الموتى لا يسحبون القرعه !

[ودسمير]

قبل يومين كنت داخل اراضى ودمدنى ، وقرأت اعلانا وهو : قرعة الاراضى للمتقدمين من العام 1987 حتى 1996 !!!!!!!! ، يعنى الذين تقدموا بطلب للحصول على اراضى سكنيه منذ اكتر من ربع قرن هاهو الفرج والحظ الجميل يطرق ابوابهم ! وعرفت ان هنالك اعداد منهم غادروا الدنيا دون ان يسحبون قرعه ولا ينعمون بقطعة ارض ! واتمنى ان يكون لديهم ابناء ..

قال لى احدهم : بلد المليون ميل لا نجد فيه شبر !!

قلت له :شبر فوق الارض مافى طريقه ...

لكن شبر تحت الارض مضمون ..]

[آلاء عبد الرحمن]

ربنا يسهل بث

[أم سماح]

بالجد ياود سمير شيىء مخجل مرة
والطامة الكبرى بعد يسحبو ينتظروا تانى قدر المدة الفاتت عشان الخدمات تصل المربعات دى
والقال منو شبر تحت الأرض مضمون ..
الله يستر ده ذاته بعد شوية يكون مافى

[صلاح ودالطاهر]

هههههههههههههههههههههههههههههههه شر البلية ما يضحك عندي قطعه في الاسكان الفئوي لهسع ما استلمتها

[معز عوض]

باكر علي الجنه بنعيش ،
والدنيا تعرف غلطتا ...

[سيف الدين الامين]

فعــلاً شــر البليـة ما يضــحك لكنـه ضحك ممزوج بالأسـى والبكــاء ولكل الحالمين باراضي من خلال الخطط الاسكانيـة أن يغطوا في نومهم ويتدثروا جيداً حتى لا يقطـع عليهم أحـد حلمهم وبالتالي يتسلمو أرضهم ويقومو ببنائها وهم نيــام وغير ذلك فلا امــل اضافة لذلك أين ستكون هذه الاراضي خاصة وأن مدني امتلئت تماما ولا يوجد بها مكان يمكن تخطيطه وموت يا حمار لحين وصـول الخدمات للمناطق التي سمعنا بانه سيتم تخطيطها للخطط الاسكانية الجديدة والدليل أن خدمات مدني نفسها أصبحت في خبر كان وقد لمست ذلك خلال اجازتي الاخيرة خاصة في خدمة الماء التي أصبحت مثل الضيف الظريف الذي اعتمد اسلوب ( بارك الله في من زار وخفف ) ... طبعا قدمت للخطة الاسكانية لكنني حتى الآن لم أبدأ الحلم باستلامها وربنا يدي طول العمــر .

[ود سعدابى]

باكر علي الجنه بنعيش ،
والدنيا تعرف غلطتا ...

ودا اجمل رد

بااااكر على الجنة بنعيش والدنيا تعرف غلطتا

[ودالعمدة]

فى مثل بيقول
واطاتنا اصبحت
مقصود بيه هذه القرعة
بعد ربع قرن من الزمان
تم الرضاء علينا
يعنى الخدمات تدخل بعد نصف قرن
ربنا يطول اعمار الجميع
بالقرعة : ياودسمير سحبت القرعة ووين الارض ؟

[isam saboon]

دى قصه طويله ما عندها نهايه
اقترح على ناس الاراضى تغير شروط التقديم للاراضى
بأن يتم السماح للمواليد بالتقديم لامتلاك ارض سكنيه ليتمكنوا من سحب القرعه عند بلوغهم سن الثلاثون وعندما يبلغوا سن الستين تكون الخدمات وصلت وبعدها يكتبوا وصيه لابناؤهم بتعمير تلك الارض اذا سمحت ظروفهم.
- الله غالب -

[isam saboon]

ربنا يستر الناس ديل مايقوموا يفكروا فى حرق الاموات

[isam saboon]

ربنا يستر الناس ديل مايقوموا يفكروا فى حرق الاموات

[أم سماح]

ود سمير زى ما قال ليك ود العمده
بالصح سحبت .. وواطاتك وقعت وين ؟

[عنكوليب]

ام سماح ،،، الكلام ده في مدني ؟

أنا عندي ورق من 1990 أجي ؟

[ودسمير]

ام سماح ،،، الكلام ده في مدني ؟

أنا عندي ورق من 1990 أجي ؟


( أجى يا بت أمى ) !!

[أم سماح]

عنكوليب أحمدى الله إنك ما حتسحبى مع الموتى
ويختى من 1990 كنتى وين ؟ وتقديمك نوعه شنو خطة عادية أم فئوية ؟