اقتراح .. بهدم المنتدى العام ...

[بحيرى]

انتو عارفين ....
بعد تفكير طويل .... واستنتاجات .... وكيس تمباك بالف جنيه ....
اكتشفت اكتشاف مهم جداً جداً وخطير فى نفس الوكت ....
معليش يا اخوانا حاستخدم اللغه الدارجيه .... الما بعرف استشير ليهو مترجم ... ثمح ...!!
اها ...
انتو عارفين المنتدى العام ده مافى ليهو اى داعى ...!!!
قولوا لى كيف ...؟!!
اولاً المنتدى العام ده شعارو ( اكتب ما تشاء)....
لحدى هنا كويسين ...!!
تجى تكتب ما تشاء دى ابقوا ليك فى حلقك ....
اى والله ...
تكتب عن السياسه واودوك السياسى .... تكتب عن الثقافه اودوك الثقافى ... تكتب عن الرياضه اودوك الرياضى ... تكتب عن الدين اودوك الاسلامى ... تكتب موضوع فارغ اودوك النفاج ...تكتب عن المنتدى إلحقوك امات طه ... ما تكتب اشيلوك بره .... واسطمبول دى اسِمك فوقها .....!!!
اها يا جماعه كلامى ما صاح ....!!!
اها ورونى بث المنتدى العام ده نكتب فيهو شنو بث ....؟!!!
والله السعال ده السيد مايكروسوفت ما إقدر اجاوب ليكم عليه ...!!
ولو ما مصدقينى اسألوا معتلقين قونتنامو ....
واستشيروا ودالمطامير عدو المنتدى العام الاول ...
واول من رفع رآية هدم المنتدى العام وتسريح اعضائه وسجن مشرفيه ...
وانا اخط فى هذا البوست ... وارى من بعيد ناس ودسمير وريمون وبت امدرمان بحمروا لى ...
الغريبه هسه اجيك زول تانى إطير ليك البوست فى حته يومين حتين تلم فوقو ....
مره كتبت لى بوست ...لم ليك فوقو محمد عبد الله وداهو لى عتره .... تركب ليهو 17 مواصلات ...
ومره كتبت لى بوست ... لم ليك فوقو احمد علقم وداهو ام صفقاً عراض ...
والغريبه احمد علقم الوكت داك كان مشرف منتدى ودمدنيات ...
والله حيرتونا ذاتو ...
بقينا ما عارفين منو مشرف منو ....
ونكتب شنو ذاتو فى المنتدى العام ده ....؟!!
واحد ثقيل قال لى ...
يا بعيد ... المنتدى العام ده للقرأه فقط ... وليس للكتابه ...
آمنا بالله ...
عليك الله عان جنس ده ...
كدى يا جماعه ادونى رايكم ....
وسمعونا سلام ...
كتبت ليك لا بينى بينك ريده لا خصلة غرام ...!!

[بنت الرفاعي]

:rolleyes:
:confused:
:cool:

:):):)
:):)
:)

[ود المطامير]

هع هع هع هع
أبوالمراوح
بكره بنصحى من النوم بنلقاهو جابوهو لينا فى النفاج
وبعد ما يجيبو لينا موضوعك دا بهناك بنجيب التمباك ونقعد بمزاج ;)

[مايسة]

منتظرين لمن يجي بهناك
لكن صحي صحي كلام منطقى

والاحسن لو فكو المنتدى كلو

وبقوهو كلو عااااااااااام :cool:

[ايمن عبد الله]

تسلم يا بحيري ..

انت الجابك هنا شنو ناس النفاج طردوك ..
مطمورة جاء لاحقك .. وميسو .. ومرام .. شفت كيفن ..

اسمعني ..

طبعا المنتدى العام .. هو منتدى للمواضيع التي ليست لها منتدى ..
وعشان تخت موضوع في العام يجب ان يكون موضوع الموضوع .. ليس لديه قسم هنا في المنتديات..
يعني لا يكون رياضي .. ح يودو طوالي لي روبش وزنون
ولا ثقافي ..لانه ح يمشي لي ناس هاتريك
ولا اجتماعي وده حق الست مرام عدل
ولا حق هزل اوووك ده على طول عند المسارف وام رقيبة
ولا ديني .. لانه تغريدا مستنية المواضيع دي ..
ولا ودمدنياتي .. ود الصول قاعد .. اي شي منقول برحب بيهو ..
ولا يمت بصلة لاي موضوع لديه قسم خاص بالمنتدى .. ياخ لو عندك قطعة ارض داير تبيعها تمشي العطاء هناك كمان في محامي مشرف .. ابو الجل مولانا واي عقد بيع حقو بره ..

اها اتمنى اكون افدتكم ..

[mahagoub]

الزول ده عليكم خلوه مشرف أن شاء الله على الكفتيريا
مرات تلقاهو كلام فى السلك
ومرات تحس بيه سلكوا زاتو عريان
الله يديك العافيه يا بحيرى

[آلاء عبد الرحمن]

ننتظرو يودو بهناك
ههههه

[ام ساره]

ههههههههههههههههههههاي الاتوقعتو يابحيري حصل خمو موضوعك وجابو لينا هنا ياخ والله انت بقييت تحنن عديل كدا وحالتك اتاخرت خالص وشايفة الايامات دي همسات مافي عشان كدا انا حاستلم بدلا عنها نظام مناوبه وكدا ويلا يالعنابر جاك بلي بحيري دا ومعاه كم نفر كدا بمشو لينا حق الفطور لحدي نهاية الشهر.

[isamzaki1978]

انا من زمان اقول المساسقة ما كويسة
نقعد فى نفاجنا دا واى حاجة ثمحة بتجينا براها
تسلم يا سيد المراوح

[ود المطامير]

هع هع هع هع

عشان تاااامنو
أبوالمراوح ، أكان مشيت الصين ح يجيبوك لينا النفاج
ياخ إنتا روح وعطر النفاج عشان كدا ما تتحاوم بهناك وتمشى وتتعب وتساهر وتكتب ليك موضوع
وقبلما تتمغى وتطقطق أصابعينك وتقول كدى النمشى النفاج ومن تجى تلقى موضوعك وصل قبلك ;)

[ود المطامير]

ههههههههههههههههههههاي الاتوقعتو يابحيري حصل خمو موضوعك وجابو لينا هنا ياخ والله انت بقييت تحنن عديل كدا وحالتك اتاخرت خالص وشايفة الايامات دي همسات مافي عشان كدا انا حاستلم بدلا عنها نظام مناوبه وكدا ويلا يالعنابر جاك بلي بحيري دا ومعاه كم نفر كدا بمشو لينا حق الفطور لحدي نهاية الشهر.
ههههههههههههههههههههه

أم ساره
نصيحه ، همسات كانت عاوزه تعالجو جنت هى

[آلاء عبد الرحمن]

اهلا وسهلا بالموضوع بيجاي
:p

[المسافر]

جابوك لينا راجع تاني . . . خسارة المشوار
أكلك من وين يا بطة أكلك من وين يا بطة همممممممممم

لكن ما بخذلك أنا بجاوب ليك على سؤالك الصعب الذاقو منو الناس ديل كلهم
المنتدى العام ده ما عشان الكتابة ولا القراية المنتدى العام ده أساسا حق
( المشاكل ) يعني أي زول عايز يلفها مع أي زول طوالي يشتت
المنتدى العام ، فهمت يا ولد ، عشان كده كان لازم يطرودك من العام شر طردة
يعني معقولة قاعد في بيت الناس وعايز تكسروا ليهم وتشرد المشرفين والأعضاء .
ما كان مفروض تقول كلمة ( هدم ) دي ، مفروض كان تسمي البوست ( أجاويد المنتدى العام ).

تخريمة
1- تمشي عترة ب 17 مواصلات عشان شنو ، أركب أتوس بس !!!!
2- مش قلنا الف مرة ما عايزين زول يسف تمباك في النفاج ، قلنا ولا ما قلنا !!
3- لما تاني تجي تمشي العام كلمني عشان أمشي معاك وأضمنك عندهم ، جبت لينا المشاكل ياخ .

[نزار احمد كوارتي]

... تكتب موضوع فارغ اودوك النفاج ...





أمانه في زمتك دي, كلام زي كلامك الفارغ ده, بلانا نحن الفارغين ديل البتحملو ليك منو؟؟؟

أقعد ساي نحن زااااااااتنا دايرنك ياخ, نسو شنو عاد ماااااا مجبورين عليك

[مايسة]

ما قلنا ليييييييييك -

[ريمون]

داير كمان تودينا السجن ؟؟؟
ما تتعب تاني سمح ..
نحن كلنا بنجيك بي جاي ..











انت قبل كده ما كنت حتاخد وسام الموضوع المميز في العام ولا ده كان واحد شبهك ؟؟؟

[ود المطامير]

قبل كدا قلنا إنو النفاج أصبح مخزن العام

[ود المطامير]

انت قبل كده ما كنت حتاخد وسام الموضوع المميز في العام ولا ده كان واحد شبهك ؟؟؟
ااااى
عشان أهلو فى النفاج مشو هناك صوتو ليهو

هسى حرمتونا من فوز موضوعو دا بهناك

[ود المطامير]

يا نفاجه
صوتو لموضوع الشمشار فى العام ;)

[mahagoub]

كان كدى النقعد
ونتفرجخ ونشوف اخر الهديم ده شنو؟؟
غايتو انا حضرته الازميل والمرزبه

[مايسة]

نرجو إرجاع البوست للعام
فهو يناقش موضوع حيوي ورأى

[ود المطامير]

نرجو إرجاع البوست للعام
فهو يناقش موضوع حيوي ورأى
الهبابه إشتغلت

[ريمون]

انت عارفه يا مايسه بحيري عندو وش جادي لما يكتب بيهو لما تنخلعي ..
بس طابع البوست هنا هزلي ..
قد يكون الموضوع حيوي لكن ابو تلاته مراوح ضيعوا شمار في مرقه ..
- اهو زي المشاركات دي البدخلك في حيص بيص مع كونك مشرف -

[ود المطامير]

يا المشاتر
رجعو ليهم ياخ
وديهو محل ما جابوهو وقول ليهم
أبوالمراوح دا المتحدث الرسمى بإسم النفاج

[ود المطامير]

انت عارفه يا مايسه بحيري عندو وش جادي لما يكتب بيهو لما تنخلعي ..
بس طابع البوست هنا هزلي ..
قد يكون الموضوع حيوي لكن ابو تلاته مراوح ضيعوا شمار في مرقه ..خلاص
إنتو جيبو الشمار هنى
وخلو المرقه هناك ;)

[ريمون]

خلاص
إنتو جيبو الشمار هنى
وخلو المرقه هناك ;)
ما هي إنتو دي ياها ذاتها الحيص بيص ..

[ود المطامير]

انت عارفه يا مايسه بحيري عندو وش جادي لما يكتب بيهو لما تنخلعي ..
بس طابع البوست هنا هزلي ..
قد يكون الموضوع حيوي لكن ابو تلاته مراوح ضيعوا شمار في مرقه ..
- اهو زي المشاركات دي البدخلك في حيص بيص مع كونك مشرف -
يا ريمون
هو طبعو كدا
وبيجد نفسه لما يتكلم بالشكل دا ، وهو بيوصل فكرته
بهذا الإسلوب بطريقه جميله جدا أكتر من أيّة لغه جاده

وهو فى أول سطرين قال ح أتكلم بالدارجى

وهل المنتدى العام فيه زحمه لدرجة إنو ما بيستحمل ولو موضوع واحد
فيه تساؤلات جميله مرشوشه بعطر النفاج

مش بقيتى مشرفه ؟ تانى بنتغابا فيك العرفه ;)

[ريمون]

يا ريمون
هو طبعو كدا
وبيجد نفسه لما يتكلم بالشكل دا ، وهو بيوصل فكرته
بهذا الإسلوب بطريقه جميله جدا أكتر من أيّة لغه جاده

وهو فى أول سطرين قال ح أتكلم بالدارجى

وهل المنتدى العام فيه زحمه لدرجة إنو ما بيستحمل ولو موضوع واحد
فيه تساؤلات جميله مرشوشه بعطر النفاج

مش بقيتى مشرفه ؟ تانى بنتغابا فيك العرفه ;)
تتغابا فيني العرفه عديل كده ...
هو انت بتقدر ؟؟
شفت الثقة ..
البنيناهو هنا ما بتهدم بالساهل يا مولانا ..



