منى قروش .....
كل ما الاقيهو بزوغ ....
ارتحتى ....
امشى كلميهو ... ثمح ...!!!
تخريمه:
مشتاقين والله ....

ماارتحته

اثبر لي بث

الفيك اتعرفت
عاشق الترحال
20-02-2012, 11:47 AM
الزول دا لي زمن ما شايفو ،،،،، وكتي الجيت جديد القي ليك الصفحات كلها بحيري ،،،بحيري ..
فجأه اختفا ..وين ما عارف ..... كراعي حاره ولاشنو ...؟
آلاء عبد الرحمن
20-02-2012, 11:54 AM
الزول دا لي زمن ما شايفو ،،،،، وكتي الجيت جديد القي ليك الصفحات كلها بحيري ،،،بحيري ..
فجأه اختفا ..وين ما عارف ..... كراعي حاره ولاشنو ...؟

قال في زول طالبو قروش عشان كده

ممكن نعمل لي شيرن عشان يظهر
عاشق الترحال
20-02-2012, 02:38 PM
قال في زول طالبو قروش عشان كده

ممكن نعمل لي شيرن عشان يظهر

والله في دي مابنقصر تب ،،،،
وهاكي اول شيرن يا آلاء
بس وكت تنزلي اسمي في الكشف اكتبي عليهو ،،فاعل خير .


http://im13.gulfup.com/2012-02-21/1329780979691.jpg (http://www.gulfup.com/show/X3d4d6glrme2o)
بحيرى
20-02-2012, 08:36 PM
انت عايز تناسبو شكلك


الا اناسبو فى بيت جيرانهم ....!!!
بحيرى
20-02-2012, 08:39 PM
ماارتحته
اثبر لي بث
الفيك اتعرفت


يا دوبك عرفتى الفينى ...
وانا قايلك ثاحبتى ....!!!!!
صدق المثل البقوا قلبى على جناى وقلب جناى على بت الجيران ....!!!
بحيرى
20-02-2012, 08:43 PM
الزول دا لي زمن ما شايفو ،،،،، وكتي الجيت جديد القي ليك الصفحات كلها بحيري ،،،بحيري ..
فجأه اختفا ..وين ما عارف ..... كراعي حاره ولاشنو ...؟


لكن انت قاعد يا ودامى .....
يومك كلو راكب فى الحصان ده وتبرطع...
تخريمه:
والله مشتاقين شديد ....
بحيرى
20-02-2012, 08:47 PM
والله في دي مابنقصر تب ،،،،
وهاكي اول شيرن يا آلاء
بس وكت تنزلي اسمي في الكشف اكتبي عليهو ،،فاعل خير .
http://im13.gulfup.com/2012-02-21/1329780979691.jpg (http://www.gulfup.com/show/X3d4d6glrme2o)


يا ابوى امسك قروشك المزوره دى ...
بعدين انت جايبنك فى اللسته بتاعت المختلسين فى المنتدى ....
وهسه شايف ناس مكافحة الثراء الحرام جاين عليك .... ودالمطامير قال العشره دى بالذات حقتو ...!!!
اها شيل شيلتك ....
ريمون
20-02-2012, 08:57 PM
خميت الناس ونسه ..
كم سؤال كده وبعدين برجع ليك تاني ..
* رايك شنو في المنتدي الآن ؟؟
* وباسلوبك البريحك اكتب كل السوالب الشايفه وفهمك لي طريقة علاجه ..
وبعدين كان ودوك غوانتينامو انا بنكرك ..
* اكتر زول بتفتقدو في المنتدي منو لما تغيب ..
* المنتدي وناسو علي ارض الواقع بيكونوا نسبة كم في المائة من علاقاتك الخاصة





للاختصاص وكده .. ريمون العضو ما المشرف ..
بحيرى
20-02-2012, 09:50 PM
خميت الناس ونسه ..
كم سؤال كده وبعدين برجع ليك تاني ..
* رايك شنو في المنتدي الآن ؟؟
ما كويس ...!!!!
* وباسلوبك البريحك اكتب كل السوالب الشايفه وفهمك لي طريقة علاجه ..
يعنى مرات فى عيد الضحيه ... ناس بيتنا بضبحوا اول يوم ... عاملين فيها اسره كبيره .... خالى (جمبنا طوالى) برضوا بضبح اول يوم عامل فيها انصار سنه .... وناس حبوبتى طبعاً بضبحو اول يوم .... يعنى باقى العيد ببقى مسيخ .... وما تعرف تمشى لمنو ذاتو ....
واحد ثقيل .... فتح ليهو محل كريمات جمبنا .... بعد شهر جاء واحد اثقل منو فتح جمبو .... بعد شويه جاء واحد اثقل منهم الاتنين فتح جمبهم .... اتخيلوا بعد يومين بنات فريقنا اعتصموا ...
يعنى بصراحه ... الفيل كبير ... لكن عندو زلومه واحده ...!!!
وبعدين كان ودوك غوانتينامو انا بنكرك ..
مدعوده ... !!!
* اكتر زول بتفتقدو في المنتدي منو لما تغيب ..
سعال محرج .... كان جبنا اسمو .... بتمسكيها على ....
لكن والله بصراحه اى زول اغيب بخلى المنتدى مسيخ ...!!!!
* المنتدي وناسو علي ارض الواقع بيكونوا نسبة كم في المائة من علاقاتك الخاصة
نسبه كبيره جداً .... تكاد تصل الى 100% ....
اى زول من مدنى انا بعرفو ...!!!
للاختصاص وكده .. ريمون العضو ما المشرف ..


