الراجل افجخي بصلة قبل ما يبقي اصلة

[الشمشار]

سلام من الله عليكم
وجمعه مباركه علي الكل
وعذرآ للغياب و عدم المشاركه بانتظام في المنتدي
المثل اعلاه يقول
الراجل افجخي بصلة قبل ما يبقي اصلة
وهو مثل سوداني جميل ويعني الزوجه او الام او الاخت تشوف الراجل المعاها في البيت اي كانت صله قرابتو وتفجخو بصله قبل يبقي اصله ويبلعها (بالهناء والشفاء )
باعثي لكتابه هذا الموضوع حتعرفو بعد شويه
بس كدي النمش النفاج نشوف الجديد شنو واجيكم طيرااااااااااان
انتظروو جااااااااي

[ابوسفيان]

الزول ما شي علي عرس يعني ابقي اصلة من هسه

[ودسمير]

سلام من الله عليكم
وجمعه مباركه علي
وعذرآ للغياب و عدم المشاركه بانتظام في المنتدي
المثل اعلاه يقول
الراجل افجخي بصلة قبل ما يبقي اصلة
وهو مثل سوداني جميل ويعني الزوجه او الام او الاخت تشوف الراجل المعاها في البيت اي كانت صله قرابتو وتفجخو بصله قبل يبقي اصله ويبلعها (بالهناء والشفاء )
باعثي لكتابه هذا الموضوع حتعرفو بعد شويه
بس كدي النمش النفاج نشوف الجديد شنو واجيكم طيرااااااااااان
انتظروو جااااااااي





خليها تفجخ .... ومصيرها بيت ابوها ...

اقعد يالشمشار ولع النيران وبعد داك تكب الزوغه ..

[بت أم درمان]

كدي تعال ورينا الحكاية

[بت أم درمان]

خليها تفجخ .... ومصيرها بيت ابوها ...

اقعد يالشمشار ولع النيران وبعد داك تكب الزوغه ..

شنو النية الشريرة دي

عارف ياود سمير
في حاجة اسمها خطط مخفية
يعني ممكن جدا الوحدة تعمل بالمثل دا وهوما يكون حاسي بي شي

الحرب خدعة زي ما بقولو

[الشمشار]

جييييييييييينا
لي صديقه جميله جدأ (ماجميله سمحه تتورو علي راجلها ساي وانا براي ماناقص ) و لها من التعليقات الساخره مايجبرك ان تهز كرشك ضحكآ عندما تتصل عليك تليفونيآ او تحادثها عبر الفيس اوالماسنجر او الاسكايب او كل سبل التواصل
قالت لي المثل هذا
الراجل افجخي بصله قبال يبقي اصله
تعليقآ علي حال احدي الصديقات التي عانت مع نسابتها وراجلها الي ان من عليها راجل الهناء بلقب مطلقه
قالت لي صديقتي وهي تتحدث عن صديقتنا المطلقه
فلانه دي مابتسمع كلامي
قلت ليها
الراجل ضل ضحي ماترقدي لي في امان
الراجل املي لي مصرانو بتقودي من اضانو
الراجل افجخي بصله قبال يبقي اصله
الراجل ........ الراجل ..........
وصايا كتيره وانا من قبييييييل بضحك لبلاغه الامثال السودانيه ولانفعال صديقتي الغريب ودفاعها المستميت عن صاحبتنا الطلقوها
وللسان صاحبتي المطلقه المتبري منها ده وجاب ليها الكفاوي
سؤالي الخلاني اكتب البوست ده
هل هذا هو زمن الحريم ؟؟؟؟؟؟
والراجل صحي بقي يملو لي مصرانو ويقودوه من اضانو ؟
ماهو تعليقكم علي ما سردت
وممكن الراجل يبقي اصله بعد كان بصله ؟؟؟؟؟
انا منتظركم دام فضلكم

[بت أم درمان]

ماهو تعليقكم علي ما سردت
وممكن الراجل يبقي اصله بعد كان بصله ؟؟؟؟؟
انا منتظركم دام فضلكم



رأي في الموضوع ان
الحياة الزوجية عبارة عن شراكةعلى الحلو والمر
ومهما حصل بين الزوجين لازم يكون الاحترام متوفر بينهم
اما الراجل البكون بصلة دى طبعا بكون عديم الشخصية
لانه ما وصل للمرحلة دي الا بعد تمادي الزوجة المفترية
وهو في حالة سكوت وخضوع ورضا تام
والنوع دا من البصل ( الرجال ) من المستحيل يرجع ويبقى اصلة
مهما حاول لانه بكون فقد كل هيبته واحترامه

مع خالص تقديري واحترامي

[samia]

فعلا كلامك صحيح بت أمدر ، يعني من أول لقاء بكون في إحترام ،وأقول حتي من التعارف ومش الرجل وبس حتي الأهل بكونوا في فرحة وتقارب شديد وإلفة ومحبة تخليك تتمني تدوم للأبد ، لكن نرجع ونقول كل شئ مكتوب وقسمة ونصيب وماعندنا غير الحمدلله رب العالمين الذى يسمع ويرى

[ودالعمدة]

رأي في الموضوع ان
الحياة الزوجية عبارة عن شراكةعلى الحلو والمر
ومهما حصل بين الزوجين لازم يكون الاحترام متوفر بينهم
اما الراجل البكون بصلة دى طبعا بكون عديم الشخصية
لانه ما وصل للمرحلة دي الا بعد تمادي الزوجة المفترية
وهو في حالة سكوت وخضوع ورضا تام
والنوع دا من البصل ( الرجال ) من المستحيل يرجع ويبقى اصلة
مهما حاول لانه بكون فقد كل هيبته واحترامه
مع خالص تقديري واحترامي

عين العقل يا بنت أم درمان
الشمشار انت زمان ما كنت بصالى عديل !!!

;) ;) ;)

[همسات]

اذا توفر الاحترام والثقه والود
والرغبه الخالصه في مشاركه الشريك حياته
لن يحتاج الزوجين لفعل هذه الاشياء


اعتقد ان مدي الوعي والعقل والتروي
وتقدير كل الامور واعطائها قدرها الصحيح
سيجعلنا نري مثل هذه الامثال تاخذ ماخذ السطحيه



نحن نمشي علي اقدارنا
ولكن يجب ان نمشيها باحترام وبايمان
وان نجعل بصمه جميله في حياتنا
حتي لو قدر الله لنا اشياء لم تكن في الحسبان
الموضوع هام وله محاور كثيره


ولي عوده باذن الله تعالي

اشكرك اخي الشمشار علي هذا الطرح
تحياتي واحترامي

[محمود (أبو وضاح)]

شخصية الرجل هى التى تتحكم فى طريقة التعامل معه سواء كان احتراما أم تجاهلا أو عكننة متعمدة ، ولابد من دراسة الشخصية جيدا قبل الارتباط حتى لا تختلط الأمور وتتعقد من خلال تصرفات تشوه صورة الزوجين خاصة إذا كان بينهما أطفال .

[عنكوليب]

بابا بغسل العدة