يمكن الساعد في اعطاء طابع النفاج كمان مشاركات الاعضاء ..
وبعدين النفاج يكاد يكون من اكثر الاقسام حضورا ..
يعني برضو البوست ماخد حقو ..



الهبابه وينها ؟؟؟

[ود المطامير]

تتغابا فيني العرفه عديل كده ...
هو انت بتقدر ؟؟
شفت الثقة ..
البنيناهو هنا ما بتهدم بالساهل يا مولانا ..



يمكن الساعد في اعطاء طابع النفاج كمان مشاركات الاعضاء ..
وبعدين النفاج يكاد يكون من اكثر الاقسام حضورا ..
يعني برضو البوست ماخد حقو ..



الهبابه وينها ؟؟؟
هع هع هع هع

صدقتى والله

لكن بالجد بقيتى جااااااااااااااااااااااااده

وحات الله إشتقنا للسان الطويل

[mahagoub]

http://i40.tinypic.com/10i74sh.jpg
آآآآآآآآآآآآآآآآخ عوقتو

ده كلام ده يا صالح

[mahagoub]

هع هع هع هع

صدقتى والله

لكن بالجد بقيتى جااااااااااااااااااااااااده

وحات الله إشتقنا للسان الطويل

عاوز منه كم متر

[ايمن عبد الله]

اعتقد ان المشرف الذي قام بنقل البوست الى النفاج لم يوفق في عمله .. وهو اخذ الموضوع بردود المتداخلين مما يدل على انه تأثر بأفكار الاخرين ولم يرى البوست بصورته الأخرى .. التي تحمل الجدية فيما كتب بحيري وان اتسمت بالخفة والفكاهة .. ولكن البوست ثري وبه كثير من النقاط التي يمكن مناقشتها بجدية

البوست ليس صالحاً في النفاج .. البوست مكانه محل ما اختاره الكاتب .. ولا داعلي لنقله الى النفاج ..

الله يرحم البوست وجوهره ..

[ريمون]

هع هع هع هع

صدقتى والله

لكن بالجد بقيتى جااااااااااااااااااااااااده

وحات الله إشتقنا للسان الطويل
قاااااااااعد ..
ما بتشوف ساي ..

[mahagoub]

خلاص
إنتو جيبو الشمار هنى
وخلو المرقه هناك ;)

عكستها شيلوا الشمار وخلو المرقه
ما اتغدينا يا اخى

[مايسة]

الهبابه إشتغلت


تصدق الهبابة إتكسرت كسرة
خليها بس

[مايسة]

انت عارفه يا مايسه بحيري عندو وش جادي لما يكتب بيهو لما تنخلعي ..
بس طابع البوست هنا هزلي ..
قد يكون الموضوع حيوي لكن ابو تلاته مراوح ضيعوا شمار في مرقه ..
- اهو زي المشاركات دي البدخلك في حيص بيص مع كونك مشرف -


هههههههههههههه
كدا انت بتشككي في مقدرة بحيري التفكيرية

هسي انتو بتجيبو سااااي كدا في النفاج - يمكن معشر النفاج ما عايز البوست دا
ولا شنو :p

[مايسة]

يا ريمون
هو طبعو كدا
وبيجد نفسه لما يتكلم بالشكل دا ، وهو بيوصل فكرته
بهذا الإسلوب بطريقه جميله جدا أكتر من أيّة لغه جاده

وهو فى أول سطرين قال ح أتكلم بالدارجى

وهل المنتدى العام فيه زحمه لدرجة إنو ما بيستحمل ولو موضوع واحد
فيه تساؤلات جميله مرشوشه بعطر النفاج

مش بقيتى مشرفه ؟ تانى بنتغابا فيك العرفه ;)


كلام حلو -

وصحي هو من أول كان يكتبو هنا وخلاص -
الا يكون بس عايز يتعبكم غايتو :cool:;)

[مايسة]

تتغابا فيني العرفه عديل كده ...
هو انت بتقدر ؟؟
شفت الثقة ..
البنيناهو هنا ما بتهدم بالساهل يا مولانا ..



يمكن الساعد في اعطاء طابع النفاج كمان مشاركات الاعضاء ..
وبعدين النفاج يكاد يكون من اكثر الاقسام حضورا ..
يعني برضو البوست ماخد حقو ..



الهبابه وينها ؟؟؟


في !!

ماخد حقو بوين - طالما قاعد في النفاج معناتو الموضوع ونسة
هسي الكلام دا ما منطقي القالو دا ;)

[ايمن عبد الله]

كلام حلو -

وصحي هو من أول كان يكتبو هنا وخلاص -
الا يكون بس عايز يتعبكم غايتو :cool:;)

يا ميسو بحيري هو عميان من النفاج .. ؟
الزول عندو فكرة عايز يوصلها .. وطالما الفكرة موجودة الاسلوب ما مشكلة وكل ما الاسلوب كان خفيف بساعد الفكرة على الانتشار والفهم .. غايتو انا من اشد معارضي تحويل هذا البوست الى النفاج .. والشي الثاني الشايفو انا انه المتداخلين هم الذين اوحو الى المشرفين بتحويل البوست .. وياريت لو تم التحويل بدون ايحاء كان احسن .. وكان بلعنا الموضوع من سكات ..

[mahagoub]

يا ميسو بحيري هو عميان من النفاج .. ؟
الزول عندو فكرة عايز يوصلها .. وطالما الفكرة موجودة الاسلوب ما مشكلة وكل ما الاسلوب كان خفيف بساعد الفكرة على الانتشار والفهم .. غايتو انا من اشد معارضي تحويل هذا البوست الى النفاج .. والشي الثاني الشايفو انا انه المتداخلين هم الذين اوحو الى المشرفين بتحويل البوست .. وياريت لو تم التحويل بدون ايحاء كان احسن .. وكان بلعنا الموضوع من سكات ..

بحيرى من كترت ضحكه وممازحته
الناس ما ماخده الموضوع جادى
لكن من هنا بنشارك

[ود المطامير]

الغريب يا شباب

توجد مواضيع فى النفاج جاده ولها هدف ( لكن ما متذكرها ) ;)
مالو ما ودوها العام ؟

[ريمون]

يا ميسو بحيري هو عميان من النفاج .. ؟
الزول عندو فكرة عايز يوصلها .. وطالما الفكرة موجودة الاسلوب ما مشكلة وكل ما الاسلوب كان خفيف بساعد الفكرة على الانتشار والفهم .. غايتو انا من اشد معارضي تحويل هذا البوست الى النفاج .. والشي الثاني الشايفو انا انه المتداخلين هم الذين اوحو الى المشرفين بتحويل البوست .. وياريت لو تم التحويل بدون ايحاء كان احسن .. وكان بلعنا الموضوع من سكات ..
يا ايمن ما تلخبط الكيمان ..
ريمون هنا بتتكلم كعضو عادي ..
ولو عندك اعتراض وصلوا بطريقه رسميه والمشرفين بعدين يوضحوا ليك وجهة نظرهم ..

[ود المطامير]

اعتقد ان المشرف الذي قام بنقل البوست الى النفاج لم يوفق في عمله .. وهو اخذ الموضوع بردود المتداخلين مما يدل على انه تأثر بأفكار الاخرين ولم يرى البوست بصورته الأخرى .. التي تحمل الجدية فيما كتب بحيري وان اتسمت بالخفة والفكاهة .. ولكن البوست ثري وبه كثير من النقاط التي يمكن مناقشتها بجدية

البوست ليس صالحاً في النفاج .. البوست مكانه محل ما اختاره الكاتب .. ولا داعلي لنقله الى النفاج ..

الله يرحم البوست وجوهره ..
الحبيب
ينطبق كلامك دا على موضوع عمتك دا
هى كتبته بكل جديه وموضوع مهم كمان
أهااا .. جو الجماعه وردو بالطريقه اللى بتريحهم وإتركن لفتره أكان جابوهو هنى


http://wadmadani.com/vb/showthread.php?t=44210

[ريمون]

في !!

ماخد حقو بوين - طالما قاعد في النفاج معناتو الموضوع ونسة
هسي الكلام دا ما منطقي القالو دا ;)

انا هنا ما معاك ..
ونسة النفاج ما كلها فارغة ..
الموضوع ممكن يتناقش وبصورة جميله والبوست يوصل لاهدافه ..
بس هو سيد البوست وينو عشان يقود دفة البوست للاتجاه العاوزه ..

[ود المطامير]

يا ايمن ما تلخبط الكيمان ..
ريمون هنا بتتكلم كعضو عادي ..
ولو عندك اعتراض وصلوا بطريقه رسميه والمشرفين بعدين يوضحوا ليك وجهة نظرهم ..
هع هع هع هع هع

كنتى مرتاحه الله يعلم

عليك الله ما تغالطينى وتقولى لى هسى مرتاحه ;)

[ريمون]

النفاج قسم حيوي ..
بس نقاش المواضيع فيهو بيكون باريحية ..
يعني الزول بيقول كلامو في قالب ساخر ومرح ..
حتي ناسو ما بيمسكو علي الواحده ..
لكن اكيد بالتواجد داخل مواضيعو بنلقي حاجات قيمة ..
ابدا ما معني انو ينقلو موضوع للنفاج انو الموضوع فارغ ..
وجه نظر شخصية تمثل ريمون

[ود المطامير]

ريمون هنا بتتكلم كعضو عادي ..

دا كان زمان

تانى اى حاجه ح نقول الحاله دى هى مشرفه ;)

[ود المطامير]

بس هو سيد البوست وينو عشان يقود دفة البوست للاتجاه العاوزه ..
لا لا لا
هو كان سيدو بهناك
لكن ما دام جابوهو لينا بهنى جت بقينا أسيادو

علشان هنى الفى جيبو حقنا

[ود المطامير]

النفاج قسم حيوي ..
بس نقاش المواضيع فيهو بيكون باريحية ..
يعني الزول بيقول كلامو في قالب ساخر ومرح ..
حتي ناسو ما بيمسكو علي الواحده ..
لكن اكيد بالتواجد داخل مواضيعو بنلقي حاجات قيمة ..
ابدا ما معني انو ينقلو موضوع للنفاج انو الموضوع فارغ ..
وجه نظر شخصية تمثل ريمون

كلام فى السلك
وكلنا على ثقه وعارفين كدا

بس إنتى عارفانا هنى لازم نكاوى وكدا

وفى نص المكاواه بنرسل إشارات ;)

[ريمون]

هع هع هع هع هع

كنتى مرتاحه الله يعلم

عليك الله ما تغالطينى وتقولى لى هسى مرتاحه ;)
بس المريحني اني ممكن اقدم للمنتدي حاجه ..
واحساس انو الناس دي احبابي كمان بيخليني ما احسب حسابات كتيره ..
مرتاحه عشان احساس البيت بيتي جواي ..
بس القلق بيجي من إني حاقدر أكون إضافة ايجابية ولا لا ..

[مايسة]

انا هنا ما معاك ..
ونسة النفاج ما كلها فارغة ..
الموضوع ممكن يتناقش وبصورة جميله والبوست يوصل لاهدافه ..
بس هو سيد البوست وينو عشان يقود دفة البوست للاتجاه العاوزه ..