عذبتينا بريمون المشرفه دى ...!!!
بنت الرفاعي
20-02-2012, 10:06 PM
:):):)
السلام عليكم ورحمة الله وبركاته.
نرحب بك في ضيافة النجوم.


:):):)
محمد الجزولى
20-02-2012, 10:23 PM
منور الكرسي يا بحيرى
وأكيد نحن على الموعد مع سحر حروفك
متابعين ....
تغريدا
20-02-2012, 10:36 PM
الخت الاكرم تغريدا ....
منورين بوجودك والله ....
والصور لسه معاى ....
ايه رايك ...!!!



اكرمك الله الخو بحيرى وصبحك الله بالخير
أها ياود أمى الصور دى ملكية فردية للأخوان جزاهم الله خيراً (المارشال وحرمه المصون سارية لأنه الصينية صنيتهم وكان أدوك تصريح موافقة أنشششششر أن شاء الله فى حبال الغسيل عوجة تب مافى):):p
بالمناسبة دى ياريت تحكى لينا عن اول شخص اتعرفت عليه فى المنتدى وهل قابلته على ارض الواقع وهل وجدت اختلاف بين شخصيته فى المنتدى وفى ارض الواقع
اتمنى ليك اسعد الأوقات:o

همسة*** عليك الله أعمل لينا بوست ظرييف وجميل كدا ونزل الصور دى
بحيرى
20-02-2012, 10:44 PM
:):):)
السلام عليكم ورحمة الله وبركاته.
نرحب بك في ضيافة النجوم.
:):):)



ومالك بتتلبدى كده ذى العامله ليك عمله ....!!!!
....
اهلين حبابك بت الرفاعى ....!!!
تخريمه :
بما انى زول محترم ....
وبقدر الناس الكبار ... فشكلى حاقوم للاخت مرام علشان تقعد فى الكرسى ...
بحيرى
20-02-2012, 10:46 PM
منور الكرسي يا بحيرى
وأكيد نحن على الموعد مع سحر حروفك
متابعين ....


سعاتو شخصياً ....
والله انت المنور ....
مع الكهرباء الغاليه دى ....
ما تبعد يا حبيبنا ... الونسه معاك حلوه ...!!!
آلاء عبد الرحمن
20-02-2012, 10:47 PM
الا اناسبو فى بيت جيرانهم ....!!!

ماعاجباك بتو وله ماعاجباك
بحيرى
20-02-2012, 10:50 PM
اكرمك الله الخو بحيرى وصبحك الله بالخير
أها ياود أمى الصور دى ملكية فردية للأخوان جزاهم الله خيراً (المارشال وحرمه المصون سارية لأنه الصينية صنيتهم وكان أدوك تصريح موافقة أنشششششر أن شاء الله فى حبال الغسيل عوجة تب مافى):):p
بالمناسبة دى ياريت تحكى لينا عن اول شخص اتعرفت عليه فى المنتدى وهل قابلته على ارض الواقع وهل وجدت اختلاف بين شخصيته فى المنتدى وفى ارض الواقع
اتمنى ليك اسعد الأوقات:o

همسة*** عليك الله أعمل لينا بوست ظرييف وجميل كدا ونزل الصور دى



اول زول عرفتو فى المنتدى ... عم محجوب ....
وهو شخصيه جميله ومرحه على المنتدى ... وذيد على ذلك حبوب خارج المنتدى ....

قايتو انتى شليقه جنس شلاقه ....
هسه الموضوع ده حيجر ... براك جبتى سيرة يوسف وامانى ....
معناتها الموضوع ده حيسخن ...!!!
آلاء عبد الرحمن
20-02-2012, 10:50 PM
يا دوبك عرفتى الفينى ...
وانا قايلك ثاحبتى ....!!!!!
صدق المثل البقوا قلبى على جناى وقلب جناى على بت الجيران ....!!!

