*-*حبوبة مودرن*-*

[تغريدا]

14129

الحبوبة السودانية" الجدة" لها دو ربارز ومعروف منذ قديم الزمان في ايام "الد نيا بخيرها" وزمن الرخاء وللحبوبة السودانية (http://www.misahat.net/vb/showthread.php?t=4564)ميزات تميزها عن غيرها من الحبوبات في دول العالم الاخري من حيث حنانها وحكمتها وبساطتها وحبها للجميع لما اكتسبته من اصالة سودانية وارث قديم عرف بالجمال والمحبة والحوش الكبير الذي يسع للجميع.
وتظلالحبوبة (http://www.misahat.net/vb/showthread.php?t=4564)تعرف في الوسط السوداني بالالفة والحكمة والمحبة وصلة الرحم التي لاتنقطع بين الاهل، ذلك لانها الكبيرة وكبر سنها يجعلها المعين الذي لاينضب يرتشف جميع افراد الاسرة منه حسب تقربه اليها ، توصي الحبوبة (http://www.misahat.net/vb/showthread.php?t=4564)دائما بالتواصل والمرح بكل ماتعني هذه المفردات .
ودورالحبوبة (http://www.misahat.net/vb/showthread.php?t=4564)السودانية "الجدة" لم يعدكما كان في السابق لانالحبوبة (http://www.misahat.net/vb/showthread.php?t=4564)الان نجدها في المستشفي والمكتب اي بموقع عملها ،لتغيب دورالحبوبة (http://www.misahat.net/vb/showthread.php?t=4564)الآن خاصة دورها الطبيعي في رعاية احفادها والاهتمام الخاص بهم لأنشغالها بالكمبيوتر والبلاي استيشن والديجتال والانترنت ومقاهي النت كافيه ، و تحولت الحبوبة (http://www.misahat.net/vb/showthread.php?t=4564)البسيطة والتي اشتهرت بتربية الاطفال وحكي القصص اليالحبوبة (http://www.misahat.net/vb/showthread.php?t=4564)الحنكوشة التي تعرفت علي ثقافة الحضانة .
فهل ياتري نموذج الحبوبة (http://www.misahat.net/vb/showthread.php?t=4564)السودانية (http://www.misahat.net/vb/showthread.php?t=4564)ما زال موجودا فعلا أم أن هناك مشاكل الحياة و صعابها و تطور التقنية ووسائل التربية و التعليم و سبل الترفيه المختلفة قد حدت من وجود هذاالكيان العظيم ؟.ام ماذا اصاب دورالحبوبة (http://www.misahat.net/vb/showthread.php?t=4564)؟
ويا زمن الحجا في بيت ا لحبوبة وشحد ت سفة ا لسكر ..وزمن عطاء الحبوبات ودفع ا لريالات من طرف ا لتوب و ا لمصرور ومجدوع فوق الضهر.
ولكن لازلنا في السودان متمسكين بعاداتنا الاصيلة التي تحترم الصغيروالكبير مما جعلنا نتهتم بالحبوبة السودانية (http://www.misahat.net/vb/showthread.php?t=4564)اهتماما كبيرا دون ان نلقي بهافي ديار العجزة والمسنيين كما تقوم بها دول العالم الاخري.
وهذا دليل علي ان الاسر السودانية (http://www.misahat.net/vb/showthread.php?t=4564)متمسكة بعاداتها دون التخلي عن ماورثتها من الاباء والاجداد .
منقولـــــــــــــــــــــــ

[تغريدا]

http://www.youtube.com/watch?feature=endscreen&NR=1&v=X_0TXUUD974

[تغريدا]

