كرسي النجوم مع نجم الشهر شيخ النفاج ود المطامير

[ريمون]

http://i42.tinypic.com/jjmnvo.gifضيفنا هذه المرة من ركائز المنتدي الأساسيةhttp://i42.tinypic.com/jjmnvo.gif
http://i42.tinypic.com/jjmnvo.gif

غني عن التعريف

http://i42.tinypic.com/jjmnvo.gif

يمتلك مهارات فذة

http://i42.tinypic.com/jjmnvo.gif

يدخل الفرح والإبتسامة الي عوالمنا

http://i42.tinypic.com/jjmnvo.gif

عميق التفكير

http://i42.tinypic.com/jjmnvo.gif

لا يخاف في الحق لومة لائم


http://i42.tinypic.com/jjmnvo.gif

نفتقده عندما يغيب عن المنتدى
http://i42.tinypic.com/jjmnvo.gif



http://i42.tinypic.com/jjmnvo.gif

http://i42.tinypic.com/jjmnvo.gif

http://i42.tinypic.com/jjmnvo.gifفلنرحب جميعنا بنجمنا المتألق دوماًhttp://i42.tinypic.com/jjmnvo.gif


مطاميرو


http://i41.tinypic.com/21e5g8n.jpg

http://i42.tinypic.com/jjmnvo.gif ونتمن له قضاء أطيب الأوقات وأسعدها http://i42.tinypic.com/jjmnvo.gif

http://i42.tinypic.com/jjmnvo.gif كما أتمنى للجميع قضاء أجمل الاوقات برفقته http://i42.tinypic.com/jjmnvo.gif

مع تحيات مشرفي العام




http://i40.tinypic.com/15phm3c.gif

[abomazeen]

http://i42.tinypic.com/jjmnvo.gifضيفنا هذه المرة من ركائز المنتدي الأساسيةhttp://i42.tinypic.com/jjmnvo.gif
http://i42.tinypic.com/jjmnvo.gif

غني عن التعريف

http://i42.tinypic.com/jjmnvo.gif

يمتلك مهارات فذة

http://i42.tinypic.com/jjmnvo.gif

يدخل الفرح والإبتسامة الي عوالمنا

http://i42.tinypic.com/jjmnvo.gif

عميق التفكير

http://i42.tinypic.com/jjmnvo.gif

لا يخاف في الحق لومة لائم


http://i42.tinypic.com/jjmnvo.gif

نفتقده عندما يغيب عن المنتدى
http://i42.tinypic.com/jjmnvo.gif



http://i42.tinypic.com/jjmnvo.gif

http://i42.tinypic.com/jjmnvo.gif

http://i42.tinypic.com/jjmnvo.gifفلنرحب جميعنا بنجمنا المتألق دوماًhttp://i42.tinypic.com/jjmnvo.gif


مطاميرو


http://i41.tinypic.com/21e5g8n.jpg

http://i42.tinypic.com/jjmnvo.gif ونتمن له قضاء أطيب الأوقات وأسعدها http://i42.tinypic.com/jjmnvo.gif

http://i42.tinypic.com/jjmnvo.gif كما أتمنى للجميع قضاء أجمل الاوقات برفقته http://i42.tinypic.com/jjmnvo.gif

مع تحيات مشرفي العام




http://i40.tinypic.com/15phm3c.gif


ميييييين حبيب قلبي السجيبن السابق مطاميرو ....؟
عاد يا الحبيب الكرسي ما ح يولــع عديل كده
ماشي اجيب الملفات القديمة القابلة للنشر
أمانة ما وقعت لي في جرح يا مطـرة
زوغااان نهي نهي زندقي نهي
المفاجآت لمن يسخن الكرسي
منور الكرسي يا مطاميرو

[خالد 000 ابقرجة]

ود المطامير 000
طبعاً حا أساهم معاك في البطاقة الشخصية000 (بس لازم تدفع بالدرهم )


بسم اللّة الرحمن الرحيم
السلام عليكم ورحمة اللّة تعالى وبركاتة
عِلا ياكن حرّم وأنا خلاص طالع ماشى للوليدات لقيتهم قعدونى فى الكرسى , ربنا ستر من ناس شبارق وأبورجاء أكانوا قالوا علىّ خاف قام جارى .
أخوكم فى اللّة عندو تلاتة أسامى وكل واحد يختار اللى يعجبو .
1 .. عثمان إبراهيم عثمان ( ودى الإسم الرسمى فى شهادة الميلاد والجواز )
2 .. عروة إبراهيم عثمان ( ودا لإسم الشعبى اللى لصقتو فينى أمى والشغال طوالى )
3 .. ود المطامير ابراهيم عثمان ( ودا بتعرفوهو )
أها ... من مدينة الشرفة الشريف بركات ( هلا هلا الناس البروبوا الموية )
4 / 2 / 1966 دا اليوم اللى جا فيهو البلا للمطامير والقرى المجاورة , شافع وحاة إسم اللّة قالت لى أمى بس قدر لمبة الجاز , حتيتونى أمى زاتها خافت منى ومرات مرات أقرب أقع من يديها أها .. بالعصيدة والويكة إتبغبغت وعملت جضيمات وكبرت ودخلت المدارس لحد الشهادة الثانوية يعنى جامعة .. نو نهى زندقى .. عشان ما كنت فاضى للمدرسة من الشريك للطيور والنبل ورماى السمك , وركوب العجلات وشواكيش البنات .
أخوانى (( خالد وخالدة )) بس وديل جو دفعة واحدة بعد عشرة سنين من جيتى أنا ودى قصتها غريبة والكرسى حقى ونقة للصباح .
لما ولدونى أنا واحد عينو حارة قال بت النور دى بتلحق أمها فى الولادة وحبوبتى جابت 15 خال وخالة , أها وحاتكم بى كلامو دا دق لينا فرامل عشرة سنوات لما أبوى شاف أبوهو فى النوم وقال ليهو أمشى لفلان الفلانى وقول ليهو قول ماشاء اللّة وبعد داك الفرامل فكت . وجو خالد وخالدة وقبضت تانى القبضة الياها ,
لما مشاكلى فى الحِلة كترت وأمى زهجت من كترة شكاوى النسوان البشاغل بناتهن قالت لأبوى الجنا دا فاضحنى فى الفريق سوقوا معاك أبوظبى وجيت أبوظبى 11/ 3 / 1987 وفى آخر 98 إتزوجت بعد قصة حب ما حصلت قبل كدا , وقلت أملى الحوش شفع ويلا
1 .. شجن .. سبعة سنوات
2 .. عمرو .. خمسة سنوات
3 .. عمار .. سنة وشهرين .. وهم معاى هنا فى الإمارات . وأحسن تسكتونى عشان تلقوا حاجة تسألوا منها (( ملحوظة )) معكم من يوم الأحد لحد الأربعاء وباقى الإسبوع حق المكوة وغسيل العدة .
أى سؤال من أى نوع ومن أى ناحية جاهز وحرّم كضب مافى تب .
أها أشوفكم يوم الأحد
مع السلامة .


بس مع ملاحظة إضافة خمسة سنوات للتواريخ الواردة في المشاركة 000

عروة الحبيب 000
طبعاً لمن جينا المنتدي في 2008 قبال السيل 000 إنتا كنتا في غوانتا نامو (طرينا الشر لي بعدو علي قول حبوبتي ) 000
بس كان إسمك دايماً حاضر مع الجميع 000
وفي يوم وقع في يدي البوست الكان فيهو المشاركة دي قريت صفحاتو كلها 000
وعرفتا فيهو عروة الجميل الخفيف 000
عشان كدة لمن نزار أبو سفروق قاد في النفاج حملة لإغلاق زنزانتك في غوانتانامو 000
كان طبيعي ناس ما قابلوك يكونو داعمين ليها 000 (في داعي لسيرة السوابق دي ؟؟؟) 000

عروة 000
جاييك بعد تكملة السيرة الذاتية 000

[خالد 000 ابقرجة]

http://www.arab-x.com/uploads/Feb-06/1463bfe683.jpg (http://www.arab-x.com/)
width="500" height="300"
http://www.arab-x.com/uploads/Feb-06/33ebf935d3.gif (http://www.arab-x.com/)[/QUOTE]


إهداء البوست مع التحية للعزيز ( زول فردة )

[ود المطامير]

وأنا آاااااااه إشتقت ليك

ااااى والله ، إشتقت ليها إلى حد الوجع والتوهان
إشتقت لما كنت بتقلب الليل كلو والنعاس يفارغ عيونى من الفرح
لأنى بكره ح أمشى أشوف الحبيبه ، ومع النجمه أصحى وأتلبس ، وأول واحد ينط فى البكسى
وبجوار مسرح الجزيره العريق أول واحد ينط من البكسى ، وأقول كد أدى ليك بنطلونى رفعه
وأتنفّض ليك من الغبار والسفايه وكتاحة الطريق ويا مدنى الجميله جااااك هيثم الخلا

وأول حاجه وقبل كل حاجه تكون المحطه الأولى هو كشك الحاجه البارده جمب سينما الوطنيه
وأصنقع ليك بكباية حاجه بارده ، باااارده لمن أغمض ورغم إنى كنت بحب الببسى لكن كنت بزوغ منو
علشان قولة بااااااع طوالى بطلع لى فى نخيراتى لمن أدمّع

ويلا بعد داك تبدأ رحله جميله فى ( مدنى الجميله ) مدنى الجمال والثقافه والفن والرجال
وأحوم حوامه لمن شبشبى يقول الرووووووب وأرجع وأنا أكثر سعاده وبهجه

أختة ريمون ... شكراً لك وأنتى تمثلين مشرفي العام وتضعونى تحت دائرة الضوء
ككتاب مفتوح للجميع وإن شاء الله سوف تجدونى معكم بمنتهى الشفافيه والصدق
أختى ريمون ... جزاك الله عنى كل الخير على الترحيب الذى أثلج صدر

وللجميع أقول كما قلت هنا وفى نفس المقام قبل سنوات ... مستعدين لأى سؤال
ممهما كان لونه وشكله وطعمه
ودمتم لى إخوه وأخوات أعتز وأفتخر بهم جداً جداً

[ود المطامير]

ميييييين حبيب قلبي السجيبن السابق مطاميرو ....؟
عاد يا الحبيب الكرسي ما ح يولــع عديل كده
ماشي اجيب الملفات القديمة القابلة للنشر
أمانة ما وقعت لي في جرح يا مطـرة
زوغااان نهي نهي زندقي نهي
المفاجآت لمن يسخن الكرسي
منور الكرسي يا مطاميرو
هع هع هع هع

حبيب قلبى إنتا فى كل الأزمنه ، رغم إنى أحسُّ فى الزمن الراهن بتباعد وهج الوصال بيننا
كثير سألت نفسى ... لماذا لا أجد نفسى والحبيب أبو مازن نرتشف فنجان قهوه كما كنا على صفحات المنتدى ؟

لا أكتمك سرا كثير تجدنى أشعر بإنقباض لمجرد التفكير فى إنى قد أكون أخطأت فى زمن ما فى مكان ما فى أمر ما

ولكن اليوم .. بالجد أسعدتنى غاية السعاده بهمسك أعلاه الذى رد لى الروح إذ وجدت فيه إشاره أن اللى بيننا عااااامر ;)

حبيب قلبى ..
آاااى جيب الملفات وتعال والله يسترنى معاك علشان ملفاتى جت إنتا حافظها عن ظهر قلب ;)

[ahmed algam]

هع هع هع هع هع

والله مصيبتك مصيبة ياعمك
اها اتحفنا وتم لينا باقي السيرة الذاتية


بجيك صادي

[ود المطامير]

ود المطامير 000
طبعاً حا أساهم معاك في البطاقة الشخصية000 (بس لازم تدفع بالدرهم )




بس مع ملاحظة إضافة خمسة سنوات للتواريخ الواردة في المشاركة 000

عروة الحبيب 000
طبعاً لمن جينا المنتدي في 2008 قبال السيل 000 إنتا كنتا في غوانتا نامو (طرينا الشر لي بعدو علي قول حبوبتي ) 000
بس كان إسمك دايماً حاضر مع الجميع 000
وفي يوم وقع في يدي البوست الكان فيهو المشاركة دي قريت صفحاتو كلها 000
وعرفتا فيهو عروة الجميل الخفيف 000
عشان كدة لمن نزار أبو سفروق قاد في النفاج حملة لإغلاق زنزانتك في غوانتانامو 000
كان طبيعي ناس ما قابلوك يكونو داعمين ليها 000 (في داعي لسيرة السوابق دي ؟؟؟) 000

عروة 000
جاييك بعد تكملة السيرة الذاتية 000
الحبيب
والله الحق والله الحق يا الحبيب
إلى وقت قريب كانت أمنياتى كبيييييره أن يجمعنى الله بك فى بوست أو مشاركه
كنت أتمنى من جواااى أن نتداخل معا ولو من على البعد فى أى بوست
وذلك لكى أنال شرف أن .. الرائع فينا أبدا خالد أبو قرجه قد حادثنى

تعرف يا الحبيب ؟ طبعا نخن هنا كلنا سواسيه كأسنان المشط ولكن يوجد بيننا
من نحسُ تجاهه بالرهبه لعلو مكانته وسمو روحه ورفعة أخلاقه وأنت بالنسبه لى كذلك
وعليه ليتك رأيت فرحتى الغامره قبل كم يوم وأنت تمازحنى فى النفاج

الحبيب خالد .. جد والله ريده لله فى الله

أهاااا ... فى زمن جميل وأنا كنت لسه عريبى حايم هنى
عمتنى ليك الزول الفريد ... زول فرده .. جمب الأكشاك ..وقال لى عاوزين نجيبك
فى التلفزيون تعال وساقنى من يدى وجابنى على هذه القناه الرائعه
فكانت إفتاحية كلامى بالإقتباس اللى أتيت به وكانت من أمتع أوقاتى هنا

ووالله الحق .. وأنا فى غوانتانامو وقتها كنت أتابع مواضيعك ومشاركاتك بكل لهفه وشوق
وحتى كتير كنت بدون ما أشعر أقول أشارك معاكم أكان ألقى ليك السجان طق يطقنى فى راسى ويقول لى أقعد مكانك

تعرف يا الحبيب ؟ وسر أذيعه إتخيل لى تانى مره ;)
لما تم ترحيلى لغوانتانامو للمره الأخيره كنت ماخد تأبيده ، سجن مدى الحياه
وكان جناح الصقور فى الإداره بقيادة صاحبى نبيل ضد حتى التفكير فى عودتى
وجرت محاولات عديد للإفراج عنى تحت ضغط حبايبى وأهلى وناسى الأعضاء
ولكن كلها باءت بالفشل للمعارضه القوووويه من الجبهه اليساريه وهم معزورين ولهم أسبابهم
وخاصه وإنى قد إستنفدت كل فرص الطاعه والولاء ;)
لحد ما جا يوم وقام
( أبوسفروووق الله يخليهو) لى و فكفكنى ليك من قيودى ( بقرار فردى منه )
لعلمه التام ويقينه الكبير بأن جانب الخير فينى أكبر من شرى وأن فترة السجن الطوييييله
فى غوانتانامو قد أذابت شرى و أطلقنى وكان رهانه بينه و بينهم هو الميدان ومن هنا ومن كل قلبى
أتمنى ألا أكون قد خذلته ولو حتى بحرف ليس فى مكانه

الحبيب أبوقرجه ... يديك العافيه والله ريحتنى من السيره الذاتيه وفتحت لى مجال لكى أنداح

[ود المطامير]

http://www.arab-x.com/uploads/feb-06/1463bfe683.jpg (http://www.arab-x.com/)
width="500" height="300"
http://www.arab-x.com/uploads/feb-06/33ebf935d3.gif (http://www.arab-x.com/)


إهداء البوست مع التحية للعزيز ( زول فردة )[/quote]
يا سلااااااام
رائع والله يا رائع
وأنت تضعنا وسام على صدر زول هو فعلا فرده
والله والله أنا أشهد له أنه فى فتره من الفترات كان يحمل المنتدى على كتفيه ليل نهار
كنا على تواصل معه يوميا وعلى مدار الساعه بشئون المنتدى
كان قيادى فريد من نوعه ولكن سبحان الله تلك الإداره فى ذلك الزمن فرّطت فيه بطريقه مدهشه

له ولك وللجميع محبّتى وإحترامى

[ود المطامير]

هع هع هع هع هع

والله مصيبتك مصيبة ياعمك
اها اتحفنا وتم لينا باقي السيرة الذاتية


بجيك صادي
هع هع هع هع

والله يا الحبيب مصيبتهم هم المصيبه
وحات ريدنا ليك
ح أخليهم يقولو دا جبتوهو لينا لشنو ؟ ;)

ياتو سيره ذاتيه دى يا الحبيب ؟ دا فى ناس مسمينى الفضيحه من كترة حكاوينى ;)

[ود المطامير]

أحبّتى الكرام
أخوك فى الله كما هو مذكور فى الإقتباس اللى جابه الحبيب أبوقرجه
فى ذلك الزمن كان لى تلاته أسماء لكن هسى عييييييييييييييك ما تعدش ;) وآخرها مطرطر ;)

التعليم ، وحات الله شااااااطر فى أى حاجه إلا المدرسه والفضل يرجع لحرمشه ود الكلب
والمدرسه وحات الله كنت شاطر فيها شطاره جد لكن المصيبه ما ردتها كلو كلو
وكنت كتير الغياب والزوغان وأصحابى كانو يدرسو وأنا شايل نبلتى وحايم ورا القمرى فى الجناين

المرحله الإبتدائيه حلااااتى يا ناااسى كنت شاطر وملتزم ، والمرحله المتوسطه برضو كنت وااااحلاتى يا ناسى لكن كنت مجبور
أهاااا ... نجى للمرحه الثانويه وكان معانا البنات ومن أول يوم طواااالى فكيت الدرب علشان أخوكم
ريّاد بالحييييييل ;) الناس شغالين يدرسو ويزاكرو وأنا الليل جت تلقانى مساهر أكتب فى جوابات الغرام
وحكمة الله كان ما عندى قشه مره وبجكس من طرف سمحه شينه ولأ أكبر منى

ولما جات إمتحانات الشهاده وعند إمتحان الرياضيات والإنجليزى وقف مطاميرووو كما وقف حمار الشيخ فى العقبه
الإنجليزى مريت فيهو بيا يدى وشيلينى وختينى فى الإجابات حقات أختار الإجابه الصحيه أ ، ب ، ت
الرياضيات الله يكتلنى قلبت أوراق الإمتحان جت وما لقيت لى شيتنا كدا سااااى يفطر لى الصايمه دى
وحات أمى لما شفتها ليك كدا خربانه خربانه قمت مليتها جت شعر ودوبيت وحاتكم
رفعت ورقتى وقلت للمراقبين إنتهيت فى الوقت اللى فيهو فى طلبه لسه ما دخلو الفصل
واحد من المراقبين قال لى إنتهيت كيف يعنى ؟ إنتا ألبرت أينشتاين ؟
أهاااا ... غايتو حنسونى وقعدت فد ربع ساعه وإتخارجت