والله ماكنت عارفاك بث عرفتك

انا برضو كنت قايلاك ثاحبي ياخ

:p
ودالعمدة
21-02-2012, 12:24 AM
الرائع بحيرى :
(( إلى مدينتي ود مدني
التي يمشي فيها الإبداع حافياً
كحراس المدن القديمة
وهي ... تصحو على أصوات حناجر العصافير
المعقمة بأصوات المآذن.. ورحيق المبدعين...
وإلى أسرتي التي أشقيتها بالبحث عن
الإبداع في الزمن العصي ))
من الذى كتب هذا الكلام وأين ؟
أمنيتين فى الخاطر تحققت احداهما ومنتظر الأخرى ؟
لماذا بحيرى يسجن نفسه فى غوانتانمو النفاج ؟
بحيرى
21-02-2012, 07:12 AM
والله ماكنت عارفاك بث عرفتك
انا برضو كنت قايلاك ثاحبي ياخ
:p


خلاص نبدأ صفحه جديده ....
والقروش الدايهن منك عفيتهم ليك ...!!!
وصينية البسبوسه الفاضيه برجعها ليك ...!!!!
بحيرى
21-02-2012, 07:15 AM
ماعاجباك بتو وله ماعاجباك


يعنى اقعد احرسها لمتين ...!!!
بعدين بينى وبينك .... ابوها ما بدينى ليها ....!!
اصلو ناس معتز ديل بعرسو بالبقر ....
وانا غنمايه ما عندى ...!!!
مدنيّة
21-02-2012, 07:23 AM
انت صحي يابحيري
ليه ماسك الصور معك!
ومانزلتهم ليه!
مدنيّة
21-02-2012, 07:24 AM
حصة العربي يابحيري
كنت بتمشي وين!!
السؤال دا جادي بالله
وعايزة اجابة كمية من الجداد فيه
مدنيّة
21-02-2012, 07:29 AM
* اكتر زول بتفتقدو في المنتدي منو لما تغيب ..



سؤال ريمون الزوغت منه دا
اها الليلة الا تجاوبه يابحيري
بحيرى
21-02-2012, 07:52 AM
الرائع بحيرى :
(( إلى مدينتي ود مدني
التي يمشي فيها الإبداع حافياً
كحراس المدن القديمة
وهي ... تصحو على أصوات حناجر العصافير
المعقمة بأصوات المآذن.. ورحيق المبدعين...
وإلى أسرتي التي أشقيتها بالبحث عن
الإبداع في الزمن العصي ))
من الذى كتب هذا الكلام وأين ؟
أمنيتين فى الخاطر تحققت احداهما ومنتظر الأخرى ؟
لماذا بحيرى يسجن نفسه فى غوانتانمو النفاج ؟


الاخ الرائع بروعة هذه المدينه ...
عمدة وعمادتو معمده ... عمده وخيراتو ممدده ...
ود العمده الفنان ... مرحب بيك فى الكرسى الذى سبقتمونى اليه بإبداعكم ....
خالد صديق هو من اشقى اسرته بالبحث عن البداع ...على ما اعتقد ....!!!
أمنيه تحققت : العمل فى المجال الإنسانى عبر المنظمات ....
أمنيه لم تتحقق بعد : زيارة بيت الله الحرام ....
انا لم اسجن نفسى فى النفاج ... بل مشاركاتى فى كل الاقسام ... ولكن اجد نفسى فى النفاج مع مجموعه جميله من الاصدقاء تكاد أن تكون اسره واحده ...
بحيرى
21-02-2012, 07:55 AM
انت صحي يابحيري
ليه ماسك الصور معك!
ومانزلتهم ليه!



والله مستنيكم تدفعوا لى ....
فى البدايه كنت داير ابتذاكم ....
لكن لقيتكم ما داسينها ....
قلت خلاص تدفعوا علشان انزلها ....
بصراحه كده انا زول مادى لابعد الحدود .... وخاشى على زواج ...!!!
بحيرى
21-02-2012, 08:00 AM
حصة العربي يابحيري
كنت بتمشي وين!!
السؤال دا جادي بالله
وعايزة اجابة كمية من الجداد فيه


والله انتو مشيلنى الماده دى سااااااى ....
وانا شايف نفسى من الناس الكويسين فى العربى مقارنةً بناس كده ...!!!
وحقو تانى الزول امشى من مستوى لمستوى بعد ما امتحن لغة عربيه وانجح ....
رايك شنو فى الاقتراح ده ....
علشان عضو فضى دى اكونو فيها نفرين بث ...!!!!
وبعدين انتى هسه لسانك ما معوج ... انا قلت حاجه ... ما ساااااكت ساااااى وماسك خشمى على ...!!!
قايتو يا خالتو ...!!!
مدنيّة
21-02-2012, 08:03 AM
والله مستنيكم تدفعوا لى ....
فى البدايه كنت داير ابتذاكم ....
لكن لقيتكم ما داسينها ....
قلت خلاص تدفعوا علشان انزلها ....


