الإستيكة

[عاشق الترحال]

قال ليك مسطول كان في المكتبة.قعدت جنبو بت حلوةقالت ليهو "تسمح؟" و شالت منو الإستيكة قبل ما يرد..و ختتها فوق منديلها و جاء الهواء كفى المنديل علي الإستيكة..فقامت شالتها جوة المنديل جوة شنطتها و مشت الكافتيريا وجات راجعة..فقال قالت تسمح؟ و كيف يا الحلوة ما بسمح؟ أصابعي العشرة تكتب ليك و قلبي أبقيه إستيكة عشان بس للغلط يمسح يذوب بين أصبعين حلوين يتوه وسط السطور يسرح و لمن تنتهي الكلمات يخش الشنطة في منديل و نمشي القهوة نتفسح



و صار عاشق يطيع سحرك يجيب الفانتا شان أمرك تختي الشنطة في حكرك وقلبي الدايش وسط منديلل يسكلب ساي يقول يا ليل و جوة الشنطة يتمرجح و ترجعي تاني يا الحلوة و أكون راجيك هناك مصلوب أشوف الناس طشاش في طشاش و أقرأ سطوري بالمقلوب
...

تقعدي و أعاين ليك.. تغمضي إنتي تعايني لي.. أغمض أنا و أعاين ليك.. تغمضي إنتي تعايني لي.. أغمض أنا نعيد الكرة من أول و أعاين ليك.. تغمضي إنتي تعايني لي.. أغمض أنا و أعاين ليك.. تفري البسمة تضوي سنة



أحك راسي و أبلع ريق و أتنحنح و أجر الكرسي لي قدام و أرجعو تاااني و أتزحزح و أقول للسمحة لو تسمح ممكن كلمة في زاوية؟ تقول بسمح

تقوم السمحة تتلمم و تتبسم و أنا أتراجف.. و أتخمخم و أقوم أفرح و أدق الجيك و أطق روري و أرمي الكرسي.. أوبس سوري و أقع في الجنبي.. أوبس سوري و أدقش الماشي.. أوبس سوري و جنب السلم.. أوبس سوري



هناك في الزاوية نتقعد و أستغفر.. و أتشهد و أشيل أنفاسي.. و أتنهد و أقول ليكي والله و غايتو الزول و الحاصل و في الواقع و ما عارف هه ما قادر أقول ليكي

تقول لي هي يا دا و فيها شنو و معانا منو و يخسي عليك و قول يعنيهه ما تخجل.. و تتعقد



أنا أتعقد؟؟؟
أجر الكرسي أزيد الخمسة تدليكة و أقول ليها وبي صوتا ندي و رايع يفيض رقة و موسيقى من فضلك و أترجاك ترجعي لي الإستيكة...@

[عنكوليب]

تسلم الأستيكة وست الأستيكة ،،
يسلم الداير الأستيكة ،،
ويسلم الشعر ال جاء عشان الأستيكة ،،

[عنكوليب]

تسلم الأستيكة وست الأستيكة ،،
يسلم الداير الأستيكة ،،
ويسلم الشعر ال جاء عشان الأستيكة ،،

[بدر الدين محمد]

الشاعر محمد الجاك اسمو الحركي الذي منحته له هيئة حلمنتيش العليا هو (الصراف)
هو شاعر قصيدة الاستيكة والتي ظهرت في سبعينات القرن الماضي

تسلم عاشق الترحال على الاختيار التاريخي

[بدر الدين محمد]

هاك دي يا عاشق الترحال.....

كتبت هذه القصيدة في طالب في جامعة الخرطوم اسمه "عبدو" وكان بحب واحدة لدرجة الجنون
وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ،
فرد عبدو :-
"حفضل أكهربها ليك لو جا ملاك يخطبها حترفض وأحسن أكون تقيل أنا زول جميل وقيافة " ...
وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت ..
وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته
وتزوّجت من غيرو" شاكوش بمعنى آخر ".. بقولوا "أدتو شريط"..
لأنه بيكون مشغل شريط أغاني حزينة.. ينتهي يقلبه بالجانب الآخر.. و هكذا..
و كأن البنت أعطته له..
على أي حال نرجع لي عبدو الذي وقّعه الله مع صاحب بشّع بيهو وألّف فيهو القصيدة دي ..
يمكن نضحك إحنا على الكلام ده ، لكن الكهربجي بتعانا داك يكون حاسي بي شنو!!


في الليلة ديك
القصة ذاتها بقت عليك
يا عبدو وأدوك الشريط
يوم قولنا ليك
أنضم معاها وكلّمها
لكن أبيت تسمع كلامنا
بقيت لميض
وقلتَ.. أحسن أكون تقيل
أنا ما جميل
باكر بعد باكر
بكهربها ليك بي نظرة كتيل
وبقيت تقيل
لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال
رفعوا الستار
والبت تجي و تمشي و تلف
مرات تقيف
ومعاها كان زولاً حريف
والوقفة كان وقفة ولف
صاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت
ووقعتَ في شارع الزلط
تبكي وتجعّر
والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت داير ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال
والجهل وسوء الإختيار
قال شينة قال ...!
قال شينة قلنا كلام صحيح
وخطيبها زاتو ولد قبيح
بس ياخي قوم
الواطة ليل.. دايرين ننوم
قام تاني جاب سيرة البحر
وقام تااااااااااااااااااني جاب سيرة البحر

[عاشق الترحال]

هاك دي يا عاشق الترحال.....