كان حصاد نتيجتى فى إمتحان الشهاده نسبه قدر سفة عم محجوب بس ;)
نجاح حرّم التقول ضاربو أبنينى ، وعلى فكره جبت فى إمتحان الرياضيت 2 بس ولسه محتار أدونى ليها
فى شنو ؟ لأنى ما أخدنى شك قلت باخد صايمه

طيب .. ذى ما بقولو ود الفار حفار وعلى درب أبوى مشيت ، وعلى فكره أبوى صاحبى شديييييييد
يعنى كيس تمباكنا واحد ، سرت على دربه غربه ونفس مجال العمل
11 / 3 / 1987 كان العريبى يطل من بوابة مطار أبوظبى ، فى الرأس أفكار وأحلام وفى المعده
لوبا عفنه نيّه بايته إنطلقت غازاتها فى الطائره فجعلت كل من بقربى يهرب ، وكان فى النفس آمال عرييييضه

أخوكم فى الله ... متزوج بعد قصة حب عنيفه وشهيره فى منطقتنا وحات الله أنا وأم عمرو
زمان أكان لقينا لينا نجيله أكان قلنا لسريديفى وشيرو خان هو إنتو بتعرفو ترقصو ;)
وعصافيرى هم
1 _ شجن 13 عام
2_ عمرو 10 أعوام
3 _ عمار 6 أعوام
4 شهد 50 يوم

وأبوهم من مواليد 1966 يعنى نديد ود الطاهر

ولكم ودّى وتقديرى

[عاشق الترحال]

أحبّتى الكرام
أخوك فى الله كما هو مذكور فى الإقتباس اللى جابه الحبيب أبوقرجه
فى ذلك الزمن كان لى تلاته أسماء لكن هسى عييييييييييييييك ما تعدش ;) وآخرها مطرطر ;)

التعليم ، وحات الله شااااااطر فى أى حاجه إلا المدرسه والفضل يرجع لحرمشه ود الكلب
والمدرسه وحات الله كنت شاطر فيها شطاره جد لكن المصيبه ما ردتها كلو كلو
وكنت كتير الغياب والزوغان وأصحابى كانو يدرسو وأنا شايل نبلتى وحايم ورا القمرى فى الجناين

المرحله الإبتدائيه حلااااتى يا ناااسى كنت شاطر وملتزم ، والمرحله المتوسطه برضو كنت وااااحلاتى يا ناسى لكن كنت مجبور
أهاااا ... نجى للمرحه الثانويه وكان معانا البنات ومن أول يوم طواااالى فكيت الدرب علشان أخوكم
ريّاد بالحييييييل ;) الناس شغالين يدرسو ويزاكرو وأنا الليل جت تلقانى مساهر أكتب فى جوابات الغرام
وحكمة الله كان ما عندى قشه مره وبجكس من طرف سمحه شينه ولأ أكبر منى

ولما جات إمتحانات الشهاده وعند إمتحان الرياضيات والإنجليزى وقف مطاميرووو كما وقف حمار الشيخ فى العقبه
الإنجليزى مريت فيهو بيا يدى وشيلينى وختينى فى الإجابات حقات أختار الإجابه الصحيه أ ، ب ، ت
الرياضيات الله يكتلنى قلبت أوراق الإمتحان جت وما لقيت لى شيتنا كدا سااااى يفطر لى الصايمه دى
وحات أمى لما شفتها ليك كدا خربانه خربانه قمت مليتها جت شعر ودوبيت وحاتكم
رفعت ورقتى وقلت للمراقبين إنتهيت فى الوقت اللى فيهو فى طلبه لسه ما دخلو الفصل
واحد من المراقبين قال لى إنتهيت كيف يعنى ؟ إنتا ألبرت أينشتاين ؟
أهاااا ... غايتو حنسونى وقعدت فد ربع ساعه وإتخارجت

كان حصاد نتيجتى فى إمتحان الشهاده نسبه قدر سفة عم محجوب بس ;)
نجاح حرّم التقول ضاربو أبنينى ، وعلى فكره جبت فى إمتحان الرياضيت 2 بس ولسه محتار أدونى ليها
فى شنو ؟ لأنى ما أخدنى شك قلت باخد صايمه

طيب .. ذى ما بقولو ود الفار حفار وعلى درب أبوى مشيت ، وعلى فكره أبوى صاحبى شديييييييد
يعنى كيس تمباكنا واحد ، سرت على دربه غربه ونفس مجال العمل
11 / 3 / 1987 كان العريبى يطل من بوابة مطار أبوظبى ، فى الرأس أفكار وأحلام وفى المعده
لوبا عفنه نيّه بايته إنطلقت غازاتها فى الطائره فجعلت كل من بقربى يهرب ، وكان فى النفس آمال عرييييضه

أخوكم فى الله ... متزوج بعد قصة حب عنيفه وشهيره فى منطقتنا وحات الله أنا وأم عمرو
زمان أكان لقينا لينا نجيله أكان قلنا لسريديفى وشيرو خان هو إنتو بتعرفو ترقصو ;)
وعصافيرى هم
1 _ شجن 13 عام
2_ عمرو 10 أعوام
3 _ عمار 6 أعوام
4 شهد 50 يوم

وأبوهم من مواليد 1977 يعنى نديد ود الطاهر

ولكم ودّى وتقديرى

سلام للغالي مطيرو ....
وحاتك ياغلي داير تقطع مصاريني بي الضحك ...
وخليتني اضحك براي في قرفتي ...اكان ناس البيت قعدو اكوركو لي ،،،يا ولد انت جنيت ولا شنو ،،
ولو ما لحقوني بي كباية مويه ،،هسي ما عارف كان حصل لي شنو ....

علي العموم الف حمدلله علي السلامه بوصولك الكرسي ،،،والله التقول كرسي العرش بتاع كسرا ،،،،،

وربنا اخلي ليك جميع ابنائك ويحفظم ليك من كل شرور ..

والف مبروك المولوده ،،وانشاء الله تربي في عزك .

http://im9.gulfup.com/2012-02-10/1328876200991.jpg (http://www.gulfup.com/show/X3b022wx17ijq)

[ود المطامير]

سلام للغالي مطيرو ....
وحاتك ياغلي داير تقطع مصاريني بي الضحك ...
وخليتني اضحك براي في قرفتي ...اكان ناس البيت قعدو اكوركو لي ،،،يا ولد انت جنيت ولا شنو ،،
ولو ما لحقوني بي كباية مويه ،،هسي ما عارف كان حصل لي شنو ....

علي العموم الف حمدلله علي السلامه بوصولك الكرسي ،،،والله التقول كرسي العرش بتاع كسرا ،،،،،

وربنا اخلي ليك جميع ابنائك ويحفظم ليك من كل شرور ..

والف مبروك المولوده ،،وانشاء الله تربي في عزك .


http://im9.gulfup.com/2012-02-10/1328876200991.jpg (http://www.gulfup.com/show/X3b022wx17ijq)
هع هع هع هع
تسلم لى يا الحبيب
وفى ميزان حسناتك هذا الدعاء الطيب

وصدقنى يا الحبيب وذى ما قلت ليك أم النفاج
أننت وفى فتره وجيزه جدا ملكت قلوبا محبه وأرواحنا ريده لله فى الله
وهذا لصفاء سريرتك وحُسن معاملتك للجميع

حبيب قلبى عاشق الترحال ... يديك العافيه والله

[عاشق الترحال]

هع هع هع هع
تسلم لى يا الحبيب
وفى ميزان حسناتك هذا الدعاء الطيب

وصدقنى يا الحبيب وذى ما قلت ليك أم النفاج
أننت وفى فتره وجيزه جدا ملكت قلوبا محبه وأرواحنا ريده لله فى الله
وهذا لصفاء سريرتك وحُسن معاملتك للجميع

حبيب قلبى عاشق الترحال ... يديك العافيه والله

والله يا غالي ،،،،
يوم ما اخش المنتدي ببقي زي الزول المنزرقه لي محه ،،،واتحربص عشان القي لي فرصه افتح الابتوب ...
وادور عربتي اجي مدني ...
وكدي ارح النفاج ،،،نشوف نسوان الجبنه القعدن ...
ههههههههه
تقبل تحياتي

[ود المطامير]

والله يا غالي ،،،،
يوم ما اخش المنتدي ببقي زي الزول المنزرقه لي محه ،،،واتحربص عشان القي لي فرصه افتح الابتوب ...
وادور عربتي اجي مدني ...
وكدي ارح النفاج ،،،نشوف نسوان الجبنه القعدن ...
ههههههههه
تقبل تحياتي
هههههههههههههههههههههههههههه

أرح آلحبيب

[فراس]

مطاميرو سلامات
والله نورت المنتدي
وكل المنتديات المجاورة
لكن يااخوي من هسي
قمنا علي الدغمسة
في بوست استضافتك
قبل السيل والجابو
حبيبنا ابقرجة قلت انك
مواليد 66 وهسي
تقول 77 معقول لكن
تاكل ليك 11 سنة مرة
واحدة ولا داك حرمشة
المولود66 غايتو ماعارف
لكن السمعتو قالو كنت
تصفق مع حوا الطقطاقة
‎ ‎
لمن رفعو علم الاستقلال
هع هع هع

[ود المطامير]

مطاميرو سلامات
والله نورت المنتدي
وكل المنتديات المجاورة
لكن يااخوي من هسي
قمنا علي الدغمسة
في بوست استضافتك
قبل السيل والجابو
حبيبنا ابقرجة قلت انك
مواليد 66 وهسي
تقول 77 معقول لكن
تاكل ليك 11 سنة مرة
واحدة ولا داك حرمشة
المولود66 غايتو ماعارف
لكن السمعتو قالو كنت
تصفق مع حوا الطقطاقة
‎ ‎
لمن رفعو علم الاستقلال
هع هع هع
هع هع هع هع هع
الحبيب / أول شئ تسلم لى والله على التنبيه بالعمر
ياخ داخل من لابتوبى السمح دا ولسه ما تعودت عليه ;)
ومشيت عدلتها مشكووووور يا الحبيب

وبعدين ياخ ما دغمسه لكن حبيب قلبى أبوقرجه دردقنى;);)
يديك العافيه يا الحبيب وبالجد أسعدنى وجودك معى

[مايسة]

ود المتامير عساك عافية يا ود أمي
والكرسي منور أكيد ومولع ماس وكهرباء اديل كدا

اها

قلته لي جيت الإمارات سنة 1987م - وما فتها تاني نهائيا -
ياخ بعد كدا حقو تطالب بالجواز ولا شنو :p

سمعنا قالو تاني الاقامات ما بتجدد للسودانيين -
اها بياتو وش تاني بترجع هناك :cool:
----------------
اها ممكن تحكي لينا قصة إنتمائك للمنتدى
وقصة الكفاح الطويلة من البداية

---------------------
وأكيد متاااااابعين

نسيت : خالة العيال الما قدر خالتو مايسة كيف عاملة ;)

[محمد الجزولى]

ميييييين حبيب قلبي السجيبن السابق مطاميرو ....؟
عاد يا الحبيب الكرسي ما ح يولــع عديل كده
ماشي اجيب الملفات القديمة القابلة للنشر
أمانة ما وقعت لي في جرح يا مطـرة
زوغااان نهي نهي زندقي نهي
المفاجآت لمن يسخن الكرسي
منور الكرسي يا مطاميرو
منور الكرسي يا عروه ابراهيم
اها مستنيين الملفات القديمه بتاعة الحبيب ابو مازن دي
نشوف عروة في الزمن القديم كيف
سؤال افتتاحي كده : الغربة ادتك شنو وشالت منك شنو ؟؟؟
تحياتي يا زول يا واحه

[ودالعمدة]

الشرفة بركات جنة النيل وروضة البطانة
انت عارف لو كنت بعرفك من زمان كان
كبرى ابوحراز اللى نفذته كان عملتوا تلاتة كبارى

:p :) ;)

السيرة الذاتية ناقصة أسماء فى حياتنا : أبولمبة وابوفانوس وأبوالدقيق

مارأيك فى هذا الخبر ( نظام جرجرة وكدا ) :
وسط استمرار الجدل الواسع بعد الإعلان عن مهر العروس الذي قدر بما يعادل‏26‏ مليون دولار‏،
شهدت العاصمة السودانية الخرطوم مراسم زفاف وعقد قران العروس السودانية أماني موسي هلال علي الرئيس التشادي إدريس دبي .
وذلك بمشاركة الرئيس السوداني عمر البشير الذي كان وكيل العروس خلال عقد القران ويذكر أن العريس قد غاب عن مراسم الزفاف وأناب عنه شخص يدعي عبدالله بانقي .

[عاشق الترحال]

بعدتني عنك غربتي وخلتني ديمه اهاتي بيك .....
والله يا مطاميرو الناس ديل دايرين ارجعو ليك حرمشه من جديد ،،،المشرفين ديل قايتو بسو في جنس حاجات كدا ...
هسي ما كان اختو ليك ،،، المدحه البتقول ،،،جابوها رجال ..وشنو كدا ما عارف ...الباقي تمو براك ..
هههههههههههه

ودالمطامير ،،،انت قاعد تمنع كل من رقب في التسجيل هنا ...منتديات ودمدني .

ما قولك في هذا

ود المطامير داخل السودان ،،،،وود المطامير خارج حدود الوطن

[بنت الرفاعي]

:):):)

ما شاء الله،
نحييك أخي ود المطامير في كرسي النجوم،
ونتمنى لك (جلوس) طيِّب:cool:.

حظك ما في أسئلة في الوقت الحالي:rolleyes:
لكن
إن شاء الله نكون من المُتابعين.

:):):)

[ابوالنور]

حبيبنا ود المطامير الراقي

بجيك صاد

[ود المطامير]

ود المتامير عساك عافية يا ود أمي
والكرسي منور أكيد ومولع ماس وكهرباء اديل كدا
اها
قلته لي جيت الإمارات سنة 1987م - وما فتها تاني نهائيا -
ياخ بعد كدا حقو تطالب بالجواز ولا شنو :p

سمعنا قالو تاني الاقامات ما بتجدد للسودانيين -
اها بياتو وش تاني بترجع هناك :cool:
----------------
اها ممكن تحكي لينا قصة إنتمائك للمنتدى
وقصة الكفاح الطويلة من البداية

---------------------
وأكيد متاااااابعين

نسيت : خالة العيال الما قدر خالتو مايسة كيف عاملة ;)
أهليييييييين يا خالتو

غايتو الكرسى دا مع ناس الهبابات ح ينفجر ;)
أنا مره سمعت قالو اللى بيقعد عشره أعوام متواصلات بدوه الجواز
أها قمت لبدت فد لبده ليوم الليله لكن ولا لقيت جواز ولا مشيت شفت ناس أبوى
التقول على مسكونى ماسوره ;)

تصدقى يا خالتو ؟ سبحان الله قبل خمس سنوات كنت قاعد فى نفس هذا المكان
وكان وقتها البلديه هايجه خصخصه وكدا قام جا أبوسفروق وقال لى
البلديه بتشيل فى الناس بالكوريق وقعد يغنى لى وقال يا السودان جاك زول تررررم تررررم ;)
وسبحان الله بعد الخصخصه لقينا أوضاع أفضل ، أهااا ... هسى القاعدين نسمع فيهو اليومين دول
ما أظن يستنوا لحد ما الإقامات تخلص ;) وطبعا الحكايه من الربيع العربى والمشكله نحنا لو عندنا ربيع
ح يكون عزاء لنا لكن وين مع كنكشة ناس هناى ديل ;)

إنتمائ للمنتدى كان متزامن مع دخولى العولمه وكان سبب دخولى النت هو صديقى أمجد إسحاق
كان معانا فى الجزيره من أبناء رفاعه وعنده شفت منتديات رفاعه وأعجبت بها وطوالى
عملت خط نت وشاركت معهم وبعد فتره قليله قلت لنفسى ما دام رفاعه عندها منتدى بهذه الروعه
إبقى أكيد مدنى الجميله ح يكون لها منتدى وارف الظلال وفعلا كتبت فى قوقل
منتديات ود مدنى أكان لقيت ليك نفسى فى نص ناس شبارقه وأبو رجاء والتيمان وكان
المشاتر عامل مشكله ليها ضُل ومن قولة تيت شلت عكازى وخشيت معاهم
ووقتها كنت عريبى اللسان والملبس وبعد داك إتثقفت ;)
وأمتدت رحلة الأحلام فلو حكيتها بالتفصيل برنامج أسماء فى حياتنا ما بكفينى ;)

يا خالتو خالة العيال اللى أصغر من خالتو مايسه شتت زماااان : هى جات إسبوعين بس

قلت ليك ... إنتى السمّاك أم هبابه منو ؟ بحيرى مُش ؟ ;)

[ود المطامير]

منور الكرسي يا عروه ابراهيم
اها مستنيين الملفات القديمه بتاعة الحبيب ابو مازن دي
نشوف عروة في الزمن القديم كيف
سؤال افتتاحي كده : الغربة ادتك شنو وشالت منك شنو ؟؟؟
تحياتي يا زول يا واحه
الحبيب الأديب الرائع
النور نوركم يا الحبيب

الملفات القديمه لا تفتح إلا بالتقادم يعنى بعد مرور 30 سنه
يعنى الحبيب أبومازن لسه قدامو كتييييير ;)

الغربه يا الحبيب بتدى قروش بس وفى السنوات الأخيره بقت بخيييييله
لكن بتشيل زهرة الشباب هسى عليك الله ما شفت صورتى ؟ فى زول دقينتو بتشيب بالجمبه ؟
فتلتنى ياخ ;)

[ود المطامير]

الشرفة بركات جنة النيل وروضة البطانة
انت عارف لو كنت بعرفك من زمان كان
كبرى ابوحراز اللى نفذته كان عملتوا تلاتة كبارى

:p :) ;)

السيرة الذاتية ناقصة أسماء فى حياتنا : أبولمبة وابوفانوس وأبوالدقيق

مارأيك فى هذا الخبر ( نظام جرجرة وكدا ) :
وسط استمرار الجدل الواسع بعد الإعلان عن مهر العروس الذي قدر بما يعادل‏26‏ مليون دولار‏،
شهدت العاصمة السودانية الخرطوم مراسم زفاف وعقد قران العروس السودانية أماني موسي هلال علي الرئيس التشادي إدريس دبي .
وذلك بمشاركة الرئيس السوداني عمر البشير الذي كان وكيل العروس خلال عقد القران ويذكر أن العريس قد غاب عن مراسم الزفاف وأناب عنه شخص يدعي عبدالله بانقي .
يا سلاااااااااام
الزول الجميل والسمح فى كل شئ
كم أنا سعيد بك وبهذه الأريحيه الصادقه ؟ تسلم لى يا الحبيب
الشرفه وأهلها الطيبين يبلغوك أجمل سلام والله ما بتقصر كونك ربطتنا بكبرى أبحراز
بمدنى الجميله
قلت لى السيره الذاتيه ناقصه الجماعه إياهم ؟ ;) أبولمبه دا زمان كان فردتنا
كنا بنمشى البلدات العصر وبنرجع متأخرين وخاصه أيام ليالى القمر وحاتك أبولمبه يبارينا ليك لحد طرف الشرفه
هو فاكر نفسو ح نباريهو ويرمينا فى البحر لكن لقى نفسو هو المبارينا ;)

الحبيب
والله أنا شخصيا توقفت عند خبر العرس دا كتير نعم الزواج قسمه ونصيب
وهذا الزواج الذى أتمنى أن يكون ميمونا هو زواج بين الحكومه السودانيه والشاديه
قبل أن يكون زواج بين الرئيس إدريس وأمانى وبما أنه زواج رئاسى لازم يكون صاحبنا هو وكيل العروس
لأنو ما دام هو عرس إبقى ح تكون فى حفله وما دام فى حفله يبقى فى نقزى وصاحبنا بمووووت فى النقزى ;)

الحبيب ... سعدت جدا بك

[صلاح ودالطاهر]

ههههههههههههههههههههههه حكمتو بالغه جيت البندر وانا بفتش ليك بهناك اها آخزين بجيك صاد

[ود المطامير]

بعدتني عنك غربتي وخلتني ديمه اهاتي بيك .....
والله يا مطاميرو الناس ديل دايرين ارجعو ليك حرمشه من جديد ،،،المشرفين ديل قايتو بسو في جنس حاجات كدا ...
هسي ما كان اختو ليك ،،، المدحه البتقول ،،،جابوها رجال ..وشنو كدا ما عارف ...الباقي تمو براك ..
هههههههههههه

ودالمطامير ،،،انت قاعد تمنع كل من رقب في التسجيل هنا ...منتديات ودمدني .