ريمون -

معاك تماما انو مواضيع النفاج ما فارغه - مش بعضها بس - كلها
تحتوي داخلها على قيم وتذكارات جميلة وان كان بطريقة مرحة

ما قصدته كان الموضوع ما يتنقل بالسرعة دي للنفاج -
يعني كان ممكن بعد سيد البوست ما يجي ويرد
وبعد كدا كان يتقرر يمشي وين -
------------------------
مجرد رأى برضو

[مايسة]

الغريب يا شباب

توجد مواضيع فى النفاج جاده ولها هدف ( لكن ما متذكرها ) ;)
مالو ما ودوها العام ؟


كتيييييييير جدا

[مايسة]

يا ميسو بحيري هو عميان من النفاج .. ؟
الزول عندو فكرة عايز يوصلها .. وطالما الفكرة موجودة الاسلوب ما مشكلة وكل ما الاسلوب كان خفيف بساعد الفكرة على الانتشار والفهم .. غايتو انا من اشد معارضي تحويل هذا البوست الى النفاج .. والشي الثاني الشايفو انا انه المتداخلين هم الذين اوحو الى المشرفين بتحويل البوست .. وياريت لو تم التحويل بدون ايحاء كان احسن .. وكان بلعنا الموضوع من سكات ..


أيمن - عساك عافية

أكيد الناس بتختلف في طرح المواضيع -
وحتى لو المتداخلين أوحو بكدا - معناتو البوست يتحول -

[مايسة]

لا لا لا
هو كان سيدو بهناك
لكن ما دام جابوهو لينا بهنى جت بقينا أسيادو

علشان هنى الفى جيبو حقنا


غايتو صراحة مرات بتقول حكم أديل كدا :cool::p

[ود المطامير]

بس المريحني اني ممكن اقدم للمنتدي حاجه ..
واحساس انو الناس دي احبابي كمان بيخليني ما احسب حسابات كتيره ..
مرتاحه عشان احساس البيت بيتي جواي ..
بس القلق بيجي من إني حاقدر أكون إضافة ايجابية ولا لا ..
قمة التواضع

بالتأكيد لقد أضفتى للمنتدى الكتير الكتير
على صفحات المنتدى وعلى أرض الواقع
بمشاركتك الفعّاله فى اللقاءات

هنى كما قلتى نمزح فقط لا غير

[ود المطامير]

ريمون -

معاك تماما انو مواضيع النفاج ما فارغه - مش بعضها بس - كلها
تحتوي داخلها على قيم وتذكارات جميلة وان كان بطريقة مرحة

ما قصدته كان الموضوع ما يتنقل بالسرعة دي للنفاج -
يعني كان ممكن بعد سيد البوست ما يجي ويرد
وبعد كدا كان يتقرر يمشي وين -
------------------------
مجرد رأى برضو
خالتو
أرشحك مشرفه بدل هنايه على النفاج ;)

[بت أم درمان]

حسي انا عندي سؤال
هل ؟!
الموضوع دا كان في العام ؟!
واذا كان في العام
منو نقله هنا ؟!
والنقله هنا لي ما كلمني ؟!

شوف يا بيحري بما ان في زول فوق قال ليك
العام للمشاكل والضرب والحاجات دي
انا من هنا من بوست بيحري الما قدرت افهمه
هل ؟!
هو جادي او هزلي
المهم ....
اطالب بإحالة المشرف ناقل البوست للتحقيق ...
ووقفه عن العمل لمدة لا تقل عن اسبوع
لانه لم يخطرنا بنقل البوست موضوع النقاش
ودا ادنى عقوبة
بس ...
لانه مشرف تحت التدريب وكدا ...

وشكرن


بالمناسبة دي
ويـــــــــــن المشرفة اليمين مختفية

[بت أم درمان]

خالتو
أرشحك مشرفه بدل هنايه على النفاج ;)

أثني وأثلث وأربع وكل الارقام حتى النهاية

انصحك بتقديم طلبك فورا للجهات المختصة
وكلنا بندعمك ونقف معك ان شاءالله

بس بشرط ...

أن تتم إقالة كل من المشرف اليسار
والمشرف اليمين

[عنكوليب]

يا نفاجه
صوتو لموضوع الشمشار فى العام ;)

تأييــــــــــــــــــــــــد

[عنكوليب]

يا ريمون
هو طبعو كدا
وبيجد نفسه لما يتكلم بالشكل دا ، وهو بيوصل فكرته
بهذا الإسلوب بطريقه جميله جدا أكتر من أيّة لغه جاده

وهو فى أول سطرين قال ح أتكلم بالدارجى

وهل المنتدى العام فيه زحمه لدرجة إنو ما بيستحمل ولو موضوع واحد
فيه تساؤلات جميله مرشوشه بعطر النفاج

مش بقيتى مشرفه ؟ تانى بنتغابا فيك العرفه ;)

:D:):o
:confused::confused:
:)

[عنكوليب]

[/quote]
تتغابا فيني العرفه عديل كده ...
هو انت بتقدر ؟؟
شفت الثقة ..
البنيناهو هنا ما بتهدم بالساهل يا مولانا ..



يمكن الساعد في اعطاء طابع النفاج كمان مشاركات الاعضاء ..
وبعدين النفاج يكاد يكون من اكثر الاقسام حضورا ..
يعني برضو البوست ماخد حقو ..



الهبابه وينها ؟؟؟


يعني برضو البوست ماخد حقو ..


مادام كدة ،،،

العام مالو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بت أم درمان]

كتبت ليك لا بينى بينك ريده لا خصلة غرام ...!!



زمان كانت قصة غرام
حسي بقة خصلة ؟!

[عنكوليب]

ياريمون ،،، الموضوع جادي ،،،
وطرحو موضوعي جدا ،،
هو أراده ان يكون في العام ، وبالطريقة
التي سرد بها ،،
لكن حقو ما نكون مقيدين اليدين يعني ،،
الواحد قبل ما يكتب الموضوع يقعد في ياربي أوديهو وين
ياربي أكتبوا في النفاج ولا العام ولا الديني ولا ولا ولا ،،،

الموضوع واضح جدا ،، بعدين ردود ناس النفاج ديل كلهم
كانت جادة بطريقة طريفة (وده ديدنهم ) ،، لكن ردودكم بقت جادة
فهل الموضوع مقصود بعد هذه الجديه ،، أم انكم أردتم المداعبة ؟

يا اخوانا المواضيع بالصورة دي بتفقد بهجتها ،،، وطراوتها ،،،
وليونتها ،،،وعليكم الله خلونا حلوين من غير زعل !!!

رجاء من والدتكم عنكوليب ،،،،، ممكن ؟؟؟

[عنكوليب]

حسي انا عندي سؤال
هل ؟!
الموضوع دا كان في العام ؟!
واذا كان في العام
منو نقله هنا ؟!
والنقله هنا لي ما كلمني ؟!

شوف يا بيحري بما ان في زول فوق قال ليك
العام للمشاكل والضرب والحاجات دي
انا من هنا من بوست بيحري الما قدرت افهمه
هل ؟!
هو جادي او هزلي
المهم ....
اطالب بإحالة المشرف ناقل البوست للتحقيق ...
ووقفه عن العمل لمدة لا تقل عن اسبوع
لانه لم يخطرنا بنقل البوست موضوع النقاش
ودا ادنى عقوبة
بس ...
لانه مشرف تحت التدريب وكدا ...

وشكرن


بالمناسبة دي
ويـــــــــــن المشرفة اليمين مختفية



وتتي ،،، وتتي ،،،
الكلام دخل الحوووووووووش !!!

[كمال محمد الحسن]

ما يلفظ من قول إلا لديه رقيب عتيد

[ريمون]

حسي انا عندي سؤال
هل ؟!
الموضوع دا كان في العام ؟!
واذا كان في العام
منو نقله هنا ؟!
والنقله هنا لي ما كلمني ؟!

شوف يا بيحري بما ان في زول فوق قال ليك
العام للمشاكل والضرب والحاجات دي
انا من هنا من بوست بيحري الما قدرت افهمه
هل ؟!
هو جادي او هزلي
المهم ....
اطالب بإحالة المشرف ناقل البوست للتحقيق ...
ووقفه عن العمل لمدة لا تقل عن اسبوع
لانه لم يخطرنا بنقل البوست موضوع النقاش
ودا ادنى عقوبة
بس ...
لانه مشرف تحت التدريب وكدا ...

وشكرن


بالمناسبة دي
ويـــــــــــن المشرفة اليمين مختفية


غايتو شكلك قاصداني بي مشرف تحت التدريب دي ..
غايتو يا بتو ما عارف اقول ليك شنو ..
اخير انا تحت التدريب ..
ههههههههههههههههههههههههههههههههههههههههههه
يا ربي بتكون عندك الجراءة بعدين تعقبي علي كلامك ده ..

[ريمون]

ياريمون ،،، الموضوع جادي ،،،
وطرحو موضوعي جدا ،،
هو أراده ان يكون في العام ، وبالطريقة
التي سرد بها ،،
لكن حقو ما نكون مقيدين اليدين يعني ،،
الواحد قبل ما يكتب الموضوع يقعد في ياربي أوديهو وين
ياربي أكتبوا في النفاج ولا العام ولا الديني ولا ولا ولا ،،،

الموضوع واضح جدا ،، بعدين ردود ناس النفاج ديل كلهم
كانت جادة بطريقة طريفة (وده ديدنهم ) ،، لكن ردودكم بقت جادة
فهل الموضوع مقصود بعد هذه الجديه ،، أم انكم أردتم المداعبة ؟

يا اخوانا المواضيع بالصورة دي بتفقد بهجتها ،،، وطراوتها ،،،
وليونتها ،،،وعليكم الله خلونا حلوين من غير زعل !!!

رجاء من والدتكم عنكوليب ،،،،، ممكن ؟؟؟
انا ما شايفه في زعل هنا يا جماعه ..
وللمعلوميه بس انا ما نقلت البوست ..
بس عندي ثقة في المشرفين المعاي ..
وبحاول اوصل وجهة نظرهم البكونوا نقلوا علي اساسها البوست ..
لانو الفهم انو انا وبتو ومعتز مفروض نكون يد واحده ..
يعني انا ذاتي ما كنت عارفه النقل البوست فيهم منو قبل مشاركه بتو ..

[ريمون]

عاينوا الواحد ما يهدئ النفوس معاكم يا ناس ؟؟؟!!!!!!!!!!!!!!

[mahagoub]

اليمين نكرا والشمال نكرا
يبقى فاضل الوسط
كدى خلونا من النقله
وارجعوا فلفلوا البوست حرف حرف
وشوفوه ماشى وين؟
ولا نجيب مراجع قانونى

[ايمن عبد الله]

يا ايمن ما تلخبط الكيمان ..
ريمون هنا بتتكلم كعضو عادي ..
ولو عندك اعتراض وصلوا بطريقه رسميه والمشرفين بعدين يوضحوا ليك وجهة نظرهم ..

يا ريمون انا ما بلخبط كيمان ولا شي .. وانا عارف بقول في شنو .. وتأكدي اني لمن اكتب اي مشاركة ما بدرجها ساااي ضرب عشواء براجعها كويس وبشوفها بتودي وين للبفهما صاح وبتودي وين للبفهماء غلط وبتودي وين للمابفهما لا صاح ولا غلط .. وبدرس مشاركتي كويس لانها محسوبة على شخصي بكل تاكيد .. وما ذكرته بخصوص البوست شي واضح ولا فيه اي لبس (تحويل البوست غلط) وانا ما عارف الحولو منو ولا عايز اعرف لانه شي لا يخصني الذي يخص الموضوع هو التحويل الذي اراه غلط وغيري يراه صح وكل حر في رأيه .. (ما اظن نختلف في دي)

تأكدي اني لمن اقرأ ليك شي او ارد ليك على شي .. اني بكلم ريمون اما المكتوب تحت اسمك فهذا شي يخص اشياء اخرى لا اتطرق لها لكن لما نتناقش في شي او اي موضوع اكيد بكلم ريمون .. اما مسألة الاشراف دي ما بنظر ليها ولا بتغير شي في ردي او رأيي ..

