الحب والهيام والبكاء فى جوابات الغرام

[مولانا جلال]

يمكن تكون دى اول مرة اشارك فى النفاج وياريت تقبلوا كلامى وماتقول مولانا ده جن ولا شنو
الموضوع ماجنون لكن قلت احاول احرك الزكريات شوية وناس هاتريك يتمو الباقى ويخيل لى مافى زول قبل كده مابكى فى الجوابات الرسلهم لمن اصبحت زوجته الان الكلام ده للخوافين يعنى لوحبيت تشارك تقول
للزوجة ده الكنت بكتبيوا ليك زمان طبعا هى مابتكون متذكرة تفاصيل كثيرة لانو يامدنية ذاكرة المرا فى مرحلة زى مرحلتنا دى بيضربه فايروس .
المهم الباب مفتوح واجمل حاجة كانت فى البكاء الاشعار الكنا نبدا بيها البكاء و نختم بيها زى
ازين نساء العالمين اجيبى دعاء معشوق بال......غريب
كتبت كتابى ما اقيم حروفه لشدة اعوالى وطول نحيبى
ايا () لوابصرتنى ماعرفتنى لطول نحولى بعدكم وشجونى
وانت من الدنيا نصيبى فان امت فليتك من حور الجنان نصيبى

[مايسة]

ههههههههههههه
منور يا مولانا -

غايتو ناس الجوابات ديل قُدام خلاص :cool:
بجوك ناس الخبره هسي ما تستعجل
وعينك ما تشوف الا الجوابات اقصد النور

[telecom]

غايتو بكاء الجوابات دا اول مرة نسمع بى يا مولانا غايتوا اسألوا اهل الذكر

[خالد علونى]

يا شيخي مطرة تلحقا وتنجدنا

[isamzaki1978]

هلا هلا بيك مولانا فى بيتك التانى (النفاج)
انا كنت عاوز اردعليك لكن انا حوار الشيخ ، شيخى لسه ما جا وادانى الاذن
بعد يجى شيخى مطرة برد عليك

[المسافر]

والله يا مولانا جلال شرفنا جنس شرف ( شرف والأسد ذاتو )
وبصفتي المشرف أنا حأعمل ليك إقامة دائمة في النفاج على حساب الآدمن


وبخصوص البكاء في الجواب للزوجة ، طبعاً وبصراحة كده أنا حاجة زي
ما مرت علي وما بقدر أقول ليك رأيي فيها ، وسوف أنتظر باقي مداخلات
المتزوجين عشان الواحد يستفيد منها في مقبل أيامه إن شاء الله .

وبعدين القصيدة بتاعت ازين نساء العالمين اجيبى دعاء معشوق بال......غريب
ممكن تقال لعدة نساء ولأ لا يجوز إلا لوحدة ؟

[ود المطامير]

ميييييييييييييييين ؟
مولانا والله منور النفاج

والله لكن رجعتنا للزمن الجميل ، أنا وحات الله وكتاب الله
مره هنى لقيت ليك روله حقت ورق الكمبيوتر حق البنوك
الورق اللى بيطبعو عليهو ويقع يتطبق ورا طاولة الكمبيوتر
أها .. لقيتها وفاضيه وقلت كدا إسبوعين أكب فيها فى الحنان
وبالجمبتين كمان وجبت ليها ظرف مخصوص ورسلتو السودان مع صاحبى
وحات الله قال ليك ناس الفريق كبار وصغار بمشو بيتهم
ويمسكو شافع طرف الجواب وشافع تانى يمسك الطرف التانى ويمشى والجواب ينفر
وهو يمشى والجواب ينفر لما الشافع يطلع بباب الحوش ;)

[ود المطامير]

يا شيخي مطرة تلحقا وتنجدنا
يا حوارى فى الحنان تلقانى قدامك
إنتا ما شايف الشيوخ بتزوجو أربعه أربعه ;)

[ود المطامير]