ما قولك في هذا
ود المطامير داخل السودان ،،،،وود المطامير خارج حدود الوطن هع هع هع هع
هع هع هع هع هع

شكيت محنك يا فرده

المشرفين الله يديهم العافيه حبّوا يحتفلوا بى ووضع هذه الأغنيه
فيها دلالات كتيره وقيمه لزمن جميل

الحبيب ... بالنسبه للتسجيل ( سؤال ذكى جداً ) هو ليس منع بل وضع عملية التسجيل
تحت بنود مشدده ، فكل من يريد الإنتماء لهذا الصرح العظيم يجب أن يكون معروف للإداره معرفه كامله
عنوانه ووسكنه ورقم تلفونه وكل المعلومات الضروريه للوصول إليه عند الضروره

وهذا قد يعتبره البعض تعقيد ولكنه عكس ذلك وخاصه عند المحن وقد حصلت كتير
هنا وفى منتديات أخرى وحاتك زمان لما ليك فينا واحد إسمو الشبح جهجهنا ليك جهجه جد
وكل المنتدى دا إشتغل تحريات لمعرفة من هو ؟ على فكره ، مره الشبح دا شرّك لينا فى موضوع ما
وختا لينا رابط وأنا دخلت الرابط جاتنى رساله تطلب منى كتابة اليوزر نيم والباسورد وكتبتهم
أتاريهو كان شرك وصاحبى الشبح عرف الباسوورد حقى وأيامها أنا كنت مشرف على النفاج
وحات إسم الله بإسمى لم ليك فى النفاج دا بقاهو كمونيه بس وحكمة الله كان يوم جمعه وأنا يوم جمعه
زمان ما كنت بدخل نت نهائ المهم التلفونات إتلاطشت من أبوسفروق وزول فرده والادمن
وحلفت ليهم بالتقطعنى أنا يومين ما دخلت نت ، وفى النهايه عرفو الكمين اللى نصبه لينا الشبح ;)
وبينى وبينك يا فرده .. القرار دا وُضع مخصوص بسبب واحد أخونا كدا هع هع هع هع

ود المطامير داخل السودان سعيد كل السعاده وخارج السودان أعانى ما أعانى

تسلم لى يا الحبيب

[ود المطامير]

:):):)

ما شاء الله،
نحييك أخي ود المطامير في كرسي النجوم،
ونتمنى لك (جلوس) طيِّب:cool:.

حظك ما في أسئلة في الوقت الحالي:rolleyes:
لكن
إن شاء الله نكون من المُتابعين.

:):):)




أهلييين يا دكتوره
وتسلمى والله
وأكان حظى هسى عارفك ح ترجعى بأسئله ووشوش بالهبل ;)
مرحب حبابك والله

[ود المطامير]

حبيبنا ود المطامير الراقي

بجيك صاد
الحبيييييييب

والله إنتا الراقى وحبيبنا وريدتنا ليك ما ليها حد

تسلم يا غالى ومنتظرك

[ود المطامير]

ههههههههههههههههههههههه حكمتو بالغه جيت البندر وانا بفتش ليك بهناك اها آخزين بجيك صاد
هع هع هع هع
ياخ أعزمنى باسطه ;)

[نزار احمد كوارتي]

السلاااااااااااااااااااامو عليكوم

[ود المطامير]

السلاااااااااااااااااااامو عليكوم
وعليكم السلام يا شخص

[ريمون]

اتفضل مطاميرو ..
وبنجيك بال .. حاره ..
14210

[ود المطامير]

اتفضل مطاميرو ..
وبنجيك بال .. حاره ..
14210
مشكووووره يا ريمون

لكن ما فى طريقه تبدليها لى

بعصيده بملاح ويكاب ؟ ;)

[عنكوليب]

ياخي غير شوية ،،،،،

ما ممكن كل يوم ويكاب ،، ويكاب ،،،

بتمووووووووووووووووووووووت !!!

[ود المطامير]

ياخي غير شوية ،،،،،

ما ممكن كل يوم ويكاب ،، ويكاب ،،،

بتمووووووووووووووووووووووت !!!
خلاص حااااضرين

ملاح لبن ;)

[ود المطامير]

كرسى التاابانى واليابانى
مالو خلا كدا ؟
وحات الله قلت إمكن أنا بقيت هوا
ذى صاحبى أيمن هوا

هع هع هع هع

[ود المطامير]

لكن ما مشكله
بفك حرمشه يتونس معاى ;)

[ريمون]

عندي كم سؤال واقف لي في حلقي ..
كم مرة مشيت غوانتينامو ..؟؟؟
والاسباب في كل مرة ؟؟؟
اكيد في لحظتها كنت حاسس انك مظلوم بس بعد الامور تهدأ احساسك بكون شنو ؟؟؟
وشنو النصيحة البتنصحها للناس عشان يتحاشوا غوانتينامو ؟؟

[ود المطامير]

_ إنتا يا حرمشه ؟ لميت فينى كيف ؟
_ أيوااا ، أنا زمان كنت موكل على واحد فى السودان
قام هو جا الإمارات زياره وقمت جيت معاهو وعجبتنى ولما كان عاوز يرجع
حنست أبوى إبليس يشوف لى أى واحد فى الإمارات أبدلو وأبوى
إبليس قال لى خلاص أمشى بدل سارنكوبى الموكل على مطاميرو
وفعلا سارنكوبى سافر السودان مع زولى وأنا شبكت معاك
_ أهاا .. ومنو فينا اللقيتو تمام ؟
_ إنتا طبعا ، مريح شديد ، دا أنا مرات بزوغ من دوامى معاك وبمشى
لأصحابى فى جزر الهند كم يوم
_ يعنى ما كنت بتخاف ؟
_ أخاف من شنو ؟ هو يعنى إنتا كنت ح تصوم ولأ ح تمشى الجامع ؟
_ هع هع هع ، أطرف موقف مر بيك معاى شنو ؟
_ مره أنا وكراميشو الموكل على هناى صاحبك
إتفقنا نوديكم مكان معين ، أنا بس وشوشت ليك بطرف لسانى
إنتا وافقت لكن صاحبك غلب كراميشو وجيت إنتا أقنعتو بالطريقه الصاح
قام كراميشو قال لى هيييع مطاميرو دا أكان أبوى عارفو ح يبقيهو رئيسنا جت
_ هع هع هع ، طيب زمان أنا أصلو أصلو ما حصل غلبتك ؟
_ فى حتّه واحده بس
_ شنو ؟
_ أكان فى زول أمّنك على شئ وحاتك أكان جا أبوى ذاتو ما بقدر عليك
_ طيب .. بعد ما عفصت ليك ، أبوك قال ليك شنو ؟
_ قال ح يشيل منى رتبتى ويبقينى شويطين مستجد بس
_ هع هع هع ، تستاهل
_ لكن ما تفرح ، أنا ناوى أمشى أعمل كورس
_ كورس شنو ووين ؟
_ كورس مقدرات خاصه فى جامعة سهنبوبى للشيطنه المتقدمه
_ بسم الله
_ ...........................

[عنكوليب]

_ كورس مقدرات خاصه فى جامعة سهنبوبى للشيطنه المتقدمه

هو في شيطان بقدر علي الشيطان الكبير ابن آدم ،،،،

[ود المطامير]

عندي كم سؤال واقف لي في حلقي ..
كم مرة مشيت غوانتينامو ..؟؟؟
والاسباب في كل مرة ؟؟؟
اكيد في لحظتها كنت حاسس انك مظلوم بس بعد الامور تهدأ احساسك بكون شنو ؟؟؟
وشنو النصيحة البتنصحها للناس عشان يتحاشوا غوانتينامو ؟؟
أهلييين ريمون
أيوه كدا ، دى هى الأسئله ولأ بلاش

مشيت غوانتانامو تلات مرات
مرتين كانت مع الإداره لأنى كنت مشاغب درجه أولى
وسببت لهم صداع حاد وتم توقيفى وترحيلى لغوانتانامو
ومره تدخل الشيطان بينى وبين أحد الإخوان وسبحان الله كم كنت أقدره
وأحترمه ولكن لحكمه يعلمها ربنا تدخل الشيطان وأشعل نيران هائله
ومن غرائب الإمور أن هذه المشكله حصلت خارج المنتدى ولكن تم وضعها على صفحات المنتدى
وهى قصه شائكه ومعقده وأغرب من الخيال .. حتى أنا لم أستطع تجميع كل الخيوط
إلا بعد مرور زمن طويل وأنا فى المنفى ، كان رأس المشكله إنو أنا لما أمشى الخميس والجمعه
والسبت للأولاد بترك سكنى مفتوح للشباب اللى معاى وكان الأقرب لى منهم ينام على سريرى
طيلة فترة غيابى ويستخدم كمبيوترى طيلة الوقت

وأيامها كنت جديد على عالم النت والمنتديات والكمبيوتر وحتى ما كنت عارف إيه يعنى
( تسجيل خروج ) من المنتدى أو الماسنجر اللى كانو بيفتحو تلقائيا مع فتح الجهاز
وفيما بعد عرفت أن صديقى كان أحيانا ينتحل شخصيتى فى ماسنجرى ثم بعدها
إشتعلت المشكله بطريقه غريبه بالنسبه لى لثقتى التامه لإحترامى للجميع ولكن
وفيما بعد عرفت من صديقى نفسه بما كان يفعله من ماسنجرى وإيميلى وإعترف لى
وهو يطلب السماح بذلك .. وسبحان الله أن صديقى هذا قد أخذ إيميل الطرف الآخر
وأخبر بأنه أخذه من المنتدى وأصبحو أصدقاء دون أن يعرف الطرف الآخر علاقته بى
وصديقى هذا من أبناء مدينة رفاعه وشعار إيميله ( يا هلا ويا مرحبا نورك طفى الكهربه )

كانت أيام عصيبه فقدت فيها من أكن لهم كل الإحترام والتقدير ، نعم ساعتها أحسست بالظلم الشديد
ونسبة للغصب والتهور حتى ما فكرت أستوضح ولكن الأيام أوضحت لى وربنا يسامح اللى كان السبب
وكتير بدعو ربى أن يأتى يوم ويعرفوا أننى بالجد لم أخطئ فى حقهم وأن الله يعلم كم أحترمهم وأقدرهم

صدقينى .. الطريق إلى غوانتانامو واضح وبيّن ونصيحتى تتمركز فى ( عدم الرد أو الكتابه فى لحظات الغضب )
مهما كان الموضوع ومهما كانت صعوبة الأمر .. فالرد فى أوج الغضب مؤذى لجميع الأطراف بما فيها نفس الشخص
أنا جربتها ونلت ما نلت من أذى نفسى بلييييغ

أختى ريمون شكرا لك لأنك أتحتى لى ولأول مره أتحدث عن ما كان يكتم أنفاسى

[ود المطامير]

هو في شيطان بقدر علي الشيطان الكبير ابن آدم ،،،،
;););););)

صدقتى والله
ففى زمننا هذا فى ناس بيعملو عمايل إبليس ذاتو ما بقدر عليها
ولكن الحمد لله يوجد من يجعلون إبليس يفك ليهم الدرب ;)

[abomazeen]

أهلييين ريمون
أيوه كدا ، دى هى الأسئله ولأ بلاش

مشيت غوانتانامو تلات مرات
مرتين كانت مع الإداره لأنى كنت مشاغب درجه أولى
وسببت لهم صداع حاد وتم توقيفى وترحيلى لغوانتانامو
ومره تدخل الشيطان بينى وبين أحد الإخوان وسبحان الله كم كنت أقدره
وأحترمه ولكن لحكمه يعلمها ربنا تدخل الشيطان وأشعل نيران هائله
ومن غرائب الإمور أن هذه المشكله حصلت خارج المنتدى ولكن تم وضعها على صفحات المنتدى
وهى قصه شائكه ومعقده وأغرب من الخيال .. حتى أنا لم أستطع تجميع كل الخيوط
إلا بعد مرور زمن طويل وأنا فى المنفى ، كان رأس المشكله إنو أنا لما أمشى الخميس والجمعه
والسبت للأولاد بترك سكنى مفتوح للشباب اللى معاى وكان الأقرب لى منهم ينام على سريرى
طيلة فترة غيابى ويستخدم كمبيوترى طيلة الوقت

وأيامها كنت جديد على عالم النت والمنتديات والكمبيوتر وحتى ما كنت عارف إيه يعنى
( تسجيل خروج ) من المنتدى أو الماسنجر اللى كانو بيفتحو تلقائيا مع فتح الجهاز
وفيما بعد عرفت أن صديقى كان أحيانا ينتحل شخصيتى فى ماسنجرى ثم بعدها
إشتعلت المشكله بطريقه غريبه بالنسبه لى لثقتى التامه لإحترامى للجميع ولكن
وفيما بعد عرفت من صديقى نفسه بما كان يفعله من ماسنجرى وإيميلى وإعترف لى
وهو يطلب السماح بذلك .. وسبحان الله أن صديقى هذا قد أخذ إيميل الطرف الآخر
وأخبر بأنه أخذه من المنتدى وأصبحو أصدقاء دون أن يعرف الطرف الآخر علاقته بى
وصديقى هذا من أبناء مدينة رفاعه وشعار إيميله ( يا هلا ويا مرحبا نورك طفى الكهربه )

كانت أيام عصيبه فقدت فيها من أكن لهم كل الإحترام والتقدير ، نعم ساعتها أحسست بالظلم الشديد
ونسبة للغصب والتهور حتى ما فكرت أستوضح ولكن الأيام أوضحت لى وربنا يسامح اللى كان السبب
وكتير بدعو ربى أن يأتى يوم ويعرفوا أننى بالجد لم أخطئ فى حقهم وأن الله يعلم كم أحترمهم وأقدرهم

صدقينى .. الطريق إلى غوانتانامو واضح وبيّن ونصيحتى تتمركز فى ( عدم الرد أو الكتابه فى لحظات الغضب )
مهما كان الموضوع ومهما كانت صعوبة الأمر .. فالرد فى أوج الغضب مؤذى لجميع الأطراف بما فيها نفس الشخص
أنا جربتها ونلت ما نلت من أذى نفسى بلييييغ

أختى ريمون شكرا لك لأنك أتحتى لى ولأول مره أتحدث عن ما كان يكتم أنفاسى

---------
ايووه كده .. عاوزين الحقيقة غير ناقصة
كده ممكن نقول أنت ماشي كووووييييس
ما تنسى بقيت تفاصيل الملف معااااااي
حبيب قلبي إنت يا شيخ مطرة ...!

[ود المطامير]

---------
ايووه كده .. عاوزين الحقيقة غير ناقصة
كده ممكن نقول أنت ماشي كووووييييس
ما تنسى بقيت تفاصيل الملف معااااااي
حبيب قلبي إنت يا شيخ مطرة ...!