بحيري
نخلي الطابق مستور ولا رايك شنو!!! (وش ماسك عليك حاجات وإن كنت ناسي افكرك)
بحيرى
21-02-2012, 08:03 AM
سؤال ريمون الزوغت منه دا
اها الليلة الا تجاوبه يابحيري


فى الخاث ... فى الخاث ... يا خالتو ...
مافى داعى للفضايح ....!!!
مدنيّة
21-02-2012, 08:07 AM
علشان عضو فضى دى اكونو فيها نفرين بث ...!!!!



اوع يابحيري
تكون حاسب روحك مع النفرين ديل!!
مدنيّة
21-02-2012, 08:09 AM
فى الخاث ... فى الخاث ... يا خالتو ...
مافى داعى للفضايح ....!!!

غايتو يابحيري
في الخاس في العام
انا الشمار كاتلني
وعندك لعاية بكرة
وقد اعذر من انذر
آلاء عبد الرحمن
21-02-2012, 08:52 AM
خلاص نبدأ صفحه جديده ....
والقروش الدايهن منك عفيتهم ليك ...!!!
وصينية البسبوسه الفاضيه برجعها ليك ...!!!!

خرفته وله حاجة؟؟
mahagoub
21-02-2012, 09:16 AM
اول زول عرفتو فى المنتدى ... عم محجوب ....
وهو شخصيه جميله ومرحه على المنتدى ... وذيد على ذلك حبوب خارج المنتدى ....

قايتو انتى شليقه جنس شلاقه ....
هسه الموضوع ده حيجر ... براك جبتى سيرة يوسف وامانى ....
معناتها الموضوع ده حيسخن ...!!!

انا زاتى بحبك من جوه قلبى
واتمنى ان نجتمع قريباً
وربنا يرد غربتنا وغربتك
اقول ليك انا من هسع اتبنيتك
والله على ما اقول شهيد
مدنيّة
21-02-2012, 09:29 AM
اقول ليك انا من هسع اتبنيتك



براك جبته لروحك ياعمو محجوب ):

------
صراحة من الناس المميزة جدا انت والله
والحمد لله الواحد اتشرف بمعرفتك
--------
تسلم ياعمو محجوب
isamzaki1978
21-02-2012, 09:44 AM
ما تخاف الرقم الوطنى طلعتو ....!!!
هاهاها ....
اكيد طبعاً سمانى ابوى ... ربنا اطول فى عمرو ....
وسمانى على جدى الاستاذ صالح بحيرى .....
ومولود طبيعى يوم خميس وبالليل ....
من مواليد برج الجدى ... وامتاز بالعلاقات العاطفيه الفاشله ....
وشغال فى الدمازين ....
وعازمك 3 يوم (شهر عسل) بعد ما تعمل الفاتوره النهائيه ....
وساكن القسم الاول ... وعن ريدو ما بتحول ....
وعندى مزرعه سعيده ....
وناوى اتزوج .... بس مستنى هاترك ....
وعندى تلاته مراوح ....ودولاب تلاته ضلف فورمايكا .... ونص دسته كراسى بلاستيك .... وسريرين صينيات تركيب .... وشماعه حديد .... وتلفزيون 14 بوصه ملون .... ودقيتال استرونق اصلى .... وشباك مطل على الشارع والخور .... مع العلم انو الغرفه 4×4 ناصيه ....
عندى شهادة سكن ... وشهادة حياه .... وشهاده لمن يهمه الامر .... طبعاً ديل غير الجامعيه ....
وعندى خلو طرف من سيد الدكان الجمبنا ....
ذو خلق ... وذو دين .... وذا النون زاتو ....
اها ...
قصرت معاك

يقصر الملح ، انت من متين بتقصر
تسلم لى يا رفارف قلبى
isamzaki1978
21-02-2012, 10:03 AM
الاخ الرائع بروعة هذه المدينه ...
عمدة وعمادتو معمده ... عمده وخيراتو ممدده ...
ود العمده الفنان ... مرحب بيك فى الكرسى الذى سبقتمونى اليه بإبداعكم ....
خالد صديق هو من اشقى اسرته بالبحث عن البداع ...على ما اعتقد ....!!!
أمنيه تحققت : العمل فى المجال الإنسانى عبر المنظمات ....
أمنيه لم تتحقق بعد : زيارة بيت الله الحرام ....
انا لم اسجن نفسى فى النفاج ... بل مشاركاتى فى كل الاقسام ... ولكن اجد نفسى فى النفاج مع مجموعه جميله من الاصدقاء تكاد أن تكون اسره واحده ...


