الكارثة القادمة ... وكل من غالطني في ان الريال سيصل (1 ريال = 1300 جنيه) يزورنا هنا !

[الجندي المجهول]

أولاً نسال الله السلامة ... واتمنى ان يعم الاستقرار والامن والامان بلدي (السودان) ..

1 ريال سعودي = 1300 جنيه (يعني) الف ريال = مليون وثلاثمائة جنيه ...... (ولسه .......)

حذر محمد الشفيع مدير العلاقات الخارجية بمجموعة (دال) الغذائية من نتائج زيادة (10% ) على مدخلات الانتاج، وأكد أنه أمر سيقود الى كارثة، وقال الشفيع في اجتماع للجنة الطاقة والتعدين بالبرلمان برئاسة د. عمر آدم رحمة أمس، إن المجموعة رفعت أسعار الكوكاكولا في نهاية العام 2010م بنسبة (40%) ما تسبب في خفض الاستهلاك بنسبة (30%)، وأشار إلى أنه أمر أحدث ضرراً في القوة الشرائية. وقال إن المجموعة تعمل بخسارة كبيرة منذ وقت طويل. وكشف عن اتجاه لزيادة الأسعار مجدداً، وقال انها ليست زيادة الأرباح لكن لحماية الصناعة من التحطم، وقال إن زيادة الضريبة بجانب الزيادة المرتقبة ستجعل من سعر المشروبات أمراً غير مقدور عليه وستكون النتيجة كارثية. واشتكى من الجبايات، ووصف الأسلوب بالارهاب. وقال علي الزين مدير الموارد البشرية ان بعض الجباة هددوا المجموعة بقطع الصرف الصحي حال لم تدفع الرسوم، وقال إنّ المجموعة تدفع (200) مليون جنيه سنوياً كرسوم فقط.

الراي العام
منقووووول

باللفة :بالمناسبة الاستاذ/ محمد الشفيع مدير العلاقات الخارجية بمجموعة (دال) الغذائية بيفهم احسن من ( وزير ماليتنا ووزير الاقتصاد) بتاعننا ولكن قاتل الله التعيين (بالولاء وليس الكفاءة) وخليك في دال فهي اشرف لك من العمل مع ( أولئك)

تخريمة : في اعتقادي ان الحكومة الان بدأت تخطو الخطوات النهائية نحو (الكارثة) ..

مشاققة : يعني تاني لو ماشي تشتري (فول) إلا تملا جيبك !!!!
واعرشو على كدا ،،،،،،

[آلاء عبد الرحمن]

والله بقت الامور مباااااااااااااااااااالغة
يعني حقن الملاريا حصلت 25ج
الناس تقبل علي وين بعد كده

[مصطفى هاتريك]

والله كارثة بمعنى الكلمة ...

إنتو المغتربين على أقل تقدير دخلكم محفوظ بالعملة الأجنبية

لكن نحن ... كل يوم دخلنا متآكل بخسارة حقيقة و أرباح وهمية

ويا ريت نعرش على كده ,,, لأنو الجاي أسوأ __ 1 دولار يساوي 10 جنيه ــــ

[ياسر عمر الامين]

الله يستر...

[ودالعمدة]

تعرف يالجندى
زمااااااااااان كان تشيل القروش فى جيبك
وتشترى حاجاتك تملأ بيها العربية
وحسى تملأ العربية قروش
وحاجاتك البتشتريها تختها فى جيبك
شكلوا الريااااال أبو ألف وتلتماية ح يبقى أغلى من رياااال مدريد

[nehroo]

انت عارف يا الجندي
الدولار صعد بالشكل دا
فقط لأنه الجنوبيين قفلوا البلف في الايام السابقة
طيب البلف دا لو ظل مقفول تاني تلاتة اربعة شهور
الدولار يصل تمانية الف ولا شنو؟

[بدر الدين احمد الطائف]

انت عارف يا الجندي
الدولار صعد بالشكل دا
فقط لأنه الجنوبيين قفلوا البلف في الايام السابقة
طيب البلف دا لو ظل مقفول تاني تلاتة اربعة شهور
الدولار يصل تمانية الف ولا شنو؟


سول يطرح نفسه يانهرو
قبل ان نكتشف البترول ونصبح من الدول الدول النفطية التى تعتمد على اقتصادها من عائداته.
كيف كان يسير حال الاقتصاد السودانى.
وكيف كان حال المصروفات الحكومية قبل الانقاذ وبعده.