كتبت هذه القصيدة في طالب في جامعة الخرطوم اسمه "عبدو" وكان بحب واحدة لدرجة الجنون
وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ،
فرد عبدو :-
"حفضل أكهربها ليك لو جا ملاك يخطبها حترفض وأحسن أكون تقيل أنا زول جميل وقيافة " ...
وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت ..
وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته
وتزوّجت من غيرو" شاكوش بمعنى آخر ".. بقولوا "أدتو شريط"..
لأنه بيكون مشغل شريط أغاني حزينة.. ينتهي يقلبه بالجانب الآخر.. و هكذا..
و كأن البنت أعطته له..
على أي حال نرجع لي عبدو الذي وقّعه الله مع صاحب بشّع بيهو وألّف فيهو القصيدة دي ..
يمكن نضحك إحنا على الكلام ده ، لكن الكهربجي بتعانا داك يكون حاسي بي شنو!!


في الليلة ديك
القصة ذاتها بقت عليك
يا عبدو وأدوك الشريط
يوم قولنا ليك
أنضم معاها وكلّمها
لكن أبيت تسمع كلامنا
بقيت لميض
وقلتَ.. أحسن أكون تقيل
أنا ما جميل
باكر بعد باكر
بكهربها ليك بي نظرة كتيل
وبقيت تقيل
لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال
رفعوا الستار
والبت تجي و تمشي و تلف
مرات تقيف
ومعاها كان زولاً حريف
والوقفة كان وقفة ولف
صاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت
ووقعتَ في شارع الزلط
تبكي وتجعّر
والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت داير ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال
والجهل وسوء الإختيار
قال شينة قال ...!
قال شينة قلنا كلام صحيح
وخطيبها زاتو ولد قبيح
بس ياخي قوم
الواطة ليل.. دايرين ننوم
قام تاني جاب سيرة البحر
وقام تااااااااااااااااااني جاب سيرة البحر


قصيده في قاية الروعه .
مشكور علي المرور والاضافه الطيبه .

الكلام بجيب الكلام ,,,,, صدق من قال .
لك ودي وتقديري

[mahagoub]

تسلموا
وقعتوا لى فى جرح
والجرح جرحى براى
انا من عشاق المحطه الاهليه
والحلمنتيش

[عاشق الترحال]

تسلموا
وقعتوا لى فى جرح
والجرح جرحى براى
انا من عشاق المحطه الاهليه
والحلمنتيش

وانا بعشق الدوبيت والنكات ,,,والونسه الحلوه
ولمة الاهل والاصدقاء .

والله يا جماعه الحياة حلوه ....ولكن ..لمن يفهمها .

[ود المطامير]

الحبيب
تعرف صاحب القصيده دا قريبنا ومن المطامير

شفت حرمشه حق الشعر حقو كااااارب كيف ؟ ;)

[isamzaki1978]

يا الحبايب
والله لولا عفص حرمشة بالطريقة الصاح
كان شاركناكم ب...
يد القميص.. ضهر القميص.. كم القميص
لكن الفنيلة اتشرّطت
والذاكرة بقت ما بتشيل حاجة من حاجاتكم السمحة دى
****
شكرا كتير على الشعر الجميل
،،،
الاخ بدر الدين :
كان فى قصيد بتاعت شاعر اظنه اسم " سيد احمد الدوش " بقول فيها " ... شبه بترينه العدة .... ملقطه كلك اسبيرات "
لو مرت عليك او حافظ بعض ابياتها تتحفنا بيها
وتسلممممممممممممممممممممموا على البوست الجميل

[بدر الدين محمد]

الحبيب
تعرف صاحب القصيده دا قريبنا ومن المطامير

شفت حرمشه حق الشعر حقو كااااارب كيف ؟ ;)

القصيدة ياتا
الاستيكة
ولا عبدو
ووين يا عاشق الترحال حقوق الملكية الفكرية
ود المطامير كدي خلينا نقوم باللازم

[بدر الدين محمد]

قصيده في قاية الروعه .
مشكور علي المرور والاضافه الطيبه .

الكلام بجيب الكلام ,,,,, صدق من قال .
لك ودي وتقديري

عاشق الترحال فهمت عمك محجوب .. اها عقب تاني بي قصيدة

[بحيرى]

شكراً عاشق الترحال ....
على القصه الجميله ... والقصيده الاجمل ...
وهذا النوع من الشعر هو الاكثر توصيلاً لمحتواه ....
واجو أن تسرد لنا بعض الاشعار الحلمنتيشيه فى هذه المساحه الجميله ...!!!

[بحيرى]

هاك دي يا عاشق الترحال.....