هلا هلا بيك مولانا فى بيتك التانى (النفاج)
انا كنت عاوز اردعليك لكن انا حوار الشيخ ، شيخى لسه ما جا وادانى الاذن
بعد يجى شيخى مطرة برد عليك
أديناك الإذن تب

أمدح آلحنين أمدح

[ود المطامير]

والله يا حليل الجوابات

أنا زمان كنت كاتب الشله أى واحد من أصحابى عاوز يكتب للحنان حقو
بجينى وكل جواب على حسب سعره ، إذا كان السعر سجاره برنجيه
دا بكون جواب من طرف المخيخ ولو كانت سجاره بينسون دا بكون جواب بالطريقه الصاح

[نزار احمد كوارتي]

ازين نساء العالمين اجيبى دعاء معشوق بال......غريب
كتبت كتابى ما اقيم حروفه لشدة اعوالى وطول نحيبى
ايا () لوابصرتنى ماعرفتنى لطول نحولى بعدكم وشجونى
وانت من الدنيا نصيبى فان امت فليتك من حور الجنان نصيبى


هسي الواحد كان كتب كلام زي ده تدوه عشرطاشر سوط وتفتحو ليه الماده عشره وعشرين

بالزقاق:-

منور النفاج والله

[مولانا جلال]

ميييييييييييييييين ؟
مولانا والله منور النفاج

والله لكن رجعتنا للزمن الجميل ، أنا وحات الله وكتاب الله
مره هنى لقيت ليك روله حقت ورق الكمبيوتر حق البنوك
الورق اللى بيطبعو عليهو ويقع يتطبق ورا طاولة الكمبيوتر
أها .. لقيتها وفاضيه وقلت كدا إسبوعين أكب فيها فى الحنان
وبالجمبتين كمان وجبت ليها ظرف مخصوص ورسلتو السودان مع صاحبى
وحات الله قال ليك ناس الفريق كبار وصغار بمشو بيتهم
ويمسكو شافع طرف الجواب وشافع تانى يمسك الطرف التانى ويمشى والجواب ينفر
وهو يمشى والجواب ينفر لما الشافع يطلع بباب الحوش ;)
والله يا مطاميرو انت ارجل واحد فى النفاج دا انا ما قائل ناس النفاج جبناء كده ياخى اى واحد بقى يقوليك انا عصر الجوابات ده مابعرفوا وما قدرى والثانى اسالوا اهل الذكر خلى الجوابات فى الرسائل البسموها الكترونية دى مابكيتو ولا انتو عاوزين توهموا الجماعة انكم ماكتبتو قبل كده

[نزار احمد كوارتي]

يا حوارى فى الحنان تلقانى قدامك
إنتا ما شايف الشيوخ بتزوجو أربعه أربعه ;)


ايوااااااا بس خلاس

وانا أقووووووووول

[مولانا جلال]

غايتو بكاء الجوابات دا اول مرة نسمع بى يا مولانا غايتوا اسألوا اهل الذكر
يا اخوى لو المصورين ديل ما اولاد اختك انت من زمن الجوابات فى ورق البردى

[mahagoub]

هو يا مولانا بكى نصاح
الجوابات ما بنقراها الا اخر الليل
عشان ما فى واحد يشوف الجرسه
طبعاً انا مغترب قبل الزواج
وتعال شوف الجرسه
وطبعاً اخوك كان استاذ
يعنى الموضوع ما محتاج
كل يوم خطاب لمان ساعى البريد ما تعب
وما شفته الشرائط المسجله
وروروووووووووك

[مولانا جلال]

عزيزى محجوب
مرحب بناس الزمن الجميل , اقول ليك والله لى اسع البوكس فائل بتاعى يسمع فى كلامك جو المكتبه

[mahagoub]

عزيزى محجوب
مرحب بناس الزمن الجميل , اقول ليك والله لى اسع البوكس فائل بتاعى يسمع فى كلامك جو المكتبه

ده الكلام الببرد الروح