حبوبات اخر زمن ياحليل زمان!!!!!
قالت حبوبة (رؤية) مخاطبة حاجة "شاهيناز" التي كانت منهمكة في فرك البامية المحورة جينياً:
- والله يا شاهيناز أنا ما عارفاك بتفركي كيف بي (مفراكة الكهربا) دي الناس خلوها زمان وبقو يفركو بى (مفراكة الليزر)!! ..
ردت عليها حبوبة (رؤية) وهي تطفئ البوتجاز الذي يعمل بنظرية الأوتار الفائقة
- نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
أمس حاجة هيام بت ود الهانى عملت شنو؟! ..
نطـّطت حاجة شاهيناز عيونها تهيؤاً لاستقبال الشمار وقالت:
- مالا ؟! .. أنا عارفاها دي زولة عندها (ضلالات عولمية)!!
أجابتها حبوبة رؤية:
- أمس مشيت ليها البيت كنت دايرة لي (ثالث كرومات السايكوبالتيك) عشان ألون بى الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. طبعا كلها قطيعة الكترونية.. تصوري المرا الما بتخجل دي! ..
ومواصلة قالت حاجة شاهيناز:
أنا زاتي المره دي (كجنتها) من ما سوت لينا القهوة في الجبنة (التيتانيوم) ، السبب لى حرقان ابا مايفكنى 3 يوم.. يعني ما سمعت بي (جبنة الألياف الضوئية)؟!
وواصلت حاجة شاهيناز:
أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية و تمانين سنة ضوئية.!
هزت حبوبة رؤية رأسها وقالت:
والله بقيتي خطيرة عديييل .. غوايشك بتاعت القلتيهو ده أنا زاتي ما سمعت بيها .. كدي وريني واحدة
قالت لها حبوبة رؤية:
ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)

سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) ....
وعندك كمان (الحلة الفوتونية) ودي بتنجض الملاح بـ (الطاقة القمرية.....)
وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوبار) المعتق، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) سغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
قومن يا نسوان.. ان شاء الله تقوم بيكن قنبلة (بوزوتروجينية) تريحنا من نقتكن الكتيرة دي... قومن سون لينا الغدا!

مـ نـ قـ ولــــــــــــــــ

[تغريدا]

http://www.youtube.com/watch?v=V-z9-t1pck4&feature=related

[تغريدا]

حبوبات زمان:-
تعال هنا ياولد.(تجيك ام كُلُعلُع) انشا الله... شوف بالله جنس الولد الممسوخ دا .
(الله لا غزّا فيك بركةآ المطرطش آ المعولق)......

طبعاً يا جماعة ....كلكم زمان ( أو لحدّى هسى) داعتكم حبّوبّاتكم جنس الدُعَا دا....
الحبّوبّات وما رايكم شنو نقتحم جزء بسيط من عالم حبّوبّاتنا زمان؟؟؟؟
.....ابقوا داخلين......

فى البدايه خلّونا نتكلم عن موضوع الدُعَا دا تحديداً...... بنلقى انو مافى حَبّوبَة مسالمة ومسكينة 100%...... بالتالى لمن تهيج لازم تفك آخِرا.... غايتو انا زمان لمن كنتا عايزة اسمع لى دُعَا جديد بدوِّر ليك حبوبتى جنس دوير واقوِّما ليك بى نمره اربعه ..... أها وتعال شوف.... راجمات من العيار التقيل....تداعيك لمن تحلف تقول الدعاء ده بيخسف بيك هسه دى......
وكدى لو اخدنا مثال لو حبوبتك كوركت ليك و جيتا بعد مساافة....أها بعد تجيها تشبكك: انتا يا ولد اطرش؟؟؟؟؟ ( الطرش ال يقدِّد اضنيك ديل ان شا الله) اناديك من قبيل تجينى بعد ساعة ماشى تتقدَّل كَدِى تقول ماشيلَك فى شوك (تَمِش بطنك.. بركة الشيخ المكاشفى ).....
أمِش الجيران ديل قول لى حَجّة السُّرَة حبوبتى قالتلِك نَمِش على ناس المناسبة ديل متين؟ واوعك يا ولد أكان فتحت لك الباب بِنَّيتَا القشة ام روح دى ام عويناتن سُغار متل قدود الجلد دى توريها الجايبك شنو.... باقى هى سأآآلة (يسألا نكير بركة الله والرسول) الخبَّارة الشمشَارة.....