نحن ناس نفاج كلامنا الجادى زاتو هزل
زى ما بقول شيخى مطرة
محن وحات امى محن
محنت الجماعة يا زميل غوانتونامو " اتقتو ونامو "
ودسمير
21-02-2012, 10:31 AM
ما تخاف الرقم الوطنى طلعتو ....!!!
هاهاها ....
اكيد طبعاً سمانى ابوى ... ربنا اطول فى عمرو ....
وسمانى على جدى الاستاذ صالح بحيرى .....
ومولود طبيعى يوم خميس وبالليل ....
من مواليد برج الجدى ... وامتاز بالعلاقات العاطفيه الفاشله ....
وشغال فى الدمازين ....
وعازمك 3 يوم (شهر عسل) بعد ما تعمل الفاتوره النهائيه ....
وساكن القسم الاول ... وعن ريدو ما بتحول ....
وعندى مزرعه سعيده ....
وناوى اتزوج .... بس مستنى هاترك ....
وعندى تلاته مراوح ....ودولاب تلاته ضلف فورمايكا .... ونص دسته كراسى بلاستيك .... وسريرين صينيات تركيب .... وشماعه حديد .... وتلفزيون 14 بوصه ملون .... ودقيتال استرونق اصلى .... وشباك مطل على الشارع والخور .... مع العلم انو الغرفه 4×4 ناصيه ....
عندى شهادة سكن ... وشهادة حياه .... وشهاده لمن يهمه الامر .... طبعاً ديل غير الجامعيه ....
وعندى خلو طرف من سيد الدكان الجمبنا ....
ذو خلق ... وذو دين .... وذا النون زاتو ....
اها ...
قصرت معاك




لكن ال c v بتاعتك ما آخر موديل ...
بحيرى
21-02-2012, 08:33 PM
بحيري
نخلي الطابق مستور ولا رايك شنو!!! (وش ماسك عليك حاجات وإن كنت ناسي افكرك)


والله يا ميدا .... انتى قاعده تفهمينى غلط ....!!!
وطوالى جاريه على الموضوع داك ....!!
خلاص يا ستى .... كده حبايب ... واعرشى على كده ...
لانو ابتذيتينى مافيه الكفايه ....
بالمناسبه كلمة ( ابتذاز) دى عاجبانى ... والايام دى قاشر بيها ...
شفتى انا كيف برفع فى مستوى اللغه العربيه الفصحى .... استذكر وركز واصحى ...!!!!
بحيرى
21-02-2012, 08:36 PM
اوع يابحيري
تكون حاسب روحك مع النفرين ديل!!


كلك نظر يا خالتو ...!!!
يعنى كسير التلج ده لشنو يعنى ...!!!
بحيرى
21-02-2012, 08:43 PM
غايتو يابحيري
في الخاس في العام
انا الشمار كاتلني
وعندك لعاية بكرة
وقد اعذر من انذر



ممكن استعين بصديق ...!!!!؟
بالمناسبه صديق ده واحد ساحبى ...!!
بحيرى
21-02-2012, 08:48 PM
خرفته وله حاجة؟؟



لا بث اسهبت فى التفكير ...!!!
انتى اى حاجه ما عاجباك مالك ...؟!!!
الواحد اعمل شنو يعنى ...!!!؟
بحيرى
21-02-2012, 09:00 PM
انا زاتى بحبك من جوه قلبى
واتمنى ان نجتمع قريباً
وربنا يرد غربتنا وغربتك
اقول ليك انا من هسع اتبنيتك
والله على ما اقول شهيد



تسلم والله ياعمك ...
وربنا اقدرنا على خدمتك انشاء الله ...!!!
وربنا اخليك لينا وللمنتدى يارب ...!!!
بحيرى
21-02-2012, 09:03 PM
يقصر الملح ، انت من متين بتقصر
تسلم لى يا رفارف قلبى


يا فرده قلبى الشمال ....
وين انت ما ظاهر ياخ ...!!
اوع تكون من الجماعه بتاعين الكدايس ...!!!!
بحيرى
21-02-2012, 09:06 PM
نحن ناس نفاج كلامنا الجادى زاتو هزل
زى ما بقول شيخى مطرة
محن وحات امى محن
محنت الجماعة يا زميل غوانتونامو " اتقتو ونامو "


يا دفعه ...
الكلام د ه بجيب لينا الكتاحه ....
قونتنامو دى فى سرك بث ....
الجماعه ديل لو عرفوا ما بخلونا نجى العام ...!!!!
بحيرى
21-02-2012, 09:08 PM
لكن ال c v بتاعتك ما آخر موديل ...