المسألة ما مسألة اعتراض في بوست اتنقل انا رأيي قلتو في البوست والناس قرتو .. وده شي لا يرقى الى درجة الاعتراض ومراسلة الادارة بخصوصه لانه شي عااادي بحصل كثير هنا .. لكن تأكدي لو البوست كان حقي كنت ح اصعد الموضوع ..

متمني بس تفسري لي (لخبطة الكيمان) دي وين ؟

[ايمن عبد الله]

أيمن - عساك عافية

أكيد الناس بتختلف في طرح المواضيع -
وحتى لو المتداخلين أوحو بكدا - معناتو البوست يتحول -

تسلمي يا ميسو ..
وده اكبر دليل على ان المشرف حول بناء على ما شاف دون ان يكلف نفسه مشقة قراءة الموضوع وفهمه حتى يقرر ما يفعله به .. واكبر غلط ان تقرر مصير بوست بناء على مشاركات اخذت جانب المزاح والضحك ..

[مايسة]

خالتو
أرشحك مشرفه بدل هنايه على النفاج ;)


أثني وأثلث وأربع وكل الارقام حتى النهاية

انصحك بتقديم طلبك فورا للجهات المختصة
وكلنا بندعمك ونقف معك ان شاءالله

بس بشرط ...

أن تتم إقالة كل من المشرف اليسار
والمشرف اليمين


يا شباب انا عندي عيال بربي فيهم -
وخالتكم كبرت على الحاجات دي خلاص

ود المطامير انا برشحك للدورة الجديدة ثمح
وانت يا بتو برضو هناك

[بحيرى]

الاخوه والاخوات ....
حقيقةً تابعت جميع مشاركاتكم بكل تمعن ....
واشكركم جميعاً على تجاوبكم للموضوع الذى تناولته ....
والذى بدورى احسبه موضوع جادى ويناقش مشكله اقلاها انها تواجهنى انا ....
كلكم تحدث عن الموضوع من وجهة نظره الخاصه ....
منكم من اتفق فى تحليله ومنكم من خالف لشئ يراه هو صواباً ...
وكذلك انا اتفقت مع بعضكم رغم انه لا يوجد إختلاف شاسع بين وجهات النظر ....
فمثلاً الاخ ايمن ... له التحيه ....
طابق فكره وتحليله بيت القصيد الذى نشدتهُ انا ....
انا لا اتحدث عن تحويل البوست من قبل المشرفين ولا عن تحويل مساره من قبل المشاركين ...
فهنا قد يحدث جدلاً بيظنطياً ليس له نهايه ... وانا لا اود الخوض فى ذلك ... ولا يعجبنى التعارك بالكلمات بينكم ...
ولا اريد أن اذهب الى نشوب فتنه بينكم ...
صحيح ... اننى تناولت الموضوع بشئ من السخرية الممزوجه بالمزاح ....
ولكن هذا ضرب من ضروب الكتابه ... لا اجد فيه مبرراً لوصف البوست بعدم الجديه ....
فانا اجيد التمييز بين النفاج والعام .... واوحيت بهذا من خلال كتابتى للبوست ...
وانا كما تعلموا اصطفيت هذا النمط من الكتابه منذ آمد او قل منذ بداياتى... وليس الآن ...
لانه الاقرب لى .... واستطيع ان ابلغ به رسالاتى على الوجه الذى اراهُ مناسباً ....
كل ما ذكرته انفاً يمكن ان يكون موضوع قائم بذاته ....ولكنى لم اقصد منهم واحداً على الاقل ...
وكل ما اريد طرحه هنا ....
مشكلة المنتدى العام ....
ماذا نكتب فيه حتى يُترك ما كتبنا ....
هذا ما لزم توضيه ....!!!
شكراً ...
بت الرفاعى .... مايسه .... ريمون ... ود المطامير .... ايمن عبد الله .... المسافر .... الاء ... عم محجوب ... بت امدرمان .... ام ساره ... عونكوليبه .... كمال محمد الحسن .... عصام زكى ...نزار العريس ...!!
وارجو من جميعكم عدم الإبتعاد ....
فالموضوع صراحةً يكثر فيه النقاش .... واريد ان نصل فيه لرأى ....
من هنا اود ان نبدأ صفحه جديده لهذا البوست بما انه قد تبين لكم الخيط الابيض من الخيط الاسود ...!!!

[ايمن عبد الله]

تسلم يا بحيري .. وكلامك واضح جداً من البداية .. ولا يحتاج لتفسير ..
وتسلم على المداخلة الاخيرة الممتازة .. وانا اوافقك على البداية الجديدة الجدية للبوست ..
ولكن ارجو ان يتم ارجاع البوست الى العام ..
اطلب من مشرفي النفاج .. المسافر ومدناوية .. ان يرجعو البوست العام .. ان امكن ..
لانه صراحة في ناس نحن محتاجين لآرائهم في جوهر الموضوع الذي طرحه الاخ بحيري ..
وهؤلاء الذين اقصدهم لا يأتون الى النفاج فكل مشاركاتهم تنحصر في العام وهم فئة مقدرة وذات رأي وفكر ممتاز .. لذلك آمل ان يتم ما طلبت حتى تعم الفائدة المرجوة من البوست ..

إحتياطياً : عملت بوست في العام .. لتعريف المنتدى العام .. ارجو مشاركتكم .. ممكن ده ما يرجع تاني هناك ..
ولكم خالص الشكر والتقدير ..

[ريمون]

نحن يا بحيري روحنا واحده ..
نحن ناس المنتدي ما نحن انا وانت ..
ههههههههههههههههههههه
من البدايه الكلام واضح ..
واضح ليك انو مافي زول بيستهتر بي كتابتك ..
انت عارف كويس انو اي زول مننا يلقي بوست كاتبه بحيري طوالي بفتحو عشان عارف حيلقي روح بحيري الجميله جواه ..
البوست هنا البوست في العام ..
نحن ساكنين فيهو ..

[بحيرى]

تسلم يا بحيري .. وكلامك واضح جداً من البداية .. ولا يحتاج لتفسير ..
وتسلم على المداخلة الاخيرة الممتازة .. وانا اوافقك على البداية الجديدة الجدية للبوست ..
ولكن ارجو ان يتم ارجاع البوست الى العام ..
اطلب من مشرفي النفاج .. المسافر ومدناوية .. ان يرجعو البوست العام .. ان امكن ..
لانه صراحة في ناس نحن محتاجين لآرائهم في جوهر الموضوع الذي طرحه الاخ بحيري ..
وهؤلاء الذين اقصدهم لا يأتون الى النفاج فكل مشاركاتهم تنحصر في العام وهم فئة مقدرة وذات رأي وفكر ممتاز .. لذلك آمل ان يتم ما طلبت حتى تعم الفائدة المرجوة من البوست ..

إحتياطياً : عملت بوست في العام .. لتعريف المنتدى العام .. ارجو مشاركتكم .. ممكن ده ما يرجع تاني هناك ..
ولكم خالص الشكر والتقدير ..


شكراً ايمن....
وانت هنا تصيب بحجرك موضوع آخر فى قمة الحيويه .... وهو تشبُس الكثير من الكُتاب بالمنتدى العام ولا يعرفوا سواه ....
وهذا إن دل على شئ إنما يدل على مرونة المنتدى العام فى إستيعاب كافة المواضيع ....
وهذه نقطه تُحسب فى صالحى عندما قلت ان المنتدى العام كتاب مفتوح للجميع لا يمكن ان نحده بقوانين الحذف والتغيير الجائره ....
ولا نقدر أن نحدد نوعية الكتابه التى تتماشى مع هذا المنتدى ...
وهذا ما لزم توضيحه ....!!!

[بحيرى]

نحن يا بحيري روحنا واحده ..
نحن ناس المنتدي ما نحن انا وانت ..
ههههههههههههههههههههه
من البدايه الكلام واضح ..
واضح ليك انو مافي زول بيستهتر بي كتابتك ..
انت عارف كويس انو اي زول مننا يلقي بوست كاتبه بحيري طوالي بفتحو عشان عارف حيلقي روح بحيري الجميله جواه ..
البوست هنا البوست في العام ..
نحن ساكنين فيهو ..


يا ريمون ...
عباية المشرفين دى طلعيها ....
نحن من متين قاعدين نقول هنا وهناك ما واحد ....
يانا كلنا واحد ....
بث ...
صعبتوها شويه فى العام ....
ولا علشان ما لاقين ليكم شغل تقوموا ترحلوا فى البوستات ....
قايتو كنا ظالمين المسافر وام رقبه سااااى ....!!!

[ريمون]

يا ريمون ...
عباية المشرفين دى طلعيها ....
نحن من متين قاعدين نقول هنا وهناك ما واحد ....
يانا كلنا واحد ....
بث ...
صعبتوها شويه فى العام ....
ولا علشان ما لاقين ليكم شغل تقوموا ترحلوا فى البوستات ....
قايتو كنا ظالمين المسافر وام رقبه سااااى ....!!!

اخير ليك خليني لابسه عبايه المشرف عشان كان طلعتها عينك ما حتشوف الا النور علي قول المصرييين ..
واعرش علي كده وعرش صبة خرسانته تجيب الرايح ..

[ايمن عبد الله]

اخير ليك خليني لابسه عبايه المشرف عشان كان طلعتها عينك ما حتشوف الا النور علي قول المصرييين ..
واعرش علي كده وعرش صبة خرسانته تجيب الرايح ..


خلي عرش بلدي يا ريمو الحر الجاي ده . والكهرباء قاطعة يا خ ..

[ايمن عبد الله]

شكراً ايمن....
وانت هنا تصيب بحجرك موضوع آخر فى قمة الحيويه .... وهو تشبُس الكثير من الكُتاب بالمنتدى العام ولا يعرفوا سواه ....
وهذا إن دل على شئ إنما يدل على مرونة المنتدى العام فى إستيعاب كافة المواضيع ....
وهذه نقطه تُحسب فى صالحى عندما قلت ان المنتدى العام كتاب مفتوح للجميع لا يمكن ان نحده بقوانين الحذف والتغيير الجائره ....
ولا نقدر أن نحدد نوعية الكتابه التى تتماشى مع هذا المنتدى ...
وهذا ما لزم توضيحه ....!!!

تسلم كثير يا بحيري ..
واعتقد انه فكرتنا وصلت للكل ..

الناس المشكلة يا بحيري احياناً بحصل ليهم تضليل في المحتوى يعني موضوع شكله هزل وباطنه جاد طوالي يعتبرو هزل وكمان لو خش في الموضوع ود المطامير ود المطامير ده لو خش في بوست تعزية يجيبو ليك النفاج بالذات لو جاك بالضحكة الغوانتنمية هع هع هع تضمن النفاج طوالي ..

والايام دي الناس مغبونة واعتقد انه من الحكمة انك تعالج مواضيع وامور كثيرة بالاسلوب الخفيف تضحكهم وتألمهم وتوريهم الصاح وترشدهم كمان ولا شنو ..
عندك المسرحيات الضاحكة في ظاهرها ضحك وهزل وضياع زمن لكن هل الكاتب قصد الضحك بس ولا قصد الضحك والبكاء والعلاج .. اكيد وراء كل مسرحية قضية وكل نكتة تكتب او تقرأ او تسمع وراءها قضية تسعى لعلاجها .. وده الفن هنا ..

[بت أم درمان]

إحتياطياً : عملت بوست في العام .. لتعريف المنتدى العام .. ارجو مشاركتكم .. ممكن ده ما يرجع تاني هناك ..
ولكم خالص الشكر والتقدير ..

طالما فتحت بوست في العام شبيه لدا
لي طلبك بإرجاع دا للعام
أرى ان المغزى واحد
وبوست واحد كفاية

[ود المطامير]

تسلم كثير يا بحيري ..
واعتقد انه فكرتنا وصلت للكل ..