أها بعد تجى راجع وتديها الخبر انو حَجّة السُّرَة قالت انو المشى للعقد الساعه 4 ومُودِّيكم ولدا الدكتور بى عربيتوالجديدة....
الدُعَا بقلب 180درجة ...... انتا يا يابا ان شا الله تتبارك وما تتشارك ... وتتعَّلا وما تتدَّلا....وأكان نافعنى يا يابا وبتترسَّل لى
ان شا الله يعدلا عليك محل ما تقبِّل ... ويديك الفى مرادك.....
وطبعا يا اخواننا فى الدُعَا السمح دا الحبوبات برضوا ما بقصَّرو تب .... واذا لحقن انبسطن منك و شكَّروك و دعن ليك دُعَا سمح على الايمان من كترت ما بتتكيف تقرب تركِّب ليك جناحين وتطير بيه...

وبالمناسبة دى بنلقى انو الحبّوبّات وبى صِفَتِن شريحة مهمة من نساء السودان ... ليهن اعتقادات جازمة فى المشايخ والصوفية...... ونادراً ما نلقى لينا حبوبة ما (بتنده) ليها شيخ.... يا سيدى الحسن... يا الشيخ الجعلى..... يالشيخ الكباشى....................... الخ ..... اضف الى ذلك تعاملهم المباشر مع الفُقَرَا والأفكِيَا (جمع فكى) فى معظم امور الحياة تقريباً...
وطبعا ًدا غير اعتقاداتهم الدينية فى حاجات كتيرة..
أها حبوباتنا ديل برضو عندهم تعليقاتهم الخاصة جداً......نكتفى بى واااااااحد بس.... اللى هو تعليقن على الشفع الصغار لم يعملو ليهم حاجة اكبر من عمرهم...... تلقى الحبوبة بتراقب ليك فى الموقف دا بى عين فاحصة جدا وتقول ليك ( شووووووووووف يا اخوانى ودابنآآآآآدم دا).

أما عالمهم الخاص فبنلقاهو مليء بالمفارقات الطريفة.... يعنى مثلاً بنلقى انو فى كمية من الحبوبات بسفوا صعوط..... وتلقا الحُقَّة بتاعتا (علبة نيفيا كبييييييييرة) وهن طبعاً حنكهم انو الصعوط بيشيل وجع الضرس... أها الحبوبة تلقاها تقوم من صباح الرحمن تطلِّع ليك حُقَّتا من تحت لحافا وتدردم ليها سفة قدر الليلة وبكره( عشان ضرسا ما يوجعا).

طبعا حبوباتنا العزيزات عندهم برضو حاجاتهم البتشاءمن منها..... ومثلا اذا اتكلمنا عن أوقات الأعراس كمثال حى... بنلقى انهم ما بيخلوا أفراد العائلة كان يكسروا رقبتم يعملوا عرس فى شهر الويحيد ( دا يعنى صَفَر فى الشهور العربية) وهم طبعا اصلا بتعاملوا بالشهور العربية ... وكل شهر عربى عندهم ليهو اسم خاص بيهو.... أها الويحيد دا هن بيعتقدن بى انو لو عرستا فيهو بفترضو انك أكيد حتبَّكِر فيهو.... ولو دا حصل.... العارض بيركبك من ساسك لى راسك عمرك كلو.... وولدك الجبتو فيهو دا لازم كل سنة تَكِّرم ليهو بى ضبيحة وتوزعا على المساكين.. وأكان ما كرَّمتا بموت... وأها انتا تبقى كل سنة فى العيد ميلاد جاهز بالتورتة والخروف سوا.......وخروفك دا لازم يتربط فى البيت قبل ما تفكر تشترى للولد الهدية... وبرضو بقولوا ما فى زول يعرس بين العيدين اطلاقاً ..... لاكن(( ياكافى البلا يا حايد المحن)) و((قَبُلُم وَحَّدُم)) الناس هسى مدّورِين ليك فى الاعراس دى على الطريقة الصاح وفى كل ايام السنة.. و بقو ما بعرفوا ليك حبوبة ولا ويحيد ولا بين عيدين ولا بتيخ.....
الحبوبات يا اخواننا علاجهم براهو ..... ادوية بلدية وأعشاب وزيت سمسم وكركدى وقرض وحلبة و....و...و...!!!!!
وأكلم براهو ..... كسره وملاح وعصيدة ...... فطور وغدا وعشا وسحور ذاتو !!!!!
ورقادهم براهو...... فى الحوش فى هبوب الله السمحة دى فى العنقريب اب كراب.. واللحاف والوسادة!!!!!