[nehroo]

سول يطرح نفسه يانهرو
قبل ان نكتشف البترول ونصبح من الدول الدول النفطية التى تعتمد على اقتصادها من عائداته.
كيف كان يسير حال الاقتصاد السودانى.
وكيف كان حال المصروفات الحكومية قبل الانقاذ وبعده.

أخي بدر الدين لك التحايا ..
اي دولة تحتاج للعملات الأجنبية لموازنة إحتياجاتها ..
في السابق السودان كان يعتمد على موارد أخرى أهمها الزراعية ..
بعد ظهور البترول تدهورت الزراعة لعدم الإهتمام بها فإنهارت المشاريع الزراعية
وأصبح البترول هو المورد الرئيسي الذي إهتمت به الدولة لجلب العملات الاجنبية ..
البترول خرج جزئياً في الفترة السابقة ولكنه ظل منساب عبر الأنابيب الى
الموانئ السودانية ومنه مدخول أقل من السابق (رسوم عبور)
وفي تلك اللحظات ظهرت الآثار على الإقتصاد نتيجة لأن البترول هو العماد
تحاول الدولة الرجوع للموارد السابقة الآن بعد صدمة البترول ولكن ذلك يحتاج لزمن.
ظهر مورد آخر خلال الفترة السابقة وهو الذهب فأسرعت الدولة بأن تشتريه من
المنقبين بالعملة المحلية داخل السودان وتبيعه بالعملة الأجنبية لرتق الفجوة.

الآن لو إستمر إيقاف بترول الجنوب لفترة أطول ستظهر آثار ذلك على
الإقتصاد بصورة أكبر في الفترة القادمة منها إنخفاض العملة المحلية
أمام العملات الأجنبية بصورة أكبر مما هي عليه الآن.

[الزونية]

أخي الجندي..
إرتفاع العملات الأجنبية مقابل الجنية السوداني هو حديث الشارع السوداني للتسارع المستمر
في الزيادة بلا تراجع وإرتفاع اسعار الذهب..
وكما ذكر الأخ نهرو كان ذلك نتيجة للفجوة التي تركها الإنفصال وتوقف البترول.
وكذلك رفض دولة الجنوب دفع ماعليها لدولة الشمال من إلتزامات..
وكما أشار الرئيس البشير بالأمس عن إمكانية سد الفجوة بالذهب..
لنرى ماستظهره الأيام والسودان بين طرفي رحى الغلاء ونذر الحرب...
في ظل هذا الجو هل تعتقد بأن الجنيه سيرتفع من جديد؟؟؟؟

[بت أم درمان]

أ وكما أشار الرئيس البشر بالأمس عن إمكانية سد الفجوة بالذهب..



والله احتاروا وحيرونا الفجوة دي حايسدوها كيف
بس اذا بقت على الذهب هينة

[أم سماح]

الفجوة لا بسدها ذهب ولا بترول
إلا يسدها الله سبحانه وتعالى بقدرته الحائقة .. وإن الله لطيف بعباده

[nehroo]

ارتفع سعر الدولار في السوق الموازي الى 5.03 جنيهات امس الأول ..
مع إيماننا بالله تعالى الفجوة محتاجة جكة لسدها..
والحساب حساب إقتصادي والحساب ولد او كما يقولون.