على حسب الوظيفه يا عمك ....!!!
علشان الاختساس وكده ...!!!
بنت الرفاعي
21-02-2012, 09:55 PM
يعنى مرات فى عيد الضحيه ... ناس بيتنا بضبحوا اول يوم ... عاملين فيها اسره كبيره .... خالى (جمبنا طوالى) برضوا بضبح اول يوم عامل فيها انصار سنه .... وناس حبوبتى طبعاً بضبحو اول يوم .... يعنى باقى العيد ببقى مسيخ .... وما تعرف تمشى لمنو ذاتو ....
واحد ثقيل .... فتح ليهو محل كريمات جمبنا .... بعد شهر جاء واحد اثقل منو فتح جمبو .... بعد شويه جاء واحد اثقل منهم الاتنين فتح جمبهم .... اتخيلوا بعد يومين بنات فريقنا اعتصموا ...
يعنى بصراحه ... الفيل كبير ... لكن عندو زلومه واحده ...!!!





:):):)
:):)
:)
بنت الرفاعي
21-02-2012, 10:07 PM
ومالك بتتلبدى كده ذى العامله ليك عمله ....!!!!


كنت بفكِّر في الأسئلة.:cool:


....
اهلين حبابك بت الرفاعى ....!!!
تخريمه :
بما انى زول محترم ....
وبقدر الناس الكبار ... فشكلى حاقوم للاخت مرام علشان تقعد فى الكرسى ...




:):):)

شُكراً على الترحيب.

شُكرا لك على كلامك الطيِّب وأصلاً مُحترم,
لكن:
مافي طريقة (هروب)،
وبعدين زي ما أنت شايف لا بعرف أتكلّم زي كلامك،
(ما شاء الله عليك) ولا بقدر.:o


أنقى التحايا مع كل التقدير والإحترام لك.:)

:):):)
بحيرى
22-02-2012, 04:48 AM
:):):)
:):)
:)

:):):):)
:):):)
:):)
:)
بحيرى
22-02-2012, 04:53 AM
:):):)

شُكراً على الترحيب.

شُكرا لك على كلامك الطيِّب وأصلاً مُحترم,
لكن:
مافي طريقة (هروب)،
وبعدين زي ما أنت شايف لا بعرف أتكلّم زي كلامك،
(ما شاء الله عليك) ولا بقدر.:o


أنقى التحايا مع كل التقدير والإحترام لك.:)

:):):)



الدكتوره مرام بت الرفاعى ....
اخصائى زوق وادب واخلاق .....
والله انتى واحده من الناس البخلو المنتدى ده جميل ورائع ....
اسعدنى جداً الإطراء ....
لكن الهروب ده شنو ...؟؟؟
افو ..!!!!
نحن عيال المك نمر بنهرب كمان ولا بنهرب ....
حرم ... مانى زايق ولا شتين ...
واى سعال منطقى بجاوب عليهو ....
لكن اى سعال تأسفى ... فى الخاس بث ...!!!!
اصلو القطر فيهو مفتشين كتار ...!!!
آلاء عبد الرحمن
22-02-2012, 10:44 AM
لا بث اسهبت فى التفكير ...!!!
انتى اى حاجه ما عاجباك مالك ...؟!!!
الواحد اعمل شنو يعنى ...!!!؟

عسير ليمووون
ابوالنون السين دي ماجات غلط
مدنيّة
22-02-2012, 09:02 PM
بحيري
تحدث لنا عن طفولتك (لوعشتها اصلا)

---------
تبعا السؤال الفوق دا
مركبة وش مرام
واتخيل لي مامحتاجة اوضح انه القوس ما تبع وش مرام ، ثمح!
بحيرى
22-02-2012, 09:14 PM
عسير ليمووون



الطلب موجه لكفيلة معتز سمير ....
اااااااقصد شقيقة معتز سمير ....!!!!!!
بحيرى
22-02-2012, 11:17 PM
بحيري
تحدث لنا عن طفولتك (لوعشتها اصلا)
---------
تبعا السؤال الفوق دا
مركبة وش مرام
واتخيل لي مامحتاجة اوضح انه القوس ما تبع وش مرام ، ثمح!