وكل شى كل شى فى عالم حبوباتنا مختلف مختلف لكنه جميل جميل!!!!!......!!!!!!!

للأمانة آآآآناس منقول

[عاشق الترحال]

سلمت لنا يداك التي نقلت لنا روائع ما كتب عن الحبوبات

[فراس]

صبحك الله بالخير اخت تغريد
ساعود باذن الله فالموضوع جميل
سلمتي

[سيف الدين الامين]

سلمتي أخت تغريد وأنتي تطرقي على وتر ملئ بالزكريات الجميلة في نفوس الكثيرين منا العامل الأساسي فيه منبع الحنان الذي لا ينضب (( الحبوبة )) ولا أخال نفسي أبالغ اذا ما قلت أن تعلقنا بحبوباتنا فاق تعلقنا بامهاتنا خاصة في فترة الطفولة ( طبعا حبوبات زمان ) وكل منا ينتظر ان يسدل الليل أستاره لتبدأ الجلسة المليئة بالحب والحنان ونحن نستمع دون كلل أو ملل للحكايات الطريفة التي ما زال بعضها عالقاً بالذهن نسبة لروعتها وبساطة سردها اضافة للغلوطيات التي كثيراً ما تعجزنا ونحن نتبارى في طرح الحلول وسط ضحكات الحبوبة النابعة من أعماق قلب ليس فيه الا الحب للأحفاد أضافة لذلك فقد كانت الحبوبة هي الملاز الآمن من غضبة الوالد اذا ما غضب فلا يملك الا أن يرضخ لاوامرها طائعا فننجو بذلك من عقاب لا محال واقع ... رحم الله كل الحبوبات اللاتي التحقن بالرفيق الأعلى وأدخلهن في واسـع رحمته وحفظ كل حبوبة ما زالت على قيد الحياة ومتعها بالصحة والعافيــة كما نحمد الله أن هيأ لنـا معايشة تلك الأيـام الجميلة التي أضحت لنـا مستودعا للزكريات الجميلة .

[تغريدا]

سلمت لنا يداك التي نقلت لنا روائع ما كتب عن الحبوبات

أخى عاشق الترحال مشكور على المرورواتمنى أنك تكون أستمتعت بهذه الروائع التى لا تنضب ولايجف نبعها

[بت أم درمان]

للأسف لم اكون زمن حبوباتي الاتنين
ودائما اتحسر لاني ما شفتهم
ربنا يرحمهم ويرحم كل اموات المسلمين

بس رأي ان كل شي يتغير بتغير الزمن

قبل كم يوم كنت عند صديقتي
ودي جنها تسمي اولادها اسماء غريبة
اخر ولد عندها سمتو ( هُنَيْ ) تصغير لكلمة ( الهناء )
طبعا انا الايام الولى استغربت من الاسم اول مرة اسمعه طبعا
اها جا ابوها
راجل كبير طبعا والاسم غلبو هههههه
دا اسم تسميوهو دا
انتي ما بتعرفي تختاري اسماء وليداتك
الولد دا لما يكبر يقولو ليهو عمو هني
لما اجيب وليدات اقولو ليهو بابا هني
احفادو اقولو جدو هني
دا اسم دا
غايتو

ياحليل زمن الحبوبات الماعشتو ولا شفتو

شكرا تغريد

[تغريدا]

صبحك الله بالخير اخت تغريد
ساعود باذن الله فالموضوع جميل
سلمتي


مساءآتك نديه شذيه أخى فراس
الجميل هو مرورك ووقوفك للأستمتاع بعالم هو الجمال بذاته وهو هو عالم الحبوبات
منتظرين عودتك لتحدثنا بما تحمل من جميل الذكريات عن هذا الجمال

[تغريدا]