الناس المشكلة يا بحيري احياناً بحصل ليهم تضليل في المحتوى يعني موضوع شكله هزل وباطنه جاد طوالي يعتبرو هزل وكمان لو خش في الموضوع ود المطامير ود المطامير ده لو خش في بوست تعزية يجيبو ليك النفاج بالذات لو جاك بالضحكة الغوانتنمية هع هع هع تضمن النفاج طوالي ..


يا حولاااااااااااااااا

وحات الله أنا هدى ورضى

تعرف يا الحبيب ؟ وذى ماقال حبيب قلبى أبوالمراوح

فى البوست الشهير دا اللى إنبثق منو بوستين فى العام ( عليك الله إنبثق دى كيف ؟ شرط مش ؟ )

أنا محارب العام لأنو فعلا كلامك إنتا صاح بالطريقه الصاح

ياخ كلما أمشى بفلقونى هع هع هع هع

[نزار احمد كوارتي]

تأييــــــــــــــــــــــــد



اللــــــــــــــــــــــــــــــهُ أكبر

[المسافر]

صراحة بأن عملية نقل البوستات دي وبصفتي مشرف أنا بستعملها مع
الأعضاء الجداد الذين هم غالب ما يكون لا يعروفون إختصاص الأقسام
وربما هم حديثي التعامل مع المنتديات ، أما في الحالة الراهنة والمتعلقة بشخص
كالأخ المبجل ( بحيري ) فبكل تأكيد هو على وعي وإدراك تام بما يريد
يفعل يعني بإختصار ( بالغ راشد عاقل ) فكان من الأجدى والأنفع له أن
يترك البوست في المكان الذي حدده والذي كان سيدير النقاش فيهو بناء على
محتواه وهدفه .

وهناك شيء آخر وهو عدم تقدير وإحترام مشاعر الآخرين من قبل بعض المشرفين
فكان من الأصح بأن المشرف الذي قام بنقل البوست إرسال رسالة تنبيه للأخ بحيري
موضحاً بها وجهة نظره في نقل البوست ، على الأقل كان سوف يخفف كثير من الأحتقان
فنحن ليس بصدد فقد أي عضو لسوء تصرف من قبلنا .

على أي حال لا أريد أن أطيل في سرد المشكلة بقدر ما أردت أن نجد حل وحل سريع
لما نحن فيه بالرغم من يقيني التام بأن في الأصل لا توجد مشكلة تذكر وذلك بفضل سعة
صدر الأخ العزيز ( بحيري ) وتجاوزه للأمر وهذا أكبر دليل على أن ما يجمعنا هو أكبر
مما يفرقنا .



تخريمة

1- ده كلمة حق كان يجب أن تقال في حق ( بحيري ) لكن الكلام ده واجعني وبلبت ليك يا بحيري
2- طبعا شايف لي ناس إطاولو على مشرفي النفاج ، ومن موقعي هذا عايز أقول ليهم ( الموز بجيكم لينا )

[جيفارا]

انت ووووووووووووين ؟

[المسافر]

انت ووووووووووووين ؟


جيفارا حبيب قلبي
وينك ياخ ليك وحشات كتيرات
لسه مع الرقم القديم ولا عملت تحديثات

[ام ساره]

برغم انو اي انسان او عضو بقرا لي بحيري فأول إحساس بجية انو هذة الشخصية مرحة انا ماذت شي بس والله بعد هزليتك دي كلها بنصيب لب الموضوع . معزرة لك اخي بحيري اول ماقريت البوستر ورديت افتكرتها مزحة لكن بعد مراجعتة عدة مرات فهمت الحاصل شنو وياريت تتوصل لي هدفك ادامك الله عونا لنا جميعا ولا عدمناك.

[ايمن عبد الله]

طالما فتحت بوست في العام شبيه لدا
لي طلبك بإرجاع دا للعام
أرى ان المغزى واحد
وبوست واحد كفاية

فكرة البوست التاني في العام جات بعد كتبت مشاركتي هنا وبعد نزلت داك في العام جيت عدلت هنا واضفت اني وضعت بوست في العام لاني عارف سلفا ان ده ما ح يرجع تاني ..

ثم ثانيا انتي مالك شايلا في راسك ما تخليهن الاثنين شغالات هههههههههههه..

[ايمن عبد الله]

صراحة بأن عملية نقل البوستات دي وبصفتي مشرف أنا بستعملها مع
الأعضاء الجداد الذين هم غالب ما يكون لا يعروفون إختصاص الأقسام
وربما هم حديثي التعامل مع المنتديات ، أما في الحالة الراهنة والمتعلقة بشخص
كالأخ المبجل ( بحيري ) فبكل تأكيد هو على وعي وإدراك تام بما يريد
يفعل يعني بإختصار ( بالغ راشد عاقل ) فكان من الأجدى والأنفع له أن
يترك البوست في المكان الذي حدده والذي كان سيدير النقاش فيهو بناء على
محتواه وهدفه .

وهناك شيء آخر وهو عدم تقدير وإحترام مشاعر الآخرين من قبل بعض المشرفين
فكان من الأصح بأن المشرف الذي قام بنقل البوست إرسال رسالة تنبيه للأخ بحيري
موضحاً بها وجهة نظره في نقل البوست ، على الأقل كان سوف يخفف كثير من الأحتقان
فنحن ليس بصدد فقد أي عضو لسوء تصرف من قبلنا .

على أي حال لا أريد أن أطيل في سرد المشكلة بقدر ما أردت أن نجد حل وحل سريع
لما نحن فيه بالرغم من يقيني التام بأن في الأصل لا توجد مشكلة تذكر وذلك بفضل سعة
صدر الأخ العزيز ( بحيري ) وتجاوزه للأمر وهذا أكبر دليل على أن ما يجمعنا هو أكبر
مما يفرقنا .



تخريمة

1- ده كلمة حق كان يجب أن تقال في حق ( بحيري ) لكن الكلام ده واجعني وبلبت ليك يا بحيري
2- طبعا شايف لي ناس إطاولو على مشرفي النفاج ، ومن موقعي هذا عايز أقول ليهم ( الموز بجيكم لينا )

كلامك جميل يا مسارف وصاح كله والله .. الله يعطيك العافية ..

لكن الكلام الاخير ده منو ؟
الاطاول منو ياخ .. ما ياهووو صاحبك .. كدي سامحه عليك الله خلي
الموز يجيب بجيب منو يا مسارف ..
طيب الخريف كيف ؟

[ود المطامير]

2- طبعا شايف لي ناس إطاولو على مشرفي النفاج ، ومن موقعي هذا عايز أقول ليهم ( الموز بجيكم لينا )
يسقط يسقط جوز المشاتير

[ايمن عبد الله]

يا حولاااااااااااااااا

وحات الله أنا هدى ورضى

تعرف يا الحبيب ؟ وذى ماقال حبيب قلبى أبوالمراوح

فى البوست الشهير دا اللى إنبثق منو بوستين فى العام ( عليك الله إنبثق دى كيف ؟ شرط مش ؟ )

أنا محارب العام لأنو فعلا كلامك إنتا صاح بالطريقه الصاح

ياخ كلما أمشى بفلقونى هع هع هع هع


والله يا مطرة انت صحي هدي ورضي لكن الناس ما فاهماك ساااي بي هناك عشان كده احسن تقعد في علبة النفاج دي وما تطلع منها خالس خالس


لانك بتشتر الناس بالحجار عشان كده بفلقوك هع هع هع

[ايمن عبد الله]

يسقط يسقط جوز المشاتير

الشعب لا يريد اسقاط المشاتير ..

[ايمن عبد الله]

لكن يا مطرة انت عارف لو قريت كلام المسارف الفوق ده .. بتبين ليك انه اول مرة المسارف ده يقول ليهو كلام صاح ولا شنو .. بالغ عديل ياخ وخت النقط كلها فوق الحروف .. وطلع من علبو لكن شترها بالموز دي .. كان قال سااي بجي الخريف واللواري بتقيف كان احسن .. من الموز والجوافة والتمر .. هع هع هع

يا جماعة ملاحظين انه بعد ما اتفقنا نبقى جادين .. جاء مطرة تاني قلبو هزل ما قلت ليكم بوست التعزية بجرو ليك من سكة حديدو ..

[abomazeen]

تسلم يا بحيري .. وكلامك واضح جداً من البداية .. ولا يحتاج لتفسير ..
وتسلم على المداخلة الاخيرة الممتازة .. وانا اوافقك على البداية الجديدة الجدية للبوست ..
ولكن ارجو ان يتم ارجاع البوست الى العام ..
اطلب من مشرفي النفاج .. المسافر ومدناوية .. ان يرجعو البوست العام .. ان امكن ..
لانه صراحة في ناس نحن محتاجين لآرائهم في جوهر الموضوع الذي طرحه الاخ بحيري ..
وهؤلاء الذين اقصدهم لا يأتون الى النفاج فكل مشاركاتهم تنحصر في العام وهم فئة مقدرة وذات رأي وفكر ممتاز .. لذلك آمل ان يتم ما طلبت حتى تعم الفائدة المرجوة من البوست ..

إحتياطياً : عملت بوست في العام .. لتعريف المنتدى العام .. ارجو مشاركتكم .. ممكن ده ما يرجع تاني هناك ..
ولكم خالص الشكر والتقدير ..




بحيري - صاحب الحق المهضوم - الجاتك في بوستك سامحتك
ايمن يا أخوي قلت تقلع حقك بضراعك ... عافيت منك يا الكلس

ما تحريش لك يا بحيري ... لكن يا أخوي مشرفي العام قصروا معااااك

[abomazeen]

مفروض المعاملة تكون بالمثل
إما ينقل بوست أيمن للنفاج ...
أو يحول بوست بحيري للعام

[ود المطامير]

لكن يا مطرة انت عارف لو قريت كلام المسارف الفوق ده .. بتبين ليك انه اول مرة المسارف ده يقول ليهو كلام صاح ولا شنو .. بالغ عديل ياخ وخت النقط كلها فوق الحروف .. وطلع من علبو لكن شترها بالموز دي .. كان قال سااي بجي الخريف واللواري بتقيف كان احسن .. من الموز والجوافة والتمر .. هع هع هع

يا جماعة ملاحظين انه بعد ما اتفقنا نبقى جادين .. جاء مطرة تاني قلبو هزل ما قلت ليكم بوست التعزية بجرو ليك من سكة حديدو ..
يا فرده
دا كلام المشرف اليمين ورسلتو ليهو فى رساله خاصه
وقال ليهو أنسخو وألصقو ذى ما هو

وهو ما قصر نسخو ولصقو لكن أداهو كوز بالموزه ;)

[مايسة]

للأسف - يعني الناس لمن ما تتعظ من القديم مشكلة

ريمون لم تنقل بنقل البوست على حسب كلامها
وأيضا بت أمدرمان

يبقى ود سمير

يديك العافية يا ود سمير

[ايمن عبد الله]

بحيري - صاحب الحق المهضوم - الجاتك في بوستك سامحتك
ايمن يا أخوي قلت تقلع حقك بضراعك ... عافيت منك يا الكلس

ما تحريش لك يا بحيري ... لكن يا أخوي مشرفي العام قصروا معااااك




تسلم يا ابو مازن ..
ما اخذ بالقوة لا يسترد الا بالقوة .. ولا شنو ..
بطل الحريش هههههههه

[ايمن عبد الله]

يا فرده
دا كلام المشرف اليمين ورسلتو ليهو فى رساله خاصه
وقال ليهو أنسخو وألصقو ذى ما هو

وهو ما قصر نسخو ولصقو لكن أداهو كوز بالموزه ;)


كده يادوب استوعبت ياااخ ما تقول كده من الصباح وكان ترسل لي نصـــخة منصخة من الرصالة ياخي عشان اعرف انا ظاطي يا مطرة ياخ ..
النخنخة شنو يا مطر ههههههههه

[ايمن عبد الله]