تخيلى يا خالتو .... انا الزول الوحيد فى المنتدى ده عشت طفوله جميله ناتجه عن ترابط اسرى مفعم بالعطف والحنيه ...
المذكور اعلاه تابع لوش مرام ...
ومع ذلك يا ميده ... عشت ايضاً طفوله الشارع .... اللعب والجرى والهترشه ....
وما خليت لى جرس كهرباء معلق فى خشم باب الا ضربتو وقمت جارى ....
ده طبعاً غير البحر ... البحر ده حكايتو حكايه ... كنا بنسرق الجوافه والمنقه من جنينة ابوزيد .... معليش يا سعاتو ..!!
وكنا شله جميله من اولاد الحى ... لنا ذكريات جميله عن طفولتنا ... لا تسعفنى المساحه لسردها ....
لعبنا شليل ولعبنا الرمه والحراس ... ولعبنا بمبه وسك سك ... وكمبلت وزنق البصله .... وسجاره من نطاك ...
ولعبنا حرب حرب ايام مسلسل رماح ...
قايتو يا خالتو ... بالجد كانت ايام جميله ....
ملحوظه: الكلام اعلاه تابع للقوسين ...!!!
مدنيّة
24-02-2012, 04:14 AM
رائك بصراحة في الاتي
الحب
الجمال
الصداقة
الامانة
الكذب
الخيانة
المسلسلات التركية
المسلسلات الاجنبية
المسلسلات العربية

--------
برجع ليك باذن الله بحزمة جديدة من الاسئلة ):
--------
جمعتك مباركة بحيري
مدنيّة
24-02-2012, 04:16 AM
(وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ)

احكي لينا عن توقيعك دا
بحيرى
24-02-2012, 11:49 PM
رائك بصراحة في الاتي
الحب
لايوجد فى هذه البلاد ....
الجمال
يحبه الله سبحانه وتعالى .... ولا عزاء للشناه والقبح ....
الصداقة
ذى حمد والديبه ....
الامانة
من الحجار الكريمه النادره ....
الكذب
من ضروريات الحياه اليوميه ....
الخيانة
مرادف لكلمة الحب ....
المسلسلات التركية
إن الله مع الصابرين ....
المسلسلات الاجنبية
اباده للرومانسيه ....
المسلسلات العربية
قصدك المسلسلات المصريه ....!!
--------
برجع ليك باذن الله بحزمة جديدة من الاسئلة ):
--------
جمعتك مباركة بحيري


وانتى الابرك يا خالتو ....
ومستنين بقية الاسئله ...
قايتو التقول كاتل ليك زول ....!!
بحيرى
25-02-2012, 12:03 AM
(وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ)

احكي لينا عن توقيعك دا


عندما تختفى الشمس عند الافق ....
وتلوح فى الافق نجمات بعاد لامعات ...
ويغط الكون فى ظلام عميق ....
احسها بقربى تضئ الدنيا بحلاوة ابتسامتها ...
تدفئ الكون بحرارة قلبها ...
تغمرنى بحنانها وعطفها ... اشعر وانا فى حضنها ... بأننى لم ازل فى سنتى الاولى ....
لا يطيب لها فى ذلك الوقت سوى الحديث معى ....
لا اطيق انكشاح الظلام وظهور النور الا ....
الا لرؤيتها وسماعها وهى تحمل الشاى فى كلمات حنان ( صباح الخير ) ...
وإطل صباح اكشف قناع والظلمه ترحل وتنهزم ....
سوف لن اطلب منك صوره ....
سوف تكونين صورة حيه ... بل زهرة نديه ...
اغسل وجهى فى نداها كل صباح ...!!

امى ... اطال الله فى عمرك ....
مدنيّة
25-02-2012, 12:08 AM
عندما تختفى الشمس عند الافق ....
وتلوح فى الافق نجمات بعاد لامعات ...
ويغط الكون فى ظلام عميق ....
احسها بقربى تضئ الدنيا بحلاوة ابتسامتها ...
تدفئ الكون بحرارة قلبها ...
تغمرنى بحنانها وعطفها ... اشعر وانا فى حضنها ... بأننى لم ازل فى سنتى الاولى ....
لا يطيب لها فى ذلك الوقت سوى الحديث معى ....
لا اطيق انكشاح الظلام وظهور النور الا ....
الا لرؤيتها وسماعها وهى تحمل الشاى فى كلمات حنان ( صباح الخير ) ...
وإطل صباح اكشف قناع والظلمه ترحل وتنهزم ....
سوف لن اطلب منك صوره ....
سوف تكونين صورة حيه ... بل زهرة نديه ...
اغسل وجهى فى نداها كل صباح ...!!

امى ... اطال الله فى عمرك ....


ياسلااااااااام عليك يابحيري والله
مدنيّة
25-02-2012, 12:08 AM
عندما تختفى الشمس عند الافق ....
وتلوح فى الافق نجمات بعاد لامعات ...
ويغط الكون فى ظلام عميق ....
احسها بقربى تضئ الدنيا بحلاوة ابتسامتها ...
تدفئ الكون بحرارة قلبها ...
تغمرنى بحنانها وعطفها ... اشعر وانا فى حضنها ... بأننى لم ازل فى سنتى الاولى ....
لا يطيب لها فى ذلك الوقت سوى الحديث معى ....
لا اطيق انكشاح الظلام وظهور النور الا ....
الا لرؤيتها وسماعها وهى تحمل الشاى فى كلمات حنان ( صباح الخير ) ...
وإطل صباح اكشف قناع والظلمه ترحل وتنهزم ....
سوف لن اطلب منك صوره ....
سوف تكونين صورة حيه ... بل زهرة نديه ...
اغسل وجهى فى نداها كل صباح ...!!