حبيب قلبى
تسلم لى والله وربنا يجمعنا فى ساعة خير إن شاء الله

فبالله عليك صححنى لو رأيتنى قد حِدّتُ عن الطريق فعهدى بك دائماً

رائع فى كل شئ إلى أقصى حد

[abomazeen]

مطاميرو ... قرب آضاااااانك جاااااي
انت عارف ممكن اجيب اي كلام بتاعك
حتى من سقط لقط ... لاني متابعك فاهمني مش كده
سؤالي المكنى : ما بال زهري لا يورق هذه الأيام والشهور...؟
سؤالي المباشر : اختفاء قامات كانت تشكل ركائز أساسية هنا ...!
ما هي :
1- الأسباب ...؟ مشغوليات + وقت ضيق + زتقة الحياة والشغل ( ما بتحلك)
2- المعالجات ...؟
3- الرؤية ...؟
4- الرسالة ..؟
-----
قلت لك الغريق قدام ...؟ دي اسئلة (نحمي بها دلوكة القعدة شوية)
اركز ساااي يا جَـنــه الغريييق قداااااااااام ... هييييع أخوك أنا يا شيخ مطرة

[ود المطامير]

فى إحدى المرات الثلاث
طلبت بنفسى ترحيلى إلى غوانتانامو
نعم .. ذات يوم .. وفى أوج مشكلة ما وكنت خارج الشبكه
كانت التقارير تصلنى بالهاتف وكانت الضجه عاليه
وأنا فى طريقى لجزيرتى إتصلت هاتفياً بالحبيب أبوبكر المبارك
وسألته إن كان بالقرب من الجهاز فأجابنى بنعم فطلبت منه أن يعصمنى
من نفسى ويوقف حسابى قبل أن أصل لجهازى وقد كان وإستجاب
الحبيب أبوبكر المبارك والله فعلا مبارك إستجاب لطلبى وقفل حسابى ورحلنى لغوانتانامو
وبعد أن هدأت الأوضاع ومر زمن طوييل كنت خلاله أتصل فى حبيبنا أبوبكر لإطلاق سراحى
وكان كريما معى إلى أقصى حد ولكن فك أسرى قوبل برفض من صقور الإداره
وظليت فى الحبس ولكن كان عزائ هو إنو حبايب قلبى التيمان والمشاتر وراسكال
بجيبوهم غوانتانامو فى السنه إمكن مرتين تلاته هع هع هع
ونقعد نتونس وندوبى الليل جت ;)
كانت لنا طُرق كتيره فى التسلل من المعتقل ليلا والحوامه فى المنتدى بحريه
ومن ثم نرجع للمعتقل مع الفجر ، وكنا نمتلك ( خلايا نائمه ) و ( نخاسين )
الخلايا النائمه كانت تمدنا بالمعلومات اللوجستيه والنخاسين كنا بندخل بهم المنتدى ليلا
ولكن تم إعدامهم واحد تلو الآخر من قبل الإداره ، كنا ونحن فى غوانتانامو نسبب صداع
حاد للإداره وعليه تم سن قوانين كتيره من ضمنها التسجيل للمنتدى تحت ضوابط مشدده
ومن أطرف المواقف .. ذات مره دردقت أحد أحبابى وأخوى اللى ما ولدته أمى
وقلت له إيه رأيك أكتب ليك موضوع بإسمك ليك على فى ساعه بس يعمل كم صفحه
وصاحبى إنبسط وقال لى جد ؟ قلت ليهو جد وأدانى جلابيتو ( يا رب هو ما يجى البوست دا ) ;)
أدانى جلابيتو وهو بقى مستنينى أكتب ليهو موضوع بإسمه يقشر بيهو قدام الناس
أهااا ... وهو بقى يزازى فينى ياخ أسرع وياخ ما تسرع وتأخرت عليه بالموضوع
قام قال لى أنا ماشى مشوار ولما أرجع ألقاك كربت لى الموضوع وقلت ليهو خير يا زول
ويلا دخلت ليك المنتدى العام بجلابيتو ومن قولة تيت قمت ليك فى الإداره بنمره خمسه
وما خليت ليهم صفحه يرقدو عليها ولميت ليك فى المشرفين رش بالطريقه الصاح
وقفلت ليك الكمبيوتر حقى من كهربة الحيطه ، أهاا ... ما عديت ليك ربع ساعه
أكان أشوف ليك باب غرفتى فى غوانتانامو يفتح وناس الإداره رمو ليك صاحبى وقفلو الباب
وهو وقع ليك فينى لبع وشلاليت .. هو لما رجع من مشاورو جرى على المنتدى أكان لقى ليك
روحو ( فلان الفلانى .. موقوف مؤقتاً ) هع هع هع
وأصبحت هذه القصه ذكرى لطيفه بشاغلو بيها مره مره

[abomazeen]

فى إحدى المرات الثلاث
طلبت بنفسى ترحيلى إلى غوانتانامو
نعم .. ذات يوم .. وفى أوج مشكلة ما وكنت خارج الشبكه
كانت التقارير تصلنى بالهاتف وكانت الضجه عاليه
وأنا فى طريقى لجزيرتى إتصلت هاتفياً بالحبيب أبوبكر المبارك
وسألته إن كان بالقرب من الجهاز فأجابنى بنعم فطلبت منه أن يعصمنى
من نفسى ويوقف حسابى قبل أن أصل لجهازى وقد كان وإستجاب
الحبيب أبوبكر المبارك والله فعلا مبارك إستجاب لطلبى وقفل حسابى ورحلنى لغوانتانامو
وبعد أن هدأت الأوضاع ومر زمن طوييل كنت خلاله أتصل فى حبيبنا أبوبكر لإطلاق سراحى
وكان كريما معى إلى أقصى حد ولكن فك أسرى قوبل برفض من صقور الإداره
وظليت فى الحبس ولكن كان عزائ هو إنو حبايب قلبى التيمان والمشاتر وراسكال
بجيبوهم غوانتانامو فى السنه إمكن مرتين تلاته هع هع هع
ونقعد نتونس وندوبى الليل جت ;)
كانت لنا طُرق كتيره فى التسلل من المعتقل ليلا والحوامه فى المنتدى بحريه
ومن ثم نرجع للمعتقل مع الفجر ، وكنا نمتلك ( خلايا نائمه ) و ( نخاسين )
الخلايا النائمه كانت تمدنا بالمعلومات اللوجستيه والنخاسين كنا بندخل بهم المنتدى ليلا
ولكن تم إعدامهم واحد تلو الآخر من قبل الإداره ، كنا ونحن فى غوانتانامو نسبب صداع
حاد للإداره وعليه تم سن قوانين كتيره من ضمنها التسجيل للمنتدى تحت ضوابط مشدده
ومن أطرف المواقف .. ذات مره دردقت أحد أحبابى وأخوى اللى ما ولدته أمى
وقلت له إيه رأيك أكتب ليك موضوع بإسمك ليك على فى ساعه بس يعمل كم صفحه
وصاحبى إنبسط وقال لى جد ؟ قلت ليهو جد وأدانى جلابيتو ( يا رب هو ما يجى البوست دا ) ;)
أدانى جلابيتو وهو بقى مستنينى أكتب ليهو موضوع بإسمه يقشر بيهو قدام الناس
أهااا ... وهو بقى يزازى فينى ياخ أسرع وياخ ما تسرع وتأخرت عليه بالموضوع
قام قال لى أنا ماشى مشوار ولما أرجع ألقاك كربت لى الموضوع وقلت ليهو خير يا زول
ويلا دخلت ليك المنتدى العام بجلابيتو ومن قولة تيت قمت ليك فى الإداره بنمره خمسه
وما خليت ليهم صفحه يرقدو عليها ولميت ليك فى المشرفين رش بالطريقه الصاح
وقفلت ليك الكمبيوتر حقى من كهربة الحيطه ، أهاا ... ما عديت ليك ربع ساعه
أكان أشوف ليك باب غرفتى فى غوانتانامو يفتح وناس الإداره رمو ليك صاحبى وقفلو الباب
وهو وقع ليك فينى لبع وشلاليت .. هو لما رجع من مشاورو جرى على المنتدى أكان لقى ليك
روحو ( فلان الفلانى .. موقوف مؤقتاً ) هع هع هع
وأصبحت هذه القصه ذكرى لطيفه بشاغلو بيها مره مره




هاهاهاههااهاه ... الله يجازي محنك يا دراج المحن
ياخي انت هباش ومالك مذكرني بزولك ده الآن ؟
لكن كلامك ده مفروض تتعاقب عليه بأثر رجعي!
جاوب على كلامي الفوق عشان اجيك صادي..!

[ود المطامير]

مطاميرو ... قرب آضاااااانك جاااااي
انت عارف ممكن اجيب اي كلام بتاعك
حتى من سقط لقط ... لاني متابعك فاهمني مش كده
سؤالي المكنى : ما بال زهري لا يورق هذه الأيام والشهور...؟
سؤالي المباشر : اختفاء قامات كانت تشكل ركائز أساسية هنا ...!
ما هي :
1- الأسباب ...؟ مشغوليات + وقت ضيق + زتقة الحياة والشغل ( ما بتحلك)
2- المعالجات ...؟
3- الرؤية ...؟
4- الرسالة ..؟
-----
قلت لك الغريق قدام ...؟ دي اسئلة (نحمي بها دلوكة القعدة شوية)
اركز ساااي يا جَـنــه الغريييق قداااااااااام ... هييييع أخوك أنا يا شيخ مطرة


الحبيب
أول شئ معليش أنا من النوع اللى ما بيحب يرد داخل الإطار وعليه ح أرد خارج الإطار
رد يكون شامل بالأسباب والمعالجات والرؤى إن شاء الله

أضحكتنى من القلب يا الحبيب بحكاية سقط لقط ، كيفن ما عارف ؟
دا أنا وين ما أمشى بلقاك ;)

الحبيب .. كيف يورق الزهر وقد أصبحنا مهزومين من الداخل وأصبح تفكيرنا لا يبعد عن مرمى الحجر

إختفاء القامات الباسقه من هنا ، بدايةً الأسباب اللى قلت عليها ما بتحلنى أنا أكتر زول مكجنها
ولو فرضنا جدلا إنها موجوده فهى ليست أسباب ، فالمشغوليات وضيق الوقت وزنقة الحياه لا حد لها نهائ
وملازمانا على مدار الساعه يوماتى ، قول إنشغلنا وإنزنقنا يوم يومين إسبوع إسبوعين ، شهرين تلاته
فغياب عملاقه من هنا دام أكتر من سنه وسنوات فبديهى جدا أن هذه الأسباب واهيه ونستخدمها كإلتماس عزر لهم
ليس إلا والمفروض نبحث عن الأسباب الحقيقيه وهى أكثر عمقاً
خذ مثلاً .. الرئعون جدا والخالدون فى جوانا لحد آخر نفس .. الأحبّه جمال الماحى والخواجه عزيز عمر
وعمك تنقو ومهيره والأستاذه أميمه عشريه ومدنيه .. ومدنيه .. أبدا ما من عوايدها وبصراحه
بدأنا نسأل عن السبب وأبوسفروق شيال التقيله سنوات وسنوات أين هو الآن ؟ وأعضاء مؤثرين
إختفوا من خارطة المنتدى لشعورهم بأن الجو أصبح غير شكل ،
وغيرهم كثيرين جدا أين هم الان ؟ لهم سنوات لم نر لهم حرفاً
الأسباب فى داخل المنتدى وليست فى الحياة العامه التى تخصهم .. نعم فى تقديرى المتواضع جدا
الأسباب تقع فى المقام الأول على عاتق الإدارات المتعاقبه .. نحن فى عصر التجويد وشهادات الإيزو
وما الإنشقاق الأخير الذى أدى لقيام منتدى موازى خير دليل ، فإنشقّ الفكر ووحدة الصف لماذا ؟
لأن المعالجه لم تكن حكيمه فلو كانت النظره والمصلحه العامه هى ( مدنى الجميله ) أولا وآخرا
لما حصل اللى حصل بل تم تقديم بعض من حتى على حساب مدينه بحجم وطن
أنا أضرب ليك مثل بنفسى وفى فترة توقيفى عملت منتدى للشرفه بركات وفى أقل من 6 أشهر
بنينا مدرسه وعملنا صيانه للمسجد والمستشفى وساعدنا أسر كثيره جدا ، حتى أن أبوبكر جزاه الله خير
أشاد به ، ولكن وللأسف الشديد اللى صار هنى حصل عندنا فى منتديات الشرفه بالكربون
نسخه طبق الأصل وتم الإنشقاق وقام منتدى موازى بإسم منتديات الشرفه الخيريه
ولكن عندنا كنا أسوأ فمات كلا المنتديين ، ليه ؟ لأن نظرة الكثيرين مننا كانت لأنفسنا وليس للمصلحه العامه
لأن ( المنّ والأذى فى العمل العام وشوفونى كانت طاغيه على كل شئ ) ولذا مات منتدى الشرفه بركات
هنى .. بالله عليكم خلونا نكون صريحين مع ربنا ومع أنفسنا ، هل أنتم راضون عن حال منتديات ود مدنى الان ؟
هل هذا حال منتدى يحمل إسم مدينه فى حجم وطن ؟ لا والله أن المنتدى ومن فتره طويله لا يرتقى لمكانة المدينه الجميله فى شئ
المنتدى العام مع إحترامى للجميع وجميع المواضيع اللى فيه لم ينتعش إلا فى مشكلة ( أيمن هوا ) ;)
يعنى لما إنتعش إنتعش فى إتجاه آخر ، إتجاه أره تغلغل فى مفاصل المنتدى وإداراتنا الكريمه تكتفى بوضع المرهم فقط
علاج موضعى .. إحنا كسودانيين مشكلتنا أحيانا بنستكثر النجاح لبعض ، كنا مره شله قاعدين
جابوا سرية واحد قالوا سجنوه فى مشكله ما ، كل القاعدين ما خلو ليهو صفحه يرقد عليها
قمت أنا قلت ليهم والله فلان داك قالو ربح جائزه 500 ألف درهم وهم عارفين والله الحق لم أسمع غير همهمات
ووجوههم تغيرت بشكل مدهش
الحبيب أبو مازن .. العلاج يبدأ من كل واحد فينا مع نفسه أن يكون همه كله تقديم الأفضل وأفضل ما لديه
لمنتديات ود مدنى وللمدينه الجميله التى هى بحجم وطن خاصه وفى الوقت الراهن

ولك شكرى وتقديرى .. والعزر للإطاله والعزر إن كنت أخطأت فمن نفسى وإن توفقت فمن عند الله رب العالمين

[ود المطامير]

هاهاهاههااهاه ... الله يجازي محنك يا دراج المحن
ياخي انت هباش ومالك مذكرني بزولك ده الآن ؟
لكن كلامك ده مفروض تتعاقب عليه بأثر رجعي!
جاوب على كلامي الفوق عشان اجيك صادي..!


هع هع هع

الحبيب
مش الوثائق بنشروها بالتقادم ؟ ;)

[ريمون]

أهلييين ريمون
أيوه كدا ، دى هى الأسئله ولأ بلاش

مشيت غوانتانامو تلات مرات
مرتين كانت مع الإداره لأنى كنت مشاغب درجه أولى
وسببت لهم صداع حاد وتم توقيفى وترحيلى لغوانتانامو
ومره تدخل الشيطان بينى وبين أحد الإخوان وسبحان الله كم كنت أقدره
وأحترمه ولكن لحكمه يعلمها ربنا تدخل الشيطان وأشعل نيران هائله
ومن غرائب الإمور أن هذه المشكله حصلت خارج المنتدى ولكن تم وضعها على صفحات المنتدى
وهى قصه شائكه ومعقده وأغرب من الخيال .. حتى أنا لم أستطع تجميع كل الخيوط
إلا بعد مرور زمن طويل وأنا فى المنفى ، كان رأس المشكله إنو أنا لما أمشى الخميس والجمعه
والسبت للأولاد بترك سكنى مفتوح للشباب اللى معاى وكان الأقرب لى منهم ينام على سريرى
طيلة فترة غيابى ويستخدم كمبيوترى طيلة الوقت

وأيامها كنت جديد على عالم النت والمنتديات والكمبيوتر وحتى ما كنت عارف إيه يعنى
( تسجيل خروج ) من المنتدى أو الماسنجر اللى كانو بيفتحو تلقائيا مع فتح الجهاز
وفيما بعد عرفت أن صديقى كان أحيانا ينتحل شخصيتى فى ماسنجرى ثم بعدها
إشتعلت المشكله بطريقه غريبه بالنسبه لى لثقتى التامه لإحترامى للجميع ولكن
وفيما بعد عرفت من صديقى نفسه بما كان يفعله من ماسنجرى وإيميلى وإعترف لى
وهو يطلب السماح بذلك .. وسبحان الله أن صديقى هذا قد أخذ إيميل الطرف الآخر
وأخبر بأنه أخذه من المنتدى وأصبحو أصدقاء دون أن يعرف الطرف الآخر علاقته بى
وصديقى هذا من أبناء مدينة رفاعه وشعار إيميله ( يا هلا ويا مرحبا نورك طفى الكهربه )

كانت أيام عصيبه فقدت فيها من أكن لهم كل الإحترام والتقدير ، نعم ساعتها أحسست بالظلم الشديد
ونسبة للغصب والتهور حتى ما فكرت أستوضح ولكن الأيام أوضحت لى وربنا يسامح اللى كان السبب
وكتير بدعو ربى أن يأتى يوم ويعرفوا أننى بالجد لم أخطئ فى حقهم وأن الله يعلم كم أحترمهم وأقدرهم

صدقينى .. الطريق إلى غوانتانامو واضح وبيّن ونصيحتى تتمركز فى ( عدم الرد أو الكتابه فى لحظات الغضب )
مهما كان الموضوع ومهما كانت صعوبة الأمر .. فالرد فى أوج الغضب مؤذى لجميع الأطراف بما فيها نفس الشخص
أنا جربتها ونلت ما نلت من أذى نفسى بلييييغ

أختى ريمون شكرا لك لأنك أتحتى لى ولأول مره أتحدث عن ما كان يكتم أنفاسى
بالجد يا مطاميرو انت زول ما هين ..
يعني في ناس حماقتهم ظاهره والزول ممكن يتخيل يكونوا مشوا في لحظة انفعال ..
لكن مطاميرو الشوفناه هنا مختلف ..
شكرا ليك انت لتوضيح الصورة ..
وان شاء الله غوانتينامو يقفلوها عشان ما تتكتب لي زول ..

[ود المطامير]

بالجد يا مطاميرو انت زول ما هين ..
يعني في ناس حماقتهم ظاهره والزول ممكن يتخيل يكونوا مشوا في لحظة انفعال ..
لكن مطاميرو الشوفناه هنا مختلف ..
شكرا ليك انت لتوضيح الصورة ..
وان شاء الله غوانتينامو يقفلوها عشان ما تتكتب لي زول ..
شكراً ريمون
مع أمنياتى ألا نسمع بترحيل أحدهم لغوانتانامو
لأنها مؤلمه جدا جدا .. ومن أصعب فتراتى هى الفتره
اللى كنت أرى أحبّتى ولكنى لا أستطيع أن أشاركهم الجلوس فى حضرة مدنى الجميله

[ريمون]

نتمني ان ينتعش المنتدي بالجميع الحادبين علي مدني .. المدينه الام ..
واتمني ان يطال هذا الانتعاش انسان المدينه المكلوم ..

[abomazeen]

بالجد يا مطاميرو انت زول ما هين ..
يعني في ناس حماقتهم ظاهره والزول ممكن يتخيل يكونوا مشوا في لحظة انفعال ..
مرحب بالأخ مشرف العام ...
نحمد الله إنك هسي عرفتي الزول ده ما هين
عشان تآآآآآمني بس ... كلامي ده للضمان وكده



لكن مطاميرو الشوفناه هنا مختلف ..
شكرا ليك انت لتوضيح الصورة ..