للأسف - يعني الناس لمن ما تتعظ من القديم مشكلة

ريمون لم تنقل بنقل البوست على حسب كلامها
وأيضا بت أمدرمان

يبقى ود سمير

يديك العافية يا ود سمير


تسلمي يا ميسو
بالمناسبة انا عارف انو لا ريمون ولا بت امدر ما نقلو ..
لانه نقل ريمون انا بعرفو ..
وهسة عندها بوست منقول في العام .. عرفتو بتكون دي ريمون لانها بتخلي باقي هناك ما بتدفنو كامل ..
بت امدر قالت هنا اعميها ما شافتو تب ..انكرت كلو كلو .. ولا عارفة عنو شي خالس خالس
ود سمير غاطس ما ظاهر ..
اكون سواها وزاغ ولا شنو .. ؟

اي كان ومن نقل دي ما مشكلة يا ميسو المفروض اكون في مبدأ الناس شغالة بيهو ..
وكلام المسافر كويس جدا مفروض النقل اكون للناس الجديدين لانهم ممكن يضلو الطريق وما يضعو الموضوع المناسب في المكان المناسب عكس القديم البكون عارف كل شي وعارف المشرفين .. الزول القديم ده بكون عارف وعنده هدف معين عشان كده وضع البوست في العام ما مفروض الناس تضايقو يعني واحد زي بحيري ده ما عارف العام من النفاج ؟

[نزار احمد كوارتي]

يعني واحد زي بحيري ده ما عارف العام من النفاج ؟


انا غايتو ما بستبعد

هي هي هي

[بحيرى]

وهناك شيء آخر وهو عدم تقدير وإحترام مشاعر الآخرين من قبل بعض المشرفين
فكان من الأصح بأن المشرف الذي قام بنقل البوست إرسال رسالة تنبيه للأخ بحيري
موضحاً بها وجهة نظره في نقل البوست ، على الأقل كان سوف يخفف كثير من الأحتقان
فنحن ليس بصدد فقد أي عضو لسوء تصرف من قبلنا .
على أي حال لا أريد أن أطيل في سرد المشكلة بقدر ما أردت أن نجد حل وحل سريع
لما نحن فيه بالرغم من يقيني التام بأن في الأصل لا توجد مشكلة تذكر وذلك بفضل سعة
صدر الأخ العزيز ( بحيري ) وتجاوزه للأمر وهذا أكبر دليل على أن ما يجمعنا هو أكبر
مما يفرقنا .




شكراً الاخ خالد ...
على هذا التناول الممتاز للموضوع ....
والنظر اليه من زاويه آخرى ....
فعملية النقل فى حد ذاتها موضوع قائم بذاته ....
فهى عملية يجب ان تتم بإحترافيه ومهنيه اكثرمن التى نعامل بها حالياً ....
وهنا انا لا اقصد ان المشرفين هم اقل مستوى من المفروض .... ولكن هم مقيدون بقوانين عقيمه .... او قُل لا توضح تفاصيل التفاصيل او كيفية التعامل مع الاشياء الصغيره التى ستصبح كبيره بهذه المعامله .... ومن ناحية آخرى الإصرار على عدم تهذيب المعاملات .... او بالاصح التعامل بالاتوكيت وإشعار الكاتب بانه جزء اصيل من المعامله ورأيه مهم فى هذه النقطه .... او يتم اسداء النصح للكاتب بكل اريحيه ويستبينوا له مواقع الخلل ونص القانون الذى يحرم هذا وكيفية الإجراءت التى سوف تتم لترميم هذا الخلل .... واشراك الكاتب فى كل هذا يضمن الإحترافيه والمهنيه والتعامل المُمرحل الذى يصنع مهابة القانون دون المساس بكرامة الاشخاص ....
وهنا ...
اشكر الاخ معتز سمير ( ودسمير ) مشرف المنتدى العام ... الذى قام بترحيل البوست الى النفاج .... وعندها اخبرنى بهذه العمليه فى الخاص عندما ارسل لى رساله مفادها انه تم تحويل البوست الى النفاج ....
ولكن اعيب على الاخ ودسمير بعض الشئ .... او ربما هذه العمليه لم تطابق ما ذكرته انفاً ....
فما معنى ان يقوم المشرف بإرسال رساله تُخبر بوقوع الشئ ....؟!!
والاجدى ان تكون الرساله مفادها انه سيتم اجراء العمليه لكذا وكذا .... وانه سوف يتم الإعتناء بوجهة نظر الكاتب فى قصده لمخالفة القانون إن كان عن قصد .... او توجيهه إن كان عن غير قصد ....
عليه ....
يكون السؤال ....
هل تغفل إدارة المنتدى عن مثل هذه الاشياء ... ام هو تقصير من الساده المشرفين ....؟!!
وإن كانت الإجابه بهذا او ذاك .... فإنها مشكله يجب أن يتم علاجها فى القريب لضمان تفادى مثل هذا الذى يحصل قادماً ....!!!

[بحيرى]

بحيري - صاحب الحق المهضوم - الجاتك في بوستك سامحتك
ايمن يا أخوي قلت تقلع حقك بضراعك ... عافيت منك يا الكلس

ما تحريش لك يا بحيري ... لكن يا أخوي مشرفي العام قصروا معااااك







مفروض المعاملة تكون بالمثل
إما ينقل بوست أيمن للنفاج ...
أو يحول بوست بحيري للعام




شكراً ابو مازن على مرورك الذى ادخل عندى السرور ....
اما عن مشرفى العام ... فالعلاقه بينى وبينهم عامره ....
ولكنهم ينظروا لى بنظرة الحيطه المايله .... هاهاهاها ....
اما ما ذكرته ادناه ...
فافيدك بانه اذا تم تحويل بوست الاخ ايمن الى النفاج فانه قد نكون عالجنا الخطأ بخطأ اكبر منه ... او قُل بمصيبه كبرى ....
واذا تم تحويل البوست الذى كتبته انا الى العام ... فهذا لن يفيد كثيراً ... او ربما يذهب الى ابعد من ذلك ويحمل فى طياته انتصارنا على مشرفى العام .... وهذا اكبر مصيبةً من ما ذكرته اعلاه ... فكل ما ارومه انا هو ايصال الخطأ وشرحه وادراك الصواب فيه ليس الا ....!!!

[بحيرى]

برغم انو اي انسان او عضو بقرا لي بحيري فأول إحساس بجية انو هذة الشخصية مرحة انا ماذت شي بس والله بعد هزليتك دي كلها بنصيب لب الموضوع . معزرة لك اخي بحيري اول ماقريت البوستر ورديت افتكرتها مزحة لكن بعد مراجعتة عدة مرات فهمت الحاصل شنو وياريت تتوصل لي هدفك ادامك الله عونا لنا جميعا ولا عدمناك.


يا هلا بام ساره ...
وشكراً على تحليلك لشخصيتى الضعيفه بما يسُرنى انا ....
وعن وصولى لهدفى .... فانا لا اود الوصول اليه لوحدى ... فحينها لا اكون قد نلت مجداً ....
ولكن عند وصولنا جميعاً نكون قد غيرنا شئً ننعم بخيره جميعاً ...
ولا شنو ...؟!!!

[بحيرى]

انا غايتو ما بستبعد

هي هي هي


قوووول انا ما بفرز بينهم .... لانهم قريبين لبعض ....
لكن الكلام انت ....
هسه وجه الشبه شنو بين العريس والعزابى ....

[بحيرى]

للأسف - يعني الناس لمن ما تتعظ من القديم مشكلة

ريمون لم تنقل بنقل البوست على حسب كلامها
وأيضا بت أمدرمان

يبقى ود سمير

يديك العافية يا ود سمير


انتى يا خالتو مالك مع ودسمير ده ....
شكلو طرف الصوط لاحقك ....!!!

[مايسة]

انتى يا خالتو مالك مع ودسمير ده ....
شكلو طرف الصوط لاحقك ....!!!


ههههههههه
ما لاحقني ولا شئ -

[ايمن عبد الله]

لا اقصد ان المشرفين هم اقل مستوى من المفروض .... ولكن هم مقيدون بقوانين عقيمه .... او قُل لا توضح تفاصيل التفاصيل او كيفية التعامل مع الاشياء الصغيره التى ستصبح كبيره بهذه المعامله .... هل تغفل إدارة المنتدى عن مثل هذه الاشياء ... ام هو تقصير من الساده المشرفين ....؟!!
وإن كانت الإجابه بهذا او ذاك .... فإنها مشكله يجب أن يتم علاجها فى القريب لضمان تفادى مثل هذا الذى يحصل قادماً ....!!!


أخي بحيري ..
أين هي القوانين العقيمة التي ذكرتها ... دعني اختلف معك في هذه النقطة ..
القانون او النظام الأساسي يعطي المشرف الحق في أشياء يمكن ان يفعلها في المنتدى الذي يشرف عليه .. مقرونة بأدوات تحكم تتيح له التعديل والنقل والحذف البسيط واحتمال الحذف الكامل لا ادري بالظبط .. ان كانت متاحة لمشرفينا هنا ام لا .. ويوم يتعين العضو مشرف فإنه يكون متاح له الدخول الى منتدى المشرفين وحين تدخل منتدى المشرفين فأنك تطالع اول الصفحة بوستات مثبتة من ضمنها توجيهات للمشرفين الجدد والنظام الاساسي وكل ما يحتاجه المشرف الجديد يجده في هذا المنتدى .. ويمكن لاي مشرف لديه مشكلة ان يطرحها في منتدى المشرفين وسيجد العون بإذن الله .. وهنا لا نجد التقصير من المشرفين القدامى والادارة ؟
بعد ذلك كل شئ يخضع لخبرة المشرف وتجربته ومدى فهمه للأمور وهذه لا يستطيع احد ان يتدخل بها لانها اشياء خاصة بمقدرات المشرف وحسن تصرفه في كيفة ادارة المشكلة والأزمة او المخالفة ومدى الحكمة في التصرف .. والقوانين ليست عقيمة فكلنا يعرف قوانين المنتدى .. ونحن اخي بحيري لا نتكلم عن بوست اخترق القانون بل على العكس التصرف هو الذي خرق القانون لو اعتبرنا ان ما كتب في تعريف المنتدى العام عندنا هنا بمثابة قانون .. ولكن وهذه حقيقة يجب ان تقال ان هذه الدورة بها الكثير من المشرفين عديمي الخبرة في مثل هذه الامور .. مع احترامي للكل ولكن يجب ان نقول الحقيقة ..

[ايمن عبد الله]

شكراً ابو مازن على مرورك الذى ادخل عندى السرور ....
اما عن مشرفى العام ... فالعلاقه بينى وبينهم عامره ....
ولكنهم ينظروا لى بنظرة الحيطه المايله .... هاهاهاها ....
اما ما ذكرته ادناه ...
فافيدك بانه اذا تم تحويل بوست الاخ ايمن الى النفاج فانه قد نكون عالجنا الخطأ بخطأ اكبر منه ... او قُل بمصيبه كبرى ....
واذا تم تحويل البوست الذى كتبته انا الى العام ... فهذا لن يفيد كثيراً ... او ربما يذهب الى ابعد من ذلك ويحمل فى طياته انتصارنا على مشرفى العام .... وهذا اكبر مصيبةً من ما ذكرته اعلاه ... فكل ما ارومه انا هو ايصال الخطأ وشرحه وادراك الصواب فيه ليس الا ....!!!

المسألة يا بحيري اكبر من انتصار احد على احد .. ولكننا نحاول ان ننهي هذه المعضلة التي ظلت تمثل ازمة دائمة بين المشرفين والاعضاء منذ زمن بعيد الا وهي نقل البوستات من العام .. وهي مشكلة لم تحدث في فترة المشرفين الحاليين والمشكلة موجودة منذ تأسيس المنتدى وقد مر به الكثير من المشرفين واتحدى ان يقول احداً منهم ان هذه المسألة لم تكن تمثل مشكلة بالنسبة لهم .. فقد كتبت فيها بوستات وازمات ومشاكل .. اتمنى ان نساهم في حلها مستقبلاً ونضع النقاط حول الحروف حتى نتجاوزها ونلتفت الى اشياء اخرى اهم ..