سلمتي أخت تغريد وأنتي تطرقي على وتر ملئ بالزكريات الجميلة في نفوس الكثيرين منا العامل الأساسي فيه منبع الحنان الذي لا ينضب (( الحبوبة )) ولا أخال نفسي أبالغ اذا ما قلت أن تعلقنا بحبوباتنا فاق تعلقنا بامهاتنا خاصة في فترة الطفولة ( طبعا حبوبات زمان ) وكل منا ينتظر ان يسدل الليل أستاره لتبدأ الجلسة المليئة بالحب والحنان ونحن نستمع دون كلل أو ملل للحكايات الطريفة التي ما زال بعضها عالقاً بالذهن نسبة لروعتها وبساطة سردها اضافة للغلوطيات التي كثيراً ما تعجزنا ونحن نتبارى في طرح الحلول وسط ضحكات الحبوبة النابعة من أعماق قلب ليس فيه الا الحب للأحفاد أضافة لذلك فقد كانت الحبوبة هي الملاز الآمن من غضبة الوالد اذا ما غضب فلا يملك الا أن يرضخ لاوامرها طائعا فننجو بذلك من عقاب لا محال واقع ... رحم الله كل الحبوبات اللاتي التحقن بالرفيق الأعلى وأدخلهن في واسـع رحمته وحفظ كل حبوبة ما زالت على قيد الحياة ومتعها بالصحة والعافيــة كما نحمد الله أن هيأ لنـا معايشة تلك الأيـام الجميلة التي أضحت لنـا مستودعا للزكريات الجميلة .


الحبوبه بطبعها حنينه وعطوفة وأييييييييييييييك من كمية الدلع وعندهن جنس نضم حلو حلا كلامن تراث وأدواتهن فلكلور زي الإبريق وبرش الصلاة والمُفحضة (المحفظة) وأشياء حلوه وكتيره ويمكن كلنا أو بعضنا ربته حبوبة ونهلنا من معينن الصافي الحنين الذى أصبح فى أذهانا وعقولنا بأحلى مايكون.
أخى الكريم سيف الدين الأمين ذكريات جميلة تمر بالمخيلة وقت الصفاء وصوت داخلى جوانا بيصرخ ياريت الأيام تعود الرحمة والمغفرة لمن رحل من حبوباتنا الجميلات وطول العمر والصحة والعافية لمن هن قيد الحياة
شكراً لمرورك الجميل

[تغريدا]

للأسف لم اكون زمن حبوباتي الاتنين
ودائما اتحسر لاني ما شفتهم
ربنا يرحمهم ويرحم كل اموات المسلمين

بس رأي ان كل شي يتغير بتغير الزمن

قبل كم يوم كنت عند صديقتي
ودي جنها تسمي اولادها اسماء غريبة
اخر ولد عندها سمتو ( هُنَيْ ) تصغير لكلمة ( الهناء )
طبعا انا الايام الولى استغربت من الاسم اول مرة اسمعه طبعا
اها جا ابوها
راجل كبير طبعا والاسم غلبو هههههه
دا اسم تسميوهو دا
انتي ما بتعرفي تختاري اسماء وليداتك
الولد دا لما يكبر يقولو ليهو عمو هني
لما اجيب وليدات اقولو ليهو بابا هني
احفادو اقولو جدو هني
دا اسم دا
غايتو

ياحليل زمن الحبوبات الماعشتو ولا شفتو

شكرا تغريد

غايتو ياستى مادايرة أزعلك بس بالجد عمرك كله ضاع
لأنها بالجد أيام جميلة تدمع العين لذكرها بالجد وجود الحبوبة بالبيت يبعث الراحة والأطمئنان لمن تشوفا قاعدة فى عنقريبا فى الحوش ساعة المغربية وتجى تقعد جمبها دا كما اصريت تنوم جمبها واخدت علقة انك لازم تنوم فى سريرك براك وهى تدخل فى الحجازة والأجاويد وتقوليهم خلاص خلوها تنوم وبعد تنوم بوديها سريرا وقطعاً بعد تنوم ماحتشيلك وتوديك سريرك وهى بتقول مابقطع ليها نومتا وتردد المثل أو المقولة المرا أدوها وقية دهب ابت تصحى ولدا وتصحى الصباح وانت متكيف أنك نمت جمب حبوبة.
حقيقى يابت أم در دا عالم جميييييييييييييييييييييييييييييل
وفعلا كل زمن وليه متطالباته وجيل عن جيل يفرق يعنى ماتستغربى من موقف صاحبتك دا تجاه الأسم
لأننا من الآن بقينا فى زمن حبوبة شهايناز وجدو رامى:)
ونووووورتى