زي ما بقول أخوما الحبيب الغائب ود أبوزيد
ثعلوب ده مكااااار ... مرات بلد ويمكن ببيض كمان
اها شيخ مطرة ده كمان أبو الثعالبة لي حدهم
والله لو أجيب لك كلامو الجادي تقول هولاكو التتري
ولو جبت لك كلامو الهزلي تقولي بت قضيم بس
* كلامي ده عشان تآمني بس وعشان ما أنحرف من المسار

[abomazeen]

نعم
حلمت يا أستاذي المحبوب حينما رأيته ينطلق بسرعة الصاروخ
حلمت بأنه يرتاد عنان السماء ويمخر عباب الفضاء رائد من رواد المنتديات السودانية
رأيته في أحلام يقظتي حديقة غنّاء ، جداول وخمائل وزهور وعصافير وفراشات ملونه في كل مكان

رأيته كخلية نحل همه ونشاط وحيويي ، الكل يعرف أين موضع قديمه ، من الإسلامي ولحد الشكاوى والاقتراحات
والجميع في حركه دائبة ونشطه ومستمرة ، ذي بيت العرس .. حتى الضجيج حسيت بيه حلو

رأيته في أحلام يقظتي مملكه مترامية الأطراف ، تضم كل ألوان الطيف ، ضيوف وزوار من شتى
أنحاء الوطن الحبيب فسمعة مملكتنا الجميلة انتشرت كالنار في الهشيم ووفد لنا إخوة وأخوات من كل حدب وصوب


حلمت يا أستاذي الحبيب .. ولكنى استيقظت فجأة ووجدت نفسي وسط أرض جدباء


;)




يا شيخ مطرة ...عاوزنك تحدثنا كثيرعن حلمك الجميل المخيف ده

ما تعمل حِميل ونايم يا حبيب ... بنكت كلامك تنكيت من أي مكان

[ريمون]

مرحب بالأخ مشرف العام ...
نحمد الله إنك هسي عرفتي الزول ده ما هين
عشان تآآآآآمني بس ... كلامي ده للضمان وكده



زي ما بقول أخوما الحبيب الغائب ود أبوزيد
ثعلوب ده مكااااار ... مرات بلد ويمكن ببيض كمان
اها شيخ مطرة ده كمان أبو الثعالبة لي حدهم
والله لو أجيب لك كلامو الجادي تقول هولاكو التتري
ولو جبت لك كلامو الهزلي تقولي بت قضيم بس
* كلامي ده عشان تآمني بس وعشان ما أنحرف من المسار


ابو مازن ما تخاف ..
نحن ما ناس التذبذب .. نحن موقفنا واحد ..
ومضمونييييييييييييين ..
انا شفت كلام ود المطامير في الحالتين وكمان في حالة الجد في قالب هزلي ..
وازيدك كمان حاجه ..
انا وهو بنتلاقي في كتير من الاراء ..

[عاشق الترحال]

ا
ومضمونييييييييييييين
..


ههههههههههههههههههههههههههههه
الله يستر الضمان ما يكون خــ5ـــــــسه سنوات .

[ود المطامير]

نتمني ان ينتعش المنتدي بالجميع الحادبين علي مدني .. المدينه الام ..
واتمني ان يطال هذا الانتعاش انسان المدينه المكلوم ..
آاااامين يا رب العالمين
وخاصةً وإنها المدينه التى تُعد من مصاف المدن السودانيه
التى أنجبت فطاحله وعمالقه فى شتى ضروب مناحى الحياه
وها هى تئن تحت وطأة المعاناه والمدن تُبنى بسواعد أبنائها
فالنكن كلنا جنود البناء

[ود المطامير]

مرحب بالأخ مشرف العام ...
نحمد الله إنك هسي عرفتي الزول ده ما هين
عشان تآآآآآمني بس ... كلامي ده للضمان وكده



زي ما بقول أخوما الحبيب الغائب ود أبوزيد
ثعلوب ده مكااااار ... مرات بلد ويمكن ببيض كمان
اها شيخ مطرة ده كمان أبو الثعالبة لي حدهم
والله لو أجيب لك كلامو الجادي تقول هولاكو التتري
ولو جبت لك كلامو الهزلي تقولي بت قضيم بس
* كلامي ده عشان تآمني بس وعشان ما أنحرف من المسار

هع هع هع
والله قطعت مصارينى بالضحك بحكاية هولاكو
وخاصه والله الحق أنا لى كم يوم بستمع لمحاضرات
الدكتور راغب السرجانى بعنوان ( غزو التتار )
والله شئ يوقف شعر الرأس وتزداد له ضربات القلب
وأنا الحين واقف عند إجتياح سوريا

يا الحبيب أنا هدى ورضى ياخ ;)

[مايسة]

مطرة -
لو قالو ليك ستصبح مشرف
أي قسم ستختار -

(إجباري تبقى مشرف ) - عشان ما تقول لي انا ما عايز اصلا

وعايزين كدا نصائح جااادة جداد شديد للمشرفين (بحكم انك خبرة وكدا)

وبجيك ثمح

[مايسة]

يا شيخ مطرة ...عاوزنك تحدثنا كثيرعن حلمك الجميل المخيف ده

ما تعمل حِميل ونايم يا حبيب ... بنكت كلامك تنكيت من أي مكان



الزول دا ما قال ليك عافص لحرمشة

[ود المطامير]

يا شيخ مطرة ...عاوزنك تحدثنا كثيرعن حلمك الجميل المخيف ده

ما تعمل حِميل ونايم يا حبيب ... بنكت كلامك تنكيت من أي مكان

الحلم يا الحبيب
كان بإقامة مملكه فى فضاء قوقل بإسم منطقتنا
وكانت لبنته الأولى والخدمات الأرضيه متينه جدا
خاصة وإن الفكر الغزير موجود والأقلام المبدعه لا تعد ولا تحصى
ولكن أصابنا ( فايروس المنتديات السودانيه )
وهذا الفايروس خطير جدا وسريع الإنتشار
يصيب الخليه فيقسمها نصفين ونادر ما يكون توأمين متشابهين
.. رفاعه صارت رفاعتين
مدنى صارت مدينتين .. وطبعا العدوى جاتنا من الوطن الأم
حيث السودان نفسه أصبح سودانين وأصبحنا نضرب المثل
ياخ فلان دا بوشين .. فايروس خطير جدا

كان حلمى كبيييير ولكن تأتى الرياح بما لا تشتهى أنفسنا
والحمد لله على كل حال

[ود المطامير]

ابو مازن ما تخاف ..
نحن ما ناس التذبذب .. نحن موقفنا واحد ..
ومضمونييييييييييييين ..
انا شفت كلام ود المطامير في الحالتين وكمان في حالة الجد في قالب هزلي ..
وازيدك كمان حاجه ..
انا وهو بنتلاقي في كتير من الاراء ..
أختى ريمون
تسلمى والله
وكم أنا سعيد كونك كم مره
منحتينى شهاده أعتز وأفتخر بها
يديك العافيه والله

[ود المطامير]

ههههههههههههههههههههههههههههه
الله يستر الضمان ما يكون خــ5ـــــــسه سنوات .
وقابل للتجديد يا حبيب قلبى ;)

[ود المطامير]

مطرة -
لو قالو ليك ستصبح مشرف
أي قسم ستختار -

(إجباري تبقى مشرف ) - عشان ما تقول لي انا ما عايز اصلا
وعايزين كدا نصائح جااادة جداد شديد للمشرفين (بحكم انك خبرة وكدا)
وبجيك ثمح

والله عرفتى لى يا خالتو فى حتّة ( إجبارى تبقى مشرف )

لو لازم أبقى مشرف بختار قسم المشرفين ;)

والله يا خالتو .. الإشراف مسؤوليه كبيره جدا جدا
والمشرفين تقع على عاتقهم مهام جسام وإمور عظيمه

أول شئ .. المشرف كبشر معرض للخطأ والصواب
وأحيانا تواجهه مواقف تحتاج لنفاذ البصيره وسِعة الصدر وبُعد النظر
عند أى إجراء .. حذف نقل .. دمج .. يجب فى المقام الأول تحليل شخصية
صاحب الأمر المعنى لأن الكثيرين من الأعضاء حساسين جدا تجاه الحذف والنقل
يعنى مره أنا تم ترحيلى لغوانتانامو بسبب نقل بوست لى من العام للنفاج
وقومتها ليك شكله ليها ضل مع حبيب قلبى ( محمد النور ) ;)
ولكن بعد أنا كبرنا وهرمنا وعقلنا وجدت أنه كان حماس شباب وقلة خبره

الأعضاء دائما حساسين تجاه النقل والحذف والنقل دون إخطار برساله خاصه
ولكن الحمد لله حاليا الإمور أجمل ما يكون عند أى إجراء يتم إخطار الشخص المعنى
برساله رقيقه لطيفه بالإجراء
مشاركة المشرف للأعضاء فى مواضيعهم وهمومه وطموحاتهم يعطيهم دفعه وحماس أكتر
يوجد بيننا مشرفين مرات بننسى أنهم مشرفين لإحتكاكهم بنا على الدوام
ويوجد مشرفين كل يومهم فى الفيس وفى المنتدى وأقسامهم لا ريحة لهم ويتم حل المشاكل
من الأعضاء عبر الإتصال بجهات الإختصاص !!
وجود المشرف فى السقم المسؤل عنه ضرورى ولكن يجب ألا يجعله هذا ينسى باقى الأقسام

ملخص القول .. المشرف يُخطئ ويصيب ويجب أن نكون سند له فى كل الأحوال

ونصيحتى الأخيره الأخيره لهم .. خذوا كل مننا على قدر عقله

[محمد الجزولى]

الحبيب أبو مازن .. العلاج يبدأ من كل واحد فينا مع نفسه أن يكون همه كله تقديم الأفضل وأفضل ما لديه
لمنتديات ود مدنى وللمدينه الجميله التى هى بحجم وطن خاصه وفى الوقت الراهن

ولك شكرى وتقديرى .. والعزر للإطاله والعزر إن كنت أخطأت فمن نفسى وإن توفقت فمن عند الله رب العالمين


يا سلام يا ود المطامير
احترامي الشديد لك ...

[ود المطامير]

يا سلام يا ود المطامير
احترامي الشديد لك ...
الحبيب
تسلم ونفس الشعور يا الحبيب
المحبّه والود والإحترام

[عاشق الترحال]

ولكن الحمد لله حاليا الإمور أجمل ما يكون عند أى إجراء يتم إخطار الشخص المعنى
برساله رقيقه لطيفه بالإجراء



والله يا ودالمطامير ،،،وكتي الجيت جديد يااااااااااااااااداب كرت ..كرتونه،،،،المشرفين ديل وحاتك نزلو ليك فيني ترحيب سااااااااااااي ..
ومرات اقولو لي ،،،موضوعك الفلاني ،،حولانها الجهه الفلانيه ،،،وكدا شنو ما عارف ،،،عملنا لي كد وكدا،،،، وانا اشيل واصدق ،،واقول ليهم تمام ..
ما في عوجه ،،سوي البتعملو صاح ،،،،، انا بقيت مهم وماعارف رقبتي ولا شنو .

[ود المطامير]

والله يا ودالمطامير ،،،وكتي الجيت جديد يااااااااااااااااداب كرت ..كرتونه،،،،المشرفين ديل وحاتك نزلو ليك فيني ترحيب سااااااااااااي ..
ومرات اقولو لي ،،،موضوعك الفلاني ،،حولانها الجهه الفلانيه ،،،وكدا شنو ما عارف ،،،عملنا لي كد وكدا،،،، وانا اشيل واصدق ،،واقول ليهم تمام ..
ما في عوجه ،،سوي البتعملو صاح ،،،،، انا بقيت مهم وماعارف رقبتي ولا شنو .
هع هع هع هع
الحبيب .. لكن إنتا وكت جيت جديد شغال ترمى فيهن ذى اللقيمات ;)
وفعلا إنت مهم ومهم شدييييييد والدليل إنك دخلت قلوبنا فى فتره وجيزه جدا
وأثبت تواجدك سريعا وهذا يرجع لصفاء سريرتك ونقاء نفسك
والمشرفين من صميم مهامهم ترتيب البيت فما للعام للعام وما لبقية الأقسام لبقية الأقسام

الحبيب .. لكن إنت بعد دا بقيت خبره ;)

[ود المطامير]

ود المطامير
هل توجد شُلليات بالمنتدى ؟ وإن وجدت ما هو تأثيرها على المنتدى ؟
هل تأثير سلبى أم إيجابى ؟




التوقيع ... حرمشه

[ود المطامير]

ود المطامير
هل توجد شُلليات بالمنتدى ؟ وإن وجدت ما هو تأثيرها على المنتدى ؟
هل تأثير سلبى أم إيجابى ؟

التوقيع ... حرمشه
أوووووه ، فردتى الزمان

سؤل شيطانى يا حرمشه .. نعم توجد شلليات ذى ما فى كل المجتمعات شلليات
هسى يعنى ناس نافع والمتعافى مش من شُلة البشير ؟ الشلليات موجوده ما دام على البسيطه حياه
ونجدها بكثره فى المنتديات ولكنها تتفاوت من منتدى لمنتدى

من الأسباب التى تؤدى لتكوين الشلليات هى الميول الذاتيه للشخص والميول التى أقصدها
هى بمعنى أن نجد مثلا مثلا فى الرياضى تجد شلة ناس حبيب قلبى زنون وأيمن هوا
والحبيب روبش ، هم ناس بحبو الكوره وبتجرى فى دمهم وعليه تجدهم بهناك شغالين لبعض
شغل تقيل وطبعا بمحبه وود وقيس على ذلك على جميع الأقسام

ولكن فى منتديات ود مدنى الشلليات غير منغلقه ولا مغلقه بمعنى أن لو حسيت بوجود
شله ما يمكنك إختراقها ببساطه شديده وإحتمال بمشاركه لا تزيد على سطرين تلاته
جرب وشوف ..
نحن هنا كلنا شُله واحده وداخل هذه الشله تتكون دوائر ولكنها مرتبطه ببعضها البعض
فمثلا .. النفاجيين أهلى وناسى وقبيلتى هع هع هع .. نجدهم فى قسم النفاج على سجيتهم
ولما ينتشروا فى بقية الأقسام ما بكون عندهم قشه مُره .. جراد بس ياكلو فى أى حتّه ;)

الشلليات لها آثار جانبيه ولكن الحمد لله آثارها الحميده أكبر وأجمل ففى الثقافى نجد التنافس
بينهم يولد لنا الإبداع والقسم الوحيد الذى لا توجد به شلليات هو النفاج
وهذا ليس تحيز لأن كل من دخل النفاج فهو خارج نطاق عدسة المجهر

[مايسة]

والله عرفتى لى يا خالتو فى حتّة ( إجبارى تبقى مشرف )

لو لازم أبقى مشرف بختار قسم المشرفين ;)

والله يا خالتو .. الإشراف مسؤوليه كبيره جدا جدا
والمشرفين تقع على عاتقهم مهام جسام وإمور عظيمه

أول شئ .. المشرف كبشر معرض للخطأ والصواب
وأحيانا تواجهه مواقف تحتاج لنفاذ البصيره وسِعة الصدر وبُعد النظر
عند أى إجراء .. حذف نقل .. دمج .. يجب فى المقام الأول تحليل شخصية
صاحب الأمر المعنى لأن الكثيرين من الأعضاء حساسين جدا تجاه الحذف والنقل
يعنى مره أنا تم ترحيلى لغوانتانامو بسبب نقل بوست لى من العام للنفاج
وقومتها ليك شكله ليها ضل مع حبيب قلبى ( محمد النور ) ;)
ولكن بعد أنا كبرنا وهرمنا وعقلنا وجدت أنه كان حماس شباب وقلة خبره

الأعضاء دائما حساسين تجاه النقل والحذف والنقل دون إخطار برساله خاصه
ولكن الحمد لله حاليا الإمور أجمل ما يكون عند أى إجراء يتم إخطار الشخص المعنى
برساله رقيقه لطيفه بالإجراء
مشاركة المشرف للأعضاء فى مواضيعهم وهمومه وطموحاتهم يعطيهم دفعه وحماس أكتر
يوجد بيننا مشرفين مرات بننسى أنهم مشرفين لإحتكاكهم بنا على الدوام
ويوجد مشرفين كل يومهم فى الفيس وفى المنتدى وأقسامهم لا ريحة لهم ويتم حل المشاكل
من الأعضاء عبر الإتصال بجهات الإختصاص !!
وجود المشرف فى السقم المسؤل عنه ضرورى ولكن يجب ألا يجعله هذا ينسى باقى الأقسام

ملخص القول .. المشرف يُخطئ ويصيب ويجب أن نكون سند له فى كل الأحوال

ونصيحتى الأخيره الأخيره لهم .. خذوا كل مننا على قدر عقله


كلالالالالالالالالالام جميل جدا
ونصائح خبرة - أكيد مشرفينا قدرها وماشين بيها

اها في نقطة كدا في كلامك دا عجبتني عجب
لكن في حته (المشرف يُخطئ ويصيب ويجب أن نكون سند له فى كل الأحوال) -
قصدك ننور ليهو الطريق في الخطأ - مش السند الايجابي

تخريمة - انت حرمشة دا بصحه بدري كدا ماااااالو :cool:

[ود المطامير]

كلالالالالالالالالالام جميل جدا
ونصائح خبرة - أكيد مشرفينا قدرها وماشين بيها

اها في نقطة كدا في كلامك دا عجبتني عجب
لكن في حته (المشرف يُخطئ ويصيب ويجب أن نكون سند له فى كل الأحوال) -
قصدك ننور ليهو الطريق في الخطأ - مش السند الايجابي

تخريمة - انت حرمشة دا بصحه بدري كدا ماااااالو :cool:
عليك نوووووووووور يا خالتو

عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً
فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره ؟!
قال: تحجزه أو تمنعه من الظلم، فإن ذلك نصره.
والله أعلم.