[abomazeen]

شكراً ابو مازن على مرورك الذى ادخل عندى السرور ....
اما عن مشرفى العام ... فالعلاقه بينى وبينهم عامره ....
ولكنهم ينظروا لى بنظرة الحيطه المايله .... هاهاهاها ....
اما ما ذكرته ادناه ...
فافيدك بانه اذا تم تحويل بوست الاخ ايمن الى النفاج فانه قد نكون عالجنا الخطأ بخطأ اكبر منه ... او قُل بمصيبه كبرى ....
واذا تم تحويل البوست الذى كتبته انا الى العام ... فهذا لن يفيد كثيراً ... او ربما يذهب الى ابعد من ذلك ويحمل فى طياته انتصارنا على مشرفى العام .... وهذا اكبر مصيبةً من ما ذكرته اعلاه ... فكل ما ارومه انا هو ايصال الخطأ وشرحه وادراك الصواب فيه ليس الا ....!!!





إنت شايـف كــده يا بحيري يا أخوي ...؟




كل ما اسعى إليه هـو توطين العمل بمهنية تخدم الغاية...!

[abomazeen]

أخي بحيري ..
أين هي القوانين العقيمة التي ذكرتها ... دعني اختلف معك في هذه النقطة ..
القانون او النظام الأساسي يعطي المشرف الحق في أشياء يمكن ان يفعلها في المنتدى الذي يشرف عليه .. مقرونة بأدوات تحكم تتيح له التعديل والنقل والحذف البسيط واحتمال الحذف الكامل لا ادري بالظبط .. ان كانت متاحة لمشرفينا هنا ام لا .. ويوم يتعين العضو مشرف فإنه يكون متاح له الدخول الى منتدى المشرفين وحين تدخل منتدى المشرفين فأنك تطالع اول الصفحة بوستات مثبتة من ضمنها توجيهات للمشرفين الجدد والنظام الاساسي وكل ما يحتاجه المشرف الجديد يجده في هذا المنتدى .. ويمكن لاي مشرف لديه مشكلة ان يطرحها في منتدى المشرفين وسيجد العون بإذن الله .. وهنا لا نجد التقصير من المشرفين القدامى والادارة ؟
بعد ذلك كل شئ يخضع لخبرة المشرف وتجربته ومدى فهمه للأمور وهذه لا يستطيع احد ان يتدخل بها لانها اشياء خاصة بمقدرات المشرف وحسن تصرفه في كيفة ادارة المشكلة والأزمة او المخالفة ومدى الحكمة في التصرف .. والقوانين ليست عقيمة فكلنا يعرف قوانين المنتدى .. ونحن اخي بحيري لا نتكلم عن بوست اخترق القانون بل على العكس التصرف هو الذي خرق القانون لو اعتبرنا ان ما كتب في تعريف المنتدى العام عندنا هنا بمثابة قانون .. ولكن وهذه حقيقة يجب ان تقال ان هذه الدورة بها الكثير من المشرفين عديمي الخبرة في مثل هذه الامور .. مع احترامي للكل ولكن يجب ان نقول الحقيقة ..




شكرن جزيلن يا أبواسيل على الشرح المسهب

دوماً أستفيد من كتاباتكم وآرائكم القيمة ...!

[abomazeen]

أيــون ... شكرن جزيلن يا أبواسيل

[ايمن عبد الله]

شكرن جزيلن يا أبواسيل على الشرح المسهب

دوماً أستفيد من كتاباتكم وآرائكم القيمة ...!



تسلم كثير يا ابو مازن ونتمنى ان يستفاد من كل ما نكتب






أيــون ... شكرن جزيلن يا أبواسيل



العفو استاذ ابو مازن تسلم كثير على الكلمات الطيبة ..

[بحيرى]

أخي بحيري ..
أين هي القوانين العقيمة التي ذكرتها ... دعني اختلف معك في هذه النقطة ..
القانون او النظام الأساسي يعطي المشرف الحق في أشياء يمكن ان يفعلها في المنتدى الذي يشرف عليه .. مقرونة بأدوات تحكم تتيح له التعديل والنقل والحذف البسيط واحتمال الحذف الكامل لا ادري بالظبط .. ان كانت متاحة لمشرفينا هنا ام لا .. ويوم يتعين العضو مشرف فإنه يكون متاح له الدخول الى منتدى المشرفين وحين تدخل منتدى المشرفين فأنك تطالع اول الصفحة بوستات مثبتة من ضمنها توجيهات للمشرفين الجدد والنظام الاساسي وكل ما يحتاجه المشرف الجديد يجده في هذا المنتدى .. ويمكن لاي مشرف لديه مشكلة ان يطرحها في منتدى المشرفين وسيجد العون بإذن الله .. وهنا لا نجد التقصير من المشرفين القدامى والادارة ؟
بعد ذلك كل شئ يخضع لخبرة المشرف وتجربته ومدى فهمه للأمور وهذه لا يستطيع احد ان يتدخل بها لانها اشياء خاصة بمقدرات المشرف وحسن تصرفه في كيفة ادارة المشكلة والأزمة او المخالفة ومدى الحكمة في التصرف .. والقوانين ليست عقيمة فكلنا يعرف قوانين المنتدى .. ونحن اخي بحيري لا نتكلم عن بوست اخترق القانون بل على العكس التصرف هو الذي خرق القانون لو اعتبرنا ان ما كتب في تعريف المنتدى العام عندنا هنا بمثابة قانون .. ولكن وهذه حقيقة يجب ان تقال ان هذه الدورة بها الكثير من المشرفين عديمي الخبرة في مثل هذه الامور .. مع احترامي للكل ولكن يجب ان نقول الحقيقة ..


شكراً ايمن على توضيح بعض الحقائق التى كانت غائبه عنى ....
فمعنى حديثك - وانت اعلم منى بشؤن المشرفين - ان اللوم يقع على عاتق المشرفين .... وهذا وضعته انا من ضمن إحتمالاتى .... ولم اجزم به ... ولكنك الان تخبرنى اليقين به ...
اذاً ...
نصل الى نقطه مهمه .... وهى موقع الخلل ...!!
والسؤال الذى يطرح نفسه .... كيفية معالجة الخلل ...؟!!

[بحيرى]

إنت شايـف كــده يا بحيري يا أخوي ...؟

كل ما اسعى إليه هـو توطين العمل بمهنية تخدم الغاية...!



ابو مازن ....
ما تسعى اليه انت هو ما اسعى اليه انا .... وبالتأكيد هو كل مايسعى اليه اى عضو بالمنتدى ....
ولكن كيفية الوصول هى المشكله ....
وتبرير الغايه للوسيله هنا محبب ... ويكاد ان يكون لا بديل له ....
فعلينا بان نسلُك اى طريق شئنا للوصول الى المهنية العاليه فى هذا المنتدى ... اقلاه ان نوطط لها ...
وكل هذه الطرق شائكه .... ومحفوفه بالإحتكاكات التى تولد سوء الفهم وتقود الى الإعتراك بين الاعضاء ...
وهذه هى اهم المشاكل التى تواجه مسعانا ....

[ايمن عبد الله]

شكراً ايمن على توضيح بعض الحقائق التى كانت غائبه عنى ....
فمعنى حديثك - وانت اعلم منى بشؤن المشرفين - ان اللوم يقع على عاتق المشرفين .... وهذا وضعته انا من ضمن إحتمالاتى .... ولم اجزم به ... ولكنك الان تخبرنى اليقين به ...
اذاً ...
نصل الى نقطه مهمه .... وهى موقع الخلل ...!!
والسؤال الذى يطرح نفسه .... كيفية معالجة الخلل ...؟!!

مشكور بحيري ..
انا ما قلت ليك من زمان في حاجات خلف الكواليس .. هاهاها
طبعا بكل تأكيد اللوم يقع على المشرف هو الذي يقود الامور الى بر الامان او يزعزع استقرار المنتدى لانه هو المفترض يكون متواجد وهو من تعامل مع المخالفة حيث كانت فإن تعامل بحكمة مضى الامر وكأن شيئاً لم يكن ويمكن ان لا يحس به احد اما ان تصرف تصرفاً خاطئاً اصبح هو من سبب مشكلة في المنتدى ..

رغم قناعتي بأنه لا يوجد خلل بل توجد اخطاء في المعالجات ولو اعتبرنا هذه الاخطاء بمثابة خلل موجود فتكون معالجة الخلل بالتشاور بين المشرفين وعدم التصرف الفردي الذي يخلق الخلل من مافي .. وكما قلت مراراً التصرف الفردي يكون في امور زي ما بقولو (ما بتغالطو فيها اثنين)

في مرة من المرات كنت حضوراً بالمنتدى بعد 12 صباحاً وكان متواجداً في نفس اللحظة الاخ معتز الريح وكان احد الضباط الثلاثة .. وضبطنا مخالفة كبيرة لعضو يتحدث عن ابناء مدني بسؤ في منتدى (ودمدنيات) رغم ان المخالفة واضحة .. ويمكن لمعتز ان يتصرف وحده الا انه والله اخذ في مشاورتي وتبادلنا الرسائل لعدة مرات حتى اقتنع اخيراً برِأيي وتصرف على حسب ما اتفقنا عليه وتمت معالجة المخالفة بدون ان يحس احد ان هنالك شيئاً قد تم في هذه اللحظات .. فهذا نموذج لما يمكن ان يحدث بين المشرفين لابداء الاراء حتى تخرج بقرار صائب .. لعلمك هذه المخالفة لم يكن فيها نقل بوست او حذف بوست وانما كانت حذف عضوء كامل من المنتدى وتمت في منتدى المشرفين ... شفتها كبيرة كيف يا بحيري ..

[ريمون]

بسم الله الرحمن الرحيم ..
الاخوه الكرام ..
والكلام هنا بصفة الاشراف ..
المشرف شخص عادي وقد يقع في الخطأ ..
اسلوب كل انسان في الحياة عموما يختلف عن الآخر ..
وعليه لن نستطيع ان نرسم خط واحد نجبر كل المشرفين بالسير عليه ..
لكننا ببساطة نضع القوانين ونسهب في شرح روحها ونعاون المشرفين بلا هدف الا الوصول لاعلي مستوي بمنتدانا الحبيب ..
ما حدث في بوست بحيري هو فهم لطبيعة بوست والنقل علي اساسه ..
قد لا اكون من قام بالنقل وقد نكون كمشرفين في بداية الدورة لم تتحدد ملامحنا لكن يقينا اثق في راي من نقل واجد له العذر ..
نحن نختلف ورأي ورأيك يجب ان يحترما ..
الفهم العام الذي كتب به بحيري أتي ثماره والاخ ايمن انزل بوست مشابه وشخص آخر انزل بوست مشابه ايضا ..
بحيري بالروح الجميله والمشتركه بين غالبيتنا تفهم بل وكان كريما في التعامل بما يشبه روحه ..
النقاش اصبح عن المشرفين شخصي بكل اسف وهذا ما لا يقصده بحيري يقينا ..
الاخ ايمن مشكورا نبهني في الخاص في موضوع ذيل المواضيع واخبرته باني نقلت واحد كذلك ووضح لي الطريقه الصحيحه وشكرته علي ذلك واستفدت مما ذكر والحمد لله وبالتالي لم اقع في هذا الخطأ مرة ثانية والحمد لله ..
وكما اري ان المشرفين عديمي الخبرة الذين احتوتهم هذه الدورة يقمون بعمل رائع والحمد لله ..

[ريمون]

شكراً ايمن على توضيح بعض الحقائق التى كانت غائبه عنى ....
فمعنى حديثك - وانت اعلم منى بشؤن المشرفين - ان اللوم يقع على عاتق المشرفين .... وهذا وضعته انا من ضمن إحتمالاتى .... ولم اجزم به ... ولكنك الان تخبرنى اليقين به ...
اذاً ...
نصل الى نقطه مهمه .... وهى موقع الخلل ...!!
والسؤال الذى يطرح نفسه .... كيفية معالجة الخلل ...؟!!