امى ... اطال الله فى عمرك ....


ياسلااااااااام عليك يابحيري والله
محمد الجزولى
25-02-2012, 11:42 PM
عندما تختفى الشمس عند الافق ....
وتلوح فى الافق نجمات بعاد لامعات ...
ويغط الكون فى ظلام عميق ....
احسها بقربى تضئ الدنيا بحلاوة ابتسامتها ...
تدفئ الكون بحرارة قلبها ...
تغمرنى بحنانها وعطفها ... اشعر وانا فى حضنها ... بأننى لم ازل فى سنتى الاولى ....
لا يطيب لها فى ذلك الوقت سوى الحديث معى ....
لا اطيق انكشاح الظلام وظهور النور الا ....
الا لرؤيتها وسماعها وهى تحمل الشاى فى كلمات حنان ( صباح الخير ) ...
وإطل صباح اكشف قناع والظلمه ترحل وتنهزم ....
سوف لن اطلب منك صوره ....
سوف تكونين صورة حيه ... بل زهرة نديه ...
اغسل وجهى فى نداها كل صباح ...!!

امى ... اطال الله فى عمرك ....

الله عليك يا بحيري ياخ
كلام معبر جدا
وبمناسبة الام ياخ هاك السؤال ده
قال شاعرنا
بذكرك يا يمة في الدغش النسايمو يهبهبن
قايمي الصباح متكفلتي وشايلة الحليلة على المراح

وقال آخر
ماما انصاف الرقدت نامت
قامت بدرى الساعة حداشر
بعد المكياج مرقت حامت
اها يا اخوي رأيك بإسهاب ........ وما بين ( زمان ) والآن )
بحيرى
27-02-2012, 03:56 AM
الله عليك يا بحيري ياخ
كلام معبر جدا
وبمناسبة الام ياخ هاك السؤال ده
قال شاعرنا
بذكرك يا يمة في الدغش النسايمو يهبهبن
قايمي الصباح متكفلتي وشايلة الحليلة على المراح

وقال آخر
ماما انصاف الرقدت نامت
قامت بدرى الساعة حداشر
بعد المكياج مرقت حامت
اها يا اخوي رأيك بإسهاب ........ وما بين ( زمان ) والآن )


الاخ الحبيب ود الجزولى ...
والله شتان ما بين الام فى العصر الجميل والام ام بلوزه وبنطلون ....
الام فى هذا الزمن اصبحت مشغوله باشياء كثيره ... تأخذ من زمن اطفالها الكثير .... مما يؤدى الى ظهور جيل غير مفعم بالحنان وغير مكتمل الملامح التربويه ....
رغم أن حنان الام هو نفسه ... لم يتغير مع الزمن ولن .... ولانه لا اعتقد أن هنالك ام فى هذا الكون لا تعطف او تحن لمولودها ...
ولكن تغير الاشياء من حول الام تأثير سوف ينصب على من هم تحت ادارتها .... او قل تحت قدميها ....
اماتنا زمان القبشه كاتلاهن ...
الواحده من النباه الاول تقوم للعواسه والشاى ....
النعلات كل فرده من بلد ... التوب نصو كارى بالواطه ... العيون بغظاهن ...
همهن الاول والاخير .... الشفع اصحو اشربوا الشاى وامشوا لمدارسهم ....
الواحده فيهن تدعى ليك لحدى ما توصلك خشم الباب .... وتشيلك فطورك .... وتوصيك على نفسك عشره ....
ما تخلى ليك حاجه .... مرات تقدمك للمدرسه ...
والعكس تماماً هسه ...
تجى مارق .... تقول ليك حول لى رصيد معاك ....
الله اديهن العافيه واطول فى عمرهن ...
ورسلى لى عفوك انجينى من جور الزمان ....!!!
بنت الرفاعي
27-02-2012, 03:58 AM
:):):)

ما شاء الله.

:):):)
:):)
:)
بحيرى
28-02-2012, 11:07 AM
:):):)

ما شاء الله.

:):):)
:):)
:)



الله ما ضراك يا دكتوره .....
samia
02-03-2012, 03:03 AM
مبروك عليك الكرسي وإن شاء الله عقبال باقي الكراسي الا حقة الحفلاتت