حرمشه بيصحى بدرى علشان يحمينى من صلاة الصبح لكن هيهات .. هيهات ;)

[فراس]

مطاميرو سلامات
كتاباتك جميلة وتمتلك
ناصية ابداعية متفردة
ولك اسلوب كتابي
بيدخل القلب علي
طول
سؤالي
هل فكرت انك تطبع كتاب
يحوي اعمالك الجميلة
ومع العلم ان مضمارالكتابة الفكاهيه والساخرة ليس اقل قيمة من الاعمال الادبية الثقافية
وبجيك صاد ياالحبيب
تسلم

[ود المطامير]

مطاميرو سلامات
كتاباتك جميلة وتمتلك
ناصية ابداعية متفردة
ولك اسلوب كتابي
بيدخل القلب علي
طول
سؤالي
هل فكرت انك تطبع كتاب
يحوي اعمالك الجميلة
ومع العلم ان مضمارالكتابة الفكاهيه والساخرة ليس اقل قيمة من الاعمال الادبية الثقافية
وبجيك صاد ياالحبيب
تسلم
وعليكم السلام يا الحبيب

تسلم والله وكم أنا سعيد بهذه الشهاده التى أعتز وأفتخر بها
وكلماتك وسام فاخر على صدرى

صدقنى يا الحبيب .. هذا السؤال يواجهنى كثيراً وكتير من الإخوه والأخوات
فى المنتدى وخارج المنتدى سألونى نفس السؤال لدرجة إنى فعلا فكرت أطبعها
ولكن دائماً بسأل نفسى سؤال مضاد .. هل ياترى كتاباتى لها مستوى يؤهلها للطباعه ؟
خاصةً وإنها كتابات عفويه من غير ترتيب مسبق وعلى الهواء مباشرةً
بمعنى أن كل ما كتبته بكون وليد اللحظه التى أداعب فيها أحرف الكيبورد
وعندما .. كتبت موضوعى ( شلاقه ) تم تداوله بالإيميلات على نطاق واسع
قالت لى إحدى الأخوات من خارج المنتدى ..
والله لو طبعتها فى كتاب ح ينفد من المكتبات فى ظرف يوم

وغايتو .. لو ربنا مدّ فى العمر إحتمال أطبعها

تسلم يا الحبيب وسرنى وجودك معى جدا جدا

[فراس]

تسلم مطاميرو
بالنسبة لي سؤالك المضاد
اقسم بالله يامطامير
ومن غير مجاملة انت
لوطبعت كتاب فيهو
اسمك بس يخلص في ثواني.
تعرف ياعروة زمنك
الكنت في غوانتنامو
الله يقطع طاريها
انا كنت بعمل بحث
وحارس مواضيعك
والله متعة بجد ربنا
يمتعك بالصحة والعافية
بقدر مابتقدم من اعمال
جميلة‎ ‎ويحفظ ليك الاولاد
وامهم
تسلم ولنا عودات

[عاشق الترحال]

أوووووه ، فردتى الزمان

سؤل شيطانى يا حرمشه .. نعم توجد شلليات ذى ما فى كل المجتمعات شلليات
هسى يعنى ناس نافع والمتعافى مش من شُلة البشير ؟ الشلليات موجوده ما دام على البسيطه حياه
ونجدها بكثره فى المنتديات ولكنها تتفاوت من منتدى لمنتدى

من الأسباب التى تؤدى لتكوين الشلليات هى الميول الذاتيه للشخص والميول التى أقصدها
هى بمعنى أن نجد مثلا مثلا فى الرياضى تجد شلة ناس حبيب قلبى زنون وأيمن هوا
والحبيب روبش ، هم ناس بحبو الكوره وبتجرى فى دمهم وعليه تجدهم بهناك شغالين لبعض
شغل تقيل وطبعا بمحبه وود وقيس على ذلك على جميع الأقسام

ولكن فى منتديات ود مدنى الشلليات غير منغلقه ولا مغلقه بمعنى أن لو حسيت بوجود
شله ما يمكنك إختراقها ببساطه شديده وإحتمال بمشاركه لا تزيد على سطرين تلاته
جرب وشوف ..
نحن هنا كلنا شُله واحده وداخل هذه الشله تتكون دوائر ولكنها مرتبطه ببعضها البعض
فمثلا .. النفاجيين أهلى وناسى وقبيلتى هع هع هع .. نجدهم فى قسم النفاج على سجيتهم
ولما ينتشروا فى بقية الأقسام ما بكون عندهم قشه مُره .. جراد بس ياكلو فى أى حتّه ;)

الشلليات لها آثار جانبيه ولكن الحمد لله آثارها الحميده أكبر وأجمل ففى الثقافى نجد التنافس
بينهم يولد لنا الإبداع والقسم الوحيد الذى لا توجد به شلليات هو النفاج
وهذا ليس تحيز لأن كل من دخل النفاج فهو خارج نطاق عدسة المجهر



دي قايتو قلبتة فيها هوبا عدييييييييييييييييييييييييييل كدا

[عاشق الترحال]

هع هع هع هع
الحبيب .. لكن إنتا وكت جيت جديد شغال ترمى فيهن ذى اللقيمات ;)
وفعلا إنت مهم ومهم شدييييييد والدليل إنك دخلت قلوبنا فى فتره وجيزه جدا
وأثبت تواجدك سريعا وهذا يرجع لصفاء سريرتك ونقاء نفسك
والمشرفين من صميم مهامهم ترتيب البيت فما للعام للعام وما لبقية الأقسام لبقية الأقسام

الحبيب .. لكن إنت بعد دا بقيت خبره ;)

ياسلااااااااااااااااااام عليك يا غالي ودي شهاده منك قد ثبتها بداخل وجداني ،،،
وقفلتها بي الضبه والمفتاح ...

[ود المطامير]

تسلم مطاميرو
بالنسبة لي سؤالك المضاد
اقسم بالله يامطامير
ومن غير مجاملة انت
لوطبعت كتاب فيهو
اسمك بس يخلص في ثواني.
تعرف ياعروة زمنك
الكنت في غوانتنامو
الله يقطع طاريها
انا كنت بعمل بحث
وحارس مواضيعك
والله متعة بجد ربنا
يمتعك بالصحة والعافية
بقدر مابتقدم من اعمال
جميلة‎ ‎ويحفظ ليك الاولاد
وامهم
تسلم ولنا عودات
الحبيب
تسلم لى والله وفى ميزان حسناتك هذا الدعاء الطيب
وربنا يحفظ لك كل غالى وعزيز إن شاء الله

ويسعدنى جدا يا الحبيب أن كتاباتى نالت منك هذا الإستحسان الذى أسعدنى
وربنا يقدرنى ويجعلنى عند حُسن ظنكم النبيل فينى

الله يديك العافيه يا غالى

[ود المطامير]

ياسلااااااااااااااااااام عليك يا غالي ودي شهاده منك قد ثبتها بداخل وجداني ،،،
وقفلتها بي الضبه والمفتاح ...
تستاهل وأكتر وأكتر يا الحبيب

[تغريدا]

حباب أخوى ود المطامير ومنور الكرسى والله
بشوف لى سؤيل كدا وبجيك أن شاء الله

[ود المطامير]

حباب أخوى ود المطامير ومنور الكرسى والله
بشوف لى سؤيل كدا وبجيك أن شاء الله

أووووووه
أختى تغريدا كيفك ؟
إنتى تنورى فى أى وقت
وحااااضرين لأى سؤال ;)

[ود المطامير]

والله يا شباب
أنا ما عاوز أعمل فيها مقددا
لكن بحكم حوامتى الكتيره ليل نهار فى المنتديات
لاحظت الكتير من الإمور اللى بتخلى الواحد يتوقف عندها
مثلا .. شخصنة المواضيع والردود ، ودى من أخطر الإمور التى
تصيب المنتديات بالوهن والضعف وبتخلق جو شائك ومعقد بين الإخوه والأخوات

أنا على ثقه تاااامه يوجد بيننا من تأثر لمداخلة ما من شخص ما فأخد منه فى خاطره
بل إحتمال كبير نجده يتحاشاه فى المداخلات ولا يرد عليه فى مواضيعه
ودا لو كان ما ( دفنها ليهو ) ;)
شخصنة المواضيع والمداخلات بتخلق جو غير صحى إطلاقا
فيا ريت يكون البساط أحمدى بين الجميع وإن حصل إحتكاك يجب ألا يؤثر
فى علاقاتنا مع بعض كأعضاء وأخوان ، نعم .. نتشاكل ونتناقش ولو بحدّه
ولكن لا ندع هذا يُبعدنا عن بعض بل نمد البساط أحمدى

شخصنة المواضيع تُحدث جفوه وفجوه يجب ردمها بتقديم حُسن النيه للطرف الآخر

[ود المطامير]

كدى يا أخوان
ما دام ما فى أيّة أسئله فى الوقت الراهن
خلونى أنا أوجه بعض الأسئله

الحبيب الحندى المجهول .. متى تعود كما عودتنا وتمتعنا ب ( أعرش على كدا ) ؟

[ود المطامير]

صاحبى أيمن هوا ;)
إنت أخدت كرت أصفر فرفضت تكمل المباراه
وإنت رياضى حتى النخاع
أين الروح الرياضيه ؟

[ود المطامير]

الأخت ريمون
قلت لك فى بداية إستلامك لمهمة الإشراف
إنه سوف يحرمنا منك فى النفاج
قلتى لا وأبدا ونهى زندقى
ما قولك الآن ؟

[تغريدا]

أووووووه
أختى تغريدا كيفك ؟
إنتى تنورى فى أى وقت
وحااااضرين لأى سؤال ;)


الحمد لله شدييييييييدة بفضل من الله والنورنورك
ويحضر ليك الخير محل تقبل
أها السؤيل بتاعى خفييييييييف
بس بدور منك توصف لينا أول يوم وصلت فيه الأمارات يعنى شعورك وضهبك وكدا

[ود المطامير]

الحمد لله شدييييييييدة بفضل من الله والنورنورك
ويحضر ليك الخير محل تقبل
أها السؤيل بتاعى خفييييييييف
بس بدور منك توصف لينا أول يوم وصلت فيه الأمارات يعنى شعورك وضهبك وكدا

هع هع هع هع
الحاله دى خفييييييف ؟ هع هع هع
لكن الحمد لله اللى ما قلتى لما ركبت الطياره أول مره ولأ ( مرت عليك ) ؟ هع هع

طبعا أول ما طلعنا من الطياره بقيت مبارى ليك اللى معاى مباراة العتود لأمو
وعامت ليك شنيطتى الصغيرونه حقت الجواز والأوراق ومباريهم .. أهااا طلعنا لصاله طوييييييله
وفيها سير متحرك ، أكان أشوف ليك جماعتى جت ركبو السير دا و السير يمشى بيهم
أنا حرنت ووقفت وعملت فيها براجع فى أوراقى لكن بطرف عين كنت بشوفهم بركبو فى النصيبه دا كيف ؟
عاد كيفن أخت كريعاتى فى داهى الله يعلم جارى ذى موية أبوعشرين ، غايتو ربنا حلانى لما جو جماعه
ومشو بالواطه سااااى جمب السير ، طوالى قلت لنفسى الشئ ما إجبارى
لو عاوز تركب تركب ما عاوز ممكن تمشى سااااى ، أهاا ... قلت الننكاش ساى وتانى أقول لنفسى
لا لا والله أكان أتفسح وهو حتى المشى سااااى بشبشبى المسهوك دا فى الأرضيه المملسه دى فى تلتله
غايتو فى النهايه قلت يا ود هى مالك ومال الداهى دا سوق سوقك فى واطاة الله دى
وفعلا مشيت ساااى وحات الله البشوفنى ماشى يقول بقدل هو ما عارفنى أنا كنت معصّب
أصابعين كريعاتى علشان ما أنزلق ويلا لحد ما المهم وصلت ناس أبوى بره
وحكمة الله الباب إنفتح لينا براهو على نصين والهمبريب دا هلا هلا
ويلا يا أبوظبى جاك ود الخلا

[ود المطامير]

أهااا
مشينا البيت وناس أبوى ساكنين عزابه
واللى معاهو من المطامير ، يعنى أولاد أهلى وسلامات وحق الله
وطبعا كنت حايم الغرف جت بشبشبى والتقول على كان ملصق فيهو باقى بعر بقر
دمغت ليك بيهو الموكيت جت ;) وحات إسم الله شغال ليك أختام بشبشى على الموكيت تل تل تل
عاد فى المطامير فى زول بملص شبشبو فى خشم الباب ؟
أهااا .. بعد شويه مشيت الحمام .. عاد هو حمام ؟ عاينت ليهو كدا وأصلو ما وقع لى
شئ كدا ذى خشم الزير عاينت ليهو وقلت لنفسى دا هسى ما بملاهو للحنك ؟ هيييى يا يمه
نحنا فى المطامير الدبلسى عمق أربعه رجال وبعد دا بنسمع لط .. لط ... لط
خلى دا أقل من شبر ، أها .. وفعلا .. لوبة المطامير المخمره والرغيف المتل حطب الطلح
ودمعة حبوبتى الله يرحمها وفول الخرطوم المصلّح جت كبيتهم فى النصيبه دا
وقعدت أعاين ليهو وقلبى يقول دللل دل دللل ، هيييى لكن يا جماعه دى مصيبة شنو دى ؟
الله يعلم خلا المطامير نعمه تب حتى بضبانو البناحيهو أخير لى من الجهجه دى
هسى أنا ما لقيت المويه نضييييفه أرجعها ذى أول كيف . قمت لقيت لى غماس فوق
عصرتو أكان أسمع ليك شوووو والجماعه سافرووو وحات الله بدون ما أشعر قلت آه
الحمد ليك يا الله ، غورو فى ستين داهيه ، عاملات ريحتكن الكعبه دى
أهااا ... عاد ما لازم بعد ما فضيت حمولة المطامير لازم أتبرد
ولقيتلك حاجات عاوزه ليها كتلوج وخاصه مواسير المويه
أفتح دى تجينى مويه بااارده وأفتح التانيه تجينى مويه غلايه ليها بوخ ومليت البانيو فُل
وقعدت أتجلبق وأتجلبق وحات إسم الله مافى كم دقيقه لون المويه بقى ذاتو ما معروف شنو
حُترب المطامير جت طلعتو المويه الحاره دى ، بعد داك واجهتنى مشلة كيف أفضى المويه ؟
قدر ما سجيت ما عرفت وفى حاجات وغماسات لكن خفت منهن وقلت لنفسى يا ود هوووى
أغرف أغرف وبجردل صغيرونى خاتنو ناس أبوى لورق الصابون وكدا ، بقيت بغرف
وأكب فى الحوض حق الغسيل قريب ساعه وفيما بعد عرفت الغماس اللى بفرغ المويه
وعاينت ليهو وسبيت ليهو لجد جدو
وبعد داك طلعت منو وأنا أرقش

[ود المطامير]

وبعد المغرب أبوى قال لى أرح السوق نشترى ليك ملابس
ومشينا وفى الشارع بقيت أتلفت ، وحات الله جنس كهارب
وشوارع كيف ؟ وعربات كيف ؟ وعمارات كيف ؟ وناس نارين كل واحد أحلى من التانى
والبنات هلا هلا ذى الورود ، الضفاير الطايشه بين مجلس عشيره وبين أهل
سمحات سماحة القمره والله يعلم الجضيمات حلاوه قطن الحمرا
وأنا أتلفت وأبوى ينادنى يا ولد ما تسرع وأنا أتلفت ، أجناس من كل بقاع الأرض
عرب و عجم والسودانيين ظاهرين ذى الشامه فى الخد ، بالعمه والتوب السودانى الأصيل
وبناتهم رويانات وإتذكرت ليك ناس البتول الواحده التقول كافتها أبنينى تجيك ماشه تقول ما بتصلك وهسى بتقع
لكن ديل ، سمحه اللفته فى الجيد المرن ، لدائن مره تقسم حبّه حبّه
والعيون لااااامعه باسمه آاااه من ديل آااا جنا المطامير ، عاد أنا بنسى يوم عشه لكزتنى من غير تقصد بكوعها
فى خشم معدتى ما كتمتنى النفس عديييل كدا ، ميرفا وغزتها لى فى خشم معدتى
لكن ديل ، هلا هلا بغبغه بالطريقه الصاح ، وأنا ذاتى اللى بتلفت دا ما عامل ذى مقاس زيت المكنه
الله يعلم ويشهد رقيقونى ومربى خنفس وشعرى أكبر من جسمى بس المسمار تلاته بوصه
علشان كدا أبوى طوالى دخلنى دكان الحلاق وهو دكان نصاح ؟ يلمع جت ومرايات تشوف بيها ضهر فقرتك
وفى المطامير يجزونا تحت ضل أيّة شدره ، حلقت وتانى خشيت السوق أتلفت
أبوى يقول لى رأيك شنو فى البنطلون دا وأنا أتلفت ويلكزنى رأيك شنو فى القميص دا وأنا أتلفت
كهارب جد .. عالم مزيج بشتى ألوان الطيف

[ودالعمدة]

والله يا شباب
أنا ما عاوز أعمل فيها مقددا
لكن بحكم حوامتى الكتيره ليل نهار فى المنتديات
لاحظت الكتير من الإمور اللى بتخلى الواحد يتوقف عندها
مثلا .. شخصنة المواضيع والردود ، ودى من أخطر الإمور التى
تصيب المنتديات بالوهن والضعف وبتخلق جو شائك ومعقد بين الإخوه والأخوات
أنا على ثقه تاااامه يوجد بيننا من تأثر لمداخلة ما من شخص ما فأخد منه فى خاطره
بل إحتمال كبير نجده يتحاشاه فى المداخلات ولا يرد عليه فى مواضيعه
ودا لو كان ما ( دفنها ليهو ) ;)
شخصنة المواضيع والمداخلات بتخلق جو غير صحى إطلاقا
فيا ريت يكون البساط أحمدى بين الجميع وإن حصل إحتكاك يجب ألا يؤثر
فى علاقاتنا مع بعض كأعضاء وأخوان ، نعم .. نتشاكل ونتناقش ولو بحدّه
ولكن لا ندع هذا يُبعدنا عن بعض بل نمد البساط أحمدى
شخصنة المواضيع تُحدث جفوه وفجوه يجب ردمها بتقديم حُسن النيه للطرف الآخر

ياسلام عليك يامطاميرو يارائع
دا موضوع يحتاج بوست منفرد

هات أجمل تعليق على الصورة التالية :

14223

[ام ساره]

عمو ود المطامير منور الكرسي والله واسفيين علي التأخير أمنية لم تتحقق لك بعد؟ اجمل شي تعلمته من غربتك؟ ٣ زهرات لمن تهديها ولماذا؟ ربنا يطول في عمرك ومزيدا من التقدم مع خالص تقديري واحترامي لك.