قصيده جميله وزكريات اروع واجمل ....
تسلم الاستاذ بدر الدين ....
وياريت تكون فى قصص وقصائد آخرى مسروده فى هذا البوست ....

[mahagoub]

وانا بعشق الدوبيت والنكات ,,,والونسه الحلوه
ولمة الاهل والاصدقاء .

والله يا جماعه الحياة حلوه ....ولكن ..لمن يفهمها .

ما تاخد ليك ركن بدون ايجار
واعملوا ركن الدوبيت والمطارحات
وفتش وطلع الجوه الناس

[عاشق الترحال]

الحبيب
تعرف صاحب القصيده دا قريبنا ومن المطامير

شفت حرمشه حق الشعر حقو كااااارب كيف ؟ ;)



اتاااااااااااااااااااري كان محرمش يعني ....ياخ ما تقول كدا من زماااااااااااااااااااان

[عاشق الترحال]

ما تاخد ليك ركن بدون ايجار
واعملوا ركن الدوبيت والمطارحات
وفتش وطلع الجوه الناس


نخلي ركن جحا ....

[عاشق الترحال]

شكراً عاشق الترحال ....
على القصه الجميله ... والقصيده الاجمل ...
وهذا النوع من الشعر هو الاكثر توصيلاً لمحتواه ....
واجو أن تسرد لنا بعض الاشعار الحلمنتيشيه فى هذه المساحه الجميله ...!!!

مشكور علي المرور ......ولك ذلك انشاء الله

[عاشق الترحال]

عاشق الترحال فهمت عمك محجوب .. اها عقب تاني بي قصيدة

حاااااااااااااااااااااضر يا عمي .
غالي والطلب رخيص .

[عاشق الترحال]

القصيدة ياتا
الاستيكة
ولا عبدو
ووين يا عاشق الترحال حقوق الملكية الفكرية
ود المطامير كدي خلينا نقوم باللازم

يا العرضحلجيه انا جاييكم تكتبو لي عريضه .

[عاشق الترحال]

يا الحبايب
والله لولا عفص حرمشة بالطريقة الصاح
كان شاركناكم ب...
يد القميص.. ضهر القميص.. كم القميص
لكن الفنيلة اتشرّطت
والذاكرة بقت ما بتشيل حاجة من حاجاتكم السمحة دى
****
شكرا كتير على الشعر الجميل
،،،
الاخ بدر الدين :
كان فى قصيد بتاعت شاعر اظنه اسم " سيد احمد الدوش " بقول فيها " ... شبه بترينه العدة .... ملقطه كلك اسبيرات "
لو مرت عليك او حافظ بعض ابياتها تتحفنا بيها
وتسلممممممممممممممممممممموا على البوست الجميل

تسلم انت علي المرور

[عاشق الترحال]

همسةُ...





أودعتها لك في نسيم الصبح
هل مرّت بقربك يا حبيب..
ان جئت تحمل زهرةً...
أو جئت تحمل معولاً...
... ماذا يهم...
وأنت أقرب من قريب...
ان كنت جئت تهدّ أو تبني
فليس يهمني..
كل الذي أحتاجه..
يدك التي ترسم ملامح دهشتي
فلتأتي كيف تشاء حتي
تمنح الاشياء معناها..
ودعني للهوي..
وحضورك الطاغي الرهيب..
يا من تشع من العيون
بريق عشقِ لا يخيب..
يا من جلبت الشمس لي في مقلتيك
حرقتني...
يا من نثرت الشوك في دربي اليك
قتلتني...
يا من أحبك رغم كل مخاوفي لك لا عليك
ذبحتني....
كن مثلما ترضي...
ولكن لا تغادر خاطري..
انت الوحيد اذا اتيت تموت احزاني لديك
وخاطر الدنيا يطيب...
ان جئت تحمل زهرةً
أو..جئت تحمل معولاً..
انت الذي اخترته...
يا قسمتي في هذه الدنيا
ويا أحلي نصيب..

[عاشق الترحال]

هذا المسدار
هديه الي
عم
محجوب

--------------------

مسدار

أيام الكموك .. وأب شوك بحت عراقا
فرنيباً بعلج ما لعب تعلاقـــــــــــــــــا
ما تلوميني يا أم خناقــــــــــــــــــــــا
تعبان فوق رزق خايف الفقر والفاقا

[عاشق الترحال]

شايفين معاك جاحتين ماشين قصاد بيتنا
قاعدين نكورك ليك ياراسطة وريتنا
طوالي متغرسن وعامل علي تهميش
رافع قزازك فوق نافخ السدر والريش
قاعد نكورك ليك عامل تقيل مافيش
... ... فشلتة نفسك ساى وطلعت حنكك بيش
لابس طلوس سيتسم والساعة لامعة قزاز
الجزمة ضقلص شوز والقاش مع الطوقماز
الريحة بتتدوخ والجل كريم في الراس
ياراسطة وريتنا وحيرتة كل الناس
طوالي متغرسن وعامل كمان لبيس
في الحلة متجعبص بي بنطلون وقميص
خليك معاي جامد خليك كمان دسيس
ولو عندك فهم يا مان ماتبقي فاضي الكيس