الاخ الكريم بحيري ..
وانا هنا لا احتاج ان اوضح كثيرا ..
فالاخ بحيري صديقي علي ارض الواقع والحمد لله ..
لو انك وثقت في المشرف الذي نقل بغض النظر عن من هو ورأيت ان النقل خطأ فلك الف حق في الاحتجاج وستري بنفسك كيف سيكون التعامل حينها وستفهم ان الجميع سيلتقي في المنتصف ..
المشكلة الآن تحولت الي المشرفين وادآهم ..
ولا اعتقد ان ما مضي من الزمن للدورة الحاليه كافيا لتوضيح اي خلل في المشرفين ..
ثم من يخبر من اخي بحيري ؟؟؟؟
من ادري بطريقه عمل المشرفين الحاليين انت ام هم ؟؟؟
نحن كما نحن ..
وانت تعلم اين نضعك جيدا ..
والحيطه المائله دي يا ربي تكون جاتك لما كنت تحت الشجر في الدمازين والهواء العليل داك ..

[ايمن عبد الله]

تسلمي يا ريمون ..
ما تاخدي الموضوع انه يخص المشرفين الحاليين اطلاقاً بل يخص المنتدى كامل.. لانه كلامك صحيح لسة ما في زمن كافي للتقييم بالنسبة للدورة الحالية .. ولكن الموضوع قديم ومتشعب .. والحكاية جرت الى الحديث عن المشرفين لتسلسل الموضوع المنطقي .. وكان السبب نقل البوست ولكن الموضوع اصلاً موجود من زمن بعيد .. ونتمنى ان يكون هذا البوست هو اخر بوست يتحدث عن النقل والخلافات وكل ما يعكر الجو العام في المنتدى ..

نتمنى ان نكون قد ساعدنا في تحسين الفهم عن المشرفين لا سؤ الفهم ونحن والمشرفين كتلة واحدة لتطوير المنتدى ورقيه وازدهاره ..

[ود المطامير]

والله يا أيمن ما شاء الله عليك


قلت ليك

ناس الراكوبه لابدين ليك ;)

[عبدالرحمن مدثر]

صراحه استمتعت بالبوست جدا

لكنى زعلاااان برضو جدا من احاديه اتخاذ قرار النقل من دون ونسه خااصه ترطب جو النقل دا

نقل البوستات .. مشكله كبيره .. لانو بتخللها عدم ادراك او وعى معين بماهيه وفكره البوست .. زمان

كان النقل بكون (بركشه ) فيها زينه عشان تخفف من الضرر الناجم من النقل وهو ضرر احساسى اكيد

لانو ممكن يجيك احساس داخلى انو انت المقصود ما البوست

يعنى انت قالبك نفااجى .. ماعام

وبدا بتتشكل جوااك ثوره على العام الذى لم يقيد الكتابه بدليل (قالو لو )

او بدليل (اكتب ماتشاء )

انا من المعجبين جدا بكتابات الحبيب بحيرى .. كتابات دسمه فى قالب مرح ودى نوعيه من الكتابات

من الصعب تواجدها .. وان وجدت فدليل تميزها لايحتاج الى دليل او برهان وما البونى والفاتح جبرا

الا امثله لذلك

[عبدالرحمن مدثر]

تلحيقه

مشاركتى اتكررت .. بس حته انو المنتدى العام يكون فيه 3 مشرفين

ومايكون بينهم تواصل بخصوص قضايا مصيريه اضرت بشعب المناصير وبحر بحيرى

ماوااقعه لى

[عبدالرحمن مدثر]

بعدين يابحيرى .. اقتراحك فى الوكت دا كان ختيير شويه مما ادى الى خطوه احترازيه

برااااك عارف جامعه الخرطوم معلقه .. وقطبى المهدى استقال .. والربيع العربى شغال على سنجه عشره

وتقدم اقتراح بهدم العام ... يعنى انت القرار دا بتكون فى قراره نفسك وصلت ليهو بعد تأنى ومشاورات ومابعيد يكون

فى مخطط اكبر من كدا .. اعترف المعاااك منو ..!!

[ايمن عبد الله]

والله يا أيمن ما شاء الله عليك


قلت ليك

ناس الراكوبه لابدين ليك ;)

الله يبارك فيك يا الحبيب مطاميرووو ..

ولو انك قلت ناس الراكوبة لابدين لي بالهظار .. لكن يا مطرة الكلام ده حاصل ..
طبعا انا اول شي راسلتهم بإميل انا ما شغال بيهو كثير .. اها الاميل ده اتهكر ..

[ايمن عبد الله]

بعدين يابحيرى .. اقتراحك فى الوكت دا كان ختيير شويه مما ادى الى خطوه احترازيه

برااااك عارف جامعه الخرطوم معلقه .. وقطبى المهدى استقال .. والربيع العربى شغال على سنجه عشره

وتقدم اقتراح بهدم العام ... يعنى انت القرار دا بتكون فى قراره نفسك وصلت ليهو بعد تأنى ومشاورات ومابعيد يكون

فى مخطط اكبر من كدا .. اعترف المعاااك منو ..!!

كان براو يا عبد الرحمن .. انا ما معاو ولا شي هو براو الكتب وعمل وكسر وطلع الطلبة ..

[عبدالرحمن مدثر]

هاها

ياايمن والله كنت بتنقز فى خيالى .. خاصه بعد ما كوشتو على التسجيلات

وشلتو قناه زول .. وطفشتو قوون لعرب سات الزى ماقال الطريفى بتاع النكات

انو النسوان زى القارات الخمسه وحدد الاعمار بين 20 و30 زى قاره افريقيا حراره دماء

وعنفوان .. ومن 30 ل 40 زى قاره اسيا مستقره اقتصاديا دهب .. عربيه وكدا ..

اها لحدى ماوصل لقاره استراليا الطفشتو فيها قناه قووون والمنشوده من انو بعيده دى بكون العمر فيها

من 70 ل 80 بتكون بااارده وبعيده .. ومافى زووول شغال بيها

هاها

[ايمن عبد الله]

تسلم عبد الرحمن ..
انت عارف يا عبد الرحمن احلى شي في الموضوع .. طفيش قوون دي .. الحمد لله ... الله ريحنا منها ومن زول ومن الراكوبة .. هع هع هع

[عبدالرحمن مدثر]

تلحيقه

عقبال ماتتنقزوا فى الممتاز ... وتتردقوا لحدى استراليا برضو هاها

[عنكوليب]

تسلم عبد الرحمن ..
انت عارف يا عبد الرحمن احلى شي في الموضوع .. طفيش قوون دي .. الحمد لله ... الله ريحنا منها ومن زول ومن الراكوبة .. هع هع هع

ايمن عبدالله ،،،

جابتني ريحتك الحمراء الوهاجة ،،،

جابتني صفوتك الظاهرة ،،،

جابتني قوون اللي اختفت لظروف قاهرة ،،،

جابتني زول ال سيدها ما سائل في الناس القاهرة ،،

جابتني ظروفا حلوة ما ها سافرة ،،،

جبتني يا الأحمر ال ديما ناسك ما ها مشاترة ،،،

تسلم يا ايمن ،،،، وهذه أول مداخلة لي معك في المنتدي مباشرة ،،،
لك الأحترام يا بني ،،،،

[عنكوليب]

تلحيقه

عقبال ماتتنقزوا فى الممتاز ... وتتردقوا لحدى استراليا برضو هاها

كنت أحسبك صفوة ؟؟؟

[ايمن عبد الله]

ايمن عبدالله ،،،

جابتني ريحتك الحمراء الوهاجة ،،،

جابتني صفوتك الظاهرة ،،،

جابتني قوون اللي اختفت لظروف قاهرة ،،،

جابتني زول ال سيدها ما سائل في الناس القاهرة ،،

جابتني ظروفا حلوة ما ها سافرة ،،،

جبتني يا الأحمر ال ديما ناسك ما ها مشاترة ،،،

تسلم يا ايمن ،،،، وهذه أول مداخلة لي معك في المنتدي مباشرة ،،،
لك الأحترام يا بني ،،،،

تسلمي يا عنكوليبة .. ومشكورة شديد على المداخلة وان شاء الله ما اخر مداخلة .. ولكي مني كل الود .. لكن اتداخلت كثير قبل كده في بوستات لي في العام .. المهم مرحب بيك في اي مكان واي زمان .. زي موباتيل ..
لكن يا عنكوليبة ما بالغتي ياخ .. انا اكبر مريخابي هنا .. منو الغيري بعذب الموتورات ديل واعذبهم ليك عذاب القبورة ويحمدو الله لمن القوني مافي امثال روبش وغيره من المواتير العتيقة وقبلهم شيكو واخوانه من ناس همس الشوق وبقية المواتر ..

اما عبدالرحمن ده خلي مكانو براو ونحن ساعين لجلبه ناحية الصافي صفوة .. هو ولدنا وبشبهنا لكن ضل الطريق ساااي للوصيف ..

[ايمن عبد الله]

تلحيقه

عقبال ماتتنقزوا فى الممتاز ... وتتردقوا لحدى استراليا برضو هاها


قريب جداً يا عبدالرحمن .. الصبر بس ..!!

[ايمن عبد الله]

كنت أحسبك صفوة ؟؟؟

حسابك في محله وبجينا قريب .. ولدنا وما ليو غيرنا ..

[عنكوليب]

اما عبدالرحمن ده خلي مكانو براو ونحن ساعين لجلبه ناحية الصافي صفوة .. هو ولدنا وبشبهنا لكن ضل الطريق ساااي للوصيف ..

عشان كدة لسانو طوييييييييييييييييييييل ،،،،

[ايمن عبد الله]

قصدك شنو يا عنكوليبة .. يعني نحن لساننا طويل ولا شنو يا حاجة ؟

[المسافر]

دي الخطوة الأولى للإجراءات التصحيحية
هذا البوست صاحبه كتبه في المنتدى العام
وتم نقله بدون موافقته إلى النفاج ، وآثرت
أن أعيده إلى المكان الذي أراد له صاحبه
كبداية للإعتراف بالخطأ الذي حدث من
المشرف الذي نقله .

[عبدالرحمن مدثر]

ان تاتى متاخرا ... خير من ان لاتاتى











مكتوبه فى ركشه ودجيرانا مثقفاتى كدا

[ايمن عبد الله]

دي الخطوة الأولى للإجراءات التصحيحية
هذا البوست صاحبه كتبه في المنتدى العام
وتم نقله بدون موافقته إلى النفاج ، وآثرت
أن أعيده إلى المكان الذي أراد له صاحبه
كبداية للإعتراف بالخطأ الذي حدث من
المشرف الذي نقله .

تسلم ياالمسافر يا رائع
قمة التوفيق ما قمت به
اتمنى ان تعالج كل القضايا ويتم النظر لكل هذه البوستات المفتوحة وبالذات هذا البوست لان به الكثير من الاقوال يجب ان نعمل على تنفيذ لو جزء يسير منها

**********
واحب ان استفسر ايضا سؤال لاخي ودالجزولي لدي بوست باسم (تعريف بسيط للمنتدى العام) او ماهو المنتدى العام والله نسيت اسمو لكن محمد الجزولي تقريبا مشارك فيهو وفيه حاجات جميلة كثيرة لكن للاسف اتحذف ايام الراكوبة والظاهر اللي حذفوا ما انتبه لتاريخ انشائه الذي كان قبل حدث الراكوبة بايام ولا علاقة له بالراكوبة فقد كان بوستاً يحاول تحديد ماهية مواضيع المنتدى العام وضوابط الكتابة فيه ارجو شاكرا ان توضح لي اخي جزولي ماحدث لهذا البوست هل حذف نهائي ام حذف حذف بسيط قابل للاسترجاع . تقبل تحياتي

اقترح تثبيت البوست لعدة ايام