[المكاشفى]

عمدتنا حبابك والله منور منور
شديد والله
الواحد قدر ماتشيلوا شوقه ليكم وللمنتدى
وناس المنتدى ويقول خلاص جاى سين
يلقى عبدالمنعم فتحى بى خزعبلاتوا البتفور المخ ديك
على العموم تصدرك مواضيع العام عجبنى يا ود اعمى
وكمان دلفت لى المناسبات ولقيت ما سرنى حتى النخاع
خطوبه الاعزاء محمدنهروا والغاليه مارنجوربنا يتمم على خير
دمتم بود

[ود المطامير]

ياسلام عليك يامطاميرو يارائع
دا موضوع يحتاج بوست منفرد
هات أجمل تعليق على الصورة التالية :

14223
هع هع هع هع
غايتو شكيت محنك كتلتنى بالضحك من الصباح بالكاركتير

الحبيب .. تسلم والله وربنا يديك العافيه
والله يا حبيب قلبى كاركتير تُحفه لكن ، ومعبر بطريقه مدهشه ومضحكه

وهتفنا .. سير سير يا بشير ، وسار بنا هو وبطانته وأوصلونا لدرجة إنو قدرة الفول بقت
هى الحبيبه
على فكره ، عيد الحبيب .. هو سبب تسميتى بود المطامير
زمان كانت معانا فى المنتدى أخت كريمه وهى فى لندن الله يطراها بالخير وقبل عيد الحب بيوم
كتبت لينا موضوع طويييل وقالت بكره من الصباح الناس يجو لابسين أحمر ويشيلو ورد أحمر
ويمشو الحدائق إتنين إتنين ويمشوا المنتزهات إتنين إتنين وووو وحاجات كتيره
أخوك وكتها كان جائ جديد فى عالم النت والمنتديات وبعفوية أهل شرق الله البارد قلت ليها

كلامك سمح تب ، لكن نحنا فى ( المطامير ) سبحان الله إخترت تسمية بلدتى بالمطامير
كرمز لكل قرى وريف السودان الجميل ، قلت ليها نحنا فى المطامير اللبس الأحمر نجيبو من وين ؟
عراريق الدموريه إلا كان نعطنها فى موية طوب ، والمنتزهات والحدائق نجيبها من وين ؟
وحات الله إلا أكان نقع الجروف ونتمردغ فى اللوبا العفنه
والكافتيريات نجيبها من وين ؟ وحات الله فى السوق فد قدرة فول حولينها ناس الكمائن ما يدوك الدرب

أكان الجماعه الطيبين شبكونى ليك ود المطامير ود المطامير وبقى إسمى وفى الأول كنت مسجل بإسم msafir

أهاا ... تعليقى على الصوره هو ... http://im13.gulfup.com/2012-02-16/1329364587661.jpg (http://www.gulfup.com/show/X4b4fipcv32)

[ود المطامير]

عمو ود المطامير منور الكرسي والله واسفيين علي التأخير أمنية لم تتحقق لك بعد؟ اجمل شي تعلمته من غربتك؟ ٣ زهرات لمن تهديها ولماذا؟ ربنا يطول في عمرك ومزيدا من التقدم مع خالص تقديري واحترامي لك.
أهلييييين بت أخوى
والنور نوركم والله
ولا عليك تشرفى وتنورى فى أى وقت والله

الأمنيه التى لم تتحق بعد هى الحج ورؤية قبر حبيبى رسول الله صلى الله عليه وسلم
اللهم حقق أمنتيتى وأمانى جميع المسلمين

أجمل ما علمتنى له الغربه هو التضحيه فى سبيل إسعاد الآخرين
تصدقى ؟ والله الحق لحد اللحظه ما حصل دخلت الأسواق وإشتريت شئ نفسى فيه
بل أدخل وأشترى شئ لشخص ما طلب منى شئ نفسه فيه
ضحيت كتيييير علشان خاطر الأهل بقلب مسرور ونفس راضيه
رغم إنو مرات بنسمع قولة ((( هو إنتا عمكلت لينا شنو ؟ ))) ;)

الزهره الأولى بهديها لأبوى أطال الله عمره .. لأنه صديق عمرى وبيننا محبّه لا تصفها كلمات
الزهره التانيه لأمى .. لأنها والأم لا تحتاج لتبرير إلا لأنى كنت وحيدها لفترة تسع سنوات
وبعد أن أتى خالد وخالده أخوانى التوأم إلا أنها ولحد اليوم ترانى أصغر منهما .. الله يحفظها لى
الزهره التالته .. لأم عمرو .. فوالله الحق ومش لأنى بحبها حتى النخاع ولكن الحقيقه تُقال
كل يوم بتأخذنى من عالم إلى عالم تانى وردى أوسع وأرحب

أختى أم ساره .. تسلمى والله ولك إحترامى وتقديرى

[ود المطامير]

عمدتنا حبابك والله منور منور
شديد والله
الواحد قدر ماتشيلوا شوقه ليكم وللمنتدى
وناس المنتدى ويقول خلاص جاى سين
يلقى عبدالمنعم فتحى بى خزعبلاتوا البتفور المخ ديك
على العموم تصدرك مواضيع العام عجبنى يا ود اعمى
وكمان دلفت لى المناسبات ولقيت ما سرنى حتى النخاع
خطوبه الاعزاء محمدنهروا والغاليه مارنجوربنا يتمم على خير
دمتم بود
يا الله
يا سلاااااااااام
ود عمى ياخ يعلم الله مشتاااااقين
وينك يا زول سمح فى كل شئ ؟

الحبيب .. تسلم لى يا غالى والله بندعو من قلوبنا نشوفك هنى ذى زمان
والزمن الجميل وحيطة الجالوص

الحبيب .. يجب ألا تربط عودتك المنتظره بشخص أو أشخاص فلكل منّا فكره وأفكاره
وهذا ميدان عام وكل منّا يجتهد فى توصيل أفكاره فإن إتفقنا فالحمد لله وإن إختلفنا فالنختلف
بود وتراحم ، والحبيب عبدالمنعم فتحى أخ عزيز وكريم نسأل الله أن يقرب المسافات
بينكم لما فيه الخير

ود عمى الحبيب .. لك مجبّتى وتقديرى وإحترامى

[بنت الرفاعي]

أهلييين يا دكتوره
وتسلمى والله
وأكان حظى هسى عارفك ح ترجعى بأسئله ووشوش بالهبل ;)
مرحب حبابك والله



:):):)

الله يسلمك،
وأشكرك على الترحيب:).

ما شاء الله وتبارك الله،
لو سمحت واصل وحتى وإن لم تجد أسئلة من الآخرين
فلديك الكثير.......،
.......(والقوي)........:)

(تقريباً) ما عندي غير سؤال وما حأسألهُ حالياً،
لكن عندي إحساس أن الغُربة أخذت منك الكثير
جداً جداً من الفرح ورؤية الأهل والأحباب في السودان،
من الفرح الذي يحسّه أغلب المغتربين في الإجازات،
من السعادة التي يعيشونها وهم يشاركون الجميع ما يتسنّى لهم
حضوره من مُناسبات سعيدة والتجهيزات المُصاحبة لها،
ما يرونه من ذكريات على أرض الواقع،
والقليل مِن ما قد يستعيدونه منها مع الأحباب،
يفوتك كيف تكون هي مُشاركة الأحزان ومُحاولة
معاونة الآخرين وتصبيرهم على أحزانهم،
تفوتك رؤية طبيعة الجزيرة (وإن يكن بعضها أصبح قاحل أجرد:() والنيل وكما تقول أنت (القماري)،
والمشي في طرقات (وشق زقاقات الحلّة والونسة مع الأحباب) وبيوته،
يفوتك رؤية الأطفال وهم يلعبون في الشوارع،
وأم هناك تنادي أو تزجر من اللعب تحت شمس الظهيرة،
أو حلول (المغربية) المغرب،
و..........
و.......
و.......
الكثير والكثير من الأشياء التي قد لا يُحسّها
ولا يرى مُتعتها (ويفقد) جمالها الحقيقي إلا من
يغترب!!.
(مع أن هناك من يغتربون داخلياً ولكنهم لا يفقدون الكثير).

الله يهوِّن.

:):):)

[الجندي المجهول]

ود المطامير تحياتي ،،،
لو خيرووك بين
تكون ............
أو ................ (.......) ايهما تختار ؟

تخريمة : تعرف الايام دي عندي صاحبي عاوز يجي السعودية وهو زول ما شاء الله مؤهل تماماً وشبه لقينا ليه الاقامة ... ومسألة وقت ليس إلا (كل يوم بيتصل علي) اسمع احجز خلاص ولا لسه ..... وهو للان ما استلم الورق ...
صفي لي مشاعرك وانت لاول مرة تغادر ارض الوطن ...
تخريمة 2 : في مرة من المرات تم سؤالي نفس هذا السؤال .. فكانت اجابتي ...(لما كنت مغادر وفي راسي فراق الاهل والاحباب والجيران وكل الاخوان ذهلت وانا مقدم على هذا الامر ) ولكن عندما تذكرت ( من يحكم السودان طلعت الطيارة اول زول وكنت بقرأ في سورة يس انها ما تتعطل ولا تتأجل ولا ترجع )

واعرش على كدا ،،،،

[نزار احمد كوارتي]

حبيبنا مطاميرو

بحكم إنك سنيرنا في البلد دي وكِده, وبحكم أن جميعنا يعلم أن الغربه ما عادت كما كانت عليهِ زمان إلا لمن رحِم ربي
وبحكم الإضطرابات السياسيه في العالم هذه الأيام وما أدت إليه من عدم ضمان الإستقرار في هذه البلد.

خططك المستقبليه علي المدي القريب والبعيد ؟؟؟

كثيراً من معارفي وأقاربي الذين قدموا لهذه البلد منز فترات طويلة, يتعاملون معها وكأنها بلدهم, وينسون أو يتناسون أنهم يوماً ما لا محالة عائدون, كلُ إلي مطمورته, أو كما يقول المثل (العرجا لي مُراحها)

نظرتك الشخصية ؟؟؟

في مكالمه هاتفيه لي مع أحد أصدقائ بالأمس, قال لي أنه قد تلقي عرض في السودان يقارب الخمس ملايين مع سياره بالإضافه إلي أنه داخل نطاق الخرطوم, مع العلم بأن هذا الشخص عاطل عن العمل منذ أكثر من سنه ولم يتوفق في إيجاد وظيفة مناسبه أضف إلي ذلك أن أسرته المكونه من زوجه وبنت تقيم معه هنا بالأمارات حتي الآن, ورغم هذا كله فهو متردد تماماً من الرجوع.

إلي ماذا تُعزي هذا التردد ؟؟؟ وهل أنت من المؤيِدين لرجوعه أم تفضل بقاءه لحين وجود الفرصه المناسبه, مع العلم بأنه يمتلك إقامه رسميه له ولأسرتهُ


بالزقاق:-

بُكره كان ربنا أحيانا ؟ عندكم لينا شاي مُغرِب وللّا يفتح الله ؟؟؟

[ود المطامير]

:):):)

الله يسلمك،
وأشكرك على الترحيب:).

ما شاء الله وتبارك الله،
لو سمحت واصل وحتى وإن لم تجد أسئلة من الآخرين
فلديك الكثير.......،
.......(والقوي)........:)

(تقريباً) ما عندي غير سؤال وما حأسألهُ حالياً،
لكن عندي إحساس أن الغُربة أخذت منك الكثير
جداً جداً من الفرح ورؤية الأهل والأحباب في السودان،
من الفرح الذي يحسّه أغلب المغتربين في الإجازات،
من السعادة التي يعيشونها وهم يشاركون الجميع ما يتسنّى لهم
حضوره من مُناسبات سعيدة والتجهيزات المُصاحبة لها،
ما يرونه من ذكريات على أرض الواقع،
والقليل مِن ما قد يستعيدونه منها مع الأحباب،
يفوتك كيف تكون هي مُشاركة الأحزان ومُحاولة
معاونة الآخرين وتصبيرهم على أحزانهم،
تفوتك رؤية طبيعة الجزيرة (وإن يكن بعضها أصبح قاحل أجرد:() والنيل وكما تقول أنت (القماري)،
والمشي في طرقات (وشق زقاقات الحلّة والونسة مع الأحباب) وبيوته،
يفوتك رؤية الأطفال وهم يلعبون في الشوارع،
وأم هناك تنادي أو تزجر من اللعب تحت شمس الظهيرة،
أو حلول (المغربية) المغرب،
و..........
و.......
و.......
الكثير والكثير من الأشياء التي قد لا يُحسّها
ولا يرى مُتعتها (ويفقد) جمالها الحقيقي إلا من
يغترب!!.
(مع أن هناك من يغتربون داخلياً ولكنهم لا يفقدون الكثير).

الله يهوِّن.

:):):)




مرحب حباب أختى الدكتوره
والترحيب إنتى أهلاً له
وتسلمى والله وربنا يديك العافيه
وإن شاء الله ح أواصل مع الأسئله وبدون أسئله
ويا ريت تتوسطى لى عند ناس ريمون يخلونى لما أكمل كلامى ;)

أختى الدكتوره .. لله دُرك وأنتى تعودين بى إلى زمن عشقته وحياه أحببتها حتى النخاع
وفى البدء علشان تتخيلوا وتتصوروا ألم الغربه فى قلب ونفس مطاميرو لابد وأن تتعرفوا على حياة
مطاميرو ولو قليلا قبل الغربه ، ترعرعت فى قريه ضمها النيل بحنان ويوماتى يرسل لها مع الريح
عبق الدُعاش فكان الصفاء والنقاء والبساطه تتغلغل فى النفوس حتى النخاع كحال كل قرى الريف السودانى المفرهده
فى زمنا لم تكن هنالك أسوار ولا حواجز لا فى البيوت ولا فى النفوس
كل البيوت مكشوفه على بعض وكل البيوت مفتوحه فى بعض لأن ساكنيها هم أهل بعض
كنت ولا أمدح نفسى مشهور جدا جدا فى قريتنا والقرى المجاوره وكان سبب شهرتى الكوره
وخاصة أيام الدورات المدرسيه ، والله كنت لعاب لعب جد وكان السبب التانى لشهرتى هو ( الشيطنه )
لدرجة أن الكل سمونى ( أبولمبه ) وكنت محبوب لدى الجميع كبار وصغار لأنى أوقّر الكبير وأحترم الصغير
وإن الظروف جابت أى حد فيكم لإحدى الشرفات الثلاث .. الشرفه بركات مسقط رأسى ... الشرفه البحر
والشرفه الفوق وهما قريبتان مننا وأهلنا فاليسأل عن ( عروه ) فأنا إبنهم
وسكبت 19 عاما فى دروبها الضيقه والبحر والجروف والجناين والبلدات فى زمن الخريف والسحابه الشايله
والسمبر والرهو والطيور والعصافير والفراشات الملونه ، ترانا فى البلدات بين أعواد الذره زرافات زرافات
رجال ونساء وأطفال وأمات الضفائر الطائشه يثبن كالغُزلان فى المروج الخضراء خلف الفراش فتدق قلوبنا الفتيه
بين الضلوع بقوه وعنف ، فراشات تطارد فراشات والألوان الزاهيه هى الألوان والعيون الواسعه تبلع ميه وكحيييله من غير كحل
والوجنات المكتنزه كاسيها الشفق حُمره وخجل ، والضخكات ترن رنّة وتر شايلو النسيم فى سكون الليل
فى البلدات .. بين أعواد الذره والخُضره والغيوم الشايله شيل كم صنقعنا نحسب نعد ريقان الرهو
وجينا راجعين فى المغيرب .. المغيرب المغيرب

يتبع

[المكاشفى]

يا الله
يا سلاااااااااام
ود عمى ياخ يعلم الله مشتاااااقين
وينك يا زول سمح فى كل شئ ؟

الحبيب .. تسلم لى يا غالى والله بندعو من قلوبنا نشوفك هنى ذى زمان
والزمن الجميل وحيطة الجالوص

الحبيب .. يجب ألا تربط عودتك المنتظره بشخص أو أشخاص فلكل منّا فكره وأفكاره
وهذا ميدان عام وكل منّا يجتهد فى توصيل أفكاره فإن إتفقنا فالحمد لله وإن إختلفنا فالنختلف
بود وتراحم ، والحبيب عبدالمنعم فتحى أخ عزيز وكريم نسأل الله أن يقرب المسافات
بينكم لما فيه الخير

ود عمى الحبيب .. لك مجبّتى وتقديرى وإحترامى

الحبيب الجميل ود عمى الكلس
والله لكم من سويداء القلب وحشه مابعدها والله
لكن زى ماقلت ليك مانى رابط شئ بشئ ولوا الزول سمح
بالحيل بتلقاه فى اي مكان فى النفاج فى العام
يواسى دا ويفرح مع دا لكن لمات تلقى اتجاهو واحد
وتواجدوا مغروض تبقى المصيبه خليه الابقى اخو اخوان
وشوف نشيلوا فوق حباب عيوننا وكلاموا ده مابغير مننا فى شئ
بس زى ماقلت اليبقى كلس وللآخر
ياحليل كل الجميلين من بورتبيل ومسافر وابوعلا
وحيطه الجالوص وخدره عبدالمنعم
كن بعافيه وتحياتى للجميع

[ابوشوتال]

مطاميرو لك التحية

اتمني ان تكون وجميع اعضاء ودمدني الحبيبة بخير وشوق شديد

الصراحة جيت ماري بالسكة بي فوق ولمن لقيتك في الساخن قلت اجي اديك طلة امكن عشطان ولا كدي

تقبل مروري وبجيك صاد

[ود المطامير]

أختى الدكتوره بنت الرفاعى
حقاً أن الغربه أخذت منى الكتير الكتير
وحرمتنى من دنيتى الجميله ولقد فاتنى قطار الحياه بمحطات عديده
وأصبح اللحاق به محال
رحل خالى الله يرحمه وهو فى عز الشباب فحزنت عليه جدتى ولحقت به سريعا
فحزن عليمها جدى فلحق بهم سريعا عليهم رحمة الله
هولاء الثلاث الله يرحمهم كانوا أضلاع مثلث نهلت من على أيديهم حنان دسم
فرحلوا وشوقهم لرؤيتى يتردد على ألسنتهم .
تزوجت أختى الوحيده وأنا بعيد ولم أكن موجودا أقوم بدورى وبما أننى كبير البيت
كنت ح أحمل كل الأعباء عن والدى وأسلم أختى لزوجها مع دموع الفرح
ثم قبل كم شهر تزوج أخوى الوحيد وأنا بعيد وبينما أنا أشاهد سيديهات الحنه والزواج وجدت نفسى
أغالب الدموع وأعضُّ أصابع الندم ، كم تمنيت لو كنت بينهم ووسطهم أشارك أخى الوحيد فرحته
كم تمنيت لو كنت أن من يقود العربه التى أتوا بها لساحة الإحتفال
تساقطت دموعى وأنا أرى أمى تضمه بقوه وحنان وهى تغالب دموعها وعلا بكائها وهى تقول له
عااااافيه منك ورضيانه عليك وعلى أخوك البعيد وعلى أختك ساعتها وجدت العبرات تسد حلقى

وبينما من رحلوا من أحبابى وزواج أخوانى الحبايب هو إختزال لعمر والى وراح

[ود المطامير]

ود المطامير تحياتي ،،،
لو خيرووك بين
تكون ............
أو ................ (.......) ايهما تختار ؟

تخريمة : تعرف الايام دي عندي صاحبي عاوز يجي السعودية وهو زول ما شاء الله مؤهل تماماً وشبه لقينا ليه الاقامة ... ومسألة وقت ليس إلا (كل يوم بيتصل علي) اسمع احجز خلاص ولا لسه ..... وهو للان ما استلم الورق ...
صفي لي مشاعرك وانت لاول مرة تغادر ارض الوطن ...
تخريمة 2 : في مرة من المرات تم سؤالي نفس هذا السؤال .. فكانت اجابتي ...(لما كنت مغادر وفي راسي فراق الاهل والاحباب والجيران وكل الاخوان ذهلت وانا مقدم على هذا الامر ) ولكن عندما تذكرت ( من يحكم السودان طلعت الطيارة اول زول وكنت بقرأ في سورة يس انها ما تتعطل ولا تتأجل ولا ترجع )

واعرش على كدا ،،،،
أوووووووووووه
حبيب قلبى وحات الله مشتاااااقين
الحبيب .. لو خيرونى بين أن أكون رئيس الجمهوريه أو أكون كم أنا
بختار أكون كما أنا وبحمد الله إنو أنا كما أنا و مسؤول من روحيتى ووليداتى
أفضل لى من أتحمل مسؤلية بلد بحاله قدام رب العالمين
هسى هم كنسوها وكنّزوها وبدقوا فى الكاروشه مع الإبتسامات العريضه
نتمنى أن تدوم العرضه يوم العرض

قلت لى صاحبك داير يحجز قبلما يستلم ؟ هع هع هع
على فكره نحنا هنى قفلت قفله جد

الحبيب ... التخريمه نمبر تو .. كان شعورى وأنا أغادر أرض السودان لأول
أنا أيضا زهلت جدا كونى وجدت الشجاعه لمفارقة كل هذا الجمال
وكان فى بداية حكم الصادق المهدى بعد أيام الإنتخابات وكان جدى خال أمى ( د إبراهيم الأمين )
نازل حزب أمه فى دائرتنا وكان بيتنا شهر كامل ذى بيت العرس
ضبايح جد وحات الله يا الجندى أكلو مُراح ;) وبرضو جدى سقط فى الإنتخابات حينها

أنا عندما غادرت أرض الوطن لأول مره ، كنت أعيش فى بيئه بسيطه جدا
والحياه فيها فى ذلك الزمن كانت رخيه نوعا ما وبحكم بيئة القريه وحداثة سنى
ما كانت فارقه معاى يحكم الصادق المهدى أو الترابى ولذا فعند ما تحرك البكسى من أمام بيتنا
كلن معظم أهل الفريق فى وداعى لأن زمان كان الإغتراب يحمل الفرح والألم فى آن واحد
وتحرك بى البكسى والدموع تملأ عيني
ولو كان إغترابى الآن كنت ح أقرأ سورة يس ألا تتعطل الطائره ولا تتأجل ولا ترجع

الحبيب .. إنتا أبوعبدالرحمن خبرو شنو ؟

[ود المطامير]

حبيبنا مطاميرو

بحكم إنك سنيرنا في البلد دي وكِده, وبحكم أن جميعنا يعلم أن الغربه ما عادت كما كانت عليهِ زمان إلا لمن رحِم ربي
وبحكم الإضطرابات السياسيه في العالم هذه الأيام وما أدت إليه من عدم ضمان الإستقرار في هذه البلد.

