فتحي مدايد

[الشمشار]

سلامات بعد غيبه يومين تلاته نسبه لمشاغل عده وعلي سيره المشاغل اشكر كل من سألني في بوست كرسي النجوم ومعليش انشغلت شويه الايام الفاتت لكن قبيل رديت علي عدد من الاسئله كما اشير الي ان القصه التي ساسردها هي علي شاكله القصص التي من خلفها مغزي وباب للمناقشه لذلك اكتبها في المنتدي العام واعتذر عن عدم اكمال بوست علي العوقه واعدكم انو بكره ان شاء الله حنواصل فيهو
شغلتنا البوستات والمواضيع انو نحكي قصص من حلتنا الليله قصتنا قصه بنكهه مديده الحلبه ومديده الدخن ومديده التمر قصه دسمه دسامه مديده السمسم
انا عارف الشحتافه جننت كدايسكم
جاااااااااااااي بعد الفاصل

[الشمشار]

لفتحي ود حاجه اسيا شهره فاقت اراضي حلتنا البسيطه لتشمل بلغه اهلنا العرب كل الحلال المجاوره (جمع حله)
فهو ومنذ صغره كان مولعا بالمدايد وتحت تحت كده قالو المدايد دي اتعود عليها لانو امه حاجه اسيا ماشاء الله عليها ولاده وبتلد علي حسب قول الراوي (الراوي ده ما انا ماتجيبو لي الهواء) في السنه مرتين وماتسالوني كيف لاني لامن سالت السؤال ده اتتني الاجابه بسيطه وبكل اختصار وافحمتني قولو مثلا حاجه اسيا دي حملت شهر واحد حتلد شهر 10 شهر 12 تحمل تاني
خلونا من حاجه اسيا نرجع لي فتحي
فتحي طبعا بكر امو والثمانيه اخوان الجو بعدو هو شرب مدايد حريم الحله الجابوهن لي امو وقت ولدت
اها اصبح فتحي مابين يوم وليله ذواقه للمدايد يعني الشباب في الحله بقو يستشيروه في الحته دي
يافتحي حاجه فلانه مديدتها كيف ؟
فتحي
بسم الله هي مديده هي والله مديدتها قاطعاها من راسه المثل كوره الشحاد ده
(فتحي لسانو طويل اعملو حسابكم ) والله مافي مره في الحله دي بتعمل مديده زي حاجه علانه دي المره تشرب مديدتها و.................
(الرقيب حذف دي ) نواصل هسي

[الشمشار]

اصبح لفتحي صيت شمل الحله والاحياء المجاوره وتفتقت اذهان الناس لروايه مواقف لفتحي حدثت واحيانا لم تحدث لكنهم اجمعو واجمعت رواياتهم علي ان فتحي زبون دائم لولائم السمايات
(والسبب واضح مديده التمر بالسمنه البلديه ) وبقت سنه في الحله اي زول داير يعمل سمايه في الحله يخلي لي فتحي كوريتين تلاته بتاعين مديده خوفا من طوله لسانه وكشف الحال البحصل بعد داك
ورغم ان فتحي له من مقدره يحسد عليها علي تمييز نوع المديده من شكلها الا انه ما بقصر كعبه سمحه بياكله ويقوم بالواجب خير قيام
لكن الشئ المحير الناس كلها ان فتحي نحيل جدا رغم انه يتناول كميات من المديده تكفي لتسمين كليه الفريق القومي زمن وزاريك
(غايتو انا الوحيد في السودان ده الما استدعوني عشان العب في الفريق القومي الزمن داك )
ورغم ان لفتحي شهيه كبيره وكبيره جدا قصاد المديده الا ان جسمه النحيل اصبح لغزا يحير شاويش ناس الحله وخصوصا حاجه اسيا امو
وبدن نسوان الحله في حض حاجه اسيا لاتباع درب الفقراء (الدجالين) عسي ولعل فتحي يسمن
واصبحت حاجه اسيا زبونا دائما للدجالين والمشعوذين البجو من كل انحاء افريقيا
لكن دائما مافي حل
وفتحي لي الليله دي اضعف زول في الحله
غايتو انتو لو لقيتو حل للمشكله دي وروني حاجه اسيا راجيه فتحي يسمن
سطر مدايدي
ليه البنات جاريات للحبوب والحل في البيت المديده مالها عيبوها لي
سطر طبي
الله يأزي حبوب النجمه وحبوب الجيران اتخلعو والتقيل ورا و...... تشاهد غدآ وجاري الشحن
سطر مهم
من اين تاتي هذه الحبوب وكيف تدخل للبلد؟؟؟؟؟؟
سطر اسود
كم هم ضحايا هذه الحبوب ؟؟؟؟ مجرد سؤال
عوووووك قصتنا انتهت

[فراس]

الشمشار سلامات
بوست بنكهه مديدة
اولاد بربر اولاد بربر
ديل يااخوي اخطر
ناس مديدة في مدني
والعهدة علي الراوي
دحين وصف المحل
لي فتحي دا احتمال
ربنا يسمنو عندهم
تسلم يامبتسم
خارج النص
بوستيك دا سميهو
بوست ال++++ غايتو
الرقيب دا حيرنا عدييل

[عنكوليب]

الحمد لله ال بقى في رقيب ، يا حاجة وصافة !!!

اشتكيت رأسك ده ،،،،، انت يا زول قاعد تغتس كدي

وتجينا شايل البلاوي دي ،،، قاعد تمشي ويييييييييييييييين ؟

سريــــــــــــــــــــــــــــــــــــــع !!!!

[ريمون]

الشمشار دائماً مواضيعك جميلة ..
ومريح لانو مقصك ذاتي ..:p
الغريبة الحبوب دي بتغير ملامح مناطق في الجسم زي الوجه بصورة بشعة ..

[mahagoub]

ما تشوف لينا حبتين
يا اخى الناس بقت مستعجله على اى حاجه
فى اى حته وما مهم البحصل
يديك العافيه