[خالد 000 ابقرجة]

تحية للجميع
حقيقي المشكلة ما مشكلة بترول انقطع 000
عبارة عن تراكمات أخطاء اقتصادية كان متوقع انفجارها في أي وقت 000
انقطاع البترول فقط زاد حدتها 000
لكن كل الممارسات الحكومية وترهل الدولة من ناحية عدد الدستوريين وأصحاب الإمتيازات الفلكية 000
والصرف البذخي علي المؤتمرات والمناسبات 000
بالإضافة لعدم الإستفادة من واردات البترول خلال فترة تدفقه في دعم المشاريع ذات الإنتاج الحقيقي 000
وذهبت كل إيراداته لدعم وتمكين المؤتمر الوطني 000
مع تغييب كل الكفاءات التي كانت تضمن استمرارية الخبرة التراكمية للوزارات (بذريعة الصالح العام) 000

مع العلم أن جميع المشاريع التي تم تنفيذها لم تكن من إيراد البترول ولكن عبر القروض الواجب علينا تسديدها الآن

أرجو متابعة هذه الحلقة 000

http://www.youtube.com/watch?v=cN57A2K1wTk

الأستاذة عابدة المهدي والدكتور حسن بشير مثال للتكنوقراط الذين لا ينتمون لحكومة أو معارضة فقط ينتمون لمصلحة الوطن 000

والوجه الإنقاذي التقليدي الذي كلما تمت مواجهته بمشاكل البلد ظل يراوغ ويسير في طريق آخر 000
ويبدأ التمسح بالشريعة والإقتصاد الإسلامي التي لا يذكرونها أبداً عندما يغسلون أموال الكوميشنات ورصيد البلد في استثمارات ماليزيا

[الزونية]

والله احتاروا وحيرونا الفجوة دي حايسدوها كيف
بس اذا بقت على الذهب هينة...
أختي بت أمدرمان..
سد الفجوة بالذهب
هذا ماصرح به البشير بالأمس بمعادلات
لاأظنها إلا لعب على هذا الشعب المسكين المغلوب
على أمره

[nehroo]

http://www.youtube.com/watch?v=2dp8SDbSyI0&feature=share

[خالد 000 ابقرجة]

عارف يا نهرو في الكلام عن الفساد 000
حكاية العندو ورق يقدموا دي محيراني 000
وبرضو موضوع إقرار الذمة المالية ده 000
الريس مرر الموضوع في نص الكلام عاااادي 000
عندي بيت في كافوري 000
وشقة وين 000
ومزرعة وين 000 وكلو مضمن في الزمة المالية 000
بس السؤال الخاف اسألو الطاهر أو ما حب إحرج الريس 000

إقرار الذمة بتاع الريس ده بتاريخ كم 000

______________
مبروك يا عريس

[nehroo]

عارف يا نهرو في الكلام عن الفساد 000
حكاية العندو ورق يقدموا دي محيراني 000
وبرضو موضوع إقرار الذمة المالية ده 000
الريس مرر الموضوع في نص الكلام عاااادي 000
عندي بيت في كافوري 000
وشقة وين 000
ومزرعة وين 000 وكلو مضمن في الزمة المالية 000
بس السؤال الخاف اسألو الطاهر أو ما حب إحرج الريس 000

إقرار الذمة بتاع الريس ده بتاريخ كم 000

______________
مبروك يا عريس

العزيز خالد تحياتي ..
موضوع تقديم الورق والمستندات والملفات لإثبات المفسدين دي شتيت كورة ..
نحن مجتمع نعرف بعضنا جيداً في الحي والأسرة ..
تجد فلان ( ممرض, سائق, سكرتير, موظف صغير ) يتطاول في البنيان بالطوابق الاربع والخمسة وعمارتين تلاتة
والعربات الفارهة أمام منزلة مثل ( كدايس الجزارة) والشركة والزوجة تكشكش دهب
وعندما تسأل يا أخواننا من ويييييين ؟
يقال لك: ياخ دا مافي إتحاد شنو ولا نقابة او تنسيق او الكثير من الشركات الحكومية الوهمية ..
دي يلقوا ليها حسابات وين لو الأموال فيها توزع بالخمشة دون تدوين ؟
ويظل المجتمع يثبت لك انه فلان دا حراااااااامي وممكن نقسم بس نجيب ليك ورق من وين؟

[mahagoub]

ولسه ولسه ولسه
اقعدوا احسبوا لمان تفتروا
وكله على حسابنا
ما زى ما قال هاترك
لانو المصاريف البنرسلا ماشه فى زياده
وربنا يلطف بينا