خططك المستقبليه علي المدي القريب والبعيد ؟؟؟
الحبيب
هو باقى فيها خطط ؟ نحن فى الزمن الضائع
فمن خطط إرتاح ومن لم يخطط ما أظن يلحق
يعنى لم يعد هنالك مدى بل قل هامش من الوقت ليس إلا

كثيراً من معارفي وأقاربي الذين قدموا لهذه البلد منز فترات طويلة, يتعاملون معها وكأنها بلدهم, وينسون أو يتناسون أنهم يوماً ما لا محالة عائدون, كلُ إلي مطمورته, أو كما يقول المثل (العرجا لي مُراحها)

نظرتك الشخصية ؟؟؟
والله يا الحبيب فى ناس لقوا فرص فى البلد دى لا توصف
وجرى المال بين أيديهم بغزاره وسهوله ويسر
ولكنهم ذى ما قلت تعاملوا وكأنهم خالدين فيها
وأذكر حينما هاج سونامى الخصخصه والتفنيشات والله السواد الأعظم
كانوا لا يملكون ثمن تزاكر العوده لهم ولأسرهم .. كانت مأساه بمعنى اللكلمه

في مكالمه هاتفيه لي مع أحد أصدقائ بالأمس, قال لي أنه قد تلقي عرض في السودان يقارب الخمس ملايين مع سياره بالإضافه إلي أنه داخل نطاق الخرطوم, مع العلم بأن هذا الشخص عاطل عن العمل منذ أكثر من سنه ولم يتوفق في إيجاد وظيفة مناسبه أضف إلي ذلك أن أسرته المكونه من زوجه وبنت تقيم معه هنا بالأمارات حتي الآن, ورغم هذا كله فهو متردد تماماً من الرجوع.

إلي ماذا تُعزي هذا التردد ؟؟؟ وهل أنت من المؤيِدين لرجوعه أم تفضل بقاءه لحين وجود الفرصه المناسبه, مع العلم بأنه يمتلك إقامه رسميه له ولأسرتهُ
الصراحه الصراحه ... لا تعليق
عليك الله أقول شنو ؟
لو كنت مكانه وأنا وضعى مريح والحمد لله
والله ح أقبل بالخمس ملايين وما عاوز سياره



بالزقاق:-

بُكره كان ربنا أحيانا ؟ عندكم لينا شاي مُغرِب وللّا يفتح الله ؟؟؟


الحبيب شرفتونا بزيارتكم الجميله وفى ميزان حسناتكم إن شاء الله

[ود المطامير]

الحبيب الجميل ود عمى الكلس
والله لكم من سويداء القلب وحشه مابعدها والله
لكن زى ماقلت ليك مانى رابط شئ بشئ ولوا الزول سمح
بالحيل بتلقاه فى اي مكان فى النفاج فى العام
يواسى دا ويفرح مع دا لكن لمات تلقى اتجاهو واحد
وتواجدوا مغروض تبقى المصيبه خليه الابقى اخو اخوان
وشوف نشيلوا فوق حباب عيوننا وكلاموا ده مابغير مننا فى شئ
بس زى ماقلت اليبقى كلس وللآخر
ياحليل كل الجميلين من بورتبيل ومسافر وابوعلا
وحيطه الجالوص وخدره عبدالمنعم
كن بعافيه وتحياتى للجميع
ود عمى
يديك العافيه والله

ويا الحبيب
إنها لفانيه وما ماخدين منها حاجه
غير العمل

والكلمه الطيبه من العمل الطيب

تسلم يا الحبيب وعبدالمنعم خدره ظهر فى الإسكاى بى
دخل العولمه;)

[ود المطامير]

مطاميرو لك التحية

اتمني ان تكون وجميع اعضاء ودمدني الحبيبة بخير وشوق شديد

الصراحة جيت ماري بالسكة بي فوق ولمن لقيتك في الساخن قلت اجي اديك طلة امكن عشطان ولا كدي

تقبل مروري وبجيك صاد
ميييييييييييييييين ؟
لا لا لا ما بصدق
ياخ والله أنا لى الشرف وشوفتك ترد الروح

والله مشتاااااقين يا الحبيب

وبالجد عطشان لحروفك النديه

تسلم لى يا غالى ويا ريت تكتر الطله البهيه

[عاشق الترحال]

ود المطامير ،،،،،الناس دي ماله ما قاعدة تجي بي جاي ..؟




انتو عندكم كلاب ولا حاجه زي دي ...؟

[فراس]

عروة تحياتي
في المنتديات نتعامل
مع الاخر من خلف
الكيبورد نرسم في
اذهاننا صور كثيرة
لاشخاص قد تخيب
اوتصيب سؤالي
انت مشترك في كثير
من المنتديات وتعاملت
مع الكثيرين واكيد
التقيت مع بعضهم هل
وجدت شخصياتهم خارج
المنتدي نفسها؟ وهل
هناك من يتجمل ‎؟
تسلم ولي عودة
باذن الله

[ود المطامير]

ود المطامير ،،،،،الناس دي ماله ما قاعدة تجي بي جاي ..؟

انتو عندكم كلاب ولا حاجه زي دي ...؟
هع هع هع هع هع

علشان أنا صاحب أيمن هوا ;)

[ود المطامير]

عروة تحياتي
في المنتديات نتعامل
مع الاخر من خلف
الكيبورد نرسم في
اذهاننا صور كثيرة
لاشخاص قد تخيب
اوتصيب سؤالي
انت مشترك في كثير
من المنتديات وتعاملت
مع الكثيرين واكيد
التقيت مع بعضهم هل
وجدت شخصياتهم خارج
المنتدي نفسها؟ وهل
هناك من يتجمل ‎؟
تسلم ولي عودة
باذن الله
الحبيب
كيفك وتسلم لى والله

والله سؤالك رائع جدا حدا وفعلا نحن نكوّن فى أذهاننا صور للجميع
ومن أمتع اللحظات إثاره على الإطلاق هى لحظة أن ح تلاقى زول من المنتدى
علشان تشوف الصوره اللى رسمتها له متطابقه أو لا

وأول مره حصلت معاى وكنت على موعد مع الحبيب زول فرده وهو فعلا زول فرده
والمسافر .. طبعا الزمن داك كان المسافر الزرقاوى بس ، تفجيرات عنيفه فى كل مكان
حتى أنا قلت لنفسى ، يا ربى أشيل معاى عكاز ولأ سكين ؟ الزول دا روحو فى راس نخرتو ;)
ومشيت وإلتقينا فوجدت زول فرده كا تخيلته هادئ ككتاباته ودمث الأخلاق لأبعد حدود
ولقيت ليك المسافر .. رائع رائع كل الروعه فى أئ شئ ، أدب جم منقطع النظير
ويخاطبك بمستويات عاليه جدا جدا من الإحترام والتقدير ، ينصت إليك بإهتمام بالغ ولا يقاطعك قط
كان لقاء فى قمة الإثاره والدهشه والجمال .. ومن ناحية زول فرده وجدت أن الكثيرين ككتاباتهم
حلوين فى كل شئ ومن ناحية المسافر وجدت أن خلف الحروف الثائره قلب يسع الحميع

والشهاده لله وبدون تحيز .. الأحبّه فى منتديات ود مدنى غير شكل عن بقية المنتديات الأخرى
إذ أن هنا الود والمحبّه والإحترام والتقدير ديدن الجميع وحتى ولو كنا نحمل صفات نعلم بأنها متعبه
ولكننا عند لقاء أحبابنا من منتديات ود مدنى تجدنا نبذل كل جهد فى إظهار أجمل ما نملك وهذا ما يقودنى لسؤالك الأخير
وهو ( أنا لا أكذب ولكننى أتجمل )

الحبيب .. أنت رائع كل الروعه فى إستنباط الدواخل

[ريمون]

الأخت ريمون
قلت لك فى بداية إستلامك لمهمة الإشراف
إنه سوف يحرمنا منك فى النفاج
قلتى لا وأبدا ونهى زندقى
ما قولك الآن ؟
نحن لسه في البداية ..
ومرينا بي مواقف بالجد ما بتديك فرصه تشارك في اي حته ..
والحمد لله هسه بداية جميلة ..
بس انا مزنوقة مع امتحانات الشباب ..
اصلا انا جايه اعتذر عن الغياب ..
زنقة عالمية ..
لكن هانت واستعدوا بعد تجي الإجازة الا تطردونا ..

[ود المطامير]

نحن لسه في البداية ..
ومرينا بي مواقف بالجد ما بتديك فرصه تشارك في اي حته ..
والحمد لله هسه بداية جميلة ..
بس انا مزنوقة مع امتحانات الشباب ..
اصلا انا جايه اعتذر عن الغياب ..
زنقة عالمية ..
لكن هانت واستعدوا بعد تجي الإجازة الا تطردونا ..
هع هع هع هع

يا ريت والله

ونتمنى للشباب النجاح الباهر إن شاء الله

يديك ويديهم العافيه يا رب

[ود المطامير]

يا حرمشه ... الله يقطع سنيك

[ود المطامير]

عدنا من جديد

أهااا ... يا شباب ما تردمو مطاميرو دا ياخ

[عاشق الترحال]

هع هع هع هع هع

علشان أنا صاحب أيمن هوا ;)

وما لقيت ليك زول تصاحبو غير ايمن هوا ياخ

[عاشق الترحال]

وحاتك يا غالي في مشاركه محذوفه .....
فاتت وين يا مطاميرو ....؟


انا عندي احساس ،،،قوي خلاص ...اكون المشرفين رسلو ليك في الخاص ....وحلفو عليك ..

المشاااااااااركه فاتت وين للمره التانيه ...؟

[ود المطامير]

وما لقيت ليك زول تصاحبو غير ايمن هوا ياخ
الحبيب

تعرف إنو أيمن دا صاحبى من متين ؟ عيييييييك

أتمنى رؤيته من جديد لمواصلة المسيره

[ود المطامير]

وحاتك يا غالي في مشاركه محذوفه .....
فاتت وين يا مطاميرو ....؟


انا عندي احساس ،،،قوي خلاص ...اكون المشرفين رسلو ليك في الخاص ....وحلفو عليك ..

المشاااااااااركه فاتت وين للمره التانيه ...؟
هع هع هع هع

نعم كانت فى مشاركه موجوده ولكنها لم تحذف بل قمت بتعديلها
لأنها طلعت من بنات أفكار حرمشه .. الله يقطعو حته حته كنت فاكر نفسى عافص ليهو
أتاريهو مرات عاوز يعفصنى أنا ذاتى ، صوّر لى ما لا يخصنى من قريب ولا بعيد
وحكمة الله أقنعنى بالطريقه الصاح
لكن الله يخلى لينا أم النفاج وعمك محجوب لحاقين بعيد وسدادين الثغرات على حرمشه

ياخ حرمشه دا والله ود حرام عدييييييل كدا ، لعنة الله عليه يلكزنى ويقول لى أها شوف ؟
ويلكزنى ويقول لى أها أسمع ، ويلكزنى ويقول لى صر وخم
وبينى وبينك أنا ذاتى لقد هرمت وكبرت وفترتا وبقيت ما بجمع وعلشان كدا بعد ما أخلص من الكرسى دا
إن شاء الله ح أطلب من ملك النفاج المُفدّى المشاتر إجازه شهر مدفوعة الأجر وتزاكر رايح جائ لهاواى ;)

[فراس]

مطاميرو حمد لله علي
السلامة غايتو كان
باريت حرمشة دا
بضيعك

[ود المطامير]

مطاميرو حمد لله علي
السلامة غايتو كان
باريت حرمشة دا
بضيعك
هع هع هع

الله يسلمك يا الحبيب

ووحات الله أنا ما مبارى حرمشه

دا هو اللى مبارينى ;)

[عنكوليب]

وحاتك يا غالي في مشاركه محذوفه .....
فاتت وين يا مطاميرو ....؟


انا عندي احساس ،،،قوي خلاص ...اكون المشرفين رسلو ليك في الخاص ....وحلفو عليك ..

المشاااااااااركه فاتت وين للمره التانيه ...؟

عاشق الترحال ،،،

انت مالك فضيحة كدة ياخي ،، خليك محضر خير ،،،،

هسسسسسسسسسسسسسسسسس ،،، كفى خلاص ،،،

تعال لي في الخاص ،،،

[عنكوليب]

مطرطر


تمي انتي يا ريمون !!!

[عاشق الترحال]

عاشق الترحال ،،،

انت مالك فضيحة كدة ياخي ،، خليك محضر خير ،،،،

هسسسسسسسسسسسسسسسسس ،،، كفى خلاص ،،،

تعال لي في الخاص ،،،

ياااااااااااااااااا خالتي مشيت الخاص ،،،، بكوكوي في الباب من قبييييييييييييل ..مافي زول داير يفتح الباب ...

المهم كتبتة ليكم في الباب .


حضرنا ولم نجدكم

[عاشق الترحال]

مطرطر


تمي انتي يا ريمون !!!

هوووووووووووووووي انتن دايرات تعملن شنو ....؟

[عاشق الترحال]

هع هع هع هع

نعم كانت فى مشاركه موجوده ولكنها لم تحذف بل قمت بتعديلها
لأنها طلعت من بنات أفكار حرمشه .. الله يقطعو حته حته كنت فاكر نفسى عافص ليهو
أتاريهو مرات عاوز يعفصنى أنا ذاتى ، صوّر لى ما لا يخصنى من قريب ولا بعيد
وحكمة الله أقنعنى بالطريقه الصاح
لكن الله يخلى لينا أم النفاج وعمك محجوب لحاقين بعيد وسدادين الثغرات على حرمشه

ياخ حرمشه دا والله ود حرام عدييييييل كدا ، لعنة الله عليه يلكزنى ويقول لى أها شوف ؟
ويلكزنى ويقول لى أها أسمع ، ويلكزنى ويقول لى صر وخم
وبينى وبينك أنا ذاتى لقد هرمت وكبرت وفترتا وبقيت ما بجمع وعلشان كدا بعد ما أخلص من الكرسى دا
إن شاء الله ح أطلب من ملك النفاج المُفدّى المشاتر إجازه شهر مدفوعة الأجر وتزاكر رايح جائ لهاواى ;)

بقيت ترشي ( رشوه) يا مطاميرو ...

[ود المطامير]

عاشق الترحال ،،،

انت مالك فضيحة كدة ياخي ،، خليك محضر خير ،،،،

هسسسسسسسسسسسسسسسسس ،،، كفى خلاص ،،،

تعال لي في الخاص ،،،
هع هع هع هع

أنا اليومين ديل عندى أعراض أم عمرو قالت لى

قطع شك دا زهايمر ;)

[ود المطامير]

بقيت تشري( رشوه) يا مطاميرو ...

;););););););)

[عاشق الترحال]

هع هع هع هع

أنا اليومين ديل عندى أعراض أم عمرو قالت لى

قطع شك دا زهايمر ;)

:d :d :d

هع هع هع

[فراس]

ودالمطامير صباح الخيرات
نشكرك جدا علي الردود
الاريحية والجميلة
وبرغم قصر المدة
ولكن استمتعنا معك
جدا جدا ويارب دائما
موجود ومتوهج بيننا
ونتمني لك حياة شلاقية
جميلة في حضرة اخونا
حرمشة في النفاج
تسلم

[Isam Hussien H]

{ولكن عندنا كنا أسوأ فمات كلا المنتديين ، ليه ؟ لأن نظرة الكثيرين مننا كانت لأنفسنا وليس للمصلحه العامه
لأن ( المنّ والأذى فى العمل العام وشوفونى كانت طاغيه على كل شئ )}
ود المطامير تحيات بحجم آل الشرفة ..
هذا الذي نخافه ..والخير في الشباب القائمين على الإشراف في هذه المرحلة .. ففيهم علو همة وفهم عميق وأهداف واضحة يتدثرون بها ..

[ريمون]

مطاميرو ..
ضيف مميز واتحفنا بالروائع كعادته ..
مشكور كتير ..

[ريمون]

مطاميرو ..
دي رساله مفروض تكون في الخاص لكن انت رافع القزاز ..
استلمها هنا ..

صباح الخير ..
شكراً جزيلاً علي الروعة والفهم العميق ..
الكرسي كان منور ..

[مايسة]

صراحة يا ود المتامير كرسي رائع بروعتك
وكما عودتنا دائما على الاريحية والوضوح
وصفاء النية
فكانت إجاباتك بسيطة سهلة -

لك التحية مره أخرى
ونتمنى ليك كل السمح

[عاشق الترحال]

مطاميرو ..
دي رساله مفروض تكون في الخاص لكن انت رافع القزاز ..
استلمها هنا ..

صباح الخير ..
شكراً جزيلاً علي الروعة والفهم العميق ..
الكرسي كان منور ..





صراحة يا ود المتامير كرسي رائع بروعتك
وكما عودتنا دائما على الاريحية والوضوح
وصفاء النية
فكانت إجاباتك بسيطة سهلة -

لك التحية مره أخرى
ونتمنى ليك كل السمح



يا حبيب قلبي ،،،،استمتعنا بي ردودك الحلوه ،،وهي لا تخلو من الطرافه .

هع هع هع هع هع هع

الجماعه الطيبين قالو ليك ادينا عرض اكتافك ....ما مشكله ارحكا نمش الجزيره ..

[محمد الجزولى]

الحبيب ود المطامير
أدخل الى هذا البوست كثيرا لأن فيه كل الروعة
كلمات ممزوجة بروح الدعابة وحكمة العارف
شكرا يا عروه ياخ
ومتابعين حروفك وين ما تكون